رواية جريمة عشق الجزء الثالث الفصل الثامن عشر
فارس : بعد ما فهد مشي من عندهم .. قاعد مخنوق . علشان فهد مسافر . وشايف أن اخوه المرادي كان مدايق جدا .
رودي : قاعده جمب فارس بترخم عليه . ماخلاص بقى ياوحش روق كدا.
فارس : بصلها . مش عارف يارودي . فهد شكله مكنش طبيعى خالص . وحاولت اعرف ماله . لكن استحاله هيتكلم . طبعه وعارفه وطبع وحش جدا . انه يفضل حابس جواه وساكت .
رودي : فعلا لما كان موجود وبيسلم علينا . كان كئيب جدا. وعارف بقى الل اكتر منه !؟ رينو . فظيعه لو حصل معاها ايه مبتتكلمش ولا بتقول ع الل تاعبها .
.انما انا قولى مالك بس يارودي . تلاقى بلاعة اعترافات اتفتحت . وكمية فضايح رهيبه هههههه . ياما بوظت الدنيا ايييه كانت ايام.
فارس : اتنهد . الكتمان ف حد ذاته بيتعب الإنسان ومهما كانت قوة تحمله لكن اكيد هيجى ف يوم ويطلع كل الل جواه ع هيئة انفجار لقنبله موقوته ..
رودي : بغباء . هاا . مين عيان !؟
فارس : بصلها . قومي نامي يارودي.
رودي : يعم انا فاهماك انا بس بضحك معاك يسطي . وغمزتله بس ايه الحلاوه دي ياض يافارس .
فارس : بصلها بدهشه . يخربيت هرموناتك ياردوي .
ردوي : ههههههههه. لااا . إن كان ع الهرمونات . انا ممكن دلوقتى اضحك . وكمان ثانيه اعيط . ودقيقه اقولك انا اسعد واحده في الدنيا . هههههه وبعدها اقولك انا اكتر واحده حاسه باليأس . وشويه اقولك انا جعانه . وبعدها اقولك انت مش مهتم بيا . وبعدها اقولك انا بحبك اوى . وبعدها اقولك انا حاسه بالوحده . وف الاخر اعيييييييط . ههههههههه . بص ياشبح . مفيش عالم لحد دلوقتي قدر يوصل انه يفك شفرة هرمونات الستات ههههههههه احنا مالناش كتالوج هههههه
فارس : ههههه. فعلا والله اول مره تقولى حاجه صح . الرجاله مظلومه ربنا معانا .
رودي : يارب يانجم . بقولك يابرنس . الراجل صاحب البيت هههههههه . قصدى الحج عبدالله ابويا . اتصل عليا وقالى أنه عايزنى بكره ف موضوع ضروري . وقالى تعالى اتغدى معايا وهشرحلك كل حاجه . قولتله اشطا ياحج . هشوف فارس وارد عليك .
فارس : اه . انا اصدق انك قولتيله اشطا ياحج . ماشي ياحبيبتى . ولو عايزه اوصلك بكره الصبح وتقضي معاه اليوم . واعدي عليكى واجيبك وانا راجع من الشغل.
رودي : باسته من خدو . حبيبى يافروسه . لا روح انت شغلك . وانا اصحي برحتى علشان چود بتصحينى كتير بليل . هروح بعربيتى واقضي اليوم معاه وارجع موافق .!؟
فارس : باس أيدها . ماشي ياحبيبتى . واتصلى عليا قبل ماتخرجي من البيت تمام ياقلبى .
رودي : خلصانه .
فارس : يخربيت هرموناتك ياردوي .
رودي : هههههههههههه حبيبى يسطى .
--------------------بقلمى Mariem Nasar
فهد : مسكها تانى بقوه اكبر .
رينو : صرخت بصوت مهموس اااه .
فهد : صوتك مايعلاش . وقالها ف نظرة تحدى
.وكمان انا قولت الل عندى ومش هتسافرى يا لارين . استحاله اخليكى تسافرى لوحدك وافهمى زى ماتفهمى .
رينو : بعند اكبر . هسافر يافهد حتى لو وقفت ع طلاقي ..
فهد : بصدمه . ونزل ايديه . وعطاها ضهرو
.وغمض عينيه .وصك على اسنانه بغضب شديد . لدرجة أنها عملت صوت . ومردش .
رينو : اتصدمت من نفسها .وانها اتسرعت ف نطق كلمة طلاق . ودموعها نازله . وسابته ودخلت الحمام وقفلت الباب بصوت عالى . وقعدت ع طرف البانيو وبتعيط .وقالت لنفسها انا ازاى قدرت اقول كدا !!؟ وشافت اختبار الحمل . ومسكته وعيطت اكتر .
فهد : واقف مكانه . وبنفس درجة الصدمه مقلتش . ولسه غضبان . وكملة رينو عن الانانيه و الثقه . وكمان رينو دمرت فهد كليا بكلمتها الاخيره . ( طلاق ).وسامع صوت عياطها الل بيوجع قلبه . ومسح وشه بايديه . ومن غيظه من كل حاجه . راح وكسر كل حاجه موجوده ع التسريحه . وواقف ينهج .
رينو : بتعيط بوجع . وسمعت صوت ازاز بيتكسر . واتخضت وخافت . وعرفت كدا أن فهد وصل لقمة غضبه وحطت أيدها على بطنها وعيطت كتير . لانها متقصدش كلمة طلاق. وحست بدوخه .
فهد : ايدو اتجرحت . ومهتمتش . وراح فتح الدولاب بغضب وبيجهز شنطته بغيظ . وشاف السلسله .وصك ع اسنانه. ورماها ع الأرض وما اخدهاش . وجهز كل حاجه . وسامع شهقات رينو . واتخنق اكتر . ومش عارف يعمل ايه . لكن انها تتهمه انه مابيثقش فيها وكمان انه يهون عليها بالطريقه دي وجعاه اوى . وساب الاوضه وخرج وقف ف البلكون وكان غضبان . ومسح وشه وشعره بايديه . وبيفكر . طلااااق !!!؟ وغمض عينيه بغضب وبيحاول ينظم أنفاسه . وعلشان يهدى اقنع نفسه انها متقصدش . وكمان فكر ف انه بيبقى خايف عليها وهي وسط عيلتها ازاى هوافق انها تسافر ولوحدها.. انا هحطم حلمك يالارين !!؟ انا انانى !؟ ومبثقكش فيكى ومبحبكيش !؟ انا كل ده !؟
رينو : قامت بيأس وزعل . ورمت اختبار الحمل ف باسكت الزباله .وقررت انها مش هتقول لفهد ع الحمل . لانه كسر فرحتها . وكمان هو مدايق ف مش هيفرح بخبر حملها ودموعها نازله بوجع . وخرجت وشافت كل حاجه متكسره ع الأرض . وشنطة هدومه جاهزه . خلاص فهد مسافر بكره . ومش موافق انى اسافر . واخدت بيجامه بتعب ولبستها . وبتفكر انها لازم تسافر بس ازاى وجوزي رافض وعيطت بشهقات . وقامت تجهز شنطتها لانها قررت انها تسيب البيت لانها مصدومه ف الفهد . وكمان زعلانه من نفسها لانها اتسرعت وارتكبت غلطه كبيره. وجهزت شنطتها . وشافت السلسله فهد راميها ع الأرض . ضحكت بكسره . وشالتها وفتحتها . ف دخلة فهد الل شاف عيونها وارمه وحمرا . وكمان ادايق لانها شافت السلسله ع الأرض .
رينو : شافت فهد دخل . سابت السلسله مكانها ع الأرض . وعلشان محرجه منه . وزعلانه منه ف نفس الوقت . انسحبت بهدوء . وراحت ع السرير وشدت الغطا ونامت ع طرف السرير
. .ودموعها نازله بشهقات . ع كل حاجه . لكن الاهم انها بتعيط علشان فهد مسافر . وانه علا صوته عليها ومسكها من دراعها جامد
.ومتفاهمش معاها وحطم حلمها . وتسرعها ف نطقها لكلمة طلاق . وكان نفسها تعيش الفرحه بخبر حملها لما يعرف انها شايله حته منه . وعيطت بوجع كبير.
