رواية الحب الضائع الجزء الثاني الفصل الحادي عشر
_________________________________
رامى : الحق !!!
محمد : ايييه !!!
رامى : التالتة بتتملى ياعم يلا نلحق
محمد : خضتنى يا اخى ، حاضر يلا
اتجه محمد ورامى الى التالتة شمال وجلسوا فيها وكانت الساعة الواحدة ظهرا
رامى : ياااه مش قادر استنى الماتش
محمد : ااه الجو جامد
رامى : هات كنزاية من اللى معاك
محمد : خد وبطل فجع لسة خمس ساعات على الماتش وهنعطش
رامى : اسكت ياض
رامى : بقولك
محمد : ايه
رامى : هو الاولتراس هيعمل دخلة زى بتاعة المرة اللى فاتت ولا ايه
محمد : ايوة احتمال
رامى : مش هيعرفوا يدخلوا يابنى شماريخ، شايف التفتيشات دى كلها
محمد : هتدخل يابنى دول عفاريت
رامى : لا لا مش هتدخل
محمد : طب اصبر
قبل الماتش بدقائق قاموا يشجعوا اثناء تدريب الاحماء
اهلى .......اهلى
محمد : خد
رامى : ايه ده شمروووخ
محمد : ايوة
رامى : دخلتهم ازاى يابنى
محمد : مخبيهم فى رجل البنطلون ومفيش غير ظابط اللى قفشنى ووريتله البطاقة راح معدينى
رامى : يابن الايه
محمد : انا هاخد اتنين وانت اتنين، واحد اول ما الماتش يبدأ وواحد لما الاهلى يجيب جول ماشى
رامى : اشطا
بدأ الماتش واشتعلت التالتة شمال بالشماريخ
رامى : دول ولوعوا شماريخ معانا فعلا
محمد : مش قولتلك هتدخل ، شجع شجع
بدأ الجمهور فى التشجيع
حارب على البطولة بروح الابطال ،، العب برجولة ،، موت على الكورة ،، افريقيا للكبار وانت الاسطورة ،، لا لالا لا لاالا اوووو اووووو
يلا يا اهلى بطولة بتناديك ، العب كورة واحنا دايما جمبيك ، وعد علينا ان احنا هنخليك احسن نادى فى الكون من تالتة شمال
ثم جاء الهدف الاول واهتز الملعب من الفرحة
محمد ورامى : جوووووووووووووووول
وعادو يشجعوا مرة اخرى
من تالتة شمال بنهز جبال وبأعلى صوت دايما بنشجع الابطااال ، فريق كبييييير ، فريق عظييييم ، اديلو عمرى وبردو قليل اوووووو اوووووووو اووووووووو
واستمر اللقاء حتى اتى هدف التعادل
محمد : اووووف يلعن كدا يا جدع
رامى : الحكم ماحسبلناش ضربة الجزاء
محمد : ولا هيحسب ، هم كدا حكام افريقيا
رامى : الحق الكاميرا جايبة ملك ويارا وهم بيشجعوا
محمد : اها ، ومال ابن الكلب بتاع الكاميرا مركز عليهم كدا
رامى : معرفش
- ايه ده مش دى يارا ودى اخت الظابط يا باشا
• اهاا هم ايه اللى موديهم هناك دول
- معرفش يا باشا ، بس اكيد محمد معاهم هناك
• اممممم
عاد الجمهور يشجع من جديد ولكن انتهى الشوط الاول
وبدأ الشوط الثانى وبدأ الجمهور فى التشجيع من التالتة شمال
افريقيا يا اهلى ، افريقيا يا اهلى ، افريقيا يا اهلى
وظلوا يشجعون حتى انتهى الماتش بالتعادل ولكن لم يتوقفوا عن التشجعيع وظلوا يرددون
افريقيا يا اهلى ، افريقيا يا اهلى ، افريقيا يا اهلى
عدة مرات ثم خرج الجميع
محمد : الو ايوة يا يارا انتوا فين ، طب خليكى عندك انا جايلكم
ذهب محمد الى مكان يارا وملك ومى ومعه رامى
واتجهوا الى السيارة وكانت الاجواء مزدحمة واللقاءات التلفزيونية بعد المباراة
ووصلوا الى السيارة
رامى : ايه الماتش ده
محمد : مش عارف ، والله دمى محروق ، المفروض اننا لازم نكسبهم هناك
رامى : وعلى ارضهم وسط جمهورهم وجمهورهم اصلا ابن كلب
محمد : ربنا يستر
يارا : شوفتوا الحكم ماحسبلناش ضربة جزاء صحيحة
محمد : مش ضربة الجزاء بس ده كذا كورة ماحسبهاش
رامى : لو حكم الماتش الجاى زى ده يبقى افريقيا ضاعت
