 |
رواية مين ميحبش فرحه الفصل الخامس عشر 15 بقلم منه محمدالبارت الخامس عاشر #مين_ميحبش_فرحه ✿ قصص منه محمد كاتب ✿ قبل الحلقه نتفاعل برايكم من فضلكم في المستنشفي الكل موجود وساره كل وشها جروح وكدمات ,ورجليها الشمال ودراعها متجبرين وقاعده ع كرسي بعجل وفي حاله انهيار بتعيط بشكل هستيري فرحه مسكت ايدها وميلت عليها: خليكي هاديه’ ان شاء الله ميدو هيعمل العمليه ويبقي احسن من الاول عصام حط ايده ع كتفها: ساره لازم ترتاحي فرحه طبطبت عليها : ايوه يا ساره انتي قاعده بقالك ساعه ارتاحي شويه ابو ميدو حاضن زوجته الي في حاله انهيار تام وظهره محني شوي وقالها: ارتاحي ياساره انا وامه وعمه رحمي هنا عصام: لما تخلص العمليه هرجعك هنا تاني ساره هزت له دماغها بدموع وعصام دفعها بالكرسي لحد غرفتها فرحه سبقت قبلهم وفتحت الباب وقالت: السلام عليكم يا اهل الدار عصام رد السلام ودخل ساره لحد السرير وقالها: خليني اساعدك ساره: ممكن اساعد نفسي عصام بص لفرحه الي رئكشانات وشها متغيره وساره جايه تتحرك كانت هتقع عصام مسك دراعها: خليني اساعدك ساره: ممكن اعمل ده عصام: مش هتقدري لازم حد يساعدك فرحه بلمت ومنتظره لما تشوف النهايه كان ابسط حاجه يقولها تعالي يافرحه ساعديها انتي لانه في الدين هو مينفعش يلمسها ولا يهتم بيها وعصام لف ايد ساره ع رقبته ورفعها للسرير ورفع رجليها المتجبسه تحت نظرات فرحه الي عيونها كلها جمود وبتهدد بالدموع منتظره تتمرد وتنزل عصام بحنان: ثانيه اعدلك المخده فرحه عيونها رغرغت لما ضمها من وسطها وساره لفت ايديها حوالين رقبته ’وهو بيعدلها المخده ولما بيلمسها مع كل حركه عشان يعدلها كئنه نسي انها موجوده معاه وحاسه في قلبها جمره نار بتحرقها ساره بكت: عصام انا السبب كان لازم اكون مكان ميدو ’مش هو الي يبقي بين الحياه والموت عصام: متفكريش كدا ده نصيب ’هيقوم ويبقي كويس متقلقيش ’ فكري في صحتك حاليا ’وادعيلو ربنا ينجيه منها ساره مسكت ايده جوه ايدها: شكرا انك جنبي فرحه افتكرت المشهد جه قدامها ويتكرر ويتعاد لما ضمته وهي في المستشفي وهي بتقوله عصام اوعي تسبني متحملتش اكتر من كدا وفتحت الباب بندفاع وخرجت بسرعه وعصام اخد باله وساره فرحت جوه نفسها .............قصص منه محمد كاتب............ بعد العمليه دخل عصام يطمن ع ميدو ميدو فتح عينه وبصوت خارج بالعافيه: عصام عصام ميل عليه: حمد لله بالسلامه ميدو بلع ريقه: عصام عصام مسح ع شعره بحنيه : ارتاح دلوقت متتكلمش ميدو بيتكلم بصعوبه بالغه : فين ساره عصام: هجبلك الدكتور لحظه واحده ميدو : عصام ساره فين عصام: كويسه خليك في نفسك انت هجبلك الدكتور يطمنك ميدو فرت من عينه دمعه مقهوره: عصام خد بالك من ساره ارجوك اهتم بيها عصام عيونه دمعت: انت هتقوم وتاخد بالك منها يا ابن عمي ميدو: اوعدني انك هتاخد بالك منها عصام: هاخد بالي منها ممكن تهداه انت هتقوم وتخف ميدو جسمه اتنفض: هسيب ساره بين ايدك اوعدني ياعصام تاخد بالك منها دي وصيتي ليك عصام: اوعدك هنداه الدكتور ورجعلك بسرعه ميدو روحه بتفارقه وبصوت متحشرج : امي ابويا هتوحشوني في نفس اللحظه فرحه راحت المسجد تصلي وحضرت خطبه موبيلها رن قامت وردت: السلام عليكم ايوه يا عصام عصام ببكاء : فرحه ميدو مات فرحه شهقت: انا لله وانا اليه راجعون عصام: انتي فين فرحه: كنت في المسجد حالا جيالك .................