رواية جريمة عشق الجزء الثاني الفصل الخامس والعشرون
بسم الله نبدأ
.. مليكه : خرجت من عند زياد تايهه ومش عارفه تروح فين !! وخرجت بالعربيه ولفت بيها ومخنوقه .بتفكر في كلام زياد .. وان وجوده جمبها كان جايبه الارض ... وانه عايز يدفع فيها قصاد ليله واحده .. وفكرت في كلامه وكمان قالها انها رخيصه .. وكلام ملك انها حابلها ساب . وفضلت تفكر كتير لحد الليل ما جه عليها .. وراحت على (النادي الليلي) ودخلت وشافت صافي بترقص وراحت وسط الكل ضربت صافي بالقلم .. انتي انسانه زباله و حيوانه وقذره...
صافي : زقت مليكه بتضربيني انا يا حيوانه . انتي مفكره نفسك مين يا بت . ولما تتكلمى معايه . اتكلمي كويس.
مليكه : اتكلم كويس ! انتي فعلا واحده حقيره ورخيصه . انتي تبعيني انا ... انا يا صافي تبيعيني للكلب اللي اسمه ايمن . ها !؟ ومفكره ايه .؟ انه هيعمل اللي هو عاوزه . انتي واحده متخلفه .. وهو واحد قذر .. انتي حيوانه ومش محترمه يا صافي ..
صافي : ههههههههههه انا ايه !!؟ هههههه انا مش محترمه يا روحي !! وانتي ايه بقى . فوقي لنفسك يا مليكه .. انتي حته واحده بنلعب بيها ياقلبي .. وبدأت تلف حوالين مليكه .. وهي بتتكلم .. والشباب واقفين بيشربو سجاير .. مليكه !! .. انا وايمن بنلعب بيكي . وكان ايمن عايزك لغرض معين .. وكان هياخده ويرميكي . وانا ما كنتش هظهر في الصوره .. بس الحظ بقى .. وانتى . عرفتي منين فا . دي مش مشكلتي اوكي ... و اوعي تكوني مفكره نفسك فعلا محترمه .. لا يا قلبي .. اسالي الشباب دى كلها وهتقولك .. يعني ايه بنت ترجع بيتها وش الفجر . وبتخرج من غير إذن اهلها .. وكمان بتتسحب في نصاص الليالي . وواحد يجي ياخدها بالعربيه من قدام بيتهم . وبصت للشباب ولا ايه يا شباب ..
. واحد رد :- فعلا يا مليكه مفيش واحده محترمه تعمل كده ..
واحد تاني :- بالراحه عليها يا جماعه . مليكه حلوه وهتفهم لوحدها وممكن تروح معانا دلوقتي وغمز.
صافي :- ههههههههههههه
واحد تاني :- مليكه انتي جايه هنا تقوليلنا حكم ومواعظ . يعني انتى كنت هنا انتي وايمن وبتخرجو الساعه ٢ بالليل من هنا ..ايه كنتو رايحين تبيعو سبح.
الكل ضحك .
واحد تاني :- يا ترى بقى اقولك يا انسه مليكه ولا يا مدام ... والكل ضحك عليها .
مليكه ؛ بتسمع وهي مصدومه . وان الكل فاهمها غلط.. وانها مش كده .. بس كل تصرفاتها كده .. مليكه واقفه مدهوشه وساكته ..
..والشباب كل واحد اخد بنت وراح يرقص معاها.
صافي :- قربت منها .ووسوستلها بخبث . انا عارفه ان الكل بيكرهك .. لكن انا لاء .. وانا مستعده. انسى القلم . وتوافقي على الل ايمن عايزه منك . وصدقيني هتتبسطي قوي .. وانا دلوقت هاعمل معاكي واجب . واخليكى تنسى كل الكلام اللي انتي . سمعتيه دلوقتي .. امسكي الشريط ده .. دا بقى بدايه انك تنسى كل حاجه .وصفرت هتكونى اسعد واحده .. حطي نص حبايه تحت لسانك هتنسي كل حاجه .. وخدي كيس البودره ده .. لما تحسي انك متدايقه ومخنوقه . خديلك خط زي ما كنت بعمل قدامك .. وهتعيشي في دنيا تانيه .. وعلبه السجاير دي . هديه مني ليكى . و هستنى منك رد لما ايمن يخف .. لانه عايزك باي تمن .. وحطت الشريط والبودره والسجاير .. في شنطه مليكه ..
مليكه : بتسمع ومش مستوعبه .. وخرجت تايهه . ركبت العربيه . وقعدت فيها .. ودموعها جواها مكبوته .. وحاسه انها مخنوقه قوي .. وان حقيقتها مش كده .. ليه كل الناس شايفه ان مليكه مش كويسه .ليه الكل بيكرهها. ليه شايفين ان اخلاقها مش كويسه .. ومليكه نفسها تعيط .. لكن مش عارفه مع ان جواها دموع كتير .. ووجع كبير من كلام زياد .. وكمان كلام الشباب وصافي وامها وآدم وجاسر ... لكن اللي دبحها زياد .. وانه عايز يدفع مقابل وقت معاها .... مليكه : بخنقه بصت في الفون . وكانت الساعه ٢ وساقت العربيه وروحت البيت ودخلت .. وكانت ملك واقفه في التراث . وماتكلمتش وفكرت انها لازم تاخد خطوه .. وانها تسحب من ملك مفاتيح العربيه . والفيزا كارت زى ما جاسر قالها .. ودخلت نامت ..
-----------
. زياد :- لما سمع من جاسر . وهو بيقول لملك ان مليكه ما رجعتش البيت . وماجتش الحفله .. كان هيتجنن . واتدايق من نفسه انه كلمها كده .. واول مره يكلمها بالطريقه دي .. لانه كان متدايق من تصرفاتها .. لكن لعن نفسه . في اخر جمله قالها . وانه مستعد و هيدفع اكتر . واستحقر نفسه .. هو اتكلم وهو غيران عليها . ومتغاظ منها بس مفيش حد ما بيغلطش .. هي شافته خدام ليها . وتحت امرها .. ..ايوه لكن ماكانش المفروض ان يقولها كده..
وان وصفها انها رخيصه .. وزياد حاول يستأذن اكتر من مره .. لكن الكل رفض انه يمشي .. لانه كان عايز يروح يدور على ماليكته .وخايف لايكون جرالها حاجه .. واخيرا الحفله خلصت واستأذن بسرعه .. وراح يدور على مليكه .. وشافها خارجه من (النادي الليلي) وابتسم بسخريه .. وقال لنفسه .. أدى الل كنت قلقان عليها .عمرك ما هتتغيرى ياماليكه . وشافها وهي بتركب العربيه وقعدت فيها شويه .. وبعد كده اتحركت . ومشى وراها لحد ما شافها وصلت بيتها.
وهو رجع على البيت . وكان متدايق جدا ..
.. وهدى اتصلت عليه وقالتله ان الوقت اتاخر هترجع امتى قالها انه هيبات في شقته وقفل معاها .. وفكر في مليكه .. ولمسه ايدو لشعرها . وريحة برفانها اللي عشقه وكان نفسه ياخدها في حضنه ويقولها انا مستعد انسى كل حاجه .. بس حبينى وخليكى معايا انا وبس ... وفكر لما مسك دراعها يا ترى هي اتالمت !؟ وافكار متضاربه مع بعض . و قعد مكانه يفكر فيها ...
