رواية جريمة عشق الجزء الثالث الفصل الحادي عشر
طلعت بدء يفوق . وحط ايديه على راسه ااه راسي وبيغمض ويفتح . ااه دماغى .
آدم : الف سلامه على دماغك . ياراجل ياطيب .
طلعت : انتبه للصوت . وفتح عينيه واتخض واتفزع حرفيا من شكلهم حواليه . وبلع ريقه واتوتر . وحاول يكون على طبيعته . لكن بص حواليه . وشاف نفسه في مكان فاضى وكمان فى حوالى ٥ جارد شكلهم يخوف. وبلع ريقه تانى بصعوبه . وحاول يتكلم ..ا.ا. آدم با..باشا . وبلع ريقه تانى . هوا..هوا ...
آدم : اديله ميا يشرب يازياد .
زياد : فتح ازازة ميا متبرشمه قدامه . اتفضل اشرب متخفش مفيهاش حاجه .
طلعت : كان عطشان جدا . وخايف يشرب .
زياد : شرب من المياه فى كوبايه . وطمن طلعت . وطلعت شرب بعدها .
آدم : ها احسن دلوقتي ياطلعت . بلاش اقولك ياراجل ياطيب . وقرب من وشه . وطلعت خاف .. اصلك مطلعتش طيب ياطلعت . ورجع ضهره تانى .
طلعت : ا.ا.انا مش .. مشفاهم حاجه . ا.انتو جايبينى هنا ليه . وافتكر الدوخه الل جاتله بعد ماشرب العصير . وكدا بدء يفهم ان آدم عرف الحقيقه .
آدم : انا هاقولك جايبينك هنا ليه !! وياريت توفر وقتنا وتقول كل حاجه بسرعه يا اماااا .. وبص ل زياد .
زياد : طلع كيس اسود وحطه بين ايدين طلعت . اتفضل دي هديه من سيادة اللواء طارق السيوفى . لو مقولتش كل حاجه تعرفها . دي بقت بتاعتك.
طلعت : قلبه بيدق بخوف . وجسمه بيترعش وفتح الكيس برعب . واتصدم . ايييه ده .
زين : ده هيروين . هيروييين ياطلعت . ولو معترفتش . ومقولتش كل حاجه . سيادة اللواء طارق السيوفى هياخدك مع الحرز ده . وتبقى قابلنى لو شوفت النور من تانى..
طلعت : برعب . بص ل آدم ابوس ايدك . سبنى ارجع بيتى لعيالى . ابوس ايدك معندهمش حد غيرى .انا مش فاهم حاجه.
آدم : ببرود . ومالو . انا كمان عايزك تروح لعيالك . وشاور ل زين .
زين : طلع الملف اتفضل ياطلعت بص بصه كدا فى الملف ده وانت هتفهم احنا بنتكلم عن ايه!
طلعت : كيس الهيروين وقع من ايده . ومسك الملف فتحه . واتصدم . وشاف اسماء الشركات الوهميه . والشيك . وال٩ اجهزه وكل حاجه . وقطع غيار السيارات. وطلعت خلاص شاف أن النهايه قربت .ومفيش مفر. وقفل الملف. وعيط بندم . قولولى اعمل ايه . والله غصب عني . غصب عني . اااه يارب والله عمري ما اذيت حد . وبص ل آدم . ابوس ايدك خلينى اروح . انا ماليش زنب.الله يخليك .
آدم : قرب منه . اهدى ياطلعت . انا عارف انك متعملش كدا . وانك عمرك متجازف بالطريقه دي .وقال بصوت هادي ويرعب . لكن عايز اعرف . ازاى حطيت ايدك فى ايد راشوان ياطلعت .
طلعت : اتصدم برعب . اييه راشوان . راشوان
طارق : بنرفزه . ماتنجز بقى ياجدع انت . ايوه ياخويا راشوان . واحنا عارفين كل حاجه .وانك انت والكلب راشوان عملتو ٣ شركات وهميه من ٣ سنين . وكمان ماضيتو زين على ١٣ جهاز تالف من اصل ٤ بس . وفرق ٩ . اتباعو على فترات واخر جهاز اتباع من ٤ شهور . ها!!! عايز اعترافات تانيه . أنجز بقى فى يومك ده . اصل اقسم بالله هتطلع من هنا على مكافحة المخدرات وقابلنى بقى لو شوفت عيالك تانى .
طلعت : بيسمع طارق . وخاف لأنهم عارفين كل حاجه . واترعب من تهديد طارق . وبص ل آدم . ابوس ايدك . انا لو اتكلمت راشوان هيفضحنى وراسي هتبقى فى الارض راشوانغ لو نطقت بحرف واحد مش هيرحمنى ابوس ايدك . انا شغال معاك وعمرى ماغلطت في حقك ابوس ايدك سبنى ارجع بيتى لعيالى وعيط .
آدم : شاف فى عيون طلعت رعب وذل وانكسار . وكمان أتأكد أن راشوان استغل طلعت لمصلحته الشخصيه . وطلع منديل . امسك ياطلعت .وحب يطمنه علشان يتكلم . وقال . عايزك تهدى . اسمع ياطلعت . انت شغال معايا من ٢٠ سنه . واول ما عرفت بالل حصل . فكرتى فيك انك عمرك ماتعمل كدا واكيد فى سبب خلاك تبعنى وتخونى وتكسر ثقتى فيك . انت مكنتش مجرد موظف عادي ياطلعت . انا كنت بعتبرك صاحب الشركه وبنمضي وراك واحنا مغمضين . ثقتنا فيك كانت كبيره . لكن للأسف خذلتنا . وآدم حب يديله الامان . اسمع ياطلعت . انت من كلامك دلوقتي وان راشوان هيفضحك معناه أن راشوان استغلك وعارف عنك حجات تخليك توطي راسك زي ما بتقول . اوعدك لو قولتلى كل حاجه وبالتفصيل . ولو ليك حق عند راشوان هجبهولك ولو فى بطن الحوت وآدم العدوي لما بيوعد انت عارف ومجرب .
طلعت : اطمن من وعد آدم . لأنه فعلا مجرب وعود آدم . وانه عمرو مخلف وعدو . لكن عيط بانكسار لان ماينفعش يتكلم .
آدم : بتفهم . طلعت هسالك سؤال . موضوعك مع راشوان حساس وشخصي .
طلعت : حط وشه بين ايديه وعيط وهز راسه ايوه . وعيط بوجع .
آدم : تفهم الموضوع . وقال رعد .
رعد : اؤمرنى ياباشا .
آدم : خد كل الجارد واستنو بره .
رعد : بس ياباشاا ..
آدم : بصوت جهورى . ايه خايف عليا من طلعت يارعد. !؟
رعد : العفو يا باشا... أوامرك ياباشا واتحرك .
آدم : زين . وزياد استنونا فى العربيه بره .
زين اخد الملف . وزياد اخد كيس الهيروين وخرجو وقعدو فى العربيه .
زياد : تفتكر ايه الموضوع الحساس ده .
زين : والله ما انا عارف . يلا ربنا يسترها .
زياد : فتح كيس الهيروين . تاخد شويه .
زين : هات يعم الواحد جعان وحاسس بهبوط. خساره كيلو سكر بودره يترمي كدا .
زياد : ههههه لا مين قالك هنرميه . ماليكه شاطره فى الحلويات . هديهولها اقولها تعملنا كيكه ههههه .
آدم : ها يطلعت . بقينا لوحدنا اهو . والوقت بيعدي . سامعك اتفضل .
طلعت : رفع راسه وبصله . بترجي .توعدنى انك تجبلى حق بنتى !!
--------------------بقلمى Mariem Nasar
محمد : قاعد مخنوق من ساعة الل حصل فى المستشفى . ونور جت قعدت جنبه وشايله تمارا .
نور : ايه ياحبيبى خلاص بقى فكها شكلك وحش اوي وانت مكشر كدا .
