رواية عشقتك من جنونك الفصل الرابع عشر
يا قلب لا تشره اذا الناس عافوك
لا تشتكي وتقول محد(ن) بغاني
وش ترتجي منهم اذا هم تناسوك
وش ترتجي من كل قلب أناني
أغتالوا آمالك وبالحيل ذلوك
وتصرخ تبي ما فات يرجع ثواني!!
*
*
*
دخل عليها المطبخ وشافها لاهيه تسوي آي سكريم
تقرب منها وأخذ له بصبعه منه
تفاجأت من وجوده وكيف انه دخل وما حست عليه
سوت حالها مشغووله وما عبرته بنظرره بعد السالفه اللي صارت لها معااه وبعد ماقال لها انه يبي يطلقها صدمها الموضوع مره
انقهر انها حتى ماناظرته أخذ بصبعه من الآيس كريم وقرب منها وحطه في وجهها وقاام يضحك عليها اما هي قابلته بجمود خلاه يوقف ضحك
مشت وأخذت بصبعها من الآيس كريم وجات بتحطه وفي وجهه مثل ماسوا لها لكنه مسك يدهاا وأكله منها
نور باستفزاز:ووووع قرررف بعد بعد ...وراحت غسلت يدهاا
وقف مصدوم من تصرفها فقال يغير السالفه
الوليد :لبسي عبااتك وخلينا نررروح نسجل براءه في الروضه
نور بدون ماتناظره :مو هي بنتـــــــــك روح انت سجلها انا مالي خص فيها
الوليد بقهر :نور شفيك اليووووم ؟؟
نور بلا مباله :سلامتك شفيني يعني !
الوليد بغضب مكتوم :نووور هالأسلوب مايمشي معي
نور :أي اسلوووب ما فهمت
الوليد :نور انتي فاهمتني وفاهمتني عدل بعد انا كل ما جيت اقرب منك تبعديني عنك..
نور باستنكار :أنااااااا ولا انت ..وليد انا صج تعبت من العيشه معك بس المشكل هان مصيري انربط معك انا اللي كل ما حاولت اخلي الوضع عادي بيناااا تقوم انت وتبني حواجز بينا جيتك بكل الوسايل لكن من غير فايده وآآخر شي تبيه انك تطلقني
تنهدت وهي تبعد نظرها عنه
جاها صوته بعيد :نور الذنب اللي سويتيه أنك وافقتي على زواجك مني وصدقيني مابتتحملين كثير
نور :وش تبيني اسوي إذا صديقتي واختي امنتني على بيتها وزوجها ووصتني على بنتها اللي انت مخليها بعيده عني تبيني أكون بدون أصل وأردهااا ..تراك لو كنت مغصوب علي مرره انا انغصبت عليك ألف مررررره وكان المفروض انك انت اللي ماتوافق
وليد اللي لازم تعرررفه ان أسيل ماتت بيومها وانا مالي ذنب في اللي صار هذا مقدر ومكتوب وكلنا بنمشي بهذا الطرريق
الوليد بحززن :نور ض م ي ن ي
انصدمت نور من طلبه بس الأكيد ما قال لها هذا الكلام الا انه أكيد محتاج لأحد يضمه وينسيه الحزن اللي عايشه
قربت منه وضمته ويمكن العكس هي اللي محتاجه لحناااانه أكثر منه
*
*
*
في مكان ثاني وتحديدآ في {غرفة نورة}
كانت جالسه ع السرير الكبير وكتبها منثوره حولهآ
مدت يدها فوق وحركت رقبتها يمين شمآل
نورة وبطفش: اففففف ياربي ع الجنون ويسموها معلمة هذي حتى فراشه ماتجي اففف الحين من يكتب عني الجزآ ماصارت ابتسامة في وجهه عنوود .. المشكلة انه علي آختبار فيزياء
سمعت دق ع الباب
نورة ومنشغله بالي في يدها: تفضل
دخل فيصل الغرفة وجلس يناظر فيها وهو مستغرب (شفيهآ مو من عادتهآ)
تنحنح عشان تنتبه لوجوده: آحم آحم ترآ موجود
نورة وهي ترفع راسهآ: هلآ فصووول ارحبوووو
فيصل: هلا بك زود المهلي مايولي .. غريبه آشوفك فاتحه كتبك مو من عادتك
نورة عصبت: لآ والله ليش وش شايفني (وناظرت فيه بنص عين) يعني من شطارتك انت ..
