رواية جريمة عشق الجزء الثالث الفصل الثالث والعشرون
ف ايطاليا .
فهد : بعد اختبار جيسيكا ليه . ونجح فى الاختبار ده . تانى يوم اخد منها الساعه لانه طلبها وقالها انها ذكرى من هيدا . وجيسيكا ادتهاله وف نفس اليوم ف نص الليل . دخل غرفة المراقبه وشوش الكاميرات. وركب الميكروفونات ف القصر . مايك ف غرفة المراقبه . ومايك ف مكتب كيڤين . ومايك ف مكتب جيسيكا . ومايك ف اوضة بيشوي. ومايك ف غرفة جيسيكا ف قلب الاباجوره ع الكمود . ومايك عند البار الرئيسى ف قاعة الاحتفالات الخاصه بالضيوف . ومايك ف عربية جيسيكا الخاصه. ومايك ف اوضته علشان مراد يسمع اى حوار مع فهد وجيسيكا . وركب كل ده بحرفيه عاليه وفاضل بس مايك لكرسي كيڤين .
. وفهد لما اخد الساعه لبسها ودخل الحمام وفتح الساعه وفعلا كان فيها جي بي اس وجهاز تصنت .. وفهد لما يحب يدايق جيسيكا أو يسبتلها انه ميعرفش عنها حاجه . يلبس الساعه دي ويتكلم ويقول الل هو عاوز يوصله ليها .. وبعدها يلبس الساعه التانيه لما جيسيكا تخرج وتطلب منه مايخرجش معاها .ويدخل الحمام ويتصل ع مراد ويتفق.معاه ع الل هيعملوه بعد كدا ..
ومراد واكرم . نقلو من الفندق . لمنزل قريب من القصر . بحيث يكونو جمب فهد ..
وتالت يوم . جيسيكا دخلت ع فهد . وقالتله يستعد علشان يستلم وظيفته . وفهد رحب جدا . وقالها انه هينام ف الغرفه الل ف جنينة القصر . لانه دلوقتي حارسها الشخصي ومينفعش ينام ف غرفه من غرف القصر . وجيسيكا فكرت ف كلامه ولكن قالتله لا انت الحارس الشخصي لدي . وف استطاعتك أن تظل ف هذه الغرفه فهي من الآن وصاعدا اصبحت لك . وحارسي الشخصي لابد أن يكون بجانب غرفتى . وخرجت ..
وفهد : لبس بدلة الحارس الشخصي . وخبى الساعه التانيه . ولبس ساعة جيسيكا . وركب السماعه بتاعة جيسيكا . واخد السلاح ونزل . وجيسيكا لما شافته اعجبت بشكله وشعرو ودقنو والبدله كأنه صاحب القصر مش مجرد حارس . ونزل ف الاسانسير . وجيسيكا حبت ترضي غرورها . وأمرت سفيان انه يطلع سيده كيڤين ع غرفته بسرعه ..
فهد : هز راسه . حسنا . وابتسم بنصر . واخد كيڤين ودخله الاوضه . وبعد عن الكاميرا . وهو بيشيل كيڤين . ركب المايك ف كرسي كيڤين بحظر . وثبته كويس . ونيم كيڤين ف السرير. وابتسم ليه وهز راسه . وخرج . وراح لجيسيكا . وقالتله سوف نذهب لمقابلة مهمه . وانا لدي أعداء ف كل مكان . فلتاخذ حذرك .
فهد : هز راسه . حسنا لا تقلقى ساحميكى من اى خطر جيسيكا ..
جيسيكا : بصتله بغيظ ..
فهد : ضحك . وقالها . حسنا ف الخارج ساقول لك سيدتى . ولكن ف القصر ساقول لك جيسيكا اتفقنا ..
جيسيكا : صكت ع أسنانها بغيظ مكبت . وسابته وخرجت بره القصر . وفهد خرج وراها وكل يوم ع كدا . وكان شغال بكل تركيز.
وجيسيكا أمرت بيشوي انه يفتش هدوم سفيان والغرفه كويس جدا لما سفيان يخرج معاها ..
. وفهد سمعها . واخد الاقراص والساعه معاه وهو خارج معاه . وبيشوي فتش الاوضه . ولما اتكلم مع جيسيكا فهد ومراد سامعينهم . وانه بيقولها أن لا يوجد اي شئ مهم ف غرفة سفيان . يوجد فقط بعض من الرسائل الخاصه بينه وبين هيدا . ومجموعه من الكتب ..
جيسيكا : هزت راسها . واقتنعت تماما أن سفيان مش جاسوس نهائيا . وقررت انها تاخدو ف شغلها لانه هينفعها جدا . وخصوصاً أن لياقته البدنيه عاليه .
----------------------بقلمى Mariem Nasar
فهد : واقف عند باب القصر الداخلى .
بيشوى : راح عنده وقاله . سيدتى تريدك ف المكتب سفيان .
فهد : هز راسه . سأذهب إليها في الحال . واتحرك . وخبط عليها .
جيسيكا : تعال سفيان . تقدم .
فهد : دخل . وهز راسه بيشوى قال لي انك تريدني .
جيسيكا : قاعده ع طرف المكتب . نعم اريد ان اتحدث معك قليلا . هيا تقدم واجلس ..
فهد : شاف شكلها وهي قاعده ع طرف المكتب . واكيد هي عايزاه يقعد ع كرسي المكتب قدامها . وقالها . لا أريد .. انا تعودت أن أقف فترات طويلة . تفضلى بالحديث وانا كل أذان صاغيه ..
جيسيكا : حسنا كما تريد .. سفيان انا اراقبك جيدا منذ جئت هنا إلى هذا القصر ..
فهد : ابتسم . بل تقصدين عندما اتيتى انتى بي إلى هذا القصر . انا لم أتى بمفردي أو عن قصد منى جيسيكا !!!
جيسيكا : ههههه . ماذا بك سفيان ألا تترك كلمه واحده إلا وتقوم بالرد عليها . حقا انت مميز سفيان الكيساند ..
فهد : هذا لطف منك . تفضلى بالحديث انا اسمعك ...
ف نفس الوقت ده . مراد سمع جيسيكا . وفهد . وقعد يسمع باقى الحوار هو واكرم . ومركزين لأى كلمه ومراد نبه ع فهد من فتره انه يتكلم معاها باسلوب كويس وده هيديلها ثقه ف نفسها اكتر وتثق فيه.
جيسيكا : حسنا . اسمعنى جيدا سفيان . انت لا تعرف من اكون . وما هو عملى !؟ وانت سالتنى من قبل انك متعجب من انى اعيش في هذا القصر الكبير جدا بالقرب من التلال . ولم كل هذا الحرس . وسالتنى أيضا عن سبب وجود أعداء لي ف كل مكان . !؟.
فهد : نعم اتذكر . وأتذكر أيضا انى ف هذا الوقت كنت سفيان الرجل العادي . ومن الممكن أن أسألك ما اريد .. اما الآن انا لست هذا الرجل العادي . انا حارسك الشخصي وانا اعتذر لكي عما تفوهت منذ ذالك الوقت . انتى لست مجبره ع الحديث معي ف شئ هكذا . انا مجرد حارس ..
جيسيكا : بإعجاب اكبر من شخصية سفيان الل اتغيرت . وشايفه انها بدءت تسيطر عليه . اممم احببت شخصيتك الجديده سفيان .
فهد : ابتسم بتمثيل . شكراً لك .
جيسيكا : حسنآ سفيان . انا اريدك معي كالظل
اريدك ف كل عمل اقوم به انا وكيڤين . فهل انت مستعد !؟
فهد : بصلها بعدم فهم . انا معك دائما !!
جيسيكا : قامت وراحت عند فهد وبتلف حوالين منه . امم انت معى دائما . ولكن انت لا تعرف ما هو طبيعة العمل الذي اريدك ان تشاركنى فيه .
فهد : حسنا .وان لم يكن هناك مشكلة عندك فمن الممكن أن تقولى لي ما هو طبيعة عملك .
جيسيكا : بصت ف عينيه . انا اعمل لدي اكبر منظمة للمافيا الايطاليه ..
فهد : بتمثيل الصدمه وفتح عينيه على الاخر . ومردش عليها .
جيسيكا : اسمع سفيان . انا ارى فيك انك في المستقبل زعيم عظيم وسيكون لك شأن كبير جدا . انا فكرت جيدا . انت وحيد ف هذا العالم وليس لديك أحد ! فلم لا تبنى لنفسك عالمك الخاص . وتكون انت الرجل الذي يحترمه ويخافه الجميع.
