رواية جريمة عشق الجزء الثاني الفصل الواحد والثلاثون
آدم وصل الشركة ودخل على قاعة الاجتماعات طول . وزياد كان موجود ...
آدم : صباح الخير يازيزو
زياد : صباح الخير يا آدم حمدلله على السلامه
آدم : قعد الله يسلمك . اومال طارق فين
زياد : لسه مفيش حد جه انا وصلت من ٥ دقايق .
آدم : طيب كويس . وطلع من جيب الجاكيت ورقه . خد يازيزو .
زياد: اخد الورقه . ايه دى؟.
آدم : دي المعلومات الل كنت عايز تجمعها عن صافي . وانا قولتلك سيب الموضوع ده عليا . وكل المعلومات عندك فى الورقه . بتخرج امتى وفين؟ بترجع امتى؟ حتى مواعيد نومها . وبتاكل وبتشرب امتى . جبتلك كل المعلومات . مفيش معلومه مجبتهاش .
زياد : باصص فى الورقه . بس دى ساكنه في حي شعبي . ولما شوفت لبسها . مش باين عليها انها ساكنه في حي شعبي .
آدم : ايوه وده سبب رئيسي للحكايه . اكيد البنت دى شغاله لحساب حد يمولها المخدرات . وهي توزع بطريقتها . يا اما حد زغلل عينيها بالفلوس . او هي تكون مش تمام . ومن التحريات عنها أثبتت انها مش تمام خالص . وعايشه لوحدها في اوضه فوق السطوح . من سنه بس نقلت في شقه فى نفس الحي الشعبى . يعنى مسكت فلوس . وعايشه فى الشقة دى لكن مش على طول .
زياد : بص فى الورقه . وفى عنوان شقه تانيه فى مكان راقى .
آدم : ايوه دي شقة واحد بيسهر معاها فى النادى الليلى . وهي سعات بتروح معاه الشقه دى . والل عرفتو أن أهل صافي دى أو صفيه . اتبرو منها ورجعو على بلدهم من ٤سنين . يعنى صافي دى بايعه القضيه .
زياد : بغيظ . نخلص الاجتماع بس . واروح اربيها وساعتها هتعرف ان الله حق .
آدم : غبى . لا انت متعملش حاجه . انا هقعد معاك بعد الاجتماع . وهفهمك هنعمل ايه بالظبط وهنوقع صافي ازاى . وكمان هنعرف منها كل حاجه ومن غير اى ضغط . القضيه مش قضية ماليكه بس . لا دى قضية جيل بحاله . بيضيع بسبب الزفت ده .
.. الباب خبط . وكان طارق . وبعدها زين ومالك ..
وقعدو . وبداو الإجتماع . واتفقو على ميعاد وصول الشحنه . وكل واحد قال وجهة نظره. ورائيه . وآدم شرح للكل . الفايده . من وصول الشحنه الل هتوصل قريب مصر . وآدم بياخد آراء الموجودين . وجه الدور على مالك .
..مالك فتح الملف وبدء يتكلم . وفونه رن وكان ڤايبريشن . وكان رقم غريب . ولكن رد .
مالك : الو....
# : ماا..ما.لك . الحقنى ارجوك . ي..يا..ما.لك
مالك : وقف مره واحده . والملف وقع من ايدو . ساره .
. آدم لما سمع مالك اتعدل وكمان طارق وزين انتبهو . لكن زياد معندوش خلفيه .
مالك : بلهفه . سااره . ساره . الو . ساره ردى عليا الوو .
__: الو..
مالك : ايوه . ايوه انت مين . وساره معاك . هي فين .
__: يااستاذ انا معرفش حاجه . والبنت اغمى عليها دلوقتي .
مالك : برعب . ايييه .. طيب انت فين . وانا هجيلك . انت فيييين .
__: انا على طريق اسكندريه صحراوي . وورايا تسليم بضاعه وشغل . وانا مش عارف اعمل ايه دلوقت . البنت مغمى عليها .
مالك : اتحرك وساب الاجتماع وهو بيتكلم . انا جايلك . انا جايلك حالا . قولى العنوان بالظبط .
آدم : قام تعالى معايه يا زياد . وانت يازين ظبط كل حاجه .
طارق : انا جي معاكو .
آدم : لا خليك انت مع زين . ولو احتجنا لحاجة هكلمك ..
طارق : مش هينفع اسيبك تروح وانا قاعد هنا . مش هكون مطمن ويلا بقى نلحق مالك . واتحركو بسرعه ونزلو جرى . وشافو مالك . بيعدي الطريق بسرعه . وهيركب العربيه . وآدم مش هيلحقو . لكن ركب العربيه . وقال ليهم . اركبو معايه . وركبو . وآدم ساق واتحرك ورا مالك . وزياد بيتصل على مالك . والخط مشغول .
. مالك بيسوق برعب وخاف يقفل وكان مصدوم بزهول . ساره . ساره سنه وخمس شهور . ساره !! وساق بسرعه جنونيه لاول مره . ومفيش على لسانه غير ساره ..
. وآدم . ساق . وراه . وعينيه عليه . وبعد فتره كبيره .. مالك وصل وشاف العربيه اللي الراجل وصفهاله . مركونه في مكان تحت شجره كبيره .
مالك : نزل بسرعه . وجري على العربيه وشاف واحده نايمه في العربيه . مغمى عليها . واتصدم صدمه عمره .وقال بخوف . ساره !!
. وقرب عليها واتصدم اكتر واكتر . من شكلها ولبسها . هدومها مقطعه .وشعرها قصير جدا ومتقطع . وكانت رفيعه جدا جدا . ووشها فيه جروح وكدمات . وضوافرها كبيره . ولابسه فستان قصير جدا . لكن الراجل غطى جسمها ب جاكيت بادلته ..
. مالك اتخض من شكلها . وجسمه رجف
وعيونه مفتوحه ودمعت في نفس الوقت لما شاف شكلها كده . وقلبه بيدق ببطء شديد . وايديه كانت بترتعش .
.. آدم . شاف عربيه مالك وركن ونزل وراح وزياد وطارق على مالك ... وآدم اتصدم لما شاف شكل ساره . وبتفكير من آدم ان ساره شافت جميع ابشع انواع العذاب .. وآدم وطارق واقفين مزهولين .. وطارق لما شافها اتصدم وقال مش معقول . لكن زياد مايعرفهاش بس صعبت عليه جدا . وخصوصا شعرها المتقطع . وجسمها اللي كله كدمات زرقا . وكانها مغ*تصبه او مضروبه .
زياد حط ايدو على كتف آدم .. آدم مين دي !؟ معقول دي ساره اللي قولتلي عليها .
آدم : فاق على صوت زياد . وقرب من مالك وقاله . مالك . فوق مش وقته . ساره لازم تطلع بيها على المستشفى حالا ..
.مالك دموعه نازله . ومد ايده على شعر ساره اللي كان بيحبه وخايف يشيلها من ضعف جسمها .. لكن آدم فاوقو . ومالك اتحرك وقلع جاكيت بادلته . وغطاها بيه . وزياد قال ل آدم انا هطلع مع مالك .. . ومالك شال ساره ومحسش بوزنها . ونيمها في الكرسي الخلفي وركب جمبها وحط راسها على صدرو بدموع . وزياد ركب وهو الل ساق واتحرك بسرعه كبيره جدآ .
