رواية حب مستحيل الفصل التاسع والعشرون
رجعت البيت وانا خايفه ل أمي تحس بحاجه ! عملت نفسي تعبانه ودخلت اوضتي وعارفه انه فيه كارث^ه كبيره هـتحصل بعد شويه .. لأنه فعلا محمد راح يقابل ابويا في الشغل
- خير يا محمد فيه حاجه ولا ايه ابوك جراله حاجه ؟!
- لا لا كل خير يا حج سيد ، في الحقيقه انا بس كنت جاي طالب القرب من حضرتك ، ومتقدم على سنة الله ورسوله اطلب إيد بنتك بسمه .
- متقدممم لـ بنتي ؟ هو انت مش كنت هتتجوز ولا اتجوزت كأنه ولا انا سمعت غلط ؟
ارتبك وحاول يثبت وجاوبه : لا ما هو ما حصلش نصيب وكل واحد راح لـحاله .
- طيب انا هأبقى افكر في الموضوع وارد عليك يا محمد وربنا يقدم اللي فيه الخير .
ابويا مارضيش يحرجه واداله أمل انه هـيرد عليه بس بعد ما رجع من الشغل انا شوفته من الشباك كان وشه جايب الوان والدنيا كلها سواد في عيونه و صوته كان واصل لآخر الشارع لما نَادي على امي اللي راحتله وكانت بتتر^عش من الخوف ما هيا عارفه عصبيته !
خبط باب الاوضه لما دخل وفضل يصرخ ويزعق ويشت^م في أمي وفي محمد وانا مش فاهمه اي حاجه غير صوت زعيقه 😣 ومستخبيه في اوضتي وقافله على نفسي ما انا عارفه ابويا تفكيره هيوديه لبعيد هيفتكر اني كنت بـروح اقعد عندهم بالثلاث أسابيع ويا عالم ايه اللي كان بيحصل ما بيني وبينه واحنا لوحدينا !! ربنا يسترها بقى ويعدي اليوم دا على خير 🤲 😭
فضلت اتحسس عند الباب لحد ما سمعت ابويا طلع وخبط الباب بكل عِزمه وراه كان هـيكس^ره !
جات أمي جري عندي : اوعي تطلعي ولا تخليه يشوف وشك والله ليخلص عليكي اديني قولتلك ! دا الدم كان بيغلي في عروقه غلي وهاتك يا زعيق و هراني من كتر الاسئله !
Flash
تعالي يا ست هانم احكيلي دا شافها امتى بالضبط ؟ وايه اللي حصل ما بينهم ؟ وطلق مراته ليه ؟ ومش مكسوف من نفسه وكمان ليه عين يجي يقابلني بيها ويطلب مني إيد بنتي ؟ وهو معقول انا أآمن على بنتي في إيد واحد مستهت^ر طلق بنت قبل فرحها باسبوع ؟!! وانتي يا ست هانم يا محترمه بـتسيبي بنتك عند الناس بالشهر ولا تسألي عنها ولا عن اللي بيحصل معاها ؟ ويا عالم بنت ال... دي مهببه ايه من وراكي ! انطقي ساكته ليه جاكي البلا في وشك وفي خلفتك الغب^يه دي ! وكمان اعملي حسابك لو حسيت بس إن فيه حاجه غلط والله لاشرب من دمك ونموت^ك انتي وهيا !!!
Back
يا لهووي دااا انا عمري ما شوفته بالعصبيه دي قبل كده الحمدلله انه جدتك وسعاد مش في البيت والا كانت الدنيا ولعت اكتر ما هيا مولع^ه وكل دا بسببك انتي يا مقصو^فة الرقبه 😡 وبعدين دلوقتي هما في البلد وكده كده هـيسمعو ويا خبر دلوقتي بفلوس بكره يبقى ببلاش ! يا فضيحتك يا فاطمه سيرتك وسيرة بنتك هـتبقى على لسان اللي يسوى واللي ما يسواش 😥
- جاوبتها ببرود : لا يا امي ما تخافيش من ناحية سعاد مش هـتقدر تعمل حاجه لا هي ولا جدتي كمان وانا مش خايفه منهم المهم بس ابويا ما يعرفش أصل الحكايه وفصلها .
- مششش خايفه منهم ازاي يعني ؟ انتي ما تعرفيش عمتك وجبرو^تها ولا ظلم جدتك !؟ ازاي تقدري تكوني بالبرود دا ؟
- يا أمي انا ما بقيتش البنت الصغيره الخو^افه الضعي^فه وهـاقدر ادافع عن نفسي وعنك انتي بس ما تتدخليش ما بينا لو حصلت اي مواجهه وانا اللي هـتصرف معاهم .
- طيب وابوكي اللي عفا^ريت الدنيا كلها راكبه دماغه دا هـنعمل معاه ايه دلوقتي ؟؟
- يا امي هو كان جوزك ولا جوزي ؟ ما تتصرفي بقى وبعدين هو ما يعرفش انه محمد طلق مراته بسببي بس انتي يعني اللي تعرفي الحكايه كلها مكنتيش قادره تقوليله اي كلمه طيبه حتى تهديه بيها ؟
- اهدي مين يا مجنو^نه انتي دا انا لو كنت نطقت حرف واحد كان جاب اجلي 😭 وبعدين إن كنتي فاكره اني هأدافع عنك اصلا ولا عن الغبي بتاعك دا ؟! تبقي غلطانه يا هانم انا لو مفضلش في الدنيا كلها راجل غير الهلفو^ت دا مكنتش هـوافق عليه !
فجأه انهرت بالعياط ما قدرتش اتصنع القوه اكتر حطيت إيدي على وشي : خلاص يامي مش عايزه اسمع اي كلمه زياده 😭 خلاص سيبوني في حالي بس .
