رواية صعيدي علمني الادب الحلقه الثانيه والعشرون

#صعيدي_علمني_الأدب😂 

#البارت_الثاني_والعشرون 

طلعت تجري علي خالد وحضنته وهوا اطول منها ..

شالها ولف بيها وهما بيضحكوا..

يونس شافهم اتعصب جدا ..وراح ناحيتهم ..

شدها من حضن خالد ونزل في خالد ضرب ..

روح بصدمه: اهدي يا نمر اهدي ابعد عنه 

خالد بيخبط يونس في الجرح يونس بيقع روح بتجري عليه ..

خالد رايح يهجم عليه ..

روح بعصبيه: بس يا خالد 

خالد باستغراب : مش ده اللي ضربني في القاهره وجاي يضربني هنا كمان وتقوليلي بس ؟!

روح بقلق : انت كويس يا يونس؟!

يونس بعصبيه: مالكيش دعوه بيا .

يونس قام وماسك الجرح وبيقرب علي خالد ..

روح: بالله عليك يا يونس بس بقا 

يونس بص لخالد بعصبيه ...

بدر : في ايه يا ولاد ..خالد ايه المفاجأه الحلوه دي

يونس: انت تعرفه يا عمي ؟!

بدر: ده يبقي مدير اعمالي وابني وحبيبي

خالد: حبيبي يا بدر بيه ..

بيطلع يونس لأوضته بتقابله كريمه ..

كريمه: يونس ..يونس 

يونس: عاوزه ايه يا كريمه 

كريمه : كنت عايزه اقولك ماتعلقش نفسك في احبال دايبه وخد اللي من توبك

يونس فهمها ..

يونس: خلصتي نصحيتك الغاليه يا كريمه

كريمه: ايوه 

يونس دخل اوضته ورزع الباب وكريمه واقفه بتضحك...

روح دخلت الأوضه ..

يونس بعصبيه: عاوزه ايه ؟!

روح: عايزه اطمن علي جرحك خف ولا ايه

يونس: مسيره يخف انما جرح القلوب ما بيخفش

روح: طب وريني ؟! 

بتمد روح ايدها علي مكان الجرح بيبعد ايدها

يونس: لاه كويس ..

روح: طب انا عملت ايه مضايقك مني كده 

يونس: انت لامضايقاني ولا مفرحاني 

روح: قطتي مالك زعلان ليه 

يونس: ايه قطتي دي عيل بلعب معاكي اياك

روح: انت ليه لما بتتعصب بتتكلم صعيدي ها؟!

يونس: خلقه ربنا بقا يلا عايز ارتاح

روح: بتتطردني يا نمر ماشي بس خلي بالك ان اللي في بالك غلط

يونس: ايه اللي في بالي وايه اللي غلط

روح: بكره تعرف يا نمر ..تصبح علي خير

خرجت روح وقفلت الباب..

كان يونس قاعد علي السرير شاط بايده كل اللي علي الكوميدينو ...

يونس بعصبيه: الاقيها من مين من كرم ولا خالد ولا يوسف ولا حسام ولا مين ولا مييييييين اللي يفكر مجرد تفكير فيها ادفنه في ارضه ..

.................................

في اوضه روح..

روح: مبسوطه انك جيت كنت زهقانه اوي يا خالد 

خالد: وانا اقدر اسيبك يا روحي 

روح : هانلف البلد بقا ونتسابق بالأحصنه هنتبسط جدا جدا عارف لو الشله تيجي بقا تكمل ..

خالد: طلباتك اوامر نيجبلك الشله

روح: بجد ؟!

خالد : بجد ..

روح: بس ...

خالد: بس ايه ؟!

روح: احنا كده كده يومين وماشيين مالهاش لازمه بقا ..

خالد : يلا انا هاقوم انام تصبحي علي جنه

طلع خالد من اوضه روح ويونس شافه ...

يونس بعصبيه : في اوضتها كمان هيا حصلت ..

يونس راح لروح وهوا متعصب..

وفتح الباب مرة واحدة ...

