رواية خادمه الصقر الفصل السادس والثلاثون 36 بقلم يوستينا سامي

.... مسك خالد التقرير الطبي وبدا يبص فيه

( التقرير كان بيقول ان حبيبه مش حامل) 

خالد بصدمة /  ايه الهبل ده انا بنفسي كنت معها عند الدكتور وهو قالها انه ..

صقر بحد*ه /  دي الحقيقه هي ما كانتش حامل هي كد*بت عليك ..  ولو كانت حامل كان زمانها مقتو*له بس مش مني اناااا .....

سكت صقر و قعد علي الكرسي بت*عب/  ابوك هو اللي كان عايز يخلص عليها وهد*دها انها لو ما بعدتش عنك هياذ*يها ..

بس هي كانت بت زبا*له والفت حوار انها حامل عشان تعلقك بيها اكثر وعلشان تبقى موجوده غ*صب في عيلتنا ،  بس ابوك لما عرف كدة صمم ان العيل ده ينزل و قالي انا اتصرف..

بس انا ما قدرتش اعمل فيك كده ،  اقسم بالله العظيم يا خالد انا ما باكذ*بش في ولا حرف انا ما اقدرش امو*ت حته منك ده انت توامي 

خالد قعد على الكرسي لان ما كانش قادر يقف / ابويا كان عايز يق*تل ابني ده لو كان موجود اصلا .. صقر انا مش فاهم حاجة. 

صقر / انا هقولك كل حاجة يا خالد بس لازم تتاكد ان عمري ما اذ*يتك ولا جيت عليك واللي حصل تقدر تتاكد منه بمنتهى السهوله

وفعلا بدا صقر يفتكر ويحكي لخالد على اللي حصل

فلاش باك 💫🌺

في مكتب صقر كان قاعد متو*تر وخا*ئف جدا وايده  بتتر*عش دخل على عساف عليه

عساف / ممكن افهم بقى في ايه انا جايلك علي ملي وشي 

صقر قام من على المكتب وقاله / حبيبه طلعت حامل جات النهارده الفيلا وقالت  كده قدام بابا 

و هو صمم اكتر انه يمو*ت العيل ده و عايزني انا اللي اعمل كدة 

عساف بصدمة / لا متقولش كده ..  ده خالد  كان لسه معايا وفرحان جدا بالعيل اوعي تعمل كده 

صقر / انا مستحيل اعمل كده في ابن اخويا بس الاول لازم اتاكد انها حامل علشان كده هاكلمها النهارده واخليها تيجي شقه العبور ولازم تكون مجهز دكتوره  هناك عشان اتاكد

عساف /  ولو تاكدت  يا صقر هتعمل ايه .. هتمو*تها

صقر /  هار*بها بره مصر لحد ما تولد .. انا عارف ان بابا لو عرف كدة ممكن يغ*ضب عليا ، بس مش هقدر اعمل غير كدة 

....وفعلا نفذوا  الخطه زي ما كانوا متفقين بس حبيبه طلعت فعلا ما كانتش حامل ومن خو*فها من صقر قررت تهر*ب بره البلد بمساعدة شخص 🤫😂 .

باااااااااااااااك 🍃🥀

......صقر اول ما اخلص كلامه لقه خالد حاطط يده على وشه وعمال يع*يط بهيستريا قرب منه وحط يده على كتفه 

صقر / خالد هي ما تستاهلش منك كده انا عارف ان انت بتحب حبيبة بس والله العظيم هي مش بتحبك دي كذ*ابه دي مزقو*قه من .. 

خالد / ليه مقلتليش انك مكنتش السبب ، بدل ما انا كنت شاكك فيك .

صقر / ما كانش ينفع يا ابن ابويا  اروح اقولك ان ابوك  كان عايز يق*تل ابنك ، بس حاولت اقولك ان حبيبة دي كدابة بس انت مش بتسمعني. 

انا كده نفذت كل كلامي معاك ناقص حاجه واحده بس نصيبك في الورث و هديهولك .. بس  ابعد عني لو سمحت 

خالد / مش عايزة فلوس  .. انا عايزك تساعدني ارجع لنغم 

و اخد حقي من حبيبة و افهم مين اللي حاول يقت*لني 

صقر / و انا موافق .. هساعدك يا خالد 

بس الاول لازم نصفي كل اللي فات .

