رواية جريمة عشق الجزء الثاني الفصل الثالث والثلاثون
آدم : ها ياساره ياحبيتى . انتى مجمعانا كلنا . واحنا مصدقنا . انك فوقتى . وكلنا فرحنا من قلبنا انك رجعتيلنا بالسلامه . والكل موجود اهو زى ما كنتى عايزه . ها بقى كنتى عايزه تقولى ايه !؟
ساره : ب رعب حقيقي وكانت خايفه من مالك وعيونها عليه بترجى . وبصت ل آدم .. حضرتك انا كنت عايزه اعترف بحاجه .
آدم : سامعينك يا حبيبتي عايزه تقولى ايه!؟
ساره : بس قبل ما اتكلم .كنت عايزه اقول حاجه لكل العيله .. وبصت للكل واخدت نفس عميق . وقالت انا عايزه اقول ساعات الانسان بيتحط في مواقف غصب عنه . وساعات بيتولد في بيئه مش مناسبه ليه. وبصت لمالك ساعات بنغلط بس مبنبقاش عارفين اننا بنغلط . وساعات بنتاخد بذنب ناس تانيه . والانسان مهما كان وهو صغير بيكبر والدنيا بتعلمه و لما بيكبر بيكتشف بعد كده غلطه . وبصت ل آدم .. انا كنت عاميه ومش شايفه حاجه . و ماشيه في حقيقه مزيفه . وصدقني حضرتك . انا ضحيه ومش عارفه اعمل ايه . انا في حقايق مزيفه في حياتي . والحقايق دي وبصت لمالك بدموع . حياتى متوقفه عليها وممكن اخسر اهم حد في حياتي . ودمعه نزلت منها .. صدقوني انا لو كنت اعرف انا ماكنتش ظهرت في حياتكم ..
.. كلهم بصو لبعض وماحدش فاهم حاجه .. لكن مريم والبنات كلهم تأثروا من كلامها ..
.. وآدم . فهم ان في سر كبير في حياه ساره . ولو قالته ممكن تخسر اهم حد . والحد ده بنظرات ساره هو مالك . وآدم محتار وكمان شايف رعب في عيون ساره . وبرده شاف ضعف وكسره في عيونها لمالك وترجى كبير.
آدم : ساره يا حبيبتي انتي ممكن تاجلي كل حاجه لبعدين .
ساره : لا . انا ما صدقت جمعت شجاعتى . واني هاتكلم ... لان مالك ما يستاهلش اللي انا عملته فيه ..
ما لك : بصلها بدهشه . وعدم فهم .لكن اتوقع ان ساره بتتكلم عن اختفائها وانها سابته .
ساره :مالك . انا عايزاك تسامحني . وعايزه قبل ما تحكم عليا تفكر اني ما ليش ذنب . انت وقفت جنبي وساعدتني . وانا ممنونه ليك عمري كله . وبشكرك من قلبي . وانا بعد ما اتكلم . انا هامشي بعيد من هنا .
مالك :قلبه دق بخوف .. ده ما صدق لقاها هتبعد عنه تاني ؟ وقلب مالك هيستحمل وجع تاني ؟ وساره هتستحمل وجع وعذاب من تاني ؟
ساره : شبكت ايديها في بعض بتوتر وكانت حاسه انها ساقعانه . وغمضت عينيها . واخدت نفس عميق . وبصت للكل بدموع وخايفه . لكن لازم تشيل الحمل اللي على قلبها واخيرا ..
ساره : انا اسمي ساره عاصم صلاح الصاوي .
.. كلهم كأن نزلت عليهم صاعقه . وخصوصا آدم ومريم . ومالك وجاسر وهنا . وبعدها طارق واشرف والكل اتفاجئ . والكل لسانه متلجم . والل حطت ايديها على قلبها . والل حطت ايديها على بقها . والل عيون مفتوحه بصدمه . واللي حاسس انه سمع غلط . والل مش فاهم حاجه .
.. لكن مالك : مش عارف يوصف احساسه . وهل سمع صح ولا لا !!؟
..وما حدش رد عليها . والكل بعدها بدا يبص لبعض . وحاله من الدهشه مسيطره على الكل ..
ساره : غمضت عينيها . وفتحتها وشافت الدهشه والصدمه على وشهم وخافت . واترعبت . وكمان حست انها اتسرعت . وخافت من العيله كلها . وحست انهم هيموتوها . وعايزه تتحامى في مالك .. لكن شافت مالك قابض على ايده وعيونه مفتوحه وبيصك على اسنانه وعيونه رايحه جايه . وبدات لونها يبقى احمر .. وبصت على جاسر اللي عيونه متعلقه
ومصدوم .. وشافت هنا اللي عيونها مليانه بالدموع من الصدمه .. وشافت مريم اللي مغمضه عنيها وشكلها بتفكر ومش مصدقه .. وبصت على طارق اللي واقف مش مصدق نفسه .. والشباب كلهم مصدومه .. وشافت مليكه ماسكه في جاكيت زياد كانها خايفه ..
. واخيرا بصت ل آدم . الل كان قاعد وسرحان كانه بيفكر في ماضي عميق وفي عيونه الف سؤال و سؤال ... وساره حاسه ان الهواء بدا يخلص من الاوضه . وحست بدوخه وحاسه انها مش قادره تتنفس . وحست ببروده فى ايديها ورجليها .. وبدات تنهج وحاسه بخوف شديد .
بصت لمالك . اتاكدت انه هيقتلها . وكمان كلهم هيقتلوها . وافتكرت العذاب اللي كانت بتشوفه . وافتكرت هجومهم عليها وضربهم فيها وبيحرقوها . و بتتنفس بصعوبه . وشافتهم كانهم بيقربوا عليها وهيموتوها . وكلهم هيقتلوها .. وساره بدات تغيب عن العالم .. ونبضها بيقل وهمست هتموتوني لا هتقتلوني .. لا ..لا مالك هتقتلني انا ماعملتش حاجه حرام عليكم . ابعدو . ابعدوا عني . وساره بعدها غابت عن الوعى .
. محمد واقف مصدوم ونور واقفه جنبه . ولكن بيبص بالصدفه شاف ساره راسها بتميل ورجعت على السرير اغمي عليها .
.محمد جرى عليها بسرعه .. وشاف ان قلب ساره بيوقف عن النبض ..
محمد : زعق كله يطلع بره ... ومحمد قطع هدوم ساره قطع صغير من فوق .. والكل مدهوش . مالك مش فاهم ..
محمد : نور تعالى . جهاز الانعاش بسرعه . ساره قلبها بيوقف عن النبض ..
نور : جريت بسرعه .
..وحصل حاله من الفوضى .
محمد : بدا ينعش ساره .. وساره بتتنفض مكانها ومفيش اي استجابه .. ونور ركبت لها الكانولا بسرعه . وعلقتلها المحلول . وحطت فيه حقنتين علشان القلب يستجيب .. وبعدها سمعو صوت الجهاز بيصفر ..
