رواية خادمه الصقر الفصل الثامن والعشرون 28 بقلم يوستينا سامي

…في اوضة صقر الحديدي.. دخلت قمر و هي حز"ينة اوي علي اللي حصل و علي اتهام سماح لصقر قربت منه و قعدت قدامه علي السرير .

قمر / ممكن تهدي لوسمحت ، اكيد كل حاجة هتتصلح يا صقر .. مدام سماح حقيقي بتحبك اوي و بتخا*ف عليكوا ..و 

و لسه قمر هتكمل كلامها صقر حط ايده علي بوقها و كان بيبصلها بحز*ن / انتي تفتكري اني اعمل كدة في خالد يا قمر ، انا همو*ت اخويا   .. ردي عليا بصراحة

قمر حركت راسها بمعني لا و في اللحظة دي دخل صقر في حضنها بضـ*عف و قمر حضنته جامد لانه كان واحشها اوي ..

بعد دقايق بعد صقر عن قمر و هو مبتسم اوي

 و قالها/ تيجي معايا مشوار .. انا مش عايز اقعد في الفيلا 

قمر بستغراب / مشوار .. ايه ده 

صقر/ تعالي بس معايا ...و انا هبقي اوريكي كل حاجة.. يلا 

وفعلا صقر اخذ قمر وخرجوا من الفيلا وركب العربيه وداها مكان كلمه عاوز يقعد فيه هو وهي ومعهم خالد وهما صغيرين ..

____________________________________

في المستشفي ..

ام نغم بصدمة / انت بتقول ايه با ابني مش لما ربنا يقومك بالسلامة الاول ده انت حتي متشـ*ـلفط علي الاخر 

نغم ضحكت جامد ..

خالد بغ*يظ / عجباكي اوي يا اختي ، بصي يا سوسو 

من الاخر كدة و منغير كلام كتير ..انا هتجوز نغم و مش هقعد هنا اصلا .

نغم/ ايه هنسافر الصعيد نعيش هناك .. و بعدين انا مستحيل اسيب ماما اصلا يا خالد 

خالد / و مين قالك تسيبيها هي هتيجي معانا طبعا 

و بعدين هنسافر ايطاليا انا قررت احقق حلمي و افتح المطعم بتاعي

نغم فرحت اوي / بجد يا خالد .. ده احلي خبر سمعته في حياتي كلها .. ها يا ماما قولتي ايه بقي 

ام نغم / قولت ان الجواز ميتخدش قفش كدة 

و استنوا اعرفوا شخصيات بعض الاول 

نغم / يا سوسو يا حبيبتي ما فيش واحده هتعرف صفات الراجل وهتوافق تتجوزه 

خلينا نتجوز و احنا مش واخدين بالنا احسن ..و بعدين ده زوج هايل بيعرف يطبخ علي الاقل اكل بجد 

خالد / سمعتك علي فكره يا مستغ*له .. ها يا سوسو

نقري الفاتحة بقي و اول ما اخرج من المستشفى دي 

نكتب الكتاب علطول ..و لا ابعد اجيب ماذون دلوقتي 

نغم بضحك / طب والله فكره حلوه ابعت هات ماذون ..معاك رقمه ولا اجيبه من الخط الساخن 

امها / بس انت و هي ..انتوا بتهزروا .. خلاص الموضوع منتهي هنقري الفاتحة بس و لما تخرج يبقي يحلها الف حلال . 

....و فعلا بدوا يقروا الفاتحة و نغم كانت مبسوطة اوي و قعدوا مع خالد طول اليوم في المستشفي.

____________________________________

في مكان  زرع و شكله هادى اوي 🏞️

صقر / بحس اني بعرف اتنفس هنا و اخد راحتي في الكلام . فاكرة اخر مرة جينا فيها هنا 

قمر كانت واقفة بعيد عن صقر و عينيها بتد*مع و بتفتكر اخر مرة كانوا في المكان ده قبل ما صقر يطر*دها من الفيلا علطول ..

فلاااش باااااك ..

قمر / طب هو انا عملت ايه اكل ده.. عايزني امشي من الفيلا. ليه ، انا لا زعلت مدام سماح ولا معاذ 

حتي ريهام الله يرحمها كنت متجنباها خالص

صقر بعص*بية/ علشان انا عايزك تمشي.. انا مش عايزك معايا يا قمر ، وجودك جمبي بيخليني ضع*يف و انا مش هقبل الفكره دي ابدا و لو علي مو*تي

قمر بدمو*ع / بس صقر انا بحبك اوي .. انا عشت طول عمري جمبك ده انا بفهمك اكتر من اي حد في الدنيا  ، بعد العمر ده كله جاي تقولي امشي 

صقر حس بوجع في كلامها و كان نفسه يقولها ان هو كمان بيحبها و عايزها معاه بس لف ضهره 

 و قالها /  اه يا قمر امشي .. انتي كدة كدة كان هيجيلك وقت و تمشي فيه لانك مجرد ضيفة من اول يوم ليكي معانا . .