روح كانت نايمه علي السرير قامت..

روح: يونس انت كويس ؟!

يونس قفل الباب وطلع ...

ودخل اوضته ورزع الباب ...

لقي اللي بيفتح الباب وكان عاطي ضهره للباب

يونس: عايزة ايه ..

..عايزاك ..

بيلف يونس بيلاقيها كريمه ..

يونس بصلها باستغراب..

كريمه بتقرب منه: كل ده ومش خابر اني بحبك واني ابيع الدنيا عشانك واني مش شايفه غيرك راجلي وحبيبي وجوزي ..

بتحضنه كريمه ...

بيزقها يونس بعصبيه ...

يونس: اتخبلتي في عقلك اياك انتي بتعملي ايه ؟!

كريمه: بحبك يا يونس وماحدش هايحبك قدي ماتتعبش قلبك عشان ماحدش يستاهل 

يونس: اطلعي بره يا كريمه يلا 

كريمه: لو لفيت الدنيا مش هتلاقي اللي يحبك قدي يا يونس 

طلعت كريمه من اوضه يونس وشافت روح كانت هتدخل

كريمه ضحكت بمياعه وعملت نفسها بتعدل هدومها ..

روح بصتلها باشمئزاز ورجعت اوضتها تاني ...

روح بعصبيه : بقا كده يا نمر عاملي محترم وانتي غاليه يا روح والبسي واعملي وانت مقضيها مع كريمه ماشي بس هوا انت لسه طالع من عندي لحقت تقضيها مايمكن ظلمته وكريمه هيا اللي بتمثل ماهي عقربه ...

اول خطوه في اي علاقه ناجحه انك ماتشوفش عيوب في الشخص اللي بتحبه وتلتمس ليه اعذار حتي لو شايف بعنيك حاجه بتحاول تكذب نفسك ....بقلم حنين عادل

..........................

في الصباح....

بيصحي يونس من النوم وبياخد شاور بيلبس هدومه ..

الباب بيخبط..

يونس: ادخل...

كريمه دخلت وفي ايدها صينيه الفطار

كريمه : صباح الفل

يونس: صباح النور

كريمه: جبتلك الفطار نفطروا سوا ياريت ما تخجلنيش

يونس : طيب يا كريمه..

كريمه بفرحه قعدت علي السرير وبدأت تأكله ..

روح خبطت ودخلت اقت كريمه بتأكله في بوقه..

يونس بصلها : ايوه

روح: ولا حاجه كنت جايه اطمن عليك يا نمر ..

كريمه بتأكل يونس بابتسامه ..

روح بصتلهم وطلعت ...

روح بتفكير: اه يا خاين يا غشاش هوا ده اللي هنفطر مع بعض كل يوم عشان نفتح نفس بعض طيب انا متغاظه ليه ها ليه بقا الاحاسيس دي ...

راحت قدام اوضه خالد وخبطت .

روح وهيا بتطبل علي الباب : يا دودي يا دودي  

فتح خالد وهوا مش لابس التيشيرت ...

خالد: اييييييه ..اييييييه ما لحقتش البس التيشيرت يخربيتك

روح: بتتكسفي يا بطه اشطا ...

وقعدت تخليه يغير وهوا بيضحك وهيا بتضحك.   

بيطلع يونس وبيسيب كريمه علي صوت ضحكهم..

بيلاقي خالد بيجري وراها كده وهيا بتضحك

بيجز علي سنانه بغضب ..

ولسه هايمشي وهوا حالف انه يموت خالد ده والغضب عاميه ...

كريمه: يونس كمل وكلك

يونس : كلت يا كريمه يلا حوشيه ...

نزلت روح تحت وخالد بيجري وراها 

شاكر شافهم : وه ايه قله الحياء دي

خالد: انا اسف يا عمي ...

روح واقفه بتضحك...

شاكر: مايصحش كده البيت فيه حريم 

خالد: انا بعتذر مره تانيه يا عمي ...

بيطلع خالد وروح واقفه بتضحك...

