رواية الحب الضائع الجزء الثاني الفصل الثالث عشر
_________________________________
يارا : صحيح الكلام ده يا محمد
محمد : ايوة ومردتش اتكلم بس اللى حصل امبارح خلانى اتكلم
يارا : طب افرض فيه ناس غيرهم هتعمل ايه
محمد : ربنا ييسرها بقا ، بس مظنش اللى موجود هيبقى اخطر من اللى فات
يارا : ازاى مش اخطر ، دول كانوا هيفجروا القاعة بكل اللى فيها ، يعنى كان زمانا ميتين كلنا دلوقتى
محمد : سيبك يا يارا يلا نخرج ، تعالى نروح اي حتة
يارا : حاضر
محمد : البسى عقبال ما البس واكلم حسام اشوفه عمل ايه
يارا : طيب
_______________
حسام : تفسيرك ايه يا اكرم
اكرم بصدمة : محمد قدر يسافر للمنظمة ومقرهم وقدر يقتل رئيسها ويقتل كل اللى فيها !!!!
حسام : ايوة ، شوفت
اكرم : ده كان ممكن مايرجعش
حسام : ماهو اتصاب برصاصتين بس الحمدلله قام ، قولى بقا ايه تفسير اللى لقيناه فى قاعة الفرح
اكرم : التفسير ان محمد ماقتلش رئيس المنظمة زى مانت بتقول
حسام : نعم !!! ، ده ضربوا 4 رصاصات ومات فعلا
اكرم : ما يمكن مش هو رئيس المنظمة الل قتله ده
حسام : مش رئيسها !!!!
اكرم : الناس دى حريصة جدا جدا جدا ، رئيس المنظمة زى مانت بتقول مش هيظهر نفسه لحد غريب و اللى خلانى اقول كدا لان حتى لو اتبقى رجالة من المنظمة مش هيعملوا كدا ، بالعكس دول هيهربوا انما الرئيس هو اللى يأمر الاشخاص يعملو كدا
حسام : يعنى افهم من كلامك ان لسة المنظمة ماتقضاش عليها
اكرم : عندك تفسير غير كدا !!!
رن هاتف حسام برقم محمد
حسام : ايوة يا عريس عامل ايه
محمد : تمام يا حس بس قولي عملت ايه مع الواد
حسام : ماعترفش بحاجة بس انا قاعد مع اكرم
محمد : وقالك حاجة !!!!
حسام : بيقول معنى كدا ان رئيس المنظمة الحقيقى ماتقتلش وموجود فعلا
محمد : ازاى
حسام : يعنى اللى قتلته مش رئيس المنظمة ، ممكن يكون دراعه اليمين ، مش عارف
محمد : امممم ماشى يا حسام ، يبقى يحلها ربنا ، سلام
حسام : سلام
___________
طارق : عندك حل نشيل التلج اللى مغرق البيت ده
تامر : لا مش عارف، مالها ممطرة النهاردة جامد كدا ليه
طارق : يوووه طب هنشتغل ازاى
تامر : طب اصبر انا هتصرف
طارق : هتعمل ايه !!
تامر : هات اي حاجة ، طبق او حلة وتعالى معايا
طارق : يادى النيلة
تامر : اخلص يا طارق ، علشان لما اقولك نركب فوق الكوخ ده حاجة تمنع التلج ينزل تبقى تسمع كلامى
طارق : يعنى انا هعرف منين ان هيحصل عاصفة كدا والتلج يغرق المكان
تامر : يابنى انت عايش فى المانيا مش فى مصر ، افهم
طارق : حاااضر حااااضر ، امرى لله
________________________________
رامى : ايه اخبار الشغل يا فارس
فارس : التقارير كلها اهى يا فندم بس فيه حاجة
رامى : ايه
فارس : المسؤول عن تمويل مشروع الساحل سحب تمويله ورفض يبقى معانا
رامى : ازاى يعنى ، هو لعب عيال
فارس : انا استنيت حضرتك تيجى علشان تشوف الحوار ده
رامى : طيب روح وانا هتصرف
فارس : حاضر يا فندم
____________________________________
محمد : ايه رأيك فى الفيلم
يارا : حلو بس كله قتل واكشن ودم
محمد : دى اكتر حاجة حلوة فيه يابنتى ، هو فيه احسن من الاكشن
يارا : طيب ممكن طلب
محمد : طلب واحد بس ، اطلبى الف طلب يا قلبى
يارا : عايزة اروح الملاهى
محمد : ماشى يا طفلتى ، يلا نروح الملاهى
يارا بفرحة : بجد
محمد : امال ايه يلا بينا
ذهبوا الى الملاهى
محمد : عجبانى اوى اللعبة دى ، يلا بينا
يارا بخوف : لا لا ده ممكن اموت لو ركبتها
محمد : انتى معايا يعنى ماتخاافيش
يارا : ما بلاش
محمد : لا لا هنركبها
يارا : افتكر انى قولتلك بلاش
ركب محمد و يارا تلك اللعبة وانطلقت وصرخ محمد من الرعب وكانت تضحك يارا
محمد : هموووت ، دووووخت
يارا : هههههههه دى جميلة اوى
محمد : لااااااا لاااااا هموووت
يارا : ايه يا حضرة الظابط ، بقا فيه ظابط راعب المجرمين يصوت ويصرخ كدا من لعبة
محمد : مش خايف بس دااايخ
