رواية جريمة عشق الجزء الثاني الفصل الثاني والثلاثون 32 بقلم مريم نصار

الحلقه 32 ج 2

#رواية_جريمة_عشق2

(عشقتها منذ نعومة أظافرها)

                              بسم الله نبدأ

زين : ريتال .. ريتااال .

ريتال : نعم يا زين .

زين : فين القميص الابيض .؟

ريتال : انهي واحد .

زين : الل مطلعه من الدولاب امبارح وعلقته على الشماعه . علشان البسه النهارده . وانا بستقبل الوفد .

ريتال : ماعرفش .

زين : حاطط ايديه فى جنبه وغمض عينيه ورفع راسه للسقف ونفخ .. يا بنتي خلصي فين ام القميص . عندي ميتنج . وشغل الساعه ٥ انا كدا هتاخر . 

ريتال : راحت عند الدولاب . وطلعت قميص اسود . وبعدها بصت على زين ورجعت القميص تاني .وطلعتله قميص كحلي وبصت على زين . ونفخت بديق .ورجعت القميص تاني . وبتدور في القمصان ...

زين : انتي بتعملي ايه . فين القميص يا ريتال . انا مش عايز لعب عيال .

ريتال : بصوت جهوري . مش هتلبس القميص الابيض يا زين .

زين : نعم !!! ليه بقى ان شاء الله .

ريتال : اهو كده مش هتلبسه وخلاص .

زين : مسح وشه بايديه . وابتسم بنفاذ صبر.. ممكن اعرف السبب حضرتك .. داا بعد اذنك طبعا !!

ريتال : وانت عايز تلبس القميص الابيض ليه ها !!؟ وعايز تلبس الاسود والكحلي ليه .!؟ بص مش هتلبس القمصان دي وانت رايح تقابل الوفد . او عشا عمل . البس بدله عاديه . لا لأ . البس قميص وبنطلون . يووووه برده لا.

زين : البس جلابيه يا ريتال واروح اقابل بيها الوفد .

ريتال : ربعت ايديها وبصت بعيد .

زين : لا حول ولا قوه الا بالله . ريتال . انا مش عايز صوتي يعلى . انا لحد دلوقت مش فاهم حاجه . والقميص الابيض فين !؟ وفتحت الدولاب مش لاقي ولا قميص واحد ابيض . كلهم اختفوا مره واحده كده ... و انجزي بقى قدامي ساعه بالظبط واكون في المطار .

ريتال : يسلام و مالك مستعجل كده ليه . و بتقرب منه وحشتني يا زيني .

زين : بغيظ مكبت . وانتي كمان وحشتيني . فين بقى القميص الابيض يا روحي .

ريتال : حاوطت رقبته بايديها . وقربت منه باسته بحبك يا زين .

زين : ابتسم بغل .. وانا كمان بموت فيكي . ام القميص فين بقى .

ريتال : بتقرب من زين اكتر . لكن زين واقف ثابت . وفهم ريتال وانها مش عايزاه يقابل الوفد علشان الغيره الل عندها .وزين بدا يتخنق . وشال ايديها من على رقبته وهى بتقرب منه .

زين : ريتال انا اتاخرت .

ريتال : خليك معايا .

زين : بديق . استغفر الله العظيم . ريتال انا معاكى على طول . وف اي وقت . لكن دلوقتى وقت شغل مش هزار .اخلصي فين القميص .

ريتال : علت صوتها نوعا ما . مافيش قميص وشوف بقى هتروح الميتنج ازاي .

زين : لاول مره يزعق بصوت عالى جدا . ريتال . انتى اتجننتى . الظاهر اني دلعتك كتير . واتفضلي . القميص يبقى قدامي حالا فاهمه . 

ريتال : اتخضت من صوته . وعيونها دمعت . وفتحت دولابها وجابت القمصان البيضا كلها .

زين : قرب منها وشد منها واحد . وقالها الحركات دي تبطلي تعمليها فاهمه . وانا رايح شغل مش رايح العب . انتي حركاتك كلها بقت اوفر . وحاجه تخنق بجد . وكان صوته عالي جدا .وريتال دموعها نزلت ...وزين عطاها ضهره وبيلبس القميص بغضب . وراح قدام التسريحه وشمر الكم ولبس وضبط نفسه ورش البرفان ولبس النضاره واخد الفون والمفاتيح وشنطة اللابتوب وخرج . وما تكلمش معاها وهو كان جواه متدايق منها لانها كده هتاخره على الشغل . وكمان مش واثقه فيه ..

.. وهي كمان صعبان عليها نفسها . لان زين علا صوته عليها . وكمان سابها ونزل وهي بتعيط . ورمت نفسها على السرير وعيطت . وسمعت صوت عربيه زين اتحركت .وعيطت اكتر ..

فريحه : نايمه وفونها بيرن . ورينو راجعه من الجامعه وسمعته . وخبطت لكن ما فيش رد وافتكرت فريحه في الحمام . ودخلت وشافت فريحه نايمه وفونها بيرن . وراحت تشوف مين المتصل ..وكان رقم دولي . ولسه هترد وكانت المكالمه فصلت .وزعلت اكيد ده ابيه مراد .وراحت تصحى فريحه .

رينو : فريحه . يا فريحه قومي .. وفكرت وقالت انا هتصل عليه واسلم عليه . وبعد كده احط الفون على ودن فريحه وابيه مراد هو الل يصحيها هتفرح اوى .. واتصلت على الرقم .

فهد قاعد بيلمع في السلاح .

مراد : قال . فريحه مردتش . ممكن تكون نايمه .. انا هدخل اخد شاور . وبعد شويه كدا اتصل تانى . واتحرك ودخل الحمام ..

..والفون رن .. 

فهد :ولا مراد فريحه بتتصل . مراد مردش . وفهد قال .لو ناديت عليك لبكره مش هترد . ارد انا عليها . ولا لأ !؟ 

  رينو : اوف . ايه ياابيه انت لسه متصل رحت فين يعني . رد بقى انت وحشنى اوى .

فهد : الو ...

رينو : قلبها دق وقالت فهد .

فهد : ساب السلاح من ايده وقام وهمس وهي مش سمعت .. رينو .. والاتنين سكته . وكل واحد فيهم بيسمع انفاس حبيبه وغمضو عينيهم .. فهد فتح عينيه وقلبه بيدق .. ازيك يا لارين .

