رواية الحب الضائع الجزء الثاني الفصل الثاني عشر
د_________________________________
عندما وصلوا ترك محمد يارا واخذ المايك وبدأ التكلم
انا بشكر كل اللى جيه النهاردة يباركلى وكل اللى حضر سواء زمايلى او قرايبى وعايز اوجه كلمة لحبيبتى وروحى يارا ، انا بحبك اوى وماكنتش متخيل ان ربنا هيرزقنى بحد زيك ويقف جمبى فى اشد الظروف ، مش عايزك تزعلى على اى حاجة قولتهالك قبل كدا
ثم شاور للدى جى وبدأ الغناء
اوعديني لو زعلتي مرة مني تعرفيني
لو جرحتك غصب عني تحسسيني
ماتشيليش جواكي حاجة، تحكي ليا كل حاجة
لما هفهم هبقى أحسن، صدقيني
اوعديني لو نسيت يا حبيبتي نفسي تفوقيني
لو خدتني الدنيا مني ترجعيني
لو في لحظة زاد غروري، اشتكي لومي وثوري
بس اوعي في يوم تروحي وتسبيني
انتي قلبي و انتي روحي و انتي عيني
حد عايز اعيش معاه لآخر سنيني
انتي بالنسبالي مش حب في حياتي
انتي كل حياتي فعلاً افهميني
اوعديني لو في يوم الخوف ملكني تطمنيني
لو ذكائي في مرّة خانني تفهميني
لما أقسى في يوم تحني، و أما أغلط غصب عني
قبل ما أغلط غلطة تانية تلحقيني
اوعديني لو يبيعني الكون بحالة تشتريني
تبقي أقرب منّي ليّا، تكمليني
تبقي أختي تبقي أمي، تجري فيا جوة دمي
لما اكون تعبان تضمي وتداويني
اوعديييييييييييينى
ثم حملها ولف بها ووقف الجميع يسفقون وانهمرت دمعة من يارا ثم نطقت : بحبك ، بحبك اوى
محمد : وانا بعشقك
حسام : بتقول ايه ، ازاى يعنى يا خالد
خالد : بقول لحضرتك فيه حد ظهر فى الكاميرات قدامى اهو ودخل المطبخ بتاع القاعة ومعاه شنطة
حسام : ما يمكن حد من اللى شغالين
خالد : لا يا فندم ده بيتلفت حواليه ، انا شكيت فيه ، وبعدين حضرتك محمد باشا معينى علشان اأمن المكان وادينى شوفت حاجة ولو حضرتك ماتحركتش انا هتحرك واشوف الموضوع
حسام : انا هتحرك بس واثق مليون فى المية انى مش هلاقى حاجة
ذهب حسام ليتفقد الامر وكان من الصعب ان يلقاه لان المكان كبير جدا والقاعة كانت ضخمة جدا فذهب الى المطبخ وهو يعلم ان خالد يخرف ودخل ووجد الطباخين والمسؤولين يقومون بعملهم وخرج ولكن لفت انتباهه شخص ينظر حوله فى المطبخ ويرتدى نفس اللبس ويقوم بتجهيز التورتة فرجع ثانيا
حسام : انت موجود هنا !!!
الشخص : ايوة
حسام : يا وليد ، ده تبعكم فى الاسطف هنا !!!
وليد بأستغراب : لا ، بس ممكن مش فاكر
حسام : طب تعالى معايا
الشخص : ليخ يا باشا
حسام : هرجعك تانى بس بقولك ايه شيل كدا البتاعة دى
الشخص : هتبوظ يا باشا والمفروض تطلع دلوقتى
شك حسام فرفعها وتفاجئ بقنبلة بمؤقت تعمل والعد التنازلى يعمل وستنفجر بعد خمس دقائق
حسام : وايه ده يا روح امك ، جاتوه مفخخ
دفع الشخص حسام وهب بالفرار
حسام : جميع القوات اقفلوا كل المنافذ مش عايز حد يخرج ، خالد ، خااالد تعالى المطبخ بسرعة
جاء خالد
خالد : فيه ايه !!
