رواية ندم الحياة الفصل الثاني 2 بقلم يارا عبدالعزيز
- يا رب
سمعت صوت الاذان سمعت الله اكبر حسيت ان ربنا بيقولها انه اكبر من حزنها اكبر من اى ظلم هى بتعانى منه قامت اتوضيت وصليت العشا وفضلت تبكى على سجادة الصلاة وتدعى وتقرأ قرآن لحد اما نامت على سجادة الصلاة
سومية : بقولك ايه شفلك حل مع مراتك انا تعبت منها
ادم : عملت ايه
سومية : كل شوية ابنك بيخونى ابنك بيخونى
- بغضب تمام
طلع شقته بغضب نادى عليها بغضب وضيق
- ياسمين انت يا ز فتة
قامت منفوضة من على المصلية و راحت عنده بخوف
- ن نعم
بغضب : تعالى هنا
راحت عنده وهى بتقدم خطوة لقدام وخطوة لورا بخوف كبير م.. سكها من شعرها واتكلم بغضب مفرط
- مش انا قولتلك كلام مع امى تانى مش عايز ولا انا كلامى مبيتسمعش
بصتله بخوف واتحدثت بوجع شديد
- ااه سابنى يا ادم والله كنت مخنوقة وكنت عايزة اتكلم مع حد انا آسفة
- انتى مفكرة نفسك مين يبت انتى دا انتى واحدة لا راحت ولا جت
اخدها على الاوضة و وقفها قدام المرايا وهو لسه ما.. سكها من شعرها
- بصى على نفسك فى المرايا وانتى هتعرفى انا ليه بخونك معقول انتى ياسمين اللى اتجوزتها بصى على شكلك ولا جسمك بقى عامل ازاى وانتى هتعرفى انا ليه بخونك واعملى حسابك انك لو مجبتليش العيل اللى عايزاه انا هتجوز عليكى
- حرام عليك دا انا محبتش غيرك والله ومش عايزة حاجة من الدنيا غير اننا نبقى مبسوطين مع بعض
- انا بقيت بك.. رهك وبقرف منك
ياسمين
- طلقنى طلقنى يا آدم بلاش تحسسنى انى بشعة اوى كدا
- اه اطلقك وادبس انا فى نص مليون وصل الأمانة اللى ابوكى مضانى عليه قبل ما اتجوزك
خرج من الاوضة وهو بيبصلها بسخرية
بعد منتصف الليل صحيت ياسمين بعد ما حسيت انها عطشانة بصيت جانبها ملقتش ادم موجود استغربت قامت وهى معدية من قدام المرايا بصيت على نفسها بحزن وهى بتفتكر كل كلمة قالها نزلت الدموع من عينيها مسحتها وهى بتبتسم
- الحمد لله خليكى قوية يا ياسمين اثبتى
دخلت المطبخ وقفت مكانها بصدمة اما شفته قاعد على التربيزة اللى فى المطبخ وحاطط قدامه طبق فيه مادة لونها ابيض وكان بيشمها بصتله بصدمة كبيرة وقلبها كان هيقف من الصدمة واتكلمت بهمس
- مد.. من بتتعاطى يا آدم