رينو : انا . انا وبلعت ريقها انا كويسه يا فهد .

انت : عامل ايه .

فهد : اتنهد . وقعد على طرف المكتب انا كويس .

رينو : يا رب دايما .

فهد : يارب ديما تكلميني ولا يا رب دايما كويس .

رينو : اتلخبطت .. احم انا انا وحست ان الكلام اختفى .

فهد : بعفويه : انا رديت لاني فكرتك فريحه .

رينو : زعلت لانها فكرت انه اتدايق انه سمع صوتها .. وقالت بزعل انا اسفه . انا سمعت صوت فون فريحه . ودخلت وكانت نايمه ولما شوفت رقم دولي قولت اكيد ده ابيه مراد . مافكرتش ان حضرتك الل بتتصل انا هصحي فريحه تكلمك .

فهد : لاول مره ابتسم وضحك بصوته كله ..

رينو : سمعت صوت ضحكت فهد قلبها ضحك معاه .. وكمان هي محرومه من صوت الضحكه دى من سنين . لكن هي مش فاهمه فهد بيضحك على ايه .

فهد : بيضحك . وكان مبسوط انه سمع صوتها واتكلمت بسرعه لانها زعلت منه .. وقالها يعني لازم تزعلي علشان تتكلمي واسمع صوتك .

رينو : فهمت قصده . وغصب عنها ابتسمت . لا ابدا انا فكرتك انك اتدايقت ان انا اللي اتصلت مش فريحه .

فهد : احلى حاجه عملتها فريحه انها نايمه ومردتش دلوقت .

رينو : ضغطت على شفايفها بحرج . وقعدت على الكرسي . انت عامل ايه في شغلك يا فهد.

فهد : شغلي كويس . كل حاجه تمام وانتي عامله ايه في الجامعه .

رينو : بتنهيده . اال بتدوب قلب الفهد .

كويسه . خلاص الامتحانات الاسبوع اللي جاي . 

فهد : في اللاوعي . كبرتي يا رينو .

رينو : سمعت اسم رينو . منه قلبها هيطلع من مكانه . 

وفهد : لعن نفسه لانه ما بيعرفش يتكلم قدامها او معاها . صوتها بيلخبطو . قصدي يعني كبرتى ورايحه رابعه طب ما شاء الله .

رينو : ميرسي يا فهد ..

فهد : بتذاكري كويس . 

رينو : ايوه . بذاكر كويس .

فهد : بتحذير .. في حد بيدايقك في الجامعه .

رينو : اتنهدت بسعاده .

وفهد قلبه دق اكتر لما سمع التنهيده . لانه بيعشق اى حاجه من لارين .

رينو : بسعاده . وحب . لا ما فيش حد بيدايقني يافهد .

فهد : سمع اسمه بحب . غمض عينيه ونفسه يقولها وحشتينى . لكن سكتو بعدها . ومحدش عارف يتكلم كأن الكلام اتبخر . واكتفو بالسكوت . مش مهم الكلام المهم انهم مع بعض حاليا .. وفضلو شويه على كدا سرحانين .

( ايه رائيكم مبسوطين انتو كدا صح !؟ اى خدمه)

. فهد : سمع حركة مراد . وانه هيخرج من الحمام ..

فهد : احم لارين . مراد خارج من الحمام اهو . ويا ريت لو تصحي بقى فريحه . لانه اتصل عليها وما ردتش .

رينه : احم . حاضر .

فهد : غمض عينيه . وعايز يقولها خلي بالك من نفسك . وعايز يبدا من تاني لكن رجع في كلامه . وقالها . انا هاقفل واتصل انا .

رينو : ليه !؟

فهد : فكر .ومش عايز مراد يشوف مده المكالمه . وكل الوقت ده مع فهد ورينو بس . فهد علشان احنا مش بنحاسب على المكالمه .

مراد : خرج وفهد قفل وحذف المكالمه . واتصل تاني . ورينو ردت وكانت صحت فريحه الل قامت بسرعه لما عرفت .. وفهد سلم على فريحه وبعدها مراد ادلسه هيتكلم مع فريحه .

.. وسأل فهد مين اللي اتصل .

فهد : انا .

مراد : اشمعنى .

فهد : عارف ان مراد زكي . وقاله اختك رينو شافت اتصالك على فريحه . واتصلت وانت فى الحمام . وانا رديت والخط قطع وجت اتصل تاني عملت حذف بدل اتصال . واتصلت تانى وكلمت فريحه .

مراد : مط شفايفه . وهز راسه . وعداها بمزاجه . ماشي .. ومراد اتكلم مع فريحه واطمن عليها وعلى النونو اللي في بطنها ومريم نونو ..وهزر معاها . ورينو اخدت الفون بعد كده وكلمته . ونزلت تحت بالفون .ومراد اتكلم مع مريم امه وقفل معاها . ورينو طلعت الفون ل فريحه وقعدوا مع بعض شويه يتكلمو وكانوا الاتنين مبسوطين اوى . وخصوصا لارين. .. وفهد كان بيلمع السلاح والابتسامه على وشه . وسرحان فى معشوقته الل جننت حرفيا قلب الفهد .

آدم : عند بيتر . اتغدوا مع بعض . واتكلمو مع العريس وعيلته وكانت مقابله تعارف . واستاذنه ومشيو .

وآدم قاعد مع بيتر ..

بيتر : ها يا آدم ايه رايك فى العريس وعيلته .

آدم : والله يا بيتر ياخويا عيلة العريس واضح انهم كويسين . لكن ...

بيتر : لكن ايه بقى . هتقلقني ليه .

آدم : مش عارف . انا مش مستريح للعريس ولا . لابوه .

بيتر : تقصد ايه .

آدم : قلتلك مش عارف . هو مجرد احساس وخلاص . انت تعرف الناس دي كويس .

بيتر : مش قوي . لكن كنا كلنا في حفله رأس السنه . وابو العريس اتعرف عليا وشاف كالورين بنتي ... وشافها انها مناسبه لابنه وعايز بجوزهالو .

آدم : بدهشه ... انت عبيط يا بيتر ولا اهبل .

بيتر : ايه يا جدع انت ؟ انا قولت ايه غلط .؟

آدم : هو في حد لسه بيتجوز بالطريقه دي !؟.