محمد : بغيظ . بصلها . الناس مبقاش عندها ضمير . يعنى الراجل يموت عادي كدا . اومال لو مكنتش عامل يافطه كبيره تخص الموضوع ده !؟ وكمان انا عايز اعرف ايه الجرأه الل بنت دى فيها وتعمل كدا !؟
نور : معلش يامحمد . قلة ضمير مش كل الناس زي بعضها . حبيبى الحمد لله أن نرمين كانت موجوده . وانقذت المريض . اهدا بقى علشان خاطر تمارا مش واخده عليك كدا . بص مكشره علشانك ازاى . وقربت تمارا من ودنها . وبتمثل . بتقولى ايه ياتمارا !؟ بجد !! لأ لأ بابى غلطان طبعا . هو هيعتذرلك حالا . وبصت لمحمد .وكان مبتسم من طفلته الكبيره
نور : بصتله . عاجبك كدا بقى . تمارا زعلانه منك جدااا
محمد : ابتسم . وشال تمارا . ليه بس . حبيبتي انا زعلانه منى ! انا مقدرش على زعلها ابدا
نور : تمارا . قالتلى شايفه يانور . شايفه حماده مكنسلنى ازاى . ولا كأنى موجوده في البيت.
محمد : بص ل نور . اممم بجد تمارا قالت كدا .!؟
نور : اممم وانا يعنى هكدب . حتى اسالها .
محمد : قرب تمارا من ودنه . ها ياتمارا انتى فعلا زعلانه من بابي. وبيمثل ! بتقولى ايه!؟ يعنى نورى بتوقع بينا . اممم يعنى مش زعلانه . اييه انتى زعلانه من نور . حبيبتي انا عارف انك عمرك ماتزعلى منى ابدا . وتمارا ضحكت .
محمد : ضحك من قبله . على نور لما شافها مكشره عينيها ومتغاظه أن تمارا بتضحك ليه وبتقرب على خد محمد بحركاتها الطفوليه . وضحك . ورفع ايده وحاوط نور من كتفها ودخلها في حضنه . وباس راسها . حبيبتي ربنا مايحرمنى منك . انتى فعلا الوحيده الل بتقدرى تغيرى محمد للأفضل . انا بحبك اوى يانورى .
نور : غمضت عينيها بسعاده . حبيبي ربنا يبارك فيك . انا مبحبش اشوفك زعلان ابدا يامحمد . وانا بموت فيك . وباسته من خدو .وبصتله . يلا بقى علشان نتصل على الاستاذ تيمو . وحشنى اوى .
محمد : ابتسم . حاضر يقلبى . وجاب الفون واتصل على مريم . وهيكلمو تيمو .
وبكده نور قدرت بحبها وقلبها البرئ تنسي محمد زعله . وتخليه مبسوط بيها وليها .
--------------------بقلمى Mariem Nasar
آدم : وطارق . بدهشه . بنتك !!!! .
طلعت : بوجع . ايوه بنتى . راشوان ضحك عليا . واستغلنى .
آدم : اوعدك ياطلعت . بعد ما اسمع منك وافهم . اوعدك اني مش هسيب حق بنتك . بس ياريت تحكي كل حاجه . ومتقلقش .
طلعت : كان مخنوق من السر الل حابسه جواه من ٣ سنين واكتر . وبدء يتكلم . وقال .
في يوم كنت قاعد في مكتبى . وبنتى شهد جالتى من الكليه على الشركه علشان كنت واعدها انى اشتريلها طقم جديد للجامعه . اتارى الخبيث راشوان كان بيتصنت علينا . انا قفلت الحسابات وقفلت الخزنه . وخدت شهد بنتى ونزلنا علشان نركب تاكسي . لقيت راشوان وقف بعربيته قدامى ونزل وسلم عليا . وقال أنه رايح يشترى حجات من المول . ولما عرف انى كنت رايح المول صمم أنه يوصلنا من باب الاحترام وانى اكبر منه . انا أحرجت وركبت معاه انا وبنتى . ورحنا المول وشهد اختارت طقم . وخارجين وصمم أنه يوصلنا للبيت . وبعد محاولات منه وافقت ووصلنا . وشكرته . ومن باب الزوق عزمت عليه يطلع عندنا . ورفض فى الاول وانا من غبائي صممت . وطلع . وعرفته على ولادى . احمد فى اعدادي . وشهد جامعيه . وحنين ثانوي عام . وقولتله انى مهتم بيهم بعد وفاة مراتى الله يرحمها . وقعد شويه ومشي . وعدت الأيام وبقى يجيلى المكتب ويسلم عليا ويتحرك . وفي يوم جالى وقالى إن فى عريس مهندس محترم وعندو مكتب وشقه وعربيه ورصيد في البنك ومتدين وعايز عروسه محجبه . وعلى خلق . طبعا اي اب هيتمنى عريس بالمواصفات دى . وقالى أنه عايز يوفق راسين في الحلال ويطلب ايد شهد بنتى للعريس ده . وانا قولتله هسال على العريس الاول . واخدت منه عنوان المكتب . والشقه . وسالت البواب قالى استاذ وليد مافيش منه اتنين اخلاق ودين . وروحت المكتب نفس الكلام اتقال بالظبط . وفرحت أن بنتى هتتستر . وراشوان خد منى ميعاد وجه واتقدمو . وشافو بنتى ووافقو عليها . وبنتى وافقت . وقرينا الفاتحه والجواز بعد سنه . وليد استاذن وعايز ياخد شهد يفسحها . انا قولتله ومالو يبنى بس اخوها هيكون معاها .وساعه زمن ياريت علشان ماينفعش
.وليد رحب جدا . وخدها في العربيه . وخرجو . ورجعت بعد ساعه بالظبظ . وبقى يجي كل جمعه اول شهر . ويشيل ويحمل ويجيب هدايا . ووقت الاذان يستأذن وينزل يصلى وانا قلبى ارتاح . وجه فى يوم قالى انا حابب اعزم الانسه شهد على الغدا بره ولو حابب اختها وأخوها يكونو موجودين مفيش اى مشكله . انا أحرجت من زوقه وقولتله لأ يبنى روحو اتغدو . بس بالله عليك متتاخرو ساعتين زمن وترجعو . وخرجو . ورجعو بعد ٤ سعات واعتذر وقال اتغدينا والوقت خدنا . واستأذن ونزل . ومن بعدها ماشوفناش وليد ده نهائى . وشهد مستغربه . روحت سألت فى المكتب لقيت بواب غير البواب . وقالى مفيش حد اسمه وليد هنا . ده مكتب وصاحبه مش موجوده من سنين . وقلبى وجعنى وطلعت جرى على شقته . لقيت بواب غير البواب . وقالى ده واحد كان مأجر الشقه شهرين . بقولو وليد !؟ قالى مفيش حد بالاسم ده . الل كان ساكن اسمه فاروق . وانا اتصدمت . وقولتله فى بواب شغال غيرك هنا . قالى لا . انا شغال هنا لوحدى ومن سنين . وعرفت انه كدا نصاب .وجريت مرعوب على البيت وخدت شهد وسألتها قرب منك . قالك حاجه . البت بعياط وتقولى والله ماحصل . احنا ركبنا العربيه . وحسيت بدوخه . وبعدها فوقنى وانا فى العربيه . وقالى كنا هنعمل حادثه .ونزلنا اتغدينا ورجعنا .
. انا اتجننت . وخدتها عند دكتوره وكشفت عليها . وانا كنت بموت جوايا . والدكتوره طمنتنى . وقالت بنتك كويسه . حمدت ربنا . واستحلفت ل راشوان الكلب . وتانى يوم فى الشركه لقيته داخل عليه المكتب . وبيصفر وكأنه كان راشوان تانى . وانا فضلت ازعق معاه . وقالى اهدا بس براحه علي اعصابك . واعترف أنه هو الل مخطط لكل الل حصل ده . وانه هو اتفق مع واحد ودفعله علشان يعمل كدا . وقالى انا دورت كتير فى الشركه على غلطه ليك امسكها عليك علشان تنفذ الل انا عايزه .ملقتش عليك غلطه واحده . ماشي فى السليم . ولما شوفت بنتك قولت مفيش غير الطريقه دي . وانا رفعت أيدي علشان اضربه بالقلم . مسك ايدي وقالى اهدي واسمع انا عايز منك ايه وهتعمله ورجلك فوق رقبتك . وانا رفضت اسمعه وطردته من مكتبى . راح قعد ببرود ورفع رجله على الكرسي الل قصاده . وقالى : انا عملت ٣ شركات تابعه لشركات آدم العدوى . لكن واقفه على الامضا . وطبعا الامضا مش هتم غير عن طريقك انت . وفى جهازين للمستشفى كبار جدا . كل جهاز فيهم عامل ٤٠٠ الف جنيه . والمشترى جاهز . لكن بردو متوقف على الامضا وده مش هيتم غير عن طريقك . انا عرفت أنك بتدخل بالملف وزين وآدم يمضو . انا بقى هحط الاوراق دي فى ملف الحسابات ويتمضي .
