رواية قلب الاسد الفصل السابع 7 بقلم نوران هشام
البارت السابع من روايه:قلب الاسد
بقلم/نوران هشام
خديجه قامت من على الارض بوجع وقررت انها تهرب
خديجه:طب ههرب ازاى دلوقتى لو طلعت كده اكيد هكتشف افتكرت ان مامتها كانت منقبه فاكيد هيكون عندها نقاب
دخلت الاوضه وفتحت الدولاب وطلعت عبايه ونقاب لونهم اسود ودخلت تغير وخدت فلوس ودخلت المطبخ وفتحت الشباك و بدأت تنزل على المواسير لحد مانزلت وبدأت تمشى فى الشارع بخوف شديد وفجأه شافت حمدى وهو على القهوة بصت عليه بخوف وسرعت فى خطواتها كانت ماشيه بخوف خبطت فى حد
مدحت بغضب:مش تخلى بالك يا متخلفه انتى
خديجه بصت بخوف وحاولت تغير صوتها:ا اسفه ومشت بسرعه
مدحت بص عليها بغضب وراح على حمدى فى القهوة
حمدى بترحيب:اهلا اهلا مدحت بيه
مدحت بقرف:اهلا بنتك جهزت يا حمدى
حمدى بطمع:ايوة يا مدحت بيه طبعا بس اللى اتفقنا عليه تمام ولا ايه
مدحت بقرف:ايوة لما اشوفها بكرة هبقا ادهوملك
-----------------------------------------------
عند خديجه كانت ماشيه بخوف وبتفكر هتروح فين وهتعمل ايه قررت تطلع على اسكندريه ركبت قطر اسكندريه
بعد وقت طويل كانت وصلت اسكندريه نزلت من القطر وبدأت تتمشى وكان الوقت متأخر كانت بتمشى وهيا مش عارفه تروح فين حتى الفلوس اللى معاها متكفيش فندق تبات فيه
خديجه بدموع:يا رب انا مش عارفه هروح فين دلوقتى
وقعدت على الرصيف وفضلت تعيط وسمعت صوت كلاب جايين عليها وهيا عندها فوبيا من الكلاب
خديجه وهيا على وشك العياط:لا لا لاااا وطلعت تجرى وهيا بتعيط والكلاب بتجرى وراها وفجأه طلعت عليها عربيه وكان الشخص ده سايق بسرعه وقف بسرعه اول لما شافها
ونزل من العربيه بغضب
الشخص ده واسمه(احمد الديب) وقال بغضب:انتى عاميه
خديجه بعياط ومش قادرة تاخد نفسها:ال الحقنى والنبى.....
واغمى عليها
قبل ماتقع احمد مسكها علطول وشاف الكلاب جايه فعرف ان ده السبب فركب خديجه العربيه وركب هو كمان وطلع على قصر عيله الديب
وصل القصر ودخل وهو شايل خديجه
امه واسمها فريده بصدمه:بتجيب بنات فى البيت يا احمد على اخر الزمن ديه اخره تربيتى فيك
احمد بضحك:بنات ايه بس يا فريده هاجى احيكلك بس هطلعها الاول
وطلع جناحه وحط فريده على السرير وغطاها ونزل
فريده :ها قول بقا
احمد حكلها اللى حصل وازاى شفها....:بس كده
فريده:ااااه طيب ماشى اتأخرت النهارده ليه
احمد:والله يا فرى الواحد كان مضغوط شغل النهارده فنتكلم بكرة مع بعض انا هطلع انام فى اوضه الضيوف علشان انا نيمتها فى اوضتى وباس دماغها وطلع
فريدة بخبث:اخيرا واحده جات اكيد هخلى احمد يحبها وطلعت اوضتها تنام
نعرف مين دول
