 |
رواية مين ميحبش فرحه الفصل الثالث عشر 13 بقلم منه محمدالبارت الثالث عشر #مين_ميحبش_فرحه ✿ قصص منه محمد كاتب ✿ عصام رجع البيت ودخل: السلام عليكم فرحه رفعت عيونها عن الاب توب وراحت عليه اخدت منه الشنطه: وعليكم السلام شكلك تعبان عصام سلم عليها وباس جبينها وفرحه باسته من خده وسألته: اسخنلك الاكل عصام: لاء مجهد محتاج انام فرحه ابتسمتلو ابتسامه كلها انوثه: غير هدومك الاول ماشي عصام عض خدها: حاضر هغير فرحه بعد ما مشي من المكان شمت ريحه برفن ساره ’دماغها سحبتها شويه شمتها فين قالت تطلع تطمن عليه دخلت لقته نايم بهدومه قربت منه بشويش: عصام غير الاول عصام راح حرفيا في النوم وهي قربت وشمت ريحته اتأكدت انها نفس برفن ساره وظنت انه تشابهه ارواح هي مش هتشك فيه وفي حبه هو وعدها وقامت قفلت الباب ونزلت تكمل شغلها ............قصص منه محمد كاتب............... علي السفره صباحا عصام نزل لقاها قاعده: مالك صاحيه من النجمه كدا ,متأكد انك عايزه حاجه فرحه بوش جامد: حجا ونيسه ممكن تيجي هنا للحظه الحجا ونيسه جات من المطبخ : نعم يا بنتي فرحه: لازم تكون صريح مع مراتك’ متكدبش عليها لـ اي سبب ’اظن كنتي شاهده الحجا ونيسه بصتله وكشرت: ايوه شاهده عصام: هو بيحصل ايه من نهار ربنا فرحه اتكلمت بجديه : عايزه اسألك فيه حاجه تحب تقولهالي عصام: لاء فرحه: انت متأكد عصام بهدوء: انا متأكد فرحه: حجا ونيسه كملي شغلك حجا ونيسه: حاضر يا ست فرحه عصام بصلها وفرحه ضربته بنظره وقامت من قدامه ..............قصص منه محمد كاتب............. قدام الشركه عصام نازل مع زملائه زميل: راجع تاني للموقع ياعصام عصام: ايوه هصلي العصر وراجع زميله: طيب نعمل حسابك في الاكل عصام: تمام محدش ياكل من غيري زميله: ماشي هنستناك متتأخرش عصام اكتفا بهز دماغه لحد ما اتفاجئ انها واقفه قدامه ساره: عصام ممكن نتكلم شويه عصام ارتبك شويه وهزلها دماغه بـ ايوه اخدها ودخلوا مطعم قريب وساره سهمت للفراغ وسرحت لما طلب ايدها قدام الجامعه والطلاب سقفوا عصام طقطق صوابعه قدامها : ساره ساره انتبهت وبصتله: نعم عصام: عامله ايه في شغلك ساره ابتسمت غصب: تمام عصام: الحمد لله وميدو عامل ايه ساره: كويس وفرحه عامله ايه؟؟!! عصام بهدوء: الحمد لله هي بخير وانتي وميدو حياتكم سوي تمام مش كدا المتر : اتفضلوا الاكل ساره ابتسمت في وشه : ميرسي المتر لعصام: طلبك يا فندم عصام: متشكر جدا (بصلها وكمل) ها كنتي عايزه تتكلمي في ايه؟؟!! ساره: مش عايزك تفهمني غلط عصام: افهمك غلط ليه ساره: الليله الي شوفتني فيها مكنتش في حالتي الطبيعيه عصام: عارف اكيد ضغطك وطي ساره: ايوه ياعصام هو ضغطي وطي عشان كنت زعلانه اوي اوي امور كتير مزعلاني وشاغله تفكيري عصام: لو فيه حاجه وجعاكي صلي ياساره الصلاه هتريحك لان تركها حرام ساره ابتسمت: فعلا حرام فرحه علمتك التدين كأنك معلم ديني عصام ضحك: ناكل بعد الاكل الي عدي معظمه بصمت متعمد من عصام وبيقفل اي سكه ودفع الحساب وخارجين من المطعم عصام ابتسم نص ابتسامه: ساره انا مبسوط انك مرتاحه في حياتك مع ميدو ساره بتجاهد دموعها لا تنزل : متشكره ع الغداء عصام: الشكر لله باي ساره ركبت عربيتها وفتحت شنطتها وطلعت صورتهم وهو بيعرض عليها الجواز وصممت ترجعه ليها مهما حصل هو حقها هي مش حق فرحه .......