رواية حرب العشق الفصل الرابع 4 بقلم هاله احمد
محمد بص لحسين بانتصار وقال بصوت منخفض: منا قولتلك هتتصرف.
حسين بصلو وسكت وقال بزعيق: بنتي اي اللي حصلهااا بنتيييييي
حمزه طلع من مكتبو وهو شايلها وطلع بجري ع عربيتو وركبها وطلع بيهاا..
حسين ومحمد وقفو جنب بعض وكانو بيبصو ع العربيه ومحمد اتكلم وقال: ان شاءلله تنجح
حسين بصلو بقلق وقال: ياريت تنجح لان لو فشلت حمزه مش هيرحمنا
بعد شويه عربيه حمزه وقفت قدام ڤيلا صغيره وجميله ونوعا ما بعيده خالص ومفيش حاجه حواليها غير كام ڤيلا حواليها ونزل وشالها ودخل بيها...
موجود جوا ست كبيره جميله جدا ملامحها هاديه ومريحه نفسيااا كانت قاعده مع بنتين ودول اخوات والاتنين اصغر منو..
وفاء بخضه: حمزه مين دي ومال هدومهاا انت عملت اييييييه
جميله: ابيه حمزه مين دي
صفاء بحده: متقول يااااا حمزه مين دي وترد علينااا
حمزه بزعيق وهو بيحط لينا ع اقرب كرسي: بس بقاااا اسكتووو شويه ايييييه مالكوووو.
وفاء بعصبيه: انت داخل علينا ببنت مغمي عليها ولا ميت*ه ولا منعرفش مالها وهدومها غرقا*نه بد*م وعاوزنا نسكت انت جرالك اي انت اتجننت.
حمزه بهدوء: اقعدي بس يا امي وانا هحكيلك كل حاجه
وفاء: اديني قعد اتفضل احكي...
حمزه حكالهم كل حاجه..
وفاء بدموع: ي حول ولاقوة الابالله ليه كده هما بيجيبو العيال يبهدلوهم معاهم ربنا ينتقم منهم
جميله بعطف: طب وانت هربتها ازاي يا ابيه
صفاء بحزن: صح يا حمزه هربتها ازاي
فلاش باااك.....
حمزه قعد قدامها ع الارض وقال: لينا ارجوكي متعمليش كده كل حاجه وليها حل انا مش عارف اعمل ايييه
لينا مسكت ايدو وقربتها لشفا*يفها وبا*ستها وقالت: علشان خاطري اعمل اي حاجه بس متخلنيش اروح معاهم وحيات اغلي حاجه عندك...
حمزه بتوتر من لمستها قال: بصي اسمعي اللي انا هقولك عليه ده ماشي
لينا مسحت دموعها بكف ايديها زي الاطفال وقاالت: حااضر
حمزه بصلها بشفقه وقال: طفولتك دي مودياني في عالم تاني.
لينا بصتلو وقالت: هنعمل ايه
بص ع هدومها ولقاها كلها د*م فقال دي حاجه كويسه مش هتبين ان كانت اتصابت ولا لا
طلع مسدسو وضرب طلقه في السقف وراح عليها وضغط ع رقبتها بطريقه ذكيه ومحترفه وفورآ اغمي عليهاا وقال: معلش سامحيني بقا
باااااك~
جميله بفرحه قالت: يخر*بيت دماغك يا ابييييه
وفاء: بنت احترمي نفسك
وفجأه سمعو صوت لينا وهيا بتتوجع
حمزه جري عليها وقال: لينا انتي كويسه
لينا بتعب: انا فيين
حمزه: انتي في بيتي يا لينا
صفاء راحت عندهم وقالت: قومي يا لينا معايا علشان تغيري هدومك وترتاحي شويه
حمزه بخوف عليها: خدي بالك عليها يا صفاء
صفاء بضحك وغمزه: متقلقش عليها يا حمزه بيه
وخدتها وطلعت...
حمزه بتوتر: انا هطلع اخد شاور واغير هدومي علشان نازل عندي شغل كتير جدا
وفاء بضحك: ماشي يا ابني ربنا يوفقك يارب
جميله قربت ع مامتها وقالت: ماما هو ابيه حمزه بيحب لينا دي صح
وفاء بصتلها وقالت: قومي يا مقصوفه الرقبه انتي مالك قومي من وشي محدش هيجيب اجلي غيرك كتك نيله
جميله بصدمه: انا عملت اي لكل ده يا مامتي بس
وفاء: انا هقوم انا واسيبلك الدنيا كلها
فوق في اوضه صفاء كانت لينا غيرت هدومها وقاعده ع السرير..
صفاء: عندك كام سنه يا لينا
لينا: عندي 18
صفاء بشك: 18ازاي انتي شكلك اكبر من كده
لينا بتوتر: ايوه م في ناس كده عادي بيبقوا شكلهم اكبر من سنهم
صفاء: اممم ممكن برضو
وفجأه سمعو صوت خبط ع اوضتهم
صفاء: ادخل
حمزه بتوتر: لينا كويسه
لينا ببتسامه: ايوه انا الحمدلله كويسه
حمزه: طيب انا كنت جاي اخد منك شويه معلومات وماشي علطول
لينا بتوتر واضح: معلومات اي
حمزه: كنت عاوز عنوان بيتك وعنوان جوزك علشان ده مسجلنهوش في المحضر
لينا بلخبطه: طب ممكن تسبني دلوقتي معلش اصل انا مش مجمعه خالص دلوقتي
حمزه ابتسملها وقال: تمام براحتك هجيلك بكره ارتاحي انتي دلوقتي
وسابهم ومشا
لينا: ممكن اعمل مكالمه من تلفونك لو سمحتي يا صفاء
صفاء بحب: اه طبعا اتفضلي انا هنزل انا اجبلك حاجه تاكليها
لينا ابتسمتلها وقالت: شكرا
لينا طلعت ورقه مكتوب فيها رقم واتصلت بيه بسرعه وقالت: انتو اغبيه وشكلكم هتورطوني في مصيبه حمزه ذكي جدا حتي اختو انا قلقت وعاوزه انسحب
المجهول بعصبيه: انتي اتجننتي ولا اييييه تنسحبي من اي يا حلوه انتي ناسيه اتفاقنا ولا اي.. اي حركه ذكيه هتطلع منك هتشوفي وشي تاني واظن انتي عارفه انا هعمل اي
لينا بدموع: طب انا عاوزه عنوان بيت للعيله معين وجوزي علشان هو سالني عليه وانا معرفتش ارد
المجهول: بليل هيكون عندك كل حاجه.
لينا: متتصلش ع الرقم ده علشان مش بتاعي ده بتاع اختو
المجهول: تمام
وفجأه سمعت صوت وفاء من وراها وهيا بتقول: ميتصلش هناا لييه بقا
بصتلها لينا بصدمه و.......
لمتابعه باقي الروايه زورو موقعنا على التليجرام من هنا
