 |
رواية مين ميحبش فرحه الفصل العاشر 10 بقلم منه محمدالبارت العاشر #مين_ميحبش_فرحه ✿ قصص منه محمد كاتب ✿ عصام راح لساره يفطر معها حطت قدامه اكل جاهز هي بتاكل بضمير وهو مش بياكل لان الاكل شكله يقرف وميصلحش وجبه لصائم ابدا ساره بتاكل بنهم: عامل ايه في الصيام ؟ اظن صعب وانت بتنزل للمواقع في الشمس عصام : لاء الحمد لله ربنا مهونه عليا ساره: تعال افطر معايا كل يوم بدل ما بفطر لوحدي وانا هعملك اكل كتير عصام شرب العصير وهزلها دماغه بألش: هتعمليلي ايه همبورجر ساره بلا مبالاه: اظن انت عارف انا يادوب اسخن الاكل الجاهز اخري اسلق بيضه احمر بطاطسايه بس لو عايز طبيخ اطلبهولك دليفري هتوصل بسرعه عصام: عايز مصليه اصلي المغرب عندك ساره سكتت شويه وبعدين قالت له: اه عندي بس من امتي عصام: قصدك ع الصلاه ساره مذبهله : ايوه عصام: هو ده غريب اني اصلي 'بعدين انتي كمان لازم تصلي قومي نصلي جماعه ساره بتكدر: اه يله' بس ادور ع اسدال للصلاه ( وهي ماشيه) استناني عصام عوج شفته وبينه وبين نفسه : هتدور الاول .............قصص منه محمد كاتب........... في بيت عيله عصام كلهم قلقنين عليهم جدا وخصا هناء رحمي التلفون ع ودنه وبضيق: هو اخوكي عصام فين؟؟!! بحاول اتصل بيه مش بيرد' ولا ع مكالماتي ولا الرسايل ميساء: وانا نفس الحكايه هناء قربت عليهم بقلق: العيال دي فين لا فرحه ولا ابنك مش عارفه اوصلهم بقالي يومين ميساء حبت تطمنها: يمكن هما في مكان مفهوش سيجنال يا امي هناء بعصبيه: امال مش بيجوا ليه ولا موجودين في البيت ميساء: ماما اهدي من فضلك 'عشان قلبك هناء: انا هاديه 'هروح اشوف مرات عمك قاعده لوحدها رحمي: بس ايه رايك يا ميساء في طبق البسطا بالجبنه الي عملته ع الفطار اظن ايه حكايه وروايا ميساء ضحكت: اسمها بستا مش بسطا رحمي رفع حاجب بعناد: لا اسمها بسطا ايه رايك بقي ميساء ابتسمت: خلاص بسطا انا لسه فاطره ومش قادره اجادل معاك رحمي: احسن عصام دخل: السلامو عليكم رحمي رد السلام: اهو شرف الباشا واحنا قلقنين عليه عصام سلم ع ابوه واخته وهناء قربت بلهفه: عصام عصام راح باس ايدها: عامله ايه يا ماما هناء: الحمد لله كنت فين وليه انت ومراتك تلفونتكم مقفوله عصام ارتبك: اه اصل تلفون فرحه باظ ومش هتقدر تيجي تفطر معانا اصلها مشغوله عندها اوردرات كتير عشان شهر رمضان هناء: فطرت عصام: لاء شربت ميه رحمي: طيب اقعد واختك هتجبلك فطار عصام : ماشي رحمي: ميساء روحي حضري لـ اخوكي فطار عصام حط ايده ع كتف ميساء وراح معاها للمطبخ ..............