سفيان . انا اعلم مدى الصدمه وانها تبدو ع وجهك الآن . ومن الممكن انك صدمت في جيسيكا . ولكن انت تحتاج لبعض الوقت لتفكر فيما قولته لك . ولكن احذر منى سفيان انا ف عملى لا ارحم الخائن . ونسيت اقول لك شيأ مهما . إن الشرطه الايطاليه تعرف من هي جيسيكا ابنة كيڤين . والشرطه حاولت معى مرارا وتكرارا . وباءت بالفشل . لانهم لايملكون دليل واحد ضد كيڤين . فكر جيدا . وإن وافقت ع تعاونك معي . ستصبح رجلا ثريا جدا . وسيكون لك مثل هذا القصر ف يوم ما . وسندعم بعضنا البعض .
فهد : هز راسه يمين وشمال . واتكلم بزهول . انا لا اصدق هذا . انتى تمزحين معي أليس كذلك !؟
جيسيكا : جابت كاس خمره وبتشرب . جيسيكا لن تكذب ف أمر هكذا سفيان . انا اريد منك إجابة ع سؤالي ولكن فكر جيدا .
فهد : وان رفضت هذا العرض جيسيكا .!؟
جيسيكا : ليس من مصلحتك أن ترفض سفيان .
فهد : امم افهم من هذا انك ستقتلينى أن رفضت بأن أكون زعيما جديدا.؟
جيسيكا : ان كنت اريد قتلك فلن أتردد لحظه ! ولكنك لن تري الضوء مرة أخرى . ستعيش ف مكان غير ايطاليا . وقربت قوي من وشه ستعيش ف المنفى سفيان .
فهد : هز راسه. وحط ايديه ف جيبه . وبما انك اخذتى القرار لما سالتنى عن رائيي جيسيكا ..؟
جيسيكا : انا شرحت لك طبيعية عملى . وقدمت لك عرضا مغريا . وكشفت لك الحقيقه . وتريد انك ترفض . هل تظن انى ساتركك تذهب . اسمع سفيان . انا لن اجبرك ع شئ ولكن فكر جيدا ف الأمر . لماذا ترفض !؟ هذا عمل جيد جدا لك صدقنى . اتعلم !؟ بيشوى يتمنى هذه الفرصه ولكنى أراك انت الافضل على الاطلاق . وإن وافقت ع هذا العمل . وراحت فتحت الخزنه . هذا اول راتب لك . وطلعت مبلغ كبير .. وحطته ع المكتب . وقالت هذه هي البدايه فقط . امامك ساعه كامله تفكر وتأتي الي هنا لتخبرنى واتمنى أن تخبرنى بالموافقه . لانى ع عجلة من أمرى . وأمامي ثلاث ايام فقط وسأحصل ع ثروه قوميه . وإن وافقت سأجعلك تتشارك معي حسنا سفيان !؟
فهد : بصلها . وهز راسه انا لا اعلم ماذا اقول . انا حقا ضائع .
جيسيكا : شافت انها قربت تقنعه . ابتسمت ومسكت مبلغ من الدولارات وحطته ف ايده . اذهب الى غرفتك . وفكر جيدا . وانا سانتظرك هنا لتقول لي قرارك النهائى ..اذهب سفيان.
فهد : بص للفلوس وبصلها وكأنه تايه وضايع .واخد منها الفلوس وخرج .
مراد : كلم فهد . اطلع على السلم يافهد ماتطلعش ف الاسانسير .
وفهد : سمع مراد .. وطالع على السلم وساب الاسانسير .
وده طبعا علشان جيسيكا تشوف رد فعل سفيان وأنه متلخبط ..
فهد : دخل الاوضه ..وحط الفلوس ع السرير .
جيسيكا : خرجت بسرعه من المكتب . هيا بيشوى الي غرفة المراقبه لنرى رد فعل سفيان .
مراد : سمعهم . وقال فهد . اعمل الل هاقولك عليه بالظبط . وقول ورايا الل هاقولهولك . لأن جيسيكا راحت ع غرفة المراقبه علشان تشوف رد فعلك لو سامعنى اعمل الاشاره..
فهد : كح مره واحده وسكت . وهيبدء يمثل
جيسيكا : قعدت قدام الجهاز ومتابعه سفيان ..
فهد : قلع جاكيت البدله . وقعد ع طرف السرير جمب الفلوس . وحط راسه بين ايديه. وبعدها قام وقف ورايح جاي ف الاوضه متوتر . ومسك الفلوس ورماها بنرفزه تانى ع السرير . واتكلم . جيسيكا مجنونه . حقا مجنونه اتريد منى هذا . ولكن كيف !!؟
. كيف يعقل هذا . انا لم أتخيل انى اصبح زعيم ف يوم من الايام . ماذا لو كانت جيسيكا تمزح معي . ومسح وشه بايديه يالهي ماذا افعل . ارفض ام أوافق . ولكن جيسيكا لم تكذب علي . انها قالت سأصبح رجل ثري ويخاف منى الجميع . وسيصبح عندي قصر مثل هذا .. ومثل بتوتر . وماذا لو حدث العكس وحدث معى مكروه . وبعدها قال بتفائل لكن جيسيكا قالت ان الشرطه الايطاليه تعرف عنها كل شئ وإلى هذا اليوم لم يجدوا دليل واحد لها . ومسك راسه بايديه اووو تبا لهذا الحظ السيء . ماذا افعل !!؟ . مااااذا افعل !؟ . مين اين اتيتى بي جيسيكا . لم قابلتك .!؟ منذ أن قابلتك وأنا أشعر بانك ستنهي حياتى ف يوم ما . فلتذهبى إلى الجحيم .!!!
اووو يا الهي ماذا افعل . أوفق ام ارفض . ومسك الفلوس تانى وفضل باصص عليها وشويه يبتسم وشويه يمثل التوتر . وبعدها يقوم ويقعد ويتكلم كتير وفضل ع كدا اكتر من ساعه ..
مراد : تمام كدا يافهد . انت انزل بقى وقولها انك قلقان لأن دى اول مره . والكلام هيجيب بعضه ..
فهد : دخل الحمام قبل ما ينزل ..مراد انا ف الحمام .. اسمع انت مااخدتش بالك انها قالت قدامها 3 تيام وتكون معاها ثروه قوميه وهي اكيد تقصد التاج .
مراد : فهد . انت مفكر أن جيسيكا غبيه اوى كدا علشان تقولك ع ميعاد التسليم من اول مره. هي رامتلك الطعم . وقالتلك اطلع علشان تراقبك وتعرف انت هتعمل ايه وهتتصرف ازاى !!؟
فهد : امم تمام . انا هخرج . وخرج واخد الفلوس وخارج من الأوضه ..
جيسيكا : كانت بتشوف وتسمع سفيان . وابتسمت بإعجاب . واندهشت لما قالها مجنونه . ولتذهبى إلى الجحيم . وهزت راسها بتعجب . ولما سمعت ردود أفعاله . أيقنت أن سفيان هو الشخص المناسب للمهمه الجديده . وهتقنعه بالموافقه بأي طريقه .. وقامت لما فهد خرج . وراحت ع المكتب . ومنظره سفيان .
----------------------بقلمى Mariem Nasar
ف الجامعه .
رودي . خارجه من العملى ومرهقه لانها واقفه ع رجليها من الصبح . وجعانه جدااا . وراحت ع الكافتيريا وقعدت . فينك يا ست رينو !؟ . وطلعت فونها . ايه ده !؟ فاروسي اتصل عليا. وابتسمت اكيد وحشته . واتصلت عليه . ورد الو حبيبتي
رودي : ههههه احلى الو دي ولا ايه . عامل ايه يافروستى !؟
فارس : ههههه . انا عامل الحمدلله . وانتى عامله ايه ياقلب فارس .
رودي : انا هلكانه وجعانه وعطشانه ولست على ما يرام ايها الفارس .
فارس : ههههه . لأ لأ ماينفعش تكوني مرات الفارس وتبقى لست على ما يرام ياقلبى .
رودي : شهقت بفرحه . هيييه . هتعمل ايه بقى قول قول اكيد هتعزمنى ع الغدا صح . قوووول ..
فارس : يابت ابلعى ريقك . حاضر ياحبيبتي زي ما تحبى لكن كنت بفكر نتغدي مع طارق ورنا . والساعه 6 نخرج ونروح السينما ونتعشا بره ونرجع ف السهره بما انك بكره معندكيش محاضرات ..