فيصل: طيب بشويش قومي ضربيني بعد
نورة وتسوي طيبه: لا محشوم ياخوي ما عاش من يمد يده عليك
فيصل مستغرب منهآ: انتي شفيك اليوم متغيره
نورة وهي ترمش بعيونهآ: فديتك آخوي .. عساني مانحرم منك طلبتك تكفى تكفى لاتردني
<مصآآآآلح>
فيصل: نورة من الاخر وش تبين تراني مانيب فاضي لهبآلك
نورة: طيب بقولك وبصرآحة علي كتآبة جزآآ .. وعلي آختبار فيزياء ومايمديني اذكر إذا بكتب هالجزآ
فيصل: هههههههه ياحليلك والله طيب وش تبيني آسوي لك
نورة: انت آخوي وحبيبي وطيب وادري انك بتساعدني
فيصل: طيب ليش كتبوك جزآ وش مسويه انتي
نورة وهي تصلح جلستهآ: آتخيل بس لأني آبتسمت بوجهه عنوودوه بنت عمك
فيصل: ياحليلكم والله .. طيب كم مرره تبين آكتبه لك
نورة وتسوي نفسهآ بريئه: ١٠٠ مرره بس ...قليل مره صح
فيصل وفتح عيونه ع الاخر: الله مئة مرره شدعوه عاد
نورة بجد: تكفى فيصل ابي اذاكر فيزيا عشآآآإإآني
فيصل ماهانت عليه آخته انهآ تترجاه آكثر من كذآ: طيب وين الدرس هاتيه بكتب لك شوي
نورة ونطت من سريرها ع آخوهآ تبي تبوسه: يآآآعمري يافصول (وباسة خده) <وقالت مثل نبرة العجايز >: عساني آزفك ع ذيك البنت الحلوه الي الكل يتمانهآ
فيصل وهو يبعدهآ عنه: هههههههههه طيب بعدي عني ياجدتي
نورة وهي تآخذ الدفتر والاقلام من ع السرير وتمدهم إلى فيصل: فدددددديتك خذ هذا هو الدفتر والاقلاـــ ... وقبل لاتكمل جملتهآ
قاطعها صوت جوال فيصل البلاك بيري(جيت وش جابك حبيبي من بعد طول المغيبيـــ...للاخر)
فيصل وياخذ الدفتر والاقلام من عندها ويرد ع جواله وهو يمشي برآ الغرفة: هلا بولد العم
.......: هلا بك زود .. آخبآرك يادوب وينك ماتنشاف
فيصل: بخير الحمد الله اقول بلا كذب آمس بالليل شفتك
......: المهم ياولد عمي انا جايك عشان نطلع
فيصل: لا والله انا موب طآلع مشغول شويتين
.......: مدري وش عندك .. يرحم آمك بلا سماجه وخلينا نطلع
فيصل: لا هذي نورة آختي تبيني اكتب لها الدرس مئة مرره .. آحم وش رايك تجي تكتب معي
......: طيب لا يهمك مسافة الطريق وآنآ عندكـ(دام السالفه فيها نوره اكيد يجي )
فيصل: بنتظآآآرك آنا ... فمآآن الله
......: آلله معآآإإإآآآك
*
*
*
:يسلمووو ..بس هذي الحلويات وش مناسبتها ؟؟
د/ضاري :هذي بمناسبة زواج الدكتور أسامه
وقفت بشهقه :الدكتور أســــــــــــــامه تزوج !!!
