رواية تغريدتي الفصل الثامن 8 بقلم ملك

رواية تغريدتي الفصل الثامن 8 بقلم ملك 

عند علي وفاطمة

{اديني فضلت ساكته لحد ما اتجوزت اهو وبعدين هنعمل اي بقي 

:هنعمل كل خير يروحي بصي بقي

وقالها علي الي هيعملوا بالظبط

{بس دي اكيد لو اتعرف كدا احنا هنروح في داهيه

: داهيه اي بس يبت بلاش هبل احنا هندبرها اكنها قضاء وقدر وقدر ربنا اكيد بقي وصدقيني محدش هيبقي مهتم يعرف الاسباب لا هو عندوا اهل ولا هي عندها اهل امها كدا كدا مش مهتمه لوجودها

{طب هنعمل كدا امتي

:هقلك لما اجهز كل حاجه

عند امجد وتغريد 

كانت تغريد بتصحي امجد بس هو مش راضي يصحي وتغريد تعبت

=يعم هو انت مستقصدني عايز تغلبني وخلاص 

_يا تغريد سيبيني بس هخطف خمسه

=خمس ساعات ولا اي يبني احنا الضهر وصاحبك لوحده من امبارح وامه جت وسالت صحيت ولا لا عشان توديها وانت نايم اومال صاحي الفجر عايز تروحله ليه بقي ولا هو اي غلبه وخلاص

_عايز انام تعبان والله

=مالك في اي

بصلها امجد وهو مش عارف يعمل اي يقلها اي

_هاتي الدوا بتاعي وبس انا هاخده وهبقي زي الفل متقلقيش 

=امجد انا فارس حكالي كل حاجه

_كل حاجة اي يا تغريد

=انت لي مش عايز تتعالج

_تغريد اقفلي الحوار دا

وبعدين قام عشان يلبس وينزل ويهرب من الكلام معاها في الموضوع دا بالذات

=مش هقفل يا امجد انت لازم تتعالج ودا بجد ومفيهاش هزاار

_قلنا اقفلي الحوار

=مش هقفله يا امجد افهم اني مش هقفله وانت لازم تبدأ علاج انا مش هستني اليوم الي تبقي تموت قدامي فيه فاهم

رفع ايده كان هيضربها بالقلم

_ما قلنا اقفلي الحوار 

وبعدها هبدها في الحيطه 

_انا غاير من وشك يا تغريد خالص وفارس له حساب لوحده وهعرفه كويس ازاي يعمل كدا 

ودخل لبس بسرعه ونزل وتغريد فضلت تعيط

كان امجد بيسوق وهو متعصب ومدايق من فارس انو قالها ليه يقولها فضل يخبط في الدريكسيون وكمل طريقه بسرعه وراح لفارس ودخل الاوضه بتاعته بعصبيه.

_انت ازاي تقول لتغريد يا فارس ازاي

‹اهدي يبني قلتلها اي بس

_قلتلها اي ليه تقولها اني تعبان ليه يا فارس ليه يا صاحبي تعمل كدا فهمني ليههه

‹اهدي يا امجد انا مش هاين عليا اشوفك تعبان وكل يوم اتوقع حد يرن عليا يقولي دا مات يا امجد انت فكرك يوم ما تغريد كلمتني تقولي انك تعبان انا حصل فيا اي وقتها مثلا مش قادر تفهم ليه انك بتخليني اموت بالبطئ انا واي حد يعرف وبيحبك افهم بقي انا عمري ما اتمني انك تروح مني انت صاحب عمري يا امجد افهم داا

_صاحب عمر

ومره واحده امجد وقع من طوله الي خلي فارس يقوم بسرعه ناسي اي حاجه تعبان منها وكل الي فكر فيه امجد وطلب دكتور الي جه بسرعه واخدو لاوضه تانيه وسط قلق فارس ومحاولة من الممرضات ان يخلوا يرجع لسريره تاني

عند تغريد 

فضلت مدايقه وبتعيط لحد ما ماجدة خبطت الباب 

[يا تغريد امجد صحي ولا لا

=صحي ونزل يا طنط لو عايزه تروحي كلمي السواق 

[يعني مذنبني كل دا وفي الاخر هروح بردو مع السواق خلاص يبنتي ماشي

=تمام انا هاجي معاكي يا طنط 

[طب اجهزي على ما انزل اشوف محمد

=تمام ياطنط

نزلت ماجده وتغريد بتمسح دموعها وابتدت تجهز وكل ما تفتكر الي امجد عمله تعيط اكتر مش قادره تدرك سبب الي مخليه مش عايز يتعافي خلصت ونزلت وراحت هي وماجدة للمستشفي ودخلوا عند فارس الي لقوا نايم وملقوش امجد وفضلوا مستنين امجد يجي او فارس يصحي لكن بلا فايدة تغريد كانت بتحاول تكتم دموعها عشان ماجدة متلاحظش انها عايزه تعيط

