رواية جريمة عشق الجزء الثالث الفصل الخامس عشر
بعد فتره كبيره ..
مراد . مرجع ضهرو لورا وواخد فريحه كلها في حضنه. وماسك كف ايدها بحب . وقلبه ارتاح واطمن ان فريحته اخيرا ف حضنه . وانه اخيرا خلص من رشا أو أنصاف .
فريحه : مغمضه عينيها ف حضن سعادتها وجنتها . والابتسامه ع وشها ورفعت راسها وبصتله بحب . حمدالله على سلامتك ياحبيبى .
مراد : ابتسم وباسها ع الهوا . الله يسلمك ياحبيبتي . عامله ايه يا بت !؟
فريحه : من ٣ شهور كنت وحشه اوي اوي . وابتسمت . لكن دلوقتي انا كويسه جدا جدا جدا . واسعد واحده ف الدنيا دى كلها .
مراد : بتمثيل ! اسعد !؟ اسعد مين يابت المستخبى انتى .
فريحه : هههههههه . صدق وحشتنى اوى الكلمه دى . مع ان بابى مش مستخبى ولا حاجه . بس اى حاجه منك بحبها ههههه.
مراد : منا قولتلك انتى صحتك بتيجى ع الشتيمه ههههه .
فريحه : اتغاظت .وكشرت عينيها . وخبطته ف كتفه .هاقول ل بابى ع فكره . وشوف هتعمل ايه بقى ساعتها !؟
مراد : بتحذير ..عارفه يافريحه انتى لو قولتى ل طارق . ده هيكون معناه ايه !؟
فريحه : اتعدلت وبلعت ريقها بتوتر. احم معناه ايه !؟
مراد : ولا اي حاجه هههههههههههه .
فريحه : اتنهدت بأريحيه . اوووف حرام عليك بقى يامراد والله . وبصلته وحطت راسها ع كتفه . ربنا مايحرمنى منك يامراد . والضحكه ماتفارقش قلبك قبل وشك ابدا .
مراد : ابتسم ومسك ايدها وباسها . ولا يحرمنى من وجودك في حياتي كلها .
فريحه : وحركت شعرو بايدها .. تعرف انك قمررر بشعرك الطويل ده . ولا دقنك ياااى تحفه .
مراد : يااى وتحفه . قومى يابت علشان احلق دقنى وشعرى قبل ما آدم يرجع . لو شافنى كدا هيحلقلى زيرو . الطيب احسن . وبعدين ياروح امك انا قمر ف كل حاجه.
فريحه : باست على ايدو بحب . حبيبى انت اجمل راجل ف الدنيا واوسم راجل ف قلب فريحه . تعالى يلا وانا هساعدك واقصلك شعرك . وقامو . ومراد ظبط شعرو وفريحه ساعدته وهزرو كتير وهي بتقص شعرو . والضحكه رجعت تانى نورت قلب ووش فريحه .. واخدو شاور . وصلو العصر .
مراد بيلبس .وفريحه بتلبس ومبسوطه اوى وحاسه انها عروسه . وسمعو صوت عربية آدم وزين .. ومراد ابتسم لأن الساعه لسه مجتش ٥ عرف إن ابوه جه بدرى علشانه. واتنهد بحب .. وبص لفريحه وشافها بتلبس الفستان وبتضحك مع نفسها . وقرب منها وحضنها من الخلف . وقال بصي بقى انا جايبلك هديه جامده جامده يعنى . شوفتها ع النت وجبتها .
.قولت اوبا بقى البت فريحه هتبقى. طلقه فيه . عليا النعمه محد يلبسو غيرها هتبقى وتكا كدا وانا عايز أشوفه عليكى دلوقتي .
فريحه : وشها اتحول لجمرة نار . ونزلت وشها . ومتكلمتش. !
مراد : بص عليها . وغمز بعينه هو ده . ثوانى يابت هاجبلك الهديه .
فريحه : اتكسفت .وعايزه تقوله أن بابا آدم وصل . لكن . سكتت ومتكلمتش .واتنهدت قالت جواها مجنون يامرادى .
مراد : فتح الشنطه .وطلع منه علبه متوسطه وخباها ورا ضهره. ووقف قدام فريحته. غمضي عينيكى .
فريحه : بتوتر غمضت عينيها . لانها متوقعه أن مراد اكيد جايبلها طقم خاص .
مراد : طلع العلبه القطيفه المتوسطه . وفتحها .وجاب شعر فريحه ع جمب . واستغربت . وقالها شش اوعي تفتحى عينيكى علشان متغباش عليكى .
فريحه : ضحكت ع رومانسيته المجنونه .
مراد : جاب شعرها على جمب . وجاب العقد ولبسه ليها . وباس كتفها وضمها من الخلف . وحط دقنه على كتفها فتحي يافريحتى
فريحه : قلبها بيدق من قرب مراد ليها . وعرفت انه اكيد جايب سلسله . وضحكت ع تفكيرها . وانها فهمت غلط . وجسمها اتشد لما باسها وحضنها وفتحت عينيها . وبعد ماشافت العقد الالماظ . فتحت عينيها على الاخر بانبهار . وحطت ايديها على العقد هييييه اييييه ده . اييه ده يامراد. بسم الله ماشاء الله . الللله دا . دا تحفه اوى ياحبيبى . يجنن روعه بجد .
مراد : لما شاف رد فعلها . قال جواه كفايه عليا فرحتك دى ياروحي .انا مش قادر انسى تعبك وانتى بتولدى .واتنهد بحب عجبك ياقلب مراد
فريحه : لفت . وبصت ف عينيه وقالت بحب .لا مش هو الل عجبنى. لكن انك تفكر فيا . وتجبهولى بنفسك وتلبسنى العقد بايدك ده الل عجبنى ودى عندى بالدنيا.كلها . وحضنته بفرحه وسعاده كبيره حبييبببى ربنا مايحرمنى منك ابدا يامراد قلبى انا .
مراد : ضحك وضمها . وباس راسها . وغمز بخبث انتى كنتى مفكره جايبلك ايه ها ! هاا؟
فريحه : اتكسفت ووشها بقى احمر. احم وسكتت . ولفت تلبس الحجاب .
مراد : بصلها ف المرايا ..عليا الطلبات ابدا . لازم اعرف مستوى تفكيرك هههههههه . قولى يابت بتفكرى ف الحجات دي ههههههه.
فريحه : لبست الحجاب ولفت .و كشرت عينيها . وصكت على أسنانها . مووراد انا مستوى تفكيرى كويس لكن انت بريأكشناتك وكلامك ده انا فكرت انك جايبلى طقم خاص ...
مراد : اوباااا . انتى تفكيرك عدا . وعدا . انا مجاش ف دماغى كدا خالص هههههه.
فريحه : صغظت على شفايفها . واتكسفت جدا . واتغاظت .
مراد : ههههههههه يابت بهزر معاكى . وبعدين والله انا ما هاحرمك من حاجه خالص . انتى فكرتى انى جايبلك طقم مش كدا !؟ . وانا ياروحي عمري ما أتأخر ف حاجه زى دي ابدا أبدا هههههههههه. وساب فريحه الل وشها نار . وراح طلع من الشنطه علبه متوسطه ف شنطة هدايا . وشاورلها وغمز . اهووو . اهووو اطلبى واتمنى ههههه
فريحه : مكسوفه . احم بابا آدم وصل تحت مش هننزل .
مراد : ههههه . ايوه يلا بينا . ومسك ايدها وخارج . وهي وقفت متنحه . انت واخد الطقم . احم قصدى واخد الشنطه و العبله وخارج بيها ليييه !؟
مراد : غمز بخبث . شكلك مصممه . ههههه وطلع العلبه من الشنطه وفتح العلبه . وكان طقم كوليه ل مريم . ههههه
فريحه : اتكسفت جدا . وبصت ل مراد بشرز لانه بيلعب باعصابها وصكت على أسنانها موووراااد.
مراد : ههههه حبيبتي متقلقيش جبتلك والله طقم جامد بس هتشوفيه بليل مش دلوقتي ههههههههه .
فريحه : صكت على أسنانها بغيظ موررااااد.
مراد : هههههههههههه قمر يابت المستخبى هههههه . وخرجو من الاوضه . وبعدها قالها وهما نازلين . بقولك ايه .
فريحه : نعم ياحبيبى .
مراد : انا جبتلك هديه وجبت لمريوم . لكن ماجبتش ل نور ولا رينو ولا رنا وريتال . وبصراحه أحرجت اشترى هديه ل ريتال انا معرفش زوقها ايه ! ف انتى هتستلمى مهمه انك تشتريلهم هدايا .زى الشاطره كدا . وكمان العيال الصغيره اشطا .
فريحه : اممم عيونى انت تؤمر امر .
--------------------بقلمى Mariem Nasar
آدم وزين : دخلو البيت . ومريم استقبلتهم . وسلمت ع آدم وباس ع أيدها . ومن اخر مره مريم زعلت منه آدم احتواها . حبيبتي عامله ايه النهردا ياروحي .!؟
مريم : بحب . الحمدلله ياحبيبى حمدلله على سلامتك.
آدم : حاوطها من كتفها وراح بيها ع الليفنج . الله يسلمك ياحبيبتي . وقعد وقعدها جمبه .
زين : قرب منها وسلم عليها . وهي سلمت عليه .
زين : اومال مراد فين يامريوم .
مريم : جاي مرهق ياروحي وقولتله اطلع ريح ساعه قبل ما ترجعو بالسلامه .
زين : امم تمام الحمدلله أنه رجع بالسلامه .