------------------بقلمى Mariem Nasar
.بعد الحفله ما خلصت ...
.. عند آدم : والكل روح ..
.. مراد اخد فريحه على شقتهم . وسابو مريم مع رينو ..
علشان يعيشوا حياتهم ويعوض فريحه عن كل الوحده اللي عاشتها .. وفعلا اول ما دخلت الشقه شالها ودخلها اوضه النوم .. وكل واحد اخد شاور.
وفريحه كانت زعلانه جدا .لما شافت الجرح في رجله وعيطت ..لكن هو طمنها وبعدها . فريحه لبست طقم جميل .. ومراد شغل ميوزك هادي ورقص معاها سلو .. وهما بيرقصو قربلها بطريقه رومانسيه .. وبعدها شالها على السرير علشان يدخل جنتها .
-----------
.. اما فهد لسه ما روحش . وفي العربيه وبيلف في الشوارع .. ومش قادر ينسى نظرة رينو ليه . يا ترى هي كانت فعلا بتقوله في النظره دي انه واحشها .. ولا بتعاتبه . وطلع السلسله شافها وخباها تاني .. وفكر في رينو .. افتكر شعرها وشكلها في البيجامه .. و لمسه ايديها على كتفه
. ورعشه ايديها وهي بتخيط الجرح .. ودموعها نازله دي كلها طيب ليه !؟ ليه يا رينو كنت بتعيطي قوي كده .. ليه دي مكانتش دموع قلق .. لا انتي كنتي بتعيطي كانك مكسوره ودموع حزن كبيره واتنهد .. ااااااه نفسي اتكلم معاكي يا رينو نفسي .. واتحرك .. بالعربيه ورجع البيت .. وفتح صور السيشن وهو معاها في فرح محمد .. ومش قادر ينساها دقيقه واحده .. وجاب التيشرت وداب في برفانها اللي عشقه ودوب قلب الفهد.
-------------
. اما رينو واخده مريم نونو في حضنها .. بعد ما نامت اخيرا .. وبتفكر في الفهد . اللي اثر قلبها . وحبه اتملك منها . وان حب فهد بيكبر عن الاول . وخلاص رينو ما بقتش قادره اكتر من كده . قلبها بيوجعها كتير قوي .. وقالت اااه نفسي اتكلم معاك يا فهد .. نفسي اشوف غيرتك عليا زي زمان.
-----------
.محمد بعد الحفله استأذن . واخد نور وتيم علي شقتهم . ووصلو متأخر . وتيم نام في العربيه من التعب لانه لعب مع مريم وكريم كتير .. ومحمد شالو وسند نور وطلعوا الشقه .. محمد اخد تيم ونيمه في سريره وخرج .. ومن غير مقدمات شال نور بحنيه واخدها على الحمام وساعدها في الشاور . ونشفلها شعرها . وخرجت ولبست طقم جميل عليها .. وقعدوا مع بعض شويه في الليفنج .. وقام عمل اكل سريع علشان نور كانت جعانه .. وقعدها علي رجله ياكلها وكانوا بيهزرو ويضحكو مع بعض . وبعد ما اكلت شالها ودخلو الاوضه وشالها ودفن وشه في شعرها وبدا يلف بيها في الاوضه . لكن بيلف ببطء . ونور حضنته وقربو من بعض . واخدها علشان يدخل جنتها . وبعدها . وبعد فتره اخدها في حضنه ونيمها الاول .. وبعدها نام ....
---------
.. زين وريتال :- التوأم مطلعين عينيهم .. وريتال اكلتهم .. ولسه برده بيعيطو .. ومريم صحيت على صوت عياط التوأم . وقامت من حضن ال آدم . لكن ما حسش بيها . وراحت عليهم . وشافت التوأم . وكان عندهم مغص ونزلت عملتلهم اعشاب وطلعت ليهم وبعدها التوأم . هديو خالص . ونامو . وشكرو مريم جدا .. لان زين كان نفسه ينام . وباس على ايد مريم ... ومريم ابتسمت وخرجت ... وزين اخد روتى . في حضنه ونام ..
..
.ومريم رجعت الاوضه ولسه هتنام .. آدم شدها لحضنه وابتسم . وباسها من كتفها واخدها كلها في حضنه ونام ..
------------------بقلمى Mariem Nasar
.اما فارس :- سهران بيكلم رودي على الفون . ونفسه ينام لكن مسهراه بالعافيه . وكل لما يحب ينام رودي تتدلع عليه وفارس يصحصح .. ورودي تضحك عليه.. ولكن اتكلمو كتير وضحكوا اكتر .. وفارس نام وهي معاه على الفون . ورودي باست الفون ونامت هي كمان ...
---------
. يوسف ومريم :- روحو متأخر . وكانوا مرهقين . لكن مريم كانت مبسوطه . لان زياد اخوها رجع وفرحانه من مستواه الل اتحسن .. ومن فرحتها قدمت دعوه صريحه ليوسف حبيبها .. وكان مبسوط جدا .. وسابوا كريم مع هنا واشرف ينام في السرير الصغير اللي في اوضتهم .. ومريم دخلت ولبست وخرجت .. ويوسف شافها في ابهي صوره ومصبرش عليها .. وقرب منها بكل حب وبعد فتره اخدها في حضنه ونام ...
------------
. اما مليكه :- دخلت البيت وطلعت على اوضتها وقفلت على نفسها . ومنهار لكن من غير دموع . ومتغاظه . ومخنوقه . ومش عارفه ليه هي مش عارفه تعيط ..ونفسها تعيط كتير لكن ما فيش دموع .. ورايحه جايه في الاوضه . وفكرت كتير في شكل زياد ووسامته ولياقته . وفكرت في رد فعله معاها . وان رجوعه مايشغللهاش . وانه مستعد يدفع فلوس اكتر وهتتبسط معاه . وان وجوده جمبها كان جايبه الأرض .. وهو شايفها رخيصه .. وكمان مش عاجبه لبسها . وانتقدها في شعرها . واخلاقها . وحاجات كتير .وشافت إن زياد بيكرهها . مش بيحبها .. وافكارها كلها دخلت مع بعض . ان ايمن كان هيغتصبها .. وان زياد انقذها .. وصافي باعتها .. وامها شايفاها انها بنت مش كويسه .وحابلها ساب .. ومش فارق معاها حد .. وزياد وصفها انها رخيصه .. وحطت ايدها على راسها . الكل بيكرهنى . الكل بيكرهنى.. وعايزه تعيط جواها عياط كتير .. لكن مفيش دمعه واحده نزلت منها .. وقعدت على السرير بتعب وارهاق . لانها ما اكلتش حاجه من بدري .. وافتكرت الشباب وكلامهم عليها .. وصافي وافتكرت شريط البرشام والسجاير .. وفتحت الشنطه ومسكت الشريط بايديها وعايزه ترميه .. لكن افتكرت صافي وهي بتقولها نص برشامه . وهتكوني مبسوطه جدا ومن غير تفكير حطت نص برشامه تحت لسانها . وبعد شويه حست بهدوء وحست انها بدأت تكون مبسوطه . وكانت حاسه انها نفسها تشرب سجاير وطلعت سيجاره وشربتها لاول مره .. وبعد شويه طلعت كيس البودره وهي مبسوطه واخدت شويه .. واستعملتهم زى ما صافى كانت بتعمل قدامها .. وغمضت عينيها . ونامت على السرير وكانت مبسوطه . ونسيت كل حاجه . وكانت كل حاجه جمبها ونامت نوم عميق ..