رودي : يااااه حلو اوى اوى كدا . خلاص اشطا يابرنس .
فارس : هههههه انا ف السفاره يارودي المجنونه . ههههه .
رودي : برنس السفاره أقسم بالله . هو ف حد ف حلاوتك كدا يخربيت طعامتك .
فارس : هههههههه . انتى لازم تاكلى اى حاجه انتى لما بتجوعي بتهرب منك ههههه شوفتى اتعلمت منك شوية حجات اهو .
رودي : هههههههه ولسه يابنى انا هخليك تدخل ع السفاره كدا . وتصبح عليهم اصتباحه لوز اللوز . المعلم فارس السيوفى وصل هههه.
فارس : ايوه ايوه هو ده الل ناقص المعلم فارس . المهم يارودي انتى قدامك قد ايه وترجعى ع البيت !؟
رودي : والله ياحبيبى انا لسه مخلصه عملى حالا وقاعده ف الكافتيريا مستنيه رينو لما تخلص شكلها عملى هي كمان .
فارس : اوكي ياروحي . لما تخرجي من الجامعه رني عليا وطمنينى عليكى .
رودي : بسعاده حاضر ياحبيبى . خلى بالك من نفسك يافروستى ..
فارس : وانتى كمان ياروحي . وقفلو .
رينو : خلصت وراحت ع الكافتيريا . مساء الخير يارودي . وقعدت بتعب .
رودي : مساء الفل ياموزتى . مالك كدا .؟
رينو : هموت وانام . انا منمتش من امبارح . وكان علينا امتحان انهردا . وحتة يوم يعنى الحمدلله ..
رودي : ومنمتيش ليه بقى !؟
رينو : بصت بعيد . وقالت بزعل . ابدا كنت براجع . احم . مش بقولك عندي امتحان .!!
رودي : اممم عليا يابت . دا انتى عينيكي دمعت اهي . رينو هو فهد ماتصلش خالص .!؟
رينو : غمضت عينيها. وهزت راسها بلاء . ودموعها نزلت . لأ يارودي فهد متصلش .
رودي : بزعل .. حبيبتي إن شاء الله ربنا هيطمنك عليه هو واخوكي. هو بس تلاقيه مشغول غصب عنه . ربنا معاهم ..
رينو : هزت راسها اللهم آمين يارب . وقامت . يلا علشان نروح .
رودي : قامت . يلا بينا . وفكي كدا . هااا. وماشيين جمب بعض . وقالتلها بقولك ايه . فارس هاياخدنى انهاردة ونروح السينما ماتيجي معانا . واهو تغيري جو ..
رينو : بحزن كبير .. لا ميرسي يارودي انا بس تعبانه علشان مانمتش كويس . لما انام هاقوم كويسه . ومسحت دموعها ..
رودي : علشان تضحكها . حاوطت أيدها ع كتفها . موزتى ومزة الجامعه عليا الطلاق بت جامده انتى وابوكي وامك ههههههههه .
رينو : بصت ل رودي بدهشه . وغصب عنها ضحكت . رودي انتى مجنونه .. هههههه
رودي : بتغنى .. وجناني ده عين العقل)
العقل ده داء بيعييّ وجناني ده شئ مش سهل
تقدر تتجنن زيي
أنا أحب أسهر للصبح وعمري يا عمري ما روح بدري مخلوق رافض للنصح !! والعمر بقيسه بسهري وبصاحب كل الخلق .. البيه صاحبي والفقري وأتعشى في باب الخلق وأفطر ع البحر في بحري
أجي أتغدى ما لقييييييش، ملعنش الأزمات
هههههههههههه مش حافظه الباقى هههههههه
رينو : بدهشه . بتسمعها وبتضحك ع جنونها هههههههه لأ لأ . انتى مش معقوله . انتى رهيبه جدا . ههههه .
رودي : رايحين ع العربيه .. ههههه امسكي الخشب يما . الحجات دي بتتنظر هههههه .
رينو : ههههه بصت حواليها . مفيش اى خشب هنا .
رودي : ابقي امسكي البت چود . البت بتاكل ومش باين عليها .
رينو : قولي ماشاء الله يابنتى . وانا واثقه انك بتاكلى اكلها .. وركبو العربيه ..
رودي : هههههه مش قوى يعنى ربنا يخليكي لينا بقى هههههههههههه .
رينو : صكت ع أسنانها بغيظ . روووودي . انتى لسه بتاكلى السيريلاك الل باجيبه علشان چود .
رودي : شغلت العربيه واتحركت . اعمل ايه بس . دا انا وطاروق بنموت ف السيريلاك هههههههههههه . بناكلو من ورا رانوش هههه
رينو : شهقت . هييييه . وكشرت عينيها . بت طفسه . طيب ايه رايك بقى لما اجيبلها تانى انا هسلمو ل ررنا ف ايديها . بت طفسه بجد .
رودي : اعملى حسابى انا وطاروق حبيب قلبى ف علبه كبيره هههههه .. ومشيو ..
معتز واقف من فتره وعينيه ع رينو لحد ما ركبت العربيه ومشيت ..
وليد ؛ جه من وراه . خلاص مشيو .
معتز : انتبه ولف وشاف وليد . وليد !! وسلم عليه . احم حمدلله على السلامه . جيت من السفر امتى .
وليد : بيولع سيجاره . الله يسلمك يا كوتش . انا لسه واصل امبارح بليل . ويدوبك صحيت من النوم وجيتلك ع هنا ع طول .
معتز : امم نورت مصر . انت تروح تتغدى معانا بقى خالتك هتفرح اوي ..
وليد : ومالو وانا وحشنى اكلها . المهم قولى هي مين فيهم !؟
معتز : بعدم فهم . مش فاهم . مين فيهم ايه؟
وليد : الل عينك عليهم من ساعة ما كانو قاعدين ف الكافتيريا . لحد ماركبو العربيه . بس أن جيت للحق الل 2 موووزز . انهي واحده الل لابسه حجاب ولا نقاب .
معتز : بلخبطه . اه . ها . لا لا مفيش حد منهم دول طلاب عاديين يعنى .
وليد : ميزو عليا بردو . انت ناسي اني مخابرات ولا ايه . انا واقف ومتابع نظراتك وعينك هتطلع عليها . بس انا مقدرتش احدد أنهى واحده فيهم . وبعدين ما انت قايلى انك بتحب بنت هنا ف الكليه . ولما تخلص اخر سنه هتتقدملها . ها قولى بقى أنهى واحده هتخبى على اخوك !؟
معتز : اتنهد بزعل . المنقبه . ...
.
وليد : بعدم فهم . المنقبه !!؟ طيب ودي حبيت فيها ايه . قصدى يعنى هي لبسها شيك وباين عليها انها حلوه بس انت حبيتها ازاى وانت شوفتها علشان تحبها .!؟
معتز : هي لبست النقاب قريب لانها !! اتجوزت ياوليد . اتجوزت ومبقاش ينفع .
وليد : امم . اتجوزت .!! طيب يعم فكك كدا وانت مالك شايل طاجن ستك ليه . وبعدين مافيش حاجه اسمها حب. عندك انا مثلا اهو خدنى مثال ..
معتز : لا ياوليد . ريهام بتحبك ووقفت جمبك وحاولت تنقذ الحب ده . بس انت الل مبتحبهاش. انت لو حبتها بجد كنت حافظت عليها مكنتش كل يوم والتانى سهرات ونزوات . وكمان هي سابتك لما انت سبت شغلك ورفضت انك ترجع وتعتذر لمديرك ع المهزله الل انت عملتها ..
وليد : بديق حقيقي . لا يامعتز هي سابتنى علشان خلاص مش هبقى حته تقيله ف المخابرات كانت فخوره بيا الرائد وليد الشامي . دلوقتي خلاص مبقتش رائد ولا حاجه هي اتخلت عنى . وعمري ما هسامحها .وتروح واحده تيجى عشره .
معتز : لحد امتى هتفضل كده . لحد امتى مش هتشوف اخطاءك وتعترف بيها .