______________________________________________

في بيت نغم 💔🪴

نغم كانت نايمة علي السرير و مغمضة عينيها و بتمثل النوم  و امها قاعدة جمبها ..

امها / الحمدلله انك نمتي يا حبيبتي.. 

و قامت غطتها بطانية علشان الجو كان سقعة اوي 

و خرجت برا الاوضة .. و اول ما نغم اتاكدت قامت و قعدت علي السرير و فضلت تع*يط جامد 

نغم / عمري ما تخيلت انه ممكن يطلع كد*اب . و انا اللي كنت بعمل كل حاجة اقدر عليها علشان بس اشوف ابتسامته اللي كانت بتو*هني ، بس انا اللي غبية ..و خلاص فوقت 

.....و طلعت وقفت في البلكونة و الدنيا كانت بتمطر جامد ...

نغم بدمو*ع  و حطت ايديها علي قلبها / ايوة انا كنت بحبك اوي بس انت طلعت كدا*ب  زي ناس كتير ، و انا اللي كنت فكراك مختلف عنهم 

بس لا يا خالد كل ما قلبي يقولي اني بحبك  هفتكر كد*بك و خياتك ليا 

....و مسكت نغم الدبلة اللي جابهالها خالد و ر*متها في الشارع علشان تق*طع اخر حبل كان بينهم .

____________________________________________

في الكافيه 🌿🥀

.....كريم قرر يحكي كل حاجه لياسمين بالتفصيل وعلى اللي ابوها عمله فيهم ...

كريم /  وجابر ده كان اقرب واحد لابويا  وابويا كان بيثق فيه جدا  و لما تع*ب قوي وكان في اخر ايامه كان محتاج حد يقف جنبه في الشغل ... 

بس  وانا وقتها كنت مش فاهم في التجارة ومش باحبها  لكن ابوكي طمئنه وقال له هيقف معاه 

و في يوم وليله كل فلوس  ابويا اتنقلت باسم جابر في البنك وابويا مقدرش يستحمل الصدمة 

ياسمين كانت بتع*يط / عشان كده بعدت عني واخذتني بذ*نب ابويا طب ليه راجع دلوقت تقولي عايز تتجوزني ..

كريم / عشان ما تعودتش اضحك على نفسي و لقيتك انت كمان مظلو*مه زي زيك فقررت ان انا اتجوزك عشان باحبك بجد ..

ياسمين/ و انا مصدقة كل كلامك و حاسة بيك 

و موافقة اتجوزك النهاردة قبل بكرة يا كريم 

........كريم  من فرحته حضنها و اخدها و راحوا قعدوا هما الاتنين في اوتيل 

______________________________________________

تاتي يوم الصبح 🌄

في الاوتيل 🏕️

ابو عساف و عساف و جاسر كانوا موجودين و فعلا اتكتب كتاب كريم و ياسمين و كان وكيلها والد عساف 💐💥

عساف بيحضن كريم بيقوله  / الف مبروك يا كيمو بصراحه انت انصح حد فينا و اخد القرار مرة واحدة 

كريم/  الله يبارك فيك يا عم عقبالك 

والد عساف/ قوله يا كريم يا ابني نفسي افرح بيه بقي .. و انت كمان يا جاسر 

جاسر بضحك / انا عن نفسي محدد هدفي و بس هي مطلعة عيني ، ادعولي بقي 

والد عساف / ربنا يكرمكوا يا ولاد ..

و قرب و حضن باسمين و كريم و قالهم/ خلوا بالكم من بعض ، خلاص انتوا اتجوزتوا .. و انتي يا ياسمين لو حصل اي حاجة و او الواد ده ز*علك كلميني و انا هتصرف 

عساف بضحك / ابويا بيهدي النفوس يا جماعة عادي ، و بعدين دول مسافرين برا مصر يا حج 

ياسمين /  اه قررنا نسافر بره مصر هنروح امريكا نقعد هناك فتره علشان نفصل دماغنا ..فلو رنيت يا عساف مش هنرد عليك 

كريم باستلام / سامحني يا صاحبي بس ياسمين عايزه كده و انا مش هزعلها اكيد .