فهد : شافها كده ماستحملش . وكمان شاف شنطة هدومها . واتوقع انها خلاص كدا اخدت قرار انها هتسافر . وده لو حصل مش هيعدى ع خير ..وقعد ع طرف السرير . واتكلم بحده .. لاررين .
رينو : .......مردتش عليه .
فهد : اتنفس بديق . لاررين انا بكلمك .
رينو : اتعدلت . لكن مردتش عليه . ومنزله وشها.ودموعها نازله بصمت .
فهد : بصوت غضبان منها .. انا هعتبر انى مسمعتش اخر كلمه قولتيها . لاني عارف انك اكيد متقصديهاش . لكن انك تنطقيها ده وجعنى اوى منك . لكن هعديها . لانى لو عارف انك تقصديها صدقينى انا كنت نفذتهالك ف وقتها حتى لو روحي فيكي يالارين . وان صوتك يعلا عليا .. وكلامك عن الانانيه و الثقه وانى مبحبكيش ده موضوع لوحده . وموضوع السفر ملغى تماما. وبص لعينيها . لارين انا مسافر بكره الصبح . ومأموريه مهمه جدا . وعايز اكون مركز فيها .
رينو : بشهقات بسيطه . انت عارف انى فعلا مقصدش انطقها وانا اسفه جدا . وبصتله . فهد انت مسبتش اى فرصه اننا نتفاهم . انت رفضت وصممت انك مش موافق انى احقق ذاتى . انت عارف يعنى ايه يكون معايه شهاده معتمده من أكبر جامعه ف العالم . فهد ده حلم اى بنت وحلم كبير لأى حد . والحلم ده اتحقق وجالى من غير تعب . وكنت مفكره انك
هتفرح علشانى . انا توقعت منك رد فعل غير كدا خالص . وبصتله انا سألتك قبل ما تنزل مالك وفيك ايه !؟ انت رفضت تتكلم وسبتنى ونزلت . وقولت اكيد سبب نرفزته الدكتور معتز . وشرحتلك الموقف . وكملت بزعل حقيقي . انت مقولتليش انك مسافر . وكمان هتسبنى لوحدى . وبصتله انت لما بتسافر انا بكون عايشه لوحدى من غيرك . ارجوك وافق انى اسافر . صدقنى انا كنت مبسوطه اوى للحلم ده . ارجوك حققهولى يافهد ارجوك .
فهد : نفخ بديق حقيقي . ع تصميمها ع السفر . لارين انا استحاله اوافق ع انك تسافرى مكان محدش جمبك موجود فيه . واعتبرى المنحه دى مجتش من البدايه . لانى مش موافق ولا هوافق .
رينو : بصدمه اكبر . لانه مش قادر يتفاهم معاها . موافقه مسافرش . بس بشرط انت كمان متسافرش .
فهد : بصلها بعدم فهم . نعم شرط !!؟ وانتى من امتى بتدخلى ف شغلى . وكمان لو شغلى ده انا متحكم فيه ولو سفريه عاديه كنت هوافق الغيها علشانك .إنما ده شغل ومخابرات مفيش حاجه بايديا . واعقلى يالارين متصعبيش الأمور .
رينو : بغضب .انا بردو الل بصعب الأمور !؟ خلاص انا كمان هسافر . انت مش مستعد تخسر شغلك وانا مش مستعده احطم حلمى . انا زاكرت وتعبت واجتهدت وتفوقت ع نفسي وربنا كرمنى وبطلع من الاواأل وتيجي انت بعد تعب السنين دى وتقولى ع بعثه مرفوض . اومال بعد كده ايه الل هيحصل . لو جالى مؤتمر بره مصر هترفض !؟ . لأ يافهد . اسلوبك مرفوض . وانا هسافر .
فهد : يعنى انتي هتكسرى كلامي وهتسافرى غصب عني يالاررين !!؟
رينو : بصتله وشافت إن مفيش فايده . ودموعها اتجمعت ف عينيها . ومردتش . وبصت بعيد ومسحت دموعها بسرعه . لو سمحت انا تعبانه وعايزه انام .
فهد : بصدمه . وهز راسه .وقام . طيب يامدام لارين . انا قولت الل عندى . ولو حصل العكس صدقينى مش هيحصل خير ابدا .وسابها وخرج قعد ف الليفنج .
رينو : بعد ما فهد خرج . حضنت ركبها وقعدت تعيط بحزن كبير لانها كانت متوقعه أن فهد هيدعمها ف نجاحها وانه هيكون فخور بيها وهي بتحقق ذاتها . ونامت لكن صاحيه وبتعيط .
فهد : بعد تفكير كتير شايف ان هو الصح . ماينفعش تسافر وانا مش موجود معاها او اى حد من عيلتها معاها بس مين !!؟ مين فاضي . مفيش حد . وقام بزعل ودخل وشافها نايمه زى الاطفال وضع الجنين . وصعبت عليه أوى واتنهد بتعب . وغطاها كويس . وراح الناحيه التانيه ونام جمبها . وحاول يقربها من حضنه . لكن رينو. عطته ضهرها ونامت ع طرف السرير . وقلبها مش مطاوعها لانه مسافر بكره .ونفسها تسمع منه خلاص يارينو أنا موافق تسافرى أنا موافق تحققي حلمك . كان نفسها تشوف إثبات حبه ليها مش كلام وبس . كان ممكن يرفض لو ف اسباب قويه أو مقنعه .أو يتفاهم معاها بهدوء ويوصلو لحل وسط. وعيطت بشهقات بسيطه . وقلبها قال أنا حامل يافهد كان نفسي فرحتى تكمل ف اهم يوم ف حياتى ..
فهد : نايم زعلان من نفسه ومن رينو اكتر . لانه مسافر بكره ويعالم هيرجع تانى ولا لأ . وعايزها تفهم أنه خايف عليها . ولو ف حد من العيله يسافر معاها مكنش رفض . وسمع صوت شهاقاتها . وادايق جدا . دى مهما كان رينو يافهد . رينو معشوقتك الصغيره الل قالتلك من يومين اوعدنى انك عمرك ماتبعد عنى . وقرب منها علشان ياخدها ف حضنه تانى لكن رينو رفضت . وكل واحد نام ف اتجاه .
ورينو : طول الليل تعيط ف صمت .
وفهد : نايم كل شويه يتنهد بخنقه .
وبعد فتره : رينو سمعت نفس فهد الل انتظم . وعرفت انه نام . واتعدلت ببطء شديد علشان عارفه أن نومه خفيف . وبصت ع وش فهد . بضحكه مكسوره . وقلب ضايع . ودمعه نزلت منها ع كتف فهد . ومسحت دموعها . وقربت وباسته من جبينه بوجع كأنها بتودعه لأنه مسافر وهيسيبها .. ورجعت نامت تانى ودمعتها ع خدها .
والتفكير هو الوحيد الل كان محتل الليله دي ..
وعدت الليله بكل آلامها ووجعها ع فهد ورينو
وطلع الصبح .
. ومنبه فهد رن الساعه 7. وصحي . واتعدل . واتفاجئ لما شاف رينو نايمه ع الكنبه لوحدها ومن غير غطا كأنها بتعاقب نفسها . وقام واخد الغطا وغطاها كويس وزعل جدا .. لما شاف وشها الل بقى دبلان ف يوم وليله . ورجع شعرها وقرب منها وباسها من جبينها بقلب موجوع . وباس كف ايديها. واتحرك ودخل الحمام واخد شاور. ومهتمش لجرح ايدو . واتوضي وصلى الصبح . وعينيه على رينو . وهو بيلبس . وشاف السلسله الل ع الأرض . وجابها ولبسها من غير تفكير وخباها .
رينو : صحيت . وجواها حزن كبير .وعيونها ورامه .
فهد : شافها صحيت واتكلم بجديه . قومي البسي علشان اوصلك عند آدم .