=انا هنزل اجيب حاجه اكلها واجي

[تمام يبنتي انا هفضل جمبه لحد ما يصحي

=تمام يا طنط 

كانت ماشيه تغريد في الكوريدور وشافت بسمه

=وه بتعملي اي هنا يبت

~تغريد وحشتيني والله يحبيبي 

=وانت والله يبسوم 

~انا اشتغلت هنا يبنتي

=اها مبروك يحبيبتي 

~متزعليش مني يا تغريد عل الي حصل امك كانت مفهماني ان كدا هترجعك تعيشي معاها وانها كدا هتقرب منك اكتر متزعليش مني

=مش زعلانه يبسوم عشان أنا فهماكي انا بس الي مزعلني انك محضرتيش معايا تجهيزات الفرح زي ما وعدتيني بس عادي بقي حصل خير

حضنتها بسمه جامد  

~متزعليش مني حقك عليا

=ولا يهمك يعيوني

~مم وانت جايه هنا ليه بقي 

=صاحب امجد هنا وجيت مع مامته والمفروض امجد كان يبقي موجود بس ملقتهوش 

~صاحبه دا في اني اوضه

=253

_يالهوي ليكون جوزك هو الي وقع من طوله

=ايه ازاي مش فاهمه

وحكتلها بسمه الي حصل وان هما ودوا يعمل اشعه وكذا حاجه كمان وان بيقولوا عنده حاجه في المخ

=ازاي طيب هو فين 

~تعالي هوديكي 

خدتها بسمه الي ودتها اوضه امجد الي تغريد اول ما شافته بحالته دي جريت حضنته 

=امجد في اي 

بصلها ببرود ولف وشه الناحيه التانيه اتحرجت تغريد من بسمه الي كانت معاها 

~طب عن اذنك يا تغريد انا هروح اشوف شغلي 

 =اي الي انت بتعمله دا يا امجد

 ‏_بعمل اي انت اي الي جابك اصلا

 ‏=الي جابني اني المفروض مراتك

 ‏_مراتي اممم حلوه اوي الكدبه دي متنسيش اتفاقنا وانتي ملكيش دخل في حياتي من اساسه تاني حتي لو شوفتيني بمـ،ـوت قدامك 

 ‏=انا هقدر الي انت فيه يا امجد و

 ‏_مش محتاج تقديرك او شفقتك وياريت تغوري من وشي بدل ما انت حره في الي هيجرالك مني ومتخلنيش اطلقك دلوقتي لانه كلو هيجي عل دماغك انت في الاخر انا كدا كدا مش فارقلي 

بصتله تغريد ودموعها كانت مغرقة وشها وقررت انها مش هتقعد معاه تاني وهترجع شقتها وهي مبقتش عايزه تشوفه تاني اما امجد كان شايف كل الدنيا سودا مش قادر يبص في وش تغريد او فارس وقرر انو هيسافر ويريح الاتنين من وجوده كله ويبطل ياذيهم.....

بعد مرور تلت شهور كان فارس طلع من المستشفي وتغريد ابتدت تشتغل في شركه معروفه وامجد مفيش اي اخبار عنه 

عند فارس في البيت

‹يبنتي افهمي غيابه دا اكيد له سبب يعني اي متعرفيش مكانه يا تغريد 

=زي ما قلتلك انا لو اعرف مكانه كنت خليته يطلقني من بدري واخلص 

‹طلاق اي بس استهدي بالله انت لازم تفهمي ان امجد عنيد وبيعند مع نفسه اكتر ما بيعند مع الناس وصدقيني والله يبنتي امجد بيحبك

=فارس بص لا تقولي بيحبني ولا غيره انت مشوفتش عمل اي اخر مره وعن اذنك ورايا شغل

نفخ فارس وهو بيرمي الموبايل بعيد 

‹اصل دا وقته يا امجد والشركه سايبها تو،لع بقي عادي انا مش فاهم انت دماغك دي فيها اي والله 

عند تغريد اول ما قفلت فضلت تعيط وهي مكنتش قادره تاخد نفسها من كتر الخنقه الي هي فيها