.انا بعترف قدامك انى انا غلط . انى ابص ع لارين وهي بقت ست متجوزه غلط . انى افكر فيها غلط . لكن غصب عني . بس بحاول ع قد ما اقدر انى أخرجها من قلبى . انت مشوفتش جوزها لما جه هنا وشافنى واقف معاها . فعلا لايق عليه مخابرات كنت حاسس انه هيقتلنى انا مش قادر انسي نظرته ليا وكأنه بيحزرنى انى ابعد عنها . وهي بنفسها قالتلى أن جوزها رفض انى اتكلم معاها وسط الجامعه. وانا عارف ان ده الصح . وبحاول ابعد . انت كمان حاول ترجع شغلك حاول ترجع ريهام حبيبتك ليك من تانى . حاول تبطل نزواتك دي .
وليد : بيسمعه وبينفخ الدخان . وهز راسه . وبصله لحظه واحده . انت قولت أن جوزها لايق عليه مخابرات !؟ هو شغال ف المخابرات .
معتز : ايوه . لما كان بيجي هنا واشوفه كنت بفتكرك وبزعل عليك .
وليد : هههههه لا متزعلش عليا ..وياترى اسمه ايه بقى . الل اتجوز ست الحسن الل ابن خالتى بيحاول ع قد ما يقدر ههههه.
معتز : هز راسه بيأس من وليد . وقال اسمه الرائد فهد السيوفى ..
وليد : ...فتح عينيه ع الاخر ....!!!!!
----------------------بقلمى Mariem Nasar
ف ايطاليا ..
فهد : نزل ع السلم ومعاه الفلوس . وخبط ع جيسيكا ودخل .
جيسيكا : تقدم سفيان .
فهد : حط الفلوس ع المكتب . وبص ل جيسيكا . وهز راسه انا اعتذر . انا لا استطيع ان اجازف بحياتى هكذا ..
جيسيكا : قامت من ع المكتب . ووقفت قدامه وبتعدل ليه ياقة قميص البدله . لم اكن اعرف انك ضعيف هكذا سفيان .!؟
فهد : نزل ايديها بطريقه لطيفه . لكن من جواه مدايق . وابتسم بتكليف . هذا لم يكن ضعف جيسيكا . انا فقط لم اعتاد على هذا المجال من قبل . وانتى تطلبى منى أن أدخل زعيما للمافيا . هل هذا يعقل !؟.
جيسيكا : بالطبع يعقل . انا لم اولد زعيمه سفيان . انا اقدر قلقك هذا . انا كنت مثلك من قبل ولم اكذب عليك كنت خائفه . ولكن بعد اول تجربه لي احببت هذا المجال وكوني زعيمه ولي سلطه احببت هذا أكثر . وكان كيڤين يدعمنى دائما . وانا الآن سادعمك سفيان . انت فقط اتبعنى ولن تندم.
فهد : نعم جيسيكا كل هذا جميل . ولكن ماذا سيحدث إن لم انجح في هذا المجال !؟
جيسيكا : ابتسمت بنصر . صدقنى لم تفشل قط وانت معي سفيان . وغدا سيصبح اسم سفيان اليكساند يحدث ضجه كبيره جدا ف عالم المافيا . وكل من سيسمعه يدخل الرعب ف قلبه . وبصت ف عينيه وافق سفيان وصدقنى لن تندم ابدا . انا معك !!
فهد : اتنهد . حقا أشعر بالضياع . ولم أقرر بعد.
جيسيكا : اليوم ستذهب معي إلى أهم عميل لدي .
فهد : من جواه عايز يعرف مين العميل ده . وبصلها انتى قررتى نيابة عني !؟
جيسيكا : عزيزي . انت الآن متوتر . ولكن غدا عندما تكون موجود ف وسط عالم المافيا سترى الامر سهلا . اتفقنا . انت الآن مساعدي الشخصي وليس بحارسي حسنا سفيان!؟
فهد : باصص ليها بيمثل انه تايهه ..ومردش عليها .
جيسيكا : اتجرأت وقربت منه . وباسته من خدو اكتر من مره. وافق سفيان . اتفقنا .؟؟
فهد : قبض ع ايديه . وصك ع اسنانه ..
مراد : سمع صوت نفس فهد وفهم أنه مدايق . اهدا يافهد . ووافق واطلع من عندك بسرعه ..
فهد : غمض عينيه . وهز راسه بالموافقه . حسنا ..
جيسيكا : ابتسمت بثقه . حسنا عزيزي . والآن بدل ملابسك لنخرج ف أمر مهم ..
فهد : مردش عليها وخرج . مدايق . وحس انه ف اللحظه دي خاين ل رينو . وعايز يكسر كل حاجه قدامه . وطلع ع السلم بسرعه . ودخل الاوضه . وقلع القميص بخنقه ودخل الحمام وقلع السماعه و الساعه وحطها ع مراية الحوض ..ووقف تحت الدش . وقابض على أيديه . وصور مختلفه بتظهر قدامه رينو وجيسيكا . وضرب الحيطه بايدو .
مراد : سامع صوت الميا . وفهم إن جيسيكا عملت حاجه خلت فهد يغضب .
وبعد : شويه . فهد لبس . ولبس الساعه .
والسماعه وكلم مراد . واتكلم بغضب . انا عايز اكلم لارين يامراد . انا خلاص حاسس انى هكسر كل حاجه هنا ..
مراد : اهدا يافهد . وسيطر ع غضبك .
فهد : بغضب اكبر . اهدا .؟؟ اهدا ايه . انا مبقتش قادر استحمل .
مراد : قام من مكانه . وزعق بصوته كله . فهد احنا مبنلعبش . وانا كمان زيك سايب مراتى وعيالى . وانا قولتلك قبل كدا خلينى انا الل ادخل وسطهم وانت رفضت . انا مقدر الل انت فيه . واكيد جيسيكا عملت حاجه دايقتك. لكن الل حصل ده اكيد غصب عنك . واننا لازم نتعرض لحجات زي دي . والحمدلله أن ربنا معانا وبينقذنا ف كل مره . حاول تسيطر ع غضبك احنا خلاص قربنا .
وسكت .. واتنهد بديق .. اسمع يافهد .. جيسيكا دلوقتى عملت مكالمه من مكتبها . واتصلت ع زعيم العصابه الصينى واسمه تشانغ . وقالتله انها هتروح لعندو دلوقتي تقابله علشان يتفقو ع ميعاد التسليم . وهي اكيد كانت تقصد انها هتاخدك معاها المقابله دي للعميل المهم بالنسبالها . فهد ارجوك لازم تفرق مابين شغلك و عواطفك . اهدا كدا ..
فهد : غمض عينيه . وبيحاول يهدا . واخد نفس عميق . واتنهد بحيره ..
مراد : فهد انت احسن دلوقتي ..
فهد : ماشي يامراد . انا تمام ..
مراد : فهد اسمعنى كويس . انت دلوقتى هتلبس وهتخرج مع جيسيكا . وعايزك تاخد معاك مايك ف المقابله دي . لازم نسمع كل كلمه . وانا واكرم دلوقتي هنمشي وراك علشان مانضمنش ايه الل هيحصل معاك . وخلى بالك أنهم هناك هيفتشوك كويس جدا . يعنى المايك حاول تخفيه . ولو معرفتش . اتصل عليا من فون الساعه وسيب المكالمه مفتوحه وكله هيتسجل تمام يابطل ..
فهد : هدي شويه . تمام يامراد . ومتزعلش مني بنت الكلب دي دايقتنى ..
مراد : اتنهد بأريحيه . معلش يا فهد انا حاسس بيك صدقنى . لكن خلاص هانت . بما إن جيسيكا هتتفق انهردا معناها قربنا خلاص . وربنا معاك .
فهد : ومعاك . خلاص تمام انا هاخد مايك احتياطى . ولو منفعش هتصل عليك ..
مراد : تمام وخلى بالك من نفسك ..
----------------------بقلمى Mariem Nasar
فيلا العدوي ..الساعه ٣
آدم وزين وريتال رجعو من الشركه بدرى و دخلو الفيلا .
مريم : قامت بابتسامتها المعتاده . واستقبلت آدم بكل حب . حمدالله ع سلامتك ياحبيبى.
آدم : ابتسم بحب . وباس جبينها وايدها . الله يسلمك ياروحي . عامله ايه!؟
مريم : الحمد لله بخير طول ما انتو بخير .
زين : سلم عليها وباس جبينها . مريوم وحشتينى عامله ايه !؟
مريم : الحمد لله يازيني حمدالله ع سلامتك ياحبيبى .
ريتال : سلمت عليها حبيبتى ياماما اخبارك ايه . واريان ولي لي اكيد تعبوكي .
وقعدو ف الليفنج ..