قصص منه محمد كاتب............... في اول يوم العيد عصام بعت لفرحه مسج( ع الرغم انك رافضه تردي عليا ولا تكلميني ومش عارف يومك ماشي ازاي ,وايه الي بيحصل معاكي ,بس والله وحشتني كل لحظه كنا فيها سوي كل سنه وانتي طيبه يافرحه سامحيني ) لكن اتفاجاء لما هي ردت عليه فرحه في رساله: وانت طيب ,انا بقي لما بتوحشني بفتح الشات واكتبلك كل تفاصيل يومي ولما اخلص برجع امسح كل الي كتبته وبكدا اقلل اشتياقي ليك عصام كتبلها:طيب ارجعي وكفايه خصام فرحه ردت:لا مش دلوقت! عصام كتبلها :امتي؟ الحياه مش حياه يافرحه في غيابك فرحه:مش دلوقت اصل انا زعلي مطول شويه 😜 عصام ابتسم مشاغبه حتي وهي بتكلمه ولبس وراح لساره ينهي معاها كل حاجه لانه مستحيل يفرط في جوهره زي فرحه ويندم عليها ساره فتحت الباب: اهلا ياعصام عصام: عامله ايه ساره ضمته: كل سنه وانت طيب ياحبيبي عصام: وانتي طيبه ساره: عارف انت اول واحد يعيد عليا عصام: كنت معدي قلت اطلع اطمن عليكي ساره بتتحرك بفرحه: استني فيه كحك ميدو جبهولي من لابوار هيعجبك اوي عصام: ملوش لزوم انا ماشي ع طول ساره جات تحط ايدها ع وشه بعد عنها بسرعه ساره بسؤال: : مالك انت تعبان عصام: عندي حاجه لازم اقولهالك بخصوص علاقتنا ساره: بخصوص علاقتنا اه عشان السنه قربت تخلص وتتجوزني عصام بلع ريقه :مش هقدر اوفي بوعدي معاكي انا عايز اكمل مع مراتي 'مش عايز انفصل عنها ابدا ساره بصدمه وذهول:قصدك ايه ؟يعني بتسبني ياعصام بعد ده كله عصام : ساره عايزك تفهمي وتقدري ظروفي ساره: ظروفك اظن انا كنت مقدره ظروفك لما ارتبطت بمراتك قولت لك انساني لاني مش عايزه اخرب بينكم حصل عصام اتنهد بوجع: حصل بس جوازي منك هيدمر امي وانا لا يمكن اقهر امي واسيب فرحه ساره عيونها غرقانه دموع : طيب ماده انت عارفه من الاول ليه رجعت لي وعلقتني تاني بيك ’عارف انا كنت مبسوطه اد ايه لما رجعت لي وقولت لي هكمل عمري معاكي انتي , طيب فاكر لما قولتلك ممكن يجي علينا يوم ونبعد رديت عليا سعتها وقلت لي استحاله الواحد يعيش بدون روحه انا غيرهم صدقيني 'شوف انت بتعمل ايه دلوقتي عصام بصلها شويه وبعدين اتكلم: انا بجد اسف شوفي حياتك ياساره ساره مسكت شعرها بجنون: لاء مش حقيقي مش قادره اصدق انت مفيش في قلبك غيري انا وانت مع بعض بقالنا ست سنين رفضت عرسان الدنيا عشانك قلت استحملي ظروفي سنه ونتجوز فضلت مستنيه واهي السنه قربت تخلص لكن انت بتسبني في اللاخر عصام: انا اسف انا غلطان ساره: غلطان انت بتسبني ياعصام عصام: انا غلطت لما اديتك وعد بأننا هنتجوز مكنش ينفع اعمل كدا سامحيني ارجوكي ساره هزت راسها بـ لا و بكت بنهيار: بالبساطه دي هو الامر ينتهي كدا بسهوله كسره القلب تنتهي باسف معلش بتصرخ من قوه ضربها فيه_ انت كسرتني عصام فتح الباب يهرب وساره جريت وراه : عصام رد عليا ساره اندفعت زي المجنونه و راحت كسرت كل حاجه وفضلت تعيط وتصرخ بشكل هستيري وراحت جابت صورهم سوي وحرقتهم ع البوتجاز ................