مريم : الحمد لله يازينى . انت هتروح تجيب ريتال انهردا من عند هنا !؟
زين : ايوه إن شاء الله . هسلم بس ع مراد . وهروح اجيبهم علشان فهد ورينو جايين بليل . وكمان محمد ونور .
مريم : بفرحه : بجد . طيب كويس اوى . انا هاقوم اقول ل سعاد تعمل حلو بالمناسبه دى .وبصت ل آدم . حبيبى عايز حاجه معينه اقول ل سعاد عليها تعملهالك !؟
آدم : قرب منها وهمس . عايزك انتى وبس .
مريم : طبعا وشها بقى احمر . وبصتله باحراج .
آدم : بنفس الهمس وحشينى يامريم .
مريم : احم وبصت ع زين . وهزت راسها ل آدم بحرج .
مراد من وراهم : سلامووووو عليكووو يابشر.
آدم : لف بلهفة أب ووقف . وكمان زين .
مراد : قرب وبص ل آدم بحب واحترام كبير . وحضنه .
آدم : حضن ابنه وقلبه ارتاااح . وبيدعي أنه ميطلعش مهمات تانى لانه عايز يطمن عليه . هو مبينمش كويس طول ما مراد مسافر . وربت ع ضهرو بحنان أب . حمدلله ع سلامتك ياحبيب ابوك .
مراد : مغمض عينيه وحاضن آدم . وحس بدفى وحب كبير . الله يسلمك ياحج . وخرج من حضنه . ومراد . اول مره يوطى ع ايدو ويبوسها لأن آدم كان بيرفض ديما . لكن مراد كان اسرع . وباس ع ايد آدم . وعيون آدم لمعت . وحمد ربنا ف قلبه إن ذريته إن شاء الله صالحه .
زين : قرب ع مراد . حبيبى حمد لله على السلامه يابطل .
مراد : فتح ايديه واخد اخوه ف حضنه وضمه بحب كبير . وربت ع ضهرو الله يسلمك يازينو .
زين : حضن مراد بحب . وابتسم ع اسم زينو. وإن مراد مش هيتغير حتى ف المواقف المؤثره . وخرج من حضنه .
مريم : قلبها سعيد ومبسوط جدا . ودعت بحب أن مراد وزين مايفترقوش ابدا . وبصت ع فريحه الل شافت وشها نور من تانى .
فريحه : راحت عند مريم وحضتنها من فرحتها . وقالتلها . ماما .اومال مريم وآدم فين !؟
مريم : انا اكلت مريم وغلبها النوم . وطلعتها اوضة الاطفال نيمتها . وآدم اخد الببرونه و لسه نايم مفيش ١٠ دقايق . لما يصحى اكليه انتى ماشي ياحبيبتى .
.ومريم راحت قالت ل سعاد ع الحلو . وكمان يجهزو الغدا .
آدم : عيونه ع مراد . واطمن لانه شافه كويس واكيد مش مجروح . وقال مراد !
مراد : بصله اؤمرنى ياحج !
آدم : بعد الغدا عايزك ف المكتب .
مراد : ابتسم لأن آدم عايز يطمن عليه . ويحكيله ع المهمه . حاضر ياحج .
--------------------بقلمى Mariem Nasar
بعد فتره كبيره .
فهد : واخد رينو كلها في حضنه . وكل شويه يبوسها من خدها وجبينها وايدها . وجواه حاله من السعاده . ومبسوط جدا لأنه رجع اخيرا لمعشوقته الصغيره . وهيقضى معاها اجازه طويله . وابتسم وباس جبينها تانى وبيرتب شعرها .
رينو : استكانت في حضن الفهد ومغمضه عينيها وبتضحك ببلاها وسعاده كبيره . لأن فهد اخيرا رجع ليها من تانى وهتنام ف حضنه . وفرحانه لانه كل شويه يبوس جبينها وايدها . واتنهدت بسعاده كبيره جدا .
فهد : نجمتى .
رينو : سرحانه . اممم.
فهد : شافها سرحانه . ابتسم . نجمتى !!.
رينو : مغمضه عينيها ومبتسمه . امممم .
فهد : ضحك عليها لأنها زى الاطفال . وقالها سرحانه ف ايه بقى وانا معاكي !؟
رينو : ف الاوعي واتنهدت فيك ياحبيبى . انت كنت وحشنى اوي . ولسه بردو وحشنى يافهد .
فهد : قلبه مبسوط . ورفع راسها على كتفه . انتى الل وحشانى اوى وف كل ثانيه بتوحشينى . وانتى بعيده عنى وكمان لما بتكونى في حضني بتوحشينى ياقلب فهد.
رينو : اتنهدت . عارف يافهد . قبل جوازنا . لما كنت بتسافر . كنت بتوحشنى اوى . وكنت اوقات كتير ف الصلاه أسجد وادعيلك . لكن كنت بكمل حياتى وبحاول اتعايش مع الل حواليا . لكن بعد الجواز . وشوفت حنيتك عليا واهتمامك . وخوفك عليا . وكمان لما بتاخدنى ف حضنك وانام وانا مش خايفه من حاجه . وبعدها سافرت المهمه دى . معرفش كان عندى احساس مختلف غير الاول . حسيت باشتياق كبير وغريب . حسيت بالوحده مع إن عيلتى طول الوقت جمبى وكمان بابا طارق ورنا . وحتى تيمو حبيبي .
بردو مكنتش بعرف انام زى الاول . حتى الاكل مكنش ليه طعم . لما بفرح بحس أن الفرحه ناقصها انت . حاسه ان في حاجه ف قلبى مش مكتمله . حياتى ناقصها حاجه . والحاجه دى هترد فيا الروح . وبصت ف عينيه . وجودك بيفرق . بيفرق اوى يافهد.!
فهد : بيسمعها . ومحاوطها بايدو وراسها على كتفه . وابتسم . واتنهد بحب كبير . وقربها منه وباس جبينها . واتعدل ومسك وشها بايديه . حبيبتي يارينو كل ده حستيه وانا مش موجود !؟ . لكن انا مش هستغرب كلامك ده لانى مجربه وعايشه . انا بردو قبل جوازى منك كنت بحب انزل مأموريه علشان الاقى حاجه تاخدنى من تفكيري فيكى . كنتى بتبقى وحشانى اوى . بحب عينيكى . كنت بتوه فيها لمجرد التفكير بس . كنت بطلع اشتياقى ليكى ف المهمات . لكن المرادي انا اول مره مكونش عايز اطلع مأموريه . كنتى وحشانى بطريقه كنت هتتجنن من بعد المسافه الل بينى وبينك . كنت بعد الايام علشان اشوفك . رينو انتى عشقى ومعشوقتى . انتى نجمتى . حياتى .روحي انا بحبك حب فريد من نوعه . محدش حبه لحد . انا هاين عليا اخطفك ونروح مكان بعيد اوى ونعيش فيه انا وانتى وبس . انا وعشقى . عشق الفهد .
رينو : وشهاب بين ايديه . وباصه ف عيونه بعشق كبير . وشالت ايدين فهد وقربت منه وحطت راسها على صدره . وغمضت عينيها واتنهدت بسعاده . انت فعلا عشقى . انت حقيقى عشق الفهد .
. وقعدو يتكلمو شويه وهما ف حضن بعض . وبعد كلام مشترك بينهم كتير ورينو حكتله يومياتها وعملت ايه ف فترة غيابه . وكمان فهد حكالها عن المهمه لكن مش كل حاجه . وسكت لثوانى كدا . وبعدها بصلها .
..احم قوليلى يا لاري . مين معتز ده !؟
رينو : بصتله . وقلقت من سؤاله . وخافت لا يكون غار منه وحطه ف دماغه . واتكلمت بقلق . احم . هوا.. احم . حبيبى . دا . دكتورى ف الجامعه وهو إنسان مهذب ومحترم جدا . وبلعت ريقها . احم .. وكان بيسالنى عملت ايه ف الامتحان وكان عايز يراجع معايا الامتحان .وانا قولتله ملوش لزمه وكنت لسه همشي . قالى اتفضلى الكتاب ده . مرجع هيفيدنى ف الترم التانى .بس مش اكتر !!
فهد : من جواه بيغلى .وصك ع اسنانه . لأن معتز سأل رينو . وكدا مفيش دكتور هيسال كل الطلاب عندو وهيراجع معاهم الامتحان . واتغاظ من أنه اهتم بيها وادلها كتاب المراجعه مخصوص ل رينو . ومرضيش يسأل رينو اشمعنى هي بس الل سألها واشمعنى هي بس الل جابلها كتاب مخصوص ليها .علشان متفهامهوش غلط . وغمض وحاول أنه يسيطر على أعصابه علشان ميزعلهاش منه . وقالها . احم طيب ممكن متقفيش معاه تانى .!؟
رينو : حست بغضبه . لكن قالت . فهد حبيبى والله ده دكتور محترم . وكلمنى ف حدود الماده الل كانت عندى مش اكتر .
فهد : بثبات انفعالى . وابتسم . حبيبتي تمام مفيش مشكله . انا عارف كل ده . لكن انا مستريحتلوش . ممكن متقفيش معاه تانى .!؟
رينو : اتكلمت بزعل . يعنى يافهد انا لو ماشيه ف الكليه وسالنى ع حاجه او كلمنى ف العملى مردش عليه . طيب تيجى ازاى دى !