انا مستحملتش . وضربته فعلا بالقلم . وشتمته وقولتله انت حيوان وقذر وواطي . وانا هطلع دلوقتي ل مستر آدم وهفضحك . وهوديك في ستين داهيه فاهم . ولفيت ضهرى علشان اطلعلك المكتب واعرفك حقيقة راشوان . سمعت صوت بنتى شهد . ولفيت لقيت راشوان مسجل مكالمتها مع وليد . وكانت مكالمات عاديه وأنه بيسالها على قرايبها وعنوانها فى الصعيد . لكن اتصدمت . طلع ظرف فيه اكتر من ٣٠ صوره . ووليد الحيوان . مخدر بنتى بسيط في العربيه ومكانتش في وعيها وقافل كل ازاز العربيه ومفيمها . وقلع بنتى الحجاب . والفستان و.....ومقدرش يكمل . وأتصور معاها اكتر من صوره جريئه . طبعا طلعت بيحكي ومنهار من العياط . وكمل . وشهد كانت متخدره لكن فايقه انا مش عارف ازاى . وكانت شبه عريانه . وبعتلى فيديو ليها وهي في العربيه .. وقطعت الصور ومسكت راشوان من هدومه وكان بيضحك ويقولى عندي نسخ كتير وعند وليد . وكنت هقتله . وجريت عليك علشان اطلعلك تنقذنى منه . لكن هددنى وقالى وليد مستنى اشاره منى واقوله يبعت صور شهد لعمامها وخيلانها وعيلتها فى الصعيد . لو معملتش الل انا عايزه . وقالى اقسم بالله لو آدم أو اي حد من الشركه عرف . انا محامى وهطلع منها . لكن شوف انت بقى فضيحة المحروسه . لما صورها كلها بالطريقه دي تبقى فى الجامعه . والصعيد .وجيرانها. وكسرنى وذلنى . وقولتله ازاى عملتو فى بنتى كدا ازاى !؟ قالى لما نزلت علشان تتغدى معاه شربها عصير فى العربيه . واتخدرت بسيط .وقفل الشباك لانه متفيم ومحدش هيشوفهم وقلعها بسرعه ورجع الكرسي . وأتصور معاها زى ما انت شايف . وبعد كدا لبسها .وحاول يفوقها وقالها كنا هنعمل حادثه . وقالها اعدلى حجابك . واخدها واتغدو . وقالتله انا دايخه وجابلها عصير وشربت ومروحهاش غير لما فاقت . ووليد قالك الوقت عدى بسرعه . وانت تحمد ربنا بنتك سليمه وتقدر تتأكد من ده . وراشوان قالى هو سؤال واحد موافق تبقى شريكى في العمليه دى . وخلى بالك انت هيطلعلك مبالغ حلوه اوى اوى . اضعاف مرتبك . يعنى الخير هيعم عليا وعليك . وطول ما انت الل بتعمل جرد لحسابات الشركه والشحنات محدش هيشك في حاجه . ولو حصل احنا فى السليم لان كل حاجه تمت بموافقتهم . ولو رفضت الصور هتتبعت حالا لعيلتها في الصعيد . ها قولت ايه . ساعتها انا تفكيرى اتشل واترجيته
أنه يسبنى في حالى . ويبعد عنى ويسلمنى صور بنتى وانا هستقيل من الشغل وهبعد . انا مقدرش اعض الايد الل اتمدتلى . آدم بيه خيره عليا وعلى عيالى . سبنى فى حالى انا لايمكن اعمل كدا .
راشوان . منه لله راح متصل على وليد وسمعنى المكالمه . وقاله شهد معرفانى عنوان عيلتها كلها علشان كنت بقولها انى عايز ازور عيلتها . وراشوان اداله أمر انه يبعت الصور للعيله كلها . وانا اترجيته . وقالى هتوافق . ولا ابعت الصورر . قولتله موافق مووافق وحسبى الله ونعم الوكيل . وقفل مع وليد . وقالى خلاص اتفقنا . وطلع ملف فيه اسماء ال٣ شركات . وقالى اول حاجه عايز امضة آدم على العقد ده . وكمان امضة آدم على الجهازين دول . واول ما يتباعو . انا هجيبلك اول دفعه من الفلوس . وطول ما انت ماشي تمام وبتسمع كلامى بنتك فى امان . وبنتى ادمرت لما عرفت أن خطيبها اختفى وزعلت لكن انا معرفتهاش حقيقة وليد . والحال اتغير . وكان مراقبنى ودخلت باالاوراق وباشمهندس زين مضا عليهم وكان نفسي يقراهم لكن كان راشوان قاعد مع زين وقت الامضا . وباع اول جهازين . وجابلى مبلغ كبير . واشتغلت معاه تحت ضغط منه . وعمرو ما وثق فيا انه يمضي على اى ورقه معايه غير لما يقراها مبيثقش في اى حد غير سكرتيرة مكتبه الل عرفت أنه بيحبها وواعدها بالجواز وهي بتحبه . وعدت سنه ورا سنه . وهو يسلمنى العقد . وادخل بيه عند الباشمهندس زين وبمضي عليه . وانا ربنا الل عالم بحالى وضميرى الل بيموتنى . وقولتله يارشوان انا فاضلى سنه واطلع معاش . قالى متقلقش. محدش هيعرف حاجه انا مظبط كل حاجه . وقولتله طيب صور شهد بنتى .قالى لا دى هتفضل عندي علشان أضمن انك عمرك ماهتتكلم . وعشت ال٣ سنين فى تأنيب ضمير . ومجبر أنى اسكت . ولما عرفت أنه اترفد من الشركه انا كنت فرحان جدا . لكن اتصل عليا وقالى أنه راح لحد عندك وطلب السماح وانت رفضت ترجعه . وقالى انا عايزك ياطلعت تتوسطلى عند آدم علشان ارجع . قولتله مش هينفع انا فاضلى اسبوع وامشي . قالى اتصرف انا لازم ارجع الشركه . انا كدبت عليه وقولتله آدم بيه عندو عقيقه ومش هيجي الاسبوع ده . لكن عرف من حبيبته إنك مش اجازه واتصل عليا . وانا قولتله طيب سبنى افكر مع نفسي انا خايف مستر آدم يشك فيا . ويقول اشمعنا طلعت بيتوسط للمحامي . وقولتله انا فى مصيبه . مدير الحسابات الجديد طالب جرد . قالى متقلقش . مش هيعرف يوصل لأن الشركات من ٣ سنين بعيده اوى . وقولتله أنه نسي موضوع الجرد قالى تمام . عايزك ترجعنى الشركه اتصرف . ومن ساعتها وانا مبردش عليه . وخايف . لحد دلوقتي .
طلعت : كان بيحكي وهو منهار من العياط . وخصوصاً على بنته الل عايش في رعب بسبب انها ممكن تتفضح . وكان بيترجي آدم أنه يسامحه لانه خانه وسرقه . وقاله . سامحنى . والله الفلوس الل كنت باخدها من راشوان موجوده عندي لحد دلوقتي . انا مش عايزها . ولاجيت جنبها . انا عايز سمعة بنتى وبس وفضل يعيط .
آدم : بيسمع طلعت وساكت خالص . وفكرة شهد فى العربيه وبتتصور كانت مدايقاه جدا . وكرهه ل راشوان زاد . انه يتاجر بشرف وسمعة بنت علشان مصلحته الشخصيه . وأقسم بالله لايدفعه التمن غالى اوى .
طارق : بيسمع ومش مصدق.ايه كمية الشر دى وان واحد يبتز اب ببنته علشان الفلوس . وكمان الشركات والأجهزه .
طلعت : حس بدوخه وزغلله في عينيه ووقع من على الكرسي واغمى عليه لكن آدم لحقه قبل مايقع على الأرض . وآدم نده على رعد . وشالو على المستشفى .
والدكتور قال ل آدم وطارق انه ضغطه عالى جدا . ولو اتاخرتو شويه كان هيدخل فى جلطه . هو يقعد انهردا وبكره تحت الملاحظه . وهنشوف الل هيحصل .
. وآدم قال زين وزياد روحو انتو وانا وطارق هنستنى لحد ما بنته تيجى .
آدم وطارق . فضلو جمبه . وعقاب راشوان عند آدم بيزيد .
شهد : بنت طلعت جت وفضلت تعيط . وآدم شاف بنت وقوره ومحترمه جدا ولبسها محترم جدا . وقالها انها متقلقش وأبوها هيكون بخير ..وعادل راح ل آدم عند طلعت المستشفى واول لما شاف شهد قلبه دق.