محمد : ساب جهاز الانعاش . وبدا يضغط بايديه على قلبها بسرعه كبيره .. ونور جهزت جهاز الانعاش من تاني .. ومحمد اخدو وبسرعه ورا بعض . وكلهم هيموتو مكانهم من الموقف ..
..ومالك قاعد جنبها . وعيونه مفتوحه بصدمه ان ساره بتموت ومش قادر يقوم يوقف على رجليه .
طارق : خرج الكل من الاوضه اول ما سمع الجهاز بيصفر .. والبنات كلهم بيعيطوا ونسيو اعتراف ساره .. والكل بيدعي من قلبه انها تعيش . وكان موقف صعب على الكل ..
محمد :ضغط على قلب ساره كتير . واخيرا ساره استجابت للانعاش .. وبدا جهاز القلب يتحرك من تاني لكن ساره كانت بتتنفس وبس.للاسف دخلت في غيبوبه ..
.. محمد :طلب من الممرضه انهم يجهزوا اوضه في العنايه المركزه بسرعه . وحطلها الاكسجين والاجهزه .. وساره في عالم تاني.
محمد : كان زعلان جدا . وقلبه وقع في رجليه .. لانه لو كان اتاخر دقيقه كانت ساره ودعت عالمها ...ونور بتبكي بصمت .
. محمد :مسح وشه بايديه وبص على مالك اللي قاعد وعيونه ما بتنزلش على ساره . وما بيتكلمش ولا عمل اي رد فعل .. ومحمد جواه متدايق ان كل حاجه عكس بعضها ..
.. وآدم واقف مذهول ومش مصدق اي حاجه من اللي بتحصل ..
. واخيرا خرجوا ساره من الاوضه . والكل اترعب لما شافها خارجه على سرير بسرعه واخذوها .. محمد راح وراهم علشان يحط ساره على الاجهزه في العنايه المركزه ..
ونور : خرجت بدموع .. والكل راح لنور وكلهم بيسالوها.
نور : ساره دخلت في غيبوبه وياعالم هتفوق امتى . ممكن تفوق وممكن ......
... الكل اتصدم . وزعل عليها . وادم زعل عليها ومريم عيطت . والكل كان في حاله من الحزن .
ورينو قاعده مزهوله وخافت . ودموعها نازله وحست انها محتاجه لفهد في الوقت ده .. رينو حست انها عايزه تترمي في حضنه وحاسه انها سقعانه .. وهمست فهد ..
. مالك : قاعد مكانه وعيونه على ساره اللي مش موجوده .. ومش حاسس بحاجه خالص . ولا شايف حد ولا شايف غير ساره وبس .. ولا شاف ساره وهما بياخدوها من الاوضه .. هو اخر حاجه سمعها ان ساره قلبها بيوقف عن النبض . واخر حاجه شافها .. محمد وهو بيقطع جزء من هدومها علشان ينعشها . وشاف ساره وجسمها بيتنفض من الانعاش . وبعدها تفكيره وقف عند الجزء ده .. وفضل قاعد كده عينيه على مكان ساره الفاضي..
..والكل بره مشغول . و بيدعي من قلبه وكانت حاله من الحزن مسيطره عليهم .. وبعد فتره محمد .. رجع والكل قام وراحوا عليه ..
محمد : بزعل حقيقي . ساره دخلت في غيبوبه .. وقلبها كان بيقف عن النبض . نتيجه رعب شديد وشافت انها هتموت في اي وقت بدليل انها قالت هاتقتلوني كلكم . ساره استجابت للعقل الباطن . وفقدت لذه الحياه وفقدت لذه انها عايزه تعيش . ودلوقتي ادعولها احنا ما فيش في ايدينا غير الدعاء ليها .. واتمنى انها تجاهد وتتعلق بالحياه تاني وساعتها ساره ممكن تستجيب وتفوق ... وانا شايف ان الكل يرجع على بيته لان ما فيش فايده من وجودكم هنا .. وقعدتكم هنا على الفاضي ..
..ومحمد مخنوق وسابهم ونزل ونور راحت وراه .
...والكل قعد في الطرقه وما حدش عارف يتكلم ولا ينطق .. وبعد شويه كل واحد بيحاول انه يستوعب اللي حصل . وبدأو يتحركوا
..اشرف اخد عيلته واتحركوا .. ورنا حست انها تعبانه . وطارق اخدها وتحركوا .
زياد : واقف وافتكر عاصم .. وشاف خوف مليكه واخد ها ومشي .
آدم : قاعد وماسك ايد مريم الل بتعيط وحست بدوخه بسيطه ..
جاسر : قاعد مشغول وزعلان علشان ابنه وساره في نفس الوقت .. وملك قلقانه على ساره وخايفه على ابنها ..
.فريحه قاعده . وحست ان ضغطها نزل وحست بوجع في بطنها .. وفارس اخوها شافها . وراح قعد جنبها وشاف انها تعبانه . واخدها يوصلها البيت .. رودي ماشيه معاهم ومش فاهمه حاجه . لكن عيطت علشان ساره.
آدم : قاعد مع باقي الموجودين . وشافوا مالك خارج من الاوضه وما اتكلمش مع حد . وجاسر وملك ندهو عليه كتير وماردش علي حد .
آدم : سابه لانه عارف الاحساس ده كويس . واتنهد بزعل ..
.ومالك خرج من المستشفى وركب عربيته واتحرك ومش عارف يفكر ولا عارف هو رايح فين ..
آدم : بعدها قام . لانه شايف انه وجودهم مش هيعمل حاجه . وقال لجاسر انه ياخد ملك ويروح . ويسيب ما لك دلوقت لانه محتاج يفكر ويشوف هيعمل ايه ..
وآدم اخد مريم .. ورينو اللي كانت حاسه بخوف شديد. وروحو .
بعد فتره من الوقت
.. فريحه نايمه في اوضتها . وزعلانه ومش عارفه تنام . وقلقانه وحاسه انها مخنوقه وقامت قعدت على السرير . وبعد شويه حست ان معدتها قلبت عليها . وقامت بسرعه على الحمام ورجعت غصب عنها . وحاسه انها هيغمى عليها . وخرجت من الحمام بصعوبه وقعدت على طرف السرير وعيطت كتير قوي.
وحاسه انها مشتاقه لمرادها قوي .. وحاسه انها خايفه وقلقانه .. والباب خبط عليها واتخضت .. لكن كانت مريم طلعتلها علشان سعاد قالت فريحه ما اكلتش . وكانت واخده اكل لفريحه ..
مريم : ممكن ادخل .
فريحه : ابتسمت بتعب ومسحت دموعها طبعا يا ماما اتفضلي .
مريم : دخلت وحطت الاكل على الترابيزه وقعدت على الكنبه .. وفريحه جت قعدت جنبها ..
..مريم شافت عيون فريحه وعرفت انها كانت بتعيط .
مريم : حبيبتي انتي كنتي بتعيطي .
