رواية بريئه في عالم المافيا الفصل الرابع عشر 14 بقلم ملك شكري

الفصل/الرابع عشر

رعد بصدمه: يابن ال..... وحياه امك لو ما قولتلي على مكانها ل اكون دافنك مكانك

البرت ببرود: تؤتؤ متحاولش يارعد

رعد نزل على البرت ضرب وطلب من صاحبه انه يدخله اوضه التعذيب لحد ما يعترف وبالفعل عمل كده وفضلو يكهربو فيه

رعد: ها تحب اعلي الڤولت ولا تعترف

البرت وكان خلاص بيحارب الموت اعترف على مكان خديجه

رعد قام بسرعه وخرج يجري على عربيته وطلع على العنوان الي البرت قالو عليه لقاه بيت متوسط الحال مع عيله امريكيا كانت خديجه قاعده ف وحدتها بتعيط وخايفه من جاك ابن الراجل الي خدها انه يضربها كالعاده 

خبط رعد على الباب بقوه وكان شويه وهيكسر الباب ف ايده

فتح جاك الباب واتكلم بعصبيه

*الحوار مترجم*

انت مين وبتخبط كده ليه

رعد لكمه ف وشه وقعه على الارض ودخل البيت بينده على خديجه بصوت عالي

خديجه وهي بتعيط من جوا الاوضه سمعت صوت رعد وحست انه بيتهيقلها خديجه: لا ده صوت رعد اخويا

قامت تجري على الباب بتاع الاوضه فتحته لقت رعد واقف بره اول ما شافها اتصدم انها فعلا لسه عايشه جريت خديجه حضنته وهي بتبكي بطريقه تقطع القلب عياط يكفي للأربع سنين الي غابتهم عن اخوها ورعد وادهم

رعد: يلا يلا ياخديجه عشان نمشي جاك قام: تمشي فين انسى

رعد ابتدا يضرب فيه بكل قوته لحد ما وقع فقد الوعي خدها رعد ركبها العربيه واتجهو الا الڤيلا

وصلو الفيلا بعد وقت مش قليل

دخل رعد الڤيلا وكانو لسه قاعدين ف الجنينه بيضحكو مع بعض

رعد داخل وماسك ايد خديجه وحمزه كان بيتكلم ف الفون بعيد عنهم ب شويه

ادهم اول ما شاف خديجه برق بصدمه كبيره جدا ادهم بصدمه: خ خديجه

حمزه سمع الاسم ده الفون وقع من ايده لف وشه لقا خديجه اخته الي بقاله اربع سنين محروم منها 

حمزه بصدمه وبقا يقرب زي المجنون يلمس وشها ويشوف هل هي حقيقي ومش بيتخيل ولا لأ كل ده ودموع ملاك وليان وزينه نازلين من التأثر بالموقف

حمزه عمال يلمس وشها ومش مصدق: اءءء مش معقول مستحيل م مستحيل انتي خديجه بجد انتي اختي وبنتي الي كان ممكن اضحي بنفسي عشانها دموعه نزلت زي الشلال وحضنها حضن دخلها جوا ضلوعه: ياحبيبتي يابنتي وحشتيني ياقلب اخوكي اهههههه ياقلبك ياحمزه اههه ياروحي انتي حقيقه بجد انا مش بيتهيألي ونبي. يارعد ونبي ما تاخدوها مني تاني ياروحي ياحبيبتي

 يابنتيي(حقيقي المشهد ده وانا بكتبه دمعت لاني تخيلت الموقف وقد اي صعب على الواحد انه يبعد عن حتى منه كل المده دي💔🥀) 

رعد دمع بتأثر: محدش هياخدها ياحبيبي خديجه اهي موجوده قدامك قرب منها ادهم بسعاده ودموع: ياحبيبتي ياديجهه وحشتيني ياقلب اخوكي