.وآدم واقف مع الراجل . وسأله انت اتقابلت معاها ازاي .
السواق : حضرتك انا سواق عربية بضاعه في شركه . و كنت مسافر رايح اسلم بضاعه . واتفاجئت لقيت البنت دي واقفه . وبتقع وتقوم تمشي خطوتين وتقع وتقوم . كانها كانت بتجري اميال . وشاورت بايديها الاتنين ووقعت قدام العربيه .. انا لما شفتها بالشكل ده صعبت عليا . وقفت ونزلت ولقيتها مش قادره تتكلم . وكل اللي قالته ابوس يدك اعمل مكالمه بس . قولتلها انتي في حد بيجري وراكي . هزت راسها . وقالت لا لا . مكالمه . مكالمه واحده بس .. انا اديتلها التليفون وطلبت الرقم اكتر من مره . وحاولت تفتكره . واتصلت بحد منكم . وسبتها تتكلم وروحت اجبلها مايه من العربيه .. وبعدها لقيتها وقعت على الارض . جريت عليها ولقيتها مغمى عليها . وشيلتها وحطيتها في العربيه . وجبت التليفون الل وقع منها . وكلمت الاستاذ اللي كان بيكلمها .. واتحركت بالعربيه قلت ابعد عن المكان ده . و قربت المسافه شويه لانها مش راضيه تفوق . وربنا يكون في عونها ويشفيها يا رب ..
آدم : هز راسه وشكروا . وطلب من الراجل بطاقته . والراجل كان هيرفض لكن طلع البطاقه ل آدم .
وآدم صورها بالفون . وشاف اسم الشركه على العربيه . وحفظ رقم العربيه . وشكر الراجل .
.والراجل ركب العربيه واتحرك .
. آدم : راح ركب العربيه . وقال طارق سوق انت . وركبو .
طارق : انت ليه طلبت من الراجل البطاقه . وليه صورتها ..وليه كنت بتراقب كل حاجه .
آدم : انا مابقتش اثق في اي حد ياطارق . غريب . وممكن دي تكون خطه من الل عذبوها كده . وانا مش هخسر حاجه لما اخد بطاقته .. لو كانت خطه هتفيدنا .. ولو مش خطه والراجل ده ساعدها فعلا . يبقى لازم نشكره ونقدمله مقابل على الواجب اللي عمله ده .. واتنهد . اطلع . اطلع ياطارق اظاهر الواحد مش مكتوب عليه الراحه ..
طارق : اتحرك . وآدم بص لقدام . يا ترى ايه حكايتك يا ساره . ويا ترى ايه اللي حصل معاكي ..
. وآدم في الطريق اتصل على محمد اللي كان نايم في حضن نور ..وحكاله الل حصل بالظبط . وقاله ينتظر وصول مالك في اي وقت ..
.ومحمد : قام من حضن نور . ولبس وقال ل نور . تلبس علشان ياخدها عند مريم .. ونور قامت ولبست . ومحمد اخد نور وتمارا . وشرح لنور نبذه عن اللي حصل .. ووصلهم فيلا العدوي . ونور نزلت ودخلت الفيلا .. ومحمد اتحرك على المستشفى . واتصل على مالك . وسالو على حاله ساره . ويشوف النبض وشرحله كام نبضه ف الثانيه . ومالك قاله النبض كدا ضعيف جدا .. ومالك كان مرعوب عليها .
..محمد قاله ينيمها ويحط حاجه تعلى تحت رقبتها علشان التنفس .. ومالك قاله 10 دقايق ونكون عندك .. زياد ومالك اخيرا وصلو ... مالك بسرعه شال ساره ودخل بيها المستشفى .. ومحمد اتصدم من شكل ساره ..
. ومحمد طلب دكتوره متخصصه . ودخل معاها و
شاف اللازم ل ساره .. وكانت ضعيفه جدا . وعلقلها محلول تغذيه . واخد منها عينه دم . والدكتوره دخلت وبتكشف عليها .. وبعدها هايدخلوها مركز الاشعه علشان يطمنوا على كل حاجه ..
. مالك واقف مكانه ما بيتحركش . ولا بيتكلم
. وشريط الوقت اللي عاشو مع ساره بيمر قدامه وبيفكر مابين شكل ساره وجمالها . وشكلها دلوقت .
.وشعرها الجميل وشعرها القصير جدا جدا ومتقطع .
ولبسها المحترم . وفستانها القصير جدااا . والمتقطع عليها دلوقتى .. وبراءة وشها . والجروح والدم اللي في وشها دلوقتي . والكدمات الزرقا على كتفها ورقبتها . والجروج الل فى رجليها . ونبضها الضعيف وضعف جسمها .. لأ . مش هي دي ساره لأ .. ودمعه نزلت منه . وقلبه بيدق . لكن بيدق بخفقان ضربات مختلفه وخايف . ومش شايف اي حد حواليه حاسس ان واقف في ركن ضلمه . وهمس ساره. وزياد . شايف حالة مالك لكن محبش يخترق أفكاره . وسابه شويه مع نفسه وبعدها هيتكلم معاه .. وزياد اتصل على آدم وقالو أنهم وصلو المستشفى ..
--------------------بقلمى Mariem Nasar
..مريم : اللهم لا حول ولا قوه الا بالله . انتي متاكده يا نور من اللي انتى بتقوليه ده يا بنتي .!؟
نور : طبعا يا مامي . محمد قالي . وكمان بابي اللي اتصل عليه . وقاله انه يستنى مالك في المستشفى .
ومحمد قالي ان بابي بيقول ساره شكلها متعذب قوي ..
مريم : بزعل . اللهم اجرنا يا رب . يا رب لطفك بعبادك .. وعيونها دمعت يا ترى المسكينه شافت ايه .
. وحصل معاها ايه . يا حبيبتي يا بنتي . دي داخله على السنه ونص مختفيه .. يعني لو بتتعذب هتتعذب الوقت ده كله .. يا رب نجيبها يا رب . لاحول ولاقوة إلا بالله العلي العظيم .
.فريحه : بزعل . والله انا زعلانه عليها قوي منهم لله اللي ازوها .
ريتال : بدموع حسبنا الله ونعم الوكيل . هو في كده في الدنيا ..
رينو : جت من وراهم . خير مالكم قاعدين مبوزين ليه كده .. وشرحو كل حاجه ل رينو .
رينو : بزعل حقيقي .. مامي بعد اذنك انا هاروح المستشفى ل ساره واقف جمبها .
مريم : وماله يا حبيبتي . اهو البنت مالهاش حد .
رينو : جت تتحرك .
مريم : استني يا رينو يا حبيبتي .
رينو : نعم يا مامي .
مريم :انا هاجيبلك طقم ولا اتنين لساره .. ولما تفوق إن شاء الله تبقى تلبسهم .. اكيد مامعهاش لبس ليها .