فريحه : حاسه انها صعبان عليها نفسها . ومخنوقه وعيطت تاني بوجع .
مريم : اتعدلت واخدت فريحه في حضنها . بس يا حبيبتي . اهدي مالك يا فريحه وايه كل العياط ده .
فريحه : بشهقات . مش عارفه يا ماما حاسه اني مخنوقه . و قلقانه ومش عارفه انام . انا محتاجه لمراد قوي يا ماما وعيطت ..
مريم : حست بيها لان دى ممكن تكون هرمونات الحمل .. وكمان آدم بعد فتره عن مريم وهي حامل وكانت حاسه بالوحده من غير آدم .. ومريم مسدت على شعرها .
.. حبيبتي وحدي الله يافريحه.
فريحه : بشهقات . لا اله الا الله .
مريم : حبيبتي مراد اكيد برده محتاجلك . بس هو غصب عنه سفرو .وعيون مريم دمعت . مراد بيتعب قوي يا فريحه . لكن دا واجبه وشغله عايز كده . وغصب عنه يا بنتي بعدو عنك ..
فريحه : عارفه يا ماما بس انا ساعات بحس اني خلاص هتجنن وعايزه اشوفه قدامي . انا محتجاله قوي قوي ..
مريم : زعلت عليها ومسحت دموعها . علشان خاطر مراد بلاش دموع . انتي عارفه انه بيكره العياط والدموع . وبيحب دايما يشوف ضحكتك .. وبما ان مراد وحشك قوي كده يبقى تقومى تصلي وتدعيله يرجعلك بالسلامه هو وفهد . وصدقيني لما تتوضي وتصلي وتكلمي ربنا في سجودك وتدعي لجوزك اكيد ربنا هيجمعك بيه من تاني وفي اقرب . وقت وخلي عندك يقين بالله . واصبري . وحاولي تشجعي نفسك علشان خاطر الحمل . وكمان علشان خاطر مراد وبنتك . انتي عايزه مراد لما يرجع يشوفك مرهقه ودبلانه كده ..
..ومريم اتكلمت مع فريحه شويه وحاولت تخليها تتعشى .. وخرجت من عندها . ونزلت ل آدم الل حابس نفسه ف المكتب وعايز يقعد لوحدو . وهي سابته وطلعت وكانت مخنوقه . وحست بقبضه في قلبها . وقلقت على مراد من كلام فريحه . لكن طمنت نفسها وقامت تتوضي وتصلي وتقرا الورد ..
.. وفريحه استريحت شويه . وقامت اتوضت وصلت ودعت كتير في سجودها . ان ربنا يحفظ مراد وفهد ويجمعها بجوزها في اقرب وقت . وبعدها قرات شويه في القران . وحاولت تنام وتفكر زي ما مريم قالتلها في المواقف الحلوه اللي بينها وبين مراد وابتسمت واخظت مريم في حضنها ونامت ..
--------------------بقلمى Mariem Nasar
.. في نفس الوقت ..
زياد قاعد على السرير ومرجع ضهره الورا . ومليكه نايمه في حضنه .. لانها حاسه انها تعبانه من ساعه ما شافت ساره بالشكل ده . وماليكه افتكرت نفسها . وهي بتغيب عن الوعي لما حاولت تنتحر وكل شويه تغمض عينيها بخوف .. وزياد واخدها في حضنه بيطمنها ... لكن زياد سرحان ف شريط الذكريات وافتكر عاصم الل قتل ابوه . وافتكر تعذيب عاصم ل زياد .. وساره معقول ساره البريئه دي تبقى بنت عاصم ..
مليكه : زياد .
زياد : اتنهد . ايوه يا مليكه
مليكه : زياد ما تيجي نقعد ونتفرج على التليفزيون .
زياد : شاف خوف مليكه واتعدل وعدلها ورجع شعرها ورا ودنها . وابتسم . خايفه ؟
مليكه :اتنهدت . مش عارفه بس جوايا حاجات مش فاهماها .
زياد : حجات زي ايه .
مليكه : بصتله اتكلم عادي .
زياد : حبيبتي اتكلمي قولي كل اللي جواكى .
مليكه : مش عارفه حاسه ان ساره صعبانه عليا قوي .. والل شفته في عينيها انها كانت تحت ضغط اعصاب . وبصتله زي كده .
. وان ساره مش كده .. عيونها بتقول انها مش وحشه .. وكمان لما اتكلمت كانت بتبرر كلامها انها مظلومه وغصب عنها . وانها عايزه اننا نفهمها صح . زيي برده ..
. و حاسه ان ساره جواها ساره تانيه . يا زياد وعينيها دمعت .
زياد : بيسمعها ومبتسم . لان مليكه بتتكلم بتلقائيه . وبقت بتحكي الل في قلبها . ومسك ايديها وقال حبيبتي فعلا .. انا معاكي في كل الكلام ده . وما تقلقيش اكيد زي ما الكل شاف ماليكا الجميله .. اكيد هيشوفه ساره كمان .
مليكه : تفتكر ان ساره هتعيش ..
زياد : ان شاء الله . وربك قادر على كل شيء . تفائلو بالخير تجدوه .
مليكه : ونعمه بالله ان شاء الله ربنا هيديلها فرصه تانيه تصلح اخطاءها . زي ما ربنا اداني فرصه تانيه . وبصت ل زياد انا هاقوم اتوضا واصلى ركعتين لله وادعي ربنا انه يدي لساره فرصه تانيه وكمان هدعي لمالك اخويا ان ربنا يحفظه ..
زياد : ابتسم . امم طيب وجوزك مش هتدعيله .
مليكه : مسكت ايده .. انا بدعيلك في كل فرص . وكل وقت يا زياد ..
زياد : بتدعي بايه بقى .
مليكه : بدعي من قلبي ان ربنا يخليك ليا . وما يحرمنيش منك ابدا . وتكون حنين عليا على طول . وتحبني ديما .
زياد : بحب .. احبك ديما !!؟ قولي ادوب فيكي دايما .. وابتسموا ... تعرفي انا كمان محتاج اصلي ايه رايك نقوم نصلي احنا الاتنين ..
مليكه : ابتسمت . يلا بينا . وقامت واتوضو . وصلوا وكل واحد دعا من قلبه ل ساره ولمالك ولحبيبه والعيله .. ومليكه دعت بالذريه الصالحه ..
آدم : قاعد في المكتب ..و بيفكر في اللي حصل وعنده 100 سؤال و سؤال . وفي نقط كتيره غامضه في اعتراف ساره .. بانها تكون ساره عاصم صلاح الصاوي .. وكان مخنوق لان لما تخلص مشكله تيجي مشكله تانيه . ولكن عندو يقين بالله انها هتتحل . وبيفكر انه يتصل على مالك ...
..محمد :ونور اطمنو على ساره . وان التنفس شغال والاجهزه كلها تمام .