حسام : طلع فيه قنبلة وعايز يفجر المكان
خالد : وهو فين
حسام : مش مهم هيتجاب بس لازم تبطل مفعول القنبلة دى
خالد : لا لا
حسام : خالد انت عندك خبرة عن المفرقعات والكلام ده ، يا تتصرف يا هنروح كلنا ، خبراء المفرقعات مش هيلحقوا يجوا ده فاضل 3 دقايق
خالد بتوتر وخوف : حاضر
وقام بفتح القنبلة وظل يبحث فى السلوك وهو مربك بشدة واحضر مقص وامسك سلك وهزه وقرب المقص وهو يرتعش وقصه ، توقف العد وتوقفت القنبلة على الثانية الثالثة
خالد : اووووف الحمدلله
احد الظباط : مسكناه يا فندم
حسام : الاخبار الحلوة بتيجى مرة واحدة
فجأة دخل محمد
محمد : ايه يا جماعة التورتة اتأخرت ليه ، ايه ده فيه ايه
حسام : زى مانت ما شايف ، كان زمانك مشوى مع التورتة وكل الموجدين دلوقتى، لولا خالد ابطل مفعول القنبلة ومسكنا ابن الكلب ده
محمد : اممممم رجعنا ، انت مين يلا !!!
لم ينطق الشخص
محمد : مش فاضيلك عندى فرح ، روقه يا حسام عقبال ما اخلص الفرح واسبوع الندامة اللى هخده اجازة
حسام : حاضر
ظل الجميع فى سعادة ومحمد يمزح مع يارا تارة ويرقص معها تارة اخرى
محمد : مش يلا بقا
يارا : امممم ماشى
قام محمد ويارا ووقف الجميع يحيونهم وخرجوا من القاعة وركبوا سيارة محمد وانطلق محمد فى سرعة رهيبة
رامى : يابن المجنونة ده هينتحر قبل ما يوصل
ملك : عقبالنا يا حبيبى
رامى : يارب يا قلبى ، بس انسى الطلعة اللى طلعها محمد بالعربية دى ، انا مش مستغنى عن عمرى ياختى
_______________
وصل محمد الفيلا ثم خرج وفتح عربيته واخرج يارا وحملها
محمد : يلا قبل ما الهكسوس يجوا
يارا : ماشى
وحملها وصعد بها الى اعلى ودخل غرفته ووضعها على السرير
محمد : نورتى البيت يا عروسة ، خلاص بقيتى بتاعتى
لم ترد يارا من الكسوف
محمد : مش مصدق انك بقيتى ملكى وبس ، يلا بقا
يارا : يلا ايه
محمد : هتفضلى بالفستان ولا ايه
يارا : طيب اخرج عقبال ما اغير
محمد : نعم ياختى ، انا جوووزك
يارا : بردو ، مكسوفة ، اسمع الكلام بقا
محمد : حااااضر ادينى دورت وشى
يارا : طب اخرج
محمد : لا هدور وشى بس
يارا : طيب ماتدورش وشك غير لما اقولك
محمد : يارب ارحمنى ، حاااضر
محمد : هاااا
يارا : لسة
بدلت يارا ملابسها
محمد : خلاص
يارا : ايوة
محمد : اشطا
يارا : طب مش هتخش تاخد شاور
محمد : مش وقته
يارا : طب طب
محمد : مفيش طب ، دقت ساعة العمل
______________________________
وصل رامى وملك ومى واشرف ورجاء وخال يارا الى الفيلا
مى : هم فين يارا ومحمد مش كانوا بيتجوزوا من شوية ، راحوا فين
رامى : فى المريخ دلوقتى
مى : مش بهزر
رامى : طلعوا يناموا يا مى
مى : طب هطلع اصحيهم
رامى : لاااااا خدى رايحة فين، اترزعى هنا الصبح ابقى صحيهم
مى : طيب
حسن : انا همشى بقا يا جماعة وهاجى بكرا
ملك : ما تقعد شوية يا عمو
حسن : لا يا ملك ، هاجى بكرا
اشرف : يلا بقا يا رامى
رامى : حاضر يا بابا
مى : سلام يا رامى
رامى : سلام يا عفريتة ، سلام يا ملوكة
ملك : سلام
____________________________________________
• انت غبى ازاى مانفذتش
شريف : بعت واحد واتفقت معاه على كل حاجة بس معرفش ايه اللى حصل
• انا غلطان انى اعتمدت على واحد زيك
شريف : ماتنساش انى لواء واتكلم عدل
• كنت لواء وهوريك هعمل ايه
____________________________________________
اصبح الصباح على الجميع يعلن بداية يوم جديد وحياة جديدة بالنسبة لمحمد ويارا ولكن فى ظل ان هناك شخص اخر ويعتبر هو المحرك الرئيسى للجميع هل سيكون هذا شئ خطر عليهم !!!!