الاهل هما الل بيختاره العروسه !؟ .. لاء . وايه ابو العريس شاف كارولين مره واحده .. وشافها مناسبه ل س

بع الرجال ابنه ... طيب وابنه شاف كالورين قبل كده !؟ 

بيتر : لا ماظنش . هو شافها وقت الغدا بس .

آدم : اللهم لا اعتراض يا رب . انا راضي بحكمك عليا .

بيتر : ما تعقل يا جدع انت وفهمني .

آدم : انا هاقولك حاجه . وانت هتعرف الرد اشطا .

بيتر : اشطا .

آدم : انا لو موجود في حفله . واتعرفت على رجل اعمال . وشاف بنتي رينو في الحفله . وبعدها مفيش يومين . الاقيه جاي هو وابنه السنيور . علشان يتقدمو لبنتي . علشان ابو العريس الل شاف اني بنتي مناسبه .. مش العريس الل شافها مناسبه !!!.. انا هوافق !؟

بيتر : بتفكير .. اممم لاء .

آدم : الله ينور عليك .

بيتر : يعني انت شايف اني رفض .

آدم : بيتر ياخويا انا مش عايز افركش الجوازه . واخد ذنبك . بس الاصول يابن الناس بتقول . ان العريس كان يشوفها ويقعد معاها . ولو حصل قبول من الطرفين تمام و علي خيره الله .. انما العريس جاي من كلمه قالها ليه ابوه . ومشي ورا كلام ابوه .

..هو مش غلط انه يسمع كلام ابوه .. بس ده جواز حياه بتتبني . يعني ده قرار الولاد مش الاهل . الاهل دورهم . انهم لو شافو غلط ينصحو وبس . لكن مايخدوش قرارات عن اولادهم وخصوصا في الجواز فهمني ياخويا .

بيتر : بتفكير فاهم يا آدم .

آدم : ورأي كالورين ايه .

بيتر : مسالتهاش ولا هي تعرف انها عزومة تعارف وانها تشوفه وهو موجود ع الغدا . وبعد كدا كنت هسالها ..

آدم : احسن . ما تعرفهاش دلوقتى وياريت لو ترفض .

بيتر : يعني انت مش مرتاح للعريس .

آدم : ولا ابوه قلتلك .. طيب اسمع .

بيتر : ايه .

آدم : اصبر عليا كدا لما الأمور تتظبط . واجيبلك ارار أمه اشطا .

بيتر : ابتسم ايوه كده اشطا .

آدم : قام . طيب يصاحبي انا هاروح انا بقى .

بيتر : لسه بدري ياض يا آدم . اقعد هنسهر مع بعض .

آدم : بص في الساعه ٧ يا دوبك لسه هطلع اطمن على ساره زي ما قلتلك . وزين مع الوفد وزياد في الشركه . وانا على ما اروح من المستشفى .هاكون في البيت على الساعه ٩ إن شاء الله والله اعلم .

بيتر : اجي معاك المستشفى 

آدم : لا خليك كده . كده البنت نايمه .

بيتر : بزعل . والله حاجه تحزن بجد .

آدم : كله مكتوب يصحبي .

بيتر : فعلا ..

آدم : سلم على بيتر واتحرك وراح على المستشفى . وخبط على مالك ودخل وشاف مالك قاعد لسه زي ما هو جنب ساره . وماسك ايديها .

. آدم : دخل واتنهد . وقرب من مالك عامل ايه دلوقت يا مالك .

مالك : هز راسه كويس يا خالو .

آدم : ان شاء الله هتتحسن ما تقلقش . محمد لسه مطمني .

مالك : بص على ساره وعيونه حزينه عليها وساكت .. وآدم شاف ان مالك تعبان نفسيا لان ساره شكلها تغير كليا .. ومحمد دخل وشاف تقرير اول يوم وكان كويس نوعا ما . وآدم قعد شويه مع محمد ومشى .

الساعه ١٠ بالليل ..

زين . رجع وكان الكل موجود تحت ما عدا ريتال .

زين : السلام عليكم .

كلهم : وعليك السلام .

زين : قعد ازيك ياحاج .

آدم : تمام بحبيب ابوك . حمد لله على السلامه .

زين : الله يسلمك يا حاج . وسلم ع مريم . وأخواته .وفريحه .. وباس تيم . ومريم نونو . 

وبص حواليه . لكن ريتال مش موجوده وسأل هي ريتال طلعت اوضتها .!؟

مريم : هي نزلت اصلا .. رينو طلعت تنادى عليها علشان العشا . قالتلها انها نفسها تنام شويه . سبتها يا قلبي تنام تلاقي العيال مش بينيموها .

زين : اتنهد بزعل . وعرف ان كده ريتال زعلانه .

زين : فتح الشنطه وطلع منها اللاب وملف ولسه هيسلموا ل آدم .

آدم : انا قلتلك قبل كدا .. دخلت البيت هنا انسى الشركه . وانسى كل حاجه . انت هنا في البيت . يعني أهل بيتك ليهم حق عليك . يلا قوم مراتك لسه ما تعشتش . خد معاك اكل وانت طالع واتعشو فوق ...

.. آدم فهم من تنهيده ابنه ان زين وريتال زعلانين مع بعض ..

زين : هز راسه وقام .. آدم قاله اطلع انت يا زين . وانا هابعتلك العشا مع بنت من البنات .

زين : متشكر يا بابا بعد اذنكم تصبحوا على خير .

كلهم : وانت بخير ..

فريحه قاعده وجمبها رينو ونور ... وتيم بيلعب مع مريم نونو .. تيم اخد اللعبه من مريم نونو .. الل اول مره تنطق وصرخت وبصت ل آدم وشاورتله بايديها على تيم . وقالت اتم اتم يعني آدم آدم .

كلهم : بصو عليها . وادم ضحك بفرحه من قلبه . وقام شالها . قلب آدم وروح آدم يا مريم .

.. وكان مبسوط قوي ..فريحه قامت مبسوطه باست ايديها . قولي بابي .

مريم نونو : بتزن . وعيزا اللعبه من تيم .اتم .

فريحه : طيب قولي مامي .

مريم نونو : اتم . وحطت راسها على كتف آدم ببراءه . وابتسم وحضنها بفرحه . ومريم كانت فرحانه جدا ان حفيدتها نطقت . 

تيم : راح عند مريم الكبيره وزعلان . ان آدم شايل مريم وسايبه .