(احمد الديب):رجل اعمال ومشهور فى اسكندريه جدا وغنى وعينه لونها عسلى وشعره لونه بنى غامق وبشرته خمرى وعنده٣١سنه ورياضى وبيحب امه جدا وطوله١٧٨سم ومش بيحب البنات لسبب هنعرفه مع الاحداث وباباه متوفى من وهو صغير ومامته اللى ربته
(فريدة):ست طيبه وبتحب احمد اكتر من اى حاجه ونفسها تجوزه وعندها٥٠سنه
---------------------------------------------------------
فى الصعيد كانت الساعه ٣الفجر
كوثر كانت قاعده على الكنبه وهيا ماسكه الشبشب:الواد ده اتأخر النهارده ليه وفجأه دخل محمد وهو بيغنى
كوثر :ما لسه بدرى يا ابن بطنى
محمد بخضه:م ماما
كوثر:لا عفريتها ياخويا وقامت بالشبشب ونزلت فيه ضر*ب شكل الشبشب وحشك كنت فين يا واد كل ده
محمد :طب ادينى فرصه اشرحلك يا كوثر استنى بقا
كوثر:اشرح ياخويا
محمد :بوصى وراكى كده
كوثر بصت ملقتش حاجه
محمد بضحك وهو طالع على السلم:معرفتيش تضربينى وطلع لسانه وهو على باب اوضته
راح كوثر راميه الشبشب محمد قفل الباب علطول
محمد طلع تانى: مجتش شكلك عجزتى يا كوثر ودخل واترمى على السرير من غير مايغير
وافتكر البنت اللى اتعارك معاها فى الكليه الصبح
Flash Back
منه كانت ماشيه وحاطه الهند فرى فى ودانها وبتاكل ايس كريم ومش واخده بالها من اللى قدامها
ومحمد كان ماشى معا صحابه وفجأه خبطوا فى بعض والايس كريم وس"خت التيشرت بتاع محمد
منه بغضب:مش تفتح يا حيو*ان انت
محمد بغضب:انا حيو*ان يا معف"نه انتى وبعدين مين اللى يفتح انا ولا انتى يا عاميه
منه بغضب:انا عاميه يا تور انت
محمد بغضب وغيظ:انا تور يا شبر ونص انتى
منه بغضب:احترم نفسك وبعدين انت بوظت الايس كريم بتاعتى اهه وانا سكتالك
محمد بغيظ:والله وانا اعمل ايه فى التيشرت بتاعى
منه بلا مبالاة:وانا مالى ومشت وهى بتبرطم
محمد فضل باصصلها بغضب ودخل الحمام ينضف التيشرت بتاعه
Back
فضل يفتكر العركه وابتسم فجأه ومعرفش سبب الابتسامه وغمض عينه ونام
-----------------------------------------
عند منه
كانت قاعده على السرير بتقلب فى الموبايل بملل ومتعرفش ايمان فين وليه مجتش الكليه النهاردة وكمان مش بترد
وافتكرت لما اتعركت مع محمد وابتسمت وبردوا معرفتش سبب الابتسامه وراحت قايله :لا لا ركزى ده بوظ الايس كريم بتاعتك والاحسن انام علشان امى تعرف تصحينى الصبح بدل ما هما بيقولوا بتبقى شبه الغيبوبه وانتى نايمه معنى والله انا بلسم
وسابت الموبايل ونامت
---------------------------------------
عند اسد وقلب
كانوا بيرقصوا سلو وفجأه جه لاسد التلفون ده
اسد:الوو
الجندى:تعالى يا اسد دلوقتى انت وقلب على مستشفى****
اسد بخوف:ليه يا جدى انت كويس
الجندى:انا كويس متقلقش بس..
اسد بخوف:فى ايه يا جدى
الجندى:راندا عملت حادثه
اسد:ط طب انا جاى حالا وقفل
قلب بخوف:فى ايه يا اسد
اسد:راندا عملت حادثه
قلب:طب يالا لازم نمشى دلوقتى
وركبوا العربيه ومشيوا
--------------------------------
وصلوا المستشفى ونزلوا بسرعه
اسد:لو سمحتى فى هنا مريضه لسه جايه اسمها راندا الجندى دور كام
الممرضه:الدور التاني فى غرفه العمليات لسه
اسد وقلب طلعوا بسرعه
اسد شاف سعيده قاعده على الارض وعماله تعيط والجد واقف ومش عارف يعمل ايه
اسد:ج جدى
الجندى رفع راسه:اسد قلب انتوا كويسين
سعيده بصت لقلب بغل وقامت بسرعه وراحت نحيه قلب :ا انتى ا انتى السبب بنتى حصلها ده بسببك بسببك انتى يا بت خالد(ابو قلب)انتى السبب انا كنت صدقت انك موتى واختفيتى من حياتنا بس الواضح انك بسبع ترواح اللى حصل لبنتى ده كان المفروض يحصل ليكيييييي انتييييي بس مش هسيبك وراحت لقلب وبدأت تخنقها وقلب مصدومه من الكلام
الجندى مسك ايد سعيدة وادلها قلمين محترمين ورا بعض وقال بغضب:انتى ايييه اللى بتقوليييييه ده
سعيده بجنون وانهيار:اللى حصل لبنتى ده بسببها ايوه بسببها هيا بنتى لو حصلها حاجه هقت*لها ومش بس كده لا انا هشرب من د*مها كمان سامعه يا.....
قاطعهم الدكتور وهو خارج من الاوضه: المريضة كويسه
الجندى راح لسعيده وضر*بها بالقلم:ده علشان الكلام اللى قولتيه فوقى يا سعيده ومتخليش الشي*طان يعميكى بنتك كويسه اتهدى بقا
قلب طلعت تجرى على برا واسد طلع يجرى وراها علطول
الجندى بص عليهم بتنهيده وطلع وراهم
اسد:قلب قلب استنى
قلب بدموع:فى ايه
اسد راح ليها:بتعيطى ليه يا قلب
قلب بعياط:مش بعيط
اسد:وده اسموا ايه بتضحكى
قلب دخلت فى حضن اسد علطول وفضلت تعيط
واسد بيطبطب عليها وبيجاول يهديها
الجندى كان بيتفرج عليهم بحزن:انا لازم احافظ على احفادى وهحاول اخلى معاملتى مع راندا حلوه ممكن تتغير واتنهد بحزن وراح لاسد وقلب
الجندى:يالا نمشى
قلب طلعت من حضن اسد ومسحت دموعها:يالا
ركبوا واتجهوا للقصر
-------------------------------------
عند فرانكو
كان قاعد وقدامه شاشه كبيرة وفيها صور لقلب واسد والجندى وراندا وسعيده والقصر كله وكل اوضه فيه
فرانكو بخبث:كل واحد دوره هيجى مايااااا
مايا:ايوه يا فرانكو
فرانكو:هاتيلى كأس
مايا جابت كوبيتين وحطت فيهم خم*رة وراحت قعدت على رجل فرانكو وبدأوا يشربوا
---------------------------------------
فى المستشفى عند راندا وسعيده
سعيده كانت قاعده على الكرسى جمب راندا
راندا بدأت تفوق:ااااه دماغى
سعيده قامت بسرعه:انتى كويسه يا حبيبتى
راندا:اه
سعيده بخبث:اناا لازم اقولك على خطه نخلص بيها من عيله الجندى
راندا ببرود:ايه هيا
سعيده:..............
راندا ابتسمت بخبث:لا عجبتنى
سعيده:انا عايزاكى تشدى حيلك علشان ننفذ بسرعه
راندا:طيب
وفضلوا يتكلموا لحد اما سعيده نامت وراندا مكنتش عارفه تعمل ايه ولا عارفه تقعد على ايه خصوصا ان موبايلها اتكسر من الحادثه فضلت سرحانه شويه وراحت نايمه....
بقلم/نوران هشام