د/ضاري:ايووه وش فيك مستغربه ؟؟
لكنها ماعطته وجهه وقامت بسررعه لمكتبه
دخلت بسرعه وبعصبيه
قفل السماعه اللي في يده وناظرها بحده
أسامه:خير دكتوره هديل داخله بيتك أنتي ؟؟
وقفت قريب منه وصرخت :أسااااامه كيف تتزوج وأنا.. أنا وين رحت ظليت أنتظرك طول هذي لسنين وارفض اللي يجوني بس عشانك وبالنهايه تجازيني كذا
أسامه :للمره المليوون أقولك تكلمي معي برسميه وبعدين المكان مو مناسب أنك تفتحي هذا الموضوع ..وكمان انا ماوعدتك لا بزواج ولا غيره وأنتي عارفه هالشيء
هديل :وحبي لك ..وحبي لـــــك كيف تذبحه بهذي السهوله أنت أكيد تزوجت غصب عليك مو كذاا
أسامه بعصبيه :أنا مو بنت ولا بزر أنغصب على شي ما أبيه وبعدين انا صج أحب زوجتي
هديل ببكا :لاااا ياأسامه ما أصددددق ماأصدق انت تكذب علي صح ؟
أسامه :لو سمحتي أنا عندي شغل وبليييييييز اموري العائليه مالك خص فيها
\
طلعت من عنده وهي تمسح بقايا دموعها
هديل بحقد :ان ما خليتهااااااا تندم انها أخذتك واخلليك تترجاني اتزوجك ما أكون هديل
*
*
*
في بيت أبو فيصل
نزلت نوره الحديقه تذاكر أختبار فيزيا اللي عليها وهي متملله
كان الجوو حلو غمضت عيونها ورجعت فتحتهم بانتعاش
ناظرت الحديقه المفتوحه من غير اسوار واللي عاطيه البيت منظرر روعه
فكت شعرها من الملل وحركته يمين ويسار يحسسها بالحيويه
\
سلطان كان اوله واصل عند البوابه وبيدق على فيصل يخبره انه وصل بس لمحها من بعيد ونسى نفسه
ماقدر يبعد نظره عنهااا يجذبه جمالها وطفولتها
\
تقربت نوره من صنبور مااي مفتوح شوي (كان معطل وهي ماتدري )
عيا يتسكر معها كلما تقفله يزيد ما عرفت شفيه شدته بقووووه
وأطشر الماي كله عليهااا
أبتعدت بسرعه وصرخت بقوووووهض
سلطان خاف عليها وتقرب منها
هي طبعاً ما كانت عارفه بوجود أي أحد
تلخبطت مع الماي اللي بللها من فوق لتحت
رجعت لورى تبتعد عن الماي ما حست بنفسها ألا وهي صااادمه بأحد
ظنته فيصل أخوها
لفت عليها وضمته بقووه :فصول شووف شو صار فيني
سكت لحظات ما يقدر يوصف الموقف اللي أهو فيه ..نوره بحضنه"
أستغربت سكوته
رفعت راسها وهي معصبه :فيصلـ....