(ونقول .... عدي كده .. شهر كامل ..عليهم كلهم .. وهما بنفس الحال.)
. مراد :طبعا واخد اجازه علشان الجرح اللي في رجله .. وكل يوم مع فريحه في الشقه طول الليل والصبح يرجعو على فيلا العدوي علشان مريم الصغيره .. ويقضوا معاهم اليوم كله .. وبعدها ياخد فريحته ويطلع على شقتهم .. واليوم الل تيم الصغير يكون موجود عند آدم ... مراد بياخد مريم نونو ومايجوش تاني يوم علشان يقضي طول اليوم عسل مع فريحته ... وفريحه اخدت اجازه مفتوحه من عيادتها .. طول ما مرادها معاها لانها مش عايزه تحرم نفسها من السعاده . وهي شايفه اهتمام مراد ليها ..
---------------
. مالك مخنوق من اخته .. وكمان زعلان عليها لانها سابت الشغل .. وماخرجتش طول الشهر .
لان ملك اخدت منها مفاتيح العربيه .. وجاسر زعق ليها جامد . وقالها مفيش خروج من البيت تاني وانه مش هيثق فيها بعد كده .. وهو ندمان انه وافقها انها تخرج مشوار النص ساعه .. اللي رجعت منه بعد نص الليل ..وسحب منها الفيزا كارت .وجاب ٢ أمن يقفو على بوابة الفيلا.. وجاسر . هدد ملك مراته إن لو ماليكه مرجعتش لعقلها هيوديها عند خالو فى الصعيد . وهيجوزوها هناك لاى حد يعرف يربيها . وملك خافت على مستقبل ماليكه ...
. مليكه بعدها كل يوم تنزل تفطر معاهم وصالحت ملك وجاسر واتاسفت ليهم كتير . وانها مش هتخرج تاني .. وبعدها تطلع اوضيتها وتقعد فيها لوحدها . وتقولهم انها بتنام كتير . ولكن قبل الشهر ما يخلص مليكه اتغيرت . وبقت عصبيه .. وده محير مالك . و جاسر وملك ومش فاهمين بنتهم مالها وبدا شكلها يتغير ...
------------------بقلمى Mariem Nasar
.اما ماليكه :- بقى طول الشهر زي ما قولنا كويسه .. لانها كانت بتطلع اوضيتها . وتاخد البرشام و تشرب السجاير . وتشم البودره . وتقعد مبسوطه وطايره . وبعدها تغسل اسنانها بالمعجون . وتهوى الاوضه كويس قوي . وتخبي كل حاجه علشان محدش يشك فيها . ولما الحاجه خلصت منها . اتصلت على صافي وطلبت منها شريط وبودره تاني لان اللي عندها خلص وهتدفع الل هي عيزاه .. وفعلا صافي جابت ليها وقالتلها تزود الجرعه واحده واحده . وجابت ليها كميه صغيره . واخدت الفلوس الل كانت معاها ومشيت ... لكن الكميه خلصت في اسبوع . لان ماليكه كانت بتزود الجرعه من دماغها .وعيزا تنسى كلام زياد بأى طريقه .. وماليكه بتتصل على صافي وما بتردش عليها .. وبتفكر تروحلها . وبقت عصبيه جدا . ومش طايقه اي حد . في البيت لان الكميه خلصت من يومين . وكارهه نفسها . وعندها صداع رهيب . وما بتنامش ..ومستنيه صافى ترد عليها النهارده .. يا إما هتروحلها (النادي الليلي) وتديلها اللي هي عايزاه ..
---------------
. زياد من يوم ما زعق ل ماليكه . وهو زعلان من نفسه . لكن ارتاح نوعا ما .. لما راقب مليكه . ومبقتش بتخرج من البيت . ولا بتسهر . وشاف ان الكلام اللي قالو . فوقها شويه . وجاب نتيجه . وممكن ترجع ل عقلها . لكن برده . هو قلقان .. لانها ما بتفتحش واتساب ولا فيسبوك .. يا ترى زعلانه من كلامي .. وفضل على الحال ده طول الشهر ... يروح الشغل مع آدم .. ودماغه شغاله .. ويرجع من الشغل على شقته ..ودماغه شغاله ويفكر في ماليكته ونفسه يشوفها ويعتذر عن الكلام الل قالو .. ولكن بيرجع في كلامه .. لان لبسها . وطريقتها طمعت الحيوان ايمن فيها . وكل ما يفتكر . قرب ايمن منها . وانه قلع قدامها . وقرب منها ومسك شعرها الدم يغلي ف عروقه ...
------------
.رينو بتروح الكليه . وكمان ساعات تروح المستشفى عند محمد ونور وتحضر معاهم تدريبي . لانها عايزه تبقى جراحه كبيره زي محمد عزيز .. لكن برده تفكيرها فى الفهد . وانه لما بيجي عندهم في البيت بتاخد اسكرين لكل ملامحه .. لكن في صمت ومن غير ما فهد يشوفها وتنام على افكارها وتحلم بالفهد.
.. وفهد يروح على المكتب في الجهاز .. رغم انه مجروح . وكمان اخد اجازه . لكن بيروح يشغل نفسه ..ويرجع ساعات على شقته . وساعات يروح عند رنا وطارق ويقعد معاهم . ويروح على شقته على النوم .. وحاسس ان ايامه كلها شبه بعضها . ونفسه يطلع مهمه علشان حاسس انه هنا بيتعب اكتر. من كتر التفكير في معشوقته اللي كبرت . واصبحت ملكة جمال قلب الفهد ..
-----------------بقلمى Mariem Nasar
.. نرجع للواقع بعد شهر ...
عند محمد اخر اليوم ...
.كان تيم نايم .. ومحمد ونور بادله الحب وبعد فتره . قعدو يتكلمو .. واتفقو انهم يقعدو في الليفنج مع بعض .. وخرجو...
..نور قاعده في الليلفنج وتيم صحي . وبيلعب في اللعب .. ومحمد قاعد جمب نور
نور : حست بتعب وماسكه بطنها ...
محمد : شافها بتتالم .. مالك ياحبيبتى.
نور : مش عارفه ياحبيبى عندي مغص . وبطني بتوجعني .
محمد : بخوف !!! مغص !؟ طيب اعملك حاجه تشربيها .
نور : حست ان المغص بيزيد .. لا لا مش عايزه بس ساعدنى وقومنى . استريح في السرير شويه ..
محمد : تعالى يا روحي . وسندها ولسه هيشلها وجايه تقوم...
نور : صرخت صرخه . بسيطه ااه انا دايخه . بطني يا محمد اااه .. وعينيها زغللت و محستش بالدنيا ..
محمد : برعب . نوور مالك .. نووور ردي عليا نووووور ..
نور : اغمي عليها .. ومحمد لحقها ووقعت بين ايديه . محمد اترعب .. وكمان لما شاف دم على هدوم نور ..وشالها و نيمها على الكنبه . وكان مرعوب . ومتلخبط
وتيم : بيعيط . وبيقول نور . نور وهو بيعيط راح وقف جمبها و ماسك ايديها ويعيط ..
محمد : اتصل على مريم وماردتش .. اتصل عليها تاني ماردتش .ولبس نور الاسدال. ولكن الدم ظهر في الاسدال.. محمد بتفكير خبط على الجيران وقاله هايسيب تيم عندهم على ما ينزل نور العربيه وهيطلع ياخده ...