رينو : خليكي انتي يا مامي . انا هطلع اجيب كل حاجه . ورينوطلعت . وجابت لبس لساره وحطته في شنطه .. ونزلت مامي انا هاخد عربيه ابيه مراد .
مريم : انا خايفه عليكى يا رينو . وابوكى لو عرف .
رينو : ما تقلقيش . انا بعرف اسوق كويس . و هي دي اول مره .. واخدت مفاتيح عربيه مراد من فريحه وركبت واتحركت .. ومريم اتصلت على آدم . وقالتله لما توصل . طمنى عليها كل شويه
آدم وطارق : وصلوا المستشفى وشافه مالك واقف سرحان ودموعه نازله على شكل البنت الجميله اللي اتغير شكلها شافت من العذاب الوان .
آدم وطارق : راحوا عند مالك وزياد قرب منهم آدم : مالك .
مالك : ..........
آدم : مسك مالك واخدوا وقعدوا على الكرسي وآدم قعد جنبه .. وزياد وطارق قعده قصاده.
آدم : مالك انا عارف اللي حصل ده صعب ومحدش يتحمله . لكن انت لازم تبقى قوي علشان ساره تتقوى بيك . وعايزك ما تفكرش كتير . هي ان شاء الله تفوق ونعرف منها ايه اللي حصل . وساعتها مش هنسكت وحقها هيرجع . لكن انا عايزك يكون مخك حاضر معانا و فكر بايجابيه ان ساره شكلها ماهربتش منك .. لا ساره شكلها كده بعدت عنك تحت ضغط من حد .
مالك : بص ل آدم . ودمعه نزلت منه . انت شفت ساره عامله ازاي يا خالو ..
آدم : بوجع حبيبي انا حاسس بيك . و ان شاء الله ساره هترجع زي الاول واحسن . لكن لازم كلنا نكون جنبها . وانت اول واحد تقدم ليها الدعم . و هنستنى نشوف الدكاتره هيقولوا ايه.
. وان شاء الله خير احنا مرينا بمواقف اصعب من دي بكتير .والحمد لله عدت على خير ..
وآدم جواه كله خوف .من ان ساره تكون اتعرضت لا اكتر من كده . وان حد تعدي عليها . وطرد الفكره . وقال اللهم كن معنا ولا تكن علينا .. اللهم اني لا نسالك رد القضاء ولكن نسالك اللطف فيه ..
. الوقت بيمر ومحمد ما خرجش . وكمان الدكتوره . وكانوا بيكشفوا عليها ..
..وادم منتظر وطارق وزياد . ومالك الل الدقيقه بالنسباله سنه ..
..رينو وصلت ودخلت وشافت آدم وطارق وزياد ومالك .. وراحت عليهم .
رينو : بابي .
آدم : رينو !؟ انتي بتعملي ايه هنا .. انتى عندك تدريب .
رينو : لا يا بابي . انا جيت علشان اكون جنب ساره . ومش عايزين نسيبها لوحدها .
آدم : هز راسه بتفهم ..
زياد : رينو ممكن تدخلي وطمنينا على ساره .
رينو : اكيد . هي في انهي اوضه ..
مالك : لما عرف ان رينو هتدخل . شاور بايدو على الاوضه من غير ما يتكلم .
رينو : شافت دموع مالك و قلبها واجعها عليه . وسابت الشنطه على الكرسي واتحركت . وخبطت ودخلت علشان تتطمن على ساره .. لكن رينو لما شافت شكل ساره والدكتوره بتكشف عليها ما قدرتش تتحمل . وخرجت بسرعه وبتنهج ... وآدم قام بسرعه واخدها في حضنه ..
.ورينو . عيطت ليه كده .. ليه كده هو في شر كده .. وعيطت . وآدم قلبه وجعه .
ومالك سمع كلام رينو وقلبه بيتحرق و مااستحملش . و قام من مكانه و فتح الباب ودخل ..
. وزياد وطارق حولو يمنعوه . لكن ما لك ما ردش علي حد .
. مالك : اتصدم من شكل ساره . كانت هشه قوي وضعيفه . ورفيعه جدا . والاجهزه جنبها ومحمد والدكتوره بيوصلوها على الاجهزه اكسجين ورسم القلب . وحاجات كتير .
ومالك عيونه مفتوحه بصدمه . ودموعه نازله منه غصب عنه . وقلبه بيغلي من الوجع . والغيظ والالم .. وعايز يفهم . عايز يعرف. لكن من كل الل عايزو ساره . وقرب منها وكانت رجليه تقيله قوي . وشاف ساره من تاني . لكن كانت عباره عن جسد من غير روح .. ما فيش اي قوه هشه جدا . قرب قوي منها .. ومحمد انتبه ل مالك اللي بيقرب من ساره .. الدكتوره لسه هتتكلم .. محمد شاورلها براسه لاء ..
.. الدكتوره شافت دموع مالك وسكتت لانها فهمت ..
مالك : قعد جنب ساره . وتايه مسك ايديها وكانت ضعيفه جدا . وضوافرها طويله . وايديها زرقا . عروقها بارزه . وشاف كتفها كله كدمات زرقا . وفيها علامات ضرب وجبينها ازرق . وتحت عيونها اسود . و بتتنفس بالعافيه تحت الاكسجين .. وصوت ضربات قلبها على الجهاز بتموت في مالك . وشايف شعرها القصير جدا وشكله مش مترتب ولا مقصوص بمقص . لا ده متقطع . ودموعه نازله لانه عاجز . ومش عارف يعمل ايه . ورافع كف ايد ساره الضعيف وحطها على قلبه . واتكلم ..
مالك : ساره انا مالك يا ساره . انا جنبك فوقي علشاني . عايز اسمع صوتك من تانى . عايز اعرف كل حاجه . سبتينى وروحتى فين . ساره انتي ما تعرفيش بعدك عمل فيا ايه ..
محمد متابع وشاف نبضات ساره بتتحسن عن الاول . والتنفس بدا يعلى شويه .. محمد مش مصدق . والدكتوره شافت ان ساره بتتحسن .. محمد راح وقاله ... مالك اتكلم معاها هي سمعاك . هي بتتحسن كلمها يا مالك ..
مالك : قلبه دق . يعني هي سمعاني .
محمد : ايوه لانك . اول ما اتكلمت دقات قلبها الضعيفه بتقوي عن الاول . والأكسجين بدء يعلى ..
مالك : مسح دموعه وشفايفه بتبتسم برعشه واتكلم .. ومسك ايديها . بايديه الاتنين ..ساره انا ما لك . جنبك انا معاكي . انا حبيبك مالك انتي سامعاني صح . عايز اقولك الساعه اللي انتي جبتهالي ما قلعتهاش من ايدى يوم واحد ..
. الدكتوره عيونها دمعت وتاثرت .. ومحمد كان مخنوق لانه مجرب عذاب الحب . ولكن حاول يعمل اللي يقدر عليه .
مالك : شوفي الساعه اهي فتحي عينيكي وشوفيها . زي ما هي . انا محافظ عليها .. طيب عارفه المحادثه اللي بيني وبينك !؟ لسه زي ما هي . كل يوم اقراها قبل ما انام واول ما اصحى .
.محمد شايف ان ساره بتتحسن .
