.jpeg)
رواية هارون ونغم الفصل الاول
هارون بغضب و حدة:
يعنى أنت موافق يا عمي أن بنت اختك تعر"ض جس"مها لكل من هب و دب.... أنتم اتجننتوا و لا أيه دا على جثتي...
خالها عامر بارتباك :
ما هو أنا يا إبني كنت مش موافق ...
نغم بشراسة و غضب:
ايه تعرض جس"مها دي يا هارون بيه اسمها هبقي عارضة أزياء في مكان كبير و محترم و بعدين أنت مالك بيا....ان شاء الله اولع بجاز أنت مالك و بعدين أنت فاكر نفسك مين علشان تؤمر و تتآمر عليا و خالي في علمك انا هعمل اللي في دماغي و هحقق حلمي أنت فاهم و ياريت بقا تنسا أنك تعرف واحدة اسمها " نغم "
و الله يا ماما هيجي يوم و اطفش بسبب انك بتدخلي البني آدم دا في حياتنا
هارون وقف ادامها و شايف لمعة الشراسة و الكبرياء اللي في عيونها زي ما سموها عيونها دبا"حة
سواد عيونها جذاب و ساحر بشكل يخليها توقع اي حد في حبها
لكن مش هارون الخطيب
هارون بحدة و هو يمسك دراعها بعنف :
بت أنت اتكلمي مع أمك عدل أنتِ فاهمة قسماً بالله اكسرلك دماغك.... و ثانياً و أنتِ بتتكلمي مع هارون الخطيب صوتك ميعلاش علشان متزعليش فاهمة...
نغم بقوة و هي بتبص في عيونه بحدة :
لا مش فاهمة.... و هعمل اللي أنا عايزاه
هارون بابتسامة جانبية ماكرة
:و ماله....
بص لوالدتها بهدوء و اتكلم ببرود:
ست ناهد متشغليش بالك بالموضوع دا... أنا لازم امشي دلوقتي
ناهد بتوتر:ربنا يحميك يا هارون بيه
نغم بصوت عالي :ربنا ياخدك...
هارون بصلها ببرود و مهتمش، خرج من شقتهم في الحي الصغير دا....
نغم بصوت عالي
:ممكن افهم يا ماما أنتي ايه اللي خلاك تروحي تقولي للبني آدم دا اني عايزاه اشتغل عارضة أزياء
ناهد بحدة:
اعمل ايه فوضت أمري ليك يا رب...بقولك ايه يا بت أنا
مكبرتش و ربيت علشان تيجي تقوليلي عايزاه تشتغلي مش عارفة ايه... ثانيا هارون بيه مش غريب أنا اشتغلت في القصر بتاعهم اتناشر سنه و عارفاه كويس و انتي بقا محدش بيقدر عليكي ... فطلبت منه يشوفك شغل تاني و لما عرف انك عايزه تشتغلي كدا قالي هيجي معايا و يتكلم و بعدين هو الراجل غلط في ايه، دا كتر خيره انه وافق يشوفلك شغل
نغم بغيظ:هو حد قالك اني مش لاقية شغل انا العروض عليا كدا اني اشتغل في مجال دراستي بس انا مش حابه الفكرة انا عايزاه اعيش حياتي زي ما في دماغي و أحقق أحلامي و بعدين متحسسنيش اني عايزاه اشتغل رقا"صه
ناهد بتعب:
يا نغم يا حبيبتي أنا تعبت على ما كبرتك و خايفه عليكي العالم اللي انتي عايزاه تدخليه دا مش شبهك دول ناس فاضيه بس تبين للعالم انهم شكلهم حلو و جسمهم حلو مش مهم المقابل اللي هيدفعوه في سبيل دا
و بعدين خالك كمان مش موافق ما تقول حاجة يا عامر
عامر :اقول ايه بس يا ناهد يا اختي هي بنتك دي بتسمع كلام حد و الله انا فقدت الأمل فيها أنا نازل الورشة بتاعتي و لو حصل حاجه ابقى كلميني و انا هطلع و انتي يا بت اهدي على امك هي مش حملك
نغم بضيق :لا يا خالي خليك أنت قاعد و انا نازلة هروح المصنع يارب يتوب عليا من الشغلانة دي...
نغم سالم
٢٦سنة، جميلة جداً متوسطة القامة، عيونها سوداء ساحرة... بتحب الموضة... من عيلة بسيطة... عنيدة و قوية
هارون الخطيب:
٣٣سنة... طويل و عريض جسده رياضي شخصية حادة جدا لكن بيتعامل بهدوء مع المواقف و بيكره الشخصيات المغروره
