رواية عشقتك من جنونك الفصل الثالث والعشرون
مع كل هذا نستنئ وخلتني والمشكله ياناس أنها سرقتني
سرقت مني القلب وسرقت مني الروح
وما عطتني غير الهم والجروح
محتاج لها بالهدنيا وبكل هالكون وبدونها انا من اكون
غير أنسان محزون وشبه مينون
غير انسان عايش بلا قلب وعيون
*
*
*
نهااااااااية أجل <<موووت>>
في فلة ابو فيصل
6:40 مساءاً
غنت بأسلوووب مضحك :مااااما ردي علي باااابا رد علي .....
تأففت الجالسه امامهاوهي تقول :خلاااااص بسك هباااال عورتي راااسي
لازالت مستمرره بهبالها :اني جااائع اطعميني ....
حطت يدها على فمها تمنعها من الكلام :نورروه والله ألحين بققووم اضرربك لو ماسكتي يكفي صووتك نشاااز
صاحت بملل :اوووف يمه متملله من هالبيت وطفشاانه وانتي حتى صوتي العذب ماتبين تسمعينه وبعدين انا صج جوعااانه
أم فيصل :لانوو راسي يوجعني ومالي خلقك وبعدين دامك جوعااانه قومي سوي لك اللي تبيه
نوره :يمه دلعيني شوي بكرره راح اتزوج وبتقعدين تقوولين ليتني دللت بنتي حبيبتي نوره لبى قلبها
ام فيصل :أكثر من كذا ما عندي زوجك ان شاء الله هو اللي بيدللك
نوره مدت رجولها ع الطاوله اللي قدامها وهي تتحلطم :دامه سلطااانوه عزت الله ماشفت الدلال
أم فيصل ضربتها ع راسهاا :سمعتك يالمهبووله
نوره تغير الموضوع :يمه لوو مت (توفيت)شنوو راح يصير فيكم ؟؟
أم فيصل بملل :راح نرتااح من ألساانك وحنتك ع الأقل
شهقت نووره بصدمه
:السلام عليكم
أم فيصل ونوره :وعليكم السلااام
باست راس ام فيصل وهي تقوول :شلونك خالتي ؟؟
أم فيصل :هلا والله ببنيتي شلونك يالغاليه
شيماء :الحمد لله بخير ياخالتي
نوره :الله جابك انقذيني من مااااما
أم فيصل :شكلي ماكلتك يالمخبووله
شيماااء:هههههههه
نوره :يمه مدري شفيه مزاجك اليووم !!
أم فيصل :وانا مدري شفيه عقلك اليوم
نوره قامت بسرعه :مع السلامه ,,الهروب الى الحديقه واللعب بالماء انسب حل للترويح عن النفس
شيماء:هههههه شفيك قالبه عربي مرره
نوره :متأثره ماعلي شرهه يلااا سيوووو
*
*
*
في فلة كينان
بنفس الووقت
نزل بحقيبته بسرعه وهو يقفل ازاريره بنشغال
شافته نزل وبيده شنطة قلبها انقبض بقوووه
وقفت في وجهه وهي تسأله :وين رااايح ؟؟
رفع عيونه وناظرها بستنكاار:وانتي شدخلك بالله اصلاً لك عين تشوفيني ولا تكلميني بعد اللي سويتيه امباارح
غرام :وانا شسويت يعني عشااني طاوعت قلبي صرت غلطاانه
ناظر فيها بقووه :بعدي عن طريقي أحسن لك لاني ما ابي اقوول ان عمتي ماربتك صح ولا ان ابوك غلط لما عطااك الضوء الاخضر لكل شي ,,,روحي تعلمي الصح من الغلط وبعدين كلميني
زاحها عن طريقه ومشى
لكنها وقفت له مره ثانيه بالمرصاد وهي تفتح يديها تمنعه يمر
غرام :لييييييه تبي تروح ابقى هنا واوعدك اني مااسوي شي غلط بس الله يخليك تم هنا ع الاقل عيني تشبع من شوفتك
كينان بعصبيه منها :غراااااام قلت لك بعدي عن طررررريقي انا ما احبــــــــك ما احبك فهمتي
غرام ببكي :وانا احبك ليييه تحرمني منك ليييه؟؟
كينااان :غراام انتي ألف من يتمنناك ليه معلقة مصيررك علي انا ما انفع لك
غرام :وانا من هالألف ما ابي غييير وااااحد ما ابيك الا انت
تدخلت ود هالحظه :غرررام ,,كينان رايح يدور نصفه الثاني اللي فقده من سنتين ومستحيل ألحين بعد ما عرف مكانها يتراجع