يارا : عليا انا الكلام ده ، مانا قولتلك بلاش
محمد : حقك عليا ، انا غلطان انى قولت نطلعها ، انا غلطااااان
يارا : ههههههههههه طب بص انسى وماتبصش تحت وبصلى ومش هتدوخ
نظر محمد لها ونسى نفسه وغرق فى سحر عينها وظل مبتسما
يارا : ايه بتبصلى كدا ليه
محمد : انتى جميلة كدا ازاى
يارا بكسوف : طب بص تحت بقا
محمد : لا مش انتى قولتى ماتبصش تحت علشان ماتدوخش ، ادينى بصتلك انتى بس المرة دى دوخت فى عنيكى يا قلبى
يارا : بحبك
محمد : عاااااااا بموت فيكى ، وقف يا عم البتاعة دى هموووت
_____________________________
مى : طب ايه اللى حصل تانى
ملك : ابو رجل مسلوخة مسك الساحرة لكن هى جريت منه وراحت المدينة فضلت تخرب فيها
مى : يالهوى وبعدين
ملك : جه ابو رجل مسلوخة ومسكها من شعرها وفضل يضربها والناس ساعدوه وسجنوها
مى : بس ازاى ابو لجل مسلوخة طيب مع انه شرير
ملك : طب ما محمود المليجى كان طالع شرير فى كل افلامه وطلع طيب فى فيلم الارض
مى : مين محمود المليجى ده
ملك : ياااه دى حكاية طويلة ، تعالى نعمل نسكافيه ونيجى
مى : ماشى
___________________________________
خبط باب شقة شريف الذى هرب ويعيش فيها فقام وفتح ولكن وجد شخص يحمل مطواة فجرى الى الداخل فجرى وراءه
وقع شريف وسأل الشخص : انت مين !!
- الباشا بيسلم عليك وبيقولك خد دى
وقتله وخرج يجرى خارجا وبقى شريف ينزف فى دمائه فى الارض
______________________
محمد : ايه رأيك بقا يا ستى
يارا : تحفة اوى بس ماكنتش اعرف انك خواف اوى كدا
محمد : مش خواف هى اللعبة رخمة اصلا
يارا : مش انت اللى قولت عجباك
محمد : كان بقا
يارا : طيب عايزة ايس كريم
محمد : من عينى ، يلا بينا على احسن محل ايس كريم فى مصر
يارا : بتحبنى يا محمد
محمد : كلمة بحبك دى قليلة ، انا بموت فيكى، بعشقك
__________________
تامر : شوفت بقا اتحلت ازاى
طارق : عااش ، ماكنتش اعرف انك بتشغل دماغك كدا يابنى
تامر : واحد جاى هربان من قرف مصر عايزه يفكر ازاى
طارق : بس بردو المشروع لسة صغير ومحتاج شغل جامد
تامر : هنكبره وهنفتح مول كبير كمان ونبيع كل حاجتنا فيه ونبقى حاجة يابنى
طارق : ياريت والله
تامر : ان شاء الله
_________________________________
- تمام خلصت يا باشا
• برافو عليك ، يلا بقا علشان الجد
- امرك يا باشا
• عايزك تروح بيت الظابط بس خد معاك احسن رجالة
- هنقتله !!
• لا عايزكم تضربوا نار فى الفيلا وتبهدلوها علشان يعرف اننا لسة موجودين
- طب والحرس
• مفيش حرس دلوقتى ، مشى الحرس من ساعة ما قتل رجالتنا هنا
- تمام يا باشا اعتبره اتنفذ
• بس بسرعة علشان هو مش موجود دلوقتى ، لازم قبل ما يرجع بس مش عايز نقطة دم ، فااهم
- تمام يا باشا
____________________________________
كانت مى تلعب مع ملك ويمزحان فحدثت المفاجأة
دخل رجال يحملون الرشاشات من اسفل ويضربون النيران فى كل مكان ويرفعون سلاحهم الى اعلى ويطلقون والبعض الاخر يكسرون كل شئ
صرخت ملك بفزع ولكن قامت مى تجرى الى السلم فنادتها ملك وهى تجرى وراءها فجاءت رصاصة فى جسد مى فوقعت واحتضنتها ملك وصرخت وصل رامى فى تلك اللحظة ووجد 5 اشخاص يطلقون النار فى الفيلا فرفع سلاحه الذى يحمله دوما
ودخل فوجد ملك تجلس على السلم وتحتضن مى فأطلق النار على واحد ثم الاخر ثم الاخر فبقي اثنان واختبأ وراء الحائط وظلوا يطلقون النار على رامى وهو يختبئ فلف واطلق النار ووقع شخص اخر وتبقى واحد وهو الشخص الذى ارسله رئيس المنظمة
رامى : اطلع يابن *****
- عندى تعليمات ماقتلش حد بس انت اللى اضطرتنى وخرج وظل يضرب برشاشه وجاء رامى ليطلق النار تفاجئ ان سلاحه لم يعد فيه رصاص وفرغ بسبب عدة الطلقات التى اطلقها وهو يختبئ
ملك وهى تصرخ : حاااااسب يااا راااامى !!!!!!
____________________________________________________
____________________________________________________