--------------------بقلمى Mariem Nasar
زين روح البيت . وسلم على مريم وريتال واريان وليليان وتيمو .
مريم : حمدالله على سلامتك يازينى .
زين : الله يسلمك ياحبيبتي . عامله ايه يامريوم.
مريم : الحمد لله . انا احسن دلوقتي لما شوفتك مبسوط .
زين : حبيبتي ربنا يخليكي لينا يارب .
مريم : حبيبي تسلملى . اومال آدم فين مجاش معاك ليه !؟
زين : بابا مع طارق . بيعملو مشوار مهم يخص الشغل . وكلها ساعه وهيكون موجود إن شاء الله . وبص وقالها ايه ده . هي رينو فوق !؟
رينو نايمه على السرير . وحست بفهد ورفعت راسها . وشافت فهد قدامها . وقامت تجرى . وفهد قرب منها . ودخلها كلها في حضنه. وهمس بعشق رينو !!
رينو : بعياط . فهد . فهد انت هنا . حبيبى انت وحشتنى اوى اوى يافهد . انت اخيرا جيت .
فهد : مغمض عينيه وحاضنها بكل قوته . حبيبتي انا جيت علشانك . جيت علشان نجمتى الحلوه .
رينو : بشهقات . ا.انت جيت علشاني انا . يعنى انت عارف انى مش قادره استحمل غيابك اكتر من كده . فهد متسافرش تانى ارجوك .علشان خاطر رينو يافهد انا حاسه بالوحده من غيرك .
فهد : طلعهاا من حضنه . ومسح دموعها . ومسك وشها بايديه . رينو حبيبتى انا قولتلك قبل كدا إن لارين السيوفي . متخلقتش علشان دموعها تنزل فاهمه . وقرب منها وباس دموعها . وعيونها وهمس وحشتينى اوى يارينو .
رينو : قلبها هيطلع من مكانه . وبتتنفس بصوت مسموع . وا..وانت كمان يا فهد وحشتنى اوى . وبصت في عينيه واتعلقت عيونهم ببعض . الاتنين كل واحد قال للتانى بحبك . فى نفس الوقت .
فهد : من اشتياقه ليها . قرب منها بالبوسه المعهوده . ورينو تاهت في عشق الفهد . وبعدها فهد ورينو حضنو بعض بكل لهفه واشتياق . وشالها ونيمها على السرير وحط راسها على صدره. وبيمسد على شعرها .
رينو : فهد .
فهد : عيونه .
رينو : اوعدنى انك متسبنيش تانى يافهد .
فهد : رفع راسها وقرب منها وهيبوسها .
رينو : صحيت من النوم . فااااهد . وبصت حواليها وبتنهج وبتدور على الفهد . وقلبها بيدق . وشافت تيشرت فهد فى حضنها
واكتشفت انها كانت بتحلم بوجود الفهد . وقلبها بيدق بسرعه . ورجعت حطت راسها على السرير . وغمضت وبتراجع الحلم من تانى وبتحاول تعيش الحضن من تانى . واتنهدت بزعل . وحشتنى اوى يافهد . وفونها رن . وكان زين اخوها . واتعدلت ومسحت دموعها . وردت . الو .
زين : سمع صوتها المهزوز . وزعلان علشانها . الو ايوه ياحبيبتى .
رينو : بتمثيل . ابيه زين عامل ايه النهارده احسن .
زين : الحمدلله ياروحي . المهم ماما قالت انك فى شقتك . انا جاي اخدك اوكي .
رينو : ابيه زين . لو سمحت انا بكره معنديش جامعه مفيش محاضرات . وانا عايزه افضل انهردا فى الشقه بعد اذنك . ارجوك انا محتاجه اكون موجوده هنا لو سمحت.
زين : اتنهد بزعل عليها . حبيبتي . انا مقدر الل انتي فيه لكن وجودك هناك لوحدك هيقلب عليكى كل حاجه . وهتتعبى اكتر . رينو انا هاجي اخدك . هتقعدى وسط عيلتك . وكمان يستى بابا جاى انهردا فى ميعاده وهنتغدي كلنا مع بعض . وايه رايك بقى هنخرج انا وانتى وريتال . ونتفسح احلا فسحه. وهجبلك كاندى ايه رايك . وحيات زينو حبيبك ماترفضي ها ها موافقه صح صح .
رينو : ابتسمت بحب . حاضر يا ابيه ربنا مايحرمنى منك ابدا .
زين : حبيبتي ولامنك ياقلبى . انا مسافة السكه هكون عندك . ونرجع على هنا نتغدي كدا وتشبعى كويس علشان توفرى تمن الكاندى اوكي هههههه .
رينو : ابتسمت . اوكي هستناك يا ابيه . وقفلو .
رينو : قاعده على السرير . وماسكه تيشرت فهد وضمته بحب . وحطته في شنطتها . وقعدت تسرح في جمال الحلم . ومسكت صورة فهد . وفضلت تتكلم معاه بقلبها . وزين وصل واتصل عليها ونزلت واتحركو على البيت .
آدم وصل البيت الساعه ٥ .
.وكان الكل موجود .
مريم : استقبلته بحب كبير . وسلمت عليه حمدالله على سلامتك يا حبيبي .
آدم : باس على ايدها الله يسلمك ياروحي . عامله ايه دلوقتى .
مريم : بخير طول مانت بخير .
آدم : ابتسم بحب وسلم على رينو . نوتيلتى حبيبتى عامله ايه ياروحي .
رينو : ابتسمت بحب . وكأنها عندها طاقه من حلم الفهد . وضمت آدم بسعاده الحمدلله يابابى حمدلله على سلامتك ياحبيبى.
آدم : بعد الحضن الجميل . انا تمام اوى . وضحكو . وسلم على زين . وسلم على ريتال اذيك ياروتى .
ريتال : الحمدلله يابابا حمدلله على سلامة حضرتك .
آدم : الله يسلمك . وشال ليليان قلب آدم لي لي القمر وباسها . وشال اريان . وباسه . وقعد وقعدهم على رجله . وشاور لتيمو ال قاعد جمب رينو وباسو بحب كبير .وبص ليهم وقال هي البت فريحه مش هترجع مريومه وحشانى .
مريم : فريحه كلمتنى من شويه . وقولتلها ترجع وقت ماتحب اهي سرحانه مع رنا وطارق . وكفايه رودي الل مجننا مريم نونو ومعفرتاها . شكل كدا مريم هتبقى ميكس من طارق ومراد ورودي . ولك ماتتخيل . وكلهم ضحكوا .
آدم : ربنا يستر .
مريم : ندهت على زينب تجهز الغدا .
زين : بابا .
آدم : نعم يازين .
زين : هنتغدي إن شاء الله . وهاخد ريتال ورينو . ونخرج شويه .
آدم : فكره جميله . تمام اوي . بس عايزك فى المكتب بعد الغدا . على ما البنات تجهز نفسها.
زين : حاضر يابابا .
الغدا جهز . والكل قعد يتغدى . والجو كان حلو وجميل . وخصوصا أن رينو وتيم كانو بيغازلو في بعض ويضحكو . وتيم مصمم أنه يأكل رينو فى بقها . زي ما آدم بياكل مريم .
بعد الغدا . رينو اخدت تيم . وريتال والولاد طلعو يلبسو . ويجهزو .
آدم . فى المكتب وقعد وزين قعد قصاده .
زين : طمنى يابابا . طلعت عامل ايه !؟
آدم : كويس وفاق واتكلمت معاه .
زين : احم . بابا هو ينفع اعرف السبب الل طلعت قالو لحضرتك . علشان يشتغل مع راشوان .!؟
آدم : اتنهد بتعب .ومش عارف يقول ايه لابنه . لكن قاله . بص يازين . انا مش هقدر اقولك السبب الحقيقي لان الموضوع حساس جدا. لكن كل الل اقدر اقولهولك أن طلعت ضحيه . ضحيه لكلب زى راشوان ولك ماتتخيل السئ الل راشوان عمله علشان يضغط على طلعت ويستغله وأنه يخليه يعمل الل هو عاوزه . لكن انا هدفعه تمن الل هو عمله . انا هحكيلك راشوان طلب من طلعت يعمل ايه فى الشركه وبس . وهاقولك بعد ما اترفد طلب من طلعت انه يتوسطله عندى علشان ارجعه . ودي احسن حاجه راشوان عملها . اسمع الل حصل أن راشوان --- وحكاله طلبات راشوان وطريقة الشغل الل كان بيعمله ويطلبه من طلعت . وآدم حكاله وخلص ...