يارا : مودى اصحى بقا الساعة 11 دلوقتى
محمد وهو يفوق بإبتسامة : حبيبة مودك ، اىه الاصطباحة الحلوة دى ، يااااه ماكنتش باحلم
يارا بكسوف : قوم بقا
محمد : حاضر يا عيونى
وفجأة اخبط الباب فقامت يارا تفتح فوجدت مى
مى : ايه يا محمد انت لسة نايم
محمد : مانا صاحى اهو يابت انتى
مى : طيب ، انا حضرتلكم الفطار انا وملك قوموا بقا
يارا وهى تحضنها : حاضر يا قلبى جايين
خرج محمد ويارا ووجدوا حسن وملك ورامى ومى على السفرة
حسن : صباحية مباركة يا عريس
محمد : الله يبارك فيك يا عمى
يارا : خالى ازيك
حسن : الحمدلله يا يارا ، بصى بقا انا النهاردة هرجع تانى المانيا علشان عندى شغل كتير، تمام
يارا : طيب يا خالو
رامى : فاضل اسبوع والمهلة تخلص
محمد : مهلة ايه
رامى : انت نسيت ولا ايه ، ملك يا عم
محمد : امممم ماشى
ملك : رامى
رامى : ايوة
ملك : هات كدا الىءتئم
رامى : بتقولى ايه !!!
ملك : العب باليه
رامى : يابن ال ...... ماشى ماشى
محمد : شكلك زبالة الصراحة
رامى : ليك حق تتكلم مانت عريس ومحدش قدك
محمد : اعوذ بالله يا اخى ما ترحمنى من نقك ده يا جدع
ضحك الجميع وقام حسن بعد ان استأذن ورحل حتى يجهز ليسافر
محمد : يارا
يارا : نعم
محمد : تحبى بقا نقضى الاسبوع ده فين
يارا : هنا
محمد : هنا !!!
يارا : ايوة ، مش بحب اروح في حتة ، رأيى هنا احسن وكل يوم نبقا نخرج نروح حتة ونرجع تانى على طول
محمد : ماشى يا قلبى اللى تشوفيه
رامى : هييييح
محمد : استحمل كلها اسبوع
رامى : مستحمل ، انا هجهز كل حاجة بقا الاسبوع ده وهنبه على العمال يخلصوا توضيب الفيلا قبل الفرح
محمد : شاطر
رامى : يا جدعان انا كبيير مش كل واحد يقولى شاطر ، اييييه هو انا حليت مسألة فى الحضانة
محمد : معلش
رامى : تصدق اتحسنت ، شكرا
محمد : ايوة صح مش مسكوا واحد امبارح وابطلوا مفعول قنبلة فى القاعة
رامى وملك ويارا : ايييه !!
محمد : هههههه ايوة ، بس اتمسك ، المصيبة بقا مش عارف طلعلى منين ده كمان ، عصابة تانية بقا او حد تبع المنظمة اللى قتلت رئيسها ، اه صحيح انتوا عارفين ان رئيسها كان عمى رشدى
مى : بابا !!!
محمد : احيييه ، لا مش بابا ده حد تانى اسمو عمى رشدى
رامى : انت بتتكلم جد !!!!!
__________________
حسام : مش هتقول بقا يا روح امك مين اللى بعتك
هيثم : يا باشا محدش بعتنى ، هو محمد بيه كان ليا تار عنده قديم
حسام : الكلام ده مش هيخش دماغى يلا ، انطق
هيثم : ماعنديش حاجة يا باشا اقولها ، كل اللى حضرتك عايزه انا قولته
حسام : طيب ، عبدالغفار ، خد المتهم ده على الحجز
ظل حسام يفكر ، هل هؤلاء اشخاص اخرون فعلا ام ان المنظمة لا يزال هناك اشخاص فيها وانتهى تفكيره بحل وحيد هو الذهاب لأكرم
___________________________________________________
• عايزك تخلص على شريف النهاردة قبل بكرا وتجيلى علشان اقولك هنعمل ايه فى موضوعنا ، محمد لازم اخليه يندم الاول وبعد كدا اقتله
- حاضر يا باشا ، اى اوامر تانى !!
• لا روح انت خلص وتعالى
_________________________________________________
