 |
رواية وحوش الارض الفصل الخامس عشر 15 بقلم منهالبارت الخامس عشر. رواية وحوش الارض بسم الله.. الكل كان منهار حرفيا.. الدكتورة خرجت من عند احلام.. عماد قرب منها خير ي دكتوره الدكتورة : الصراحه المدام عقلها مش راضي يستجيب و تقوم هي مستسلمه تماما.. انا عملت اللازم و هي حاولي ساعه بالكتير و هتفوق. عماد هز راسه و مقدرش يتكلم.. ايهاب كان حزين من قلبه لانه مر بنفس اللي ياسين مر بيه فقدان شخص عزيز صعب اوي.. ياسين و ياسمين و جاسر دخلوا لهالة. ياسمين داخله و مش مصدقه ان دي اخر مره هتشوف فيها امها اللي ربتها اللي كانت معاها ف كل لحظه ف حياتها.. امها اللي كانت معاها دايما وبتدافع عنها ف كل حاجه بتخاف عليها من الهوا اللي بيلمس خدها.. و ياسين داخل و رجله مش شيلاه و بيفتكر لما كان بيقوم من النوم يلاقيها مجهزه الفطار و باحلى ابتسامه تقول صباح الخير.. و اول ما يرجع من الشغل بسرعه تروح تطمن عليه.. ياسين غمض عيونه بوجع الدنيا.. و قرب منها وباس ايديها و كان جسمه كله بيترعش.. جاسر مقدرش يدخل فضل واقف ع الباب و ياسمين دخلت حضنت هالة جامد و كأنها بتحاول تشبع منها لكن مستحيل 💔.. الممرضه اجت : يلا ي حبيبتي مينفعش كده الله يقويكِ ياسمين مسكت ف هالة اكتر : لا مش هسيبها.. لا مش هتاخدوها مني الممرضة بتحاول تقومها .. ياسين قرب من ياسمين و حط ايده ع ضهرها بحنيه : يلا يا حبيبتي.. الوقتي المفروض نكرمها و ندفنها و نوديها لبيتها الجديد و ندعيلها مش نعذبها.. ياسمين بصتله بدموع : عايزني اسيب ماما 🥺.. ياسين : ماما كانت طول عمرها بتحبنا و مش بتحب تشوفنا زعلانين.. عملت علشانا حاجات كتير اوي ف بلاش نزعلها الوقتي.. ياسين كان بيتكلم و بيحاول يهدي اخته و هو ف قلبه نار.. ياسين شال ايد ياسمين من ايد هالة .. ف نفس الوقت.. احلام قامت و كانت بتصرخ جامد.. الدكتورة اجت و حاولت تديها حقنه مهدئ لكن احلام رفضت و سابتها و راحت عند هالة. الممرضه قربت علشان تغطي وش هالة.. دخلت احلام بسرعه و رغم ان كانت رجليها مش شيلاها من كتر التعب.. احلام : ا.. انتي بتعملي اي استني الممرضه طنشتها لانها عارفه ان لو فضلت تتعاطف معاهم مش هيسبوها. احلام راحت بسرعه و زقتها بعيد و الممرضه اتخبطت ف الكرسي و وقعت عليه.. احلام بسرعه قربت من هالة و مسكت ايديها و ايدها التانيه ع خدها : هالة.. قومي يا هالة ده انا عايزه اقولك حاجات كتير.. ده انا كنت جايه علشان اترمي ف حضنك زي العيله الصغيرة.. طب اقولك حاجه انا جبتلك الشنطه اللي كنتي عايزاها.. اه والله جيتهالك قومي وانا هجبلك بدل الواحده 1000... قومي بقا و باست ايديها و فلتت منها و نزلت جنبها بدون قيود.. احلام عيطت : لااا.. لا انا ملحقتش اشوف فرحتها برجوعي لاااا.. الممرضه قومتها غصب و احلام كانت منهاره و الكل كان بيعيط و موقف احلام اثر ف الكل حتى الدكتورة. بعد شوية وقت جاسر استلم تصريح الدفن و صلوا الجنازه و بعدها الكل رجع بيته الا ياسين و ياسمين و جاسر و احلام و عماد و اولادهم و وعد و ايهاب و كان خالد موجود و مشى.. جاسر : ربنا يرحمها و يغفرلها يارب.. عماد : يلا ي احلام انتي تعبانه يلا نرجع البيت علشان ترتاحي.. احلام : مفيش راحه بعد اختي.. اختي كانت راحتي و اماني و مأمني و كانت امي و اختي و بنتي.. عماد اخدها من ايدها : احلام.. انتي عارفه ان دي نهايتنا كلنا.. يعني احنا ضيوف ف الدنيا دي احنا اتخلقنا علشان نعمر الارض مش نخلد فيها.. واحنا لازم نصبر و منعترضش ع حكمة ربنا و ارادته.. ربنا لو كان كاتب ليها عمر اطول من كده مكنتش ما.