قصص منه محمد كاتب............. رجعوا البيت وش الصبح وهناء دخلت تطمئن ع ميساء لقت غرفتها فاضيه وسريرها مرتب هناء طلعت مفزوعه: رحمي الحقني رحمي: فيه ايه مالك؟؟!! هناء قلبها دق برعب: ميساء مرجعتش لحد دلوقت وموبيلها مغلق رحمي بقلق وتوتر : هتكون راحت فين هناء: معرفش انا مكالمها امبارح العصر وكانت في البيت وقالت لي احتمال تخرج وهترجع ع طول فكرتها نايمه دخلت اوضتها ملقتهاش رحمي: هتصل بالقسم ابلغ هناء: وانا هدخل اتصل بأصحابها كلهم رحمي اتصل : صباح الخير يابشا عايز ابلغ عن اختفاء بنتي مرجعتش البيت من امبارح (لقاه ميساء جايه في عربيه) هتصل بيك كمان عشر دقايق انا آسف ميساء نزلت من العربيه ووراها ماهر رحمي بعصبيه: كنتي فين دي اول مره تعمليها انطقي كنتي فين ماهربهدوء وبرود : اسف ياعمي بس امبارح حصلت مع ميساء حاجه غريبه رحمي: حصل ايه ماهر: حاول حد يخطف ميساء رحمي بفزع: ايه يخطف بنتي ميساء انتي كويسه حد لمسك ميساء بتعب واجهاد: انا بخير ماهر: بعد ما اتعشينا سوي وميساء طلعت بعربيتها اتصلت قالت لي ان اربع شباب حاولوا يخطفوها ولحسن الحظ اني كنت جنبها وقدرت اساعدها ويمكن الي حاولوا يخطفوها منافسين ليك في الشغل رحمي: متشكر والحمد لله ان بنتي كويسه ماهر: عمي شوفتني مع بنت في الهيبر رحمي: ايوه ماهر: هي قريبتي وفي مقام اختي الصغير رحمي: فهمت ماهر: عن اذنك ياعمي لازم امشي رحمي: متشكر يا ماهر ماهر: ميساء سلام ميساء مردتش عليه وهو لف وابتسم بفرحه انه وصل لغايته !!!! رحمي: الحمد لله انك بخير امك كانت مزروعه ’ لانك مرجعتيش البيت لوش الصبح ميساء: اسمها مذعوره يا بابا قلتها غلط رحمي: بزمتك ده وقت تصحيح لغويات يله نطلع ع القسم ميساء بذعر: ليه نروح القسم يا بابا رحمي: عشان تدي مواصفات المجرمين ميساء: لاء بلاش خايفه تحصلنا مشاكل المهم اني بخير ورجعت وكمان معرفش اشكالهم كلهم لابسين اقنعه رحمي: يعني الاربعه لابسين اقنعه مفيش واحد منهم فيه اوصاف ملفته توصفيها ميساء هزت دماغها بنفي: لاء هناء خرجت بتبكي بحرقه : ميساء رجعتي رحمي: ايوه اطمني هي بخير ياهناء بس مالك بتعيطي ليه كدا هناء: ميدو مات رحمي فرت دموع من عنيه : انا لله وانا اليه راجعون ..................قصص منه محمد كاتب...... في البلد موقع راس اهل ميدو وتحديدا قبل لحظات الدفن الي كان صعب جدا ع الكل وخصا عصام والوصيه الي علقها في رقبته ناحيه ساره خلته في حيره من امره فرحه راحت عليها بمواساه: شدي حيلك ساره ببكاء: الشده ع الله شكرا انك جيتي يافرحه فرحه: لازم تبقي جامده وقويه ساره بعياط : ادعي لميدو كتير وانتي بتصلي فرحه بطيبه اتكلمت: حاضر و حاولي كل يوم حددي لنفسك ورد قرآن واتكلمي مع ربنا لو لدقيقه واحده هيصبرك ع فراقه و لو احتاجتي اي حاجه اتصلي وبلغيني فورا ساره: خدي بالك من عصام محدش عارف ممكن يحصل ايه بكره فرحه وشها اتغير بضيق: ان شاء الله راجل دخل وقرب من ساره: ساره لازم ارجع ع البيت هبعتلك اختك ع شقتك ساره: متشكره يا بابا الراجل بصلها بجمود وخد بعضه ومشي وساره انهارت ....