رينو : مردتش عليه . وقامت بتعب ومصدعه . ودخلت الحمام وغسلت وشها . وبصت ع نفسها كتير ف المرايا ومتكلمتش . لكن بتفكر .ف أن فهد خلاص ماشي وهترجع لوحدتها من تانى . ودموعها نزلت . ومسحتها . واتوضت وصلت الصبح . ولبست وكل ده ف صمت تام من الاتنين . وفهد مش عارف يعمل ايه لانها لو سافرت بجد غصب عنه استحاله يسامحها وممكن توصل للطلاق فعلا .
رينو : خلصت لبس وجت تشيل الشنطه .فهد سبقها ومسك الشنطه . وقالها . لارين . انتى مش هتسافرى .
رينو : بصتله بعيونها الورامه . وبتتكلم بالعافيه .. هسافر يافهد . ولو وافقت يكون افضل .
فهد : لارين لو سافرتى غصب عن جوزك . ده مش هيعدى بالساهل . انا لايمكن اسامحك.
رينو : بصتله بصدمه حقيقيه . وفتحت عينيها على الاخر . لان كلمة مش مسامحك دى معناها كبير اوى . وكمان فيها غضب عليها من ربنا ..وقالت بضياع . انا بجد مصدومه فيك
انت ليه مش قادر تهدى وتفكر . انت مش فهد الل حبنى لأ .انا قولتلك هسافر يافهد .
فهد : هز راسه . تمام اتفضلى . وشال الشنط وخرج . وركبو الاسانسير . وكل واحد اتجنب التانى . وركبو العربيه . وطول الطريق محدش اتكلم . ووصلو عند آدم . ورينو اترمت ف حضن مراد وعيطت بكسره وحزن كبير . والكل مفكر انها بتعيط علشان مراد وفهد . لكن هي بتعيط علشان مسلمتش ع الفهد ولا هو سلم عليها وف فجوه حصلت بينهم .
فهد : سامع عياطها ومتأثرش لانها كتبت النهايه بايديها . وسلم ع آدم ومريم وفريحه . وبص ف عيون معشوقته الصغيره . وعاتبها . ورينو مستحملتش جريت ع اوضتها ورمت نفسها على السرير وعيطت بكل وجع . وعيطت بصوتها كله لما سمعت صوت عربيه زين اتحركت بيهم ومشيو. فهد خلاص مشي يا لارين ..
--------------------بقلمى Mariem Nasar
بعد فتره ..
رودي قاعده ف اوضتها بتعيط بكسره .وشايله چود ف حضنها .
فارس : راجع من الشغل ومرهق وكمان زعلان ع فهد لانه خلاص سافر. وشاف رودي واستغرب انها موجوده. المفروض تكون عند باباها . لكن شافها بتعيط . وراح بقلق قعد جمبها بسرعه . رودي حبيبتى بتعيطى ليه. چود فيها حاجه !!؟
رودي : بتعيط . وهزت راسها بلاء .
فارس : بقلق . ومسح دموعها . طيب حبيبتى انتى فيكى حاجه !؟ بتعيطى ليه .
رودي : بعياط . باااابا يافارس ..
فارس : بخوف . ماله يارودي . عمى كان كويس امبارح . حصله حاجه !؟
رودي : عيطت بصوت عالى . وقالت بوجع كبير . بابا عايز يتجوز ع ماما يفارس . بابا هيتجوز .
فارس : بدهشه . اييييه !!!
رودي : بعياط . بابا هيتجوز ع ماما . اااه ياماما وبتعيط .
فارس : اخد منها چود . ونزلها ل رنا . وطلع وشافها منهاره من العياط . واخدها ف حضنه . حبيبتي اهدى وفهمينى ايه الل حصل !؟
رودي : بتحكي ف حضنه بعياط . بابا كان عايزنى علشان يقولى أنه قرر يتجوز يافارس. قالى أنه اطمن عليا وخصوصا انى متجوزه من انسان محترم زيك . ومبقاش خايف عليا . وهو عايش وحيد . وقابل واحده جارته من زمان وعندها 40 سنه وعرف انها أطلقت من جوزها علشان مبتخلفش . وانه عارفها من زمان وهي كويسه . وفكر أنه يتجوزها . علشان هي ملهاش حد . وهو كمان هو عايش لوحدو وهيكملو بعض . وكان عازمها ع الغدا انهردا . ولما حكالى كل حاجه انا كنت مصدومه طيب وامي . حبه ليها راح فين .زكرياته معاها اختفت خلاص. ولما الباب خبط وكانت هى ودخلت انا اتصدمت اكتر . ان ف واحده هتكون ف بيت امي . هتكون مكان امي . هتكون صاحبة البيت الل امي عاشت وماتت فيه .وسبتهم ومشيت من غير مااتكلم . انا مش مصدقه أن بابا هيعمل كدا . وكمان مش مصدقه أن اخواتى وافقو بسهوله . يعنى لو بابا الل كان مكان امي . امى كانت هتتجوز غيرو . طيب الحب راح فين. الحب الل كان مالى بيتنا هيروح لواحده تانيه يافااارس .رودي بتحكي ف حضن فارس وكانت بتحكي بعياط هيستيرى .
فارس : اول مره يشوف ورودي وهي بتعيط بالطريقه دي وقلبه وجعه علشانها . وكانت بتحكي بوجع كبير . وفارس بيسمعها وتفهم الأمر . وعذر رودي ع الحاله الل هي فيها . لأن مكانة الأم عمرها ما هتتغير حتى لو عدى ع وفاتها 100 سنه مكانه الام هتفضل زي ما هي والحب والاشتياق بيزيد مابيقلش ابدا. ومبدء أن الأب يتجوز حتى لو زوجته متوفيه مرفوض عند بعض الناس ...
ومن جهه تانيه . فارس عذر والد رودي لانه عايش لوحده .وأولاده مسافرين . يعنى قاعد ف بيت بين أربع حيطان لوحده . مفيش حد يتكلم معاه . مفيش حد يشاركه اهم لحظات حياته . مفيش حد يشاركه اهتماماته .
.لو مخنوق ومدايق هيحكي لمين !؟ يعنى لو تعب بليل محدش هيحس بيه . لازم يكون معاه رفيقة درب تونس وحدته . وخصوصاً انه متجوزش لحد ما اطمن ع بنته . وفاق من تفكيره . ومسد ع شعر رودي بحنان بس ياحبيبتى اهدى وبطلى عياط . وخرجها من حضنه ومسح دموعها . وجابلها ميا تشرب . وجاب منديل ومسح دموعها ووشها . اهدي احسن دلوقتي !؟
رودي : اتنهدت بزعل . وسط شهقات بسيطه . وهزت راسها ايوه .
فارس : طيب ياحبيبتى . ممكن نتكلم بالعقل والمنطق .
رودي : بصدمه . بصت لفارس . لانها فهمت ان فارس مش هيعترض !!!
وسألت فارس قبل ما يتكلم . فارس انا لو مت انت ممكن تتجوز !؟
.. مراد وفهد .واكرم وصلو ايطاليا . وقعدو ف فندق لحد ماتجيلهم التعليمات . انهم هيتحركو امتى وهيستقرو ويقعدو فين .
.اكرم : قالهم انا هاحجز غرفه جمبكم .علشان تاخدو راحتكم . وهنقضي اليوم كله مع بعض ف غرفتكم . علشان نفك الشفرات مع بعض واخر اليوم اروح الغرفه بتاعتى ع النوم . وقالهم انا فاصل نوم هطلع غرفتى دلوقتي انام ساعتين .
مراد : قاله تمام نام انت علشان هنعمل ورديات ومش هننام كلنا ف وقت واحد علشان لو جتلنا رساله ف اى وقت حد فينا يكون صاحي . واتحركو
مراد : دخل الغرفه وفهد وراه وحطو الشنط .
مراد : قعد ع الكرسي بارهاق . ااااه ياعضمك يارضا . وبص لفهد . ايه ياوحش مقضيها نوم انت ف الطياره .