الراجل : قاله اتفضل انزل انت وانا هانزل تيم لحضرتك ..
..وفعلا محمد جري على نور شالها زي المجنون .. ونزل بيها . ونيمها في الكنبه الخلفيه ..وفون محمد .. رن وكان فهد الل بيتصل بالصدفه .. ورد عليه ..
..فهد تعالالي على المستشفى بسرعه . بسرعه يا فهد وقفل .. واخد تيم من الراجل .وقالو ربنا يطمنك على المدام .. . وقعد تيم . على رجله . وساق بسرعه وطلع على المستشفى ... كان فهد حصلو . ونزل وشافه..
فهد : خير يا محمد انت قلقتنى في ايه ..
محمد : خد شيل . تيم وروحه عند مريم .. وسابه وفتح الباب .. وشال نور اللي الدم في هدومها .. وفهد شافه . وخاف جدا على نور .. وكمان محمد .. وفهد شال تيم .ودخل معاهم ..
..ومحمد مش شايف حد وجري في المستشفى . وزعق ابعتولي الدكتوره بسرعه . بسرعه .واخدوها على الكشف . ومحمد ما سبهاش واقف جمبها في غرفه الكشف . بيظبط ليها الضغط . والكانيولا . وكان عندها نزيف بسيط .. ولكن الحمد لله لحقوه . .. والدكتوره قالتله ما تقلقش . الحمد لله سيطرنا على الوضع .. لكن مدام نور .. عايزه راحه كامله .. وما تتعبش نفسها وتفضل نايمه في السرير .
.محمد بتأنيب ضمير لانه حاسس انه السبب في النزيف الل عندها من قربه ليها على طول وكان زعلان من نفسه جدا . وزعلانه على نورو .
. وبعدها نور فاقت .. ومحمد اخدها في حضنه بحنان . وكان مرعوب عليها .. ونور طمنته انها كويسه ..وبعد فتره كبيره ..
.محمد مخنوقه ..وخرج وشاف فهد شايل تيم وبيشربه عصير .. وواقف في الطرقه .. فهد لما شاف محمد .. راح عليه
. فهد : طمني نور عامله ايه ...
محمد : اخد نفس عميق باريحيه واتنهد الحمد لله كويسه .. وراح قعد على الكرسي وحط وشه بين ايديه .
فهد : قعد جمبه الف سلامه عليها ..
محمد : هز راسه .. وبص ل فهد انت ما روحتش تيم ليه عند مريم زي ما قولتلك .
فهد : مينفعش ..وازاي يعني عايزني اسيبك كده .. انا قولت اطمن الاول . وبعدها اوصل تيم . زي ما انت عايز ..
محمد : طيب قوم انت علشان الساعه ٨ وصل تيم .. وياريت ما تقولهمش على اللي حصل .. الحمد لله نور بقت كويسه واحسن دلوقتى .. انت بس وديلهم تيم وقولهم انك كنت عندنا .. وتيم شبط فيك . وعايز يروح عند مريم ... وده طلب من نور على فكره .. ان مريم وآدم ما يعرفوش ...
فهد : طيب انت مش محتاج مني حاجه بجد .
محمد : حبيبي تسلم يا فهد ما اتحرمش .. يلا خد تيم وروحو . واتصل عليا طمني وباس تيم ..
فهد : طيب . نور هتخرج امتى .
محمد : خلاص كلها ربع ساعه والمحلول يخلص ونروح .
فهد : قام وشال تيم .. تمام ربنا يقومهالك بالسلامه.
واتحرك ومشى ..
محمد : قاعد مكانه وحاسس انه مش قادر يقف .. لانه الدكتوره قالتله لو كنت اتاخرت شويه .. كان النزيف هيبقى اشد . واخطر عليها وعلى الجنين .. ونور محتاجه راحه وماتعملش اي مجهود . لان المشيمه ساقطه خالص عندها ... وكان متدايق من نفسه . وقال لنفسه .. مش معنى انى بعشقها أاذيها ..
واتنهد باريحيه . لما الدكتوره وقفت النزيف .. ونور استجابت والحمد لله انها تمام ...
..محمد : قام ودخل . وحاول ميبينش زعله ... نور حبيبتي عامله ايه دلوقتى .
نور : ابتسمت الحمد لله يا حبيبي .. والمغص اختفى .
محمد : طيب تمام لو حابه انك تفضلي يومين حجز . في المستشفى . انا هاكون معاكي
نور : لا يا حبيبي انا هاروح معاك وبعدين انا كويسه صدقني .
محمد : نور انتي محتاجه راحه . يعني مش هتقومي من مكانك .. ولو روحتي دلوقتى على البيت . وفكرتي تتعبي نفسك . صدقيني هتشوفي محمد تاني خالص ..
نور : كشرت يعني ايه بقى .!؟
محمد : يعني هنتفق من دلوقتى . هتروحي ومش هتقومي من مكانك .. وانا كمان مش ها قرب منك الفتره دي .. يااما مش هتعملي كده .. هاحجزك هنا لحد ما كل حاجه تتظبط فاهمه ...
نور : لا خلاص هاروح معاك .. انا ما بعرفش انام غير وانا في حضن حماده حبيبي ..
محمد : مين يعسل حماده .. ده .
نور : ضحكت . انت حماده
محمد : قرب من شفايفها وباسها .. يعني بذمتك ينفع . اكون الدكتور حماده عزيز الجراح .. والله ما راكبه على بعض .
نور : بدلع حماده ..
محمد : نهار اسود باقولك ترتااااحي .. رااااحه تقولي حماده و بالطريقه دي .. لا لا انا هاحجزك هنا.
نور : هههههههه حماده .
محمد : بت انتي . هضربلك حقنه افيل .. تنيمك يومين . لحد ما تنسي الاسم ده خالص ... قال حماده قال .... ده انا امي نفسها ما قالتليش حماده . ده
نور : امال كانت بتقولك ايه .!؟
محمد : محمد عادي .. او يا قلبي .. ومريم كانت تقولي محمد برده . او ابن قلبي .. مش حماده ..
نور : با اغراء ... حماده ..
محمد : مشاعره اتحركت .. انا باقول احجزك هنا يومين ..
نور : لا لا خلاص يا حماده ..
محمد : والله ما يحصل . انا عارف نفسي هنروح البيت تديني واحده حماده ساعتها مش هشوف قدامي ... انتي اتحجزتي خلاص ..
نور : لا لا اسفه خلاص مش هاقولك حماده .
محمد : والله ما يحصل قولت .. انتي هتفضلي هنا يومين .. اهو بالمره نطمن عليكي وعلى النزيف والجنين اوكي .. وما فيش راجعه في كلامي ... وان كان على الحضن .. انا هاخدك في حضني وانام في سرير واحد اشطا
نور : ابتسمت اشطا .
-----------------بقلمى Mariem Nasar
فهد : اخد تيم وراح على فيلا العدوي . وكانت الساعه ٩ وكل العيله متجمعين وقاعدين ما عدا . رينو .
.فهد : دخل مساء الخير ..
.. كلهم مساء النور ..... وقلقو . لان فهد شايل تيم .
..مريم محمد ونور معاك ...
فهد : ابتسم علشان ما حدش يقلق . لا يا مريم انا كنت عندهم . وقعدت مع محمد شويه وتيمو شبط فيا ومحمد . قالي مش هيسكت خده وصلو عند آدم وانت ماشي .. فجبته بقى معايه ونام على رجلي في العربيه ..