خديجه حضنت رعد وادهم وحمزه سوا وهي بتعيط: خلاص انا بقيت كويسه وانا معاكو

بصت على ملاك وليان وزينه الي مازالو بيعيطو

خديجه بمرح:اي يابنات انتو مصدقتو تعيطو خلاص كفايه راحت قربت منهم سلمت عليهم وحضنتهم

رعد شاور على ملاك وقرب منها ومسكها من ايدها: دي بقا ياديجه ملاك مراتي ودول ليان وزينه تعالي اقولك ع حاجه سر قرب منها هو وملاك واتكلمو: واخوكي بيحب البت زينه والواد ادهم بيحب البت ليان بقالهم تلت اربع شهور بيكابرو بس على مين ده انا رعد

ضحكت خديجه ضحكه جميله: لا بجد انتو قمرات اوي انا مبسوطه اني اتعرفت عليكو

رعد: انتو هتباتو معانا انهارده على فكره كلكو مفيش حد هيروح انهارده ويلا ندخل عشان تقوليلنا ياخديجه اي الي حصل واعرفكو احنا عرفنا ازاي انك عايشه

كلهم ف نفس واحد: احنا

رعد: متستعجلوش

دخلو كلهم جوا وملاك خدت خديجه وليان وزينه وطلعتلهم بيجامات من عندها وابتدت كل بنت فيهم تلبسها كانو مطلعين اربع بيجامات عليهم اشكال مختلفه ملاك كان معاها بيجامه ستان عليها رسمه فراوله متوزعه ف كل البيجامه كان شكلها حلو اوي ورشت برفان وسيبت شعرها وكانت قمر اوي وخديجه لبست بيجامه ستان عليها افوكادو ف كل حتى ورشت برفان وكانت بردو قمر وليان لبست بيجامه ستان عليها لافندر وحطت برفان وكذلك زينه

نزلو الاربع بنات جمب بعض وكان شكلهم 

كيوت وجميل جدا جدا 

رعد: لا كده كتير علينا

ضحكو كلهم والخدامه جهزت العشا اتعشو سوا وقعدو يتكلمو مع بعض 

حمزه: احكيلنا بقا عرفت مكان خديجه فين

حكالهم رعد على الي ملاك قالتهولو وموضوع البرت وكلو

حمزه بتمتنان: شكرا جدا ياملاك بجد مش عارف من غيرك كنت هعمل اي 

ملاك ببتسامه جميله: العفو ياميزو على اي ده انت اخويا

رعد بغيره: ماخلاص ياخفه

ضحكو كلهم

اتكلمت خديجه

"فلااااااش بااااااك"

البرت بيكلم حمزه ف الفون: سأقتلها واندمك عليها ياحمزه

حمزه: اوعا تلمسها ياحيوان

ضرب البرت طلقه ف الهوا وبسبب صوت الطلقه صوتت خديجه بعد كده لزقولها بقها بسرعه وخرجوها بره

وبكده افتكر حمزه ان خديجه ما*تت

اداها البرت ل عيله امريكيه الاب والام وابنهم جاك مكانوش بيحبو خديجه ابدا بس خدوها عشان الفلوس الي عرضها عليهم البرت ف كانو بيعذبوها وبيضربوها

كلهم اتأثرو بالحكايه

حمزه بغضب: ورحمه امي ل اقتله

قام خرج بسرعه من باب الفيلا

ادهم: تعالي نلحقو يارعد ده مجنون وممكن يقتلو

جريو ورا حمزه حمزه كان ركب عربيته وبيسوقها بسرعه جنونيه ل درجه انه كان هيعمل حادث كذا مره حمزه كان سايق وهو غضبه عاميه وبيستحلف ل البرت وهو سايق بأعلى سرعه كان في تريلا واقفه ب العرض خبط حمزه فيها والعربيه اتقلبت على جمبها

رعد وادهم الي كانو ف العربيه الي وراه اتصدمو: حمزهههههه

يتبععععع........... 

الفصل الخامس عشر من هنا