فهد : كان بيحاول يمثل أنه كويس . احم معلش يامراد اصل منمتش امبارح كويس . وقولت فرصه انام شويه .
مراد : انت كويس يافهد .!؟
فهد : بضحكه مكسوره . طبعا أنا كويس جدا . واتنهد المهم هنعمل ايه دلوقتي .
مراد : اول حاجه هعملها هركب الشريحه واتصل ع العيله واطمن آدم ومريم وفريحه علشان مش عارفين هنكلمهم تانى امتى . وانت اتصل ع رينو . البت كان عياطها بيقطع ف قلبى غير كل مره .
فهد : غمض عينيه واتنهد . وهز راسه تمام وقام وقف .
مراد : بيطلع الشريحه . ايه وقفت ليه !؟
فهد : هسيبك تكلم العيله برحتك . وانا هنزل اتصل واكلمها وانا بتمشي شويه .
مراد : تمام . بس متتاخرش .
فهد : هز راسه . ونزل ....
مراد : اتصل ع العيله واطمن عليهم . وطمنهم عليه . وكلم آدم وقاله بابا . انا هقفل الشريحه ومش عارف هكلمكو تانى امتى ممكن شهر او شهرين او تلاته .
آدم : بحزن شديد . المهم انك تكون بخير يامراد يبنى .
مراد : بابا انا مش بقولك كدا علشان تزعل . لأ انا بقولك كدا علشان لو متصلتش متكونش قلقان . وانا شرحتلك ايه الل هيتم . يعنى حتى لو متصلناش بالشهور متقلتش علينا . وحب يطمنه . احنا بعيد جدا عن الخطر . احنا اهو قاعدين ف فندق والدنيا تمام . لكن انت عارف النظام والمراقبه .
آدم : اتنهد .. الله خير حافظا .
مراد : ونعم بالله ياحج . وسأل ع رينو.
آدم : قالو انها ف اوضتها من الصبح قالت إنها عايزه تنام لانها منامتش .
--------------------بقلمى Mariem Nasar
رينو : نايمه على السرير وحضنه المخده وكأنها سقعانه . وعندها صداع شديد . ونفسها تبطل عياط ومش عارفه . وفونها رن . وقامت بسرعه ولهفه لأنه اكيد فهد . لكن كان رقم مجهول ومصرى . ومسحت دموعها واخدت نفس عميق وردت واتكلمت بثبات . احم السلام عليكم.
ناديه : وعليكم السلام ورحمه الله . دكتور لارين آدم خالد العدوي !؟.
رينو : عرفت صوتها . وغمضت عينيها بوجع . وحاولت تتماسك . ايوه انا .
ناديه : انا ناديه من شؤون الجامعه الل اتصلت ع حضرتك اول امبارح ..
رينو : ايوه اهلا بحضرتك .
ناديه : اهلا بيكي .. اولا انا بعتذر لحضرتك لانى اتأخرت في اتصالى لأن كان عندنا شغل كتير جدا ف الشؤون ..ومعرفتش اتصل بقائمة الطلاب . غير لما رجعت البيت .
رينو : احم . حصل خير . ولا يهمك حضرتك.
ناديه : متشكره لزوقك انا بتصل انهردا .علشان اخد موافقة حضرتك ع سفرك للمنحه . انا سجلت اسماء البنات الل وافقت ع السفر للمنحه . اسجل اسم حضرتك !!؟
رينو : حطت ايدها ع بوقها وبتعيط بصمت . ومش عارفه تعمل ايه !!!. وافقى يارينو وافقي ده مستقبلك . انتى هتسافرى وهتجتهدى وهتنجحي وهتاخدي شهاده معتمده من جامعه(أوكسفورد Oxford) العالميه أكبر جامعه ع مستوى العالم كله فرصه مبتجيش لأى حد . وهتاخدي . شهاده هترفع راسك ف المستقبل وهتخلى عيلتك فخوره بيكى جدا .والشهاده دي هتميزك عن باقى الطلاب. وكفايه انك هتكونى مبسوطه . وأولادك ف المستقبل هيتباهو بيكى . تخيلى كدا وانتي معلقه شهادتك دي ف العياده وانك واخده شهاده معتمده من جامعه (أوكسفورد Oxford) العالميه. وافقي وحققى ذاتك . وافقي . ومسحت دموعها واخدت نفس عميق .. وقالت ---
.. ف نفس الوقت فهد بيتمشي ف الشارع جمب الفندق . ورفض انه يتصل ع رينو لانه زعلان منها . مع انها واحشاه من دلوقتي. وماشي مخنوق ومدايق . وبيفكر فيها وانك ليه يالارين مش مقدره خوفي عليكى. ده انا بتجنن عليكي وانتى ف الجامعه ومعاكي رودي وكمان عيلتي بتوصلك لحد باب البيت . انا ازاى ها آمن عليكى ف بلد غريبه ولوحدك .وبينك وبينى بلاد. انتى ازاى توقعتى انى اوافق ع حاجه زي كده . لارين انا بخاف عليكي منى .بخاف عليكي من اى خدش أو جرح انا تعبت ف حبك . تعبت علشان اوصلك انتى ليه ديما مصممه انك تعملى فجوه بينا . لارين كلمة طلاق دبحتنى لكن انا عمرى ماهسيبك ولا عمرى هبعد عنك . حتى لو سافرتى عمرى ماهطلقك الكلمه ف حد ذاتها متنفعش لفهد ولارين . لكن قلبى اكيد هيتغير . معاملتى اكيد هتتغير مش هبقى فهد الل انتى عرفتيه . بس كل الل انا متاكد منه أنى استحاله اسامحك لو سافرتى و كسرتى كلمتى استحاله ...
ناديه : الو . دكتور لارين . حضرتك معايه !؟
رينو : فاقت من تفكيرها .ومسحت دموعها. واخدت نفس عميق وقالت . اممم أنا معاكي
ناديه : تمام حضرتك . اسجل اسمك ف القائمه !؟
رينو : بوجع وغصه ف قلبها .( لأ ) متسجليش اسمى انا مش هسافر .
ناديه : بدهشه . لكن قالت . تمام حضرتك . لكن لو رجعتى ف قرارك اتصلى عليا ف اى وقت قدامك لحد بكره الصبح . وده رقمى . واتمنى أن حضرتك تغيرى رأيك ..
رينو : بتعب . لأ . مش هغير رأئي انا مش هسافر .
ناديه : تمام حضرتك . مع السلامه . وقفلو ..
رينو : رمت نفسها ع السرير وعيطت بوجع كبير . لانها بعد ما فكرت ف الموافقه وانها هتاخد شهاده معتمده من أكبر جامعه . لكن قصادها هتخسر فهد وهي معندهاش استعداد تخسره. . لكن هي زعلانه منه . فهد كسر قلبها وفرحتها . وقالت بحزن كبير مش عايزه اسافر . انا مبقتش عايزه حاجه .. انت بس لو كنت اتفاهمت معايه واحترمت رائي واتناقشت معايا . وقدرت رغبتى انا كان ممكن أرفض علشانك حتى لو انت موجود و مش مسافر .انا مبقتش عايزه حاجه .. انت وجعتنى يافهد وظلمتنى وخلتنى اتسرع ف انى اقول طلاق انا استحاله اسامحك يافهد استحاله .
--------------------بقلمى Mariem Nasar
فارس : طيب ياحبيبتى . ممكن نتكلم بالعقل والمنطق .
رودي : بصدمه . بصت لفارس . لانها فهمت ان فارس مش هيعترض !!!
وسألت فارس قبل ما يتكلم . فارس انا لو مت انت ممكن تتجوز !؟
فارس : بدهشه ..ايه الكلام الل انتى بتقوليه يارودي !! وبعد الشر عليكى اوعى تجيبى سيرة الموت انا مقدرش اتخيل حياتى من غيرك . حبيبتي انتى معاكي حق انك تتصدمى وتزعلى وتاخدى قرار بالرفض.
رودي : بدموع يعنى انت موافقنى يافارس .