شويه دخل رحمي وهناء وميساء لواجب العزاء وعصام جري سند امه وباس ايدها رحمي مسك ايدها : اجمدي يا ساره ان شاء الله محنه صعبه وهتعدي هناء طبطبت ع ضهر فرحه وراحت لساره: البقاء لله شدي حيلك ربنا يصبرك ميساء: ربنا يرحمه ويصبرنا كلنا ع فراقه ..............قصص منه محمد كاتب....... بعد روجعهم من الدفنه وواجب العزاء فرحه دخلت والقت السلام ع اهل الدار وراحت عملت مجايين شاي وحطت واحد قدام عصام الي ماسك صوره ميدو عصام بصلها بحزن شديد: مكنتش متوقع ده ابدا حصل بسرعه كبيره فرحه: قدر الله وماشاء فعل ده عمره ودي ساعته واراده ربنا والموت حق عصام: ايوه عارف وساره مسكينه فرحه بمغزي : ايوه بقت ارمله وحيده ’اتمني تلاقي شريك لحياتها بسرعه عصام بصلها بحده: هي مش بتفكر في ده حاليا فرحه رفعت حاجب : وانت عرفت منين عصام ارتبك: هي لسه في حداد لسه دافنه جوزها هيبقي فيها دماغ تدور ع زوج جديد فرحه ربعت ايدها وسألته : عايز تبقي معاها عصام استغرب اوي : قصدك ايه؟؟!! فرحه: يعني هي بقت وحيده حاليا مين عارف عصام بتنهيده طوويله : الموضوع مش ابقي معاها هي فعلا وحيده بالكامل فرحه :لاء هي عندها ابوها واختها عصام بهدوء: فرحه علاقه ساره بأبوها متوتره للغاية 'ساره سابت له البيت من وهي في اولي ثانوي لانه كان عايز يطلعها من التعليم ويجوزها لراجل غني واكبر منها هي رفضت وهربت منه وكملت ودخلت الجامعه ع نفاقتها الخاصه 'كانت بتشتغل الصبح في الكليه وبالليل في فندق وشغلها بالليل كان خطر عليها جدا واختها سلمي عندها 12 سنه يعني طفله حاليا هي بالعربي وحيده' ابوها اتبرء منها وميدو اتوفي فرحه ضمت حواجبها بقهره : ده انت عارف عن ساره اكتر ما عارف عن مراتك عصام بعلامه استفهام : بتلمحي لـ ايه يافرحه فرحه بغضب: انك مش صريح معايا افتكر احنا قطعنا عهد نبقي صرحا ولا يمكن تكدب عليا لـ اي سبب عصام: عارف فرحه: بس خد بالك لمسك ليها حرام شرعا ’ وانا عشان مقدره الظروف كنت لازم ابقي في قمه الاحترام فسكت ’و بسألك تاني عايز تبقي معاها عصام بصلها وسكت وهي زقت الماج وعطته نظره وقامت من قدامه وهي قلبها بيوجعها ودقاته بتوجعها جدا ومش عارفه تعمل ايه بس الي متاكده منه ان موت ميدو هيعكر عليهم صفو الحياه؟؟!! .............قصص منه محمد كاتب............. في عياده دكتوره النساء عندهم استشاره طبيه والدكتوره طمنتهم جدا ان كله ماشي طبيعي وانه ممكن يحصل حمل بسلاسه في فتره التبويض ’’خرجوا وفرحه راحت تركب عربيتها عصام جري ومسكها من دراعها: فرحه ليه بتتصرفي كدا حياتي فرحه بصتله بتهكم: قصدك ايه اني بتصرف كدا؟! عصام بهدوء: بتبعدي عني ’ومش طايقه لمستي ناحيتك ’احنا المفروض بنتبع برنامج عشان الحمل ومش عايزه تكلميني حتي انا جيت في عربيتي وانتي في عربيتك فرحه: مش قادره اركب معاك نفس العربيه عصام: والله العظيم لما لمستها ماكان في دماغي اي حاجه الا المساعده لظروفها يابنتي انتي بالنسبه لي كل حاجه انا مش عايز المس واحده غيرك واظن اتأسفتلك كذا مره فرحه: وانا سامحتك بس حرفيا مش قادره اتعامل معاك واركب جنبك سلام ياعصام عصام برجاء: فرحه فرحه ركبت وحركت العربيه واختفت من قدامه وهو قرر يراضيها لانه مقدر زعلها!! الفصل السادس عشر من هنا |
تعليقات