بيعدي علي اوضه يونس بيلاقي اللي بيشده 

وبيحط السكينه علي رقبته ..

خالد بخضه: في ايه في ايه 

يونس: لو خايف علي نفسك عاود مصر 

خالد: حاضر بس ليه 

يونس زقه: بعد عنيها احسنلك 

خالد: عن مين ؟!

يونس: عن روح النمر

خالد بضحك: اه طيب ...

خرج خالد وراح اوضته ...

خالد : ده شكله مجنون اوي 

بيمسك تليفونه ...

............................

شاكر: مايصحش اللي بيحصل ده يا خوي

بدر: هوا ايه اللي مايصحش

شاكر: بنتك وخالد ده

بدر: اه هما واخدين علي بعض 

شاكر بعصبيه: وه ده انت ماعندكش دم بقا

بدر بضحك: اهدي بس خالد يبقي اخو روح

شاكر: ازاي ؟!

بدر: اخوها بالرضاعه ...

كريمه كانت واقفه بتسمع واتضايقت جدا

كريمه: لازمن يونس مايعرفش حاجه عن الموضوع ده والا كل اللي بعمله هايروح عالفاضي..

.........................

خالد لبس هدومه ومشي يدور علي روح 

خبط عليها في اوضتها ..فتحت الباب

خالد: يلا وريني البلد 

روح: هوا انا اعرفها احنا هنستكشفها مع بعض 

خالد: يلا ..

يونس كان سامعهم ومتعصب جدا ...

طلع من اوضته وحاول يرسم الابتسامه..

يونس: بما انكم مش عارفينها انا هاورهالكم ..

خالد باستغراب: ماشي يلا ....

وقبل مايكمل كلامه...

يونس مسك ايدها ومشي سبقه

خالد ضحك ومشي وراهم ..

......................

كرم جاب قميص وبنطلون ...

كرم : البسهم ولا ايه قمر هتحبهم ولا ايه هتقدملك الليله هتوافقي ولا ايه؟!.

.......................

يونس كان ماسك روح وخالد ماشي جمبها

روح: ممكن نركب احصنه بقا 

يونس بابتسامه : ماشي..

روح: عاوزن رهوانه

يونس: حبيتها مش كانت هتوقعك اول مره ؟!

روح: بش دلوقتي اتغيرت ومابقتش مؤذيه بقت تتحب 

يونس بابتسامه: في حاجات كتير اتغيرت 

روح: قصدك ايه 

يونس: ولا حاجه يلا انا هاركب فهد 

يونس: يا واد يا واد

بيجي شخص...

..ايوه يا يونس بيه

يونس: هات فهد ورهوانه ونسر ..

..نسر؟!

يونس: ايوه ...

بيروح السايس وبيجيب الأحصنه ...

بيساعد يونس روح تطلع وبيطلع علي حصانه

يونس: اجي اطلعك يا دودي ؟!!

روح: ههههههه 

خالد: لا يا خويا بعرف اطلع ...

رهوانه وفهد بيسابقوا بعض وهما اسرع من بعض 

خالد: انت حمار ومضحوك عليك صح اجري يا نسر اجري

حصان خالد بطيئ جدا وماشي براحته...

روح: هتخسر للمره التانيه

يونس: النمر مايخسرش مرتين ...

روح: استعد للخساره يا نمر ...

يونس بابتسامه : خسارتي لو مكسب ليكي انا موافق

ابتسمت روح ...

خطوات وتحدد مين الفايز وبيسبق فهد...

بيخليه يونس يبطأ سرعته وبيخلي روح تكسب. .

روح: هيييييييه كسبت كسبت ههههههه قولتلك هاتخسر يا نمر 

يونس: لو خسارتي مكسب بالنسبه ليكي انا مواقف...

روح: خالد فين ؟!

يونس: ده لسه في اخر الأرض..

روح: ايوه .. 

يونس: مبسوطه ؟!

روح: طبعا 

يونس: هوا مين خالد ده ؟!

روح: وعايز تعرف ليه ؟!