مالك : كل يوم اسمع صوتك وانام على صوتك . ومالك بيتكلم شاف حركه صوابع ساره في ايده . ساره قفلت صوابعها الضعيفه على ايده . وهمست بضعف مالك . مالك .
مالك : قلبه بدا بالنبض من تاني . والامل بيتجدد .. ولما سمع صوتها قال .. ايوه صوتها . ده صوتها ده صوت ساره يا محمد .. هي ساره ايوه هي .وابتسم بدموع . ورفع ايديها وباسها وعيونه على ساره اللي بدات تفتح عينيها ببطء شديد . واخيرا ساره فتحت عينيها وشافت مالك بعد رحله عذاب . ومن وجع جسمها عيونها اتملت بالدموع .. ومحمد شاف انها فاقت وقرب منها كشف وفحص عينيها . وكتب للدكتوره تقرير . انها هتطلع على مركز الاشعه . محمد لسه بيقول للدكتوره
هنحتاج للدكتور مروان الطبيب النفسي لان اكيد ساره ......
..وسمع صرخه ساره . وصرخت وقالت لااااا حرام عليكم سيبوني . لاااا ابعدوا عني . ما لك تعال وخدني يا مالك ...
..ساره اول ما فاقت . عندها تشويش في الرؤيه . وبتحاول لكن افتكرت اللي كان بيحصل معاها . ولما محمد قرب منها يشوف عينيها .. شافت كأن ناس بتقرب منها . وبدات تصرخ وشالت جهاز التنفس من على بقها . ومالك اتخض عليها . و شدها لحضنه وهي بتصرخ . لكن صوتها كان ضعيف جدا . وبتنهج وغابت عن الوعي تاني وايديها ارتخت في حضن مالك ...
..ومالك اترعب عليها . ومحمد راح بسرعه وعطاها ابره مهدئه . وقال للدكتوره هنحتاج للدكتور مروان حالا . الدكتوره حاضر يا دكتور وخرجت .
محمد مالك اخرج دلوقت . وما تقلقش ساره هتكون كويسه .
.مالك حاضن ساره ودموعه نازله وما ردش علي محمد . لانه لما حضن ساره كانت ضعيفه خالص بين ايديه وعيط لانها اتعذبت كتير . وهو مفكر انها سابته واختفت . وانها كانت بتضحك عليه .. محمد بيتكلم معاه ومالك مش موجود .
.محمد : فتح الباب وقال آدم تعال حاول تسيطر على مالك .
آدم : قرب من محمد . طمني الاول البنت مالها.
محمد : والله يا آدم ساره متدمره خالص . انهيار عصبي . وكمان متعذبه ومضروبه في جسمها كله . وعندها حروق في مناطق من جسمها زي ضهرها ورجليها . والدكتوره بتقول ان الجروح عامله تقرحات . لانها من فتره . وربنا يستر وميكونش عملتلها تسمم في الدم . هنشوف نتيجه التحليل وده الل هيحكم على الحاله . ولازم تتعالج نفسيا لانها شكلها تعرضت لعذاب شديد قوي .
آدم : بزعل حقيقي وتأثر . طيب يا محمد هي حد يعني حاول ... احم ... انه يقرب منها انت فاهمني .
محمد : لا الحمدلله اطمن . انا زيك كنت خايف من كده . لكن الحمد لله الدكتوره كشفت عليها .. وساره محدش قرب منها .
آدم : هنا استريح .. ولكن استغرب اكتر . يعني محدش قربلها و متعذبه كده . لا الموضوع ده فيه لغز ...
محمد : آدم رحت فين تعال خد مالك علشان اعرف اشوف شغلي .
آدم : هز راسه ودخل معاه . وشاف ساره وهي في حضن مالك ومش باينه وقلبه وجعوا عليها . وعذر بنته رينو لما خرجت بسرعه وما استحملتش . وقرب من مالك . واتكلم معاه . وحاول وفي الاخر . محمد اخد ساره من حضن مالك ورجعها على السرير . وحطلها الاكسجين . وعلقلها الاجهزه اللازمه لحالتها . وآدم اخد مالك وخرج بالعافيه . وقعد مالك . وقعد جنبه يهديه . وطارق جنبه وكان زعلان جدا على مالك . وربت على ضهره واتكلم معاه هو وآدم. .
. ورينو : قاعده عماله تعيط . ومش قادره تنسى شكل ساره لما دخلت وشافت الدكتوره وهي بتشوف الجروح والحروق اللي في ضهرها ووشها . وكمان عينيها .. ودموعها نازله
. وآدم : محتار من فكرة ان ساره في وسط العذاب ده . وما اتعرضتش للاغت**صاب . الموضوع كده كبير قوي . وآدم احتار اكتر . وقاعد يفكر .
. مليكه : اتصلت على زياد . وزياد قام بعيد عنهم شويه . ورد عليها لكن ماقلهاش حاجه .عن الل حصل . لانه عارف ان مليكه نفسيا لسه ما استقرتش . وقالها انه مع آدم وطارق في مشوار مهم . وأنه هيتاخر . وقفل معاها ورجع عندهم .
آدم : بص ل زياد . وقاله . روح انت على الشركه وشوف كل حاجه وظبط الدنيا مع زين .
زياد : مش هينفع اسيبكم لوحدكم .
آدم : لا . هينفع . انت شايف اننا بنعمل حاجه!؟ قوم انت . لاني مش هينفع اسيب مالك لوحده وشكل ساره مطوله هنا في المستشفى . روح انت . لان زين كلمني علشان يطمن . وانا قلتله هابعتلك زياد .
زياد : قام يعني مش هتحتاج مني حاجه ؟
آدم : لا يا حبيبي ولو احتاجت هاكلمك؟
زياد : بص على مالك بزعل . واتحرك على الشركه ...
--------------------بقلمى Mariem Nasar
.. الوقت بيمر . ودكتور خارج ودكتور داخل . واخيرا . هياخده ساره على مركز الاشعه في الدور التاني . وخرجت من الاوضه على السرير .
رينو : لفت وشها الناحيه التانيه . لانها مش قادره . هي شافت حالات كتيره لكن مش بالبشاعه دي . وخصوصا ان رينو تعرف ساره .
مالك : لمح ساره خارجه . قام وقف وراح عليها .
.محمد : مسكه مالك اهدا انا عايزك تسيطر على اعصابك . ساره لازم تعمل اشعه حالا .
مالك : عيونه على ساره وماردش ...
محمد : شاور للممرضين يتحركوا مع ساره في الاسانسير .. مالك عيونه عليها لحد ما باب الاسانسير اتقفل.
وآدم : سند مالك واخدو قعدو .. وادم راح لمحمد و
اخدو على جمب. وقاله ما فيش جديد .
محمد : بزعل واتنهد . هي متجاوبه معانا والنبض اتحسن . لكن بعد الاشعه لازم تدخل غرفه العمليات . وآدم قلق .