.مريم : ابتسمت تيمو . نور عيني يا ريتك كنت صاحي كنت لعبت مع مريم نونو .. زين يا حبيبي .
زين : نعم يا ست الكل ..
مريم : خد تيمو من فهد ونيمه في اوضه اختك رينو.
زين : حاضر وقال .. تعالى ياسي تيمو واخدو منه.
.. وفهد : نفسه يشوف رينو . لانها ما كنتش قاعده معاهم .
مريم : شافت الفون . ايه ده محمد اتصل عليا مرتين وانا ما اخدتش بالى . انا هتصل عليه ..
فهد : لااا . احم قصدى . محمد اتصل عليكى يقولك انى هجيبلك تيمو . ولما مردتيش انا قولتلو انا هوصلو بنفسى .
مريم : ماشى ياحبيبى نورت بيتك .
آدم : اقعد يا فهد ..
فهد : قعد جمب مراد ..
مراد : قرب عليه . انت كنت بتكدب على فكره .
فهد : ولما انت عارف انى بكدب بتحشر نفسك ليه .
مراد ؛ قولي في حاجه حصلت مع محمد او نور .
فهد : اطمن مفيش حاجه هابقى احكيلك بعدين . بس مافيش حاجه مهمه يعني . ريح أم عينيك دي هتستريح ..
مراد : هههههههههه مقدرش .
آدم : ما تضحكونا معاكم .
مراد : اتفضل اضحك ياحج .
مريم . والكل ابتسمو ..
فهد : ابدا يعمي انت عارف مراد بيحب يستظرف ديما
آدم : هز راسه . جرحك عامل ايه يا فهد ..
فهد : الحمد لله احسن دلوقتى.
مراد : ايوه بقى فوق كده خلينا نرجع للمهمات من تاني . .فريحه زعلت .
فهد : والله انا نفسي النهارده قبل بكره يا مسهل
مريم : رنا عامله ايه يا فهد ..
فهد : كويسه يا مريم . انا كنت عندها وقت الغدا . لانهم عازمين رودي وباباها ..
مريم : ما تعرفش اتفقو وحددو الفرح امتى .
فهد : بعد شهرين . ان شاء الله . اتفقوا النهارده.
آدم : ايوه . عارف.. طارق اتصل عليا وقالي اني اكون موجود علشان احضر الاتفاق . لكن كان عندي اجتماع ..
مريم : ربنا يتمم بخير ان شاء الله . واتنهدت .. وعقبالك يا فهد .
فهد : بزعل . احم ان شاء الله . لكن لسه بدري اوي .. وقام استأذن انا .
آدم : اترزع هتتعشى واتكل ..
فهد : لا مش هينفع اصل .....
آدم : انا مش عارف ليه بتحبو اني اكرر كلامي مرتين ..!؟ قولت اترزع.
فهد : قعد .
مراد : هههههههههههه
آدم . وفهد :- بتضحك على ايه .
مراد : اصل انا اللي ها اتكل . انا وفريحه . لاني عازمها على العشا بره ..
آدم : وفرت ياخويا . بس هتتعذب بقى خد مريم معاك علشان تيم هنا ...
مراد : ما تاخد مريم نونو في حضنك يا حاج ينوبك ثواب ..
آدم : لا يا اخويا بطلت اعمل ثواب .. واتكل بقى علشان ماخلكش تاخد مريم وتيم معاك .
مراد : قام بسرعه .. يلا يا فريحه .. هاتي مريم و حصلينى على العربيه . تؤمرني بحاجه يا حاج .
آدم : شكرا واطلع على شقتك ..
مراد : انا هحبك ايه اكتر من كده . انت نجم النجوم والله ...والكل ضحك ..
.. وفريحه اتحركت وا خدت مريم وخرجت مع مراد . علشان يتعشو بره . ويقضو يوم عسل في شقتهم..
مريم : قامت واتحركت .. ورايحه على المطبخ علشان تقول ل سعاد والبنات يجهزوا العشا . لكن وقفت لما سمعت كلام البنات مع سعاد اللي بتعيط...
البنت : وحدى الله يا ست سعاد . والله ان شاء الله ربنا لا يكتبهالك ...
سعاد : بدموع . امتى بس امتي .. ياما نفسي قبل مااموت . احج بيت الله .. وعملت جمعيات كتير واول ما اقبضها تحصل حاجه .. والفلوس بتخلص .. اول جمعيه بنتي جالها عريس واتخطبت .. وتاني جمعيه بكمل في جهازها .. انا بدعي ربنا ليل ونهار ..ومش عايزه حاجه من الدنيا غير اني المس الكعبه . وازور قبر الرسول .. وعيطت العمر ما بقاش فيه بقيه ..
البنت : بعد الشر عليكي يا ست سعاد. عمر ايه بس .. يا ست سعاد الله اكبر عليكي انتى لسه صغيره .. ويا ستي ربنا يطول في عمرك .. وان شاء الله هتحجي . وانتي اتمنيتيها كتير . واكيد ربنا هيستجيب ..
سعاد : رفعت ايديها للسما .. يا رب .. يا رب نفسي ازور بيتك . ما تحرمنيش يا رب . وحياة حبيبك النبي اقبل دعايا . وعيطت .والبنات تهديها .
مريم : اتاثرت ودمعت ومسحت دموعها ..وندهت من بره . احم . سعاد.. يا سعاد . قولي للبنات تجهز العشا.
سعاد : مسحت دموعها حاضر يا ست مريم ثواني والاكل هيكون جاهز ..
مريم : رجعت بدموع . وقعدت على الكنبه وزعلانه.
.وفهد وزين بيتكلمو مع بعض ....
آدم : لاحظ انها زعلانه وقام قعدت جمبها .. حبيبتي مالك ..
مريم : ابتسمت . ابدا يا حبيبي ما فيش حاجه .
آدم : لا في انتي شكلك زعلانه من حاجه . وحاجه كبيره . انت عينيكى مدمعه ليه يا مريم ..
مريم : دمعه نزلت وربتت على ايده انا كويسه .. بعدين يا حبيبي بعدين هقولك ..
.. والعشا جهز .. والكل قام علشان يتعشو .. سعاد في اللمسات الاخيره .. وقالتلهم اتفضلو اتعشوا بالف هنا ومشيت ..
رينو نازله على السلم بلهفه . بعد ما البنت طلعت ندهت عليها وقالتها تلبس الحجاب علشان الاستاذ فهد تحت ...
..وراحت على السفره وشافت الفهد وبلعت ريقها .. واحرجت احم مساء الخير ..
. كلهم : مساء الخير ... وقعدت
. زين : ايه يا رينو . مساء الخير وبس ..مش تسلمي على فهد ..
رينو : احم اه طبعا اسفه وبصت في عيون الفهد ازيك يا فهد .
فهد : بثبات . احم كويس الحمد لله .. انتي ازيك يا انسه لارين .
رينو : كويسه . وكلهم بداو يتعشوا .. وآدم عيونه على اميرته اللي سرحانه ..
.. ورينو وفهد بيسرقو النظرات لبعض ...
.وزين وريتال بيتعشوا .. ريتال : همست ل زين بصوت واطي جدا حبيبي .
زين : بياكل . نعم يا قلبي
ريتال : انت وحشتني .
زين : وانتي كمان وحشتيني .
ريتال : لاء . وحشتني وقالتها بدلع .