قصص منه محمد كاتب......... ساره قاعده في النادي لابسه اسود وحاطه ايدها ع خدها ميدو دخل شافها بصلها بحزن : احنا في عيد ليه لابسه اسود ساره مسحت دموعها: ازاي عرفت اني هنا؟؟!! ميدو: بعتلك رساله مردتيش اتصلت بيكي برضو مردتيش 'كنت عايز اقولك 'كل سنه وانتي طيبه ساره : اسفه مليش نفس اشوف رسايل وارد ميدو :ليه كل ده هو ايه الي حصل عشان خاطر ايه 'مهما كان الحب متدمريش نفسك ’من امتي وانتي كدا , ولحد امتي هتفضلي تعذبي نفسك ,عصام اختار مراته بلاش تستنيه بعد كدا ساره بعياط هستيري : بس هو وعدني ميدو : مش انتي ساره الي انا اعرفها ساره قويه جدا ,بس اتغيرت دلوقت ‘اخرجي برا مشاعرك ناحيته انتي تقدري لان الي انتي فيه ده مهانه حب ساره نزلت دموعها :قلوبنا مش ملكنا ولا بزراير ميدو : الايام كفيله تنسيكي’ وعارف ان عصام اخطئ لما طلب منك تستنيه لانه لما اتجوز الطبيعي كان قطع علاقته معاكي تماما ‘وهو ع فكره عارف انه اخطاء , خلاصه القول انتي لازم تفوقي لنفسك ساره الدموع غرقت عيونها : عاوزني اعمل ايه عصام سابني وبقيت لوحدي ميدو بشفقه: انتي مش لوحدك انا موجود يا ساره ( ركع قدامها ومسك ايدها بحنان) تتجوزيني ساره رفعت عيونها وبصتله بغرابه ودهشه ميدو كمل: عارف انك اتفاجئتي بس انا بحبك من قبل ظهور عصام في حياتك ’ واوعدك عمري ما ازعلك ولا اجرحك واجبلك سيره عصام’ الماضي هنمحيه خالص ‘وهسعدك دايما والايام خير دليل ‘ها موافقه تتجوزيني ساره بمكر: موافقه ميدو ضمها لحضنه وباس راسها بحب وعطف وارتاح انها اخيرا بقت له هو !!!! ....قصص منه محمد كاتب......... فرحه حضرت خطبه بعد صلاه الجمعه وكانت بتحث ان صبر المرأة على زوجها من أعظم القربات وأجل الطاعات، وأنها ستكون من الذين يوفون أجرهم بغير حساب يوم القيامة، و إن الله وعد الصابرين بأنه معهم وبشرهم بأنه يحبهم، وأن مقامهم عندهم في أعلى المقامات في الجنة بإذن الله، وصبر المرأة على زوجها هو نوع من أنواع الصبر العظيم الأجر، فإن مجرد خدمة المرأة لزوجها وتربيتها لأولادها يعدل الجهاد في سبيل الله، فما بالك لو كان الزوج يسيء العشرة وصبرت عليه ولم تقصر في حقه؟ قطعاً سيكون أجرها أعم وثوابها أتم وأفضل و بالصبر الجميل والدعاء لزوجك بالصلاح والهداية والاستقامة، والإكثار من ذلك، والاجتهاد في خدمته والإحسان إليه وإكرامه وإكرام أولاده. وبشري بفرج من الله قريب، حيث قال صلى الله عليه وسلم: (واعلم أن النصر مع الصبر، وأن الفرج مع الكرب، وأن مع العسر يسراً فرحه: عمي مرات عمي الف الف شكر انكم سمحتولي اقضي معاكم طول شهر رمضان 'حتي العيد خديجه مثلت الزعل وبعتب: بتقولي ايه, البيت ده بيتك ,وتقدري تيجي في اي وقت 'وتقعدي زي ما تحبي مش كدا ياحبيبي صالح رد بكل هدوء : هي مش محتاجه هي عارفه خديجه: ممكن اسألك ع حاجه فرحه: اتفضلي يا مرات عمي خديجه مسكت ايد فرحه بين ايدها : انتي زعلانه مع جوزك فرحه بصت لعمها ونزلت عيونها في الارض وسكتت صالح بحكمه: فرحه مفيش بيت بيخلي من المشاكل بين اي زوجين' بس مش الحل انك تهربي 'واجهي المشكله' لما بنهرب المشكله بتكبر وتتفاقم وعشان تحليها لازم تبقي هاديه وذهنك صافي خديجه: عارفين انا وعمك انك مش حابه تتكلمي احنا بس خايفين وقلقنين عليكي 'بس انتي عارفه احنا دايما فاتحين قلبنا ليك وبندعيلك ولو احتاجتي حضننا هتلاقينا دايما مرحبين فرحه رمت نفسها جوه حضنها وخديجه ضمتها وباست دماغها بحنان ..........قصص منه محمد كاتب................... فرحه رجعت ع القريه ودخلت بنفسها المطبخ تجهز غداء لعصام بنفس راضيه وركبت عربيتها وهي سعيده ومبسوطه انها راجعه لحبيبها لكن لما نزلت من العربيه شافت ساره خارجه من بيتها ووراها عصام بيضحك وسعيد جدا ,, فرحه وشها اصفر وهرب منه الدم وجريت بسرعه ركبت عربيتها وبعتتله رساله بكلمه واحده ( طلقني) عصام قاعد قدام شاشه الكمبيوتر بيتأمل صوره فرحه وشال صورته مع ساره تماما,, رقد ع السرير وحط ايده تحت دماغه وسرح تفكيره فيها سمع صوت جرس الباب قام ملهوف يمكن تكون فرحته رجعتله وحننت قلبها عليه لبس السليبر وطلع يجري ونزل يفتح الباب لانها حرفيا وحشته جدا لكن لقاها ساره سهم واذبهل ساره: اقدر ادخل ولا مش مسمحولي عصام بتوتر لتكون هترفض انه يسيبها: اتفضلي ساره أأعدت: انا جايه اقولك حاجه مهمه عصام بخوف : ايه هي ساره رغرغت عيونها بدموع: انا هسيبك لحياتك ’طالما ده الي انت عيزه ,مش كدا عصام: الي اقصده انا عايزك تشوفي حياتك ساره: هشوفها متئلئش عصام: ساره انا بجد آسف دي غلطتي ساره: فعلا دي غلطتك( دمعت) زمان لو محاولتش تقنعني ومطلبتش اننا نرجع لبعض مكنش هتحطم زي دلوقت حاولت انساك واتعايش لما اتجوزت بس انت رجعتلي بس انا هسيبك صدقني عصام مبقاش عارف يرد يقولها ايه مكسوف من نفسه والوضع الي حط نفسه فيه بس هو غصب عنه اتعلق بفرحه!! ساره: هسيبك لاني هتجوز عصام رفع دماغه بسرعه وسألها: هتتجوزي مين؟؟!! ساره: فيه واحد دايما واقف بيسندني لما بقع اعرفه من زمان اوي عصام وشه ارتاح: ميدو ازاي ده وانا عمري ما اخدت بالي ساره: هو شاطر بيعرف يخبي مشاعره عصام: وانتي بتحبيه ساره بمراره : يمكن احبه زي ما انت حبيت تاني مين عارف !! عصام ببتسامه كلها راحه: شكرا يا ساره ساره: ع ايه_مسحت دموعها_ وبعدين شكرا بس مش هتقدملي عصير او تعملي اكله مين عارف يمكن تحب تطلبلي لحمه مشويه عصام ببتسامه واسعه : معنديش مانع انتي ائمري وبعد العشاء وواجب الضيافه عصام طلع معاها لحد عربيتها عشان يودعها ..........