رواية المراهقة والثلاثيني الفصل الخامس عشر
كلام لابد منه
❤️
الدكتور سكت ____أدهم بعصبيه أكتر، انا، مش فاكر أسمى؟
الدكتور حط ايده على كتف أدهم، اهدى من فضلك، دى اقل حاجه ممكن نتوقعها بعد حادثه كبيره زى إلى حصلت لك
أدهم، يعنى ايه؟ هفضل على كده كتير؟
الدكتور بعد لحظه من التفكير، هنعمل شوية فحوصات بعدها نبقى نقرر، مقدرش احلل حالتك دلوقتى
بعد كده الدكتور بص للمرضه باتى، خليكى هنا، عايز مرافقه ٢٤ ساعه فى اليوم
باتى بعيونها الجميله، حاضر ___
جلست باتى إلى جوار ادهم المرتبك تتصفح الفيس بوك وتضع حاله فى قصتها
أدهم فضل ساكت والصداع بيقوم بهجمات على دماغه
باتى من غير ما تبص لادهم، انت طول فترة وجودك هنا مكنش على لسانك غير كلمة لازم انتقم منهم
هو فيه حد صدمك بالعربيه؟ رتب لقتلك؟
أدهم وعنيه أقرب للبكاء، مش عارف، مش متذكر اى حاجه
طيب اهلك فين، مفيش حد بلغ عن اختفائك ولا حتى سأل عنك فى المستشفيات
اهلك ميتين؟
أدهم معقبش باى كلمه
باتى مسترسله وهى بتبص فى تليفونها حتى تليفونك مش موجود
الظاهر ضاع، او فيه حد سرقه خلال الحادثه
أدهم عيون دمعت، حس بالضياع
باتى، متبكيش من فضلك، كل حاجه هتكون بخير
لكن الايام اثبتت ان كل حاجه مش بخير ولا هتكون بخير
أدهم مصاب بفقدان ذاكره متأخر لكنه مؤقت
رجوع ذاكرته ليه امر اشبه بالمستحيل
كمان إدارة المستشفى اضطرت انها تطرده من عندها، مش هيقدر يدفع فلوس ولا حتى إجراء العمليات المتبقيه ومعظمها عمليات تجميليه
قبل رحيله بيوم، باتى قالت لادهم، انا نفسي اساعدك بأى حاجه بس مفيش طريقه
حكيت لوالدتى عنك، وهى مش ممانعه انك تقيم عندما شويه
أدهم فضل يبكى من الأسى وقلة الحيله، مش عارف يرد ولا يقول ايه
__________________
باتى طيب انا هعمل محاوله كده، لكن متحطش امل
أدهم هتعملى ايه
انا لى صديقه شغاله فى وزارة الصحه هطلب منها تحقق مع المسعفين إلى جابوك هنا
يمكن حد فيهم لقى تليفونك وخده
بس دا احتمال بعيد
أدهم وهو بيبص لباتى نظره كلها توسل وضعف
يارب _________
_اسماعيل موسى صاحب القصه ___________:__:_
انتقل أدهم للعيش فى منزل باتى ووالدتها فاطمه إمرأه على مشارف الستين طحنتها الحياه
تزوجت بدرى، لكن لم تنجب الا فى عمر تعدى الثلاثين ثم توفى زوجها
كانت بتحلم بسند ابن طول عمرها لكن باتى سدت الفراغ ده
وفاطمه لم تفصح عن امنياتها المنتحره
غير قادر على الحركه يتلقى ادويته بعيون داميه قضى ادم ايام طويله فى منزل فاطمه
منكسر، منزوي، يرغب بالموت
________________
فاطمه لبنتها باتى، الواد ده صعبان على جدا، مش بيفتح بقه غير بكلمة شكرا، مش بيتكلم تحس كده انه اتكسر جامد
باتى، ماما احنا عملنا إلى علينا هنعمل ايه اكتر من كده؟
فاطمه بتفكير مش عارفه؟
باتى بزهق احنا مضيعين معاش والدى على ادويته
فاطمه متقوليش كده، مفيش حاجه بتضيع عند ربنا