زين : سمع من آدم .. وبتفهم . خمن جواه إن الموضوع وصل لأهل بيت طلعت . ومحبش يسأل آدم تانى . لكن سأله عن المهم . طيب يابابا . وناوى على ايه !؟
آدم : هاقولك . دلوقتي زي ما قولتلك إن راشوان طلب من طلعت انه يتوسطله عندى علشان ارجعه الشركه من تانى . وبعد ما طلعت فاق . قعد يعتذرلى ويطلب منى انى اسامحه . وانا قولتله علشان اسامحك لازم تتعاون معايه علشان ارجعلك حقك قبل حقى . وطبعا وافق بس الاهم انه يكون في امان وبعيد ومش ظاهر في الصوره علشان خايف من أذى راشوان . وانا وعدته بالأمان. واتفقت معاه أنه يتصل على راشوان بكره الصبح . ويقوله أنه فى المستشفى . وطبعا راشوان هيروحله على المستشفى . وطلعت هيتصل عليا واكون موجود هناك واروح لطلعت كأنى بطمن عليه . وراشوان هيلاقيها فرصه مناسبه انه يعتذرلى من تانى وانه عايز يرجع الشركه . وطبعا انا اتفقت مع طلعت انه يتدخل ويتوسطله ويقولى الأستاذ راشوان مكنش يقصد وسامحه والمسامح كريم . وانا طبعا لسن طلعت الكبير واحتراما للعشره الل بينا هوافق على طلب طلعت وهوافق على رجوع راشوان للشركه .
زين : بعدم فهم. طيب وافرض راشوان مرحش . وكمان افرض لو راح مطلبش أنه يرجع الشغل من تانى ! هنعمل ايه !؟
آدم : استحاله طبعا راشوان يفوت فرصه زي دى . أولا راشوان هيروح لطلعت علشان يعرف ايه سبب تعبه وايه الل حصل في الشركه . وكمان هايقوله انت قولتلى انك هتتوسطلى عند آدم قبل ما تمشى . وبعدها آدم بنفسه هيكون موجود قدام راشوان وطلعت ولوحدنا تفتكر راشوان عبيط انه يضيع فرصه زى دى.؟ وغير كدا انا اتفقت مع طلعت . حتى لو مفتحش الكلام طلعت هينفذ وعده ل رشوان وأنه يتوسطله عندى . وغير كدا راشوان فى ٣ سنين جمع اكتر من ٨ مليون . واستحاله يضيع فرصه زى دى ابداا وهيطلب يرجع ومش هيستسلم فهمت !!!؟
زين : بانبهار من تصوير آدم للأحداث . طبعا فهمت وبجد جه للموت برجليه. طيب سؤال اخير ازاى هنوقع راشوان فى شر أعماله !؟
آدم : ايوه خش على المهم . هاقولك انا . وفتح مخك . لأن دى هتبقى خطه . والخطه دى هيكون مشترك فيها اول واحد طلعت . وبعد كدا عادل !
زين : عادل !!؟ طيب وده حضرتك واثق فيه .
آدم : ما انت عارف انا من سنين بطلت اثق في حد . لكن هو واد رجوله وجدع وكمان صاحب مراد اخوك . وقال انه حاله متوسط . وعندو شرف ونزاهه . وكمان يازين عادل طلب جرد لحسابات الشركه والشحنات يعنى لو نيته كانت عكس كدا . كان زمانه اتفق مع طلعت . وطلعت علشان يخلع كان هيسلمه ل راشوان . وغير كدا عادل هو الل عرض عليا خدماته . لأنه متدايق من راشوان .
زين : ايه ده هو عرف !؟ وعرف منين .!؟
آدم : لما عرف إني فى المستشفى مع طلعت جه بسرعه . والواد بردو زكي . وقال لطلعت انت مضغوط عليك وان فى حد خلاك تعمل كدا تحت التهديد . وطلب منى انه عايز يقدم المساعده . ويكشف المتهم الحقيقي معايا . وانا بصراحه هحتاجله جدا لانه هيكون السبب الرئيسي فى اننا نوقع راشوان .
زين : لحد كدا تمام اوى . طيب ناوى على ايه وهتبدء من امتى .
آدم : إن شاء الله من بعد بكره . راشوان هيكون موجود عندى فى الشركه . وهيشتغل معايه اول شهرين عادي جدا وهديله الامان زى الاول . وطبعا هيحاول يراقب عادل علشان يشوف اى سبب ويستغله زى ما استغل طلعت ويخليه يشتغل تحت ايدو وينفذ كل طلباته . وانا فهمت عادل على كل حاجه هاتبدء بعد وصول اول شحنه .. اسمع يسيدى الل هيحصل بعد ما راشوان يراقب عادل -----
بعد اسبوع . -------------
تكملة الحلقه 11 ج 2
#رواية_جريمة_عشق3
(عشق الفهد)
بسم الله نبدأ
آدم : إن شاء الله من بعد بكره . راشوان هيكون موجود عندى فى الشركه . وهيشتغل معايه اول شهرين عادي جدا وهديله الامان زى الاول . وطبعا هيحاول يراقب عادل علشان يشوف اى سبب ويستغله زى ما استغل طلعت ويخليه يشتغل تحت ايدو وينفذ كل طلباته . وانا فهمت عادل على كل حاجه هاتبدء بعد وصول اول شحنه .. اسمع يسيدى الل هيحصل بعد ما راشوان يراقب عادل -----
بعد اسبوع .
مراد نايم على الكنبه فى الصاله . وفهد قاعد مخنوق ونفسه يتصل على رينو .
مراد : اوووف ايه الملل ده !؟
فهد : ومين سمعك . ارخم مهمه حصلت
مراد : بهمس شديد . انا عايز اتصل على آدم والعيله .
فهد : بهمس وطي صوتك . يبنى هتودينا في داهيه .
مراد : بمهس اوطي صوتى ايه اكتر من كده . انا اتخنقت من العماره دي . ده احنا بنسمع حورات الجيران كانهم معانا .
فهد : ولا ست الحيزبونه . وبيقلدها . عصام انا سمعتك امبارح وانت بتكح . عصام انا سمعتك بليل وانت بتتكلم مع عمار وبتقولو قوم اعمل شاى وهو قالك انا عايز انام . بت !!! انا مش عايز اشتم عليها هتسمعنا .
مراد : انا عارف انها بتسمع كل حاجه . وده مدايقنى . لكن هنستحمل . اكيد في طريقه نكلم بيها العيله . بس احسن حاجه اننا نزلنا الشغل معاها وكمان مبسوطه مننا ووعدتنا انها هتشغلنا لحسابها قدام شويه . والباب خبط .
فهد : بصوت مهموس هههههههههههه رااشا اكيد جايه تشوف التعويره عملت علامه ولا لاء هههههههههههه .
مراد : بغيظ . جه الوقت الل تشمت فيه يابن ال .--- . قوم افتح وقولها عصام نايم .
أنصاف : من بره ماتفتحو يالى جوه . ايه نمتو .
فهد : هههههههه . لما اشوف راااشا حبيبتك . فينك يافريحه يختى . هههه . وبعدها قام ورسم التكشيره وقام فتح .
أنصاف : دخلت مساء الخير عليكو .
مراد : من جواه مساء الطين على راسك . ورسم الضحكه . اهلا اهلا وانا اقول الباب نور ليه مره واحده . اتارى رشا بتخبط ههههه.
أنصاف : هههههه تسلم ياعصام ده نورك ياخويا . وبصت لفهد وانت على طول وشك مضلم كدا مش هانشوف ضحكتك ياساتر .
مراد : هههههههه حلوه مضلم دى . انا بعد كدا هاقولو عمار المضلم . ههههه وسيبك منه يارشا هو واد معقد .
أنصاف : راحت قعدت ولزقت في مراد . ومراد غمض عينيه بغيظ وقال جواه يابت الكلب يارخيصه . وحيات امك لا تتفاجأي بالل محضرهولك .
وفهد بيرقص حواجبه ل مراد . ومراد صك على اسنانه بغيظ من فهد .
انصاف : بدلع . وطلعت الفلوس من فستانها قدامهم عادى . وفهد بص بعيد ومراد بص بعيد . وبتعد في الفلوس . اتفضل ياعمار دى أجرة يومين فاتو .