تت بس ده عمرها.. احلام : عماد.. ا. انا مش معترضة ع حكمة ربنا بس اختي ي عماد 🥺💔 عماد : ادعيلها بالرحمه.. و بعد محاولات اخد احلام و هاني و مالك و مليكه و رجعوا البيت.. وعد كانت قعدة و ساكته تماما بدون كلام و لا عياط و لا حتى دموع.. ايهاب : يلا ي وعد اوصلك الفيلا و انا ماشي.. وعد : اسفه ي ايهاب.. انا مش هقدر اسيب عمو جاسر و ياسين و ياسمين.. دول كلهم عملوا معايا كتير اوي و انت عارف ده كويس جه الوقت اللي ارد اللي عملوه معايا.. ايهاب : انا مقولتش انك تسبيهم لوحدهم.. بس ارجعي الفيلا و ابقي معاهم ع تواصل و ابقي روحي عندهم وقت العزا.. لكن مينفعش انك تنامي هناك تاني.. الاول كانت طنط هالة موجوده و انتي كنتي مضطرة لكن دلوقتي لا. وعد : وانا يا ايهاب مقولتش اني هنام معاهم.. بس انا هقضي معاهم اليوم الكل محتاج عناية.. ايهاب : تمام.. وانا هبقا معاكِ ع تواصل بقلمي منة ضياء♡ ياسمين قعدة و عيونها ع قبر امها و دموعها نازله.. ياسين حاول يبقا اقوى علشان يقدر يقويها.. ياسين : يلا يا ياسمين.. نرجع الفيلا.. ياسمين قامت و حاسه ان قلبها و روحها مش معاها.. الكل رجع بيته و وعد راحت معاهم الفيلا بتاعتهم.. ايهاب رجع الفيلا بتاعته بس هيرجع ليهم تاني هو لازم يوقف مع صاحبه.. و هو ف الطريق مروة رنت عليه.. ايهاب : الووو.. مروة : انت فين ي ايهاب.. انت ناسي ان الخطوبة انهاردة.. انت اختفيت فين. ايهاب باحباط : مفيش خطوبة ي مروة. مروة : نعم؟! ليه اي اللي حصل. ايهاب : لما اجي هفهمك كل حاجه.. و قفل معاها.. مروة فضلت راحه جايه ف الاوضة بحيرة : معقول تكون رجعت رفضته؟ لا دي بجد تبقا مجنونه.. و بعد و قت بسيط وصل ايهاب.. ايهاب : مروووة.. مروة كانت نازله ع السلم بتجري لكن رجليها فلتت و وقعت كل السلم. ايهاب وقف مكانه اتجمد من المنظر.. مروة وقعت و جسمها اتفرد ع الارض و دراعها تحت راسها : ااااااه. ايهاب جرى عليها و رفعها و كان قلبه بيدق بخوف و شاف د.م ع الارض قلبه و قع حرفيا.. سندها ع كتفه و شال شعرها و شاف دماغها لقى د.م كتير حط منديل بسرعه و مروة كانت بتصرخ من الوجع.. ايهاب بيرفعها علشان يشتلها و ياخدها للدكتور... مروة: اااه.. دراعي ايهاب حاول يشيلها بالراحه و قعدها ف العربية و طار بيها ع المستشفى.. _______ ايهاب دخل بيها المستشفى بسرعه.. و الدكتورة بسرعه راحت تكشف عليها.. ايهاب كان قاعد بره ع نار حرفيا عايز يطمن عليها. و بعد وقت طويل الدكتورة ندهت عليه و هو راح بسرعه.. الدكتورة : انا خيطت ليها راسها.. و عملت ليها اشاعة و طلع ف كسر ف دراعها اليمين و رجليها الاتنين.. ايهاب بص ع مروة بزعل : اعملي اللازم ي دكتورة.. و بعد شوية وقت ايهاب اشتال مروة و راح بيها ع البيت.. _____ بعد مرور اسبوع.. هقول بسرعه الاسبوع ده كان ماشي ازاي. وعد كانت دايما مع ياسمين و ياسين.. و بترجع الفيلا يتاعتها اخر اليوم... ايهاب كان مهتم بمروة و كان بيسيبها لما تكون واحده من الشغالين معاها و هو يروح الشركه و هو راجع يعدي ع ياسين يقعد معاهم و لو محتاجين حاجه يجيبها.. ياسمين مش قادرة تتعايش مع البيت بدون امها.. و ايهاب كان بيحاول يكون هو القوي علشان يقويهم.. جاسر كان حزين من قلبه ع مراته و حبيبته اللي كانت منورة حياته. احلام صورة اختها مش مفارقه عيونها و قلبها.. هي و ولادها مع ياسين ف الفيلا و بيرجعوا بيتهم اخر اليوم.. ف الوقت الحالي........ ____يتبع.. اتكلمت بخنقه و زهق : مانا لو عارفه امشي كنت مشيت من وشك.. دمتم ف امان الله و رعايته.. الفصل السادس عشر من هنا |
تعليقات