انقطع صوتها ونفسهاا ,,وانصبغ وجهها بالون الأحمــــر
عيونها بعيونه وبعده لامها بصدره أبتعدت بسررعه عنه
وهي تصررخ فيه :هي انت وش اللي جابك هني ولا لازق فيني بعد
سلطان بنص عين :انا اللي لامك ولا انتي مدري مستعجللللله شكلك ههههههه
ناظرت فيه بقهر ودخلت بسرررررررعه وهي تطير لغرفتها وفي بالهااا:ياربي وين اودي وجهي منه يارب انا قايله واقفي السخيفه ماتصير الا معاااه اوووف
*
*
*
*
في المستشفى /
:يعني متأكده أنك صرتي بخير
عهود :أكيييد ..انا آآسفه اني خوفتك علي
سديم :لا عادي شدعوه حنا مثل الخوات ألحين
عهود :تسلمي لي وكملت بخوف :أنا خايفه على داليه ودلال
سديم :لاتحاتين إذا رجعنا البيت راح أخليك تكلميهم
عهود بامتنان :مشكووره سديم مشكوره واايد
سديم :خلاص ما عاد بينا شكر ويلا خلينا نمشي
طلعوا من الغرفه ولقوا كينان واقف ينتظرهم اللي ابتسم أول ماشاف سديم
ركبوا السياره الثلاثه وكان السكوت سيد الموقف
اللي قطعته سديم :كينان وين نواف أشتقت لها
كينان (وانا اشتقت لك أكثرر):دووم يسأل عليك بس انا قلت له ان تؤومه راح تجي بعد ماتوافق علي
أبتسمت بأحراج وما عرفت شترد خصوصاً ان عهود معهم بالسياره
كينان وجهه كلامه لعهود :عهود انتي بنت منوو؟؟
عهود :انا بنت عادل بن محمد ال ....
كينان :ابوك عنده مطعم ؟؟
عهود :ايووه
كينان :كنه خسر فيه صح ..وش صار عليه بعدين
عهود بحزن :تغيير واايد وصار دوم يهاوشنا بالليل ولنهار
وصلوا البيت ونزلت عهود اما سديم وقفها كينان :سدييم هذي البنت من عايله كبيره وابوها صج مايررحم واكيد لاعرف انها عندك ماراح يمرر الموضوع على خير تلاقيه ألحين قالب الكون يدور عليها
سديم :يعني شتبيني اسوي ؟؟؟
كينان :سديم وربي ان أهلها ناس خطيرين وما يتفاهمون
سديم باستنكار :تبيني أطررردها ؟!
كينان :هذا أنسب حل بنظري
سديم :آسفه كينان بجد هذي المره ما أقدر اسوي اللي تبيه وبعدين البنت مو ذنبها إذا اهلها ناس كذا
كينان :انا عارف ان البنت باين عليها محتررمه بس ابوها أنسان قاسي وماعنده تفاهم
سديم :كينان انت كيف تقول انها من عايله كبيره ومن شوي تقول ان أبوها خسر بالمطعم
كينان :أنا أقصد ان ابوها عنده مجموعة مطاعم بأسمه بس السنه اللي طافت سوى مشروع كبير اللي هو هذا المطعم ومع الأسف فشل
سديم :اهاا ..ألحين فهمت ..طيب كينان انا أخليك سلم لي ع نوااف امانه ...مع السلامه
كينان :أي شي يصير معك طمنيني وانتبهي ع نفسك اوكي ..مع السلاااامه ياقلبي
*
*
*
:الحمد لله ع السلااامه يبه أشتقنا لك
ضمها بحب :وانا أكثر يبنيتي ..نور رجعت بيت زوجها ؟؟
نوره :ايووووه
فيصل :يبه مو أنت رايح 6 شهور شفيك رجعت قبل الموعد
ابو فيصل :ماقدرت أتحمل الغربه أكثر حسيتا ني اشتقت لكم
أم فيصل :الحمد لله اللي رجعك لنا سالم يالغالي
ابو فيصل :الله يسلمك يا أم فيصل
ام فيصل :قايمه اسوي لك شيء تاكله
ابو فيصل :أي والله اشتقت لطبخك من زمان عنه
نوره :هاا ..يبه جبت لي كل الأغراض اللي قلتها لك