قصص منه محمد كاتب........... في القريه مي بقله صبر : هو فين ميدو اتأخر كتير وبقي دمه تقيل من يوم ما اتجوز ساره فرحه: ايه علاقه خفه دمه بجوازه منها مي: شكلها نضحت عليه تقاله دمها ’ بس نفسي افهم ليه عايزه تفتحي كافيه ومحتاجه استشاري فرحه: لان ده مهم ’البني ادم قبل ما يجي يعمل اي خطوه المثل بيقولك اسأل استشير تاخد خبره مي: ايوه السؤال هنا هل هو خبير ولا هيغرقك فرحه: ميدو اشتغل في كافيهات وهو في الكليه اكيد عنده خبره مي نفخت بضجر : حتي لو كدا ده يديله الحق يتأخر ’عارفه هلبسه بوكس في وشه فرحه بضحكه: انتي عنيـ فه جدا ’اهدي عشان تتجوزي قريب مي عملت حركه بوشها غريبه مضحكه فرحه وهي تبتسم وتغمز : ليه تعبيرات وشك عملت كدا عملتي ايه مع طارق مي : بصراحه شغل بالي هو لطيف ,وراح طلب من امي اننا نتعرف ع بعض في وجودها فرحه بحماس وفرحه كبيره : يعني قابل امك مي: ايوه وامي مسكت صوره ابويا وهاتك يا عياط وتحكي ذكرياتهم مش تركز مع طارق فرحه ببتسامه عريضـه : امك دي اميره وعايشه بالفطره مي كشرت : فعلا بس طلع حظي دكر فرحه ضمت حواجبها: ليه حصل ايه ؟؟! مي: وهو رايح ياختي للسفره عشان امي عزمته ع الغداء كنت حاطه الكوتش العجل في السكه ووقع واتكسر دراعه بسببي فرحه بعتاب: وليه تحطي الكوتش في السكه مهمله مي نفخت: انا بلوم نفسي ’وحاسه بالذنب ’وشكله فلسع بيكلمني بالقطاره بعد ما اتجبس ,احتمال اتشائم وغير رآيه فرحه : ده اكيد مي: يعني مش هيتجوزني اعمل ايه فرحه ببتسامه : متخافيش الي يعرفك مستحيل يسيبك مي: البيه شرف ميدو دخل وقرب عليهم: آسف جدا اتأخرت كنت منتظر زميلي فرحه: مفيش مشكله مي: اقعد اشرب حاجه ميدو: هستني زميلي بيركن بس العربيه حسن دخل واتفاجئ بوجودهم: مي و فرحه ميدو ابتسم: هو انتم تعرفوا بعض حسن بعيون كلها شوق: فرحه بقالي يما مشفتهاش ,عامله ايه؟؟! فرحه: الحمد لله #فلاش باك صالح بترحاب: منور ياحسن عامل ايه؟؟!! حسن: الحمد لله ياعمي صالح: فيك الخير جيت تشوف عمتك ربنا هيبارك في عمرك عشان بتصل رحمك حسن: عارف ياعمي خديجه: فرحه فين الشوربه فرحه: بغرفها بس سخنه صالح: انا بحبها سخنه دوقها ياحسن هتعجبك حسن: واضح الاكل كله يفتح النفس انتي الي طابخه الاكل ياعمتي خديجه: لاء طبعا فرحه هي الي طبخت وانا يادوب ساعدتها شويه صغننين حسن بص لفرحه بأعجاب: معقول فرحه بتعرف تطبخ اصناف كدا صالح بفخر: دي محترفه' اكلها مختلف عن اكل عمتك خديجه بتهديد مصطنع: مش هطبخلك لمده اربع سنين صالح ضحك: اهي قلبت عليا اربع سنين خديجه: امال تتريق عليا واسكتلك قدام ابن اخويا حسن بص لفرحه وعيونه لمعو بعشق : زوجه الاحلام فرحه بصتله اوي وكذالك صالح الي اضايق جدا خديجه بسرعه تلحق الموقف وبضحكه: تقصدني انا صح حسن انتبه وقال بسرعه: ايوه بقول يارب يرزقني بزوجه زيك ياعمتي خديجه برتباك من صالح: ايه انا ’ انا احلام عمك