قصص منه محمد كاتب............... كانت فرحه رجعت ع القريه ودخلت بنفسها المطبخ تجهز غداء لعصام بنفس راضيه وركبت عربيتها وهي سعيده ومبسوطه انها راجعه لحبيبها نزلت ومعاها العمود الاكل لكن شافت ساره خارجه من بيتها ناحيه عربيتها ووراها عصام بيضحك وسعيد جدا وبيشاورلها باي ,, فرحه وشها اصفر وهرب منه الدم وجسمها انهار لدرجه وقع العمود من ايدها عمل صوت قوي عصام بيلف شافها بتهز دماغها بعدم تصديق عيونها ماليانه دموع وبترجع لوري وهو رايح عليها جريت بسرعه ركبت عربيتها وقفلت المسوجر عصام بيهبد ع الشباك: فرحه اسمعيني وافهمي الاول.... فرحه اقفي الموضوع مش زي ما انتي فاهمه, ارجوكي والله مافيه بينا حاجه فرحه اتحركت بالعربيه وهي منهاره وعصام بيجري وراها لكن هي بعتتله رساله بكلمه واحده ( طلقني) عصام فتح الرساله وقعد علارض يبكي لـ اول مره يبكي بصوت كله قهر .....بكاء بحسره وكأنه فقد جزء من نفسه ...هو مش بس حبها هو عشقها امتي وازاي ميعرفش لكنها قدرت تسحبه بروحها الحلوه المرحه المتسامحه..... رغم مكنش بيحاول يجاريها ويما صدها لكن بحنيتها وحنانها وشقاوتها الطفوليه البريئه .....قدرت تحتل قلبه وتاخد مساحه من فكره #باك عصام مد ايده يزيح خصله من شعرها عن وشها ويلمس ملامحها البريئه: هو انا امتي حبيتك وازاي اديتك مساحه رغم الاول مكنتش بعاملك كويس , وانتي عمرك ما كشرتي في وشي ولا بكيتي فرحه: مش عشان مش بشتكي يبقي مش بتعذب من معاملتك ’ومش معناه اني مش بعيط اني مش حاسه بحاجه انا بس بحاول ابتسم واضحك قدامك لـ اطول وقت لاني معرفش امتي هتكون اخر مره ’فيها هنفترق عصام: وانا كنت بقول هي بتغظني ’ولا هي لوح تلج جبله ومش بتحس صدقا كنت محتار فيكي الصراحه فرحه: عشان انا بجد بحبك زي مانتا بكل تفاصيلك مميزاتك وعيوبك حتي لما كنت بتوجع قلبي مليون مره عصام مسك شفايفها وبمزح : اه ده انتي واقعه ومدلوقه عليا بقي فرحه ابتسمتله ابتسامة كلها حب : بصراحه اه ’ وعشان مدلوقه كنت بدورلك ع مبرر حتي لما بتغلط فيا ومهما بتعمل بستحملك عصام: ولا مره حسيت بحبك يافرحه فرحه: عشان كنت بحبك في السر ,واعشقك في السر ’واتكلم معاك في السر ,وفي السر كنت بخاف اوي لواحده تاخدك مني وكنت بصلي وبدعي بستمرار عصام لعب في خصل شعرها : كنتي بتدعي بتقولي ايه فرحه من طرف عينها وبخبث: كنت بقول يا يتجوزني عصام ابن خالتي واخده ياربنا يخده عنده المهم متبقاش لواحده غيري عصام مسكها ويدغدغ فيها : انتي مش عايزه قلمين ع وشك انتي عايزه عربيه نقل تعدي عليكي طلعتي شريره فرحه بتضحك من قلبها : وانت دلوقت بتتصرف معايا زي البلطجيه عصام ضمها لصدره وبجديه : انا آسف لو زعلتك واسف ع كل كلمه قلتهالك بقصد' او من غير قصد 'عارفه يا فرحه انتي خلتيني محكمش ع الكتاب من الغلاف ’وفهمتنيني ان الحب الحقيقي بيجي مع