مريم : الحمد لله ياروتى . واريان وليليان متعبونيش ولا حاجه . ومريم نونو عامله عليهم الكبيره ههههه .
آدم : اومال فريحه ورينو فين !؟
مريم : فريحه بتغير ل آدم . ورينو لسه جايه من شويه وقالت إنها هتنام .
آدم : اتغدت طيب قبل ما تنام !؟
مريم : ايوه طبعا . ف الاول كانت رافضه . وانا زعلت منها . وقالت هتاكل علشانى . واكلت حاجه بسيطه وطلعت تنام .
آدم : هز راسه . ربنا يهون ويرجعو بالسلامه.
مريم : اللهم امين يارب العالمين . بقولك يا آدم.
آدم : نعم يا روحي .
مريم : انا اتصلت انهردا ع ملك . وعرفت أن جاسر مسافر ف شغل وراجع بكره . وانا قولتلها بما ان جاسر مسافر تيجي تتغدى معانا هي ومالك وساره .
آدم : ابتسم . جميل اوى . ملك وحشانى اوى . ومسك أيدها بحب وباسها . ربنا يخليكى لينا بفضل الله ثم انتى الكل بيتجمع ف الخير بسببك يامريم .
مريم : ابتسمت بسعاده . وبفضل الله ثم انت مريم عايشه ف سعاده وحب كبير .
زين : طيب يعنى الغدا هيتاخر !؟
مريم : ساعه بس يانور عيني انتو جيتو بدرى ..
زين : لا أنا مش جعان اوى . انا هطلع اخد شاور واغير هدومي لانى من الصبح ف المينا تكون عمتو وصلت بالسلامه . وطلع هو وريتال.
آدم : بتفكير . بص لمريم ايه رايك اتصل ع الواد زياد وماليكه . واخوكي حسام . يجيو يتغدو معانا وتبقى سهره حلوه .
مريم : بفرحه . بجد ياريت ياحبيبى .
آدم : اهو علشان الفرحه الل ف عينيكى دى . هتصل كمان ع مصطفى واشرف . يلا انشاله ماحد حوش ..
مريم : بفرحه كبيره . ههههه . الله هيبقى يوم جميل اوي. وكمان محمد ونور .و رنا وطارق .
آدم : ههههههههه . ده لازم طارق قبل الكل . ده لو عرف هيقولى انت مبقتش تحبنى ههههه عيل فقر .
مريم : ههههه ربنا مايحرمكوش من بعض . انا هاقوم أخلى زينب تزود الغدا . واهو لسه بدرى . وقامت وهي مبسوطه
آدم : اتصل ع الكل وصمم أنهم يتجمعو . ع الغدا المفاجئ . ويقضو وقت مع العيله . والكل وافق بتصميم من آدم ..
فريحه : غيرت ل آدم . ونام ف حضنها ع السرير .
فريحه : بتفكر ف مرادها ودموعها نازله بوجع واشتياق كبير . وقامت . وجابت البوم صور فرحهم وبتتفرج عليه بدموع . وحشتنى اوى يامرادي .انت فين كل ده . ياترى انت كويس . يارب تكون كويس يامراد . وعيطت بشهقات ارجوك طمن قلبى واتصل . اتصل اسمع صوتك واقفل بعدها . مراد انا هتجنن من غيرك . كلمنى دقيقه واحده بس فرح قلبى يامراد ارجوك . واخدت الالبوم وضمته لقلبها وبتعيط بوجع يااارب . يارب رجعلى جوزي لحضنى يارب رجعلى جوزي واخويا بالسلامه يارب .
بعد فتره
رينو : ف اوضتها مش عارفه تنام . نامت حوالى ساعتين وصحيت . من التفكير ف الفهد ودموعها نازله . واتعدلت وحضنت ركبها . وجواها متلخبط . جواها اشتياق كبير لفهد . وجواها زعل اكبر منه . وحاسه انها وحيده . وعايزه اي حد يطمنها عليه . وشويه تحس انها مخنوقه اوي من فهد . وشويه تحس انها مش قادره تتنفس من غيرو . عايشه ف حيره . جواها صراع مابين الاشتياق والزعل . نفسها تشوفه .نفسها تسمع صوت فهد لكن من بعيد . وحطت راسها ع ركبها بانكسار . واتنهدت بوجع كبير . وسمعت آذان المغرب . واستغفرت ربنا وقامت بتعب دخلت الحمام واتوضت وبتصلي المغرب وبتدعي بشهقات ف السجود انه يحفظ فهد من كل شر . ويرجعلها جوزها وأخوها بالسلامه . وخلصت صلاه . ولسه قاعده ع السجاده وبتسبح . والباب خبط . وقال من ع الباب . ادخل يارينو!؟
رينو : مسحت دموعها. تيمو !؟ وابتسمت بحب تيمو حبيبي ادخل يقلبى ؛
تيم : خبط الاول زي ما مريم قالتله لازم نخبط الاول ونستاذن .. وفتح الباب ودخل .وشافها قاعده ع السجاده وجري عليها رينو حبيبتى .
رينو : ضحكة تيم وحبه ليها كفيله ترسم الضحكه ع وشها . واخدته ف حضنها . وقعدت ع الأرض . ونيمته ع حجرها . تيمو قلبى وباسته . انت جيت أمتي !؟
تيم : بيلعب ف طرحة الاسدال . جينا دلوقتي انا ومحمد ونورى وتمارا . وشهق واتعدل . رينو الناس كلها تحت !!!
رينو : بعدم فهم . ناس !؟ ناس مين ياتيمو !؟
تيم : بيعد ع صوابع ايده . جدو مصطفى. وناناه شيرين .وبابا طارق وبابا اشرف وبابا حسام وعمو زياد وعمو يوسف وعمو مالك . وكريم ومصطفى الصغير وياسين وأسر وچود
وهرش ف دماغه بلخبطه . وكلهم كلهم .
رينو : هههههههه . شكلك حلو اوى ياتيمو وانت بتعد ع صوابع ايدك ومتلخبط كدا وباسته . وقالتله طيب متعرفش الكل تحت ليه !؟
تيم : هز راسه لاء . بس محمد قال تعالى البس ياتيمو علشان بابا آدم عزمنا كلنا ع الغدا .
رينو : اممم . يعنى بابى عزم العيله ع الغدا . واتنهدت فكره جميله العيله من زمان متجمعتش كدا .
تيم : يلا بقى تعالى انزلى علشان عايز العب مع كريم ومريم . وبص ع بطنها هو مفيش عندك بلونه كبيره زي نرمين ليه !؟
رينو : ضحكت من قلبها . ههههههههه بلونه !؟ لا لسه بدرى ع البلونه .لسه النونو صغنتته اوى
بس عارف انا هتوحم عليك علشان النونو تطلع حلوه شبهك .
تيم : خبط ايدو ع جبهته بنفاذ صبر . اوووف يارينو . انتى كمان عايزه عمليه كبيره زي نرمين . قوووومي بقى .
رينو : شدته ع حجرها . انت ياواد طالع عسل كدا لمين . وفضلت تبوس فيه كتير .
تيم : اوووف يارينو كفايه تيمو وشه وجعه .
رينو : ههههه كفايه كده عليك دلوقتي .
تيم : قام قومي بقى علشان ننزل .
رينو : حاضر ياسي تيمو حاضر . والباب خبط
تيم : فتح . وكان اريان ومريم نونو ولي لي وتمارا . وكلهم طالعين لرينو وتيم . وجريو ع رينو . وسلمو عليها .
رينو : بسعاده سلمت عليهم كلهم . وطلعت للبنات شوكليت . وللولاد بسكويت .
مريم : تيم تعالى نلعب باللعب بتاعتى .
تيم : لا يامريم انا راجل مش بلعب بالعروسه .
مريم : عارفه مش تلعب بالعروسه بابا آدم جابلى مكعبات تعالى نلعب كلنا .
تيم : هز راسه انا بحب المكعبات ماشي هنلعب كلنا .
كلهم : سقفو هيييه .هيييه .
رينو : واقفه ومربعه ايديها . وبتضحك عليهم.
تيم : بص ل رينو انا هنزل بقى وانتى انزلى .
رينو : ماشي ياحبيبى انا هلبس وانزل .
الاطفال نزلت تحت تلعب مع باقى اطفال العيله .ف اوضه كبيره آدم مخصصها للأطفال وفيها لعب كتير بناءا على طلب من مريم . والعيال يكونو تحت ومعاهم ..