انتي كنتي مجرد أخته الصغيررره اللي يوودها وما كان المفروض مشاعرك تطور الى اكثر من كذا
كينان :غرام اوعدك لو مالقيت قلبي اللي فقدته راح ارجع لك .....وطلع تاركهم
جلست ع الارض وهي تصيح بألم :خالتي ليييييه خليتيه يروح انا ابيه حبي له مو بيدي والله مو بيدي
وداد :مسحي دموعك ياغراام لانوو حب كينان لسديم أكبر من حبك له
*
*
*
مسكت يدها بتردد :وهم خلينا نرجع الله يخلييييك
وهم بأصرار :لا ...دام وصلت لهناا مستحيل اتراجع انا كنت انتظر هذا اليوم من زماان ارجووك اروى انتي خليك هنا في السياره وانا راح انزل برووحي
أروى :مدري اخاااف اتركك بروحك
وهم :لا تخافين انا جايه بيت ابووي انتي انتظريني ربع سااعه بالكثير ماراح اطول اوكي ...ونزلت من السياره
تقدمت من البوابه بثقه مهزوزه بثقه متصنعه
ودقت الجرس بيد مرتجفه ضمتهاا بسرعه
بعد دقائق انفتح البااب
شافت قبالها الخاادمه عشان كذا اول شي سوته انها فتحت وجهها
عشان الخادمه تعررفها بما انها شايفتها قبل
وهم :السلااام
الخادمه :اوووه مدام اساامه اهلاً
وهم :اييوه ماما موجوده
الخادمه :لاماما مافي موجود بس نووره في موجود فوق
حمدت ربها بداخلها وهي تسأل :طيب بابا ابو فيصل موجود ؟؟
الخادمه :بابا خالد في موجود
وهم :ناايم
الخادمه :لا في مكتب
وهم :طيب خذيني له
هزت راسها وهي تبتسم ومشت
ومشت وراها وهم اللي كانت تحس بأن قلبها يرجف وكل عضوو في جسدها النحيف يرررجف بشده
(ياترى هذي المره كيف بيكون لقاءها فيه )
نفس التوتر والنكران اللي قبل سنتين ولا في شي تغير ؟؟كانت هذي الاسئله اللي تدور في بالها
وصلوو لعند مكتبه ومشت الخادمه بعد ماقالت لها وهم خلاااص مايحتاج تقوله انها موجوده
وقفت امام الباب لعدة دقائق وهي تهدأ دقات قلبها السريعه وانفاسها المطربه
دقت الباب بهدوء ودخلت بهدوء آخر لما سمعته يقول :تفضل
دخلت بهدوء معاكس لهاا ووقفت امام المكتب وهو لازال منشغل بالأوراق اللي بيده
وأخيراً رفع عينيه لتصدم بأخر انسااانه توقع ان يراها فمنذ سنتين لم يرااها والأن هكذا وفجأه شلت لساانه عن الكلام
واخيراا نطق بصدمه :انتي
قالت بقوووه :بنتــــــــــك وهــــــــم
قام من مكتبه بسرعه وهو يقول :انتي متى رجعتي من السفر ؟!
ضحكت بستهزاء على حالها وهي ترد :انا لسة مسااافره وبعدي ما ارجع بس عطوني سااعه وحده اسوي فيها اللي ابي ولقيت انسب مكان اروحه اني ازورك ,,عسى عجبتك المفاجأه يبه
ابو فيصل بستغراب من كلامها :انتي شتقولين مو فااهم شي
وهم :يبه انا بطلب منك طلب وااحد بس ما ابي غييره
ابو فيصل :شنووو ؟
وهم بغصه :حسسني لمره وحده بس اني بنتك وطلعني من السجن اللي انا فيه
ابو فيصل :مو فاهم ليييه كلامك اليووم كله ألغاااز وضحي اكثر
وهم :أسأل ولد اخوك وين راميني اللي يقول انه مسفرني .....وإذا انت صج ابوو وماتبي تخسرني في آخر محاوله لك طلعني من المكان اللي انا فيه عارفه تكرهني وكل شيء وودك ماتشوفني بحياتك للأبد بس ذنبي برقبتك يبه لاني ماراح اسامحك طول عمري يبه
ابو فيصل :وهم فهميني وين مكانك هذاا...... وهم
لكنها تركت له المكان وماردت ع سؤاله
*
*
*
في فلة ابو يوسف
9:18 مساءاً
انسدحت على بطنها وهي تسمع صوت جوالها يدق بنغمة طلال (عسى مايوحشك غالي ...)