زين : وبعدين بقى .. احنا بناكل مش وقته تعب اعصاب ..
ريتال : تعرف اني مشتقالك قوي يا زيني ونفسي ابوسك .
زين : بلع ريقه .. احم . ريتال اسكتي ...
ريتال : بحبك يا زينو ..
زين : قلبه دق .. يا بنتي ارحميني .. انا بقالي فتره بعيد عنك .. وانتي تعبالي ام اعصابي .. ومستني اليوم اللي هاعرف فيه انك جاهزه ساعتها يبقى الله يرحمك يا ريتال ..
ريتال : همسه . وبدلع ... واهو اليوم جه يا زينو وانا جاهزه ..
زين : قام .. وعلا صوته لا اراديا . انتي بتتكلمي جد يا ريتال ....
..والكل اتخض وريتال احرجت ووشها بقى احمر ..
آدم : في ايه يازين .
زين : احم .. لا ابدا يا بابا اصل .. اصل ..
آدم : اصل ايه .. ما تتكلم خضتنا يبنى واحنا قاعدين .. وايه بتتكلمي جد في ايه ..
زين : احم .. اه ايوه . ايوه يا بابا .. تخيل .!! تخيل يا بابا .. ان ريتال سايبه الولاد فوق وفاتحه البلكون والجو شتا زي ما انت عارف .. تعالى يا ريتال .. تعالى نقفل البلكون ونشد الستاير ...
..كلهم مستغربين ....
. آدم : انتو الاتنين . هتطلعو . علشان تقفلو البلكون وتشدو الستاير .
زين : احم العيال هتبرد ياحاج .. وبصوت جهورى . ما تقومي انتي كمان يا ريتال ..
ريتال : وقفت حاضر حاضر يا زين واتحركت بحرج.
زين : بعد اذنكم علشان العيال ماتاخدش برد ... وطلع وماحدش فاهم حاجه ...
زين : طلع هو وريتال ....وريتال افتكرت ان زين هيزعقلها علشان احرجته وسببتله احراج قدامهم لكن اول ما قفل الباب شدها من دراعها وحاوطها من وسطها..
زين : كنتي بتقولي ايه بقى ..
ريتال : احم اسفه يا زين . بس ...
زين : اليوم جه صح .وانتى جاهزه. يعني انا اقدر دلوقتى اطلع القديم والجديد عليكي.
ريتال : ابتسمت بخجل . وحاوطت أيديها على رقبته .. يعني انت مش زعلان يا زينى .
زين : يا ريت بس انتي اللي ما تزعليش من اللي هعمله فيكي .. ومن غير مقدمات .. شالها وراح على السرير
. علشان ينتقم من دلعها عليه طول الشهر ..
.....
.. الكل اتعشي . وفهد استأذن ومشي .. وكانت عيونه علي رينو . وهو ماشي واتحرك بالعربيه ..
ورينو قاعده في الليفنج وسرحانه في الفهد ..
.. وآدم اخد اميرته على الاوضه .. علشان يعرف ايه سبب زعلها ..
آدم : ها بقى يا قلبي قولي ايه اللي مزعلك ..
مريم : بصت ل آدم .. ومسكت ايده .. وحكيتله كل حاجه سمعتها من سعاد .. وانها نفسها تساعدها فى انها تحج .. وان يمكن ربنا بعت مريم في الوقت ده علشان تسمع دعاء سعاد .. وان ربنا قال ل مريم ساعدوها .. وطلبت من آدم حتى لو من نصيب مريم .. لأن آدم كاتبلها حاجات كتير باسمها علشان خايف لو جراله حاجه . وانها تعيش معززه مكرمه ... وكمان مريم عايزه تساعدها في جهاز بناتها ...
آدم : ابتسم وباس على ايدها ..وقالها يعني انتي بتعيطي علشان كده .. انتي المفروض تفرحي علشان ربنا بعتك في الوقت المناسب .. وده المفروض كنا نعمله مع سعاد من زمان .. وكانت فى نيتى والله ... لان سعاد معانا من ٣ سنين واكتر .. وماشوفناش منها غير كل خير .. وعيوني ليكي . وان شاء الله انا هطلع سعاد عمرة رمضان .. وكمان الحج ايه رايك..
مريم : بفرحه كبيره . وحضنت آدم حبيبي . حبيبي ربنا ما يحرمنيش منك يا رب . ويخليك لينا وربنا يصلح حالك ويديمك فوق راسي .
.وادم : حضنها بحب . وابتسم .. عارفه كله يهون علشان الضحكه دي . والحضن ده . والدعوه الحلوه دي .. ربنا ما يحرمني منك يا اميرتي ..
مريم : خرجت من حضنه . وقامت انا هاروح اقولها بقى ..
آدم : شدها من ايديها وقعدها .. لا طبعا ما ينفعش تقوليلها .
مريم : ليه بس .
آدم : سيبيها لوقتها . وقبل رمضان بشهر نقولها علشان .. ما تقولش سمعوني وعزه نفسها انتي عارفه.. خلينا نقدمها ليها كهديه .. واننا بنعبر ليها عن تعبها لينا وانها شايله البيت كله .. وبعدها بشويه نساعدها في جهاز بناتها ...
مريم : حطت راسها على صدره ...ما اتحرمش منك ابدا ...
آدم : ولا منك يا روحي .. واخدها في حضنه وقعدوا يتكلمو ..
------------------بقلمى Mariem Nasar
فهد : في العربيه واكتشف انه نسي مفتاح شقته و فونه .. ورجع تاني على فيلا العدوي .. ودخل وسال سعاد اللي فتحتله الباب .. وقالتله اتفضل يا فهد يبنى . كلهم فوق في اوضهم .ومكنتش شايفه رينو قاعده فى الليفنج.
فهد : تمام يا سعاد انا هدخل الليفنج اجيب مفاتيحي وفوني ..
سعاد : بيتك يا بني اتفضل وسابته .واتحركت.
فهد : راح على الليفنج . وكانت رينو . واقفه وماسكه مفاتيح فهد وفونه . ومش عارفه تعمل ايه . وكانت لسه هتطلع .. وتسيبهم عند زين اخوها .
.وبتلف شافت فهد لسه بيدخل على الليفنج ..ووقفت وماسكه الحاجه في ايديها . واتوترت .. وكانت لابسه الحجاب وراجع لورا وخصله ناعمه شارده على خدها وعينيها ..
فهد : شافها وقف مكانه .. مش عارف يسرح في ايه ولا ايه .. يسرح فى الخصله الشارده . ولا العيون اللي وحشاه .. ولا ان مفاتيحه وفونه بين ايديها ..ولا جمالها اللي زاد مع احمرار خدودها ..
رينو : بتلعثم .. احم .. ا..انا . ا.اانا كنت .. كنت . احم ما...مفاتيحك و فونك ..انت نسيتهم ....
فهد : .......سرحان في جمالها.
رينو : اتوترت من نظراته .. وجسمها رجف . ومحرجه لانه شافها ماسكه فونه ومفاتيحه . وحاولت تتماسك . و تقدمله المفاتيح والفون . واتحركت خطوه .. لكن من رعشه جسمها .. وتوترها اتكعبلت وكانت هتقع ..... لكن فهد لحقها وسندها بايديه وقال رينو ...
رينو : اتعدلت وكانت راسها على صدره في حضنه .. و ايديها على على صدره . وايديه على وسطها .