يونس: عادي يعني ...

روح: خالد ده يبقي النص الحلو البهارات اللي في حياتي اكتر حد بيفهمني واكتر حد بيدعمني وبيقف جمبي اكتر من صديق بكتير هوا يبقي اخو.....

خالد: ايه ده حرام ايه الحصان ده؟!

يونس : مش عاجبك ماتبقاش تركب تاني انت اللي ماعرفتش تتعامل معاه ؟!

خالد: انا كنت حاسس ان راكب حمار

روح بضحك: يلا 

يونس: يلا ايه

هات حمار ...

خالد : انسي يا روح انا مش فار تجارب

روح: مش كان نفسك تجرب تقعد علي الحمار  بالمقلوب 

خالد: وانا صغير مش دلوقتي 

روح: عشان خاطري عشان خاطري

خالد: خاطرك بالدنيا بس بلاش تهزقيني 

روح: هههههه انت تعرف عني كده 

خالد: ايوه

روح: خلاص بقا ايه اللي مخوفك

يونس بعصبيه حاول يخفيها : يا واد هات حمار 

جاب الحمار ...

روح: اطلع يا خالد يلا 

خالد: بطلي افتري بقا

روح: بس يلا بطل كلام كتير

خالد طلع وقعد بالمقلوب وحط ايده تحت دقنه 

روح بتصوره وهيا مسخسخه من الضحك ...

روح : صورني يا يونس انا وهوا

يونس خد التليفون وهوا متعصب بس مش عايز يبين ..

يونس مسك التليفون وقرب الصوره عليها وهيا بتضحك وابتسم وصورها كذا صوره مجنونه وهيا بتضحك وهيا بتطلع لسانها وهيا ماسكه شعرها ...

الحب ده بيقرب المسافات بين القلوب بشكل غريب بيعمل المعجزات النمر اللي كان عصبيته عامياه بيحاول يغير نفسه عشانها عشان مايئذيهاش بيحاول يكون احسن عشانها علي عكس كرم اللي ممكن يخسر نفسه عشانها حب نفسك بكل عيوبك وعيوبك الظاهره صلحها مش تخسر نفسك عشان حد ...بقلم حنين عادل 

..........................

روح ويونس وخالد رجعوا البيت 

روح: كان منظرك جامد يا خالد

خالد: انتي هاتجبيلي اخر

روح: بعيد الشر عنك يا صاحبي

يونس كان بيبصلهم بتفكير: يارتني كنت خالد 

دخلوا البيت ...

شاكر شاف يونس...

شاكر: خرجت ليه دلوك يا ولدي كنت ارتاح

يونس: بقيت احسن يا بوي 

طلع يونس وروح وخالد اوضهم ...

...........................

في الليل ...

كرم قاعد وابوه...

شاكر: خير يا حاج ؟!

وبدر كان قاعد ...

يونس كان نازل شاف كرم قعد ...

ابو كرم: احنا چايين نطلب ايد بنتكم 

يونس اتعصب جدا بس حاول ما يبينش ...

شاكر: كريمه مش هلاقي احسن منكم ..

كرم: يا عمي ...

شاكر: علي بركه الله 

ابو كرم زقه في كتفه ...

شاكر: مش هلاقي لكريمه احسن منك يا كرم بس لازم اسألها علي رأيها ...

كرم بتفكير: ايه اللي انا عملته ده 

شاكر بينده علي كريمه ....

كريمه: ايوه يا حضره العمدة

شاكر: كرم طالبك للچواز ايه رأيك ..

كرم بتفكير: ارفضي ارفضي

كريمه: انا ...........يتبع

ولسه اللي جاي تقيل مع كاتبه الجيل😎

تفتكروا هتوافق ولا كرم هاينقذ الموقف 

#صعيدي_علمني_الأدب😂 

#بقلم_حنين_عادل 

#كاتبه_الجيل😎

                الحلقه الثالثه والعشرون من هنا

لمتابعة باقي الرواية زوروا قناتنا على التليجرام من هنا