تنهدت وهي ترد :الوووو
طلال :هلا بحبيبة طلال ارحبووو
دانه ببتسامه :هلا فيك زووود
طلال :أخبارك اليووم
دانه :نفس الأمس ماتغير شي انت شلونك
طلال :لوني ازرق وبعدين انتي اللي مو راضيه تغيرينه
دانه :يمكن
طلال :موب يمكن الا أكيييييييد
دانه :طلال انا عارفه اني تعبتك معي بس انا تعبااانه واحس ان مزاجي دايم متعكر
طلال تنهد وهو يقول :انتي تعبتي قلبي بس معليش مستعد أتحمل لاخر نفس فيني
دانه حركت خصله من شعرها بخجل :طلال مدري شلون اجازيك على اللي سويته لي
طلال :خلاص عازمك بكره ع الغذا في المطعم اذا وافقتي تجييين راح اكون راضي
دانه بمداعبه :نوو ما اقدر تعررف انا ما اطلع مع اي احد ولازم مرة ثانيه تستأذن بابا وتعزمني قبل شهر عشان اشوووف جدول مواعيدي تعرفني مرره بيزي
طلال :لا والله حلفي انتي بس قالت اعزمها من شهرر وبعد مرره بيزي
دانه :ههههه خلاص موافقه شفيك كنت امزح معك
طلال :دام سمعت ضحكتك خلاص بقبل بمزحك الثقيل طينه خخخ
*
*
*
في فلة ابو فيصل
11:5 مساءاً
:خير عمي جايبني في هذا الوووقت ؟؟
فاجأه بسؤاله :بنتي وين ياااا أساامه ؟؟؟!!!
أسامه ناظره بستهزاء وهو يرد عليه :بنتك ؟؟!!! ألحين عرفت انها بنتك ياعمي بعد مارميتها عند نااس غيرنا ونسبتها لعايله غيررنا وحتى اسمك ما عطيتها اياااه كل هذا وتقوول بعد بنتك
أبو فيصل :انت ماتعررف الظروف اللي انا عشتها ولا تعرف عن السبب اللي خلاني آخذ امها المهم هذا مو موضوعنا ألحين وقولي وين بنتي ؟؟اللي تقول انك سفرتها
أسامه :بتفهمني ياعمي انها صارت تهمك بتفهمني انها غاليييه عليك وعرفت قيمتها ألحين
صرخ فيه بعصبيه :أساااامه تكلم وييين بنتي ؟؟؟؟؟
أسامه :في المستشفى
نطق بصدمه :في المستشفى لييييه هي مريضه فيهااا شي
أسامه بتوضيح أكثر :في مستشفى الامراض النفسيه
مسكه من ياقة ثوبه بعصبيه :لييييييييه ليييييييه بنتي في مثل هذا المكان تكلم
ليييه راميها هناك بنتي شفيهااا عشان تدخل مثل هذا المكان
أسامه نزل راسه :يمكن المكان اللي انا راميها فيه ياعمي ارحم من المكان اللي انت راميها فيه ,,,تعرف العايله اللي انت قطيتها عندهم عذببوها وشغلووها خادمه عندهم هذا غير الابوو السكير اللي كان يعرضها على أصحابه ولا ولده قصة ثانيه أغتصبهاااااا اغتصبها ياعمي........ تدري لما تزوجتها اكتشفت انها لازالت تبلل ملابسها وهي بهذا العمر خصوصاً لو حاولت اقرب منها
جلس ع الصووفا بأنهياار حاااد وكأن الكلام نزل عليه مثل الصاااعقه
حط يده ع راسه بتعب وهو يرد :بنتي مالازم تقعد في هذاك المكان اكثر من كذا انا راح اطلعها بس عطني اسم دكتورتها وتاريخ دخولها للمستشفى
وحساب هذيك العايله راح يكون عسير
أسامه :لاتخااف ياعمي انا لما عرفت الموضوع قلت لازم انتقم منهم واحد واحد وكاهوو اولهم محبوس في السجن بتهمة مخدرات
أبو فيصل :تقصد سيف الحقييير
أسامه :اييووه ,,,,ع العموم ياعمي انا راح اطلع وهم بنفسي مايحتااج تروح انت
ابو فيصل :لا انا ابي أطلعها بنفسي هذي آخر محاوله لي عشاان اكفر عن اللي سويته فيها وماابي اخسرررها للأبد هذي مهما يكون بنتي من لحمي ودمي
*
*
*
صباح اليووم الثاني
9:00 صاحاً
سديم :سمعي يارشا هذي الطبقه المخمليه خليها اقل شووي لانها مثقله الفستان مررره والاكسسوار اللي عند الخصر خليه ذهبي موب فضي اوكي
رشااا :اللي تامرين فيه
سديم :وين رنا أجل ؟؟
رشا :في الغرفة الثانيه تبين اناديها لك
سديم :اييوه خليها تجيني بسررعه
رشا:اوك
جلست سديم ورا المكتب
ودخلت بعدها رنا وهي تقول :آمريني
سديم :مايآمر عليك ظالم بغيت اسألك عن الفواتير اللي حق هذا الاسبوع بغيت اطلع عليهم
رنا :ايييوووه حطيت لك كل الفواتير بالدرج الاول آآآسفه ماخبرتك نسيت
سديم :لا عادي مو مشكله ....خلاص تقدرين تشوفين شغلك ثانكس
طلعت رنا وسديم فتحت الدرج وطلعت من الفواتير
وصارت تشيك عليهم بتدقيق لما وصلت لاسم
دانه اللي صدمها
قرته فووق العشر مرات
(دانه راشد يوسف ال ......)