رينو : لبست ونزلت . وكانت العيله كلها تحت .وسلمت ع الكل . وقعدت مع البنات . نور وماليكه ومريم وساره وفريحه وريتال ..
وآدم ومريم قاعدين مع باقى العيله . والغدا بيجهز . ومريم سألت رنا ع رودي وفارس . قالتها خرجو مع بعض .. وكان جو جميل جدا والعيله متجمعه .
الحلقه 23 ج 2
#رواية_جريمة_عشق3
(عشق الفهد)
بسم الله نبدأ
ف ايطاليا .
جيسيكا وفهد خرجو مع فريق كبير من الحراسه . وراحو فيلا كبيره جدا . وعليها حرس كتير جدا وكلاب بوليسيه . وفتشو جيسيكا وفهد ودخلو الفيلا . والحرس وقفو مع حرس الفيلا .
ومراد : واكرم . بيراقبو فهد من بعيد ف العربيه . ولكن بحذر شديد جدا . ومعاهم اللاب توب والأجهزة الل محتاجينها . وقاعدين يسمعو كل حاجه ..
فهد : طبعا مربى شعرو .وقبل مايتفتش . خبى المايك ف شعرو من الخلف والمايك مفتوح. وكمان مخبى سلاح أبيض ف كم قميص البدله وف الجزمه . ودخل مع جيسيكا. الل فهمتو أن زعيم العصابه الصينى ده ليه عندها ثروه قوميه كبيره . وقالتله يسمع ويفهم وميتكلمش لأن ده بداية طريق نجاح سفيان ..
. وفهد للتأكيد . اتصل ع مراد من الساعه وساب الخط مفتوح . ومراد عمل كتم صوت للمكالمه علشان لو حصل اى صوت عند مراد محدش يسمعه ..
جيسيكا : دخلت ع زعيم العصابه وسلمت عليه . هاي تشانج .
تشانج : شاف قدامه بنت جميله وصغيره ومن الواضح أنها متدربه كويس اوى . وهز راسه بإعجاب . هاي جيسيكا .. لطالما سمعت عنك كثيرا . انتى اجمل من الصور بكثير ..
جيسيكا : ضحكت . اجل انا اعلم ذلك .. اقدم لك . سفيان اليكساند .مساعدي الخاص .
تشانج : بص ع فهد . اممم أنه قوي البنيه ومن الواضح عليه أنه يمتلك الشغف ف العمل أليس كذلك جيسيكا .
جيسيكا : بإعجاب ل سفيان . اجل هو أكثر من مما تظن . انه انقذنى من عدة رجال مسلحين مجهولين . وقادر ع حمايتى ف اى وقت .
تشانج : هههه اوو لقد جعلتنى اعجب به حقا . وشاور لفهد يقعد ..
فهد : قعد جمب جيسيكا علشان الصوت يوصل لمراد كويس .
تشانغ : حسنآ دعينا نتكلم ونتفق . ولكن قبل كل هذا . انتى تثقى ف سفيان وتريدى أن نتكلم أمامه ..
فهد : بتمثيل قام . حسنا سانتظرك ف الخارج سيدتى .
جيسيكا : فرحت اوي لما سفيان حققلها حلمها وقالها سيدتى . وقالت بابتسامه . اجلس بجانبى سفيان . وبصت ل تشانج . لم يولد بعد الذي يسأل جيسيكا هل تثق ام لا . تكلم وقول ما عندك . لانى ع عجلة من أمري ..
تشانج : ههههههه علي رسلك جيسيكا . لم كل هذا الغضب . انا لابد أن أكون حذر . انتى تعلمين خطورة هذه الصفقة أليس كذلك !؟ وكل نظراته ليها جريئه . وفهد لاحظ ده ..
جيسيكا : لا عليك . هل اتيت بالتاج إلى هذا المنزل !؟
تشانج : بالتأكيد لا !! التاج الملكي يوجد ف مكان آخر . وساقدمه لك ف وقت التسليم . انا آخذ الميكروفيلم وانتى تأخذي التاج .
جيسيكا : اممم حسنا فلنتفق إذن ما الوقت الذي يناسبك .لتستلم الميكروفيلم !؟
تشانج : عزيزتى تشانج مستعد ف اي وقت !!
جيسيكا : بعد اسبوع من اليوم هل هذا جيد !؟
تشانج : جيد جداً . ولكن اين !؟
جيسيكا : ف البحر . سأعطيك العنوان جيدا. لتستقل اليخت انت والحرس . وانا سانتظرك ع الشاطئ وعندها ساستقل اليخت انا وسفيان والحرس الخاص . وسيتم التسلم حينها . اتفقنا !؟.
تشانغ : بإعجاب . واو في البحر وعلى اليخت كم احببت هذا جدا . حسنا اتفقنا بعد غد ف اليخت ..
جيسيكا . قامت حسنا . ساخبرك غدا ف اي وقت يتم التسليم .
تشانغ : بنظرات جريئه .. اوكي جيسيكا سانتظر مكالمتك ع عجل .
جيسيكا : فهمت نيته . ع الرحب والسعه سيد تشانغ . والآن عليا العوده الى القصر .
وخرجت من القصر . وفهد ماشي جمبها . والكل اتحرك وخرج من الفيلا .
فهد : ركب العربيه . وجيسيكا جمبه . وبص ليها واتكلم بتمثيل من هذا الوقح !؟
جيسيكا : هههههه اهدأ قليلا . أنه عملى .
فهد : عملك !؟ انه وقح ولماذا لم تتركينى القنه درسا قاسيا ولما امسكتى يدي وقومتى بالرفض بأن ابرحه ضربا ..
جيسيكا : علي رسلك سفيان . وما الذي أثار غضبك هكذا . انا لم أري اي مشكله . انه معجب بي . ولأجل هذه الصفقه فلياخذ منى مايريد انا لا اكترث لهذا ولا أمانع هذا سيكون وقت ممتع لجيسيكا وتشانغ !!
فهد : بصلها بصدمه حقيقيه . وسكت ومردش . وشغل العربيه واتحرك ..وسرح ف معشوقته الصغيره .وافتكر لما باسها وهي حبيبته عاقبته وبعدو عن بعض ٤سنين . واتنهد باشتياق كبير وقال جواه . وحشتينى .. وحشتينى اوى يارينو . وفاق ع صوت جيسيكا.
جيسيكا : ولكن سفيان . انت إلى هذا الوقت لم تسالني عن هذه الصفقه وما هذا التاج الملكي وماهو الميكروفيلم . اراك لا تكترث.
فهد : سايق . وركن العربيه ع جمب وبصلها . انتى طلبتى منى أن استمع للحديث فقط ولم اتكلم . وهذا ما أفعله . ولكن للحقيقه يوجد عندى بعض الفضول ل اعرف ماهو التاج وما أهميته لكي !؟ وما ذاك الميكروفيلم وع ماذا يحتوى !؟ ولكن قولت لنفسي لا تسألها عن كل هذا . لانك ستدخل نفسك ف دائرة الشك لدي جيسيكا . هههههههه . وقولت أيضا سترسل بيشوى لياتى بجهاز كشف الكذب مرة أخرى ههههههه وتأخذ منى اجوبه ع اسئله انا لم يكن لدي اي جواب لها . ولهذا اكتفيت بالصمت .
جيسيكا : تحرك بالسياره . ف انا اريد ان أخبر كيڤين بما حدث .. وبصتله انا ع أتم الاستعداد لاخبرك بكل شئ سفيان ولكن بشرط واحد فقط ..
فهد : ساق العربيه . وبلع ريقه بتوتر . وخاف لتطلب منه إختبار زي الل قبله . وقال احم . وما هو هذا الشرط جيسيكا !!!؟
جيسيكا : سنذهب انا وانت الليله للديسكو ..
----------------------بقلمى Mariem Nasar
معتز بعد الجامعه. اخد وليد وطلعو ع البيت عند معتز . ولاحظ شرود وليد كل شويه. واستغرب . لكن معلقش . وبعد الغدا . معتز اخد وليد وقعدو ف اوضتة.
معتز قعد ع السرير وفاتح اللاب توب .
وليد : قاعد ع مكتب معتز وسرحان ..
معتز : بص لوليد . اله . انا عايز اعرف مالك من ساعة ماخرجنا من الجامعه . وجينا هنا وانت سرحان تتكلم كلمه وعشره لاء . ده حتى خالتك ع الغدا قالت لأ ده مش وليد ابدا . ممكن اعرف مالك كدا مش عوايدك ابدا !؟..