.وروحوا البيت . وكان واضح عليه الزعل وكمان نور ..لكن واجب نور انها تخلي جوزها مبسوط وينسى الزعل .. محمد قاعد في الليفنج بتعب وسرحان ..
.ونور دخلت المطبخ وعملت الببرونه ل تمارا واكلتها ونيمتها .. واتصلت على رينو اطمنت على تيم . وقالت ان تيم هيتعشى وتنيمو ..
.ونور بعدها راحت على المطبخ . وعملت عصير المانجا الل محمد بيحبه . وخرجت وراحت قعدت جنبه . ومسكت الكوبايه ومحمد كان مغمض عينيه وقالت حبيبي اتفضل .
محمد : فتح عينه وشافها بتقدمله عصير المانجا .. لا متشكر يا نور ماليش نفس .
نور : حطت الكوبايه . ومسكت ايد محمد ممكن تقولي مالك ..
محمد : اتنهد .. والله ما عارف يا نور كل ما نفرح تحصل حاجه بتنسينا فرحتنا .
نور : ربتت على ايده حبيبي . ما تقولش كده . واستغفر ربك .. كل حاجه بتحصل بأمر الله . وده تدبير من عنده . وان شاء الله خير . اكيد ربنا ليه حكمه من اللي حصل ده ..
محمد : استغفر الله العظيم .. اكيد . ونعمه بالله ..
نور : لو محتاج تتكلم انا سامعاك ..
محمد : بص ل نور صدقيني مش عارف لكن مخنوق قوي .. يمكن علشان مالك !؟ وساره الل كان شكلها من شهر متعذبه بمعنى الكلمه . و لما اتعالجت . انا بدات اتفائل لما شفت ابتسامه مالك . بعد المعاناه دي .. وكمان اللي شفته مع مليكه وزياد .. انا توقعت ان ساره جمعتنا النهارده علشان تقول ايه اللي حصل معاها . ومين اللي كان بيعذبها كده . لكن حصل العكس تماما .. انا كنت شايف ساره تعبانه . وقولتلها ما تتكلمش ما تقولش حاجه دلوقتي .. بس تعرفي انا مش مصدق ان ساره تبقى بنت عاصم .. يعني بنت الراجل اللي كان عامل عداوه مع الكل وقاتل كمان .. والمصيبه انه ما كانش متجوز يعني دي مصيبه اكبر لو ساره بنته بجد هتبقى غير شرعيه كمان .. أنتى متخيله كده ان سار اتدمرت نهائيا .. واللي هيجنني ويجنن آدم ان ساره عندها ٢٣ سنه يعني اصغر منك .. وعاصم متوفي قبل ما انتي تتولدي .. يعني ساره كانت لسه متولدتش طيب عرفت منين !!؟ في لغز وسر كبير .. الموضوع عمال يتعقد .. ومالك الل بعد ما عرف وشاف ساره وهي بتواجه الموت !! سابها ومشي . ومش عارف هو بيفكر في ايه دلوقتي . ولا ناوي على ايه !؟ انا حقيقي مش عارف ايه اللي بيحصل ..انا تعبت.
نور : بزعل حبيبي ان شاء الله خير .. انت فكر شويه ان ربنا لما بيعمل حاجه اكيد نهايتها خير .. يعني فكر شويه في مليكه واللي حصل معاها .. انها حاولت تنتحر و كلنا زعلنا قوي لكن في نفس الوقت لو مليكه متحطتش فى ابتلاء زى ده .. ماكانش حد تعاطف معاها . وما حدش عرف حقيقه مشاعر مليكه الل جواها . وكمان زياد ما كانش تعاطف معاها ووقف جنبها . ولا كان تقدملها واخيرا . اهي مليكه في بيت زياد يعني فكر ان مليكه ربنا ادالها حياه جديده بسبب الابتلاء ده .. انا ما بقولش انها صح وانها فكرت ف الانتحار . انا بتكلم عن الابتلاء . واننا لما صبرنا ربنا كافئنا وماليكه ربنا هداها .. انا بتكلم عن القدر وان ده اختبار من ربنا . وان اي مشكله وازمه تحصل نهايتها خير .والمهم اننا نصبر وربنا هيكافئنا. والمؤمن مبتلى .
وسيدنا محمد قال .صل الله عليه وسلم(عجباً لأمر المؤمن كله له خير، وليس ذلك لأحد إلا للمؤمن، إن أصابته سراء شكر فكان خيراً له، وإن أصابته ضراء صبر فكان خيراً له)
محمد : صدق رسول الله .
نور . ويا سيدي بلاش مليكه وزياد .. بصلي انا وانت ...
محمد : بصلها بعدم فهم .. قصدك ايه انا وانت!؟
نور : يعني لو ما كانش حصل وهشام ده مكانش حاول يوقعني في الفخ والصور . وانت لحقتني وكمان بعدها انت زعلت مني ولحد دلوقتي ما اعرفش انت بعدت عني اسبوعين كاملين ليه . لكن الاسبوعين دول عرفت قيمتك فيهم بجد .. وكمان لما هشام خطفنى ساعتها كان عندي يقين الل هيجي وينقذني هو انت .. اول ما شفتك قد ايه انت انتقمت منه شوفت حبك الحقيقي وكل حاجه وضحت قدامي . وعرفت ساعتها اني بعشق محمد .. والنتيجه بعدها انى اعترفتلك بحبي ليك .. واهو دلوقتى انا في بيتك وفي حضنك ومعايا منك احلى واجمل تيم وتمارا .. وزي بابي دايما بيقول . رب ضاره نافعه . حبيبي بما ان ساره اختفت . وربنا قدر انها تظهر تاني يبقى صدقني اكيد في حاجه ايجابيه هتحصل بعد كده . ساره مش ذنبها انها بنت راجل ظالم. . وان شاء الله ساره هتفوق . ومالك هيرجعلها . ويسمع منها . وهيسامحها و بكره هتبقى في بيتها مع مالك .. وبكره تقول نور حبيبتي قالت .. واتكلمت معاه كتير .
محمد : حس براحه غريبه . بعد ما سمع من نور واتكلم معاها . وابتسم وقرب على نور وباس جبينها حبيبتي فعلا رب ضاره نافعه . والمؤمن مبتلى .. صدقيني انا حاسس اني استريحت بعد كلامك ده ..
نور : ابتسمت يعني هتشرب العصير
محمد : ابتسم . نشرب العصير ..
نور : جابت العصير اتفضل يا حبيبي .
محمد : اخد منها العصير . تسلم ايدك ياروحي . وشرب . وبعدها بصلها تعرفي انا نفسي انام في حضنك ..
نور : ابتسمت يا خبر حماده يؤمر امر .
محمد : ضحك حماده برده . باقولك انام في حضنك انااام .
نور : ابتسمت . لا اليوم مرهق يا دكتور محمد عزيز ..
محمد : ضحك من قلبه . راحت فين حماده .
نور : ضحكت . وحطت ايديها الاتنين على قلبها وشاورت هنا .. وضحكم .. محمد قام . واخد نور علشان ينامو . ونور اخدته في حضنها لاول مره ومسدت على شعره لحد ما نام . وهي كمان نامت ..
--------------------بقلمى Mariem Nasar
مالك : في العربيه وسايق . ومش عارف يفكر ووقف بالعربيه . ونزل قعد قدام البحر . وحاول يفكر في كلام آدم . لان آدم اتصل عليه . وكلمه واداله دفعه قويه .
... فلاش باك ...
مالك : سايق بجنون وفونه . بيرن مره واتنين و٣ . ومالك كان هيقفل الفون . لكن شاف رقم آدم وخاف على ساره . ورد بسرعه .الو...
آدم : بصوت جهوري . ايه ياعم مالك هتحايل عليك علشان ترد عليا .
مالك : ركن العربيه بخوف ومردش وخايف يسمع اي خبر من آدم .
آدم: انت يابني .. انت فين دلوقتي .
مالك : ساره كويسه يا خالو.
آدم : غمض عينيه واتنهد بزعل . ان شاء الله يا مالك ساره هتكون كويسه .. لكن انا عايز اتكلم معاك فى حاجه مهمه .
مالك : استريح نوع ما . خير يا خالو .
آدم : اسمعني كويس . ومتقاطعنيش دلوقتى في اي كلمه هاقولها .. اسمع مني للاخر . وبعد كده خد قرارك ...
...ساره دلوقتي ظهرت في حياتك ..من ٣ سنين ..وماقالتش ليك انها بنت عمك . وبعدها بسنتين اختفت وما نعرفش عنها اي حاجه نهائيا . وفجاه ظهرت بعد سنه وخمس شهور . وانت كنت شايف حالتها عامله ازاي
يعني لو واحده متهمه في جريمه قتل مش هيتعمل فيها كده .. ساره كانت جسد من غير روح يا مالك ..
..وبعد كده انت وقفت جنبها بعد ما هي لجأتلك . يعني هي لجأت لحمايتها ل امانها الل شافت انه يقدر يحميها ويحافظ عليها .. وبعد شهر من علاجها البنت بدأت تفوق .. ويوم ما فاقت اعترفت بحقيقتها . وكانت الطريقه غلط من الاول .. انا لو كنت اعرف مكنتش خليتها تتكلم حاليا . ولا بالطريقه دي ...
مالك : لسه هيتكلم ... انا ...
آدم : بتحذير ... انا قلت متقاطعنيش .. انت طبعا عارف كل حاجه عن الماضي . وعارف قصه عاصم بالضبط .وعارف كمان انه مكانش متجوز ولا مخلف .. يعني يا مالك ممكن ما تكونش دي الحقيقه .
مالك : قلبه دق . وشاف بصيص أمل ..
آدم : كمل .. اسمعني يا مالك .. عاصم متوفي من 24 سنه . وساره في سنك 23 سنه .. هنا اول سؤال !!؟ ان ساره اتولدت بعد وفاه عاصم !!
تاني سؤال !؟ ساره حتى لو بنت عاصم . وساره اتولدت قبل وفات عاصم ...
وعاصم توفي ومكانش متجوز .. ساره دي عرفت ان ابوها عاصم منين !؟ هتقولي من امها ! طيب امها دي ما ظهرتش ليه!؟ مع ان ساره في اي حفله وانت قلتلي ان ساره كانت دايما بتتهرب انك ما تروحش بيتها !
.هنا تاني سؤال . ازاي والده ساره ما ظهرتش مع ان عاصم كان عنده فلوس وعنده شقه يعني كانت بنته ومراته اولى بيها !!
تالت سؤال !؟ ليه ساره اختفت !؟
رابع سؤال !؟ ليه رجعت ومالجأتش غير ليك . رغم انها عارفه حقيقه عاصم انه قاتل اكيد .. او ممكن متكونش عارفه . لكن ليه رجعت !؟
خامس سؤال !؟ رجعت مشوهه تماما . يبقى هنا لازم نقف مع نفسنا . اكيد ساره اتعرضت لتهديد كبير جدا .. وانها بتتحمل كل ده !؟ اكيد ساره شجاعه وقويه . واتحملت كل ده لسبب . وانت لازم تسمعها ..
سادس سؤال !؟ ليه ساره اعترفت وقالت في الوقت ده . انها بنت عاصم !؟ مع اننا عمرنا ما كنا هنعرف . لو هي مقالتش . وهي كمان كانت هتعيش معاك .. لكن انا شايف ان ساره . اعترفت وقالت انها بنت عاصم .. لان في قصه ورا الاسم ده . وانها تتشجع وتقول وكمان عارفه انها ممكن تخسرك . ده بيأكدلى ان ساره انسانه كويسه . ساره كانت ممكن تكذب وما تقولش اي حاجه . لكن ضميرها مش قادر يتحمل اكتر من كده . ومن خوفها شافت ان الموت اهون ليها واستسلمت للموت .. يعني بقى هنا جه دورك ...
مالك : بس يا خالو ....
آدم : لآخر مره هاقولها متقاطعنيش يا مالك ..
.. دورك هنا انك ترجع المستشفى . وتقرب من ساره . وتخلي عندها سبب انها تستجيب للحياه . والسبب ده وجودك جنبها . وساعتها ساره هتستجيب للعلاج . و هتبدا ترجع لوعيها من تاني . وبعدها نعرف ونفهم وساعتها نحكم. ساره مالهاش ذنب انها تبقى بنت عاصم.محدش بيختار ابوه أو أمه . محدش بيختار نصيبه ..
ولو ساره جرالها حاجه . انت هتعيش طول عمرك حاسس بالذنب . وهتقول لنفسك ياريتى كنت جنبها وسمعتها .. اعمل الل عليك ولما ساره تفوق إن شاء الله نشوف حل . فهمني يا مالك .
مالك : سمع آدم . وكأن آدم حطله النقط على الحروف . فعلا ساره كانت ممكن ما تقولش كده . لاننا عمرنا ماهنعرف انها بنته .. وكمان ممكن ما تكونش بنته اصلا . لانه ما كانش متجوز .. ومالك حن لساره من تاني وزعل عليها . وزعل من نفسه لانه المفروض يبقى اقوى من كده .. وسرح في كلام آدم .
آدم : اتمنى يا مالك . انك تفوق قبل فوات الاوان . واتمنى كمان انها بعد ما تفوق تسمع منها وتديها فرصه تانيه . اسمع يا مالك انا روحت البيت وكل العيله روحت يا ريت ترجع على المستشفى .. وتقف جنب ساره ..
.. ساره عندها اجوبه لااسئله كتيره . و هنفهم منها كل حاجه . ان شاء الله لما تفوق ..
مالك اتنهد حاضر حاضر يا خالو .
آدم : مالك انا عايزك تفكر بقلبك المره دي علشان ماتندمش بعدين . واسمع الحقيقه كامله . قولي انت فين دلوقتي .
مالك : بتوهان انا بلف في الشوارع ..