رينو : كانت قريبه قوي من قلب الفهد .. وعيون الفهد .. ورفعت راسها وتاهت في عيونه ..
وفهد : سرحان في جمالها اللي شايفه عن قرب .. رينو بين ايدين الفهد وماسكها بايديه الاتنين من وسطها .. ورينو ايديها على صدره .. وعيونها في عيونه .. وسرحو . لفتره كبيره قوي .. وعينيهم سابته في عيون بعض ... وفهد بلع ريقه ....ورينو تاهت من برفانه اللي بتعشقه وضربات قلبهم مسموعه لبعض ... وكل واحد نسي هو مين .. وهو فين ... وفهد نسي الدنيا كلها وتاه في جمالها .. ولا ارديا . شال ايده اليمين من على وسطها . ورجع خصله الشعر الشارده من على خدها . وايده لمسة خد القمر .. ورينو غمضت عينيها وقالت بحب وغرام .ورقه. وبصوت مبحوح .. فهد .
.. وفهد لما سمع اسمه .. دقات قلبه اتلخبطت وانفاسه اتلخبطت .. وبدا صدره يعلي ويهبط .. وانفاسهم تضاربت مع بعض .. وما كانش شايف في الوقت ده غير شفايف رينو وهي بتنطق باسم الفهد ..
.. وكل حاجه ضلمه حواليه ومش شايف غير مراده وبس .. وايده التانيه على وسطها .. ورينو بدأ نفسها يعلي . وحاسه انها يغمى عليها .. وفهد نسى كل حاجه وحط ايدو على خدها وبيقرب على شفايف رينو ... ورينو مغمضه عنيها . وخلاص مستسلمه وقوتها بتقل .. والمفاتيح والفون وقعو من ايديها.
.. وفهد فاق .. ورينو وفاقت .. وخرجت بسرعه من حضن فهد .. وفهد رجع خطوه واتحرج . ومش عارف يسكت قلبه اللي بيدق جامد ..
.. ورينو واقفه . كأنها كانت بتجري اميال . وبتنهج بتوتر .. وحطت ايدها على قلبها اللي بيدق جامد ..
فهد : عايز يصلح الموقف .. وحاول .بلخبطه. احم .. كنتي هاتقعي .. لكن كويس انى لحقتك ... ا.اانا .. انا نسيت مفاتيح الشقه و ...... و ...... والفون .. والفون ..
رينو : غمضت عينيها وفتحتها .. وبرعشه وتوتر. وكسوف .. احم .. اه ا..اايوه .. ايوه معايا .. ا.اانا .. انا دخلت الليفنج .. و..ووشفتهم بالصدفه . و .... وو .... وكنت وخداهم . علشان اديهم لابيه آدم ..احم قصدي لابيه زين . و..... انت جيت اتفضل . ومدت ايديها . وبصت في ايديها مفيش حاجه ورجعت ايديها تاني واتحرجت ..
فهد : احم .. ولا يهمك .. ونزل وجاب الفون والمفاتيح من على الارض . واتعدل انتي كويسه ..
رينو : بتوتر وكسوف . ايوه . ايوه انا كويسه .. انت اللي كويس...
فهد : انا كويس .. وسكتو ومش عارفين يتكلمو ومتوترين
فهد : احم .. طيب انا ماشي ..
رينو : مش عايزاه يمشي .. لكن برده عايزاه يمشي .. جرحك عامل ايه ..
فهد : هيتجنن على شفايفها كل ما تتكلم ... احم تمام احسن دلوقت .
رينو : انت بتغير على الجرح ..
فهد : ايوه وعدي شهر واكتر انا تمام .. وفهد جواه انهار . وعايز يحضن رينو .. وشايف انه لازم يروح وحالا . لانه ممكن يقرب منها ... طيب يا انسه لارين انا هامشي ..
رينو : هزت راسها .. مع السلامه ..
فهد : قلبه بيدق .. مع السلامه . فهد اتحرك وراح وقف وفتح باب العربيه وواقف بينهج . وقلبه هيتشال من مكانه . ومبسوط ومش عارف عنده احساس اقوى من الاول .. وحب وعشق اقوى من قبل .. وركب العربيه واتحرك ...
رينو : واقفه مكانها وبتنهج .. و بتنظم انفاسها وحاطه ايديها على قلبها اللي بيدق جامد
. وافتكرت لمسه فهد لخدها .. وحطت ايدها على خدها .. ومسكت خصلة الشعر وابتسمت .. وطلعت تجري على اوضتها .. ودخلت .وحضنت تيمو .. وكانت مبسوطه وحاسه انها عشقها بيزيد وحبها بيكبر .. وبتفكر لما كانت قريبه منه وفى حضنه.
--------------
بعد فتره من الوقت ...
. مليكه مصدعه .. وبتهرش في جسمها زي المدمنين
..لانها كانت بتزود الجرعه من دماغها .. وفلوسها خلصت ومامعهاش الفيزا كارت .. اتصلت على صافي دلوقتى وقالتلها سوري بس لازم فلوس .
. مليكه : قالتلها معاها دهب ..
صافي : قالت لها قابليني الساعه ١٢ في (النادي الليلي)
.. ومليكه مستنيه لما الكل ينام .. لكن ما استحملتش الصداع . واتصلت على اوبر . واخدت طقم كوليه دهب . وحطته في الشنطه واتسحبت وخرجت من البوابه الخلفيه . غير ماحد يحس بيها . أو الأمن يشوفها ....وركبت عربية اوبر .. وطلبت منه ان يسوق بسرعه .. وراحت لصافي ..
..وصافي شافت حالتها . واول ما شافت الكوليه صافي اتصدمت من جماله . وانه اكيد غالي جدا . وصافي طلعتلها شريط برشام . وكيس بودره . وعلبه حقن ..
مليكه : اول مشافت المخدرات ... هاتي يا صافي هاتي برشامه دلوقتى انا مش قادره ...
صافي : اخدت منها الحاجه . لا استني اهدى
مليكه : لاء اهدا . ايه . باقولك مش قادره . دماغى هتتفرتك ..
صافي : حبيبتي انا هخليكي ريلاكس .. استنى وصافي اخدت حقنه .. هاتي دراعك .
مليكه : برعشه .. حقنه ليه . حقنه .
صافي : انت مش عايزه تبقى رايقه . وطايره .
مليكه : ايوه . ايوه بسرعه يا صافي .
صافي :طيب الحقنه دي هتخليكي ملكة زمانك.
مليكه : كشفت دراعها ... وصافي ضربت ليها الحقنه ..وبعد شويه ماليكه مغمضه عنيها .و بتستمتع .. وخرجت وقامت ورقصت مع الشباب وبدات تفوق .. واخدت الحقن والبودره والبرشام ..
.. وطلبت اوبر وخرجت .. ورجعت على البيت الساعه ٣ ونص الفجر.. ومليكه دخلت زى ماخرجت .. وملك كانت صاحيه من النوم وفي المطبخ .. وشافت مليكه بتفتح الباب ودخله وبتتسحب ..
ملك : اتصدمت وشافت الوقت .. واتصدمت اكتر وشكت في بنتها .. وعايزه تروح تضربها . لكن ملك محبتش تعمل شوشره الفجر .وخافت من تهديد جاسر انه هبيعتها الصعيد .. وقالت بتهديد .. الصباح رباح يا ماليكه . وان مربيتك من اول وجديد .. ما بقاش انا بنت العدوي ...