فهد : بغيظ هز راسه . لارين . يكلمك ف السيكشن ف وجود زمايلك . ف غرفة التشريح. يسألك يمتحنك جوه السيكشن والعملي بردو ف وجود زمايلك . ده دورو . انما تخرجي من بره السيكشن المفروض لو شافك كأنه ميعرفكيش . واتكلم بهدوء مصتنع . حبيبتي اولا انتى طالبه جامعيه وف بنات تانيه ف الجامعه لما كل شويه يطلع زفت ده وكمل بغيظ . ويوقف معاكى ف وسط الجامعه ويتكلم معاكي البنات هتقول ايه . بصي اولا كدا . انا واثق فيكى وده شئ مفروغ منه تماما . وكمان ميهمنيش اى بنى أدم ع وش الارض ولا الجامعه غيرك انتى . وكمل بديق . بصراحه بقى الموقف ده مولع جسمى كله . ممكن لو سمحتى لو كلمك مترديش عليه بره السيكشن . وبصلها بتهديد .. ولا انا اقوله بمعرفتى . وهخليه ميعرفش يقول كلمة دكتور دى خااالص .
رينو : اتنهدت . ومسكت كف ايديه .حبيبى حاضر : انا مش هتكلم معاه تانى .و ممكن تهدى شويه . انا هفهمك الدكتور معتز بيعمل كده ليه .
فهد : استريح لما وافقته رايئه .ورفع حاجبه . اممم ليه !!
رينو : الدكتور معتز اكيد بيعمل كده . علشان شايفنى الطالبه المتفوقه . وانى كل سنه أثبت نفسي وبجداره . واكيد هو شايف ان تعبه ف الشرح والدراسه والنظرى والعملى مرحش ع الفاضي . فهد اي مدرس او مدرسه . أو دكتور ودكتوره ف الجامعه بيفرحو لما بيلاقو طلاب متفوقين . وبعدين يافهد انا لو كنت شوفت من الدكتور معتز ده اى تصرف غريب انا كنت هرجعه لعقله . لكن صدقنى عمرو ما اتجرأ حتى يقولى اى حاجه او حتى يهزر . صدقنى يافهد وبعدين انت معاك حق ف انه ميكلمنيش وسط الجامعه كدا . انا نفسي انهردا ادايقت وهو لما طلب منى انه يراجع معايا الماده لانه شافنى متوتره . انا رفضت وقولتله ان انا حليت وكتبت خلاص مش هنغير حاجه . واستاذنت علشان امشي . وهو قالى طيب اتفضلى الكتاب ده . وعلشان اسيبه وامشي من قدامه لانى ادايقت . قولت يابت خدى الكتاب وامشى . وابتسمت بحب . وبصت ف عينيه وكملت .ويدوبك لسه هاخد الكتاب . لقيت قلبى بينده عليا . وروحي رجعلتى من تانى .
فهد : من جواه مدايق . لكن هو واثق ف معشوقته . وكمان هي وعدته خلاص واستريح . وقلبه دق لما بصت ف عينيه وابتسم وقرب منها وباسها باشتياق . وحط راسه ع جبيبنها . بحبك اوى يارينو .
رينو : مغمضه عينيها وانا بعشقك يافهد .
فهد : بعد شويه . اتعدل وبص ف الساعه . وقالها . لاري يدوبك المغرب قرب يأذن نقوم ناخد شاور وتلبسي .
رينو : بعدم فهم . امم نلبس ليه !؟ احنا هنخرج !؟
فهد : امم طبعا عندنا ٣ مشاوير اول مشوار هنروح نسلم ع مصطفى عزيز وشيرين . وتانى مشوار هنروح نسلم ع طارق ورنا . وتالت مشوار هنروح نسلم ع آدم ومريم .
رينو : بطفوليه . هو لازم نروح انهردا . خليها بكره انا عايزاك تقعد معايا .
فهد : ضحك بحب ..وباس ايدها . لاري حبيبتى ان كان عليا انا مش عايز ابعد عنك ابدا . لكن لازم نخلص كل حاجه انهردا .
رينو : بعدم فهم .انا مش فاهمه حاجه .ليه.
.لازم نخلص كل حاجه انهارده .!؟
فهد : اممم علشان من بكره هنسافر ياقلب فهد.
رينو : بصتله وابتسمت بسعاده . بجد
فهد : بيلاعب ف شعرها . وابتسم لاري انا وعدتك قبل كده ان أول فرصه ليا هاخدك ونسافر انا عايز اعيش معاكى انتى وبس .
رينو : ابتسمت بحب . طيب ممكن اعرف هنسافر فين !؟
فهد : امممم . انا هاخد معشوقتى الصغيره . ونسافر ع المانيا لانها كانت عايزه تسافر المانيا شهر عسل. وهنساف
ر . وهنرجع ف اول اسبوع ف الترم التانى .
رينو : شهقت بصوت عالى وحطت أيدها ع بوقها وفرحت جدا .واااااو بجد .
فهد : ضحك ..ايوه بجد ياحبيبتى .
رينو : حضتنه بسعاده . حبييييبى يااافهد ..انا بموت فيك والله .
فهد : بيضحك علشان هي سعيده . لكن رينو خرجت من حضنه مكشره . واتكلمت بديق . انت هتحلق شعرك ده امتى بقى !؟
فهد : بخبث . لا انا هسيبه كدا . استايل جديد . وكمان مش هرجع الشغل دلوقتي . وهسافر وغمز .
رينو : صكت على أسنانها بغيظ . ع فكره بقى ايوه شكلك حلو اوى كدا . لكن اللوك ده مستفز جدا . بينرفزنى اوى اوى ع فكره .
فهد : اممم . لا بما أنه بيدايق لاري القمر يبقى نشيله خالص . وحالا . وقام من مكانه ويلا بقى علشان يدوبك نلحق . ونرجع نجهز كل حاجه للسفر. وشالها . وهي اتخضت واتكسفت . ودخل بيها الحمام ونزلها ف الحمام . وهي محرجه جدا . وقالها يلا بقى شوفي هتعملى ايه ف شعرى انا قولتلك لما ارجع وابقى بين ايديكى . اعملى الل قلبك يحبه . ورينو ابتسمت بحب . وبدءت تقص شعر فهد . وفهد يرخم عليها ويرفع راسه لفوق علشان هي قصيره . ورينو بتضحك عليه . وكان وقت جميل . وظبطت شعرو ودقنه وهو كمل . وخلص كل حاجه . ورينو واقفه سرحانه ف شكله الل بتحبه . وقالتله ايوه كدا اجمل واحسن بكتير . خليك كده ع طول انا بحبك كدا.
فهد : حاضر يقلب الفهد . وبعدها كل واحد اخد شاور . والمغرب أذن وفهد صلى المغرب ولبس . ورينو صلت المغرب وبتلبس . ومبسوطه جدا . وشهقت واتخضت . لانه شدها لصدره جامد .
رينو : ف ..فهد خضتنى. وغمضت عينيها . حرام عليك .
فهد : ضحك بحب . المفروض تكونى اتعودتى ع كدا . هفضل اقولهالك يعنى . مين هيشدك لحضنه غيرى ها . وباسها من خدها . غمضي عينيكى الحلوين دول .
رينو : بتظبط أنفاسها . واتنهدت بحب . لأن فهد واحشها بكل تفاصيله . وخصوصاً بعد ما حلق وشافت جمال فهد الحقيقي . حاضر وغمضت عينيها .
فهد : فتح عليه قطيفه . وطلع منها طقم الماظ . ولف وجاب شعر رينو كلو ع جمب وهو بيبتسم . ولبسها الطقم وكان يجنن عليها ورجع شعرها تانى وحضنها من الخلف وباسها من خدها . فتحى يقلبى .
رينو : قلبها بيدق بسرعه من قرب فهد منها .و فتحت عينيها وشافت الطقم . وابتسمت بحب كبير وشهقت . وفهد شاف الغمازه الل بيحبها . وابتسم .
رينو : بانبهار . واااو . مشاء الله . جميل اوى اوى ياحبيبى . بجد تحفه .
فهد : تؤ مش هو الل جميل . ولا هو الل تحفه . الطقم بقى ليه قيمه لما اتحط حوالين رقبتك يارينو . وضمها بحب كبير . انا بعشقك . بعشق كل تفاصيلك . انتى كنتى وحشانى ولسه وحشانى وبتوحشينى .
رينو : لفت وشها ليه . وباسته من خدو. شكرا يا فهد . شكرا لانك موجود ف حياتى بجد شكرا .
فهد : انتى الل بتشكرينى . انا الل المفروض اصلى ليل ونهار واشكر ربنا انه ريح قلبى بيكى . وخلاكى من نصيبى يارينو . وباس جبينها . حبيبتي ربنا يخليكي ليا .
رينو : ربنا ما يحرمنيش حبك ياعشق الفهد .
فهد : لفها للمرايا . وسرح ليها شعرها . ورينو مبسوطه اوى . وعندها احاسيس مختلفه وحاسه انها طفله صغيره. وكانت نفسها تحط لمسات خفيفه لكن عارفه انه هيرفض فسكتت . ولبست الحجاب . ولسه هتلبس النقاب ...
فهد : جاب علبه قطيفه وفتحها . رينو حبيبتى ايه رايك ف الطقم ده ل رنا . !؟
رينو : شافته . واااو بجد تحفه جدا . جميل اوى ياحبيبى .
وفهد : طلع علبه من جيبه . وكان فيها سلسله قيمه جدا وعباره عن شكل ورده باللون الاحمر وحواليها فصوص ودهب لازوردي وكانت تحفه ورقيقه اوووى. وايه رأيك في السلسله دى بقى !!!؟
رينو : بانبهار . اييييه دا . بجد تحفه اوووى . جميله اوي اوي . لمين دى يافهد بجد روعه وقيمه ورقيقه .
فهد : بخبث وبيغظها . دى لواحده صديقه ليا . انا بحترمها وبعزها اوى . وكمان هي انسانه رقيقه جدا .وانا شوفت السلسله دى فيها .
