رواية حرب العشق الفصل الخامس 5 بقلم هاله احمد
لينا بصدمه: حضرتك هنا من امته
وفاء بضحك: لسه جايه حالا جبتلك الاكل انا اللي عملاه بايدي ان شاءلله يعجبك
لينا بارتياح: متشكره يا طنط تعبتك معايا
وفاء: لا تعب ولا حاجه يا حبيبتي بس كنت بتكلمي مين وبتقوليلو كده
لينا بتوتر: اخويا الصغير اصلو كان قلقان عليا اوي وقريب لقلبي عنهم كلهم بس
وفاء بهدوء: ماشي يا حبيبتي يلا اقعدي كولي
لينا ابتسمتلها وقعدت تاكل ووفاء قعدت جنبها تدردش معاها شويه.
عند حمزه في مركز الشرطه في مكتبو»
كان حمزه قاعد وغرقان في افكارو ومش عارف يتصرف ازاي وازاي في يوم وليله حياتو تتقلب بشكل ده..
حمزه فنفسو: هيا السبب ازاي قدرت توقعني فيها بشكل ده من يومين بس ازاي عشقت عيونهاا وكل تفصيله فيها... واااه من عيونهاا اللي بيجمعوا لون البحر والسماا...
سمع خبط ع الباب قطع خيط تفكيرو...
حمزه بعصبيه: ادخلل
دخل شاب طويل قمحاوي البشره عيونو بلون العسلي غمازتو اللي محفوره بشكل ملحوظ مع ضحكتو....
حمزه بفرحه وضحك: حبيبي وحشني اقسم بالله
ادهم راح عندو وحضنو وقال: بقا كده يا واطي كل ده متسالش عني
حمزه بضحك: عيب عليك يا صاحبي ده انت اخوياا
ادهم: اهو كده مخدش منك غير كلام بس ماشي يا عم
حمزه: تشرب اي يا حضره الظابط
ادهم بضحك: اي حاجه تيجي منك حلوه
حمزه: ماشي يا عم
وقعدو سوا يدردشو شويه...
في مكان تاني خالص اول مره نروحو»
كان في شاب واقف مع حسين ومحمد
سليم: انا مالي اتصرفو وهاتو واحده غيرها تعمل العمليه دي هوا لازم ست زفته عشق اييييه مش هنعرف نمشي شغلنا من غيرها ولا اييييه
حسين بخوف: يا باشا م انت عارف انها ذكيه والعمليه دي بذات مش هينفع حد غيرها يعملها
سليم بعصبيه وزعيق: خلاص الغوها العمليه دي لغايه متخلص المهمه اللي في ايديهاا
محمد بصدمه: نلغي عمليه ب 5مليون جنيه
سليم بزعيق: ايوووه اي اللي فيها يعني.
حسين بنرفزه: انا مش عارف العمليه اللي انت باعتها فيها دي مهمه بنسبالك كده ليه وبعدين هو في اهم من الفلوس بنسبالنا
سليم بص الناحيه التانيه وقال: غورو من وشي دلوقتي
حسين اخد محمد ومشا
سليم بص قدامو وفجأه عيونو دمعت وقال: امته بقاا امته هرتاح
نرجع تاني عند حمزه وادهم في المكتب»
ادهم: ابوس ايدك واافق عليا بقا انا وصفاء طلع عنينا معاك
حمزه بجديه: صارحها الاول بلي انت مخبيه عليها وبعد كده هيا ليها حق الاختيار يتوافق يترفض
ادهم: ماشي يا حمزه ماااشي
حمزه غمزلو وقام وقال: انا عندي شغل مش فاضيلك يا عم العاشق انت عن اذنك
وطلعو الاتنين من المكتب وهما بيضحكو وبيهزرو..
عند لينا كانت قاعده في الاوضه وكانت حاسه بملل خصوصا ان صفاء وجميله مش في البيت
لينا بزهق: ياربي اي الزهق ده لما اقوم اشوف الوليه اللي اسمها وفاء دي توجع دماغي بنصايحها شويه احسن من الملل اللي انا فيه ده..
قامت من ع السرير وطلعت برا اوضتها بس فجأه سمعت صوت جاي من اوضه وفاء ف فضولها اخدها وراحت وقفت بهدوء وقربت من الباب علشان تسمع..
كانت وفاء واقفه في نص اوضتها وبتكلم في التلفون.
وفاء بفرحه: الخطه ماشيه زي ما خطتنا بظبط
لينا بستغراب: خطه اي دي
وفاء: اهم حاجه انت واثق ومتاكد من البنت اللي انت باعتها دي احنا خطتنا كتير اوي علشان نقدر نعمل كده
المجهول بضحك: عيب عليكي البنت دي اخدت تدريب كتير اوي غير انها معايا بقالها سنين وعارفه شغلها كويس اوي..
لينا بعدت عن الباب بصدمه وقالت: اي اللي انا سمعتو ده معقوله..»
لمتابعه باقي الروايه زورو موقعنا على التليجرام من هنا