وليد : بيحرك كوباية الميا . وبص ل معتز . ياعم مفيش حاجه انا كويس . انا هاقوم اروح .
معتز : قام . لا تروح فين. الساعه لسه مجتش 8 انا هعمل 2 قهوه دبل كدا ونشربهم مع بعض لانى حاسس ان دماغى هتنفجر من الصداع . ومتقولش لا تمام !؟.
وليد : هز راسه . ماشي ..
معتز : خرج من الاوضه وقفل الباب وراه ..
وليد : قاعد ع مكتب معتز وماسك كوباية الميا بيحركها وسرحان . ورجع بتفكيرو لما كان شغال ف الجهاز . وطلع مهمه وكانت تهريب دولارات . ولما مسك العصابه . اخد جزء من الدولارات لحسابه وحطهم ف العربيه . ومراد وفهد شافوه . وراحو لحد عنده واتكلمو معاه ونصحوه . مراد قاله أن كدا مينفعش وفهد قاله انت كدا متفرقش عن العصابه حاجه . وإنت كدا بتخون شغلك . وقبل شغلك ده حرام . ومراد قاله انا وفهد مش هنقول لحد ف الجهاز عن الل شوفناه . وياريت تكون اخر مره . لازم تكون قدوه لتلاميذك الل بتدربهم ومراد فتح باب العربيه واخد الفلوس وسلمها هو وفهد للجهاز بإسم وليد الشامي .. وده غاظ وليد جدا
وافتكر المهمه التانيه وكانت قبض ع شبكة اداب كبيره جدا . وكان فهد معاه في المهمه دي . وقبضو عليهم. ووليد شاف بنت ف الشقه وشاف لبسها . وأعجب بيها وبشكلها . وقالها انه هيسيبها تروح . وقرب منها وعطاها رقمه الخاص وادلها ميعاد تروحله شقته . والبنت وافقت وفرحت ..وخرجت بسرعه لكن فهد متابع الحوار ومسك البنت وسلمها للقوه . وراح لوليد . وزعق لوليد بصوت عالى. إن الل بيعمله ده غلط. وتصرفاته كلها غلط . وإن انا ومراد سبنالك اكتر من فرصه لكن انت مصمم يمشي في الغلط . وإن كنت شايف ان البنت اللي عجبتك دي معملتش حاجه غلط. فخلاص نفرج عن باقى البنات بما أن ده هيرضيك ياسيادة الرائد وليد . وكلمه بتحذير . انه ميحاولش يستخدم نفوذه ف الشغل لمصلحته الشخصيه
وفهد سابه ف الشقه ونزل وسلم البنات من غير وليد . ووليد شاط من الغضب . وكرهه لفهد ومراد بيزيد عن اليوم الل قبله .. ودلوقتي عرف ان البنت الل بيحبها معتز ابن خالته . تبقى مرات عدوه اللدود . وقال جواه فرصه وجتلك ياليدو . وفاق ع صوت معتز وهو داخل بالقهوه ..
معتز : اتفضل يا سيدى فنجال قهوه يستاهل دماغك . حط القهوه ع المكتب .
وليد : اخد القهوه . تسلم ياميزو . وقعدو بيتكلمو مع بعض. ووليد قال ف وسط الكلام . احم . انما انت قولت الل اسمها لارين دي متجوزه من رائد ف المخابرات ..
معتز : اتنهد بتعب. انت مصمم انك تخلينى ع طول مدايق . ايوه يسيدى قولتلك رائد ف المخابرات واسمه فهد السيوفى .
وليد : غريبه . طيب وده شافها فين ؟
معتز : ايه الغريب ف كدا . انا عرفت أنه قريبها . وكمان ليها اخ رائد ف المخابرات .
وليد : بعدم فهم . امم يعنى قرايب . وأخوها كمان مخابرات . متعرفش اسمه ايه !؟.
معتز : لأ معرفش . بس اكيد انت تعرفه بما انك كنت مخابرات .
وليد : وهعرفه ازاى من معرف اسمه ولا كنية عيلته .
معتز : أخته اسمها لارين العدوي . دي كنيتها.
وليد : فتح عينيه ع الاخر . وقال بهمس . امم لارين العدوي . وفهد السيوفى . تبقى اخت مراد العدوي . وابتسم بخبث وهو بيشرب القهوه . وجه الوقت اني أخلى راسكو انتو الاتنين ف الارض . وخلو المثاليه تنفعكو .. ههه
معتز : الووو انت يبنى مش طبيعي انهردا ..
وليد : بقولك ايه ياميزو . انت بتحب لارين دي مش كدا !؟
معتز. : بصله بديق حقيقي . يعم ماخلاص بقى قولنا اتجوزت . وانا بحاول انساها . فكك بقى .
وليد : ابتسم .بخبث . تؤ تؤ . انا ممكن اخليك قبل ما تنساها تعيش معاها ليله ولا الف ليله وليله ..
معتز : ساب الفنجال من ايدو ف الصنيه . وقام بغضب وصوت عالى . انت اكيد اتجننت . انت فعلا مش طبيعي . انت ازاى تفكر انى ممكن افكر في حاجه زى دي !؟
وليد : قام من مكانه و لف حوالين معتز . بسوسوة ابليس . اهدا كدا بس وافهمنى . انا عايزك تقضي وقت حلو معاها ليه !؟ وعايزك تملى عينك منها وتعيش ليله واحده معاها ليه!؟. دلوقتي انت بتحب لارين دي من سنين . وديما كنت بتقولى انك مش عارف تعيش من غيرها . وكنت هتتجوزها أول ماتخلص جامعتها . وكانت هتبقى ملكك انت وبس . ملك معتز وبس مش حد تانى . وهمس بخبث.تخيل كدا وهي ملكك انت . بتخرج معاك قاعده لوحدها معاك . وكمان لما تبقو ف اوضة النو...ومكملش
معتز : بغضب وقطع كلامه و شاورله بايدو .واتكلم بتحذير . اياك تكمل ياوليد اياك !!!. انا فعلا حبيت لارين واتمنتها انها تكون مراتى . وف الاول والأخير كله شئ قسمه ونصيب . لارين العدوي بنت بميت راجل . ومحترمه فوق الوصف . وانا بحترم حبها لجوزها . وبحترم احترامها ليه حتى ف غيابه . ورفضها انى بس اكلمها وسط الجامعه .دايقنى لكن لما فكرت اكتشفت انها بنت نادره الوجود . ووفيه لاقصي درجه . لارين مميزه . وبص ل وليد انا لو خيرونى انى اعيش مع لارين ليله واحده ف الحرام . ولا اموت . هفضل الموت ع انى ف يوم اعمل حاجه زي دي ومع واحده متجوزه . انت ازاى فكرت في حاجه زى دي !؟ ازاى تخيلت أنى انزل للقذاره دي !؟ وليد !! اتفضل ارجع ع بيتك انت شكلك مجهد وتعبان . وياريت اسم لارين يتنسي تماما . لانى من اللحظه دي وبفضلك انت انا خرجتها من قلبى وحياتى للأبد . وبص بعيد .. اتفضل لان ف امتحانات وعايز اصححها .
وليد : بغيظ . بتطردنى يامعتز . تمام اوى . ماشي يامعتز . ماااشي . واخد مفاتيحه وخرج .وف قمة غيظه.
معتز : قعد ع طرف السرير وحط راسه بين ايديه . واتنهد بتعب . ومش مصدق ان صاحب عمره يقترح عليه اقتراح ذي ده ..
عند آدم ..
الكل اتغدى . الشباب مع بعض والبنات مع بعض . وبعد الغدا . كلهم قعدو ف الليفنج مع بعض . ومريم قاعده جمب اختها شرين ورنا . وآدم قاعد جمب أخته ملك .ونور . وطارق قاعد جمب فريحه وشايل چود ع رجله .
ورينو قاعده جمب مريم عزيز وماليكه . وباقى العيله قاعدين جمب بعض يهزرو ويضحكو . وكان وقت جميل جدا . وآدم كان مبسوط باللمه الحلوه دي . لانه شاف الضحكه رجعت من تانى ع وش فريحه ورينو . والأهم من كل ده شاف اميرته مبسوطه ..
ف ايطاليا ..
جيسيكا : طلبت من فهد انها هتحكيله كل حاجه . وبعدها يروحو الديسكو مع بعض ..
