رواية سر الفصل السادس
في معاد الغدا
رمضان : طبعا يا كاظم يا اخويا انت عارف انه دا كان اتفاقنا من الاول
كاظم : وهو انا كنت رجعت في كلامي يا رمضان ؟!
رمضان : لا بس حاسس كدا ان سونا كانت مغصوبة علي الجوازة وخايف ليكون ده رأي داليدا برضوا
كاظم : انا عندي البنات ملهومش رأي غير رأي ابوهم يا رمضان
هنا عمر قرر انه يتدخل ويحاول يفهم ايه اللي بيحصل و ايه حكاية الاتفاق دا و ايه اللي وراه
عمر : اتفاق ايه اللي بتتكلموا عليه بهمس كدا يا حاج انت وعم كاظم؟!
رمضان وكاظم وشهم اصفر من صدمة ان عمر كان سامعهم مع انهم كانوا بيهمسوا لبعض
كاظم : ابدا يا حبيبي اصل انا وابوك كنا متفقين من وانتوا صغيرين انكوا تكونوا لبعض
عمر : بس انت وابويا عارفين بعض من كام سنة يعني كنت انا وعلي في الثانوية العامة
رمضان : كاظم قصدوا من ساعة ما اتعرفنا
كاظم : ايوا مظبوط انا وابوك وحورية
عمر هنا اتصدم لأن كاظم مشفش حورية ولا حد جاب سيرتها قدامه قبل كدا
عمر : بس انت مشوفتش حورية ؟!
رمضان : جرا ايه يا عمر احنا جايين نخطبلك ولا جاي تعمل علينا ظابط
رمضان حاول انه يغير الموضوع لكن عمر كان متأكد ان فيه سر مخبيه رمضان وكاظم .
عمر : طيب ممكن ابعد مع داليدا لوحدنا قبل ما ناخد قرار نهائي
رمضان : طبعا طبعا ، ولا ايه يا كاظم
كاظم : ايوا ، قوم يا انور نادي لداليدا اختك
انور قام نده لداليدا وقعدت هي وعمر في احد اركان الغرفة البعيدة عن المسامع
عمر : ازيك يا داليدا
داليدا بخجل : الحمد لله وانت ازيك
عمر : يعني اللي حصل دا كان مجرد حادث صغير يا ريت ميأثرش علي علاقتنا في المستقبل
داليدا : انا نسيت اصلا ، هو ايه اللي حصل
عمر بابتسامة : ممتاز
عمر وداليدا قعدوا يتكلموا حول احوالهم شوية وبعدين داليدا خرجت
رمضان : مفيش داعي لفترات خطوبة والأحسن نكتب الكتاب علطول
كاظم : مفيش مانع ، كمان يومين؟
رمضان : ممتاز
انور : مش بدري وكمان لازم سونا وعلي يكونوا موجودين ويفرحوا معانا
رمضان : هيفرحوا اكتر لما يرجعوا ويلاقوا ان اخواتهم سعدا وهيعيشوا كلهم في نفس البيت
مرت الايام وتم كتب الكتاب والفرح وذهب كل شخص لمسكنه
في غرفة عمر وداليدا
عمر : طيب الصمت دا هيفضل بينا كتير
داليدا بخجل شديد : انا عاوزة اغير
عمر : ياااه اخيرا افتكرتي انه لازم تغيري
داليدا : يعني هدخل الحمام اغير واجي
عمر : اجي اساعدك
حاول عمر انه يقرب من داليدا لكنه جريت منه بسرعة ودخلت الحمام تغير
بعد عدة دقائق مرت داليدا مخرجتش من الحمام فعمر قلق وفتح باب الحمام ودخل
عمر : داليداااا
داليدا بصوت خائف : انا هنا يا عمر
داليدا كانت قاعدة في ركن في الحمام وشها اصفر وباين عليها الخوف الشديد وعمر جري عليها وشالها وخرجها من الحمام و حطها علي السرير وبدأ يكلمها بهدوء
عمر : مالك يا داليدا خليفة كدا ليه ؟!
داليدا بخوف : انااا شوفت حاجة غريبة خرجت بسرعة من شباك الحمام بعد ما زقتني علي الارض وانا خوفت وفضلت قاعدة مكاني
عمر : قصدك كان فيه حد في الحمام ؟!
داليدا : مش عارفة بس كان شكله وحش اوي او يمكن كان لابس حاجة علي وشه
عمر : طيب اهدي ومتخافيش وحاولي تنامي وانا تفضل جنبك لحد ما تنامي
داليدا : ماشي
داليدا بدأت تنام وعمر قعد يفكر في اللي داليدا قالته وبعد ما راحت في النوم قام يتفقد الحمام واتفاجيء بأنه لقى ...