ملك : ربنا يستر ياعم
مى : انا ظهرت فى الشاشة يا محمد
محمد : اها مانا شوفتكم فى الشاشة
ملك : طلعنا فى التلفزيوووون
رامى : ومالك فرحانة كدا ليه ، يابنتى اللى مايشجعش من التالتة شمال اكنه ماشجعش
محمد : والله صوتى راح من التشجيع بس يلا الحمدلله
انطلقوا ونام الجميع فى الطريق وكان محمد يقود السيارة حتى وصلوا الى الشاليه وايقظهم محمد ليعلمهم بأنهم وصلوا
محمد : هنخش ننام ونصحى الصبح نرجع
رامى : ليه يابنى ما نقعد يومين كدا هنا
محمد : يا غبى لازم ارجع بكرا انا ويارا علشان هنروح نشترى الفستان بتاعها ونجهز الفرح والدعوات وكدا علشان الفرح يوم التلات الجاى ده
ملك بفرحة : بجد
محمد : ايوة
ملك : مبروك يا يويو ، ايوة بقا
يارا : ههههه الله يبارك فيكى
رامى : ماشى بس بعد فرحك، فرحى على ملك يا اما ارتكب جناية
محمد : حاضر ابقى افكر
رامى : ت ايةده ، لا شكلى هعمل منظمة جديدة واحاربك انا بقا
محمد : روح اجرى ياعم انت تعرف تحارب نملة
رامى : يابنى ماتستفزنيش
محمد : خلاص بس فرحكم هيبقى بعد فرحى بأسبوع علشان اكون لحقت اتهنيت شوية
رامى : ماشى موافق موافق
محمد : يلا اتخمدوا بقا وهنزل انا انام تحت علشان البيه بيخاف ينام لوحده علشان العفاريت
يارا وملك ومى : ههههههههههه
نام الجميع وظل محمد يفكر فى الايام القادمة فأخيرا سيحقق حلمه ويتزوج يارا التى احبها قلبه وتعلق بها ولايقدر ان يعيش من دونها ، هى التى سرقت قلبه ولكنه ايضا تذكر هايدى التى كان سيتزوجها وكان يحبها ويعشقها ولكن فرق الموت بينهما
انهى تفكير محمد النوم فغط فى نوم عميق حتى الصباح
اصبحوا جميعا لكن هذه المرة استيقظ محمد قبلهم وقرر ان يوقظهم بطريقة غبية فدخل على مى وايقظها وطلب منها حيل ليوقظهم برخامة وبالفعل اعطته افكار
دخل محمد على رامى وقال لمى ان تملئ له زجاجة مياه وبالفعل احضرتها وربطها بحبل وعلقها وربط طرف الحبل فى قدمه ثم احضر كبريت واخذ جميع اعواده ووضعها فى قدمه واحضر دبوس ووضعه على السرير بجواره ثم اشعل الكبريت وخرج وصوره فيديو
استيقظ رامى وهو يصرخ من الحرقة فشد بقدمه الحبل فوقعت زجاجة المياه على رأسه فقام بغضب وخبط بيده على السرير فدخل الدبوس فى يده فصرخ وقام بغضب ووجد محمد ومى يضحكون بشدة مما رأوه
رامى بغضب : انت عبيط ياعم
محمد بضحك : اهدى اهدى انا بردلك مقالب كتير عملتها فيا
رامى : ماشى ماشى ، ريلاااكس ، الايام جاية
مى : شكلك كان مسخلة يا لامى
رامى : اسكتى انتى يا عفريتة تلاقيكى انتى اللى قايلاله الطريقة
محمد : الصراحة ايوة
رامى : ايه الاطفال دى يا جدع
محمد : يلا يا مى اطلعى صحى ملك ويارا بالطريقة اللى قولتلك عليها
مى : حاضر
طلعت مى وبعد فترة نزلت يارا و ملك وهم يحملون مى ويلعبون معها
محمد : ايه ده
يارا : مى جت حكتلنا على اللى قولتهولها ومارضتش تعمله
ملك : ايوة علشان مي شطورة
محمد : يابنت الايه ، ماشى ماشى
رامى : هههههههه شوفت باعتك فى لحظة
محمد : طب كله يجهز بقا علشان هنرجع القاهرة ونروح انا ويارا نجيب الفستان ونطبع الدعوات علشان الفرح بعد بكرا
رامى : طيب عشر دقايق وهبقى جاهز
جهز الجميع وانطلقوا فى سيارة محمد الى القاهرة
____________________________________________________
شريف : ايوة يا باشا ، شوفت محمد عمل ايه
•ايوة
شريف : وهتتصرف ازاى يا باشا
•انا راجع مصر كمان يوم وهشوف كدا وافكر واقولك
شريف : طب هنقتله !!