فارس : انا موافقك طبعا . لكن عايز اتكلم معاكي ف نقطه تانيه ..
رودي : نقطة ايه !؟.
فارس : بصي يارودي واسمعينى للآخر ومش عايزك تقاطعينى بصي ياحبيبتي .. . انا عايزك تتعودى انك متحكميش ع الشخص من مانظورك الخاص . لا قبل ماتحكمى فكرى . وحطي نفسك مكان الشخص ده . دلوقتى ياقلبى . باباكى
اتجوز من مامتك جواز تقليدي لانه قريبها زي ماقولتيلى . وبعد الجواز حبو بعض جدا . وعاشو ف سعاده . وخلفت ولدين وبنت . وباباكي كان وفي ليها لاقصي درجه . وكمان بعد الوفاه باباكي دخل ف حاله من الصدمه ومكنش مصدق انها توفت . ومع العلاج رجع لطبيعته . وفضل محتويكى واهتم بيكي ومقصرش معاكي . اخواتك مسافرين بره مصر واستقرو هناك . حتى اتجوزو هناك من غير ماوالدك يحضر فرحهم . هل ده بالساهل انه يستحمله . انا منساش لهفته عليكى لما اخدتك المستشفى وعملتى الزايده . كان قلقان عليكى جدا . ولما عرفت قصته منك . فسرت خوفه عليكى وقلقه انك انتى الل فاضلالو وانك بنته واخته وصديقته . ومالوش حد غيرك . كان بيتسند عليكى انتى .ولما كنتى عايشه معاه مفكرش ف حاجه اسمها جواز. طيب دلوقتي . رودي اتجوزت ومشيت . والل بعد كدا ايه !؟ مصير الراجل ده ايه !؟ ولاده بعيد عنه . بنته اتجوزت وبعدت عنه . عايش لوحده بين أربع حيطان . الشغاله بتروح كل فتره تشوف طلباته .طيب الراجل ده وهو قاعد لوحده هيتكلم مع مين !؟ لو مخنوق هيفضفض مع مين !؟ طيب الراجل ده وهو نايم لوحده لوتعب بليل لو احتاج مساعده . ومفيش حد جمبه .هيعمل ايه!؟. وبص لرودي. انتى هتكونى مستريحه . ضميرك مستريح!؟. حد فكر ان الراجل ده سنه بيكبر واحتياجه لوحده تكون داعم وسند ليه شئ ضرورى!؟ حد فكر ف الوحده الل هو عايش فيها . والدتك توفت من 8 سنين واكتر وصان حبها . لكن دلوقتي الأمر اختلف . رودي انا لما بسافر بالاسبوع والتلاته انتى بتتصلى عليا وتيعطي وتقولى انك مخنوقه اوي وحاسه بالوحده من غيري . مع ان طارق ورنا موجودين
معاكي . وكمان چود بتنام ف حضنك . ورغم كل ده مفتقده ليا وانى انا جوزك ورفيق دربك وانا الوحيد الل اقدر احتوى وحدتك . حبيبتي . باباكي مغلطش ف انه يفكر يتجوز . ولا ليكي الحق انك ترفضي . انتى ترفضي امتى !؟ ترفضي لو هيتجوز بنت من سنك عيله صغيره . انما لأ والدك اختار ست محترمه وسنها يسمح أن باباكي يتجوزها وكمان جارته وعارفها من زمان . باباكي وصلكو لبر الأمان وضحي علشانكو . وكمان والدك احترمك . واتصل عليكى وشرحلك موقفه لانك مهمه بالنسباله. وكان ممكن جدا أنه ميعملش كدا . هو ليه حرية التصرف . كان ممكن ببساطه يتجوز من غير ما يقول لحد . وانتو هتتقبلو الأمر . ردوي ياحبيبتى . والدك لازم يكون موجود معاه زوجه تحتويه وتشوف طلباته يتكلم معاها . ولو تعب تكون جمبه . وبعدين بما ان باباكي عزمها ع الغدا علشان يعرفها عليكى يبقى واخد القرار . فياريت متعترضيش علشان ماتخسريش والدك للأبد.
رودي : بتسمع فارس . وتخيلت كل كلمه قالها . لكن جواها مش مبسوطه . لكن فارس معاه حق . بابا ضحي علشانا كتير . وهو عايش لوحده . كلنا عايشين مبسوطين ومش حاسين بوحدته .. وعيطت لانها مجبره توافق. لان فعلا زي ما فارس قال ممكن يتجوز من غير ماحد مننا يعرف وساعتها هوافق غصب عني . وعيطت اكتر لانها هيكون ليها مرات اب . واترمت ف حضن فارس لانها مكنتش تتوقع انها هيكون ليها مرات اب .
فارس : بزعل حقيقي عليها . ضمها لحضنه بحب . ومسد ع شعرها . حبيبتي اهدى ليه كل العياط ده . صدقينى كل حاجه هتكون تمام.
--------------------بقلمى Mariem Nasar
فهد : راجع للفندق . شاف بنت بتجري بسرعه كبيره جدا من بعيد وشكلها مرعوبه جدا وماسكه كاميرا ف ايديها . ومهتمش . ومكمل طريقه . وفجأه البنت خبطت فيه وهي بتجرى والكام وقع منها . وشهقت . واتكلمت برعب ولخبطه وقالت ( الكام )بالعربى. وقالت لفهد بالانجليزي انا اعتذر واخدت الكام وجريت بسرعه كبيره .
وفهد استغرب لانها اتكلمت عربي . وفجأه شاف شابين ماسكين سلاح وبيجرو من جمب فهد. وسمع واحد بيتكلم . انها اتجهت خلف الفندق فلنسرع . وجريو اكتر .
فهد : شاف أن البنت دى ف خطر . ومن غير تفكير . راح ورا الشابين .
البنت : بتجري ورا الفندق . ووصلت لطريق مسدود . وبتعيط . وراجعه من نفس الطريق شافت الشابين .جايين عليها وبيضحكو وحطو السلاح في جيبهم علشان يطمنوها .
& بيبى لما انتى عصيبه إلى هذا الحد .
# هيا اعطينى الكام وساتركك ترحلين .
البنت : خبت الكام ورا ضهرها . لا . لن اسلمها لكم . انتم لابد أن تحاسبو ع فعلتكم هذه .
& هههههههه حسنا حسنا . سنترك لكى الكام .ولكن بعد ما نأخذ منك مانريد .
# ههههههه أجل أجل .صدقينا سنقضي وقتا ممتعا معا . ونترك لكي الكام . وسنوافق ع انكي تقدمي هذا الفيديو الى الشرطه ..
& ماذا قلتى !؟ ستذهبين معآ أم نفعل بك ما نريد هنا !!!؟
البنت : دعوني وشأنى . صدقونى لن تفلتو بفعلتكم هذه .
الشابين : بيقربو عليها .
والبنت بتصرخ . ساعدوني . ساعدوني .
الشابين : بيضحكو . لن يسمعك أحد هنا عزيزتى ...
فهد : جه من وراهم .. ولكن انا سمعتك ايها الحقير . دعها تذهب .
الشابين : لفو وشافو فهد وماسك ماسوره حديد ف ايدو . وبصو لبعض وضحكو .
البنت : جريت ووقفت ورا فهد برعب حقيقى . ومسكت ف تشيرته .
فهد : سمع حوارهم مع البنت . وفهم إن البنت معاها دليل ضد الشابين دول . وشاف ماسوره حديد وجابها . لانه مش عايز يستخدم السلاح . والبنت جريت ووقفت وراه .
# اتركها لنا . او دعنا نتشاركها نحن الثلاثه.
البنت : شهقت وحطت ايدها على بقها .
فهد : متخافيش .
البنت : اتنهدت باريحيه . وقالت عربى مكسر. انت بتتكلم مصري .
فهد : مردش عليها . دعوها وشأنها . والان اذهبو من هنا .
الشابين : بصو لبعض . وطلعو السلاح وبيهددو فهد .