تذكرت امها قبل لاتمووت قالت لها ابووك اسمه ................
كيف نست هذا الموووضوع وكيف مانتبهت من قبل
*
*
*
في المستشفى
بنفس التوقيت
دخلت عليها بسرعه وهي تلهث :وووهم لحقي منو جاا لك
كالعاده كانت واقفه وتناظر الشباك بسررحان
ردت حتى من غير تلف وجهها لها :منوو؟
اقتربت منها ببطء وهي تقول :ابووووك .....
شكلوو زيارتك له الامس جابت نتيجه
وهم بغصه :ندرين أكثر شي ندمت علييييييه في حياتي اني رحت له الامس كااان المفروض هذا آخر انسااان اترجاااه يطلعني ولا يسااعدني لانه هو سبب الجنون اللي انا فيه هو اللي هدم حياتي بيده
مسكتها أروى بود :لاتقولي هذا الكلام وبعدين انتي تدرين انك مو مجنونه وترى مهما كان يظل ابووك
جلست وهي تبكي :لوماكنت مجنونه شلي جابني هنا لو ماكنت مجنونه ما ظليت هنا سنتين
أروى :وهم لاتضعفي حنا ماصدقنا ان نفسيتك تكون أحسن وانتي المفروض ألحين تثبتي لهم قوتك وماتضعفين قدامهم اثبتي لهم ان وهم اليوم غير عن وهم الامس
مسحت دموعها وهي تقوم من الارض بعد مامدت لها اروى يدها تقومها
سمعوا صوت دق ع باب الغرفه
أروى :تفضل
دخل الى تلك الغرفه البارده بجدرانها البيضاء لتلتقي عينيها بعينيه
نظرات مهزوزه لكيان ممزق لكرااامه مقتوووووله من الصميم
نظرات جرحته من الاعماق نظرات طعنته ومزقته الى اشلاء
تمنى بأنه لم يراها تمنى بأنه مات على ان يرى نظراتها المكسوووره
<<اروى من شافته طلعت من الغرفة بسررعه عشان تفسح المجاال لهم وتخليهم ياخذون راحتهم بالكلام
كانت واقفه مكانها تناظره بصمت ليقترب منها هو وعلى شفتيه شبح ابتسااامه
كان ناوي يضمها لصدره لكنهاا
بعدت عنه وهي تقول :بدري يبه هذا الحضن ياااما دوورت عليه ومالقيته كنت محتاجته حيييل طول سنوات عمري لكني هم مالقيته وش ابي فيه ألحين خلاص ماعاد يهمني ولا يأثر فيني
مسح دمعه انزلت منه غصب وهو ينطق بأسف حقيقي :وهم سامحيني .....وهم قصتي بدت قبل 22 سنه من عمري نمت بهذاك اليووم في بيت واحد من اصدقائي طبعاً بعد ما حطوا لي منوم في العصير صاحب الشقه والثاني خاالك مرزوق ...لما صحيت من النووم لقيت بنت بجنبي وهي الثانيه اخترعت لما شافتني قمت مفزوع ولقيت مرزوق قدامي وقال لي ان كل شي صار بينا صوره واذا ماتزوجتها راح يقول لزوجتي ولا ابووي عشاان كذا اضطريت اني اخذهاا قبل لااشووف الشريط اللي صوره لنا واللي ماكان فيه ولا شي اصلاً غير صور عابرره يهددنني فيهم اضطريت ادفع ثمن انتقااامه 6 سنواات بعد ما اختلس مني امووال كثيررره
وعشان احاافظ عليك اسمك ما خليته يحمل اسمي عشان لايظل يهددني أكثر من كذا
صرخت بألم :لا تقووول عشاان تحافظ علي الا عشاان تحمي نفسك منه .........حراااام عليك يبه اللي سويته فيني والله حرااام ...لييييه ماعتبرتني مثل نور ونوره لييييه انا شسويت لك عشان تجازيني بهذي الطريقه
أبو فيصل :انا عارف اني غلطت بحقك لما خليتك تعيشين عند ابو سيف الحقيير بس كانت ظروفي اقوى مني ظليت 6 سنييين وانا اشيل واحط فيك موعارف شسووي مو قااادر اواجه زوجتي فيك