مراد : ف سماعة الودن قال لفهد . فرصه حلوه اوى انى اقابلك هناك وافق يافهد .
فهد : ابتسم بتكليف . ووافق .
ولما جت الساعه 11 مساءا . جيسيكا خبطت ع فهد ودخلت . هاي سفيان . الم تجهز بعد!؟
فهد : قاعد ع الكنبه . نعم أنا جاهز . لكن انتى لم تقولى لي شئ قط . انا وافقتك ع الشرط .بشرط انكى ستقولى لي كل شئ . ولكن لا يهم . هل انتى جاهزه !؟ لنذهب إذن.
جيسيكا : ابتسمت وقعدت جمبه . وحطت أيدها ع كتفه وقربت منه اوى . لماذا تغضب دائما سفيان .
فهد : اتوتر بديق . وخاف انها تختبره . احم . انا لا اغضب . انا اتحدث فقط وكنت أذكرك عما حدث من قبل لا اكثر ..
جيسيكا : بتلعب فى زورار القميص .حسنا عزيزى .انا ساقول لك كل شئ ..
فهد : بغيظ مكبت . إن كنتى لا تريدي التحدث لا عليكى انا لا اكترث لهذا .
جيسيكا : قربت اكتر من فهد . وعايزه تقرب منه .. لا عزيزى انا اريد ان اخبرك بكل شئ انت مساعدى الخاص . اليس كذلك ..
فهد : ابتسم .وعلا صوته بمرح وهي انتبهت. اجل انا مساعدك الشخصى . وبهذه المناسه سنحتفل ونذهب إلى الديسكو وسنقضي وقتا ممتعا .
جيسيكا : بإعجاب .اوو اري انك سعيد للغايه سفيان ..
فهد : شال ايديها بطريقه لطيفه . نعم جيسيكا بفضلك انتى سيصبح لدي قصر كبير وساصبح ثريا . وبصلها هل تحدثتى مع كيڤين بخصوص هذا التشانغ الوقح ومثل أنه ادايق لما قال اسم تشانغ !!
جيسيكا : هههههه . نعم تحدثت مع كيڤين . وقال لي افعلى ما ترينه صوابا . انا لم أكثرت سفيان . فلياخذ منى تشانغ ما يريد . ساحقق له أمنيته . انا حلم جميل لأى أحد يعرفنى سفيان . ولا أرى انى ساخسر شيئا ...
فهد : من جواه مزهول . ابوها كمان موافق ..ومط شفايفه . اممم نعم انتى محقه.
يبدو أن هذا التاج والميكروفيلم أمرهم مهم إلى أن تجاذفى هذه المجازفه الكبيره .
جيسيكا : هههه سفيان . هذه ليست مجازفه هذا أمر عادي جدا . هو اعجب بي فلم لا نقضي وقتا ممتعا معا . والآن دعك من كل هذا . دعنى اخبرك بكل شيء عن هذه الصفقه قبل أن نذهب للديسكو . تعال واجلس .
فهد : قعد ع التربيزه قدامها علشان متحاولش تقرب منه . نعم تحدثي جيسيكا .
جيسيكا : حكتله عن طبيعة شغلها . وانها حصلت ع الميكروفيلم . وفيه اسرار كبيره لبلاد عربيه و عرضت الميكروفيلم ده ع زعيم تنظيم مافيا كبير جدا من أخطر اخطر رجال العالم وموجود ف الصين وهو تشانغ. مقابل (تاج ملكي آثري) مصنوع كاملاً بالزمرد واللؤلؤ النادر جدا . وتمنه حاليا معدى ملايين الدولارات . موجود ف المتحف . وجيسيكا قالتله الميكروفيلم قصاد التاج . والزعيم وافق وجاب التاج ع ايطاليا . وبعد ما تسلم الميكروفيلم لتشانغ . وتاخد التاج . هتبيعه لتجار بيهربو الآثار بملايين الدولارات لحسابها . وقالت إن كيڤين طلب منها أن التسليم يكون بالنهار . ع اساس كأنهم ف جوله سياحيه في البحر ع اليخت . وقالتله انها اتصلت ع تشانغ . وبلغته ان ميعاد التسليم بعد اسبوع ف وضح النهار . وتشانغ وافق وطلبها انها تسهر معاه بكره علشان يقضو وقت مع بعض . وهي وافقت ..
مراد : واكرم طبعا سامعين كل ده .
فهد : بيسمعها . ومثل الدهشه . اوو حقا هذا أمر لا يصدق . إن تشانغ هذا بارع جدا . لقد سرق التاج من المتحف .ولم ينكشف أمره . هذا مذهل ورائع حقا . وانتى جيسيكا . انتى قويه جدا للغايه . انتى تتعاملين مع اخطر الرجال ولا تخافى . وسقف بايديه . واو جيسيكا . واو انتى المرأة الحديديه ..
جيسيكا : ههههه . عزيزى . وقالت بابتسامه وهمس ف ودنه وانت بطلى الخارق .
فهد : قرب من مرحلة الغليان . وقام . وبص ف الساعه . وقالها الساعه الثانية عشرة صباحا .
جيسيكا : هيا علينا الذهاب للديسكو ولنحتفل . انا اريدك الليله سفيان .
فهد : بصلها بقلق . لكن بعد ماسمع مراد ابتسم وقالها ستكون ليله مميزه عزيزتى .. هيا بنا ..
رواحكو ع الديسكو . وجيسيكا اخدت فهد عند البار . وطلبت خمره ليها ولسفيان .
الجرسون حط الكأس قدام فهد وجيسيكا .
جيسيكا : بتشرب وهي بترقص ع الميوزك وبتتفرج .وفهد مش عارف يعمل ايه . وبص ف الساعه ونفخ . اتاخرت ليه يازفت .
مراد : واقف جمبه ومتنكر . انا زفت يابن المستخبى . وبدل الكاس بتاع فهد بكاس عصير . اشرب اشرب . يابتاع جيسي هههه.
فهد : اتنهد بأريحيه. ومسك الكاس وبيشرب قدام جيسيكا .
فهد : بصوت مهموس . بنت الكلب دي عايزانى انهردا .
مراد : بهزار . يابختك ولعا يابا . روح معاها وانا مش هقول لاختى . ده شغل عادي .
فهد : صك ع اسنانه بغيظ . مش وقت ام برودك ده اخلص . انت قولتلى عندك خطه وروح معاها .
مراد : خدها وروح ارقص . واكرم هيجي يقدم ليها كاس باللون الابيض وفيه هلوسه ومنوم . وانت كاس باللون الدهبى . وفيه عصير . وتاخدها وتطلع ع اوضه هنا . وتقعد جمبها لحد الصبح .
فهد : وليه ما نروحش ع القصر .
مراد : علشان الكاميرات الل هناك فهمت .
فهد : ابتسم لجيسيكا فهمت . بس أنجز .
مراد : امم اشطا . خدها واكرم وراك ع طول.
فهد : قولى مكلمتش حد من العيله ..
مراد : لا . كلها كام يوم و هانت يصحبى .
جيسيكا : شدت فهد من ايدو هيا لنرقص ياعزيزى . واخدته ف وسط الناس الل بترقص ورقصت وفهد واقف قدامها . وبص ع مراد شافه شمتان فيه .وده غاظ فهد منه .
اكرم : لابس لبس جارسون وشايل صنيه عليها كاسات ودخل وسطهم ووصل لفهد وقدم كاسات لل جمب فهد . وقدم لجيسيكا واخدت الكاس الابيض وشربت . وفهد اخد من اكرم الكاس الدهبى وشرب وكان عصير تفاح .
وبعد فتره جيسيكا هلوست . وفهد سندها بغيظ واخدها اوضه ف الديسكو . وفضلت تتكلم بهلوسه عن التاج والميكروفيلم . وانها بتراقب سفيان . وهي مش خادمة القصر . وقالت انا مسيطره عليك سفيان . وشدت فهد وقربت منه . وفهد واهمها بده وبعدها جيسيكا نامت . لحد الصبح . وصحيت وشافت فهد نايم جمبها وكان صاحي ومثل انه نايم. وابتسمت وباست فهد من خدو وده عفرته اكتر منها. وصحته علشان يرجعو ع القصر ..
بعد كام يوم
ف الجامعه .
رينو : قاعده ف المدرج لوحدها . وفجأة الباب اتقفل عليها . وصرخت بصوت عالى -------------يتبع
تفتكروا مين الي دخل المدرج وهيحصل ايه؟🤔
---------------------
