رواية حياة عيلتنا الفصل الأول
الجد سعيد : انا قررت ايلين هترجع تتجوز من عز والكلام خلص
ايلين : بس يا جدي انا مش عايزاه
عز : على أساس انا اللي عايزك وبموت عليكي انا اللي برفضك
الجد بعصبيه : مفيش انا الكلام اللي عنده قولته
ايلين بدموع وهي بتجري على ابوها : أنا مستحيل اتجوزه يا بابا قولهم
الأب مجدي وهو ينظر للأرض بحزن : الكلام اللي يقوله جدك يتسمع
أيلين بنظرات لوم وهي بتجري اتجاه باب البيت
: انتو قبل كده جبرتوني اتجوز منه وشوفتوا النتيجه انا مستحيل ارجع له تاني
مجدي بترجي : يا بابا ايلين معاها حق نحنا فرضنا عليها مرتين تتجوز غصب واديك شوفت النتيجه
سعيد بغضب وصياح : هوا انت مش شايف الفضيحة اللي بقينا فيها من ورا بناتك واحدة ارمله واتنين مطلقات وثلاثه بايرات والمتجوزات كل يوم راجعات البيت بحوار مع اجوازهم ده غير ان خلفتك كلها بنات البلد تقول ايه
سعدية مرات مجدي : اه والله انا مكسوفه من اللي أيلين عملته ده ده اخر فترة بقي طالع ليها صوت بس انا هربيها من اول وجديد
سعيد : ايوه ابقي ربيها من الاول في النهايه عايزين مصلحتها
ده ابويا مجدي راجل طيب وغلبان وبينفذ كل كلام جدي وده جدي سعيد راجل صارم عايز يمشي كل كلامه غصب عن الكل ودايماً بيعاير ابويا أن خلفته كلها بنات وعز ده يبقى زوجي الأول (طليقي) وابن عمي بعدها اتجوزت واحد بس كان بيشتغل في الجيش ووصلنا خبر موته وجدي دلوقتي عايزني اتجوز عز تاني اما امي فعمرها ما وقفت معايا كانت بتشوف أن البنت نهايتها بيت جوزها وكانت دايماً بتساند جدي وعندي سبعة اخوات بنات غيري...