تيم : بزعل وتكشيره . مريم بيره . مريم بيره .

مريم : ضحكت . نعم يا نور عيني .

تيم : شاور على آدم وقال .. آدم مريم نونو . وهز راسه انا لا ..

مريم : ضحكت وفهمت . روح وقوله شيلني يا آدم .

تيم : راح ورفع ايديه ل آدم . وقال آدم آدم .

آدم : بسعاده : قال . تعال يا روح آدم انت كمان . وشاله . وتيم بص على مريم نونو وراح باسها من خدها . انتي وحشه .. وكلهم ضحكوا عليه . لانه مفكر كلمه وحشه حلوه .

وآدم : قعدهم . على رجله وقعدو يهزرو مع بعض .. و مريم الكبيره كانت مبسوطه . وكلهم مبسوطين . ان مريم نونو نطقت .

آدم : نده على سعاد . وقالها ابعتي مع بنت عشا ل زين .وريتال ...وقالت حاضر يسى آدم .

زين : طلع وفتح الباب وشاف ريتال نايمه على طرف السرير خالص . وشاف اريان وليليان نايمين ..

زين : مساء الخير .

ريتال : .......مردتش.

زين : عارف انها صاحيه .. وكمان هو زعلان منها علشان بتغير عليه من حاجه مش هتحصل .. وكانت مستعده تاخروا على شغله علشان غيرانه وده مش صح .. وانها تشيل هدومه تخبيها ده كمان مش صح . لكن هو اول مره يعلى صوته عليها .. زين اتنهد وحط شنطة اللاب على الترابيزه . ودخل غير هدومه واخد شاور وخرج . والباب خبط وفتح وكانت البت مطلعه العشا . واخدوا وشكر البنت وقفل الباب . واخد الاكل وحطه على السرير وقرب منها . روتي . روتي 

ريتال : مش راضيه ترد عليه .....

زين : شال الاكل وراح نام ورا ضهرها وحضنها من الخلف . على فكره انا عارف انك صاحيه . والمفروض انا الل زعلان وانتي الل تصالحيني مش انا الل اصالحك .. وسمع تنهيده ريتال وتأكد انها صاحيه ..

زين : ريتال الل انتي عملتيه النهارده . ده غلط .

ريتال : دموعها اتجمعت في عينيها لانها افتكرت صوتوا العالي . وانها حاولت تقرب منه وهو رفضها .

.زين : حس من حركتها انها بتعيط اتنهد بزعل. وعدلها وشال ايد ريتال . وشاف دموعها . وقام قعد . ورفع ريتال وحط ضهرها على صدره . بتعيطي ليه دلوقتي.

ريتال : بدموع انت زعقتلي يا زين .

زين :دفن وشه في رقبتها . حبيبتي انا اسف انا فعلا زعلان من نفسي . ان صوتي على عليكي . بس يا ريتال انتي نرفزتني قوي ينفع اللي انت عملتيه ده . تشيلي كل القمصان البيضا وتخبيها في دولابك طيب ده ينفع .

ريتال : ببراءه . القميص الابيض يجنن عليك يا زين .

زين : ابتسم . يا بت انا حلو في اي حاجه

ريتال : هزت راسها بدموع .. انت فعلا حلو في اي حاجه ومكنتش عايزاك تلبس حاجه حلوه .

زين : اخص على كده انا اول مره اشوف واحده مش عايزه جوزها يلبس حلو .

ريتال : انا بغير عليك يا زين ..

زين : حبيبتي صدقيني اللي عملتيه ده غلط . انا رايح اقابل وفد اجنبي .ورايحين شغل يعني كل ست معاها جوزها .. او حتى لومش متجوزه .. انا ما لي بيها .

ريتال : يا سلام انت ما لك بيها طيب وهي !؟ انت ناسي البنت الاجنبيه اللي كانت مركزه معاك . وكل شويه تبصلك بجرأة . وتطلب منك مساعده في الملف . وانا قاعده جنبها ومطلبتش منى وانا جمبها مش انت.

زين : اديكي قولتي اهو .. هي مركزه معايا .. انا بقى مركز مع مين !!؟

ريتال : الاجانب حلوين قوي يا زين . وانت كمان حلو .

زين : وانتي ايه يا ريتال !؟ 

ريتال : انا حلوه برده بس عيني مش خضره وشعري مش اصفر .

زين : انتي عيونك عسلي مدوخانى . وشعرك بني مجنني . وكل تفاصيلك بعشقها . ومش لازم الوحده تبقى شعرها أصفر وعيونها خضر علشان تبقى حلوه . البنت بتبقى حلوه بجد . بأخلاقها وتتدينها . وخجلها . واحترامها لنفسها . ولبسها المحترم . الجمال عمرو مايتقيم بالشكل ابدا يارتيال .

ريتال : يعني انت مش هتبعد عني يا زين .

زين : من جواه زعل من ريتال . لانها كدا مش واثقه فيه ولا واثقه في نفسها . لكن حاول ميتجادلش معاها .. و اتنهد . وحط دقنه على كتفها . ريتال انا بحبك وبعشقك انتي وبس . و عمري ما افكر ابص لاي واحده غيرك . حبيبتي انتي ماليه عليا دنيتي انتي واريان ولي لى ربنا يخليكم ليا . 

ريتال : بتنهيده . حقك عليا يا زينو.

زين : قلب زينو انتي .. وانتي كمان ما تزعليش مني ..

ريتال : انا خلاص مش زعلانه . بس انت ما تزعلش اني خبيت هدومك ..

زين : بس اهم حاجه تكون اول واخر مره يا ريتال .

ريتال : مش عارفه بقى يا زين .

زين : مش عارفه بقى ليه ؟

ريتال : انت لما قولتلي بكره هقابل وافد اجنبي وعرفت ان معاهم 2ستات . انا كنت هاتجنن وكمان اتجننت اكتر . لما قولت انك هتلبس القميص الابيض والبنطلون الاسود . اتغاظت قوي . وتخيلت الاجانب دول وهما بيقربوا منك اصلهم . ماعندهمش حلال وحرام كنت عايزه اقتلهم .

زين : ضحك . كل ده في مخيلتك وانتي ما شفتهمش اصلا .

ريتال : رفعت وشها ليه هما كانوا حلوين يا زين .