بااااااااااااك ..

فاقت قمر علي صوت صقر ..

صقر / انتي بتع*يطي ليه كدة ، هو فيه حاجة حصلت ولا ايه ، انتي كويسة صح 

قمر مسحت دمو*عها / اه كويسة .. مافيش حاجة 

بس انت جبتني المكان ده ليه يا صقر 

صقر ضحك  / فاكره المكان ده كنا بنقعد هنا علطول ..تحت الشجرة دي بالذات ، كنتي بتقوليلي 

قمر ضحكت / بقولك وردها حلوو و فيها مانجه 

و انا بحبها 

صقر ضحك / الله طب ما انتي فاكره كل حاجة اهوو

اومال فين فقدان الذاكره .. سيبتيه في الفيلا مش كدة 

قمر بتو*تر/ هااا .  لا ابدا اصل 

فاجاه قمر لقت صقر مسكها من قفاها جامد 

صقر /. بقي انتوا فاكرين نفسكوا هتشتغلو*ني ..ده انا اشتغل بلد يا بت انتي .. جدتي هي اللي قالتلك تعملي كدة صح

قمر بصد*مة / ايه ده ..انت قلبت ليه كدة مره واحدة ، استهدي بالله و انا هفهمك كل حاجة والله

بس انت عرفت ازاي

صقر سابها / برغم انك عبيـ*ـطة و كل اللي عملتيه النهاردة ياكد انك فاكره  ، بس انا كنت عارف من اول  ما فوقتي و بصيتي في عيني عرفت علطول انك فاكراني 

قمر / اشمعنا بقي .. علفكره انا مثلت كويس اوي 

و مغلطش ابدا 

صقر ضحك جامد بعلو صوته / انتي ممكن تكد*بي علي كل الناس الا انا .. ده انا اللي معلمك تتكلمي 

يا بت اصلا ، قمر انا عايز اروح المستشفي اشوف خالد لازم اعرف مين اللي عمل كدة 

قمر بفرحة / بجد يا صقر .. هتروحله المستشفى

طب يلا بينا بقي .

______________________________________

في المكتب عند عساف .

عساف ماسك الواد اللي حاول يقـ*تـل خالد من هدومه / بقولك انطق يلا مين اللي قالك تعمل كدة 

الشخص / والله يا باشا انا اعترفت بكل حاجة 

واحد اسمه صقر الحديدي هو اللي قالي .. اقسم 

فاجاه عساف ضر*بـه جامد / كدا*ب ياض .صقر الحديد اللي انت بتتكلم عنه ده يا روح* امك

لما يحب ياجر  واحد مش هيبقي عب*يط كدة و يقر من اول قلم ...انطق ياض  مين اللي بعتك .

و فاجاه و عساف بيتكلم دخلت همس المكتب و العسكري بيحاول يمنعها ..

همس للعسكري/ يا عم اوعي سيب ايدي هو عارفني و هيسيبني ادخل .. عساف قوله يسيبني. 

عساف بدهشة زق الواد و اتكلم بعص*بية / انتي ايه اللي جابك هنا ..انتي عبي*طة ولا ايه ولا فاكراه بيت خالتك  

همس بصد*مة / في ايه انت بتتكلم معايا كدة ليه ..انا كنت جاية اعمل حوار مع ..

في اللحظة دي عساف رمي الورق اللي علي المكتب في وشها / غوري اطلعي برا ..واوعي تيجي هنا تاني 

ياما ورحمة امي هحبـ*ـسك ..سامعة ولا لاء 

همس بغيظ اخدت الملفات اللي علي الارض و رمتها في وش عساف / انت بني ادم هم*جي و حيو*ان و انا بقي مش ماشية من هنا غير لما اعمل فيك محضر 

 و اكلم عمو كمان و هقوله

عساف في اللحظة دي فقد اعصابه / يا عسكري خد الواد ده حطه في الحب*س ..و اقفل الباب و راك و انت خارج 

و فعلا العسكري اخده و خرج و همس كانت خا*يفة اوي 

همس بتو*تر / في ايه .. انت هتتحول ولا ايه

           الفصل التاسع والعشرون من هنا