• لا لا سيبنى بقا ، هو بيحب اللعب ، هنلعب معاه ، هخليله حياته جحيم
شريف : ازاى
•مش وقته ، سلام دلوقتى
____________________________________________________
محمد : هاا الفستان ده عجبك
ملك : لا لا
محمد : هو انا بسألك انتى يا رخمة
يارا : لا
محمد : بقالنا ساعة بنلف على احسن محلات فى القاهرة ومفيش حاجة عجباكى
تركته يارا وسارت ببطئ نحو فستان جميل وقيم ويلمع وكان ابيض وفيه لمسات ابداعيه ولكن بسيطة، كان الفستان بسيط وجميل فى نفس الوقت وامسكته
ذهب ورائها محمد
محمد بحنية : عاجبك ده !
يارا : ايوة اوى
محمد : خلاص هجيبه بس الاول نقيسه عليكى
يارا : ماشى
ذهب محمد الى العاملة فى المول واخبرها وارتدت يارا الفستان وكان كأنه مفصل عليها ، كانت تبدو جميلة فيه كالدرة اللامعة
محمد : وااااو ، ايه الجمال ده
يارا : حلو بجد
محمد : اوى
ملك : ياااه على الرومانسية ، عقباالى يارب
يارا : هاجى معاكى انقيه
ملك : طبعا
محمد للعاملة : خلاص هناخد الفستان ده
وبالفعل اشتروا الفستان وانطلق محمد مع يارا وملك الى الكثير من المحلات ليشتروا الملابس ليارا وايضا بعض الملابس ل محمد وايضا البدلة
يارا : البدلة دى حلوة اوى يا محمد
محمد : رأيك اشتريها
يارا : ايوة
محمد : طب لحظة هقيسها
وارتداها محمد وكان وسيما فيها وانبهرت ملك ويارا واشتروا تلك البدلة وانطلقوا واخيرا اتفقوا على الدعوات وطبعوها واتصل برامى ليوزع الدعوات
رامى : نعم ، اوزعلك دعوات فرحك على قرايبنا كمان !!!
محمد : ده لو عايز تتجوز اختى
رامى : طبعا اوزعها واوزع اللى تعوزه كمان ، طلقة هتلاقينى عندك
__________________________________________________
• اجهز هنبدأ بحاجة خفيفة
شريف : ايه
• اسمع اللى هقوله ده .....
شريف : ايييه يا جدع حرام
• هتنفذ ولا لا
شريف : هنفذ بس ادينى اسبوع
شريف : تمام اسبوع
______________________________________________
بعد مرور يومان
يلا يا يارا علشان محمد زمانه خلص وجاى
يارا : طب الفستان شكله حلو
ملك : جميل يا قلبى ، هياكل منك حتة
يارا : طب كفاية مكياج
ملك : خلاص فاضل شوية حاجات يلا بقا
يارا : حاضر
ايمان : مالك بتترعشى كدا ليه
يارا : مرعوبة اوى ، اكنى عندى امتحان
ايمان : اهدى مش كدا انتى هتتجوزى مش رايحة تمتحنى
يارا : حاضر
.........
رامى : ايه الشياكة دى يا عريس
محمد : طول عمرى يابا
رامى : ماشى مش هرد علشان فرح بس النهاردة
محمد : طب يلا وايه الورد اللى على عربيتى ده كله
رامى : ايه رأيك
محمد : مابحبش كدا يابنى
رامى : اسمع كلامى كل العرسان بيعملوا كدا
محمد : همشى وراك وربنا يستر
رامى : امشى بدل ما اضربك فى فرحك
محمد : جرب كدا ، كل زمايل فى الشرطة وكلهم معزومين وكمان فيه لواءات يعنى هتتخرم بالرصاص
رامى : امشى ياض اخلص علشان تجيب يارا من الفيلا
محمد : يلا
ذهب محمد الى الفيلا وخبط على باب الغرفة فردت ملك : ثوااانى
ثم فتح الباب وخرجت يارا كالملاك المبتسم
محمد وهو يصفر : اووووو ايه الحلاوة دى
يارا بكسوف : انا جهزت
محمد : وانا خلاص نفذ صبرى ، ما تيجى نكتب الكتاب ونيجى ونسيب الناس يهيصوا فى القاعة
يارا : محمد يلا بقا مش بهزر
محمد : يلا يا قلبى
ذهب محمد وبجواره يارا ووصلوا الى القاعة ودخلوا ووراءهم رامى وملك وايمان وخال يارا واشرف ورجاء والدى رامى
ووقف الجميع يسقفون وينظرون لهم بحب
محمد بهمس : خايف عليكى يا حبيبتى
ياارا : ليه
محمد : كلهم دلوقتى بيحسدونى عليكى
يارا بكسوف : بحبك
محمد : وانا بموت فيكى
_________________________
• الخطة اتغيرت يا شريف ، عايزك تفجر القاعة باللى فيها
شريف : بتقول ايه !!
• بقولك فجر القاعة بتاعة الفرح باللى فيها ، مش عايز حد عاايش ، فاااهمنى ، مش عااايز حد عااايش
____________________________________________________
