رواية المراهقة والثلاثيني الفصل العاشر
❤️
لقد كانت واضحه . لكن
عقلك ____ ينظر خلفه
سمعت نقرات على باب الشقه، خبط متتالى، هو، ده وقته، مين هيجينا دلوقتى؟
نور المستكينه فى مكانها ____قالت معرفش.
لبست قميصى وخرجت من الاوضه افتح باب الشقه، لقيت مدحت وهند واقفين قدام الباب
فيه ايه؟؟
افتكرت فيه مصيبه، عقلى مقدرش يتصور حاجه غير كده
هند ومدحت مع بعض ___؟
مدحت، انت اتخضيت كده ليه يا أدهم؟ وانا نازل من هنا قابلت هند فى الشارع، كانت عايزه نور، قلت اطلع معاها
هند بوجه صامت، نور بعتتلى رساله انها عايزه تشوفنى عشان حاجه مهمه
شعرت بلخبطه، نور؟ هند؟ مدحت؟
سبت الباب مفتوح ودخلت، هند راحت على أوضة نور، مدحت قعد وطلع سيجاره وناولنى واحده
اتفضل يا ابو نسب!
خدت السيجاره منه وولعتها يمكن تطفى النار إلى جوايا
مدحت، انت مرتبك ليه كده يا أدهم، فيه حاجه؟
بصيت ناحيت مدحت، أصلها غريبه انكم تيجو عندنا فى نصاص الليالى يا مدحت
مدحت ____ انت كده بتطردنا بالزوق يا جوز أختى
انا مقصدش كده يا مدحت مستغرب الموقف بس
كنت بعد الدقايق لغاية ما يمشو، مش عايز الفرصه تهرب منى، هند اتأخرت جوه ومدحت لازق فيه مش عارف اتحرك
ساعه كامله وهما جوه الاوضه مقفوفه عليهم، خرجت هند بتضحك، شعرها منفوش ومش على بعضها
يلا بينا يا مدحت وصلنى فى طريقك
بصيت ناحيت هند، الكلام إلى قلته ليه، مراقبة مدحت ليها وازاى موقفها تغير، استنيت تدينى اي اشاره، لكن هند مبصتش ناحيتى
مدحت وقف ومشي معاها
&&&&&&&&&&&&&&&&&&&&&&&&&&&&&&&&&&.
القصه لاسماعيل موسى
حاولت مخرجش من مودى، دخلت بسرعه عند نور، كانت قاعده على السرير بتلعب فى الفون، قعدت جنبها قبل ما المسها بعدت عنى، شكلها كان غريب ونظراتها كمان
انت، انت بتعمل ايه يا أدهم؟
بعمل ايه يعنى، بحضن مراتى
أدهم ابعد عنى متحاولش تلمسنى انا مش طايقه نفسي
فيه ايه يا نور؟
انتى كونتى كويسه _____
تقصد ايه يا أدهم؟
اقصد يا نور انى قربت منك، مترعبتيش ولا حاجه؟
نور بصت فى عنيه، انا كنت مرعوبه منك لكن انت مش شايف غير نفسك
عايز حقك الشرعى؟
عايز تغتصبنى؟
اتفضل يا أدهم
حسيت ان كرامتى انجرحت، بعدت عنها، انا فى لخبطه كبيره مش عارف ايه الي بيحصل معايا
نور كانت مستجيبه ايه الى غير حالها؟
كنتى عايزه ايه من هند يا نور؟
مش شغلك يا أدهم، انا مش هقلك عن أسرارى مع صاحباتى
صاحباتك يانور، مش هند دى إلى كنتى بتتهمينى انها حطت ايدها عليه!؟
انت عقلك صغير أوى يا أدهم، هند مش ممكن تخونى ابدا، مستحيل
امال عملتى كده ليه، ليه قلتى الكلام ده كله؟
كنت بختبرك يا أدهم عادى، دلوقتى لو، سمحت سبنى عايزه انام
نور عايز اقلك انى مش هفضل كده كتير، انا مليت، بكره اخر يوم بعدها مش هصبر تانى
انت بتهددنى يا أدهم؟
بتهدد مراتك؟
مش بهددك يا نور لكن اعتقد ان الوقت مناسب دلوقتى اننا نصبح زوجين حقيقين
بالقرف ده تقصد؟
سميه زى ما تسميه يانور، بكره لازم يحصل _____-
سبتها وخرجت، مش عارف افكر ولا اخطط، كلام هند لسه بيدور جوه دماغى
هند لا يمكن تكون ليه بنت بنوت، ليه قالت كده؟
وكل ده بيحصل ليه؟
القصه دى لازم تنتهى، مش هدور على أسرار تانى انا مش فاهم حاجه
هاخد حقى والى يحصل يحصل
&&&&&&&&&&&&&&&&&&&&
كان صوت نور واضح فى الفون، كانت بتقول المره دى حاسه ان تهديده حقيقى، الموضوع هيخرج من بين ايديه
انت لازم تتصرف
بعد كده سمعتها بتقول انا اسفه كان غصب عنى، ضعفت شويه
صمت طويل مع كلمة حاضر، حقك تزعل، مش هعمل كده تانى
عايز احطم الباب وامسكها من دماغها اضربها لحد ما تعترف، الكلام ده ملوش غير تفسير واحد نور مع علاقه مع حد تانى
بس انا عرضت عليها الطلاق ورفضت؟
ليه مستغلتش الفرصه؟
ليه وافقت تتجوزنى؟
حاولت اكون عقلاني وافكر بره الصندوق، كلام هند تلميح ان نور كانت على علاقه مع حد قبل الجواز ويمكن غلطت معاه
دا سبب رعبها منى وخوفها لما أقرب منها
يمكن لو ساعدتها تعترف، هتعترف لكن هل انا هقبل كده؟ وهعمل ايه ساعتها لو كانت دى الحقيقه؟
مجاش فى بالى غير كلمة هطلقها........
&&&&&&&&&&&&&&&&&&&&&&&&
اسمعى يا هند انا استحملت كتير، لسانك ده لو متقفلش هقطعه، لازم تنفذى تعليماتى والكل هيخرج كسبان
ثم انتى عارفه انى بضغطت زرار هفضحك، صورك هتتنشر على كل المواقع
اعمل ايه يعنى؟
أدهم لازم يغلط معاكى وبسرعه قبل ما يقرب من نور