رينو. : قبضت ع ايديها وصكت على أسنانها . وبدءت تتنفس بغيظ . صااااااحبتك . ورقيييييقه . مين دى إن شاء الله بقى !!!!!؟
فهد : قلبه بيرقص . احم . اكيد هعرفك عليها ياحبيبتى . صدقينى انتى هتحبيها اوى .
رينو : بغضب . هياااااا مييييين دى . وكمان هحبهااااا . بص بقى عارف لو مقولتش مين البنت دى مش هيحصل كويس فاهم .
فهد : ابتسم بخبث . وبيقرب منها . هي صديقتى مش صاحبتى . وكمان انا بحبها وبحترمها . وعارفه هي حلوووه وقمر .
رينو : فتحت عينيها بصدمه . واتغاظت. وبعدها اتحركت خطوه واخدت النقاب وسابت فهد. وخارجه من الاوضه . لكن فهد شدها من أيدها بسرعه لصدره . ورينو ثابته متهزتش ولا بصتله . وبصه بعيد .
فهد : ابتسم . همس ف ودنها انا شامم ريحة شياط .
رينو : .......
فهد : باسها من خدها لاري حبيبتى .
رينو : ....... ساكته..وغضبانه
فهد : جواه مبسوط . لكن شاف عيون رينو لمعت .ومسك ايديها وحطها حوالين رقبته . وقال ل مريم الجزار .
رينو : غمضت عينيها . واتنفست باريحيه . وبعدها بصت لفهد وكشرت عينيها . وخبطته ف كتفه كتير انت . انت حقيقى مستفز جدا .
فهد : ههههههه ااه يامجنونه
رينو : حدفته بالمخده . ماشى يافهد . انا تعمل معايا انا كدا .والله ماشي .
فهد : ههههه حبيبتى اسف والله . انا قولت اشوف رد فعلك . وغمز بس ايه طلعتى بتغيرى اوى ع الفهد .
رينو : ومغيرش ليه بقى . زي ما انت بتغير عليا انا كمان بغير عليك .
فهد : قربها منه . اممم طيب انا لو حد فكر بس مجرد تفكير فيكى انا ممكن ادبحه . انتى بقى لو واحدا ومكلمش .
رينو ؛ قطعت كلامه بحده . واتكلمت بجديه . لو واحده بس فكرت فيك مجرد تفكير واتمنتك ليها انا ساعتها ممكن اقتلها بايديه.دول وكمان هولع فيها بعد ما اقتلها فاهم يافهد . انت ملكى انا وبس . انت ليا انا وبس انت مينفعش تكون لغيرى . وانت اتخلقت علشانى علشان لارين العدوي . وانا اتخلقت علشانك علشان فهد السيوفي وبس . وياريت متجربش أو تختبرنى انى اغير عليك لان ممكن ابوظ كل حاجه صدقنى ..
فهد : شاف غضبها ومش عارف يفرح ولا يستغرب رد فعلها . لكن شايفها غضبانه جدا . ومتنرفزه . اخد راسها على صدره وضمها بحب . واتكلم بحب . رينو حبيبتى انا عايزك تعرفى أن ولا واحدا في العالم كله تقدر تاخدنى منك ولا هسمح لاى واحده تفكر مجرد تفكير فيا . حبيبتي انا فعلا اتخلقت ليكى انتى وبس . اصلا ماينفعش فهد يكون مع حد غيرك انتى وبس . وفهد ورينو جسدين ف روح واحده . وانا كنت بهزر معاكى ع فكره بس انتى طلعتى مفتريه وصدقى بقى لايق عليكى الطب والتشريح . دا انا اخاف منك بقى . انتى مش محتاجه تدريب .
رينو : غمضت عينيها ف حضن فهد . وحاولت تهدى لأن فهد كان بيهزر . وحاولت تفكر ف المواقف الإيجابيه . لكن حضن فهد كفيل انه ينسيها اى حاجه .ورفعت أيديها وحضنته وفهد غمض عينيه وضمها لحضنه ورفعها من على الارض ودفن وشه ف رقبتها ولف بيها بحبك ياعنيده .
رينو : اتنهدت وابتسمت بسعاده بحبك يا مجنون . ونزلها وبصتله ع فكره بقى انت لازم تتعاقب .
فهد : رفع حاجبه باستغراب.نعم يختي مين ده الل يتعاقب !؟
رينو : راحت عند التسريحه . وجابت صوباع روج اتفضل وحطته ف ايدو حطلى الروج ده .
فهد : هز راسه . وكشر عينيه . ومش عايز يزعلها وقالها بس ااقل من البسيط اوكي .
رينو : ابتسمت اوكي .
فهد : تعالى ويارب يطلع مظبوط . وفهد حط ليها وبسييييبط جدا . اهو تمام كدا انا افتريت جداا .
رينو : بتبص ف المرايا . وبصت لفهد فين يافهد الروج . انت محطتش حاجه .
فهد : عمل ريأكشن . ازاى بقى . دا انا خلصت نص صوباع الروج عليكى . حتى بصي . وبيمسح الل حطه بمنديل. يبقى اكيد مضروب . ويلا بقى اتاخرنا .
رينو : ابتسمت ع الريأكشن . وحركاته . ماشي يافهد انا هعديهالك انهردا علشان بس انا مبسوطه برجعوك ليا بالسلامه . ولبست النقاب وخرجو . وهيرحو ل مصطفى الاول . وبعدها طارق واخر حاجه ل آدم .
--------------------بقلمى Mariem Nasar
ف نفس الوقت .
مراد : قدم الهديه لمريم بحب كبير . ومريم فرحت . لكن قالتله مش لازم كل مهمه تجبلى هديه . انا هديتى الل بجد . رجوعك لقلبى بالسلامه . ومراد باس أيدها . وقالها انا رجعتلك بالسلامه بفضل الله ثم دعواتك ياقلب مراد . والكل قعد يتغدى . وزين بعد الغدا خرج يجيب ريتال والتوأم .
بعد الغدا
آدم : قاعد ف المكتب . وطلب قهوه ليهم . ومراد قاعد قصاد آدم ..
آدم : ها بقى يابطل . احكيلى تمت المهمه بنجاح !؟
مراد : الحمد لله ياحج كله تم بتوفيق من الله . وكمان دعواتك انت والعيله لينا . تمت ع خير.
آدم : امم الحمد لله . طيب احكيلى يابطل
مراد : حاضر ياحج .. بدأ يحكي ل آدم كل حاجه من بدايه السفر ومراقبتهم لانصاف واتأجروا الشقه وانهم قعدوا في الشقه الل فوق شقتها بالضبط ومراد بيحكيله كل حاجه بالتفصيل حتى الل انصاف عملته مع مراد وفهد . والخطه الل مراد حطها علشان يوهم انصاف انها على علاقه مع مراد.
.وآدم ابتسم من تفكير ابنه لانه بيشبه نفس تفكير آدم مع فيفي الله يحرقها . ومراد حكاله على كل حاجه . وانهم اشتغلوا سواقين على عربيات بضاعه . وبعد كده واحده واحده انصاف وثقت فيهم وبدات تشغلهم لحسابها في الاثار . وانهم يبيعوا حته اثار او حتتين وبعد كده انصاف اعترفت لمراد بكل حاجه وانها كلمت الراس الكبيره انها عندها 2 رجاله يقوموا بالمهمه دي . وطلعتلنا في يوم الساعه 3 الفجر وطلبت مننا اننا نلبس علشان هنسافر ل بلد جنبنا وكانت الطريق 3 ساعات وتوقعنا ان احنا هنرجع زي ما هي قالت . وكسرنا كل الشرايح واي دليل معانا والبسنا وصلينا الفجر. ونزلنا وركبنا العربيه وفهد قاعد قدام جنب السواق ومراد وانصاف في الكرسي الخلفي .
الحلقه 15 ج 2
#رواية_جريمة_عشق3
(عشق الفهد)
بسم الله نبدأ
ونقول فلاش باك ...
فهد راكب العربيه جنب السواق وانصاف قعدت الكرسي الخلفي وندهت تعال يا عصام اقعد جنبي
مراد : نفخ بديق وراح قعد جنبها وطول الطريق تتكلم وتهزر .. ومراد اوهمها انه عايز ينام ونام بتمثيل
..وفهد نفس النظام لكن بعد ساعه سمعوها بتتكلم في التليفون وانها معاها عمار وعصام وكلها 5 ساعات ونكون عندكم وقالت لا انا مش عارفه الباشا خليفه . ناوي يرجعنا ولا يخلينا عنده في الفيلا . وطبعا ده ما كانش في الحسبان لمراد وفهد وكمان بدهشه لانها قالت المسافه 3 ساعات . وبكده يبقى في غلط في الحسبه او في الخطه لكن معلقوش وبعد 5 ساعات وصلوا الساعه عشره الصبح . وانصاف صحت فهد ومراد وقالتلهم يلا يا عصام يلا يا عمار وصلنا .. ونزله قدام فيلا ضخمه جدا يشبه للقصر . وعليه حرس كتير جدا و كلاب بوليسيه .وكمان لما دخلوا اتفتشو كويس جدا . و كان فيه بسين كبير و بنات اجانب لابسه مايوهات.
. دخلت انصاف وراحت على البسين . وشاورت لعصام وعمار يمشوا وراها .
الراجل الكبير في البسين وجنبه بنتين اجانب في البسين . وخليفه ف سن الأربعينات .
انصاف : بدلع ..صباح الخير ياخليفه يا باشا .
خليفه : غمز وشاور بايدو ل انصاف .