صالح ناولني طبق المخلل ياحسن #باك حسن كان بيعشق فرحه واتقدم لخطبتها لكن عمها رفضه للاسباب هنعرفها مع الاحداث وهو ابن اخو خديجه ميدو: يعني انت زميلها من نفس الجامعه وفيه قرابه كمان مي: ايوه انت مكنتش تعرف ميدو: بصراحه لاء ليه مقولتليش حسن: وليه اقولك ياميدو ميدو: يعني طلعت عارفها سنين فرحه: ايوه بس تخصصتنا مختلفه حسن: فعلا اتقابلنا في اتحاد الطلبه وكنا دايما بنعمل نشاط سوي مي: بس اتعرفت ازاي ع ميدو ياحسن حسن: اشتغلنا في كافيه سوي ومن هنا اتعرفنا ع بعض ومن وقتها بقينا اصحاب جدا ميدو لفرحه: جميل حيث طلعتوا تعرفوا بعض كدا مش محتاج اعرفك حسن حاليا صاحب كافيه مستوي وخبره ليه متطلبيش منه هو يفيدك اكتر فرحه ردت بسرعه: لاء اكيد مشغول حسن بنظره كلها حب: لا مش مشغول زيك ياسيده الاعمال مي: كدا بالغت ليك كام فرع من الكافيه ولا فرع واحد حسن: بصراحه اتنين وبركز اوي ع دوره مجانية أونلاين لكل انواع المشاريب وخصا القهوه بكل انواعها ميدو: كدا تقدم استشاره ودوره مكثفه لفرحه حسن: وانا جاهز ومرحب فرحه بصت لميدو بتردد ورجعت بصت لمي الي ابتسمت واكلت بطريقه مضحكه مي: وماله فرحه اتغاظت وبرقتلها : ليه بتردي انتي مي ابتسمت بعبط: وماله متبقيش حساسه طالما هيساعدك وانا معاكي حسن: لو كان كدا رتبي معاد فرحه بجمود: هبعتلك رساله ع الواتس حسن: هستناها مي: تمام هنمشي احنا فرحه بجديه: سلامو عليكم حسن عيونه هتاكلها: وعليكم السلام 'مع السلامه يافرحه ميدو ضربه في كتفه: خد بالك دي مرات ابن عمي حسن اتنهد بقهره :عارف ميدو: هروح ادفع الحساب ونمشي حسن: وبالمره عشان اوصلك ميدو: اكيد .......قصص منه محمد كاتب........... في محل هناء للورود ماهر: تفتكري والدتك هتحب الزرعه دي ميساء: يابني ماما مهوسه بالزرع وانا عارفه الي بتحبه ماهر: طالما ده كلامك انا واثق فيكي ميساء قربت من المحل: بابا ماما جبتلكم سماد ونبته جديده رحمي قرب ورفعها منها: هاتي تقيله عليكي ماهر قرب بالزرعه: طنط هناء اتفضلي جبتلك زهره حلوه جدا اتمني تعجبك هناء بفرحه : الله زهره الاوركيده' دي غاليه جدا وبيسموها بعطر الملوك ماهربسعاده : وانا مبسوط جدا انها عجبتك رحمي بصلو بقرفه وضيق وراح حدف السماد هناء: ميساء صاحبك كله ذوق 'شوفيه يشرب ايه؟؟!! ميساء: ماهر تحب تشرب عصير ايه ماهر بص في ساعته: لاء انا هطير عشان المشتل لوحده اشوفك ميساء: اشوفك هناء ببتسامه: شكرا ياماهر ع الزهره ماهر: تسلمي ياطنط عن اذنكم هناء: ولد لطيف وذوق ميساء: فعلا هو كدا رحمي بضيق: ميساء انا مش عارف عجبك في الولد ده ايه ؟يعني يوم ما تحبي’’ تحبي ده ميساء بهدوء: مين قال انه حبيبي رحمي: شايفه عجبك عشان لسانه الي بينقط شهد ’عامل زي الي بيقدم نفسه في الانتخابات ويدي ووعود وكلام معسول ’ ويطلع كله في الاخر كدب هناء استغربته: رحمي ليه بتتكلم كدا ع الولد وانت يادوب شوفته مرتين رحمي من انفعاله لغبط في الكلمه: لما يدخل في الجد هيحتفي ميساء بتصحيح: اسمها هيختفي يابابا ,قولها بشكل صحيح رحمي شوحلها بزهق: ياشيخه بقي الفصل الرابع عشر من هنا |
تعليقات