محمد : ما تقلقش هدخلها غرفه العمليات الصغرى . علشان انظف كل الجروح اللي عندها . وكمان لاحظت ان فى اعوجاج فى دراعها اليمين . انا شاكك انه اتكسر قبل كدا ولحم بالغلط . هنعمل اشاعه ولو فعلا زي ما انا توقعت . هكسره و ارجعه تاني . وبعد كده . اول حاجه هنعملها هنتابع من دكتور مروان دكتور الطب النفسي . لانه شافها وقال حاله انهيار عصبي حاد . وكمان عندها حاله هيستيريا . وحاله اسمها رهاب وخوف غير عادي . واتنهد ساره يا آدم شكلها تعرضت لحاجات كتير اوى . ورعب حقيقي . لكن ساره قويه وكان عندها امل انها هتوصل لمالك . ده اللي انا حللته من استجابه ساره لما مالك اتكلم معاها .
آدم : اتنهد . وقال بكره تتحسن ونعرف كل حاجه ..
محمد : آدم انت خد طارق ورينو وروحوا . لان ساره هتقعد معانا فتره . وياريت كمان لو مالك يروح .
آدم : بص على مالك فكرك هيوافق .
محمد : مش عارف . لكن ما تقلقش على ساره . الدكتوره نرمين هنا و هتابع معانا الحاله . وهي عارفه ساره قبل كدا لما كانت في الفرح . وهاخليها تخلي بالها من ساره كويس .
آدم : هاحاول معاه .
محمد : طيب انا هاروح اشوف ساره وهاخدها بعد كده على العمليات ..
آدم : ربنا معاك يا دكتور .
آدم : راح قعد جنب مالك اللي عيونه حمرا زي الدم . وملامحه كلها يأس .. وساله لو ساره هتقعد هنا كتير في المستشفى انت هتعمل ايه..
مالك : رد عليه لو قعدت سنه مش هاسيبها لحظه واحده .
آدم : عرف انه لو مهما حاول مالك مش هيسيب ساره . وهز راسه وشاور ل رينو وجت وقعدت جنبه . وابوها ضمها بحنان وقالها تروح لان ساره هتدخل العمليات . وهي مش هتقدر تكون موجوده معاها .
رينو : دموعها نازله وبصت ل آدم . وقالت . هو في شر كده يا بابي .
آدم : بزعل . على دموع بنته . ومسح دموعها هي الدنيا كده يا بنتي . ياما هتقابلني وياما هتشوفي . وفيها حاجات اكتر من كده . لكن الل متأكد منه . ان ربنا ليه حكمه فى الل حصل وهنعرفها بعدين .
رينو : بدموع ساره صعبانه علي قوي يا بابي.
آدم : اخدها في حضنه . حبيبتي ده نصيب ولازم كلنا ندعيلها مافيش في ايدينا غير الدعاء . ادعيلها يا حبيبتي ..
رينو : غمضت عينيها وبتدعيلها في قلبها .
آدم : حبيبتي انتى قومي روحي . انا هاتصل على زين يجي يوصلك . أو هخلي عمك طارق يوصلك بالعربيه .
رينو : لا يا بابي انا معايه عربيه ابيه مراد .
آدم : بنظره لوم . طيب ينفع . انا ما بحبش انك تسوقي عربيه . انا ماببقاش مطمن عليكي.
رينو : ما تقلقش يا بابي . انا بسوق على مهلي ومش اول مره . انت عارف انى بعرف اسوق كويس. . وسيبها على ربنا
آدم : اتنهد . ربنا هو الحافظ . طيب ياحبيبتي قومي روحي انتي . و انا وعمك طارق هنقعد مع مالك .
رينو : حاضر يا بابي . اتفضل الشنطه دي فيها لبس ل ساره بعد ما تخرج يا ريت تديها للممرضه تغيرلها هدومها .
آدم : حبيبتي ما تقلقيش . حاضر والدكتوره نرمين هتكون معاها . قومي انتي و طمنيني عليكي اول ما توصلي .
رينو : قامت وما تكلمتش مع مالك . لان شكله غنى عن السؤال . قلق وخوف و حست بيه ودعت من قلبها ان ربنا يشفيها في اقرب وقت.
ورينو : وروحت وقعدت في حضن مريم وحكتلهم عن كل اللي شافته واللي حصل وكانت بتعيط . وصعبان عليها ساره قوي . ونور اتاثرت وفريحه وريتال و كلهم زعلانين . ومريم حضنت بنتها وهدتها . ومريم بعدها قامت تصلي ركعتين لله . وتسجد وتدعي ل ساره
--------------
فارس : راجع من شغله . وفتح باب الشقه ودخل . ونده .. رودي ..رودي .. ودخل يدور عليها وشافها في المطبخ . وشكلها مخنوقه ومتدايقه .. وضحك على شكلها . لابسه مريله المطبخ . على فستان قصير . وكلها دقيق . ومبتهدله . والمطبخ مكركب ..
رودي : مدايقه . لان الكيك اللي كانت عايزه تعمله ل فارس . باظ منها .
فارس : دخل وشافها وابتسم على شكلها وهي غضبانه . وعامله زي الاطفال .
فارس : رودي حبيبتي .
رودي : بصت . وشافت فارس بس كانت مدايقه ومتغاظه . واتنهدت ومردتش .
فارس : شافها كده قرب منها وحضنها من الخلف . حبيبتي انا بتعمل ايه .
رودي : بديق . قصدك تقول ما عملتيش ايه . زي ما انت شايف دقيق على هدومي . وكل حاجه متلخبطه ونص صينيه الكيك وقعت مني على الارض . وحاجه في منتهى القرف.
فارس : هههههه .
رودي : بغيظ . بتضحك على ايه يا فارس . انا مش طايقه نفسي .
فارس : حبيبتي لو كان نفسك في الكيك كنتي قوليلي . وانا اشتريلك وما تتعبيش نفسك .
رودي : بغيظ اكبر . انت بتتريق صح . انت تقصد اني انا مبعرفش اعمل حاجه . ولا اعملك اكل كمان ..
فارس : انا قلت كدا . يا شيخه . حرام عليكي . هو انا اتكلمت .
رودي : لا اتكلم يا فارس . اتكلم . انت اكلت المكرونه امبارح غصب عنك . و كانت وحشه و عليها ملح كتير جدا . ده انا ما استحملتش طعمها .
فارس : حبيبتي . طيب انتي ليه متنرفزه دلوقتى .
رودي : متنرفزه . علشان مش عارفه اعمل حاجه . حتى في الفطار بهدلت الدنيا . والطباق اتكسرت مني . وكمان ما بعرفش اجهز العشا . ولا اطبخ .
فارس : وايه المشكله بس ياروحي . بكره تتعلمي .
رودي : ااه . ولما يجي بكره تكون انت زهقت مني . وشفت واحده غيري مش كدا .
فارس : بصدمه . ايه الهبل ال انتي بتقوليه ده .
رودي : عيونها دمعت . ايوه الواحد بيحب ان مراته تكون شاطره . وبتعرف تعمل الاكل اللي هوا بيحبه . وانا ما بعرفش اعمل حاجه ولما عرفت انك بتحب الكيك . قلت اعملهالك مفاجاه بس خلاص المفاجاه باظت . وما عرفتش ا
عمل حاجه زي ما انت شايف .