فهد : مد ايدو واخد الفلوس ومقلهاش شكراً وإنصاف اتغاظت منه هو عاجبها زى مراد بالظبط . وكمان مش عارفه تقرب من مراد بسبب وجود فهد . وبصت لمراد الل هتموت عليه بدلع . امسك ياعصومه دي أجرت يومين
مراد : بتمثيل . غمز ايوه بقى ومد ايدو وبياخد الفلوس . أنصاف مسكت ايده بجرأة .
وفهد غمز لمراد . ينزل !؟
مراد : عطاله اشاره . ايوه انزل .
فهد : احم طيب انا ورايه مشوار .مدام بقى معانا فلوس هنزل اشترى شوية حجات لزوم البيت .
انصاف : بفرحه ومالو ياخويا . وقامت وخد أمسك الفلوس دي . وهات شوية فاكهه .وخد راحتك . يلا ياخويا مع السلامه . وفهد نزل .
مراد : قام وقف . القمر يشرب شاى ولا عصير .
أنصاف : بدلع اى حاجه من ايدك تبقى شهد ياعصومه .
مراد : وانا تحت امرك ياقمر . واتحرك وعملها العصير بالمخدر . وبتشرب وبتحاول تغرى مراد . ومراد اوهمها انه بيقرب منها ونامت على الكنبه . ورن على فهد يطلع وطلع . وفك الساعه وركب فيها الجي بي اس . وجابو فونها والحظ كان حليفهم لانه بالبصمه وفتشوه وشافو كل الرسايل . ومراد حط فيه جهاز تصنط للمكالمات . وظبطو كل حاجه . وشالوها ونيموها على سرير مراد . علشان لما تصحي تتأكد انه قرب منها . ومراد وفهد كانو مدايقين جدا منها . وسابوها نايمه . ونزلو متنكرين وركبو تاكسي . وراحو لعميل ٣ ونقلو ليه كل الاخبار وانهم يتابعو كل مكالمتها من انهردا . وكمان كلمو مدير الجهاز . وعرفووه كل حاجه . وأمرهم أنهم يرجعو البيت قبل ماتفوق . ورجع مراد . لكن فهد راح يشترى الطلبات علشان أنصاف متشكش فى حاجه .
وعدي الوقت وإنصاف فاقت الصبح . وشافت مراد نايم جمبها وطبعا كان بيمثل انه نايم . وقامت مبسوطه . وشافت فهد نايم على الكنبه بره . وخدت الطلبات ودخلت جهزت الفطار . ومراد وفهد هيموتو وينامو ساعتين قبل ماينزلو الشغل . وعايزنها تنزل وصحتهم من النوم . وقعدو يفطرو . وإنصاف تغمز لمراد . ومراد بيمثل انه منمنش طول الليل وقالتله لو تعبان خد اجازه انهردا . وانا هتصرف مع الصنايعيه . ومراد قالها مش عايز اسببلك مشكله . حطت أيدها على صدرو قدام فهد وقالتلو لأ ياخويا ريح انت . وانا هتصرف . وفطرت معاهم ونزلت . ومراد وفهد . قامو بسرعه ودخلو ينامو ساعتين
.علشان يركزو فى المهمه .
وبعدها : بيومين . بدؤ فى الشغل . وتتبعو حركاتها . والعميل ٣ متتبع مكالمتها وبيوصل كل حاجه لمراد وفهد عن طريق رسايل مشفره . وإنصاف كل كام يوم . تقرب من مراد ونفس الطريقه الل ماشى عليها مراد يجبلها العصير . وتشربه وتنام . وسعات يحطلها هلوسه . وتتخيل ان مراد قريب منها
وتقعد تضحك. وتاني يوم تقوم مبسوطه . وقعدو على الحال ده شهر ونص تقريبا . وبعد ماتنام في سرير مراد . يسبها وينزل بسرعه مع فهد ويقابل العميل ٣ . وهما راجعين فهد مقدرش يصبر اكتر من كدا . ونزل من العربيه واتصل على معشوقته الل صوتها دوب قلبه. وقالها كل كلام الغرام والاشتياق . وكان قلبه مبسوط جدا لما سمع ضحكتها الرقيقه . واتكلم معاها اكتر من نص ساعه . ومراد كمان اتصل على فريحته . وحسو أنهم مبسوطين جدا . وقررو انهم كل ماينزلو من البيت يتصولو عليهم . وبعدها يرجعو الشقه من تانى قبل ماتصحي . وإنصاف بقت بتثق في مراد . وقررت انها تشاركه كل أسرارها . وتشغله معاه . وكمان فهد . لانها شافت انهم ابيض ومفيش عليهم اى حاجه تخليها تشك فيهم . وصارحت مراد . ورحب جدا بفكرة الشغل فى التهريب لانها هتنقلهم ناقله تانيه .. لكن دلوقتي هي حبت مراد وبتفكر تعرض عليه الجواز .
بعد مرور شهرين .
آدم وطارق وزين وزياد ومالك .وراشوان فى غرفة الاجتماعات . وبيتكلمو في الشغل . وزياد قال آدم . الشحنه وصلت من نص ساعه تقريبا .
آدم : بص فى الساعه . وكانت داخله على ٥ وقال طيب تمام . بكره تروح انت وزين وراشوان وتستلمو الشحنه .
زياد : تمام زي ما تحب .
زين : استاذ راشوان . ياريت بكره الساعه ١٠ بالدقيقه تكون موجود زي كل مره علشان نستلم الشحنه . انت عارف اليوم ده بيبقى متعب قد ايه .
راشوان : طبعا ياباشمهندس زين . وحضرتك متقلقش كل حاجه هاتم زي ما حضرتك عايز .
مالك : قام . طيب بما أن كل حاجه تمام. انا هستاذن لان المدام عندها متابعه انهارده ومش عايز اتاخر .
زياد : قام . خدنى معاك يامالك . انا كمان خلاص المدام كلها اسبوع وياسين باشا يشرف ومش عايز اتاخر انا كمان. واستاذنو واتحركو ونزلو .
زين : قام . طيب يابابا . حضرتك مش هنمشى انت عارف المفروض الساعه ٥ نكون في البيت ..
آدم : قام . احنا فعلا اتاخرنا . انا هنزل مع طارق . وانت يازين قفل الملفات وحصلنى على البيت . وانت ياراشوان ظبط ملف الشحنه . وخليه معاك علشان تطلع بكره الصبح إن شاء الله من بيتك على المينا على طول علشان تخلص الإجراءات القانونية اللازمه للشحنه .
راشوان : تحت امرك يا آدم باشا .
آدم : تمام يلا ياطارق احنا . وخرجو . وف الاسانسير .
طارق : تفتكر الل هيحصل انهردا . هيحصل زي ما انت خطتطله بالظبط .
آدم : كل حاجه فى علم الغيب . لكن انا متأكد إن شاء الله إن كل حاجه هتبقى تمام .
طارق : اتمنى طيب وعادل متأكد أنه هيمثل كويس .
آدم : دي بقى انا مش متأكد منها ههههه . يبنى بطل تفكر كتير كلها ساعه وعادل هيتصل عليا وهيقولى يا اه حصل . يا اه حصل بردو هههههههه .
طارق : بنرفزه . انت ياض انت مبتريحش الل قدامك ليه !؟ انا سايب مسؤلياتى فى المديريه وجايلك علشان تقولى يا اه . انت بارد ليه يالا انت .
الاسانسير فتح وخرجو .
آدم : بقولك ايه تعالى اتغدي معايا انهردا واقعد ساكت .ايه رايك.
طارق : من غير ما تقول انا كدا كدا كنت جاى معاك علشان اشوف مرات ابنى حبيبتي.
آدم : تمام . رينو هتفرح اوي . مش عارف بتحبك على ايه .
طارق : علشان انا اتحب ياجاهل ايش فهمك انت . البت رينو دي بتفهم حتة بسكوته كدا . مش عارف انا ازاى واحد ذيك يخلف نوتيلا . المفروض كنت تخلف عيال ادغال .
آدم : مش عايز اغلط فيك . اركن عيالى على جمب . انت يبنى دخلت التاريخ لما انا وافقت اناسبك ههههه .
طارق : اتنرفز جدا . اقسم بالله انك راجل فصيل . أجرى اركب عربيتك اجرى .
آدم : ببرود . امشي ورايا بالظبط علشان مش تتوه منى .
طارق : حاضر يابابا آدم . علمناهم الشحاته .
وركبو واتحركو .
زين طلع على مكتبه . وشال الملفات فى الخزنه وخرج قدام عيون راشوان . وبكده مفيش غير راشوان و الآمن فى الشركه .