زين : مركزتش ياروتي . انا رايح اشتغل وبس ... بس كان معاهم واحده طويله قوي قوى اوفر بجد . وانا ماشى كأنى ابنها جنبها هههههه.

ريتال : ايوه دي حلوه دى .

زين : ههههه . حبيبتي .ريتال ربنا يهديكي بقى وتعقلي . وبطلي غيره على الفاضي .

ريتال : رجعت راسها في حضنه . اصل انت حلو قوي يا زين . وبخاف واحده تبعدك عني عارف ساعتها هاعمل ايه .

زين : هتعملي ايه !؟

ريتال : هموت نفسي ومن غير تفكير . لاني مينفعش اعيش من غيرك يا زين . انت متعرفش انا بحبك قد ايه . وبعدك عنى يبقى موتى اهون .

زين : ادايق . واتخنق من كلامها .واتكلم بنرفزه. بس يا ريتال بطلي عبط بقى ايه الل الكلام ده. وقفلي بقى على السيره دي . بلا واحده بلااتنين . ويا ستي والله انا الستات دي ما في دماغي . ما فيش حد في قلبي وعقلي غيرك انتي وبس .وياريت تستوعبى ده وبسرعه.

ريتال : انت زعلت . انا اسفه يا زين ..

زين : اتنهد بديق.. قومي يلا علشان نتعشى وانا تحت قالولى . انك ما اكلتيش .

ريتال : شافت زين متدايق . ايوه انا مستنياك علشان اتعشى معاك .

زين : اتعدل . وقام جاب الاكل وقعد جنبها .

ريتال : زين 

زين : رفع راسه ليها . نعم ..

ريتال : بطريقه طفوليه .. حقك عليا وحياه روتي ماتزعل ..

زين : ابتسم . وحياه روتي مش زعلان . يلا بقى اتعشى ...وفعلا اتعشوا وريتال شالت الاكل .. وزين غسل ايده وخرج من الحمام . وريتال . راحت على السرير علشان تنام .. وزين افتكر لما ريتال . قربت منه وهو رفضها . وراح جنبها على السرير . وقرب منها واخدها في حضنه . وواحده واحده قرب من ريتال . وقالها انا ما فيش واحده تدخل قلبي وعقلي غيرك انتي وبس وقرب منها .وريتال مشتاقه ل زينها ..

     وسقطت شهرزاد عن الكلام الغير مباح

عدي 25 يوم كمان 

.. ساره كل يوم تفوق وتفتكر العذاب الل كانت فيه . وتصرخ .. ومحمد متابع الحاله وشاف انه جروحها الحمد لله لمت والكسر اللي في ايدها اتحسن . والكدمات تقريبا اختفت . وشعر ساره بدا يكبر لكن حاجات بسيطه جدا . وبعدها ساره بدات تفوق اكتر . والدكتور مروان متابع حالتها وكان بيتكلم معاها وهي تخاف ترد عليه .. لكن مع الايام كانت بتعيط كتير وتقول مالك انا عايزه مالك . ولما مالك يقرب منها تقوله . انت هتسبني ويغمى عليها . وكانت مرعوبه فعلا و كانت دايما تقول لا هيموتوني ابعدوا عني .وكل بنات العيله بت

حاول تحتويها لكن ساره عايشه فى خوف..

.. لحد ٥ ايام بس ساره فاقت كليا . وافتكرت كل حاجه و انها هربت وردت على كلام الدكتور مروان . وشافت مالك وكان زي ما هو واجمل واوسم .. وساره لما شافته عيطت كتير قوي .. وكل اللي قالته انا اسفه سامحني انا عارفه انك هتسبني لما تعرف كل حاجه انت هتسبني يا مالك .. ومالك اخدها في حضنه طمنها . لحد ما نامت اول مره من غير مهدئ .. وواحده واحده بدات تتمشي في المستشفى مع مالك .. ولكن كانت خايفه ان حد يشوفها وكانت عايشه في رعب حقيقي . ومالك كان رافض انها تشوف شكلها في المرايه . لان شعرها متقطع ومالك مستني لما شعرها يكبر شويه ويجيبلها حد متخصص تقصلها شعرها وتظبطه .. والدكتور مروان .طلب من مالك انه ما يسالهاش عن اي حاجه . هي هتحكي لوحدها لما تكون جاهزه ومستعده انها تحكي . ومالك لما شاف ساره تاني انها ظهرت في حياته . و بتتحسن وكمان ماشيه جنبه في المستشفى ما كانش مصدق نفسه . وكان حاسس انه في حلم . وكل اللي كان مدايقه الرعب اللي شايفه في عينيها . ومالك اخد قراره ان لما ساره تتحسن على طول هياخدها على بيته وتكون جنبه طول العمر ..

وساره شكلها بدا يتحسن و متابعه مع دكتورة تغذيه . وساره بتفكر انها تحكي الحقيقه كامله لمالك وجاسر والعيله . ومهما كانت النتيجه هي حاسه أن فى حمل تقيل جواها . ولازم تريح ضميرها ..

.سوزي : من ساعه ما عرفت هتتجنن حرفياً ومبتنمش من الرعب . والل هيجننها ان ساره مالهاش اثر نهائي . وبعتت ناس تراقب فيلا جاسر . لكن الوضع هناك عادي جدا . ورفعت المراقبه من علي الفيلا . و كانت هتتجنن بمعنى الكلمه . و كان جواها غضب من غبائها لانها سابت ساره عايشه هي كانت مفكره ان ساره هترجع لعقلها و هتستفاد منها مقابل اي شيء . مثلا تبيع نفسها تعمل اي حاجه .. وكانت خايفه ومرعوبه . من الباشا لما يرجع من السفر ويعرف . لان ساره هربت من غير ماياخد حقه من ساره الل هو رافض انها تموت قبل ماتعترف ...

.ملك وجاسر كانوا واقفين جنب ساره . وكمان مليكه لما عرفت راحت مع زياد ولما شافت ساره ... مليكه زعلت عليها جدا وأثرت عليها وافتكرت نفسها يوم الحادثه . وزياد حس بخوفها . وشاف اني مليكه بدات تخاف واخدها وخرجوا علشان ينسيها كل حاجه وزياد كان ونعمه الزوج والسند ل مليكه . وماليكه كانت مهتمه بنفسها و على طول توفر الراحه والجو الهادي لزياد وربنا عوض زياد براحه البال ..