آدم : طيب ارجع الله يهديك على المستشفى.
مالك : حاضر يا خالو . وقفلوا .
.ومالك اتحرك . ونزل وقعد قدام البحر ..
عوده للوقت الحالي ..
مالك : قاعد يفكر في كلام آدم . وان كلامه منطقي .. وغمض عينيه ومش عارف يعمل ايه . وسرح في ساره وانها كدبت عليه .. وفكر فيها . وهي ملهاش ذنب انها تكون بنت الراجل ده .. وفجاه افتكر كلمه محمد ان ساره قلبها بيوقف على النبض .. مالك قام بسرعه وركب العربيه وساق باقصى سرعه . ووصل المستشفى . وراح على العنايه بعد ما سأل الممرضه . لكن ممنوع انه يدخل .. ووقف قدام الباب . وبص من الازاز . وحط يده على الازاز . وغمض عيونه بوجع . وافتكر وعدو انه عمره ما هيسيبها . واتاسف ليها جواه .. ودمعه نزلت منه لما شافها على الاجهزه .. لكن حاول يبقى اقوى من كده . ويحاول تاني يقف مع ساره . ويسمع منها لكن قالها . وهو بره قومي يا ساره قومي علشاني انا .. انا مش عايزه اسمعك انا عايزك انتي وبس ....
الساعه ١صباحا .
. رينو قاعده في اوضتها على المكتب . وتيم نايم وفكرت في احداث اليوم وساره ومالك . والفراق وكانت حاسه انها خايفه قوي . وحاسه ان الجو برد . وحاولت تطلع نفسها من اللي هي فيه . واتصلت على رودي . ورودي ردت عليها وتكلمت معاها شويه . ورينو احرجت وحست انها مش لطيفه . لان الساعه عدت ١بليل . لكن رودي قالتلها ان فارس قاعد على اللاب توب بيشتغل . واتكلمت مع رودي شويه وبعدها قفلت .. لكن برده حاسه انها عايزه فهد وبس . وبتفكر ان كل واحده دلوقت لو خايفه هتنام في حضن الانسان اللي بتحبه .. واتنهدت وفتحت الفون . وجابت فيديوهات العيله من خمس سنين وهي في ثانوي . واتفرجت عليهم . وكل تركيزها على الفهد وشافت قد ايه انه مهتم بيها لكن بعصبيه . وافتكرت لما كانت في حضنه قد ايه هو حنين .. وسرحت فيه وشافت الصور بتاعه فهد . وماراحل عمره من سن سنه لحد دلوقت . وكمان في البدله الميري يخطف القلب .. وابتسمت واتنهدت .. ولا اراديا يا رب . يا رب رجعلي فهد ومراد بالسلامه.
في مكان ما .بعد منتصف الليل ..
فهد : قاعد بيراقب هو مراد الجاسوس آرثر
مراد : فهد .
فهد : معاك اتكلم .
مراد : العميل ٣ بيقول انه شايف عربيه الراجل الكبير اتحركت ..
فهد : بدهشه .. غريبه .
مراد فعلا غريبه .
فهد : ازاي كده . ده يبقى في حاجه غلط . الراجل الكبير بما أنه خرج من القصر يبقى فى حاجه غلط .
.والجاسوس لسه داخل قدامنا من شويه مع ال 15 حراسه .. معقول يكون الراجل الكبير اتحرك وراح يستلم بضاعه تانيه ..
مراد : مش عارف انا كده دماغي ركبت .. الراجل الكبير ده ما بيخرجش من القصر غير وقت الاستلام . واحنا عارفين انه هيستلم كارت الذاكره والفلاشه من الجاسوس ارثر . وارثر موجود هنا .. والعميل ٣ بيقول ان الراجل الكبير اتحرك من دقيقه تقريبا .
فهد : بص لمراد معقول يكونو غيره في الخطه
مراد : بصدمه . بص لفهد وبيفكر . ده لو حصل تبقى كارثه . مصيبه .
فهد : صلك على اسنانه بغيظ .وقبض على ايده ..
مراد : كلم العميل ٣ وبيشوف الراجل الكبير رجع ولا لسه ..
العميل : لا لسه وكده بالضبط خارج من القصر من 15 دقيقه .. واتجه من طريق مهجور ونزل من العربيه وركب عربيه تانيه . وفى عربيتين معاه
مراد : بغيظ .. وقال لفهد لا. كده في حاجه غلط .
فهد : عينه على البيت الل الجاسوس آرثر بيتردد عليه .. وشاف الوضع طبيعي ..
فهد : فعلا يا مراد في حاجه غلط . انا مش عارف هنعمل ايه .. نهجم !؟
مراد : لا. هنستنى شويه . وبعد شويه
مراد : تواصل مع العميل ٣ . ها الراجل الكبير وصل لفين ..
العميل : انا اسف يا فندم . اختفي من قدامي كأنه اتبخر . المكان فاضى وشبه الصحرا ومفيش اثر ليه ولا العربيات ال كانت وراه موجوده .
مراد : بغضب . انت بتقول ايه ازاي يعني اختفى . ومن امتى .
العميل : حالا يا فندم . كده بالضبط متحرك من 25 دقيقه .
مراد : بيتكلم ومتدايق ....
فهد مراد .. مراد الجاسوس وال15 حراسه خارجين تعالى ..
مراد : بيراقب بالتلسكوب كويس . وبعد 10 ثواني .. مراد .اتعدل ووقف ..
.وفهد بصله وصلت لحاجه ..
مراد : فهد . التسليم هيتم دلوقتى .
فهد : ازاي والجاسوس اهو ..
مراد : فهد ده مش ارثر . ولا دول ال15 حراسه ..
فهد : بص تاني عليهم . ازاي يا مراد هم ماحدش غيرهم موجود .
مراد : بص بالتلسكوب معايا . كده .
فهد : بص .
مراد : قرب على البنت الل في النص .
فهد : معقول البنت مش موجوده . والل موجود مكانها راجل .
مراد : وبص على جواكت البدل .
فهد : بص . ومش فاهم مالها ..
مراد : انت ملاحظ دايما ان ال 15 حارس ليهم طقم واحد . و كلهم حاطين دبوس معين على الجاكيت من جهه الشمال وبيلمع . بص يا فهد على رقم ٨ من اتجاه الشمال .
فهد : بص ايه ده فين العلامه !؟
مراد : هو ده . يعني انا كده فهمت .
فهد : انت تقصد ان ارثر لسه جوه وال15 حارس جوه معاه .
مراد : بالضبط . ومش بس كده .
فهد : ايه .
مراد : من قصر الراجل الكبير . للمنطقه دى ٢٥ دقيقه بالضبط . وده نفس الوقت اللي وصل فيه الراجل الكبير. يعني دلوقت الراجل الكبير جوه مع ارثر . والتسليم هيتم دلوقت .
فهد : قصدك انهم شاكين انهم متراقبين .
مراد : لا لا لو شاكين . مش هيخاطرو بالطريقه دي ..