فارس : لف ليها .. حبيبتي . انك تتعبي نفسك علشان تفاجئيني دي في حد ذاتها حاجه جميله منك . وبعدين يا رودي ما انا عارف من زمان انك ما بتعرفيش تعملي حاجه انتي فاشله يا روحي وضحك .
رودي : بصتله بغيظ . ورفعت المعلقه في وشه . بص بقى انا ما بعرفش اعمل اكل . وما بعرفش حتى اقلي البيض . وكمان ما بعرفش اجهز العشا . و هاخد فتره كبيره جدا . لحد ما اتعلم .. وهتعلم بس عارف لو لمحتك انك اتغيرت عليا . ولا عينيك زاغت كده ولا كدا. صدقني يا فارس هقتلك . انت جوزي انا وبس فاهم ..
فارس : رافع ايديه حسبي السلاح يطول يا مجنونه . وضحك حبيبتي انا يا ناس والله يا حبيبتي انتي عبيطه . وانا يعني هابص بره . هو انا مستغني عن نفسي . انتي مجنونه يا بنتي انتي يتخاف منك .
رودي : كويس انك عارف علشان . لو واحده بس قربت منك يبقى نهار ابوها اسود .
فارس : يا ساتر يا رب . ليه كده حرام عليكي .
رودي : بغيظ .انت كمان بتدافع عنها !!
فارس : هي مين .؟ دي انتي حوله يا رودي احنا لوحدنا واهدى كده انا بحبك انتي وعمري ما افكر اني ابص لوحده تانيه في الكون ده كله .
رودي : بجد يا فارس .
فارس : هو انتي مش واثقه في حبي ليكي .
رودي : لا طبعا واثقه . بس انا خايفه .
فارس : اخدها في حضنه .خايفه من ايه .
رودي : خايفه في يوم تسيبني . او تبعد عني . لاني فعلا مجنونه . بس مجنونه بيك انت يا فارس . انا ساعات بقوم من النوم و اتاكد انك جنبي حقيقه مش حلم . انا بحبك قوي يا فارس . ارجوك ما تبعدش عني . لان ساعتها مش هتعرف هاعمل فيك ايه .
فارس : باس على راسها . من غير تهديد يا قلبي علشان انا ما بخافش . لكن اطمني لان ما فيش غير رودي واحده وبس ساكنه قلب الفارس . يا بنتي انتي ضحكتي عليا علقتيني بيكى .. وما اعرفش ازاي سحرتيني .
رودي : ضمته بحب . بحبك يا فارس .
فارس : وانا بموت فيكي . وتعالى بقى اساعدك نلم الليله دي كلها . وهنعمل انا وانتي احلى صنيه كيك .
رودي : خرجت من حضنه . بجد انت بتعرف تعمل كيك .
فارس : عمري ما عملتها . لكن هانستعين بصديق او اتنين .
رودي : صديق .مين .
فارس : حاجه من الاتنين يا الانترنت . يا رنا .
رودي : اوك يلا بقى . وقلعت المريله . واخدت تفاحه وقعدت على ترابيزة المطبخ .
فارس : يلا ايه . انتي بتعملي ايه .
رودي : هقعد وانا باتفرج عليك وانت بتلم الليله دي .
فارس : نعم ياختي . يلا يا بت انزلي تعالى نخلص بسرعه . عاجبك الكركبه دى . وشوفي جاكيت البدله اتبهدل دقيق بسببك .
رودي : ماحدش قالك تحضني. .
فارس : بغيظ من ردودها .. ماشي انا هدخل اغير هدومي . وانام وهاسيبك وانتي بقى تعملي كل حاجه . وعايزه اخرج .. الاقيكي قاعده في الارض و بتعيطي .. وبيلف علشان يخرج من المطبخ .
رودي : نزلت وراحت بسرعه حضنته من الخلف .. لا لا بليز . بليز والله خلاص مش هرخم عليك تعال .. انت احسن زوج في الدنيا.
فارس : هتعملي الل هاقولك عليه .
رودي : ابتسمت بحب . حاضر ..
فارس : يا سلام لما بتقولي حاضر بتبقى عسل . اروح اغير بقى واجيلك يا قمر .
رودي : قلبها دق . لان فارس الل هي بتعشقه بيحبها قوي ..
..الساعه سبعه مساءا في المستشفى .
محمد : خارج من العمليات . وراح عند آدم ومالك اللي رافض ياكل اي حاجه . وقاعد مصدوم . وجاسر جه بسرعه اول ماعرف .
آدم : شاف محمد جاي عليه . هااا يا دكتور طمنا ان شاء الله خير .
محمد : قعد جنب مالك وابتسم . حمد لله على سلامه ساره يا مالك .
مالك : سمع كده وقلبه دق . ورفع عينيه ومتعلقه ب محمد وسكت .
محمد ؛ بدا يشرح كل حاجه علشان مايخبيش حاجه على مالك . وبما انه اتكفل بكل حاجه تخص ساره . وانه مش هيسيبها ابدا وهيقعد معاها في المستشفى . يبقى مالك لازم يعرف كل تفاصيل ساره .
محمد : قال احنا عملنا اشعه ل ساره وكمان اشعه مقطعيه على المخ وكل حاجه عندها الحمد لله تمام ..
مالك : الامل بدا يتجدد جواه .
محمد : وعملنا اشاعه على دراعها . لاني كنت شاكك انه مكسور . وملحوم غلط . وفعلا كان مكسور من حوالي ٨ شهور . وموجود كدمات . ولكن الحمد لله كل الاشعه التانيه تمام . وعملنالها شوية تحاليل . وعندها انيميا حاده ناتجه عن سوء التغذيه . ودخلناها غرفه العمليات وعقمنا كل الجروح والحروق اللي في جسمها . وانا كسرتلها دراعها من تاني . وعملتله جبيره . وده طبعا بعد ما علقتلها دم يعوض الفاقد في جسمها . وهتخرج دلوقت على اوضتها . والدكتور مروان اخصائي الطب النفسي. . هيتابع الحاله ويتعامل معاها . وكمان . هتابع معاها دكتورة تغذيه ..
مالك : بيسمع محمد و قلبه مليان غل من اللي عمل في ساره كل ده . لكن اقسم انه لازم يدفع التمن غالي .
آدم : طيب يا محمد الكسر اللي في دراعها ده مش هياثر عليها . انت قولت قبل كده انها فاقت وصرخت ومش واعيه لاي حركه .
محمد : لا ما تقلقش . لان حاله ساره لازم لها مهدئات . هي مش هتحس بالجرح الل في دراعها ما تقلقش . انا عامل حسابي على كل حاجه . وبص ل مالك اللي شايف الاكل قدامه من بدري زي ما هو .. ايه يا مالك ماكلتش ليه.
مالك : ........