. فارس ورودي عايش في مناواشات وقط وفار . لكن كل واحد بيعشق شخصيه التاني .

وعايشين في سعاده .. 

مراد وفهد في المهمه وكانت . ايام صعبه عليهم لانها شبه بعضها ومن بلد لبلد ..

ومراد : نفسه يخلص مهمته علشان يرجع ل فريحته ..وكان متحمس للرجوع خصوصا لما عرف ان بنته بدات تتكلم . وسمع اسمه منها في التليفون .. وفريحه بتعد الايام والساعات وكانت دايما بتدعي لمراد ان ربنا يحفظه هو والفهد .. وكمان الحمل المره دي مخليها مشتاقه لمرادها ...

..يوسف ومريم كانوا عايشين حياتهم في سعاده . لكن يوسف زعلان حاليا من مريم لانها مش عايزه تخلف دلوقتي وقالت ل يوسف انه لسه بدري على الحمل . وان كريم عنده سنتين ونص . ويوسف ادايق منها . والمعامله بقت بحدود وكل واحد مش شايف نفسه غلطان وكل واحد في نفس الوقت مشتاق للتاني ..

زين وريتال .... ريتال حاولت تبطل غيره على زين . ولكن فشلت وحاولت على قد ماتقدر .. لكن هي بتغير حتى لما بيقرب من بنته ويدلعها .. ريتال كده بتفتكر ان زين هاينساها .. ورينو قالتلها ان ده عدم ثقه في النفس . و لازم تنتبهي لنفسك وتثقى ف جمالك وتثقى فى حب زين ليكى علشان ميحصلش فجوه بينكم من قلة الثقه. وساعتها هتحسي انك مميزه والغيره هاتقل .. وزين ما بيحبش في الدنيا حد زي ريتال . ولو تعرف حجم حبها في قلبه هتبطل غيره نهائيا .

.رينو امتحنت هي ورودي وآدم الل كان بيوصل رينو وقت الامتحانات ويهتم بيها .

.هشام بيحاول يقرب من نرمين لهدفه . ونجح فعلا . انه وقع نرمين في فخه . واخدها الشقه اكتر من مره وما قربش منها هو عايز منها معلومات وبعدها هياخد منها اللي هو عاوزه ويرميها . ونرمين بطبيعته قلبها او غبائها صدقت ان هشام اتغير وبقى انسان كويس . و شايفه انه اكبر دليل انها راحت شقته ومتقربش منها وخايفه ترفض هشام يبعد عنها لأنها بتحبه من اولى جامعه وخبت حبه جواها لفرق المستوى . لكن هشام قرب منها واعترفلها بمشاعره . ونرمين كانت طايره من الفرحه . لكن بعد كدا اكتشف أن هشام عايز يتقدم لنور . وبعدت عنه ومزعلتش من نور لانها عارفه أن نور مبتكرهش حد قد هشام وخافت تقول ل نور أن هشام رجع . ونور تحاول تتنقدها وتحاول تخليها تبعد عن هشام الل حست من معاملته أنه فعلا بيحبها ورجعلها . ومتعرفش أن هشام راجع للانتقام.

. محمد متابع حاله ساره بعنايه شديده . وموفر لها دكتورة تغذيه و دكتور نفسيه . وشايف ان الحاله بتتحسن للافضل . وبعد ما يخلص يروح لحبيبته اللي مشتاقلها لانها بعيده عنه من فتره كبيره . من وقت ولاده تمارا .. وفي يوم رجع بالليل ودخل شقته وكانت ضلمه واتخض على نور وتمارا . ولسه بيقفل الباب .. نور .. نورت اضاءه خفيفه ومحمد اتفاجئ بالاضاءه الخفيفه وكانت جميله .. وكمان الميوزك الهادي .. محمد ابتسم وقرب منها وكانت في ابهي صوره . ونور كمان كانت مشتاقه لاحن زوج في الدنيا .. محمد مسك ايدها وباسها وحضنها ورفعها من على الارض ودفن وشه في شعرها وغمض عينيه واتنهد بحب .. وضمها فتره كبيره وهي كمان حضناه . وبعد كده نزلها وقالتله غير هدومك . وفعلا غير هدومه وخرج لحبيبته . ونور شغلت ميوزك اجنبي سلو محمد بيحبه . وقربت منه . ومحمد بيقرب منها وقدمت دعوه انه يرقص معاها . محمد ابتسم ومد كف ايده . ونور حطت كف ايديها في ايدو . ومحمد قربها منه وحاوط وسطها ورقص معاها وعيونهم مشتاقه لبعض . وبعد فتره محمد قرب منها وهما بيرقصوا وباسها . ونور تاهت في حب محمد وشالها ودخلوا عشهم .

.. هشام . تعالى ادخلى يا حبيبتي .

نرمين : دخلت شقه هشام . وقعدت باريحيه . لانها على كده 25 يوم تقابل هشام وما يقربش منها وكمان سابلها نسخه من مفتاح الشقه.

نرمين : انا جعانه قوي يا هشام .

هشام : تعالى ندخل المطبخ ونعمل اكل .

نرمين : يلا بينا ... وهما بيعملو اكل .

هشام : قوليلى يا روحي .

نرمين : نعم يا حبيبي .

هشام : ازاي اشتغلتي في مستشفى كبيره زي دي . انت كنتي بتقولي ايام الجامعه انك هتشتغلي في مستشفى حكومي .. ومستشفى النور دى من اهم واكبر المستشفيات في مصر.

نرمين : اتنهدت . فعلا ده اللي كنت هاعمله لانك عارف ظروفي . وانا كان نفسي قوي افتح عياده باسمي انا .. بس كان ده حلم بالنسبالي .. ودلوقت الحمد لله مرتبي كويس جدا وقريب هاشوف عياده وافتحها وتبقى ملكي انا . وعارف كل اللي انا فيه ده بفضل نور .. مش فاكرها نور العدوي ..

هشام : بتمثيل نور !! نور مين !؟ 

نرمين : بزعل نور يا هشام اللي انت كنت عايز تتقدملها وكسرت قلبي . انا زعلت منك قوي لكن انا عارفه نور على ايه ولو مش عارفاها كويس انا كنت زعلت منها . 

هشام : ايوه . ايوه افتكرتها ياااه دي كانت نزوه يا حبيبتي ايام الجامعه بقى . وبعدين انا بحبك انتي بدليل اني مادورتش على اللي اسمها نور دي . ولا افتكرتها ...