صرخت في وجهه بأنهيااار :خلااااااااااااااااااص ما ابي اسمع أكثر خلاااااااص فهمت اني غلطت حيااتك اللي مو قادر تحلها فهمت ما ابي اسمع زوووود
مسك يدها لكنها نفضت يدها منه بجفاا قووي وهي تكمل :خلاااااص يبه انسى اني زرتك وقلت لك طلعني من هالسجن لاني اكتشفت انه وااايد ارحم من العذاااااب اللي قاعده اسمعه
ابو فيصل :اهدي خلاااص وانسي كل اللي صار وخلينا نبدأ من جديد ...انا سويت اوراق خروجك وراح تجين معي
نطقت بألم :وين بتقطني هذي المرره بعد عند ابوو سيف اللي قلت انه عمي ولا عند ولد اخووك اللي راميني سنتين هنا حتى مافكر يزورني ولا يسأل عني بالغلط
ابو فيصل :لا عندي في البيت
ضحكت بستهتار :لييه جاتك القدره ألحين تواجه زوجتك يبه انـ ـ ـ....
قاطعها وهو يقول :لمي اغراضك وخلينا نمشي
*
*
*
في أحد المطاعم
9:51 صباحاً
كينان :ماعرفت لي وين عنوانهااا
ثامر:لا والله طال عمرك اسمها بس مسجل انها جت السعووديه قبل سنتين وباقي الاخبااار مقطوووعه عنها
كينان :دامها انزلت هنا في الشرقيه كذا راح يكون أسهل علينا وألحين ابيك تشغل مصادرك كلها وتبدون تدورون عليها ابي اشووفها قدامي هذا الاسبووع مفهوووم
ثامر :تامر طال عمررك راح اخلي البحث عنها مكثف
*
*
*
في فلة ابو فيصل
10:30 صباحاً
تثأبت بكسل :اووووف من صجه بابي يقعدنا من نومنا وبعدين مانشووفه وينه وين راح ؟؟
أم فيصل :عسى بس يكون الموضووع خير والله قلبي قارصني
فيصل :حتى انا ماخلاني اداوم الا ساعه مدري شفيه صووته ماعجبني ؟
نوره تتحلطم :محد مرتاااح الا نوور في هالبيت تلاقيها ألحين مكبرره المخده وناايمه وانا مصحيني من صباح ربي
ضربتها ام فيصل ع راسها :اي صباح صرنا الضحى وانتي قاعده تتحلطمين علينا ساعه وبعدين اختك انشط منك دايم تصحى بدري
:السلاااام عليكم
دخل ابو فيصل ووراه وهم اللي كانت متغطيه كاامل
وقف الكل مصدوم ونظراتهم متووجهه الى اللي وراه
نوره بعبط :يمممممه لحقي بابا تزوج عليك شفتي كيف دايم اقولك لاتحطين الروج البني اللي عندك من 15 سنه ولا بيطير منك بس كنتي ماتسمعين الكلام تحملي النتايج ألحين
ضربتها امها مرره ثانيه ع راسها وهي تقوول :بس سكتتتي يالمهببوووووله
فيصل بستغراااب :يبه منو هذي ؟؟؟؟؟
أبو فيصل :اول شي خلونا نجلس لان رجولي تعبت من الوقفه ونوير روحي جيبي لي مااااي
نوره :اجيب لك يبه بس ماتقول شيء الا لمااا اجي اتفقنا ........وراحت طيرران
جلسووا ع الصوفا ووهم للحين مانزلت الغطاعن وجهها ماتبيهم يعرفون انها وهم زوجة اساامه الا لما يقوول ابووها الموضوع لهم
رجعت نوره بسررعه ومدت بالكاس الى ابووها
اللي شرب من شوووي وسكت للحظات مو عارف كيف يبدأ بالموضوع
نوره :يلا يبه ذبحنييييي الفضووول وانت لسى سااااكت
أبو فيصل :انا جمعتكم اليووم عشاان اقوول لكم عن شي صااار لي قبل 22 سنه واتووقع انه جاا الووقت اللي اقولكم عنه .....