فهد : طيب احنا واقفين ومفيش عربيات جت هنا عند البيت . الراجل الكبير جه ازاي .
مراد : اكيد في مكان سري . واللي حصل ده تمويه علشان لو في مراقبه فعلا انت عندك حق يا فهد .
فهد :نهجم ..
مراد : جاهز يا بطل .
فهد : ابتسم اخيرا .. وكل واحد فيهم لبس الشنطه على ضهره . وحط السماعات في ودانهم علشان يتواصلو مع بعض. وجهزوا سلاحهم . والحقن والمخدر . وكل واحد معاه كشاف . لان المكان مهجور والوقت متاخر .
فهد اتحرك بسرعه .
مراد : استنى استني في كاميرات مراقبه .
فهد : وهي دي جديده . ما انا عارف انا هشوش على الكاميرات هاسبقك انا .
مراد : تمام ربنا معاك ..
فهد : ومعاك . واتحرك وقرب ع البيت وهو ماشى موطي وقرب من البيت . ومراد وراه ماشي بنفس الطريقه .. مراد عايز يدخل على البيت من جوه لكن مستني فهد يشوش على الكاميرات .. وفهد دخل بحرفيه وبعد دقيقتين بالضبط . وقف الكاميرات . وايده اشاره لمراد .
ومراد . شاور ل فهد انه يحصلوا .. مراد حط الكشاف في بقه وقرب من باب البيت وخرج حاجه شبه الدبوس كده . وفتح الباب بشويش علشان ما حدش يسمع .. وفهد كان وراه ودخلوا الاتنين بحذر شديد . لكن البيت كان هادي جدا . ما فيش اي صوت ..مراد ماشي يدور ومعاه سلاح .. وفهد بيدور معاه ومعاه سلاح .. والبيت كان عباره عن طرقه طويله جدا .. وبعد كده صاله كبيره قوي شبه قاعه اجتماعات . وكام اوضه في الاتجاهات التانيه من البيت .. وكل واحد راح عند اوضه ويفتح بحرفيه لكن مفيش حد والبيت فاضي خالص . فهد شاف سلم بينزل لتحت . وشاور لمراد ونزله على السلم بحظر . والمكان تحت كان شبه المخزن فيه شوية كراكيب . وترابيزه عليها جهاز الكمبيوتر . وكنبه كبيره اوى .. وشافو واحد قاعد على جهاز الكمبيوتر . وبينقل كل حاجه من على الكمبيوتر ده على فلاشه . ومفيش حد معاه .
مراد : ادا اشاره لفهد ان مراد هو اللي هيهجم الاول وفهد يبقى في ضهره . فهد الداله اشاره يقتلوا ..
مراد : شاور لا هنحتاجه . مراد ماشي موطي علشان الراجل ما يشوفهوش في شاشه الكمبيوتر وهو قاعد . ووصل عنده ومراد بحركه سريعه . لف دراعه حوالين رقبته . والراجل مش عارف يقوم . لان مراد خنقه والمكان ديق ومش عارف يقوم من على الكرسي ..
فهد : ساب مراد . وراح يدور في المكان ولكن المكان مقفول تماما ما فيهوش غير ٢ شباك وحجمهم صغير جدا ..
. ومراد شاف ان المكان ما فهوش غير الراجل ده ..
الراجل الأجنبي . تبا لك من انت ..
مراد : شتمو بالانجليزي شتيمه وحشه .. وقاله بعدها .. تكلم اين هم واين ذهبوا .!؟
الاجنبي : اتركني انا لا استطيع التنفس .
مراد : اين هم واين ذهبوا انا لا احب ان اكرر كلامي كثيرا .
الاجنبي : انا لا اعلم عما تتحدث .
مراد : شتمه وقاله بعدها . حسنا تريد ان تعرف عما اتحدث . اين ارثر . انا اريد ان اعرف إلى اين ذهب ارثر .
الاجنبي : بيكح اتركني والا قتلتك .
مراد : حسنا . انت تريد ان تموت الان . لحمايه ارثر . وحط المسدس الكاتم للصوت على راسه.
الاجنبي : ماذا تفعل يا رجل انا لا افهم منك شيء.
مراد : بالاشاره . شاور لفهد ياخد الفلاشه ويتاكد انها حملت .
فهد : قرب من الكمبيوتر . واخد الفلاشه ونزل على ركبه وقلع الشنطه . وطلع منها جهاز شبه التاب . ووصلوا بالفلاشه وشاف انها تمام واتحمل عليها مش فاضيه . وبعدها فهد شال الفلاشه وحطها في جيب سري في البنطلون . وقام وقرب من الكمبيوتر . وفهد فيرس الجهاز . وبوظ الهارد . وبعدها جاب حديده قدام الرجل الاجنبي الل خاف . وفهد كسر الكمبيوتر .
الاجنبي : بغضب لفهد . اذهب الى الجحيم .
فهد : ابتسم . مرحبا بالجحيم .. وضرب الراجل . تكلم حالا اين ارثر ذهب ورجاله .
الاجنبي : مش قادر يدافع عن نفسه وخاف . اتركنى ارحل ارجوك .
مراد : ساب . فهد يضرب في الراجل . وراح يستكشف المكان بسرعه . علشان كده الوقت بيضيع منهم . ومراد بيدور وماشي فوق سجاده وكان عليها كنبه ضخمه . وبيخطي خطوه . داس برجله على حاجه صغيره جدا . ورفع رجله لكن ما فيش حاجه على السجاده . ونزل على السجاده وشاف الحاجه اللي داس عليها دي . موجوده تحت السجاده . ومراد بسرعه رفع طرف السجاده . وشاف دبوس من الل كان ال15 حارس بيلبسوهم على الجواكت وشاله . ومراد بتفكير شال السجاده لكن الكنبه موجوده . مراد . قلع الشنطه . وراح حرك الكنبه . ورجع بسرعه شال السجاد مكان الكنبه . واكتشف كل حاجه وان في طريق تحت الارض . مراد بحظر فتح الباب الل على سطح الارض وشغل الكشاف . واكتشف ان تحت نفق وفي ميا بسيطه . وشاف ان ده الطريق الوحيد . ان الجاسوس ارثر .والل معاه يكونوا فيه .ومراد قفل الباب اللي على سطح الارض . وراح لفهد الل بيضرب في الاجنبي ومش راضي يعترف . مراد :قرب من فهد وقاله يبعد . وفهد ساب الاجنبي واتحرك .
.مراد :قرب من الراجل الل وشه كله دم .. وشده من شعره . ورفع راسه على مكان الباب السري ... وقاله . هل هذا هو الطريق الذي خرج منه ارثر والحراس ..
الاجنبي : لن اقول لك اي شيء ولن اتفوه بكلمه ..
مراد : ابتسم .. حسنا كما تريد مع السلامه . يا روح امك .. ولف راس الاجنبي ومات في ساعتها .. وفهد بص على المكان هو ده يا مراد.