انصاف : اهم يا باشا انا جبتهم اتنين الله اكبر عليهم . عتاوله ده اسمه عصام الاشقر وده اسمه عمار الونش . وما لهمش حد يا باشا زي ما قلتلك وهيبقوا خدامين سعادتك ومن ايدك دي لايدك دي . انت تؤمر وهما ينفذوا.
خليفه : بص على فهد ومراد وشاف ان لياقتهم البدنيه عاليه . وقال اممم تمام يا رشا
.وطلع من البسين والبنات بالمايوه وراه .
طبعا فهد ومراد بصين على الباشا وانصاف وبيحاولوا ما يبصوش على البنات لكن قلقانين لا يكشفوهم .
خليفه : دخل الفيلا وغير هدومه وقاعد على الكرسي وحط رجل على رجل والبنات لبسه ولبسهم كان فاضح جدا وانصاف دخلت وشاورت لفهد ومراد يدخله
الباشا . قاعد ومراد وفهد واقفين قدامه وانصاف
مراد : بدا يتكلم بجديه ومش خايف . لا مؤاخذه يعني يا باشا حضرتك جبتنا هنا ودخلت وغيرت لبسك وفطرت ودلوقت الساعه 11 ونص بقالنا ساعه ونص واقفين بره . احنا عايزين نعرف دورنا ايه
الباشا : ومالك مستعجل كده ليه ..
انصاف : بتوتر لا يا باشا مش مستعجل ولا حاجه هو بس ما نمش من امبارح والشمس كلت دماغنا بره..
الباشا .. اممم طيب يا رشا دلوقت انا هاختبرهم . كده في شويه حجات . انا عندي كمية سلاح وعايز اسلمهم والتسليم هيبقى في مكان مهجور في الجبل . ودي هتبقى مهمه كاختبار ليكم انكم تستاهلوا تدخلو على المهمه الكبيره . ويا ريت مش عايز اي غلطه علشان الغلطه عندي بفوره فاهمين .
مراد وفهد .. هزو راسهم فاهمين يا باشا .
الباشا : شاور للجارد وشوشه في ودنه والجارد راح جاب صندوق مليان اسلحه وشايله مع زميله . وحطه ع الأرض وفتحوا قدام فهد ومراد ..
الباشا : قالهم ده هيتسلم النهارده . انا هديلكم فرصه تثبتو نفسكم.وهيبقى معاكم حرس شخصي . وهيوصلكو للمكان وهاتسلموا البضاعه وتاخدو الفلوس .. وابتسم بخبث . لكن انا عايز البضاعه دي ترجعلي تاني هي والفلوس.
.. طبعا فهد ومراد فاهمين ان دي معركه بما انهم داخلين ع تجار واسلحه وجارد هيبقى اختبار .. وبصوا للباشا بيمثلوا الغباء .
مراد : بيمثل بعدم فهم . مش فاهم يعني يا باشا ازاي هنسلم البضاعه وازاي هنجيبها لك تاني ..؟
الباشا : طلع سيجار وبيشرب قاله انت هتسلم البضاعه وتاخذ الفلوس وبعد ماتسلم وتستلم . تقتل الل هياخدو الاسلحه وترجعهالي . لان ده تار . بيني وبينهم لانهم هايبيعوني وانا اتاكدت من ده بنفسي وده اختبار . ليهم. وكمان ليكم
وهما كده .كده هيموتوا النهارده . سواء انتم قتلتوهم او غيركم قتلهم . لكن ده اختبار ليكم زى ما قولت .
انصاف : خافت على فهد ومراد وخافت تخسرهم . وهي عارفه انه مراد قلبه ضعيف وبيخاف ..
فهد : هز راسه علشان يمثل ان مراد بيخاف . وقال انت تأمر يا باشا . لكن خلي عصام موجود هنا وانا هاروح لوحدي .
الباشا : بصله انت قلت اسمك ايه .
فهد : عمار .. عمار الونش يا باشا .
الباشا : اممم عمار . انا ما بحبش اعيد كلامي مرتين . قلت ده اختبار ليكم انتو الاتنين . ولو نجحتو بعد كده هتستلمه المهمه الكبيره ما رجعتوش فا دي مش مسئوليتي انتم هتروحوا الاتنين مع بعض وهتاخدو معاكم سلاح ومعاك الحرس وصدقوني لو حصل منكو اى حركة غدر هتتقلو . ان ما كانش النهارده هتتقتلو بكره
مراد : بجديه . من غير تهديد يا باشا احنا اصلا مالناش حد و هربانين من مصر وما ينفعش نهرب من هنا . مش كل حته هنروح فيها هنهرب . و شوف حضرتك عايز ايه واحنا هانفذ ورقبتنا فداك يا كبير ..
الباشا : ابتسم وهز راسه تمام تمام . انا بحب الل يسمع الكلام من اول مره .
فهد : واحنا تحت امرك يا كبير . شوف حضرتك تحب نتحرك دلوقت ولا امتى .
الباشا : 10 دقايق وهتتحركو .
انصاف : مرعوبه وخايفه على مراد وفهد .
مراد : بصلها كتير كانه بيعاتبها .
..وانصاف : نزلت راسها في الارض .
مراد : فهم حاجه من ال3 يا اما انصاف مجبوره انها تعمل كده . او ماكنتش فاهمه ان في مهمه زي كده . أو بتمثل انها مش فاهمه .
.وبصلها بعتاب وقال للباشا احنا هنستنا الحرس بره وخرج هو وفهد ...
انصاف ؛ قربت من خليفه . وباسته . وضحكت . يا باشا ان شاء الله هيعمله كل الل انت أمرتهم بيه ههههههههه .
الباشا : باسها تانى وضحك . اتمنى ياروحي . يلا حصليهم .
انصاف : خرجت راحت لمراد وندهت .. عصام اسمعني والله انا ما اعرف حاجه عن الل حصل ده .. انا كلمته امبارح وقالي انه هيعمل مهمه الاثار وتسلمو المقبره بنفسكم ..
مراد : بيمثل بغضب . ازاي يعني ما تعرفيش انتي عارفه كل حاجه انتي شغاله لحسابه واخدتينا في طريقك . وشكلك كده هتستريحي مننا على الاخر ..
انصاف : بزعل حقيقي لانها حبتهم . لكن كملت بتمثيل . والله ما اعرف صدقنى دا انا بحبك يعصام.
فهد : ما تعرفيش ازاي !؟ انتي قولتي اننا هنوصل في 3 ساعات . يعني المفروض كنا وصلنا الساعه 7 واحنا وصلنا الساعه عشره يعني 3 ساعات فرق . انتي كذبتي علينا ليه!؟
انصاف : والله الباشا قالي ان المكان على 3 ساعات ... وفكرت وقالت .. لكن السواق لما جه ونزلت اشوفه قالي الطريق هياخد 6 ساعات . انا برده ما كنتش اعرف ..
مراد : خلاص خلاص الل حصل حصل وادينا ادبسنا . اما نشوف اخرتها معاكي ايه ياست رشا .. انا عايزك تكوني مبسوطه وسابها واتحرك وبيلعن فيها .. وفهد ماشي ورا مراد وواقفين .. وجم اتنين جارد وسلموا لمراد وفهد هدوم لكل واحد طقم وكل واحد سلاحه
.وفهد ومراد اخدو الهدوم . وراحوا على اوضه في الجنينه يلبسو . ومراد استغرب انهم سلموهم سلاح ف قلب الفيلا ..
مراد : محاولش يتكلم مع فهد ولا فهد يتكلم مع مراد علشان لو فيه كاميرات او اجهزه تجسس . ولكن اتكلمو بتمثيل .
مراد : ولا يا عمار انا قلقان ومش مستريح..
فهد : ولا انا يا عصام هي قالتلنا اننا جايين نشتغل اثار مش اسلحه .
مراد : يا عمي يعنى هي هتفرق من اسلحه لاثار .. بس انا مدايق . على الاقل كنا نعرف .
فهد : ولما نعرف يا عصام هنعمل ايه !؟ اهو شغل و هيجيبلنا فلوس وخلاص . وحتى لو فيها قتل .انا بصراحه مبخافش .
مراد : يا عم ماشي وكله تمام . انت ما بتخافش وانا كمان مابخافش لكن كانوا على الاقل عرفونا ..
فهد : الل حصل حصل ياعصام . احنا عايزين نثبت للكبير اننا رجاله بجد ويعتمد علينا احنا سرقنا كتير وما فيش ظابط واحد قدر يقبض علينا ..
مراد : اكيد طبعا لازم نثبت كفاءتنا علشان الخبطه الل جايه اكيد هيطلعلنا فيها فلوس حلوه .. و بصراحه الباشا الكبير عجبني قوي هيبه كدا . وانا عايز اكون دراعه اليمين ونشتغل بقى ونقب على وش الدنيا .. ومراد بيتكلم لمح حاجه بتلمع في ساعه الحائط واكتشف فعلا انهم متراقبين .. وبعت اشاره الفهد ان فعلا الاوضه فيها كاميرات ..
وفهد : رفع راسه فوق وبيهرش بتمثيل وشاف الكاميرا فى الساعه وهز راسه وخبا السلاح . يلا بينا يا عصام .
مراد : يلا بينا ياعمار وخرجو ..
.. والباشا طبعا كان قاعد في المكتب و بيشاهد الاحداث وتأكد نوع ما انهم مش هيغدرو .
. الجارد شال الاسلحه وحطوها في العربيه واخدو فهد ومراد وركبو العربيه واتحركوا والطريق اخد اكتر من ساعه .
..ومراد شك ف الموضوع وقال جواه . ازاى تسليم شحنة اسلحه ويبعتو معانا جارد واحد بس لأ الموضوع مش داخل دماغى . ووصلوا ونزلوا في الجبل .