وبدء بسررد قصته اللي قالها لووهم من غير مايحذف فيها ولا شي من البدايه للنهايه لكنه ختمهاا يوم قال :وهذي هي بنتي
صاحواا الثلاثه بستنكاار :بنتـــــــــــــــــك!!!!!!
ابو فيصل :ايوووه بنتي .....بنتي اللي فضلتكم عليهااا بنتي اللي ماضميتها الى صدري لا بفرح ولا بحزن بنتي اللي رميتها عند نااس مايعرفوون الرحمه بنتي اللي غيرررت في اسمهاا وماعطيتهاا اسمي بنتي اللي بعتهاعشااانكم .... 13 سنه وانا باعدها عني وما اعرف اخبااارها وزاد عليها هذي السنتين اللي مررت
فيصل :يبه من صجك جايب لنا وحده وتبينا نقتنع بهذي القصه الطووويله
ابو فيصل بحده :فيصل عمرري كذبت عليك عشاان تقوول هذا الكلام
فيصل :محشوووم يبه بس السالفه هذي متى صارت وكيف حنا ماندري وبعدين ليييه ماجبتها تعيش معنا من البدايه
أبو فيصل : ماعندي كلام اكثر من اللي قلته واللي اقدر اقووله ان بنتي من اليووم راح تعيش هنا تحت عيني وبينكم انتو اخووانها
التفت لها يناظرها وبعدها قال :شيلي يبنيتي الغطا عن وجههك ماكوو احد غريب وبعدين فيصل اخووك ألحين لا تستحين
الدموع كانت متحجره في عينيها وكاتمتهم غصب
حركت يديها ببطء ونزلت النقاب من عليها وعيووونها منزله بالأرض
ليشهقوا المووووجودين بصــــــــــــدمه قوووويه من اللي شافووه
*
*
*
حرك سيارته بعد ماشافهم دخلووا البيت
كان مراقبهم من لما طلعوا من بوابة المستشفى
بس مايدري ليييه يحس بشيء خاااانقه ومخليه مو قادر يتنفس
أسند راسه ع الدركسوون لما جت الاشااره حمرا هو يفكر (ألحين الكل راح يعرف انت شسويت فيها يا اسااامه ألحين الكل راح يلومك شنوو هالمصيبه اللي حطيت نفسك فيها وين تودي وجهك منهم ألحين .....شتقووول لهم ع اللي سووويته ....ايوووه صج انا غلطت لما رميتها هناك بدون لاأقوول لهم بس هي صج مجنونه وكان لازم تتعالج ..........أسااامه لاتبرر لنفسك أصلاً الكلام اللي تقووله انت بنفسك مو مقتنع منه
رن رن ....
قطع تفكيررره صووت هرنات السيااارت اللي وراه
*
*
*
نرجع لفلة ابو فيصل
نطقوووا بصدمه :ووووهـــــــــــم
ناظرهم فيصل مستغرب بعد ماشاف الملاك الجالس قدامه وقال بتساؤل :تعرفووونها
نوره عيووونها لازالت مركزه على وهم وهي ترد عليه ليصدم الآخر :هذي زوجة أسامه ولد عمي
فيصل بصدمه مماثله لهم :هذي أساااامه متزووووجهااا!!!!!!
أم فيصل :ترى انا مو فاهمه شي وبعدين انتي مو كنتي مسااافره كييف رجعتي دحييين ؟؟!!!