..مليكه : دخلت اوضتها .. وخبت كل حاجه في الدولاب .فى هدومها .. وشربت سيجاره . وقعدت على السرير مغمضه عنيها .. وصورة زياد قدامها ..وتفتح عينيها برده صوره زياد قدامها ...ااوووف مش عارفه ليه كل يوم افكر فيه..
نامي يا مليكه نامي .. ونامت على طول بعمق وكانت مبسوطه ...
... وتاني يوم الضهر .. مليكه فاقت وكانت طبيعيه جدا .. وكانت في وعيها .. لكنها حاسه بخنقه .. مش مرتاحه .. وقاعده على السرير .. وبتراجع نفسها وخايفه من المستقبل .. وحاسه انها ماشيه في طريق بلا رجعه ..وعايزه تحكي لخالها آدم كل حاجه .. وانه يساعدها . لانها كده عارفه انها بتدمر نفسها .. وانها كده بقت مدمنه .. مليكه قالت لنفسها هو انا ليه مش بعيط .. وبتفكر كتير .. وفكرت انها مش كده .. وقالت لنفسها .. لا يا مليكه فوقي .. انتي دخلتي في طريق ضلمه . برشام ومخدرات .. انتي دايما كنتي احسن من كده .. انتي كنت بتسهري وبتشوفيهم بيشربو .. وانتي عمرك ما عملتي كده .. انتي عارفه ان صافي بتكرهك .. وبتتمنالك الشر .. ليه سمعتي منها .. مع انها باعتك .. ليه سمعتي منها .. ليه اخدتي البرشام منها ليه ياماليكه ... طيب اعمل ايه يا ربي .. اتعالج من ورا اهلي !؟ طيب اقول ل مامي ..!؟ لا مامي لا . دي لو عرفت ممكن تروح فيها .. وبابي ممكن يقتلني . واخويا كمان ممكن يموتني .. طيب اعمل ايه !؟ اعمل ايه !؟ مليكه انتي لازم تثبتي للكل انك كويسه .. انك مش وحشه .. لانك مش
وحشه يا مليكه .. قومي .. قومي دلوقت وارمي كل حاجه .. ارمي الحقن .. ارمي البرشام والبودره ... صافي عطتك بودره وبرشام . ودلوقتى حقن ..!! بكره هتديكي ايه يا مليكه وهتأذيكى اكتر من كدا ايه !!؟ فوقي لنفسك قبل فوات الاوان .. واخدت قرار بعد تفكير كتير ... انها ترمي كل حاجه .وتروح ل آدم يساعدها . وكانت قايمه وعايزه تروح على الدولاب وتجيب الشرايط والحقن والبودره علشان ترميهم ...
.. وفجاءه الباب اتفتح عليها واتخضت . وكانت ملك.
مليكه : صباح الخير يا مامي .
ملك : صباح الزفت يا مليكه . واتفضلي البسي
مليكه : صباح الزفت .!! ايه يا مامى صباح الزفت دي . والبس ليه!؟ مالك يا مامي شكلك متدايقه .
ملك : بجد متدايقه يابرودك يا شيخه . وقربت من وش بنتها اللي بهتان .. قولتلك البسي . انا استنيت لما ابوكى واخوكى خرجو .. انا هاخدك مشوار .
مليكه : مشوار .!! مشوار ايه يا مامي !؟
ملك : انا صبرت عليكى كتير ... هاخدك ونروح لدكتوره النسا
مليكه : مش فاهمه . انتي تعبانه وعايزاني معاكي
ملك : بغل لا .. انا هاخدك ونروح للدكتوره علشان تكشف عليكى .. واشوفك لسه بنت ولا لاء .. يا مليكه . وثواني و تكوني جاهزه وسابتها وخرجت.
ماليكا : واقفه ومصدومه . وعينيها مفتوحه . وحطت ايدها على بقها . وكل الافكار وكلام صافي والشباب . وامها وزياد قدامها .. وكل الافكار دي كوم .. و فكره ان امها شايفاها انها فرطت في شرفها
دى كوم تاني خالص ... وفجاه ماليكه قعدت على الارض .. وعيونها نازله دموع . ودموع هستيريه ورا بعض .. وعيطت كتير كتير جدا .. وان الكل شايفها مش كويسه .وانهم كدا بيكرهوها. واخر حاجه انها مش شريفه .. ورخيصه .. وعيطت بهستيريه كبيره .. لدرجه انها لطمت على وشها .. وقعدت مكانها كتير وبعدها قامت مره واحده وقعدت على المكتب وجابت ورقه وقلم وكتبت فيها .. وبعدها قامت دخلت الحمام .. و بصت في المرايا ودموعها نازله .. وعمرها ما شافت دموعها نازله كده ... وكلام زياد وكلام الكل بيتكرر قدامها ..
. زياد انتي رخيصه انتي رخيصه يا مليكه . وجودى جمبك جابني الارض
ملك : هاشوفك انسه ولا لاء.
صافي : انتي هتعملي فيها محترمه .انا عارفه ان الكل بيكرهك ... ايمن عايزك باي تمن .
آدم : زياد كان بيحبك يا مليكه كان .. فوقي يا مليكه قبل فوات الاوان .
.... نور اتجوزت وخلفت .
.... ريتال اتجوزت وخلفت.
...... مريم اتجوزت وخلفت
......فارس اتجوز ...
زياد : انا هدفعلك اكتر ومش هتندمي ..
جاسر : حرام عليكي انتي ما بتحسيش بحد انت مافيش حد قادر يلمك .. انا مش عارف احكمك ...
مالك ؛ وطي صوتك واتكلمى مع ماما كويس يا مليكا . وهاتى الفيزا كارت ل بابا . وكمان مفاتيح العربيه ل ماما.
زياد : انتي مفكره نفسك مين ... مليكه الصاوي .. بنت جاسر الصاوي .. حفيده حسين الصاوي ...زياد : انتي رخيصه صاحبتك باعتك .. صاحبك اشتراكي بتمن رخيص .واخدك شقه مشبوهه. انتي رخيصه يا مليكا ...ايه شعرك ده .. ايه لبسك .ده .
. الشباب سيبوها يا جماعه وماليكه هتعقل وهتروح معانا ...
انتي مفكره يا مليكه انك جايه هنا وخارجه مع ايمن بالليل جايه تبيعي سبح ....
آدم : فوقي يا مليكه قبل فوات الاوان ...
ملك : انتى حابلك ساب انطقي كنتي فين ... اجهزي علشان هكشف عليكي واشوفك بنت ولا لاء . اشوفك انسه ولا لاء .. ياريتنى مخلفتك .. ياريتنى ماشوفتك ... ابوكى شال الهم بسببك
..وتفكير كتير .. ودموع اكتر .. ومن كتر التفكير دماغها هتنفجر .ياريتى مخلفتك . اشوفك بنت ولا لاء ... ومن غير تفكير فتحت علبه الاسعافات ..ودورت فيها بهستيريه .. وشافت مشرط ومن غير تردد قطعت شريان ايديها .. وبتفكر وبتقول انا مش رخيصه .. ووقعت على الارض وضربات قبل قلبها بتقل .. انا انسه يا مامي .. انا لسه انسه . انا بنت .. انا مش رخيصه يا زياد .. وبدات عينيها تقفل ززز..زياد بحبك .. ب....بحبك من زمان ...زياد . وقوتها بتقل وعيونها قفلت وهي بتقول ززز...زي ... اد ---