راشوان بيراجع على الملف . لكن سمع صوت خطوات بره المكتب . واستغرب لأنه أتأكد أن زين خرج . وقام يشوف مين . وفتح الباب بشويش . وشاف عادل ماشي بطريقه تخلى اى حد يشك فيه . ماشي يلف يمين وشمال كأنه خايف من حاجه . ونزل على السلم بشويش .
راشوان : بحكم شغله وخبثه شك في عادل . ونزل وراه بشويش .
عادل : ماشى فى الطرقه ورايح على مكتبه مدير الحسابات . وفتح الباب بشويش ودخل وسابه مفتوح بطريقه معينه زى ما آدم قاله بالظبط . وفتح الباب نص فاتحه .علشان لو فتحه على الآخر ممكن راشوان يشك .
راشوان : ماشي ورا عادل . ولما شافه بيفتح الباب بتوتر وساب نصه مفتوح أتأكد أن عادل مش شايفه . وقرب من الباب .
عادل : طلع منديل وبيمسح وشه بتوتر . وقرب من الخزنه .
راشوان : ابتسم بخبث . وطلع الفون وبيصور عادل فيديو .
عادل : فتح الخزنه . وطلع مبلغ كبير وكان ٤٠ الف جنيه . وحطهم على المكتب بتوتر وحاول يقفل الخزنه لكن المفاتيح وقعت منه على الارض ونزل يجيبها وبص بطرف عينه من تحت المكتب . ولمح راشوان وماسك الفون بيصور . وعادل ابتسم . وقام وقفل الخزنه . وبيدور على حاجه يبخبى فيها الفلوس . وجاب ورق جورنال ولف فيها الفلوس . وخباهم فى شنطه سودا . وجاب منديل . ومسح الخزنه ومسح البصمات
راشوان : بيصور وبيدعي جواه أن عادل يكون بيسرق لأن ده هتكون فرصه تانيه ليه انه يكمل سرقه فى الشركه . وابتسم بنصر وسعاده لما شاف عادل بيمسح البصمات كدا أتأكد انه بيسرق . وصور كل حاجه . وسيڤ الفيديو وقفل الفون وحطه فى جيبه . وخبط على الباب .
عادل : مسح كل البصمات . وشايل الشنطه وبيتاكد ان كل حاجه مكانها وبيلف علشان يخرج . سمع الباب بيخبط وشاف راشوان واتوتر بتمثيل والشنطه وقعت منه . وقال بصدمه .ا.استاذ را..راشو..ان . لكن جواه مبتسم وقال زي ما آدم باشا خطط بالظبط .
راشوان : مساء الخير يا استاذ عادل . ياترى انت بتعمل ايه هنا في الوقت ده . المفروض انك مشيت من قبل الاجتماع .ولا ايه!؟
عادل : بتوتر . ها..!! اه . اه ايوه . ما.ا.انا . انا . كو.. كنت ومتلخبط خالص ..
راشوان : ضحك من قبله على لخبطة عادل . وبيقول جواه الحظ الحلو ديما حليفى . ونزل جاب شنطة الفلوس من على الارض . ياترى ايه الل فى الشنطه دي يا استاذ عادل . اتفضل وقعت منك .
عادل : مخدش الشنطه . وقال .لا . اا.ابدا دي شوية حجات للبيت .
راشوان : بمكر . اممم بجد . اكيد فاكهه صح يااستاذ عادل ؟
عادل : بتسرع . ايوه ايوه فعلا دى . دى فاكهه. ايوه فاكهه .
راشوان : اممم وبيلف حوالين عادل . صدق حاسس بالجوع بعد اذنك انا هاخد من الفاكهه . ولسه بيحط ايدو فى الشنطه وبيسال ياترى ايه نوع الفاكهه .
عادل : عن قصد . شد منه الشنطه واتقطعت والفلوس وقعت على الأرض . وعادل فتح عينيه على الاخر بصدمه وبص على الفلوس وراشوان .
راشوان : طبعا قلبه بيرقص . على الضحيه الجديده الل قدامه . وقال بتمثيل . اييه ده يا استاذ عادل . انت بتكدب . انت . انت كنت هنا في المكتب بتسرق.!!؟
عادل : هجم على راشوان بتمثيل كأنه اتكشف ومتنرفز . وقاله بغضب . عارف لو اتكلمت وفتحت بوقك وقولت ل آدم ولا ابنه ولا اى حد اقسم بالله لادفنك مكانك . فاهم .
راشوان : ابتسم . وبيعدل ياقة قميص عادل . اهدا . اهدا يا استاذ عادل وسرك في بييير . اهدا .
عادل : مسكه اكتر . عارف لو بتثبتى بالكلام هقتلك فاهم انا لاعمرى كنت حرامي . ولا كنت في يوم افكر انى أمد ايدى على حاجه مش بتاعتى .
راشوان : طيب سيب هدومي وهنتكلم بهدوء . وتعالى اقعد . اهدا كدا واقعد .
عادل : سابه . وراح بسرعه ولم الفلوس الل وقعت وحطها فى الشنطه . وحضنها . وقاله اسمع انا همشي دلوقتي . انا لازم ادفع الفلوس دى انهردا فاهم . وجه يتحرك .
راشوان : بسرعه قفل الباب . قولتلك اهدا وهنتفاهم . ومش يمكن انا اساعدك . تعالى اقعد وصدقنى مش هتندم .
عادل : قعد .وبيمثل أنه غضبان . عايز ايه منى
راشوان : عايز اعرف سرقت ليه !؟ وايه السبب انك تسرق آدم باشا !؟
عادل : بغضب . انا مسرقتش .انا مش حرامى.
انا واحد عايز ينقذ حياة امه بأى طريقه واى تمن .انا روحت ل آدم امبارح وقولتله انا عايز سلفه ضرورى . لكن آدم رفض وقال انت لسه شغال بقالك شهرين وبتطلب سلفه . وكمان مبلغ زى ده . وقالى مينفعش . وكرامتى اتهانت . وخرجت ورحت المستشفى لامي والدكتور قالى لازم نعمل العمليه فى اسرع وقت . ولازم تأمن المبلغ . يا اما انا مش مسؤول عن الل هيحصل . روحت لاصحابى . لكن مين معاه مبلغ ذي ده . وبص ل راشوان بغضب يعنى آدم كان هيخسر ايه لما يوافق على السلفه .
راشوان : انت قولت ل آدم باشا انك عايزها لعملية والدتك .
عادل : لأ انا ملحتقش اقوله . وكمان مسالنيش سلفه لايه . لأ هو رفض قبل مايعرف السبب وقال انى لسه حتى متثبتش في شغلى .
راشوان : هز راسه بتفهم . لأنه عارف آدم مبيتاخرش . وكدا صدق عادل . اممم طيب يعادل انت واخد كام من الخزنه .
عادل : بتوتر احم اء ٤٠ الف جنيه .
راشوان : طيب ياعادل. رجع الفلوس دى للخزنه من تانى .
عادل : قام وقف . لأ طبعا امى هتموت . انا مستعد اتسجن لكن بعد ما امى تعمل العمليه . اهم حاجه الحق امى . وبعد كدا الل يحصل . يحصل .
راشوان : قال جواه باضتلك في القفص ياراشوان . وكمل احم . انت لا هتتسجن . ولا هتسرق. وكمان والدتك هتعمل العمليه .اطمن.
عادل : بعدم فهم . ازاى بقى .
راشوان : انا هفهمك . انت لو سرقت المبلغ ده من خزنة الشركه . وكمان من خزنة مكتبك . مفيش يوم واحد والحقيقه هتتكشف وانك انت الوحيد الل سرقت . وكمان متنساش انك طلبت قبل السرقه بيوم سلفه من آدم باشا . وكمان الأمن شافك وانت داخل بعد مواعيد نهاية العمل الرسميه في الشركه . وخارج ومعاك كيسه سودا . ده غير الكاميرات . يعنى التهمه لابساك لابساك . انت بس علشان منفعل وعايز تنقذ والدتك مفكرتش فى كل ده .
عادل : بتمثيل الخوف . انا فعلا مفكرتش فى كل ده . طيب اعمل ايه . انت قولت انى ارجع الفلوس وكمان امى هتعمل العمليه. انا مش فاهم ولاعارف أعمل ايه !؟
راشوان : انا هفهمك . انت هترجع الفلوس دى للخزنه . وانا هدفعلك تمن العمليه . ويسيدى اعتبرها السلفه الل انت طلبتها من آدم باشا . ها . فهمت .