.و مراد وفهد شافو 3 عربيات جيب متفيمه ونازل منها حرس وكان عددهم 8 ومعاهم الراجل الكبير اللي هيستلم الاسلحه من فهد ومراد ..
مراد وفهد ..نزله وعارفين هيعملوا ايه . الحارس واقف بعيد ومراد شال الصندوق قصاد فهد .. وراحوا عند العصابه الحرس اداهم اشاره وبرضو فهد رد عليهم بالاشاره اللي الجارد قالهم عليها . وبعد كده جه الجارد تبع العصابه . وفتح الصندوق واتاكدوا من الاسلحه والجارد عمل علامه لايك للمدير بتاعهم ان الاسلحه تمام ..وجم ياخدو الصندوق ..
مراد ة قاله لا !! سلم واستلم تاخد الصندوق . تديني الفلوس .وبصله وقال نشوف الفلوس . الجارد جاب الفلوس وفتح الشنطه وكانت كلها دولارات
مراد : شاف الفلوس ودور فيها واتاكد انها مش مزوره وسليمه مراد اخد الفلوس وسلمها لفهد . وادالهم الصندوق ومراد وفهد اتحركوا خطوتين .
والراجل الكبير : مبتسم وبيضحك . الجارد وزميله جاي يركبوالعربيه ويحطوا الصندوق فيها .
مراد وفهد : طلعه المسدسات وبداو يضربه لكن بحظر وبيضربوه على الجارد بطلقات بعيده بيضربوا بحرفيه بحيث ان المصاب ما يموتش ولكن اكتشفوا ان الراجل الكبير الل معاهم بيضحك والجارد بيضحك ومفيش حد اتصاب . لان الرصاص الل ف المسدسات كان فيشنك وده كان اختبار من خليفه لفهد ومراد
و يشوف انهم هيقدروا يقتله ولا لا وبعد كده سمعو صوت فرمله عربيه . ولفو وراهم وشافو خليفه ف العربيه . والجارد بيفتحله العربيه ونزل . والمدير راح لخليفه وسلم عليه وبيضحكوا وبيشاور لبعض ان فهد ومراد يعتمد عليهم انهم نجحوا في الاختبار .
طبعا مراد وفهد اتنهدو باريحيه لانهم مأذوش حد ولكن كانوا متدايقين من الباشا ..
الباشا : بيضحك . وقرب منهم برافو برافو برافو انتم اثبتم انكم رجاله بجد ويعتمد عليكم . لا وكمان قلبكم ميت واستنيتو في اللحظه المناسبه وضربتو نار .
فهد ومراد ،. استغربه هو عرف ازاي لكن استنتجوا انه معاه كاميرات مراقبه ..
مراد : باشا انا مش فاهم حاجه .
فهد : ما تفهمني يا كبير ايه الحكايه وايه الحوار .
الباشا : حبيبي انت وهو ده كان اختبار لكم وانتم نجحتم فيه وده مدير اعمالي ودول الجارد الخاص بتوعي ودي كانت خطه مني اني اشوف انكم اوفياء ولا لا . مع ان كان قدامكم طريقه تهربه وخصوصا اني باعت معاكم جارد واحد بس ..
مراد : صك على اسنانه . لكن اتكلم بثبات افعالي . ما احنا قلنا يا كبير اننا مالناش حد وبعدين بصراحه انا حابب الشغل معاك وعايز اكون دراعك اليمين ..
الباشا : ضحك بصوت عالى . انت طماع قوي يا عصام ..
مراد : بمكر . بما انك نطقت اسمي يا باشا فا دى ف حد ذاتها كبيره اوى وانا متاكد اني هبقا دراعك اليمين ..
الباشا : بإعجاب من مراد مط شفايفه وهز راسه . واضح كده يا عصام انك هتبقى حاجه كبيره ..
مراد : ابتسم وبتصميم . دراعك اليمين يا باشا ..
الباشا : ضحك . اوكي اوكي هنشوف كل ده بعدين لما تثبت كفاءتك .
فهد : تمام يا باشا الحمد لله انا نجحنا في الاختبار ولو عايز تختبرنا من هنا لشهر قدام احنا تحت امرك .
الباشا : تعجبني بس خلاص كدا انا تأكدت منكم . المهم . انتم دلوقت هتتحركو من هنا على شقه قريبه مني وهتستنو مني التعليمات والخطه اللي هنتفق عليها .
مراد : بص لفهد وفهد بص المراد ..
مراد : ليه يا باشا . رشا قالتلنا اننا هنرجع النهارده ..
الباشا : حبيبي رشا تقول انا الل أأمر بيه وبس وكلامي يتنفذ من غير نقاش انتم مش هترجعوا على المكان اللي كنتم فيه تاني انتو هتفضلو معايا هنا علشان المهمه الكبيره هتم كمان 15 يوم . والكلام دلوقت سابق لاوانه انتم روحوا واستريحو من طريق السفر وكل حاجه في الشقه هناك جاهزه . ونتكلم بعدين الباشا سابهم ومشي وركب العربيه والكل اتحرك .
وفهد ومراد ركبه العربيه التانيه والجارد الل معاهم اخدهم وصلهم الشقه وسابلهم المفتاح
ودخلو الشقه وفعلا كل حاجه جاهزه فيها واكيد فيها كاميرات . وحاولوا يكونوا بشخصيه عصام وعمار طول الوقت اسم مراد وفهد مش هيقولوه طول ما هما موجدين في الشقه
مراد :قعد بتعب وفهد قاعد جنبه وكل واحد بيفكر يا ترى انتي فين يارشا وبتعملي ايه دلوقت ..
وعدى يوم واتنين وتلاته و اسبوع وهما ف الشقه وكل الطلبات بتروحلهم ..
وبعد اسبوع
الباب خبط الساعه 2 صباحا ..
مراد قام وفهد وكل واحد ماسك سلاح و وبصو من العين السحريه وكان الجارد وانصاف إلل قدام الباب.
مراد : خبا سلاحو وفتح الباب .
انصاف : داخله وحضنت مراد بلهفه عصام حبيبي ..
مراد : بغيظ حقيقي .. طلعها من حضنه بسرعه وزعق د ايه يا رشا بتعملي ايه هنا .
الجارد .. دخل ياريت تلبسه علشان الباشا مستنيكم حالا .
فهد : بص للجارد . دلوقت الساعه 2 بعد نص الليل .
الجارد : ياريت ما تتكلمش كتير ونفذ اللي اتقالك بالحرف الواحد اخلص البس .
فهد : حط الجارد في دماغه . وابتسم وهز راسه اوامرك...
فهد : اتحرك وداخل علشان يلبس
مراد : جاي يدخل . انصاف مسكته من ايده انت لسه زعلان مني . واتكلمت بهمس . والله انا ما اعرف حاجه ولحد دلوقت انا ما اعرفش ايه اللي حصل الباشا ده طلع داهيه بس المهم انك لسه كويس
مراد : بتريقه . وانتي عايشه فين دلوقت يا رشا .
رشا : اتوترت احم انا ..اا.نا .
الجارد : رد عليه وانت مالك رشا هانم عايشه فين .. رشا هانم دي تخص الباشا وبس .
مراد : بصلها بتمثيل انه اتصدم فيها . وهمس بصوت واطي علشان الجارد ما يسمعش وقالها . ده انتي مقضياها بقى معايه . وكنتي بتحومى حوالين عمار . هههههه ودلوقت الباشا تمام ... وبصلها بغيظ .. تمام قوي يا .. انصاف هانم وسابها ومشي ..
وانصاف بصت للجارد بغيظ . وقالتله وانت لازم تتكلم يعني انت ايه حيوان .
الجارد : نزل راسه اسف يا رشا هانم انا رديت لانه علا صوته ع حضرتك ..
انصاف : اتدايقت . غبى .. ونزلت انا هستناكم في العربيه تحت .
الجارد : هز راسه تمام يا هانم .
فهد ومراد . لبسه ونزله ووصلوا الساعه 4 الفجر ودخلوا الفيلا وقعدوا في المكتب مع الباشا ..
الباشا : طلع ملف من نسختين وقال لفهد ومراد يقروه .. وده كان تاني اختبار وفهد ومراد بصوا لبعض .
مراد : بص للباشا . وابتسم بس يا باشا انا ما بعرفش اقرا انا وعمار يا دوبك بنفك الخط .
الباشا : رفع حاجبه وتأكد من كلام رشا . وقال تمام انا ماكنتش اعرف . ومعنديش خلفيه بالكلام ده . وأخد الملفات وقال دول فيهم المعلومات عن المهمه والمقبره .و دلوقت انا هشرحلكم بما انكم ما بتعرفوش تقرو.
بعد اسبوعين هيوصل وفد اجنبي سياحه واحنا هنتنكر زي الاجانب وخصوصا انكم مربيين شعركم وجاهزين وده طبعا هينفعنا انت يا عصام وعمار هاتتنكرو انكم اجانب و هتنزلوا في وسط الوفد ومعاكم بنتين من عندي وفي اشاره متبادله بين الناس الل هتستلم المقبره وبينك انت وعمار وبعد كده انتو هتتحركوا وهتخرجوا . والناس الاجانب الل هيستلم البضاعه هيخرجوا وراكم .. هتروحوا مكان انا هاقولكم عليه ومكان برده مهجور . وهتركبو العربيه وهتوصلو هناك والناس دي هتركب وراكو عربيات تبعي انا و هتوصلوا المكان ده . وهتقفوا في مكان معين الحرس بتاعي هيشاورلك عليه بعد 10 دقايق بالضبط هتجي طياره من عندى وهتنزل دي اللي هتبقى فيها المقبره . وبعدها بخمس دقايق هتجي طياره تانيه ..الطياره دي تبع الناس او الراجل الكبير الاجنبي الل هيستلم المقبره واسمه الياس . وخلي بالك يا عصام انت وعمار الراجل الياس ده في منتهى الخطوره واستحاله نلعب عليه كل حاجه تتعمل بحظر المقبره تتنقل من طيارتي . لطيارته وبعد كده هتاخد الفلوس وتحطوها في الطياره . وبعد كده كل واحد هيرجع زي ما جه وبكده تبقى المهمه تمت ..