# اتركها وإلا قتلتك .
& اذهب من هنا . ولا قتلناك ف هذه اللحظه .
فهد : بحركه سريعه حدف الماسوره . ووقع منهم السلاح . وقرب منهم وعلشان هما عيال فرافير وبيضا كدا . كل واحد اخد بوكس نام مكانه .
وفهد : اخد منهم السلاح وحطه ف جيبه .. ومسك البنت من أيدها . وطلعو من المكان ده وساب أيدها . وشافها بتترعش . تعالى معايا . ودخل بيها الفندق . وراح ع ترابيزه وقالها اتفضلى اقعدى
البنت : متوتره . وقعدت ثانكس .
فهد : قعد . وطلب ليها عصير .وهو مطلبش حاجه .
البنت : بتكلمه عربى مكسر . انا بجد بشكر حضرتك جدا .
فهد : مفيش داعي للشكر .
البنت : انا اسمي. هيلينا وعايش هنا ف ايطالى.
فهد : هز راسه . اهلا هيلينا . انتي بتتكلمى عربى كويس .
هيلينا : ايوه . داد مصرى ومام من ايطالى . واتجوزو وعايشين هنا . لكن انا بحب مصر كتير كتير . داد علمنى اتكلم عربى كويس اوى انا نزلت مصر كتير اوى .
فهد : هز راسه . والعصير جه . اتفضلى اشربى علشان تهدى .
هيلينا : اخدت العصير . ثانكس اااء . انت اسمك ايه .
فهد : سفيان .
هيلينا : واو اسم جميل اوى . وبتشرب العصير ميرسي كتير .
فهد : العفو . إنما انتى كنتى بتجري بسرعه ليه !؟ والشابين دول كانو عايزين منك ايه !؟
هيلينا : بزعل . انا امتلك يخت مركب سياحي من والدي وقدمه لي هديه في عيد ميلادي وانا خصصته ل اقيم عليه حفلات الزفاف وفي يوم كنت اقيم حفله عليه وانا اصور الحفل وكانت معي صديقتي المفضله لدي واسمها ماريا .. وانا كنت مشغوله مع العروس وصوت الموسيقى مرتفع ولاحظت غياب ماريا فنزلت لا ابحث عنها وجدت هذان الشابان يقومون بالاعتداء عليها وانا وضعت هذه الكاميرا على الطاوله وصورت ما حدث وصرخت بصوت مرتفع ولا احد يسمعني واقتربت منهم وانهلت عليهم بالضرب .فقامو بضربى وحاولو الاعتداء علينا معا . ولكنى هددتهم بأنى سافضحهم لان كل شي قمت بتسجيله .و قمت بالاتصال بأحد الحرس الشخصي لدى . وقبل أن يأتى هربو وقفذو ف الماء. وماريا تم الاعتداء عليها وفقدت الوعي. وذهبنا بها إلى المشفي . واخبرنا الطبيب انها قد تم الاعتداء عليها بطريقه وحشيه . وذهبت إلى اليخت وتركت الحرس الشخصي عند ماريا ف المشفى وأتيت بهذه الكاميرا لاذهب إلى قسم الشرطة . وعند اقترابي من قسم الشرطه وجدتهم يلاحقونني وذهبت فى طريق آخر للابتعاد عنهم ولكنهم مازالو يلاحقوننى . وهددوني بأنهم سوف يعتدون علي .ولولا انت لكنت مثلي مثل ماريا . وانا مدينه لك واشكرك كثيرا جدآ جدآ جدآ . انا ممنونه لك للغايه .
فهد : بيسمعها . وهز راسه . انا معملتش غير واجبى . وقام . اتفضلى انا هوقفلك تاكسي وتوصلى لقسم الشرطه وقدمى الدليل .
هيلينا : فتحت شنطتها . تفضل سفيان هذا رقم الهاتف الشخصي لدي . لو احتاجت اي شئ ف ايطالى انا اعرف ناس كتير جدا .
فهد : اخد الرقم . تمام متشكر .
هيلينا : ممكن اعرف رقم هاتفك .
فهد : انا حاليا لا امتلك هاتف الان .
هيلينا : ابتسمت . حسنا سفيان . انا سأنتظر منك اتصالا . انا لن انساك ابدا . انت انقذت هيلينا سفيان .
فهد : ابتسم بتمثيل . انا عملت واجبى. اتفضلى علشان متتاخريش ع صحبتك . وخرج معاها . وكرمش رقم فونها ورماه ف الباسكيت من غير ماتشوفه . ووقفلها تاكسي وركبت وودعته من الشباك . باي سفيان اتمنى ان اراك قريبا.
تكملة الحلقه 18 ج 2
#رواية_جريمة_عشق3
(عشق الفهد)
بسم الله نبدأ
ف الجامعه اول يوم ف بداية الترم .
رودي : شافت رينو وهي مرهقه وتعبانه . وسابتها وراحت تشتري ليها عصير .
رينو : ماشيه ف وسط الجامعه بيأس وإحباط كبير . لأن فهد ماتصلش عليها . وعرفت من مريم وآدم أن مراد اتصل . وقالهم أن فهد نزل يتكلم مع رينو . ولما سألوها ع فهد لما كلمها. جاوبت بدموع . وخبت وقالت فهد كويس . وعرفت منهم أن مراد وفهد مش هيتصلو لفتره كبيره علشان محدش يقلق . وهي قالت ايوه فهد قالى كدا كمان . وخبت وجعها قدامهم وطلعت تعيش مع دموعها وآلامها لوحدها .
معتز : شاف رينو ماشيه وسرحانه .وباين عليها اليأس . وكان زعلان علشانها جدا لأنها رفضت تسافر المنحه . وأتوقع أن جوزها فهد هو الل رفض الفرصه دى . وغصب عنه راح عندها . احم دكتور لارين .
رينو : ماشيه وسرحانه ومردتش عليه .
معتز : قرب خطوتين . وعلا صوته شويه . دكتور لارين سمعاني .!؟
رينو : فاقت ع صوت معتز ووقفت . ولفت وردت بديق . نعم !!؟
معتز : بتوتر .. حضرتك كويسه !؟
رينو : بتعجب من تصرفات معتز . وخلاص جابت آخرها منه ولأنه السبب ف غضب جوزها عليها . وبصت حواليها وشافت الجامعه مليانه شباب وبنات . وبصت لمعتز .واتكلمت بعصبيه .. ممكن اعرف حضرتك مهتم ليه !!!؟ وعلت صوتها . والبنات انتبهت .. اظن انا نبهت ع حضرتك قبل كده انك متتكلمش معايا وسط الجامعه نهائي. واى حاجه تخص المنهج أو التشريح تطلبها منى ف السيكشن وقدام كل زمايلي . لكن انا عايزه افهم . هو انت حضرتك بتلف ف الجامعه ع طلاب خامسه طب كلهم وتسالهم انتى كويسه ولا لأ . واظن حضرتك عارف انى ست متجوزه وانت عارف كدا كويس . مش معنى انى بحترمك كادكتور . كل شويه ف وسط الجامعه دكتور لارين . دكتور لارين . ولو الل حصل ده اتكرر منك ولو حضرتك مبعدتش عنى انا هقدم فيك مذكره لعميد الجامعه . فاهم !!؟ وسابته ومشيت . ورودي كانت جايه عليها وسمعت كل حاجه وراحت جرى وراها .
اما معتز : بيحاول يلم كرامته قدام الطلاب الل بيبصو عليه . ونظراتهم ليه كلها سخريه . واتحرك وخرج من الجامعه ع طول .
رينو : ماشيه بنرفزه . وخارجه من الجامعه .
رودي : بتجرى وراها . لارين . لاررين استنى ومسكتها من أيدها ووقفتها . انتى يابنتى بنادى عليكى .
رينو : وقفت بنرفزه . ايوه يارودي خير !!؟
رودي : شايفه أن رينو من الصبح ساكته . ودلوقتي بهدلت معتز . ومتنرفزه جداا . واستنتجت ان سفر فهد . هو الل موصلها للحاله دي . لارين حبيبتي اهدى وتعالى نقعد شويه ف الكافتيريا .فارس ع وصول .