عادل : بدهشه . انت بتتكلم بجد . احلف انت بتتكلم بجد.
راشوان : بمكر طبعا بتكلم بجد . بس فى حاجه صغيره. هتمضيلى وصل صغير انك اقترضت منى مبلغ ٤٠ الف جنيه مصري هتمضي ؛؟
عادل : من جواه خاف حقيقي لا يمضي ويلبس هو الليله . لكن هو وعد آدم . وكمان آدم قاله يوافق على كل شروطه مهما كانت وآدم فى ضهرو وميخفش !
راشوان : ايه يا استاذ عادل . كل ده تفكير . يعنى تسرق ولا تستلف ..
عادل :. بلع ريقه بخوف . ها . اه موافق . أنا موافق امضي على اي حاجه . بس بسرعه علشان الحق ادفع الفلوس المستشفى .
راشوان : بخبث . طبعا طبعا . اتفضل رجع الفلوس فى الخزنه . وتعالى على مكتبى . وانا هاخد من خزنتى . وانت هتمضي اتفضل .
وعادل : فعلا رجع الفلوس . لكن كان متوتر من حتة الامضا . وقال أنا ممعيش فى البنك غير ٢٠٠ الف جنيه لجوازى. ربنا يستر وميقلوش . وبص لفوق انا اتكالى كله عليك يارب . وراح مع راشوان المكتب . وقري الوصل كويس . لكن شاف أنه من غير تاريخ وده خوفه . ولكن مضي عليه .. وشكر راشوان جدا جدا . وقالو انا ممنون لحضرتك . وجميلك ده فى رقبتى طول العمر .
راشوان : فتح الخزنه بتاعته واخد منها المبلغ وعطاه ل عادل . وقاله بخبث . ربنا يطمنك على والدتك . اتفضل ياااا... استاذ عادل .
وعادل اخد المبلغ . وراشوان طلب منه رقم فونه واخدو منه . وعادل خرج من الشركه وركب تاكسي بسرعه واتحرك لانه أتأكد أن راشوان بيراقبه من شباك مكتبه .
--------------------بقلمى Mariem Nasar
آدم : قاعد مع طارق والعيله فى الليفنج . وطارق مموتهم من الضحك . وخصوصاً رينو وفريحه وبعد شويه.
طارق : ها يارينو ياحبيبتى . امتحانات الترم ده هتبدء امتى إن شاء الله !؟
رينو : اول الشهر إن شاء الله يابابا .
وفون آدم رن وكان عادل . وقام دخل المكتب . ورد . الو ها ياعادل .
عادل : نزل من التاكسي وبيتكلم . بانبهار . الو ايوه يا آدم باشا . انا بصراحه مبهور من ذكاء حضرتك جدا .
بجد كنت بتشرحلى هعمل ايه . وحضرتك كانك عندك خلفيه بالل هيحصل بالظبط . كل الل قولتلى عليه حصل . ومشي ورايه وكمان صورنى . وقالى ارجع الفلوس . واتكلم بخوف . وحكاله كل حاجه . وكمل
.احم وطلبه ليا كان انى امضي على وصل امانه بالمبلغ وكمان من غير تاريخ .
آدم : حلو اوى اوى . طيب وانت متوتر كدا ليه
عادل : احم. بصراحه انا خايف . لا هيقدم الوصل للنيابه .
آدم : بنفاذ صبر. يبنى هو انت مش ماضي على مبلغ والمبلغ ده معاك . وبعدين انا قولتلك انك متخفش لانى هكون فى ضهرك . ووعدتك انك هتبقى في امان . وغير كدا المبلغ انت هتشيله بكره فى البنك باسمك يعنى لو مش واثق فيا يبقى المبلغ معاك وترجعه ل راشوان .
عادل : بجديه . العفو يا آدم باشا . والله ما اقصد . انا بس خوفت من الخبيث راشوان ده . لكن حضرتك انا افديك برقبتى . كفايه ثقت حضرتك فيا .
آدم : طيب تمام انا عايزك متقلقش من اى حاجه . وعايزك بكره إن شاء اول ماتروح الشركه تطلعلى على طول . علشان اقولك هتعمل ايه مع راشوان بعد كده .
عادل : بتوتر . عندي سؤال بس اسف يعنى .
آدم : الوصل من غير تاريخ ليه مش كدا !؟
عادل : فتح عينيه بصدمه . ايييه ده عرفت ازاى انى هسال كدا . ايوه فعلا ده سؤالى .
آدم : هاقولك انا . راشوان مضاك على وصل من غير ما يكتب التاريخ . علشان بعد ماتمضي هيكتب تاريخ قريب جدا . يعنى مثلا انك سالف منه الفلوس دي مش ٤ شهور تقريبا ومعاد سداد الوصل قرب . ولازم تسد الفلوس . ولا هيرفع الوصل للنيابه . وده طبعا علشان عارف انك مش هتقدر هتسد الل عليك يقوم يستغلك .
. وفى حاجه كمان ان راشوان صورك فيديو . ومقالكش .
عادل : ايوووه . ايوووه صح . هو ليه مقاليش أنه صورنى وهيفضحنى لو معملتش الل هو عايزه .!؟
آدم : لان الفيديو حاليا في الفون نسخه واحده . لسه هيروح ويعمل اكتر من نسخه . لأنه لو قالك انا مصورك . كنت ممكن ببساطه تتخانق معاه وتكسر الفون . وبكده تعبه راح ببلاش . وعايز اقولك يومين بالظبظ وصدقنى راشوان هيستغلك . لان الشحنه وصلت وبكره هيستلمها مع زياد وزين . وانا بكره إن شاء الله هفهمك كل حاجه وكمان هقولك تقول ايه لراشوان لما يجيلك يهددك بالفيديو ومتقلقش من اى حاجه . انا فاهم راشوان كويس . ولازم ترد عليه بذكاء لازم ترهبه من جواه . ولازم تحسسه إنك مش فارق معاك حاجه وده هيضعف موقفه . فهمت ياعادل .
عادل : انا بصراحه مبهور والله بجد مبهور فعلا حضرتك دارس لكل حاجه . وقولت يوم الشحنه ماتوصل انا اعمل الل حصل من شويه . بجد انا مدهوش من حضرتك .
آدم : المهم . انت هتعمل ايه دلوقتي !؟
عادل : بتوتر . احم انا هروح يعنى اطمن على الأستاذ طلعت . الراجل طلع طيب ومظلوم . احم و يعنى الراجل كبير في السن . هطمن عليه واشوفه لو محتاج اى حاجه . واروح على طول .
آدم : حب يخرجه من التوتر ده علشان ميغلطش فى الخطه . وقال لعادل . بمكر . اممم الأستاذ طلعت بردو . !!؟
عادل : ها . ايوه طبعا . هواا .. . اه الانسه شهد زى اختى .
آدم : هههههههه . ومين جاب سيرتها بس .
عادل : لعن نفسه . احم . انا . انا .
آدم : انا عارف ياعادل . وكل حاجه واضحه . نخلص بس من الموضوع ده . وليك عليا اطلبك شهد للجواز بنفسي .
عادل : عينيه طلعت قلوب . وقلبه بيدق . بجد .بجد يا آدم باشا . قول والله . قول والله هتطلبى شهد للجواز .
آدم : هههههههه . انت ياض مش لسه قايل ان شهد زي اختك . ههههه
عادل : اتوتر . ومردش وسكت .
آدم : اتنهد . انا عارف ياعادل . عارف انك اعجبت بشهد في المستشفى . وهي بنت خلوقه ومؤدبه . وإن شاء الله تبقى من نصيبك لانك راجل بجد . وليك عندى مفاجآه لكن بعد ما رجع كل مليم راشوان اخده منى .
عادل : قلبه بيدق بسعاده كبيره . لأنه فعلا اعجب بشهد من اول مره شافها فيها . وخايف يكلمها لانها فعلا مؤدبه جدا . وشكر آدم . وعادل حس بايجابيه . وقوه نسته خوفه من راشوان . وابتسم . ورايح يطمن على طلعت . وشهد قلبه .
آدم : حكى كل حاجه ل طارق وزين . وإن كل حاجه تمت زي ما آدم خطط ليها بالظبط . وقالهم انا بكره هفهم عادل يرد على راشوان ازاى . وبعد كدا ندخل على الخطه التانيه. الل هتدمرو نهائى .
وبص قدامه . وقال بدء العد التنازلي ياراشوان
-------------