. مراد وفهد بصوا لبعض و بيفكروا طيب احنا متراقبين هنوصل المعلومات للعميل 3 ازاي,؟
مراد : ما تقلقش يا باشا كل حاجه هاتتم زي ما انت عايز .
الباشا : تمام اتفضلوا قومو روحوا ع الشقه و قبل الميعاد بيوم هابعتلكم مع الجارد الخاص سلاح ليكم ولبس علشان تكونوا جاهزين .
فهد ومراد اتحركو . ومراد لمح أنصاف ف التراس ولابسه لبس قذر جدا . ومستغربش إن رشا عايشه بالطريقه دي مع خليفه .. وراحوا الشقه و متغاظين عايزين اي طريقه يوصلو بيها للعميل 3 لكن ما فيش اي طريقه ..لكن العميل 3 هو عارف مكان مراد وفهد عن طريق ال جي بي اس
.عدي عليهم اسبوع كمان وهما في الشقه والطلبات بتجيلهم اكل وشرب ..
مراد : بتفكير .غمز لفهد ..
فهد : استغرب ومراد عطا اشاره الفهد انه هيقوم يدخل الحمام وعايزو يدخل وراه .
فهد : غمض عينيه . وهز راسه .
مراد : قدام الكاميرا ..قام . مسك بطنه واتألم اااه. وداخل الحمام ومثل ان وقع وصرخ ااااااه..
فهد : جري وراه ودخل الحمام مالك يا عصام مالك يا عصام وقفل باب الحمام .لانهم اتاكدو ان الحمام ما فيهوش اي كاميرا ..
مراد : اتعدل . واتكلم بصوت مهموس . قولي يا فهد هنعمل ايه ؟؟
فهد : انت اللي بتسالني انا دماغي راكبه ومش عارف اتكلم من ام الكاميرات اللي متر شقه في الشقه .
مراد : انا لازم اخرج من هنا انا لازم ارجع للمنطقه الل كنا فيها واروح لعميل 3 لازم اقابله واحكيله على كل حاجه .
فهد : بتفكير طيب هتروح لوحدك وهتروح ازاي . المسافه 6 ساعات . وغير كدا خليفه الكلب ده مرشق العماره جارد علينا ومفكرنا مش عارفين . لازم طريقه نخرج من هنا ومن غير ماحد يشك فينا بس ازاااى .
مراد : بص قدامه شويه . وسكت بيفكر .وقال بس لقيتها انت هتعمل زي ما انا هاقولك . ومراد حكى لفهد الخطه وبعد كده فهد فتح باب الحمام وساند مراد الل عمال يتألم وراحوا قدام الكاميرا ..
فهد : مالك يا عصام يابني انت مش طبيعي انهردا .
مراد : بيتألم اااه . مش عارف يا عمار بطني بتتقطع مش عارف انا شكلي اكلت حاجه ملوثه . ااااه .
فهد : اكلت ايه بس يمكن الفاكهه طيب اقعد هنا وقعد مراد قدام الكاميرا اقعد هنا وانا هاعملك حاجه دافيه تشربها . وفهد اتحرك ودخل المطبخ لكن مراد مثل ان بطنه بتتقطع وفضل يصرخ وماسك بطنه جامد ااااااه الحقني يا عمار انا بموووووت ووقع ع الأرض ااااه الحقني يا عماااااار
فهد : جري عليه بلهفه وخوف . ومش عارف يعمل ايه ومثل انه متوتر وطلع تليفونه بسرعه واتصل على الباشا ايوه يا باشا الحقني قولي اعمل ايه عصام بيصرخ من الوجع انا مش عارف اعمل ايه الحقناا ياباشااااا
الباشا : طبعا قاعد في المكتب ومراقب كل تحركاتهم وشايف كل حاجه وهو عارف ان عمار تعبان وقال لفهد . انا هابعتلك الجارد واقف تحت العماره عندك وقفلوا الجارد جه واخد عصام و فهد شايل مراد على كتفه والجارد اخدهم . وطلع على المستشفى ودخل معاهم ومراد بيصرخ وطلبوا انهم يعملوا اشعه ..
دكتور : دخل غرفه مراد وفهد ولابس كمامه ومعاه شنطة الكشف ..
الدكتور : قال للجارد وفهد حد منكم يخرج بره علشان اكشف . لازم واحد بس هو الل يكون موجود مع المريض . والجارد خرج وقفل الباب .
فهد : كان لسه هيروح للدكتور علشان يقوله ان لازم مراد يتحجز ليله في المستشفى لكن مراد وفهد اتصدمو وبصو لبعض اكرررررم ..
اكرم : نزل الكمامه . وشاور لهم يسكتوا . ومثل انه بيكشف ع مراد وقالهم . ايوه اكرم . ومفيش وقت . ايه الاخبار ..
مراد : قال لفهد . اطلع بره انت واقف مع الجارد علشان يطمن وانا هاحكى ل اكرم كل حاجه ..
فهد : تمام . وطلع بره واقف قصاد الجارد و بيمثل انه متوتر وخايف على مراد ..
مراد : جوه حكي كل حاجه ل اكرم لكن الزمان والمكان ما يعرفش عنهم حاجه وحكاله على الخطه الل ادرست بالضبط ومراد قال ل اكرم انا مش متاكد من اي حاجه لان خليفه ده دماغه شغاله . وعمال كل شويه يختبرنا وانه من يومين بعتلنا بنات على البيت لكن احنا رفضنا وطلعناهم بره وقلنا زي ما تيجي تيجي اكرم . تمام . امسك الشريحه دي والتليفون وكلمنا اول ما تجيلك فرصه ما تتصلش ابعت بس رسايل مشفره وانا هارد عليك برسايل مشفره ما تقلقش في فريق مراقبك عند الشقه عندكم . وكمان فريق عند فيلا الباشا خليفه ده ..
مراد : انا مش قلقان . انا عايز الاثار ترجع لمصر انا مش خايف على نفسي .
اكرم : انا عارف وكل حاجه هتتم زي ما انت عايز ان شاء الله . وأمسك السلاحين دول . وسكينه فهد . والسكينه بتاعتك . والحقن وكل حاجه ف العلبه دى . يلا بقى انا هاقوم علشان الجارد مايشكش . واكرم مسك علبه .وفيها ميا وخلطها بلون معين . واخد الشنطه . وخرج وقال للجارد وفهد المريض كان اكل حاجه ملوثه وانا عملتله غسيل معده . وشويه و هيروق والف سلامه عليه ومشي ..
فهد : دخل لمراد وخبو الاسلحه .وبعد.كده الجارد اخدهم وراحوا على الشقه ..
مراد ؛ ماشي كأنه تعبان جدا وقعد بتعب ومش قادر يقوم فهد سنده ودخل بيه الحمام .
مراد : حكى لفهد كل حاجه حصلت من اكرم واطمن وخد التليفون علشان ما حدش يشوفه والاسلحه . وخبوها ف الحمام ..
..قبل المهمه بيومين . بعته لمراد وفهد بنفس الطريقه واخدوهم على الفيلا والباشا قالهم ان المهمه بعد بكره هتبدا من الساعه 6 مساءاً هتلبسه و هتخرجوا لمكان السفاري و هتكونوا مع الوفد الاجنبي . والتسليم هيكون الساعه 11مساءا . والباشا قال لهم على اشاره معينه وقالهم في اشاره تانيه الجارد هيقولكم عليها علشان انتم تقولوها للوفد .
مراد : ف لحظه ذكاء بسرعه قال ..بس احنا ما بنعرفش انجليزي . والحمد لله ان مراد قال كده لان ده كان اختبار مهم جدا من الباشا ليهم .
فهد : اتنهد باريحيه والباشا قالو ف بنت اسمها (سولي) هتعلمها ليكم .يوم المهمه . وانتم ما تقلقوش من حاجه ..
فهد : طيب لو ماعرفناش ننطق انجليزي نعمل ايه .
الباشا : ما تقلقش دي كلمه سهله جدا اوكي .
فهد : تمام .
وبعد كدا رجعو ع الشقه. .
. يوم المهمه الساعه 4 مساءاً فهد لبس ومراد لبس وخبو الاسلحه اللي اكرم سلمهالهم . والحقن المخدره . وحاطو كل حاجه في الشنطه . ومراد بعت رساله مشفره ل اكرم واكرم رد عليه وقاله احنا هنكون ورا منكو لكن من بعيد . اتكلو ع الله بالتوفيق يارجاله ربنا معاكم .
مراد : مسح الرساله وضبط كل حاجه وخرج وراحوا الفيلا لكن مراد اتفاجئ لما شاف انصاف لابسه مايوه وقاعده على رجل الباشا وبص في الارض وفهد صك على اسنانه وبص في الارض .
انصاف : قامت واتحركت وهي لابسه المايوه وراحت عند مراد بدلع وباسته من خده .
مراد : غمض عينيه بغيظ .و قبض على ايده واتدايق لكن سكت علشان المهمه ..
وإنصاف راحت عند فهد وباسته من خده هتوحشوني قوي على فكره هههههههههههه .