رينو : شدت أيدها . لأ انا مش هستنى حد . وهروح لوحدي .
رودي : ازاى يعنى هتروحي لوحدك !؟ ومن امتى بتروحي لوحدك !؟ تعالى بس تعالى هنتكلم شويه مع بعض دا انتى غسلتى كرامة معتز عايزه افهم تعالى ..
رينو : بعدين يارودي بعدين انا ماشيه ..
رودي : استنى هنا . هتمشي فين . انتى ناسيه الوصايا العشر من كابتن فهد. وبعدين كلنا بنخاف عليكى .
رينو : بغضب . بتخافو عليا ليه !؟ . حد قالكو انى ملكة جمال العالم وانا معرفش !؟ والناس كلها بتجرى ورايا علشان تخطفنى . تخطف لارين العدوي وبس . انا كرهت نفسي وكرهت شكلى بسبب الخوف ده . الخوف الل مش مخلينى اعرف امشي حتى لوحدي . انا مش عايزه حد يخاف عليا . انا ماشيه وسابت رودي واتحركت بسرعه .
رودي : لارررين . لارررين . اوووف طيب اعمل ايه دلوقتي ياربى .
فارس : جه . ورودي حكتله كل حاجه . وقالتله اتصل ع عمو آدم .!؟
فارس : لأ رينو ممكن تكون مضغوطه نفسيا بسبب سفر فهد . ومتزعليش منها. انتى شويه كدا واتصلى عليها شوفيها روحت ولا لأ . وممكن تروح شقتها انتى تابعيها بس بالفون . واتحركو ومشيو .
رينو : ماشيه ف الشارع متنرفزه جدا ومخنوقه اكتر من اى وقت . وقربت من البحر . وقعدت ع اول كرسي . وحطت وشها بين ايديها وعيطت بهستريا . وطلعت كل الوجع الل جواها ع هيئة دموع . ومهتمتش لوجود الناس الل حواليها . وجعها من فهد وبعده عنها وأنها هانت عليه ومتصلش وكلمها مسيطر عليها كليآ . وبعد نص ساعه تقريبا . فونها رن . وكانت مريم . ومسحت دموعها . واخدت نفس عميق . وردت بثبات . السلام عليكم.
مريم : بحب . وعليكي السلام ياروحي . عامله ايه يانور عيني ..
رينو : بكسره . ونفسها تقولها تعبانه اوي يامامي . احم انا الحمد لله يامامي .
مريم : الحمدلله ياحبيبتى . واستغربت . انتى لسه ف الجامعه !؟
رينو : بتنهيده . لأ . انا خرجت من الجامعه لوحدي وعايزه اتمشي شويه .
مريم : بقلق . ايييه . رينو انتى لوحدك . طيب ازاى . قوليلى انتى فين . وهبعتلك رعد . او اتصل ع اخوكي زين .
رينو : لو سمحتى يامامى . لوسمحتى علشان خاطرى سيبونى لوحدى . انا مش صغيره . انا حابه اكون لوحدي شويه . ونص ساعه وهكون عندك . وبصت حواليها . مامي البنات ماليه الشارع . ومش كلهم عندهم عربيات . ولا كلهم بيتخطفو . مامي الخطر مش ديما موجود حوالينا . انا بس محتاجه اشم هوا واكون لوحدي . هو كدا حرام يامامى .
مريم : سمعت نبرة وجع ف صوت بنتها . وقالت . لأ ياحبيبت مامي مش حرام . بس خوفنا عليكى ده فرض وواجب علينا . وبكره لما تخلفى وتجيبى حته منك . هتعرفى يعنى ايه خوف الام والاب ع ضناهم . وخصوصاً لو زي لارين العدوي . بنوته شاطره ومتفوقه .وكل الناس بتحبها . حبيبتي ياريت متتاخريش متقلقنيش عليكى علشان خاطرى تعالى بقى .
رينو : اتنهدت . حاضر يامامي حاضر . وقفلت.
وبتفكر ف كلام مريم انها بكره لما تخلف . ودمعه نزلت . انا حامل يامامي وفهد مايعرفش . حتى متصلش عليا وحاول يصالحنى علشان افرحه واقوله انك هتبقى اب يافهد . وعيطت بكسره انت وحشتنى اوى يافهد وانا هونت عليك . قلبك قسي عليا اوى. انا استحاله اسامحك يافهد استحاله
.وقامت من مكانها بعد ماهديت . وبتلف شافت يافطة دكتوره نسرين وشغاله ف مستشفى النور . وحطت أيدها ع بطنها . وراحت ع العياده وحجزت . وجه دورها . ودخلت تكشف .
د/نسرين : اهلا اهلا دكتورتنا الجميله . اتفضلى ياقمر .
رينو : سلمت عليها اهلا يادكتور نسرين اذي حضرتك .
نسرين : انا تمام . ها ياحبيبتى انا لما شوفت اسمك ف الكشف قولت يمكن تشابه اسماء .
رينو : لا ف الحقيقه انا كنت ماشيه بالصدفه . وشوفت يافطة حضرتك . وجيت اكشف .
نسرين : حبيبتى ده شرف ليا . بس قوليلى خير مالك بتشتكي من ايه !؟.
رينو : بفرحه مكسوره ؛ انا حامل يادكتور . وكنت عايزه اعرف انا ف الشهر الكام .
نسرين : ابتسمت . الف الف مبروك . طيب انتى عرفتى انك حامل عن طريق اختبار الحمل المنزلي ولا تحليل الدم .
رينو : الله يبارك ف حضرتك . لا اختبار الحمل المنزلي . انا من فتره بدأت أحس بدوخه . وسعات معدتى رافضه اى اكل وبرجع . وعملت الإختبار زى انهردا واكتشفت انى حامل ..
نسرين : طيب اتفضلى اطلعى ع السرير .
رينو : طلعت والدكتوره بتعمل سونار .وبتسألها وبتحسب الايام .
رينو : قلبها زعلان وكانت بتتمنى إن فهد يكون موجود معاها ف اللحظات دى . وسرحت . وفاقت ع صوت الدكتوره ونزلت وقعدت قدامها ع كرسي المكتب .
نسرين : تمام . كل حاجه طبيعيه .انتى حامل ف الشهر الاول و4 ايام . لكن واضح عليكى انك مرهقه . انا هكتبلك ع شوية تحاليل تعمليهالى . وهكتبلك ع حقن تثبيت وشوية مقويات . واشوفك ف المستشفى للمتابعه .
رينو : احم . لا يادكتور انا هتابع مع حضرتك هنا ف العياده .
نسرين : تمام ياحبيبتى زى ما تحبى . اتفضلى والف مبروك . وياريت لو ف حاجه موتراكي حاولى تخرجي منها علشان اى عرض لو بالسلب هيأثر عليكى وع الجنين .
رينو : اخدت الروشته . إن شاء الله يادكتور . احم وانا طالعه شوفت معمل جمب عيادة حضرتك .
نسرين : ابتسمت . ايوه ياحبيبتي ده معمل جوزى . لو حابه تعملى التحاليل عندنا . انا قولت انك هتعملى كل الفحوصات ف مستشفى النور .
رينو : مش هتفرق اى مكان . وبصت ف الساعه . معلش ممكن لو ف بنت موجوده وتاخد منى عينة الدم بسرعه علشان اتاخرت .
نسرين : حاضر . وقامت تعالى اتفضلى معايه . واخدت رينو واخدو منها عينة الدم .ورينو شكرت الدكتوره . والدكتوره قالتلها هتصل عليكى اعرفك النتيجه . ورينو .هزت راسها انا متشكره جدا لحضرتك . وسلمت عليها وخرجت . وفونها رن وكانت رودي . الو .
رودي : اوووف الحمدلله الو ايوه ياست النرفوزه .
رينو : ايوه يارودي .
رودي : انتى فين يارينو .
رينو : انا ف التاكسي ومروحه .