العشره بعد الجواز ,يمكن لما شوفت ساره انبهرت بيها واعتقدت اني اختارت الانسانه المناسبه ويمكن عشان اول مره ادخل في علاقه مع بنت مصدقاني فرحه باسته من خده : مصدقاك ,وشكرا لحبك لي عصام مسك صوابعها بتمعن: بس عارفه عجبني اوي ميكس الالوان ع ضوافرك بجد حلوين فرحه رفعت ايدها وتداعب ذقنه : ربنا يخليك ياحبيبي يارب ’ اهو انت دلوقت طلعتني لسابع سما عصام ملس بأيده على خدودها ورقبتها برقه : وهاخدك للجنه #باك عصام قرر يرجعها مهما حصل ويفهمها الحقيقه .....وبالفعل راح يدور عليها لكنه معرفش يوصلها كأن الارض انشقت وبلعتها وفكره اختفائها في حد ذاتها ’فكره رعبته لحد ما وصلته رساله.....!!!!! ................قصص منه محمد كاتب................. في الكافيه دخل ببركان: مراتي فين ميدو ببرود: السلام الاول عصام اتعصب: بسألك فين فرحه ميدو حط سيجاره بين شفايفه : مش الاول تباركلي عصام سحب كرسي وقعد: مبروك انت اخدت ساره وانا خسرت مراتي ميدو: لما تلعب بالنار لازم تلسعك عصام مسك اعصابه: انا في حاله زي الزفت ’عارف انك مش بتحبني ’مفيش اي مشكله ,بس مضيعش وقتي معاك ’بعت لي رساله وقولت لي عارف مكان مراتي ارجوك قولي فين فرحه فين؟؟!! ميدو حط رجل ع رجل بهدوء: تمام طالما اترجتني يبقي لازم اقولك, اني معرفش هي فين عصام قام بغضب: انت بتستهبل ميدو فتح الموبيل ع صوره: عصام ارمي نظره وهتعرف مراتك فين؟؟!! عصام بص في الموبيل وعرف يوصل لمكانها ...............قصص منه محمد كاتب................ في النادي عصام لقاها بتجري في الساحه نداه عليها بصوت عالي: مي مي برقت وطلعت تجري بالكوتش: ده ليه جاي لحد هنا عصام بيجري وراها: مي استني عايز اتكلم معاكي مي مكمله جري: مستحيل واياك تقرب مني حكيم ساعدني عصام: اقفي اكلمك مي بتجري بكل سرعتها: مستحيل _ و مع قوه الجري وقعت وصرخت_ اه عصام راح عليها ونزل ع ركبه ونص: انتي كويسه مي: مش شايفني وقعت عصام: محتاجلك تساعديني مي: اكيد جاي تسأل عن فرحه صح؟؟!!بس انا مش عايزه ادخل ماشي عصام: مي انا مش عارف اوصل لفرحه مي: وانا مالي ده اقل عقاب ع خيانتك ليها يابو عيون زايغه, ربنا عاقبك ع الجوهره الي كانت معاك وانت معرفتش قيمتها عصام: ياستي انا غلطان ’ وبتأسف والله والله بحب صاحبتك , وهي بتحبني وبعتالي رساله طالبه الطلاق مي: معاها حق انت افعالك معاها لما بتحكهالي بتجب لي صداع ’ بما لك هي , بس هي عشان بنت اصول مرحتش سيحت ولا جابت سيره لحد ,عن افعالك وكتمت جواها المرار عصام: الامور مختلفه حاليا يامي انا والله العظيم بحب فرحه بحبها بجد مي: لو بتحبها هتكتفي بيها' لو بتحبها هتخاف ع زعلها ’ وهتبعد عن الحاجات الي بتضايقها ٠٠وهي عشان بتحبك اتحملت طريقتك لحد ماتتعدل وفضلت تنصحكً عصام :والله ندمان