نرمين : صدقته وابتسمت . عموما هي نور دي صاحبه الفضل وكمان جوزها ..

هشام : هي اتجوزت !؟

نرمين : ايوه اتجوزت صاحب مستشفى النور هو جرح كبير اسمه الدكتور محمد عزيز .

هشام : بلع ريقه . وافتكر اللي محمد عمله فيه لكن لازم ينتقم .. اممم طيب لما هي اتجوزت انتي زعلانه وغيرانه ليه بقى .

نرمين : بزعل انا مش غيرانه يا هشام . انا زعلت منك لانك وانت في الجامعه اخدت رقمي من صاحبتي وكلمتني كتير . وبعدها علقتني بيك .. و لما انا لقيتني بحبك جدا انا اعترفتلك وفعلا كنت مستعده ابيع الدنيا كلها علشانك واشتريك . وعيشتني في حلم جميل وعيطت .. وبعدها اعرف انك عاوز تتقدم لنور . ساعتها كرهتك قوي . ودفنت مشاعرى جوايا ..

هشام : قرب منها ومسح دموعها . واتجرا وباسها من خدها . حبيبتي ما تزعليش مني كانت نزوه صدقيني وكمان كان رهان مش اكتر من شباب الجامعه ..

نرمين : اتلخبطت وقلبها دق جامد من حركة هشام. وخافت في نفس الوقت لا تضعف .

هشام : ارجوكي انسى بقى . وانا عندي ليكي مفاجاه حلوه .

نرمين : احم مفاجاه ايه .

هشام : انا الل هاجيبلك عياده وباسمك كمان.

نرمين : رفعت وشها بفرحه بجد يا هشام بجد .

هشام : بجد وحياه نرمين عندى . هو انا عندي كام نرمين ها!؟ وابتسم بخبث . وقرب منها وباسها من بقها ..

..ونرمين ضربات قلبها زادت . وخافت وكانت لسه هتتحرك علشان تمشي ..

هشام : يلا بقى علشان نتغدى واوصلك ..

نرمين : اتنفست باريحيه . وخرجت من المطبخ متوتره . وبعدها اتغدوا ونزل وصلها لحد بيتها .. وكانت خايفه لكن خوفها قل لما هشام ما قربش منها اكتر من كده .. لكن زعلت علشان كده حرام ..بس هشام وعدها بالجواز .. حجه جديده . وتبرير جديد علشان نحلل الحرام ..

يوسف قاعد فى اوضته ومريم قاعده تحت في الليفنج مع العيله وكريم معاهم ونام على رجلها ..و استاذنت طلعت تنيم كريم . وتشوف يوسف و طلعت ودخلت تنيم كريم . وشافت يوسف قاعد على السرير ومرجع راسه لورا ومغمض عينيه . لكن فتح لما سمع صوت الباب . وغمض تاني بعد ما شاف مريم ...

مريم نيمت كريم . وقعدت على الكرسي قصاد السرير . وفتحت فونها وبتسرق النظرات ل يوسف . ويوسف مغمض عينيه لانه زعلان من مريم . وشايف انها مش حابه تخلف منه تاني . وكمان اتدايق اكتر لانها مش شايفه انها غلطانه .

. ومريم زعلانه من يوسف لانه مش فاهم وجهه نظرها . هي عايزه كريم يعيش طفولته . و لما يبقى عنده اربع سنين تفكر ساعتها تخلف . وكل واحد في دوامه تفكيره وما حدش بيكلم حد . وده تاعبهم وواجع قلبهم . وجواهم اشتياق لبعض .. يوسف اتعدل وبص لمريم كتير .. ومريم اخدت بالها وعيونهم اتعلقت ببعض والشوق دوب الجليد اللي بينهم ..

مريم : نطقت .. يوسف .

يوسف : غمض عينيه واتنهد انا زعلان منك يا مريم ..

مريم : سابت الفون وقامت وقعدت قدامه . يوسف انت مش فاهم وجهه نظري .

يوسف : وجهه نظرك انك مش عايزه تخلفي منى دلوقتى لحد ما كريم يتم اربع سنين .

مريم : حبيبي افهمني ..

يوسف : انا مش عايز افهم يا مريم . وانا مش هغصبك على حاجه بعد كده . وانا مش عايز عيال .

مريم : بدموع ايه اللي انت بتقوله ده .

يوسف : زعق . باقول الل انتي عايزه تسمعيه . لاني اول ماقولتلك موضوع الخلفه ده انتى اتنرفزتى . وانا يا مريم مكتفي بكريم وبس . وكمل بتريقه .. لاني الل اعرفه ان الل بيحب حد بيكون عايز يجيب منه عيال كتير . وواضح اوى انك بتحبينى . واتعصب . وكمان يا مريم التقدير بينا قل احنا ما بنتكلمش تقريبا اسبوع كامل عارفه يعني إيه اسبوع وانا وانتى مبنتكلمش مع بعض . وعايشين قدام العيله بنمثل اننا مبسوطين .

مريم :. يوسف انا لما لقيتك عصبى وزعلان . سبتك برحتك لحد ماتهدى . وبعدها لقيتك مبتتكلمش معايا . وبعدين انا اتنرفزت لانك مكنتش بتاخد رأيي . انت كنت بتتكلم بأسلوب أمر وواخد قرارك. وأنك فكرت انك عايز تخلف . يعنى حتى من غير متاخد رايى .

يوسف : بدهشه . انا كلمتك بأسلوب أمر !؟ انا كل الل قولتهولك يامريم انا بفكر انى عايز أخلف . يعنى بفتح باب للنقاش مابينا . بس انتى كان ردك ايه بقى . !؟ لا طبعا أنا مش هخلف دلوقتي . وانت ازاى تقرر من غير متقولى . وعلا صوته مش دا كلامك !؟ وكمل . وقولتى انا ابنى لسه صغير . ولازم ياخد حقه . انتى ليه مفكره انك لما تخلفى تانى هنهمل كريم . انتى اصلا محستيش بتربية كريم . لان ماما ونانا هما الل ربوه واهتمو بيه . تقدري تقوليلى اى إهمال الل ابنك هيلاقيه ف العيله دى !؟

مريم : بعدم فهم . تقصد ايه يايوسف . تقصد انى متعبتش ف تربية كريم !؟ انت قصدك انى مهتمتش ولا حسيت بتربية ابنى . يعنى انا ام مهمله . 