رودي : طيب تمام .
رينو : رودي متزعليش منى . انا كنت مخنوقه شويه .
رودي : لا يما مفيش حاجه اسمها متزعليش . ف حاجه اسمها رودي انا بكره هعزمك ع وجبة ماكدونالدز . ف مثلا بيتزا و٢كريب و٤شاورما . ف حجات كتير جدا تعبر عن اعتذارك . وبعدها انا هسامحك ع طول هههههههه .
رينو : ابتسمت . خلاص ماشي بكره إن شاء . ثوانى هنزل من التاكسي . ونزلت وبتتكلم مع رودي .
رعد : شافها نازله من التاكسي واستغرب . واتحرك خطوتين . دكتوره . حضرتك جايه ف تاكسي حصل حاجه .!؟
رينو : اتنهدت بنفاذ صبر . لأ ابدا مفيش انا رجعت لوحدي .
رعد : انا اسف حضرتك .لكن ده واجبي . ورقمي مع حضرتك . وآدم باشا قال إن لو مفيش حد هيروح يجيب حضرتك من الجامعه ف سيادتك هتتصلى عليا. انا اروح اجيب حضرتك .
رينو : حصل خير وانا جيت لوحدي . متشكره لحضرتك . ودخلت الفيلا .
رودي : ههههههههه . حتى رعد خايف عليكي .
رينو : لا يستى . بابى منبه عليا فعلا انا ونور وريتال وفريحه . إن لو اى حد ف اى مكان ومحدش رد علينا نتصل ع رعد وهو هيتصرف
رودي : والله باباكي ده محصلش . المهم ياوحش انتى مسحتى بكرامة معتز ليه . الراجل كان عامل زي الكتكوت المبلول . .
رينو : بغيظ . متجبليش سيرته . ده إنسان مستفز . كان لازم اعمل كدا . لانه زودها . كل ما يشوفنى ف وسط الجامعه ينادي عليا .
رودي : انتى متعرفيش البنات قالو بعد ما انتى مشيتى . كلهم استجدعوكي . وقالو بنت ابوكي بصحيح . هههههه وف بنات مكنتش مصدقه أن لارين العدوي الكيوت تهزء دكتورها ف وسط الجامعه ههههه يلهوى عليك يامعتز تلاقيه بيشرب خمره علشان ينسي هههههه
رينو : انا كنت بحترمه لانه ديما ف حاله .. وبيساعد اي حد محتاج مساعده . لكن هو زودها معايا جدا . وكان لازم افوقه وعيونها لمعت بدموع . بس انا فوقته متأخر . واتكلمو وقفلو . ورينو سلمت ع مريم الل كانت قلقانه عليها . ورينو طمنتها ..
بعد اسبوع .ف ايطاليا .
مراد وفهد واكرم . او نقول يعقوب وسفيان وحبيب ..
مش مسموحلهم انهم حتى يفتحو ميل او اى شريحه تانيه . لأن جيسيكا ف زياره لعميل مهم ف تجارة السلاح ف مكان قريب منهم . وعندها كمية كبيره من الحرس الشخصي وهتقعد ف الفندق ده كام يوم. وممنوع خروج مراد وفهد واكرم من غرفة الفندق علشان محدش من العصابه يشوفهم .
فهد : ف الاوضه وواقف باصص من الشباك ومربع ايديه . وسرحان . وقلبه كله نار وغيره ومش عارف حتى يعرف اي حاجه عن رينو . ياترى سافرت المنحه . ياترى سمعت كلامى ومسافرتش . طيب هي عامله ايه دلوقتي . طيب لو سافرت معقول آدم يوافقها وتسافر . طيب لو آدم وافق انها تسافر اكيد هياخد احتياطاته اللازمه . بس انا جوزها والقرار الاول والأخير ليا انا . اووووف انا متأكد أن آدم مش هيوافق ع انها تسافر . وخصوصاً لو سألها رأي جوزك ايه . ولو قالت فهد رفض يبقى آدم هيرفض . طيب هي سافرت ولا لأ . اعرررف ازاااى . انا جوايا نار وحيره . مش عارف اوصل لأى حد . وغمض عينيه وشاف رينو قدامه . شاف معشوقته الصغيره وقلبه دق لانها واحشاه . وكمان زعلان لانه مسلمش عليها ولا أخدها ف حضنه . واتنهد بزعل . وحشتينى . وحشتينى اكتر من أى حد .
مراد : هيييييه . سفيان باشا . سوفيااااااااان .
فهد : فاق ع صوت مراد . ها . ايوه يايعقوب .
مراد : ايه ياعم . انا من امبارح بنادي عليك . تعالى اقعد . قولى بقى انت مالك كدا . من ساعة ما وصلنا الفندق وانت ع نفس الحاله .
فهد : اتنهد : منا قولتلك قبل كدا انا تمام ومفيش اى حاجه . انا بس قلقان من الطلعه دى .
مراد : لا متقلقش . زيها زى غيرها . وإن شاء الله هتعدي .
فهد : جواااه ناااار مولعه ف قلبه ... إن شاء الله .
اكرم : جه وقعد جمبهم .ومعاه اللاب توب . وبيفك الشفرات . ولما فك الشفره اتصدم بدهشه . وفتح عينيه ع الاخر . مششش معقووول .
مراد وفهد . بصو ل اكرم وقالو ف صوت واحد ف ايه ياحبيب ..
اكرم : علشان ممنوع يتكلمو ف اى حاجه ف الغرفه علشان لو حد مراقبهم . . لف اللاب ليهم . علشان يشوفو الشفره موجود فيها ايه . وقروها . وكانت بتقول .
. إن تم ف تغيير ف الخطه (أ) . وإن مراد . او فهد . لازم حد فيهم يدخل ف وسط عصابة جيسيكا ويعيش معاها . ف ظرف 5 اسابيع من تاريخ اليوم .
..يعنى شهر واسبوع . مراد وفهد بصو لبعض . وعرفو ان الخطر قادم . ولازم حد فيهم يدخل وسط العصابه . وبأي طريقه ..
--------------------بقلمى Mariem Nasar
وبعد مرور 3 اسابيع ...
محمد ونور خارجين من العمليات بعد ٧ سعات . وتيم كان مع نرمين ويوسف عزيز راح اخد تيم بناءاً ع طلب من محمد ويوصلو عند آدم . ودخلو المكتب .
محمد : قعد ع الكنبه بارهاق . اااه . الحمدلله اصعب عمليه عدت عليا ورجع راسه لورا..
نور : قعدت جمبه بارهاق . اااه ياضهرى . فعلا ياحبيبى انا كنت مرعوبه الورم كان ف مكان خطير وحساس جدا . لكن البركه فيك ربنا يديك الصحه. الحمد لله انها عدت ع خير . وحطت راسها ع كتفه وغمضت عينيها حبيبى انا محتاجه دش سخن وانام للصبح . ويتناوب .
الباب خبط بسرعه وصوت عالى جدا.
محمد ونور اتخضو من طريقة الخبط . وقام فتح بسرعه . وكانت الممرضه .
محمد : بصوت جهورى . ايه دا . انتى بتخبطى كدا ليه ايه الل حصل !؟
الممرضه : بتلعثم ف الكلام . وخوف حقيقي . الل ... الل. وبلعت ريقها بتوتر . البوليس .يادكتور محمد . الحكومه ماليه المستشفى . وبتسأل على حضرتك يادكتور. .
نور : بقلق . قامت بسرعه . وراحت عند الباب .
محمد : بعدم فهم . بوليس !؟ وبيسالو عليا . طيب وانتى مالك خايفه كدا ليه . يلا روحي ع شغلك مفيش اى حاجه . اتفضلى .
صوت من وراها .
# انت الدكتور محمد مصطفى عزيز !؟
محمد : ايوه انا . افندم خير حضرتك .
# ياريت تتفضل معانا ومن غير شوشره .
محمد : بعدم فهم . انا مش فاهم حاجه . اتفضل معاك ع فين .
# : انت مطلوب القبض عليك .