مراد : مفيش غيره يلا بينا .
فهد : نلبس نضارة الرؤية الليلية علشان النفق ضلمه .
مراد . ايوه . لبس النضاره وفهد . وكل واحد فيهم نطق الشهاده قبل ما ينزل .. ومراد . ادا اشاره للعميل رقم 3 و 4 واتحركوا ونزله . ومتاكدين ان المهمه دي صعبه هما اتنين بس . وارثر معاه 15 واحد غيره .. وكمان الراجل الكبير اكيد مش لوحده .
مراد : نزل وفهد نزل وبدا ويتحركوا ببطء و بحظر علشان صوت الميه . وكان النفق طويل وفي اخره فتحات لكن بعد مسافه كبيره موجوده الفتحات . مراد ادى فهد اشاره يكون حذر وسلاحه معاه . وفهد هز راسه وكل واحد ماشي وشنطته على ضهره . ومعاهم عصايه وسلاح في ايديهم . وبداو في الكشف عن الجاسوس ..
فهد : ومراد ماشيين بحظر وما فيش حاجه قدامهم . ومشيوا حوالي دقيقه . ولكن فهد وقف مره واحده .. وادى اشاره لمراد انه سامع صوت خطوات في الميه .. مراد غمض عينيه وركز وفعلا سمع صوت خطوات .
فهد : شاور ان الخطوات في الاتجاه اليمين تاني فاتحه ..
مراد : اتحرك وفهد جنبه . والاتنين ماشيين بحظر . ومشيوا ورا الصوت وبعد فتره من المراقبه . لمحوا نور كشافات . وقربه واحده واحده . وسمعو صدى صوتهم وهما بيتفقو .
. موجود فاتحه كبيره اوى اخر النفق ودى الفاتحه الرئيسيه للخروخ . ودى الل كان موجود عندها الراجل الكبير . وجمبه ٥ حراسه خاصه وجسمهم مبالغ فيه . وارثر وموجود معاه ال ١٤حراسه . والبنت كانت واقفه جمب الراجل الكبير . ولابسه بنطلون جلد اسود وتوب اسود ومعاها سلاح وشايله شنطه على ضهرها. وكلهم واقفين . ولحس الحظ أن كلهم ضهرهم ل مراد وفهد . وبدؤ ينفذو الاتفاق . وفهد سمعه بيقول . انا لا احب ان اتكلم كثيراً اعطنى كارت الذاكره . وخذ فلوسك . طائرتى الخاصه تنظرنى في الخارخ .
فهد شغل السماعه . وهمس لمراد ان المسافه . بينهم وبين العصابه . ٦ متر بالظبط . وانه هيتحرك ببطء . وهيقتل واحد واحد من اخر العصابه . لان العصابه مشغله كشفات وضهرهم ليهم . وفهد ومراد شايفنهم كويس . ومراد همس . وقاله تمام . انا وانت هنقرب . وهناخد واحد . واحد من اخر الل واقفين . ونقتله . بس خلى بالك . آرثر مطلوب حي مع الفلاشه .
فهد : تمام . نتكل على الله !؟
مراد : الله المستعان . يلا بينا .
فهد : ماشى ببطء شديد وموطى . ومراد كمان . وخلاص فاضل متر بس . مراد اشاره لفهد ميتحركش غير مايقولو . فهد . اشاره تمام .
مراد : مركز اوى معاهم . وبيدرس الموقف . وشاف عنكبوت صغير ماشى جمبه ع المواسير . مراد اشاره لفهد انه يقرب نص متر . وفهد اتحرك ووطى على الارض .مراد قرب بحزر . وكان معاه العنكبوت . وحاول يحدفو على كتف الراجل الكبير . مراد ركز وقال . بسم الله . وحدف العنكبوت بميل كأنه واقع من فوق. وجه على كتف الراجل الكبير . الل اتخض ورجع خطوه لورا . والحرس حاوطوه . وبعدها اكتشفو أنه عنكبوت . ونضفو البدله . وارثر اطمن عليه . وكل واحد رجع لمكانه الطبيعي .
فى الوقت . ده لما مراد حدف العنكبوت . وحصل هرج مع خطوات الميا . فهد فى اقل من ثانيه اخد اخر واحد وكتم نفسه وشدو للفتحه الل ع الشمال وبحركه في اخر راسه اغمى عليه . وفهد لتأكيد معاه مخدر فى منديل . وخدر الحارس . وفى نفس الوقت . مراد فى ثوانى اخد اخر واحد وكتم نفسه وشدو للفتحه الل ع الشمال جمب الحارس التانى . وخدروه . ورجعو قبل مالكل ينتبه .
مراد وفهد بيفكرو . لان كدا العدد الموجود كبير وفاضل كدا ٢٠ واحد بالبنت . فهد بيدور حواليه وعايز يلاقى عنكبوت بسرعه . لكن شاف خنفسه . وكانت كبيره شويه . ومسكها وابتسم . وبص ل مراد . اشاره أن المرادى لازم ياخدو ٤ على الاقل . ومراد شاف ابتسامة فهد . ومراد شاف نظرة فهد وفهم وابتسم . مراد . اشاره لفهد . بسرعه . الوقت بيخلص . فهد . عيونه زى الصقر . وغصب عنه ركز على صدر البنت العريان . لكن لازم كدا . وفهد بسرعه حدف الخنفسه لفوق بميل بحيث تقع على صدر البنت كأنها واقعه عليها من فوق . والخنفسه وقعت فى توب البنت . واتخضت واتحركت . وكلهم استغربو وحصل هرج وصوت فى الميا . والبنت رجعت لورا لكن مصرختش اوى والحراس بيساعدوها . وده خد وقت . والراجل الكبير اتنرفز وعايز يمشى . وارثر قاله اطمن المكان آمن احنا بنجهزو من شهرين . ومن الطبيعي أن يوجد هنا حشرات .
.. في الوقت ده فهد ومراد . والبنت بترجع ورا . قامو بسرعه البرق مع صوت الميا وحركتهم . واخدو ٥ حراس . ونفس الطريقه كوموهم جوه . لكن فهد قال ل مراد ف اشاره كدا هيشكو إن العدد بيقل . مراد وافقو الرأى . وبيفكرو الاتنين هيعملو ايه .
فهد : اشاره لمراد . نقتل .
مراد : اشاره . تمام نقتل . لكن آرثر والكبير لا .
فهد : اشاره . استعنا بالله .
وكل واحد فيهم طلع سلاح كاتم للصوت . وبصو لبعض . وعيزين يقتلوقهم فى اقل من ١٠ ثوانى . لانهم مطلوب منهم يقتلو ١٣ واحد بالبنت .. وكل واحد طلع سلاح تانى . وقامو علشان يغطو بعض . وعدو من ١ ل ٣ وبدءت الفوضى . ورصاصه في منتصف الرأس . ورصاصه في منتصف القلب
فهد : لاااااااااا .. مررااااااااد -----
--------------------
