رواية عزومات حماتي والمرار الطافح الفصل الثاني
وقعت جميله علي الارض مغمي عليها.... ضربت مرفت علي قلبها وقالت يالهوتي مالك يا جميله وقعدت تصوت....... خرجت علي صويتها رانيا وماهي وقعدو هما الثلاثه يفوقو جميله اللي كانت مش راضيه تفوق
دخل سيف جوز جميله واتصل علي دكتورة... وجت الدكتورة ودخلت تكشف عليها في وسط قلق جميع العيله اللي خايف عليها واللي خايف لتكون حامل
خرجت الدكتورة من الاوضه وقالت يا جماعه المدام جميله تحت ضغط كبير جدا نفسي وجسدي غير ان المدام جميله حامل في الشهر التالت.....
قال سيف قولي والله وسجد علي الارض وعيط من الفرحه فاقت جميله والزغاريط ماليه البيت وكلهم واقفين جمبها
قالت ماهي اخيرا الارض البور طرحت
بصتلها مرفت وقالت ماهي عيب كدا يلا روحي انتي ورانيا حضرو الفطار
قالت رانيا حاضر يا حماتي وقالت لجميله مبارك يا جميله وقالت في بالها دى اتشالت خالص من شغل البيت
في الوقت دا كانت ماهي بتقول في بالها ينهار اسود واسود من لون شعري كمان البت حامل هتجيب عيل يشاركني في ورث اولادى لااا الحمل دا مش هيكمل
وبردو كان بيدور في عقل مرفت يخسارة مش هعرف اجوز الواد لسناء بنت اختي
اي دا كل دول علي البت الغلابنه بس اقول اي ياما تحت السواهي دواهي حتا رانيا الطيبه طلع ليها انياب اخص والله عليهم شكلنا هنشوووف فعلا مراااار طافح
دخل سيف علي جميله اللي كانت مش فاهمه حاجه وقالها جميله ياحبيبتي مبارك عليا انا وانتي
قالت جميله بتبارك علي اي يا سيف وكمان العيله كلها بتبارك علي اي مش فاهمه
قالها سيف بفرحه جميله انتي حامل في الشهر التالت
قالت جميله بجد قول والله انا مش مصدقه نفسي بقولك اي تعالي نروح بكرا عند الدكتور انة في الشهر التالت يعني عاوزة اشوف انا حامل في بنوته ولا ولد
قال سيف الحمد والشكر ليك يارب والله يا جميله ما هيفرق معايا بنت ولا ولد وضحك
خلص اليوم علي خير
وتاني يوم الصبح زعقت مرفت علي السلم وقالت يا رانيا يا ماهي يا جميله اخص عليكم كلكم اي البيت جايف كدا لي اللي يشوف البيت ميقولش ان فيه نسوان يا عرة النسوان منك ليها
نزل سيف لمرفت وقال يا ماما انا وجميله راحين عند الدكتورة
قالت مرفت في نفسها هيا من اولها كدا وقالت طيب يا سيف روح انت ومراتك ومش تتاخر
ونزلت جميله وراحت هيا وسيف عند الدكتورة
في الوقت دا نزلت ماهي وقالت اي يا حماتي مالك يا حبيبتي وبعدين انتي بتزعقي وبتشتمي لي علي الصبح وضحكت وقالت دا حتا صيامك مش يتقبل
نزلت رانيا وقالت معلش يا حماتي بغسل الستاير عندى
قالت مرفت جدعه يا بت يا رانيا وانتي يا ماهي حسابك معايا بعيدين
في الوقت دا رنت مرفت علي اخواات جوزها حج علي 60 سنه وعزمتهم كلهم اللي هما اكتر من 20 شخص
اما في المستشفي كانت الدكتورة بتعمل سونار لجميله وقالت بسم الله ماشاء الله قالت جميله وسيف في اي يا دكتورة
قالت الدكتورة يا مدام جميله انتي حامل في 3توائم
قال سيف يا مشاءالله
قالت جميله بفرحه وتوتر وانا هعمل بيهم اي دول ضحكت الدكتورة وكريم
ولما روحو البيت كانت هنا الصدمه