محمد : شاف أن مالك ضايع ... مالك انا عايز اقولك ان دي اهم فتره في حياتك . وده الفيصل اللي هيحدد الايجابيه في حياه ساره . يعني لازم انت تفكر بعقل . وتتصرف بعقل يعني مش قلة اكلك اللي هتخلي ساره تفوق بسرعه . بالعكس انت لازم تاخد بالك من نفسك . علشان تقدر تاخد بالك من ساره . مشوراك طويل على فكره . يعني ساره هتخرج من العمليات على غرفه الملاحظه ولما كل حاجه عندها تتحسن بعد المحاليل والتغذيه واكياس الدم ساره هتتحول فوق على قسم الطب النفسي علشان هاتابع مع دكتور مروان . لان طبعا انت عارف اكيد ساره ما شافتش شويه . وانت اللي هتكون مصدر قوتها . لازم تكون جاهز لاي رد فعل من ساره في الفتره دي . وانا متاكد انك هتعدي ساره من المرحله دي . وصدقني ساره الحمد لله عدت مرحله الخطر . والخوف كله كان من الجروح انها تكون وصلت للدم وتعمل تسمم . لكن الحمد لله ان نتيجة التحاليل ايجابيه وعدت على خير ساره قويه جدا و عايزك تكون قدها . لان شهر بالكتير وساره هتكون تمام .
مالك : بص لمحمد . بأمل . يعني ساره هترجع.
كلهم : زعلو عليه ..
محمد : ابتسم بوجع . ايوه هترجع واحسن من الاول كمان . وطول ما انت جنبها ومعاها انا مش قلقان ومتفائل .
مالك : غمض عينيه ودمعه نزلت منه . وجاسر قلبه وجعه على ابنه وربت على ضهر ابنه .. حبيبي الدكتور محمد طمنا اهو واحمد ربنا وان شاء الله هتبقى بخير .. انت نسيت الل حصل مع اختك مليكه واهي دلوقت ما شاء الله عليها .
طارق : مالك انت لازم تفوق و تاخد بالك من نفسك . علشان تقدر تخلى بالك من ساره .. ساره محتجالك . وانت لازم تكون قوي وتاخد بالك منها .
آدم : مالك لو عايز ساره تفوق وتبقى تمام . انت كمان لازم تبقى تمام وجاهز في اي وقت ساره هتستمد منك القوه وطول ما انت جمبها هي هتعافر علشان ترجعلك .
مالك : اتنهد بتعب . ..
محمد : يلا يا بطل وبعدين انا وآدم وطارق وجاسر . جعانين هتسيبنا كده يلا تعال . وصدقني كل حاجه هتبقى تمام .ومالك قرب معاهم لكن كان بيمثل انه بياكل . لان شكل ساره حاليا مش رايح من تفكيره .
...وبعد فتره كانت ساره في اوضتها . وآدم وجاسر وطارق دخلوا يطمنو عليها .. وجاسر اتصدم من شكلها .. وانها مش ساره خالص . وزعل عليها جدا . لانها شكلها فعلا كانت بتتعذب كتير . وآدم قرب منها وشاف قد ايه الكدمات . وزعلان عليها واتنهد لكن لازم يمشي لان الساعه ٩ بليل . ومريم قلقانه وكل شويه تتصل . وآدم مانع اي حد من العيله انه يجي على المستشفى . وقرب من مالك وربت على ضهره وقاله ربنا معاك وان شاء الله هتكون احسن من كده . وكل حاجه هترجع زي الاول واحسن .
مالك : هز راسه ومش قادر يتكلم ..
آدم : اتحرك علشان يروح وطارق خرج معاه.
. وجاسر اتحرك وهيروح علشان يبعت مع السواق هدوم وحاجات لمالك لانه قرر انه هياخد اجازه و هيقعد مع ساره لحد ما تفوق وتقوم بالسلامه . والكل مشي من عند مالك.
. مالك : قرب من ساره وقعد بتعب . وحاسس بالعجز وشاف ساره من تاني وشها عليه شاش في مناطق معينه . جنب عينيها وجبهتها وكمان في شعرها . وخدها وجمب بوقها . وايديها وكتفها ورجليها ومتغطيه . ودراعها متجبس . وشعرها اللي متقطع .. مقطع في قلبه حرفيا . وبيتخيل وحد بيعذبها وبيقطعلها شعرها . وعيط من قلبه . وبص بغيظ . وقال اقسم بالله ما هاسيب اللي عمل فيكي كده . ومسك كف ايديها الصغير . بعد ما قصو ضوافرها . والكانونيلا في ايدها . وقرب من ايدها وباسها بدموع وحرقه من قلبه وجواه غيظ وغل يدمر كل حاجه حواليه .. ونفسه يقوم يكسر كل حاجه . لكن لازم يبقى قوي ومستعد لاي حاجه . لان ساره محتاجاله دلوقت . وحط راسه جنب ايد ساره . وقعد يتامل في جرحها . ودموعه نازله على خده . ومن حجم ساره ووشها الصغير المرهق و السواد اللي تحت عيونها . و جهاز تنفس . والدم اللي متوصلها .بعد المحلول المغذي . وقعد جنبها . ومش عايز يقوم . واقسم انه هيفضل جنبها العمر كله ..
آدم : روح وكان تعبان . وكلهم استقبلوه . ومريم سلمت عليه وقعدت جنبه . وادم رجع راسه لورا وغمض عينيه . ومريم زعلت عليه لان وشه كان مرهق . لكن البنات سألوه . وآدم حكالهم كل حاجه . والبنات عيطوا علشانها وزعلوا عليها .
وقالوا لما ساره تفوق كلنا لازم نبقى جنبها . ومريم مسكت ايد آدم وقالتله انت محتاج ترتاح . تعال معايا نطلع اوضتنا . وقام معاها . لانه كان مش شايف قدامه . ومريم اخدتو الاوضه وقلعته جاكيت البدله . واخدته الحمام . وساعدته في الشاور . واهتمت بيه وساعدته في اللبس . وخرجو . وسالته هتصلي . قالها صلينا في المستشفى . قالت تعال طيب واخدته في السرير واخدت راسه في حضنها ومسدت على شعره . وكل واحد سرحان . لحد آدم ما نام في حضنها . وبعدها هي نامت ..
..محمد : اتصل على نور وقالها انه نبطشيه النهارده . وقالتله لما تيم وتمارا ينامو . انا هاكلمك علشان مش هعرف انام وانت مش معايا . ومحمد اتنهد بحب وقفل معاها ومنتظر ان تيم وتمارا ينامو . علشان يتكلم مع حبيبته الل ماسلمش عليها النهارده اول ماصحى . وقاعد في المكتب بيفكر فيها ..
. زياد : رجع متأخر . لانه قال ل مليكه . ان آدم مش موجود في الشركه وعنده شغل كتير هو وزين . وهيرجع متأخر . ولسه راجع . ودخل البيت . وكانت مليكه منتظراه ..
زياد : جواه زعلان لكن لما شاف حبيبته . الزعل اختفى .
ماليكه : قامت واستقبلته بحب . وحضنته وباسته من خدو . ومليكه من طبعها مبتحبش تسال كتير . هي اكتفت انه قالها انه هيتاخر . وقالتله غير هدومك علشان تتعشى لاني لسه متغدتش ومستنياك .
زياد : اخد راسها على صدره . مليكه حبيبتي ما تعمليش كده تاني . اليوم اللي هتاخر فيه انتي كلي ومتستننيش .
مليكه : مش هاعرف اكل وانت مش معايه .