مراد : بغيظ مكبت . ليه يا ..رشااا هانم . هو احنا مش هنرجعلك تاني ولا ايه !؟ وكمل بتريقه .. ولا اقول يااا .. انصاف هانم .
انصاف : طلعت سيجاره وبتشرب . اتمنى انكم ترجعوا تاني ..وشاورت ليهم .. لكن خلي بالك انت وهو المهمه دي صعبه عليكم . وياريت تثبتو نفسكم علشان خليفه باشا يكون مبسوط منكم اوكي . وغمزت ليهم . هههههههه
مراد : فهم انصاف كانت عارفه كل حاجه عن اختبار الاسلحه وهز راسه وقالها تمام .احنا تحت امرك وامر الباشا .واكيد هنرجع ليكم تانى.
نزلت بنت من فوق لابسه مايوه وباست خليفه . ووقفت جنب انصاف .
الباشا : امسك يا عصام انت وعمار دي اسلحه هتكون معاكم ودى سماعه تحطها في ودنك انت وعمار علشان هاتتواصلو مع الجارد وفي الطريق رشا وسولي هيعلموك الاشاره .
مراد : بص للباشا رشا هي هتيجي معانا !؟
الباشا : عندك اعتراض .
مراد ،: وانا هعترض ليه اوامرك يا باشا احنا تحت امر الباشا الكبير وتحت امر رشا هانم .
فهد : اخد السماعه هو مراد وركبوها وفهد حط السلاح في جيبه ومراد تأمورنا بحاجه تانيه يا باشا نتحرك !؟.
الباشا : هز راسه ربنا معاكم .
فهد ومراد : بتريقه ونعمه بالله . وجايين يتحركو.. لكن سولي مسكت فهد و حاطه ايديها في دراعه . وإنصاف قربت من مراد و حاطه ايدها في دراعه . وطبعا مراد وفهد جواهم نار كبيره و متغاظين وخرجوا وركبو العربيه وف الطريق أنصاف بتحاول تفهم مراد انها بتحبه لكن ده شغلها . ومراد زعقلها وسكتها بطريقته . وراحو للوفد وكل حاجه تمت واتعلموا الاشاره وخرجوا الساعه 8 ونص مساءا
وركبو العربيه والوفد منهم بنتين و3 شباب ومن ضمنهم خبير آثار . ركبه العربيه تبع خليفه وماشيين ورا مراد وفهد والجارد . ووصله عند مكان التسليم الساعه 10 . ووقفوا زي ما الباشا قالهم ..
.. لكن مراد وفهد كانوا متوقعين ان الباشا هيكون موجود .. وفعلا الباشا كان موجود في الطياره الل فيها المقبره ومعاه جارد خاص والطياره هبطت وخليفه نزل . وبيبتسم ..وسلم علي إلياس الراجل الامريكي المافيا وبعد كده بص لفهد ومراد وابتسم مراد وفهد ابتسموا وهزو راسهم لخليفه .وإنصاف راحت وقفت جمب خليفه بطريقه جريئه ..
وبعدها مراد و فهد بيبصوا لبعض ومنتظرين ايه اللي هيحصل .. الباشا بيتكلم مع المافيا و بيتفقوا على كل حاجه و عايزين يخلصوا كل حاجه بسرعه . والخبير طلع وكشف ع المقبره واكتشف انها حقيقيه وطمن الياس ..
خليفه : شاور للجارد الخاص وعصام وعمار . انهم ينقلوا المقبره في الطياره الخاصه للمافيا . وكانوا الموجودين في الطياره اتنين جارد خاص ومسلحين . وكان مع فهد ومراد 2 جارد يبقوا كده 4 وانصاف وسولي يبقى كده 6 والباشا يبقي كده 7 وكمان 3 رجاله اجانب يبقي كده 10 والبنتين الاجانب كده 12 وطيارة الياس بتاعه المافيا الل فيها الدولارات
.فيها 3 جارد خاص مسلحين يبقي كده 15 ..
.
مراد وفهد بيفكرو هيعملوا ايه . وياترى اكرم والقوه جاهزين ولا لأ !؟ . لكن مراد وفهد مش هيستنو اكتر من كدا . وكانت الساعه 11 مساءا والاضاءه مش كافيه كانت عباره عن كشافات
مراد وفهد شافه خليفه بيدي لهم اشاره انهم ينقلوا المقبره مع الجارد .
مراد : اتحرك وبيدرس الموقف وهمس لفهد وقال . فهد اول ما تطلع على الطياره واديك اشاره . احدفلي رشاش من بتوع الجارد الخاص .
فهد : هز راسه . تمام . وماشي خطوتين وطلع الطياره.
مراد : قرب من الياس . بطريقه غير مباشره . و نده علي فهد وقال يا حوت .
فهد : لف وشه . وشاف اشاره مراد بسرعه قرب من الجارد بحرفيه . وخطف منه الرشاش وحدفوا .. لمراد وقال ..امسك يا صقر .
مراد : في ثانيه مسك الرشاش و بحركه سريعه حطه على راس الياس وكتفه . وقال اي حركه من اي حد الرشاش ده هيفرتك دماغ الياس . وعايز الكل ينزل السلاح . وزعق وقال بالانجليزي . كله ينزل السلاح ويرفع ايديه لفوووق.. والا قسما بالله الياس هيكون مقتول حالا ..وقال ل الياس . خليهم ينزلوا السلاح والا هدفنك مكانك..
طبعا الكل متوتر وخايف وخليفه اتصدم وخاف من الياس لانه مافيا كبير . وانصاف لطمت على وشها واتصدمت برعب ..
خليفه : بخوف من هجوم فهد ومراد وخاف ع الياس ومنه ف نفس الوقت . آمر الجارد وقال الكل ينزل سلاحه ومحدش يضرب... الكل ينزل سلاحه ويرفع ايديه لفوق .. وفعلا كل الل معاه سلاح رماه في الارض ورفعو أيديهم لفوق .
والياس . شاور للجارد الل تبعه وأمرهم أنهم ينفذو وينزلو السلاح . ورفعه أيديهم لفوق.
وخليفه وإنصاف لما سمعو مراد بيتكلم انجليزى . اتصدمو . وفهمو انهم كدا اتكشفو واتقبض عليهم ..
في نفس الوقت فهد لما خطف الرشاش .و قبل الجارد ما يهجم عليه . فهد مسك راسه بحركه سريعه ولفها والجارد وقع مكانه . وضرب الجارد التانى الل واقف في الطياره .
وخليفه . واقف مصدوم ومتغاظ . ولسه هيطلع سلاح علشان يضرب عليهم.
كان فهد اخد الرشاش التانى .ونط من الطياره وحركه سريعه حط الرشاش على راس خليفه الل اترعب واتخض . وفهد كتفه .
في نفس الوقت جه من وراهم وحوالين منهم اكتر من 7 عربيات جيب كبيره ودي كانت القوه واكرم نزل والفريق وشغلو كشافات عاليه في ووجهوها ف عيون كل الموجودين . والرؤيا ما كانتش واضحه وبدا الفريق يهجم وقبضوا على الموجودين . والل كان بيحاول يهرب كانوا بيصفوه ..
مراد : طلع حقنه من جيبه وحقن الياس ف رقبته واغمي عليه .. وفهد حقن خليفه ف رقبته وشالوهم وحطوهم في الطياره الل فيها المقبره . وسواق الطياره مقدرش يتحرك لان في ضابط كان موجه الرشاش عليه وامره انه ميتحركش . ونفس النظام عند طياره الياس .
وبعد كده مراد .نزل من الطياره . وراح عند أنصاف . وسمعت واحد بيقول ل مراد تمام يافندم . وساعتها اترعبت وهتموت مكانها . واقفه مرعوبه وجنبها سولي مراد قرب من أنصاف وبصلها ونزل عينيه عند وشها وابتسم بغل . ورفع راسه . وبحركه سريعه ضربها بالقلم .وإنصاف نزفت وداخت من القلم . وقالها ده انتي هتتنفخي .. وزعق خدوها من وشي .
وبكده اتقبض على الكل .. واكرم سلم على مراد وفهد . تمام الله ينور عليكو يارجاله .
واخدو الطياره ورجعوها على مصر . .
. ورجعوا مصر ف نص الليل .. وحولو خليفه والياس وكل العصابه ع الجهاز .
ومراد وفهد . طلعوا على الفندق وكانوا عايزين يروحوا لفريحه ورينو لكن مش قبل ما يسلموا الملف وكل حاجه لمدير الجهاز تاني يوم ..
.وسلمو المقبره للهيئه المصريه للآثار . وشكروا فهد ومراد جدااا . واثنو عليهم .وهيكتبو للرائد مراد آدم خالد العدوي . والرائد فهد طارق عبد الرحمن السيوفي . مقال في الجرنال باسمهم . وفيه تقدير وشكر كبير ع تعبهم وجوهودهم .
وتفانيهم وامانتهم ف المخابرات. لكن من غير صورهم علشان المهمات التانيه .
ولما جه تاني يوم مراد صحي وفهد صحي وكل واحد اخد شاور ولبس بسرعه ونزلو وراحوا على الجهاز . وسلموا الملف والادله . والمدير سلم عليهم بحب وفخر . واثنا عليهم كتير . وقالهم أن ليهم مبلغ كبير جدا وتكريم .. وخرجوا من الجهاز مبسوطين انهم اخيرا هيتنفسو .. وفهد قال لمراد طريقك اخضر انت . انا رايح الجامعه لرينو .
وطبعا كل واحد كان شاري الهديه بتاعته و مجهزها لحبيبته وأمه .. قبل ما يرجعوا على مصر ....
عوده للوقت الحالى --
بدل ماتدور وتبحث علي الروايات خليها علي تليفونك وحمل تطبيقنا