ابو فيصل :جبتها كلها وانا أقدر ع السانك لو ماجبتها
نوره :اهم شي الجاكيت الأحمر ريبه
ابو فيصل :وقسم جبتها وكل شي طلبتيه انسه نوووره جبته
نورره باسته بفررح :مشكووووور ما قصرت يبه
*
*
*
دانه بفرح :يعني عمي أخيراً جاااا واااااو ونااااسه
ام راشد :رجيتينا خلاااص وش عنتدس مبسووطه
دانه :أخيراً بتتزوج شيمووا ويصير الدور علي
طقتها ام راشد بالعصا :ايا اللي ماتستحين ع وجهتس وتقولين قدامنا بعد
دانه :أي يمه مافيها شي
شيماء رمتها بالمخده بأحراج :قاعده على قلبك يالخبله
ام راشد :واللي ان هذي البنت ماتخلي رجتهاا
ام يوسف :يعني بكره في عزيمه في بيت ابو فيصل ؟؟
دانه :يب يمممه
*
*
*
:سديم شتسوووووين ؟؟
كانت ضامه قطعه من ملابس امها وتبكي
عهود :سديم ادعي لها بالرحمه مايصير كذا
سديم بخنقه :اشتقت لها وربي
عهود :هذي الأم محد يعوض حنانها ,,بس انتي ليه طالعه ملابسها
سديم :بتبرع فيهم للفقرا
عهود :زين تسوين يلا خليني اساعدك بس بالأول تعالي كلي سلطة المكرونه اللي سويتها
ابتسمت وقامت معاها
(يمكن الله مسخر لها كينان وعهود يعوضوها عن الوحده اللي كانت بتعيشها )شكرت الله من قلبها وهي تردد بداخلها (الحمد لله يارب الحمد لله )
*
*
*
اليووم الثاني /
:ووهـــــــــــم يلا تأخرت بسرعه
زفر بضيق تعب من كثر ما انتظرها
طلعت وهم بعد ما أخذت عباتها معها
كانت لابسه فستان أسود قصير لتحت الركبه ماسك بحزام فضي ..وشعرها تاركته مفتوح بحريه وقذلتها نازله على عيونها من الجنب ومكحله عيونها بالأسود اللي بارز جمالها وشدو خفيف ناعم وقلووس لامع على شفتها باللون الوردي
انعجب مره من شكلها صايررره جميله لأبعد درجه
أسامه :ابسألك انتي عندك عقده من الألوااان ..ولا احد متوفي عندك مطيحه بهالأسود
وهم همست :تقريباً روحي اللي متوفيه
مشى عنها وهي تنهدت ومشت وراه
*
*
*
في بيت ابو فيصل /
كان الكل حاضر هناك حتى نور والوليد اللي مايقدر يعارض لان ابوها رجع من السفر
تغذوا الكل والجو كان مزيج من الضحك والوناسه والهدوء
لبست وهم عباتها بعد ما عرفت ان ابو فيصل بيدخل
لكن نادتها أم راشد تجيب لها ماء من الطبخ عشان تشرب دواها
فاضطرت انها تروح المطبخ
دخل ابو فيصل اللي معاه ابو يوسف وابو ماجد وابو راشد ومعاهم الشباب طبعاً
سلمو عليهم البنات وجلسوا يسولفون شوي
طلعت من المطبخ
ولا شعوري عيونها طاحت على شخص وااحد من الموجودين عيونها مركزه عليه ومو شايفه أي احد حوله
تذكرت سنين العذاب اللي عاشتهم تذكرت ذلهاا واهانتها تذكرت وحدتهاا وألمها وجراحاتها اللي تتجدد بدون ما تلتأم
شهقت وطااح كاس الماي من يدها وسبب ارتطام قوي خلى انظار الكل موجهه عليها
(للحظات كانت واقفه وهي تحس بشعور غرريب شعور بصدرها يألمها شعور يحسسها بأنها تنذبح ..13 سنه مو شايفته وألحين يطلع في حياتها من جديد كيف وشلووووون ومتى الا وجهه ماتقدر تنساااااه الا وجهه ماعرف ان بيوم بتكبر الطفله اللي تركها وبتحاسبه ..صدفه غررررريبه ..والقدر جمعهم مرره ثانيه )
*
*
*