=قال بيحبني قال لو بيحبني مكنش هيسبني كل دا مكنش هيسبني لوحدي ومعرفش عنه اي حاجه

وفضلت تعيط تغريد

في فيلا امجد

•طفش منها شوفتي يختي 

٠مع انها حلوه ومتتعابش بس اهو طفش وهي سابت البيت ولا اكنهم عرايس

•يختي حلوه اي بس دي شكلها يقرف 

٠يقرف اي بس ياورده كفايه شعرها الطويل والله دا غير أن عينها كدا يختي بحسها غريبه بحسها قالبه عل رصاصي كدا قال يقرف قال اسكتي يورده دا انا وانت الي جمبها نقرف

•اتكلمي عن نفسك انا اصلا احلي منها 

٠صحيح اما القرد في عين امه غزال هو في صوت برا ولا انا بيتهيالي يبت

•لا شكلها كدا في صوت تعالي نطلع نشوف في اي

شهقوا الاتنين لما شافوا شاب هزيل جدا شعره كله مش موجود حتي رموشه وجواجبه وكان باين عليه الضعف بكل انواعه

•انت مين يا استاذ

_مين ايه انت هبله يبت انت

٠استاذ امجد 

كانوا باصينله بصدمه وذهول لانه مكنش دا شكلها ابدا كان وسيم وسيم بدرجه كبيره وحاله اتشقلب كل دا ازاي حتي جسمه كان في عضلات وحلو الي حد ما كل دا راح وبقي رفيع ولا اكنه هيكل عظمي

_في اي يبت انت وهي شايفين قدامكم ميت روحوا شوفوا محمد الزفت فين يجي يشيل الشنط ويطلعها بدل ما هو ملهوش اي لازمه كدا 

٠حاضر حاضر 

وراحوا الاتنين بسرعه ل برا

٠يالهوي هو ماله بقي كدا ليه

•مش عارفه يختي دا زي الي طالع من التربه يشم هوا ويرجع تاني 

٠اسكتي ل يسمعناا  

عند فارس كان بيجرب يرن على امجد للمره المليون ومتوقع نفس الحاجه ان موبايله مقفول بس لقي موبايله بيرن فارس ابتسم بفرحه شديده 

_عايز اي يفارس

‹اخيرا اخيرااا وحشتني اوي والله يا امجد

_وانت رغم اني لسه زعلان منك

‹انت فين 

_في بيتي 

‹طب انا هجيلك.

_اشط مستنيك 

اول ما فارس قفل معاه اتصل بتغريد بعدها علطول الي اول ما شافت الموبايل بيرن مسحت دموعها وحاولت تخلي صوتها طبيعي

=خير يا فارس

‹امجد رجع يا تغريد رجع وهو في البيت دلوقتي انا هروحله

=ابقي قوله يطلقني يا فارس 

‹تغريد اعقلي كدا بلاش هبل مفيش طلاق

=وانت مين بقي عشان تقول في طلاق ولا مفيش

‹بصفتي اااااااااا بصفتي صاحبكوا واستحاله اخليكوا تخربوا بيتكو

=طيب

‹هخليه يجي يصالحك والله يلا باي انا رايحله

وقفل فارس الي نزل جري عشان يشوف صاحبه اكنهم في ابتدائي وخدوا الاجازه ودا اول يوم مدرسه كان فرحان اوي لكن فرحته دي كلها اتبخرت اول ما شاف امجد وحالته كان فارس باصصله بذهول 

_في اي يبني هو كل ما حد يشوفني يبقي هيحول زيك كدا ولا اي يعني 

‹انت اي الي حصلك

_عملت الي انت وهي عايزينه 

‹بجد يا امجد 

_بجد انا في الاول كنت مسافر عادي عشان اطفش منكوا بس بعدها فضلت افكر واخدت قرار ومرجعتش غير وانا عامل العمليه واخدت جلسات كيماوي وعملت كل الي انتوا عايزينه

ابتدي فارس يعيط وهو بيحضنه 

‹الي انا مش عارف اقنعك بيه بقالي سنه اختي اقنعتك بيه في يومين

_وحياتك هو يوم وبعدين هو انت قولتلها

‹اقلها ازاي بس مش عارف هقلها ازاي اصلا وبعدين تعالي هنا انت المفروض تروح تصالحها

_هروحلها بشطلي اصبري لما شعري يطول

‹قلها روحت الجيش

_وقت هزارك هو وقت هزار

قاطعهم صوت فون 

‹اهي تغريد مكناش جبنا سيره مليون جنيه

_طب رد يمكن عايزه حاجه 

‹ايه يستي عايزه تسمعي صوت جوزك ولا ايه

= فارس الحقني 

‹في ايه

= تعالي بسرعه في حد في الشقه وانا مش عارفه مين بس مستخبيه الحقنيي

            الفصل التاسع من هنا 

لمتابعه باقي الروايه زورو موقعنا على التليجرام من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال