 |
رواية وحوش الارض الفصل الثالث عشر 13 بقلم منهالبارت الثالث عشر.. رواية وحوش الارض.. بسم الله.. وعد قعدة و حاسه ان كل حاجه ضاعت من ايديها تاني و قد اي هي بقت وحيده.. هي مكنتش تتمنى ان يكون ف خلاف بينها و بين ياسين.. قامت بزهق وراحت و قفت عند الشباك وقالت لنفسها بحزن : انا منسيتش يا ياسين انك وقفت معايا ف اكتر وقت كنت محتاجه فيه اي حد يكون جنبي.. انا منسيتش انك خلصتني من اكبر كابوس و شر ف حياتي و لو فضلت اشكرك عمري كله مش هيجي جزء صغير جنب اللي انت عملته.. بس انت دوست ع سمعتي انا مش هقدر اسكت.. واخدت نفس عميق و كملت و هي سرحانه : ليه تخليني اندم اني لجأت ليك ف يوم من الايام ليه؟!! وقعدة ع السرير تعيط بكل حزن.. ايهاب راح الشركه علشان يبدا شغله لانه فعلا الفترة الاخيرة اهمل ف شغله جداا. دخل الشركه و هو مش مركز كل تفكيرة ف ان وعد كدبت عليه و كانت داخله الشركه جسو.سه تنقل الاخبار.. دخل مكتبه قلع جاكت البدله وقعد و مسك راسه بتعب من كتر التفكير.. طلب قهوة و بدا يشوف شغله.. دخلت مساعدة ياسين اللي اشتغلت مكان وعد و كان اسمها مي : مستر ايهاب.. اتفضل ده الملف اللي استاذ خالد اشتغل عليه فترة غيابك. ايهاب : تمام حطيه عندك.. مي : واتفضل الملف ده متسجل فيه كل حاجه عن الماكينات اللي المصنع هيحتاجه و كمان التكاليف متسجله فيه.. ايهاب رفع ايده علشان ياخد منها الملف و كانت القهوة ع المكتب.. مي ماخدتش بالها من ايد ايهاب.. وسابت الملف ع المكتب و بدون قصد وقعت القهوة ع المكتب.. ايهاب وقف بعصبيه : انت غبيه!! مي شهقت لان القهوة وقعت ع بعض الورق اللي كان ع المكتب.. مي بسرعة بقيت تشيل الورق و حاولت تنقذ ما يمكن انقاذه.. مي : اسفه.. اسفه بجد مكنتش اقصد و بتشيل الورق و كان ف ورق كتير وقع عليه القهوة و مش باين ليه ملامح.. ايهاب بعصبية اللي مش قادر يسيطر عليها : برا.. مي : استاذ انا.. ايهاب بصوت عالي : انا قولت اطلعي برا.. اي ما بتسمعيش.. مي اضايقت من صوته العالي و دموعها نزلت : و الله مكنتش اقصد. ايهاب بنفاذ صبر : اطلعي برا ي مي و ياريت تاخدي حسابك و معتش تيجي الشركه. مي سابت الورق اللي ف ايدها ع التربيزه و خرجت و هي بتعيط.. ايهاب بضيق : فينك ي وعد كنت بتاخدي بالك من كل كبيرة و صغيرة.. ايهاب اتصل ب عبير السكرتيرة.. عبير دخلت ع طول.. ايهاب : عبير عايزك تساعديني ف جمع الورق ده و الورق تاني اكيد ف منه نسخه تانيه صح و لا اي؟! عبير : فعلا ف من الورق نسخه تانيه. ايهاب : تمام كويس.. بسرعه يلا مش ناقصين عطله. عبير شالت الورق و نضفت المكتب و جابت النسخه التانيه من الورق و كل حاجه بقيت تمام و رجعت زي الاول.. ايهاب : معلش ي عبير عايزك تساعديني هنا لان الانسه مي توقفت عن العمل ف الشركه.. عبير بدون دخول ف تفاصيل : تمام.. انا تحت امر حضرتك.. ايهاب و عبير كملوا شغل و ايهاب طلع طاقته و تفكيره كله ف الشغل و تقريبا قدر يعوض اي تاخير منه ف الفترة الاخيرة.. ياسين خرج من الشركة بعصبية وراح عند وعد.. ياسين ركن العربية ع جنب : ادخل اشوفها ماجتش الشركه ليه؟! بس افتكر لما شكك ف صدقها ف الشغل.. نفخ بخنقه و مسك فونه و لسه هينزل من العربية فونه رن باسم ياسمين اخته.. ياسين رد ع طول : الوو.. ياسمين : الحقني يا ياسين.. احنا ف مستشفى**تعالي بسرعه.. ياسين قلبه اتقبض : ياسمين اهدي ف اي و مين اللي ف المستشفى.. ياسمين بعياط : ماما يا ياسين تعالى بسرعه.. ياسين : ماشي.. ماشي دقايق واكون عندك متخافيش كله هيبقا تمام و قفل الفون و طار ع المستشفى. ف المستشفى 🙂.. ياسمين قعدة بتعيط و جاسر قاعد جنبها و بيحاول يهديها.. وبعد شوية وقت وصل ياسين و دخل بسرعه و كان ماشي ف الطرقه بيخبط ف الناس.. الدكتور خرج.. جاسر جرى عليه : طمني ي دكتور مراتي مالها.. الدكتور : للاسف المدام طلع عندها مشكله ف القلب و الظاهر انها من فترة كبيرة جدا بس للاسف هي حالتها مش كويسه خالص و هنضطر نعملها عملية.. جاسر : تمام اعمل اي حاجه المهم تكون كويسه.. الدكتور احنا هنجهزها انهارده للعملية و بكرا هتدخلها ان شاء الله.. و اتفضل معايا علشان تمضي ع تقرير العملية.. جاسر بحزن : تمام.. وراح معاه. ياسين كان واقف مكانه و مش قادر يتحرك.. ياسمين شافته و جريت عليه حضنته و هي بتعيط. ياسين : بس يا ياسمين بس اهدي مفيش حاجه.. ماما كويسه و اكيد دي عملية بسيطه. ايوه اكيد. طلع ياسمين من حضنه و مسح دموعها و حاول يمشي و راحوا قعدوا .. ياسين : هو اي اللي حصل يا ياسمين.. ياسمين : الصبح بعد ما انت مشيت كنت قعدة انا و ماما كالعادة .. فلاااش بااك. ياسمين و هالة كانوا قعدين كالعادة قدام التلفزيون.. هالة قامت فاجاه : ياسمين انا هطلع اريح شوية ف اوضتي فوق .. حاسه اني تعبانه شوية ممكن اكون منمتش الوقت الكافي.. ياسمين بقلق: مامي هو انتي تعبانه فيكي حاجه.. حاسه ان ملامحك متغيره انهارده.. ابتسمت هالة بتعب : لا ي حبيبتي انا كويسه متكبريش الموضوع عارفاكِ بتقلقي من كل كبيرة و صغيره. ياسمين قامت باستها من خدها : لو مقلقتش عليكِ هقلق ع مين يعني.. ربنا يديمك ي ست الكل. هالة بحب : ربنا يديمكم انت واخوكِ وابوكِ احلى نعمه ف حياتي يارب ياسمين : يارب.. هالة طلعت اوضتها و ياسمين قعدة تكمل المسلسل. بعد حوالي ساعه.. ياسمين طلعت تشوف امها نامت ولا لسه صاحيه بس اتصدمت لما شافتها وقعه ف الارض فقدة الوعي.. صرخت ياسمين و طلعت سعاد ع صوتها و اول ما شافت هالة ضربت ع صدرها بخضه : ست هالة.. ياسمين : داده سعاد ساعديني بسرعه.. و حاولوا هما الاتنين و طلعوها ع السرير.. ياسمين اتصلت ع جاسر و بلغته.. وسعاد كانت بتحاول تفوف هالة لكن معرفتش. وبعدها جاسر اجى اخدها ع المستشفى.. باااااڪ. ياسمين بحزن : ده اللي حصل.. ياسين : طب اهدي ان شاء الله هتبقا كويسه.. بعد شوية وقت رجع جاسر و الدكتور.. ياسين : لو سمحت ي دكتور هو انا ممكن اشوف امي. الدكتور : للاسف حالتها مش كويسه ف من الاحسن محدش يدخل عليها. ياسين : دقيقه واحده مش اكتر الدكتور : تمام دقيقه واحده بس.. ياسين دخل و كانت ياسمين معاه.. كانت هالة فايقه و حاولت تبتسم اول ما شافتهم.. ياسمين مش قادرة تمسك دموعها.. ياسين قرب من هالة ياسين : كده يا امي.. ليه مقولتيش انك تعبانه من بدري ليه استنيتي ع تعبك و وجعك ليه.. هالة بتعب : بس.. يا. ياسين. انا. كويسه. و. هبقا. تمام.. ياسين باس راسها : يارب يا امي.. ياسمين قربت منها و باست ع ايديها و مكنتش قدرة تنطق ولا كلمه.. الممرضة دخلت : معلش ي جماعه اتفضلوا لان مينفعش حد. يبقا هنا معاها.. ياسين تفهم الامر واخد ياسمين و خرجوا.. _______ بقلمي منة ضياء. بعد ما ايهاب خلص شغل روح البيت.. مروة كالعادة كانت قعدة مستنياه علشان ياكلوا مع بعض.. بس ايهاب دخل ع طول من غير ما يسلم عليها حتى.. و هي استغربت ده ايهاب دخل قعد ع الركنه ع طول. مروة بقلق راحت عليه : ايهاب هو ف اي مالك انت كويس.. ايهاب : انا مش كويس خالص ي مروة انا بجد تايه و تعبان.. مروة بقلق مسكت ايده : ف اي يا ايهاب.. ايهاب بحزن بدا يحكيلها كل اللي وعد قالته.. مروة : بس هي بتقول انها ضحيه.. معنى كده انها مكنتش بتعمل ده بارادتها.. ايهاب : مش عارف ي مروة بجد مش عارف.. مروة : مش عارف اي؟!! ايهاب احكم عقلك كده و فكر كويس و انت اكيد شوفت من ملامحها هي صادقه ف كلامها ولا لا.. ايهاب : هي حقيقي صادقه بس مش عارف بجد اتصرف. مروة : فكر مع نفسك و اعمل اللي عقلك و قلبك يدلوك عليه. ايهاب قام اخد فونه و مفاتيحه و راح عند وعد.. ايهاب لنفسه : انا مش هسيبها علشان حاجه من الماضي.. ايوه مش هسيبها. ايهاب وصل عند الفيلا بتاعت وعد.. وعد كانت لسه صاحيه من النوم لانها من كتر التفكير و العياط نامت.. ايهاب دخل الفيلا و الامن حاول يمنعه. ايهاب : طب بلغها ان ايهاب موجود و عايز يقابلها.. فعلا واحد من الامن بلغ واحده من الشغالين يبلغوها.. و ايهاب دخل جوه. وعد اول ما عرفت قلبها دق بقوه : معقول يكون جاي علشان يشمت فيا؟!! اخدت نفس عميق و نزلت و هي مستسلمه للامر الوقع.. كانت نازله ع السلم و شايفه ايهاب و هو واقف قدامها وايديه ورا ضهره و ملامحه جامده و جديه.. نزلت واول ما قربت منه و كانت لسه هتقوله اي اللي جابك.. هو نص قدامها ورفع بوكيه ورد : للمره التانيه بقولك تقبلي تتجوزيني.. وعد :..... ايهاب هو لسه ع نفس وضعه : بقولك تقبلي تتجوزيني.. وعد انا عايزك زي ما انتي و اوعدك اني هحارب بيكِ و ليكِ العالم كله و هحاول اعوضك عن اي حاجه انت مريتي بيها. وعد غمضت عيونها و فاجاه اجت صورة ياسين قدامها فتحت عيونها بسرعه.. ايهاب : هااا.. قولتي اي وعد افتكرت لما قالت انها هتديله فرصة.. مدت ايدها واخدت منه الورد بابتسامه بسيطه.. ايهاب من الفرحة و مش مصدق قام وقف و ضحك ببلاها : اي ده انت اخدتي الورد ههههه يعني انت موفقه؟! وعد ابتسمت و هزت راسها : ايوه موافقه. ايهاب : ا.. انا بجد مش مصدق.. طب بصي هقولك بكرا الخطوبه و الفرح ف الوقت اللي انتي عايزاه.. وعد بصدمه : نعم؟!! بكرا اللي هو ازاي يعني.. ع طول كده و من غير ما حتى والدك يعرف. ايهاب : متقلقيش انا قولت لوالدي ف الطريق قبل ما اجي.. و الحفلة و الفستان و الميكب و كل ده ف مكالمه مني كل حاجه هتكون بين ايديكِ.. اي رايك وعد باستسلام : تمام عادي مش هتفرق. ايهاب : ماشي انا هروح اظبط كل حاجه الفستان بكرا الصبح هيكون عندك.. كمان الميكب ارتست.. وعد : تمام.. بس حفلة الخطوبه هتكون فين.. ايهاب : هتكون ف قاعة و قبل ما يكمل كلامه وعد قطعته.. وعد : انا عايزه الحفلة تكون عندي ف الفيلا هنا.. ايهاب : هنا ي وعد؟! وعد : اي المشكله الفيلا كبيره و اظن ان التصميم بتاعها كويس.. ايهاب : تمام ي وعد اللي يريحك.. يتبع.. الدكتور خرج من العمليات بكل حزن :.... 😁😁😁😁🙆🏻♀️ الفصل الرابع عشر من هنا |
تعليقات