وغلطان 'هي فين اطيب خاطرها مي :فرحه في المطار عصام كش كدا :رايحه فين مي :موزمبيق عصام :مي مش وقت هزار اتكلمي جد مي ضربته ع كتفه وضحكت اوي: عرفت اني بهزر بقلد الافلام لما البطل يجري للمطار يلحق حبيبته الي طفشانه منه عصام :مي اتكلمي جد من فضلك مي بجديه: ماشي فرحه راحت لمحامي العيله’ تخلعك عايزه تطلق منك , وخالي بالك لما صاحبتي قالت لك انها بتحبك مش سهله تقولها لان الكلمه دي مبتتقلش لـ اي حد واعرف انك كنت غالي جدا عندها عصام: والله وهي غاليه وهكتفي بيها عن العالم كله .........قصص منه محمد كاتب.................... عصام ركب عربيته وطلع ع مكتب المحامي يلحقها والطريق اتقفل بسبب حادثه ع الطريق لحد ما السكه فتحت وعصام وصل لكنه لقاه المكتب مقفول عصام راح للبواب: لو سمحت هو المحامي مشي امتي؟؟!! البواب: من حوالي عشر دقايق عصام عض ع شفته وسند ع العربيه: اكيد خلعت المجنونه الصوت: عـــــــــصـــــــام عصام يبيص لمصدر الصوت لقاها واقفه ع الرصيف المقابل وعيونها كلها دموع عصام بصلها بقلب ملهوف وجري عليها بلهفه: فرحه فرحه الدموع سيل ع خدودها : المحامي ع ما وصلت كان قفل ’ اروح لمين بقي عشان اخلعك , تعرف محامي تاني اصل الي اعرفه وشاطر بعيد عند عمي وانا عايزه اخلعك النهارده عصام حط ايده على كتافها ويبتسم وفضل يسمعلها بجد لذيذه حتي وهي بتشكيله منه وسألها: وانتي ايه الي اخرك فرحه مسحت دموعها بضهر ايدها: العربيه بتاعتي سخنت فجأه طفتها ترتاح شويه , وبعدين الكوتشه فرقعت واضطريت اخدها للميكانيكي في ورشه انفخها , بعدين توهت , واتأخرت ع المحامي عصام ابتسم بسعاده : الحمد لله دي اراده ربنا محبش يفرقنا ’فرحه انا عايز افسرلك الي حصل امبارح ساره جات لي البيت تبلغني انها هتتجوز ميدو فرحه ضمت حواجبها : ايه ساره هتتجوز ميدو عصام: واتكلمت معاها وقولت لها بصريح العباره انا عايز اكمل مع مراتي’ هي في الاول رفضت بس ميدو قدر يقنعها فرحه ( حرك ايده ع كتافها) ساره خلاص سابتني ومشكلتي معاها اتحلت ’ عايزك ترجعي معايا بيتنا ونبدء من اول وجديد واوعدك هكون حبيبك لوحدك وزوج مخلص ليكي دايما ,ووعد عليا هخالي حياتك كلها فرح يافرحه موافقه فرحه: هتحبني وتعيش معايا بدون اي شروط عصام هزلها دماغه: هحبك من غير اي شروط فرحه ببراءه: شكلك اتسوحت من غيري عصام اتنهد: اه لو تعرفي انا اتبهدلت وعانيت ازاي من بعدك فرحه فتحت الشنطه وابتسمتله برقة: خد معايا توفي حلو اوي عصام ابتسم واخدها منها وشال الورقه واكلها وكان هيرميها علارض فرحه: استني انت هترمي الورقه مش في المكان المناسب فيه صندوق للزباله عصام لف وحدفها في الباسكت وهو بيضحك وسحبها واخدها في حضنه وهو بيتنفس براحه انها معاه الفصل الحادي عشر من هنا |
تعليقات