_______________
بعد شهر __
حضرت باتى للمنزل فى غير موعدها، دخلت أوضة أدهم
إلى كان سرحان بيفكر
أدهم عندى ليك خبر كويس
أدهم بص لباتى، خير يا باتى؟
احنا لقينا تليفونك لكنه مدمر، انا وشدت باتى ياقة عنقها كلمت حد فى شركة............ للاتصالات وقال انه هيحاول يخرج شريحه من رقمك
ياه يا أدهم لو دا حصل حاجات كتير هتتغير
قرايبك هيتصلو عليك، هتعرف انت مين واسمك ايه
أدهم لأول مره وشه يضحك، باتى فى سرها ضحكته جميله جدا
وشه كل بيضحك
بعد يومين الشريحه طلعت، باتى اشترت فون جديد لادهم، فون صغير نوكيا
فضلو اسبوع متوقعين الاتصالات تنهمر على أدهم لكن محدش عبره
باتى لا انت حالتك صعبه اوي، هو انت كنت عايش فى المريخ محدش يعرفك؟
أدهم بحزن معرفش، مش فاكر حاجه
___________________
بعد عشرين يوم أدهم قدر يتحرك، يدخل الحمام وحده ويتمشى فى الشقه
باتى كان معاها مشوار مع والدتها وكان قاعد وحده، فجأه تليفونه رن
أدهم ايوه مين معايا؟
صوت رفيع، استاذ أدهم انت كنت فين؟
أدهم، مين معايا؟
الصوت انت مش عارفنى يا استاذ أدهم؟
انا امين الى بأجر بيتك فى اسكندريه
أدهم ___هو انا أسمى أدهم؟
امين باندهاش ايوه يا استاذ هو فيه ايه؟
أدهم، انت فين يا عم امين؟
امين انا فى اسكندريه، انت الى فين؟
أدهم بحزن، معرفش
امين انت بتتكلم كده ليه؟
أدهم، عن امين انا هقفل دلوقتى، دقيقه وهكلمك
أدهم كلم باتى سأله عن المكان إلى هو قاعد فيه وطلع فى اسكندريه كمان
قالها على إلى حصل، باتى قالت إنها هتيجى للشقه على طول
أدهم كلم امين اداله العنوان وطلب منه يقابله
عم امين قال مسافة السكه ، انا قريب منك
____________________
وصل امين الشقه، عرف الحكايه كلها من أدهم
امين قاله على إلى يعرفه، اسمه واسم والده الله يرحمها
المصنع إلى كان بيملكه والبيت إلى فى اسكندريه بيأجره
طلع من جيبه الفلوس، استاذ أدهم انا كنت بدور عليك عشان اديلك الإيجار المتأخر
انت ليك اكتر م سنه مش بتاخد إيجار
بعد كده قال بخجل، الصراحه انت كنت كويس جدا معايا
وكنت بتدينى إيجار البيت كله، يمكن الوقت جه عشان ارد جميلك
أدهم بحزن، انا متشكر يا عم امين
امين انا الى بشكرك انت كنت سبب فى ستر بناتى السته يا أدهم
أدهم خد المبلغ، كان مبلغ كبير اكتر من تلاتين الف
إيجار سنه كامله
أدى امين ٥٠٠٠٠ جنيه لكن امين رفض
مشي عم امين وبدأت باتى واالدتها يتكلمو معاه، ان دى بدايه كويسه
وانه بكده فيه امل
_______________
أدهم بص ناحيتهم بعيون ممتنه، انا مش عارف اشكركم ازاى، لكن وقت رحيلى من هنا وصل
حط المبلغ فى ايد الست فاطمه دى اقل حاجه اقدر اقدمها ليكم
فاطمه بكت، انت هتسيبنا يا أدهم؟
أدهم بحزن، كفايه إلى سببته ليكم من أحراج ومصاريف
بعد مجادلات كتيره ادم خد نص المبلغ وقرر ان هيعيش فى بيته اول ما يقدر يسيب الشقه