زياد : اتنهد حبيبتي علشان خاطري ان شاله حتى تاكلي حاجه بسيطه لحد ما ارجع اتفقنا.
مليكه : حاضر يا حبيبي اتفقنا ..
وزياد باس جبينها ودخل اخد شاور . ولبس وخارج من الاوضه شاف مليكه مهتمه بالسفره وشموع وجو رومانسي . وكمان مليكه مهتمه بنفسها . وهي اللي عملت الاكل بنفسها . واستعانت ب ملك . وكلمتها وملك قالتلها على كل الخطوات ونجحت من اول مره .. وزياد ابتسم .. لان الجو فعلا يهدي الاعصاب .. وهو بيحب مليكه .. واهتمام مليكه بنفسها حاجه هو بيعشقها ...
ماليكا : شدت الكرسي وضحكت وقالتله تسمح تقعد .
زياد : ابتسم وقعد . مليكه رايحه تقعد على الكرسي ..
زياد : شدها وقعدها على رجله وقالها تسمحي.
مليكه : قلبها دق . وابتسمت بحرج . احم .. انا اللي عامله الاكل ده ويارب يعجبك .
زياد : بدهشه . بجد شكله كده تحفه . كفايه شكله والله ما هاين عليا اكله من جماله .
مليكه : هههههه حبيبي بالهنا والشفا .
زياد : ضحكتك حلوه او ياماكى ..
مااليكه : ابتمست بحرج .
زياد : احم .. طيب يلا اكليني بقى ..
مليكه : حاضر وبدات تاكله . والاكل عجب زياد .. وقالها ما شاء الله . من اول مره والجمال ده امال بقى بعد كده .. ده انا معايا شيف ومش عارف .
مليكه : بفرحه . بجد عجبك .
زياد : عجبني بس . الاكل بجد تحفه تسلم يديك يا قلبي .
مليكه : حبيبي بالف هنا على قلبك .. وماليكا اكلت زياد .. وزياد اكلها .. وباس ايديها وشكرها على الاكل الجميل وكمان تعبها لانها بتعمل كل حاجه حلوه علشان زياد يبقى مبسوط .وماليكه باسته من خدو بحب .. وزياد قام وشال الاكل معاها . وظبطه المطبخ مع بعض . وماليكه جهزت العصير علشان هيقعدو مع بعض في الليفنج ..
.. محمد . طالع عند ساره . ومالك يطمن على ساره بنفسه . وعطاها مهدئ علشان ما تتعبش بالليل . وكمان اتكلم مع مالك شويه واقنعه انه يقوم بيغير هدومه . ويريح على السرير الل جنب ساره . وانه مايقلقش عليها .وكل حاجه هتبقى تمام .. ومالك استسلم وقام غير هدومه . لكن منمش على السرير . فضل قاعد جنبها وماسك كف ايديها الصغير . وعيونه عليها ..
..ومحمد شاف نور بتتصل عليه واستاذن وخرج . ونزل على المكتب وكلم نورو واطمن على تيم وتمارا . وبعد كده غازل حبيبته . واتكلم معاها لحد ما استسلمت ونامت . ومحمد ابتسم بحب . وقفل . وقام ينام ع الكنبه لانه من الصبح واقف ع رجله ...
في مكان ما في بلد اجنبي الساعه واحده صباحا .
مراد واقف مع فهد في مكان ضلمه وبيراقبه جاسوس . وكل واحد معاه شنطته وفيها كل حاجه تخص شغلهم . وكل واحد حاطط سماعه ف ودنه بيتواصلو بيها مع بعض . وكانو لبسهم عادي . ومغيرين في شكلهم . وكل واحد ماسك تلسكوب يراقب ..
فهد : ولا يامراد .
مراد : ايه
فهد : احنا بقالنا شهر بنراقب الراجل ده كل يوم ومفيش جديد .
مراد : اتقل بس احنا مستنيين الميعاد الل هيسلم فيه الفيلاشه .
فهد : انا مستغرب . ازاي واحد معاه فلوس وغني جدا اوى كدا . ويخون بلده . ليه انا مش عارف .
مراد ؛ علشان ابن كلب جزمه . وخاين وقلبه اسود وحقود وعايز يدمر بلده . حتى لو بلده مش هتتدمر . اكيد هيبقى مبسوط لما يشوف بلده بتتهان ..
فهد : هز راسه فعلا ابن كلب جزمه .. لا ومسمى نفسه آرثر
مراد : اهو جه ع الريحه .. طالع ومعاه ال15 حراسه .
فهد : العميل ٤ بيقول ان الرجل الكبير عايز الفلاشه دي باي تمن .
مراد : طبعا يابني دي عليها اسرار تودي في 60 داهيه . علشان كده الجاسوس مطمن وداخل خارج في نفس المكان . وعرفت انه بيأمن نفسه . واختلفو على الفلوس والراجل الكبير مقدرش يعمل حاجه . لان الجاسوس آرثر شايل الفلاشه في مكان محدش يعرفه .
فهد : طيب هنفضل نراقب كده كتير .
مراد : اه شغلنا كده . لحد ما الراجل الكبير يخرج من القصر .. وعايزك تراقب كويس حتى عدد الخطوات . كل حاجه يعني بص اخر اتنين في الحراسه . دول خايفين من حاجه.
فهد : عرفت ازاى أنهم خايفين .
مراه : بص كويس . على خطواتهم متلخبطه . ومن حركتهم تحس انهم متوترين . غير اول اتنين حراسه . ورا . آرثر . ماشيين ومش خايفين من حاجه خطواتهم سابته على الأرض .
فهد : فعلا ياصقر . كلامك مظبوط .. لا والغبيه اللي في النص مفكره ان مفيش حد يعرف انها بنت.
مراد : هههههه . اه يالئيم عرفت ازاي .
فهد : بص بشرز . دماغك بايظه . بص على الخاتم اللي في ايدها خاتم حريمى . وطبعا انت لسه قايل ركز على الخطوات ..
مراد : بس صدق خطواتها جامده هههههههههه.
فهد : بصله . هاقول لفريحه .
مراد : ما تقلقش فريحه عارفه عني كل قاذوراتي .. وخلي بالك انا عارف انها بنت من زمان . وكنت مستني انك تكتشف ده لوحدك .
فهد : وعرفت من الخاتم .
مراد : لا من خطواتها الجامده هههههه .
فهد : عارف نفسي اروح افرتك دماغ الجاسوس ده .
مراد : اتقل ياحوت . الجهاز عايزه حي مع الفلاشه .
فهد : عارف وده اللي مسكتني عليه .
مراد : هانت يا صاحبي ..
تا ني يوم الضهر .
نرمين استاذنت محمد لانها نبطشيه من امبارح و هتروح ..وخرجت من المستشفى و ماشيه .. لكن في عربيه قربت منها ووقفت جنبها ..
..ونرمين خافت لكن بصت وشافت اللي راكب من العربيه نزل الازاز اللي جنبها وقالها اركبي.
نرمين : نعم انت حضرتك تعرفنى .
... قلع النضاره ها عرفتينى .
نرمين . نزلت براسها وبصت من الشباك . بصدمه .. شهقت