يوسف : بصدمه . هو ده الل انتى فهمتيه من كلامى !؟ 

مريم : علت صوتها نوعا ما .. كلامك ملهوش معنى تانى غير كدا . وانا مش هسمح لاى حد انه يشكك في امومتى لكريم ابنى .

يوسف : فتح عينه بصدمه . انتى بتعلى صوتك عليا يامريم . وكمان فهمتى انى بشكك ف تربيتك ل ابنك . وزعق . لا يامريم هانم فوقى وافهمى . انا اقصد من كلامى أنهم هنا بيعاملوكى زي بنتهم واحسن . وأنك لما خلفتى كريم . اهتمو بيكى وبكريم . وكمان كملتى تعليمك وهما اهتمو بكريم . يعنى اال قصدتو بكلامى . انك لو خلفتى ١٠ عيال محدش هيهمل كريم ابدا . انما انك أم مهمله انا مقولتش كدا . وكمان انا مش حد يامريم فاهمه انا مش حد . وأسلوب النقاش منك بالطريقه دى مرفوض . بعد اذنك . واتحرك واخد مفاتيحه وفونو وسابها وخرج .. وهي واقفه مزهوله . ومش فاهمه حاجه . ويوسف زعقلها . وانهم وقفو جمبها واهتمو بيها يعنى معايره . ويوسف سابنى ومشى . ووقفت مكانها بدموع ومصدومه أنهم لاول مره يتخانقو . وعيطت لانه مش فاهم وجهه نظرها ..

بعديومين .

رنا : يعني آدم ما قالكش ساره عايزه العيله كلها تتجمع عندها ليه !؟

طارق : لا يا حبيبتي . ادم ما قاليش غير ان .

مالك اتصل عليه وقال ان ساره عايزه العيله كلها تتجمع عندها. ف المستشفى .

رنا :غريبه وممكن تكون البنت يحبيبتي حاسه بالوحده .. وكمان داخله على شهر اهو وما فيش اي حد بيسال عليها . لا ام ولا اب ولا اخ.

طارق : هنا سرح . وافتكر وهو صغير وما ردش .

رنا : الله روحت فين .. ياطارق انا باكلمك ...

طارق : اتنهد . اسف يا حبيبتي انا بس سرحت شويه .

رنا : سرحت في ايه ومال شكلك واضح عليه الزعل كدا !!

طارق : بتنهيده . اصل وانتي بتتكلمي عن ساره . وبتقولي لا اب ولا ام ولا اخ . انا افتكرت نفسي وافتكرت ابويا وامي الله يرحمهم . وعشت معاهم اجمل 24 سنه . ابويا كان جدع جدا راجل بجد ... وابتسم وامي كانت زيي كده شقيه ومرحه و بتحب الهزار والضحك زي عينيها .. لكن بعد ما ابويا توفي . ضحكتها اختفت . والحزن سيطر عليها وحبست نفسها . وماتت بعده وفات ابويا ب٣ شهور . وبص ل رنا .. انا وآدم عكاز لبعض و بعد . ما ابوه سافر انا اخدته معايا . وعاش معايا ومع ابويا وامي . وكان اخ بجد . وبعد ما ابويا وامي توفوا .. آدم وقف جنبي واتعاهدنا بما اننا مالناش عيله ولا اب ولا ام ولا اخ .. اننا نبقى اخوات وفي ضهر بعض دايما . ساعات بتخيل لو أن آدم ده ما كانش صاحبي . ولا اتقابلت معاه . ولا هو قابلني كان ايه هيبقى مصيرنا .. حياتي وحياه آدم كانت هتبقى عامله ازاي ..

رنا : بتسمع وعيونها دمعت وقامت وحضنته طارق من الخلف وهو قاعد .. حبيبي ليه كل الزعل ده .ربنا يرحمهم يارب . وبعدين ربنا دايما بيدبر الامور لصالح الانسان . ربنا بياخد من الانسان حاجه وبيعوضوا بحاجه احسن . وانت ايه بس اللي فكرك بالكلام الل بيزعل ده .

طارق : ابدا صعبان عليا ساره . و انها لوحدها ولا حد فعلا سال عليها . وكمان متعذبه ولو مالك ما كانش موجود في حياتها وعيلتنا كلها جنبها . كان هيبقى مصيرها ايه .. واتنهد يلا خير انتي جاهزه علشان كلهم متجمعين عند ساره في المستشفى .

رنا : باسته من خده . اضحك الاول وبعدها ننزل شكلك وحش قوي يا طاروق وانت زعلان.

طارق : ابتسم وباس خدها حبيبتى ربنا ما يحرمنيش منك ولا من العيله الجميله دي .

رنا : ولا يحرمنا منك ..ايوه كده شكلك بقى احلى . وانا جاهزه يلا بينا ..

..واتحركه ووصلوا المستشفى وكلهم متجمعين عند ساره . وده طلب منها وكان موجود آدم وعيلته . ماعدا مراد ..

.وطارق وعيلته . ماعدا فهد .

جاسر وعيلته .. وزياد ومليكه . وفارس ورودي واشرف وعيلته . ويوسف واقف جمب مريم قدامهم بتمثيل أنهم كويسين ولسه كل واحد واخد جمب .. وحسام وهدي .

ساره : قاعده على السرير . ولسه تعبانه . ومحمد قالها انتى ضغطك واطى . ياريت لو الل حاجه الل هتقوليها لو هتاثر عليكى بلاش تقوليها انتى حالتك لسه مش مؤهله لاى ضغط . ساره اخدت نفس عميق . وقالت لا يادكتور . انا هتكل على الله وهتكلم . والله المستعان .

.آدم : قاعد جنب ساره الل بتفرك في ايديها . ومالك قاعد ع الكرسى جنبها من الاتجاه التاني .

. ومريم على طرف السرير جنبها . ورنا وكلهم حواليها . وساره قاعده وجواها خوف كبير وحست انها هيغمى عليها . لكن لازم تتكلم . لكن قاعده وساكته والكل منتظرها تتكلم .

آدم : ها يا ساره يا حبيبتي . كنت عايزه تقولي ايه ...

ساره : انا اسمي ساره عاصم صلاح الصاوي . --

-----------------

                  الفصل الثالث والثلاثون 33 من هنا