جاسر / يالهووي علي الحب ، هما مش دول اللي كانوا مش طايقين بعض ... صحيح متامنش للعيال 

عساف/  يا عم ربنا يخليكوا لبعض و اطمن الشغل هيمشي كويس جدا ..

كريم / الشغل مش مهم .. خالد اقفوا جمبه اوي الفتره دي ، متسالوش ليه اعرفوا منه هوو 

بص كريم في الساعة / احنا  طيارتنا  بعد ساعه بالضبط المفروض نبقي في المطار ..علشان كدة احنا مضطرين يستاذن عشان ما نتاخرش 

وكريم اخذ ياسمين طلعوا على المطار علشان يقضوا  شهر العسل .. 

و فعلا فااااااااااات اسبوووع كامل و مافيش اي حاجة اتغيرت ..

...خالد كان مع صقر في الفيلا و مش عارف يتواصل مع نغم و مش بيرد علي حبيبة .

...عساف بيتكلم مع همس كاصدقاء عادي و جاسر مش عارف يقابل عزة و مكنش فاهم السبب

_______________________________________________

بعد مروووووووووووور اسبوووووووووع 🤫💪

في امريكا ..

كانت ياسمين وكريم بيتمشوا في الشارع وهي مبسوطة جدا وبتقوله/ انا لحد دلوقتي حاسة اني بحلم ..كريم انت حب عمري بجد حتى من غير ما اعرفك و كنت بتمني انك بس تاخد بالك مني 

كريم و قرب و حضنها/  يا بنتي بطلي كلامك دوت بقى ده انا اللي مش مصدق اصلا انك وافقتي تتجوزيني بعد العك ده كله

باقول لك ايه انا باقول  نمد شهر العسل اسبوع كمان بصراحه انا مش قادر ابعد عنك و  بمجرد ما انزل القاهره صقر هيستلمني 

ياسمين/ لا ماينفعش انا كدة هترفد من البنك ..بقولك ايه انا مش عايزة اروح الاوتيل النهاردة انا عايزة اسهر معاك في الشارع كدة 

كريم انحني قدامها بهزار / اوامرك يا فندم .. يلا نروح نتغدي 

.....و فعلا اخدها و راحوا مطعم كبير علشان يتغدوا و كانوا مبسوطين جدا. . 

ياسمين لقيت تليفونها بيرن/  الحق دي سهيله اكيد بتطمن علينا علشان  ااحنا تاخرنا يومين استنى ارد عليها احسن دي من امبارح بتزن 

كريم مسك ايديها/ لا يا ياسمين.. احنا متفقين ان ما حدش فينا هيرد على التليفونات لحد ما نرجع مصر سيبي التليفون واعملي نفسك مش شايفاه هي عارفه انك معايا يعني مش هيحصلك حاجة .

ياسمين بضحك/  بس بقي يا غلس . هرد بسرعة اهوو

وفعلا اخذت ياسمين التليفون من كريم بالعافيه وردت على سهيله/  يا سوسو وحشتيني جدا جدا

بس انا مش منبه عليكي ما تكلمنيش طول ما انا فتره شهر العسل ، ايه حاجه مهمه ايه اللي حصل 

..انتي بتقولي ايه علي صوتك شوية ..... 

و فاجاه اتغيرت ملامح ياسمين وو*قع التليفون 

من ايديها / الحقني يا كريم.  بابا في القس*م من امبارح

كريم كان بياكل ببرود/ يااه .  طب ما ده الطبيعي يا ياسمين ..اربوكي عمل حاجات كتير غلط يا روحي و لازم يتحا*سب عليها.  ولا انتي عندك شك

ياسمين قعدت علي الكرسي بصدمة و دمو*ع / كريم قولي انك متعرفش حاجة عن الموضوع ده .. كريم ارجووك رد عليا و طمني باي كلمة متخو*فنيش منك 

كريم / عايزاني ارد اقولك اني ماليش دعوة في اللي حصل لابوكي مش كدة ... بس دي مش الحقيقة 

لاني انا اللي بل*غت عنه و عارف انه محبو*س من امبارح 

ياسمين بصدمة 😭😨😨