تكلمت ببحة صوتها المخنوقه :انا ما كنت مساافره ياخالتي
فيصل لو ماكانت أخته خق عليها اكثر من كذاا
ابو فيصل :كانت في المستشفى تتعالج
ام فيصل :تتعالج ؟! لييه شفييهاا
ابو فيصل :هذي قصة طووويله ويبي لها وقت المهم يا ام فيصل لا اوصيك عليها خليها تاخذ الغرفه اللي تبيهاا وترتاح فيها ..انا بقووم اتوضاا عشان استعد للصلاة
ام فيصل :دامها بنتك يالغالي في عيوني لاتوصي
ابو فيصل :ماتقصرين يالغاليه هذا عشمي فيك ......وقام عنهم
نطت نووره بفرح وهي تضمها :وااااااو وناااااسه صار عندي اخت جديده ولا بالاحلااااام ياااااي ولا منووو بعد المزييونه مررت ولد عمي
ابتسمت بخفه
ليقترب منها فيصل ويضمها بحنان :ياهلاااا فيك بينا والحمد لله ع سلامتك
نزلت هذي المرره دموعها اللي كانت تقاومهم حيييل لكن من غير فايده
افسح المجال لأمه التي اقتربت منها وضمتها هي الاخرى :لاتبكيين انتي ألحين بين أهلك وناسك وراح تكونين مثل نور ونوره بناتي وناديني يمه لاني من اليوووم راح اعوووضك
ضمتها وهم أكثر بدموع اكثررر وبشهقاات اعلى حتى بأحلامها ماكانت تتخيل ان زوجة ابووها راح تقوول لها مثل هذا الكلام اللي حسسها بالراحه ......أخييييييييييراً صار لها عائله اختيين واخوو وام وابووو
*
*
*
بعد صلاة الظهر الكل صار عنده خبر ان ابوو فيصل عنده
بنت ورجعها لحضنه بعد طول هالسنين
وصدمتهم ماكانت اقل من صدمة عائلة ابو فيصل لما عرفووا من تكون
عشان كذا ابوو فيصل عزمهم ع العشاا اليووم بهذي المناسبه
بس تتوقعوون في وحده تقدر تنتظر لما يجي الليل
#
في فلة ابو فيصل
8:9 مسااءاً
اجتمعووا الرجال في مجلس والحريم في مجلس ثاني وطبعاً ابو فيصل وضح لهم ان وهم كانت تتعالج في المستشفى لانها كانت مرريضه وهي اللي طلبت ان محد يعرف عشاان ماتبي احد يشووفها بهذيك الحاله <<غطا لأسامه مثل ماتقولواا
وفهم وهم هالحكي بعد عشان لو احد سألها
&عند الحرريم&
ضمتها ام رااشد بحب وشووق وهي تقول بدموع :كنت حااسه من البدايه ان لك علاقه فينا والحمد لله الدم عمرره مايصير مااي الحمد لله انك رجعتي لنا بالسلامه
باستها وهم بإيدها وهي ترد :من اول يوم لميتيني فيه كنت احس بداخلي شي ماعرفت معنااه بس اليووم عرفت شنوو
ام راشد :الله يرضى عليك يابنتي
ام يوسف :والله مستحية منك يابنتي ع اللي سواه فيك أسااامه وانه ماخبرنا انه وداك تتعالجي
ابتسمت بداخلها (ماودي اخيب نظرة امك فيك ولا كان قلت لها على كل شي سويته فيني ولا انا ألحين اعتبر مجنونه وهو اللي ماقصر عالجني فيه البركه والله ):لا ياخالتي انا ماكنت ابي اخليكم تشوفوني بهذيك الصووره
باستها نور بخذها وهي تقول :الحمد لله انك رجعتي لنا ألحين بصوووره احلى عن قبل
دانه تمسكت فيهاا :هي تراهاا مرت اخووي قبل تصير اختكم يعني افسحووا المجال لي لاتخلووني اغاار
نوره :لا والله مدري منو اللي ناشب فينا من الظهر كأنها ملكك ماتبين اي احد يلمسهااا
وهم :هههههه حلووه هذي نوير من وين جايبتها
تمسكت فيها دانه وسحبتها معها براا المجلس
وصعدوا غرفة وهم
جلسووا ع السرير ودانه تقول بجديه :وألحين قولي لي ليييه ماكلمتيني وجهاازك قافلته حتى لو كنتي بالمستشفى كان المفروض تقولين لي وربي كنت جيتك طيراااان
وهم بلعت ريقها وهي ترد :والله يادانه ظروفي كانت اكبر مني انتي ماتدرين قد ايش انا عانيت
انسدحت ع السرير وهي ضامه يديها
ودانه تقوول :حتى اساامه عانى كثير بعدك صار قليل يتكلم وهادئ ودايم سررحان ولو تشوفينه تقولين صار اكبر من عمرره ب10 مرات .....الا انتي كنتي تشووفينه او لا
----------------
يضايقني الحكي عنك..وتشعل سيرتك نااااري..
وأحس بضيقة في صدري...إذالك مر أي طاري..
كرهتك إنت وأيامك ولاباقي بعيني دمووووع..
ولودار الحكي عنك أحب أغير الموضوع...
-------
وهم :دانه انا تعباااااانه كثير صار لي سنتين مانمت
تدرين شنوو ودي ألحين
دانه :شنووو ؟؟
وهم بغموض :ودي انام وما اصحى ابد .......خلاص شنوو ابي اكثر من كذا ابووي ورجعني لحضنه أخيراً وأحلى شيء بالموضووع اني عرفتك يادانه وعرفت هذي العايله الطيبه
ضمتها دانه بخووف :وهم حبيبتي لا تقولين هذا الكلام لاتجيبين طاري المووت حرااام عليك انا ما صدقت اشوووفك واضمك مرره ثانيه ....أصلاً انتي المفروض تستعدي لزواجي اللي بعد شهرين لان ملكتي كان ناقصها وجودك جلست طول اليوم ابكي والسبب انتي وبعدين انتي ماتبين تشووفين عيالي انا بصراااحه ودي اشووف عيالك بسرررعه
رفعت راسها تناظرها
لتجدها مغمضة عينيها ووجهها مستكين براحه وعلى وجهها الشاحب أبتساامه هادئه رقيقه كروحها النقيه
استكاانه لاول مره ترااها على وجهها الملائكي
ولأول مرره تشعر بنقباض قلبهااا وسرعة دقااته بخوووف مريب
فهل ستكوون هذه الاستكانه الابديه ؟؟؟
&عند الرجاال&
كانوا يبتسموون في وجهه يعتقدوون بأنه عالجها
حتى ولو انه لم يخبرهم بذلك فيكفي ان يكون زوجها هو المسؤول وهو المتواجد معهاا
ولكن هذه الابتساامات توجعه فهو رماها في ذلك المكان ولم يسأل عنها ولا لمرة واحده تركها وحيييده وهددها فوق هذا كله بأن لاتخبر أحد ,,,,والآن يقتل القتيل ويمشي في جنازته
ضربه فيصل بخفه وهو يقوول :آخر شي توقعته ان اختي المزيوونه تصير زوجتك
مايقدر حتى يرد ع كلامه ولا يقدر يتصنع ابتساامه زائفة أكثر
قام مستأذن وطلع من المكان
أول ماطلع أخذ نفس عميق وفتح ازارير قميصة الاسوود بضيق وهو يحس نفسه مخنووق موقادر يتحمل أكثر
مّر طيفها في باله وطعنه حااده وصلت الى قلبه
---------------------
رمت الزجاجه الموجوده ع الطاوله بعصبيه وهي تصرخ فيه :طلعني من هنننييييييي اقووولك
انتقلت يدها للفراش تعفسه وتشيله بقهر :طلعنننننننننني ما ابي اتم هنا اناااااا تعبت خلااااص وماعاد فيني اتحمل اكثر
ناظرها مستغرب من الحاله اللي وصلت لها غير عن الكلام اللي كانت تقوله وهي نايمه واللي مافهم منه غير مااابي اموووت
لكنه مسكها مع كتوفها لما شاف يدها انتقلت للعطورات والاغراض الموجوده على المرايه بتكسررهم
شاف صدرها ينزل ويرتفع وانفاسها سريعه
جت بتضربه بصدره بقهرررها كله اللي تحس فيه لكنه سبقها لما عطاها كف حاااار قووي حااد يصحيها من اللي هي فيه
جلست على الارض وهي تبكي بألم :مخنوووقه مخنوووقه طلعني
أسامه :قومي قومي خلاص بنروح وماراح ترجعين الى هنا للأبد بعد يلا لمي اغراضك كلهااا
--------------------------
ووصلته الطعنه الاخرى اللتي لايستطيع نسيانها لتمزقه الى قطع ...لما اخذها ع المستشفى
-------------------------
لاشعوري قامت من السرير بسرعه وتعلقت فيه ....تعلقت بحضنه وهي تقول بدموع وببكا يقطع القلب :لا الله يخليك لا تخليني هني بررروحي انا اخااااااااااف من الظلمه لاااااا تخليني والله اخااااف من الظلمه
(الغرفه ماكانت ظلمه ابداً على العكس كانت اشعة الشمس تدخلهاا بقووه بس كان هذا تعبير عن اللي بداخلها وانها تحس بأن اللي حولها ظلااااااااااااام )
دفنت وجهها بصدره وهي تقول برجا :لااااا تخليني هنااا اخذني معك ما ابي اكووون هنا برووحي اوعدك اصير مثل ما انت تبي اوعدك اني ارجع اكوون خادمه تحت ايدك مثل قبل او اطلع من بيتكم خلااااااااص بس لاتخليني هني
بعدها عنه ومشى تاركها بعد ما اعطاها ظهره
------------------------
تنهد بألم وهو يمسح دمعه انزلت منه غصب من هذه الذكرى الأليييمه
صرخ بألم بعد ما صعد سيارته :خلاااااااااااااااص طلعي من راسي ما ابي اتذكر شيييييي ما ابي اتذكرر اي شي عنك
*
*
*
:طال عمرررك لقينا الانسة سديم وعرفنا وين ساااكنه وكل المعلوومات الثانيه عنهاا
