الفصل السابع
خدعة الشيطان الكبرى أنه أوهم البشر بعدم وجوده ، ولكن شروره ماتزال تنشر في الارض بين بني أدم ..
خلصت الحمام بتاعها ولبست الفستان تاني وشعرها المبلول نازل على وشها ، خرجت قعدت على السرير فجأة نور الأوضة أتطفى !
خرجت من الاوضة وبيبان البيت بتترزع والشبابيك بتتكسر كالعادة ، حطت إيديها على ودنها وراحت للممر الطويل اللي بيظهر بالليل ، دخلت جواه والنور الأحمر بيروح وييجي ، لقت الباب اللي عليه نجوم بيتفتح ويتقفل
قربت منه وتجسست عليهم
كانوا محاوطين بعض ب دايرة وكلهم لابسين اسود ملايات طويله مغطية راسهم وجسمهم ، وعاملين دايرة ماسكين إيد بعض ومحاوطينها ، جوا الدايرة كان في شموع كتير على شكل نجمة مقلوبة
وهما بيرددوا بصوت خشن وعالي : يا إبلييس يا إبليييس يا إبليييس
من غير ما تحس عملت على نفسها حمام رغم إنها لسه غاسلة جسمها
واحد منهم لف ليها يبصلها وكان وشه كإنه مش موجود
وفي لمح البصر بقى واقف قدامها
لسه بيمد شوكته الطويلة اللي طول جسمه وبثلاث سنون ناحيتها جه جين بسرعة وقف بينهم وهو بيحميها ورا ظهره وبيقول : تمريح .. دي زوجتي وحامل في إبن إبليس
مردش ، فضل يبصلهم لمدة طويلة بعدين إداهم ظهره والباب اترزع في وشهم جامد
جين مد إيده ناحيتها وقال ببرود : تعالي متخافيش ، أنا بس اللي من حقي أدخلك الأماكن دي متدخليش من نفسك عشان محدش يأذيكي
مرضتش تمد إيديها ليه وقالتله : أوعى تفتكر إني هصدق كلامك المعسول وحنيتك ، أنا عارفة اللي جواك كويس حتى لو قدرت تتظاهر بعكس دا ، إنت جواك ناحيتي رغبة جسدية مش حب ، مش حب أبداً
فضل يبصلها وبعدين شاور بإيده لباب اوضة محروق وقالها : تعالي بصي كدا ، هوريكي حاجة .. تثبتلك إني لو عاوزك تحبيني غصب عنك ، هيحصل . تعالي شوفي أبناء جنسك بيسمعوا وسوستنا إزاي
شدها وراه ناحية الباب المحروق ، دخلوا الاوضة دي
كان في شاشات كبيرة بس مش بأسلاك .. كإن الصوره على الهوا ، وفيها التشويش الأبيض في إسود
طرقع جين صوابعه قدام شاشة منهم
ظهرت صورة ! بيت الصورة ثابته
بدأ يظهر اطفال بشريين ، بيقعدوا حوالين الترابيزة وابوهم قاعد على راس الترابيزة وبيضحك وهو بيبصلهم بسعادة
ظهرت الأم وهي بتحط الأكل على الترابيزة وكان واضح إن الأب بيلاعب بنته الصغيرة ف بتضحك
دمعت ريما وهي بتبص على الشاشة دي وكأن الناس الطبيعيين وحشوها ! بصوتهم بزعيقهم بانهم بيمشوا جمبها في الشارع حست بحنين ناحيتهم
ظهر فجأة وراهم مازار ، الشيطان الخفي
واقف بشوكته وراهم وخاصة عند راس الأب
ميل على ودان الأب وهمس ، الأب ملامحه إتحولت وهو بيبص لمراته بتكشيرة
وفجأه مسك طبق الشوربة ورماه على مراته
ريما برقت من الرعب وهي بتشوف الاطفال بيعيطوا ، والراجل بيضرب مراته اللي أتلسعت من الشوربة السخنة وبتعيط
ومازار واقف وراهم بيضحك
جين ضحك ضحكة مسموعة ، ف بصتله ريما بغل وغضب
راح مرجع وشه للبرود وقال : إعذريني يا حبيبتي ، بس أنتوا الغيرة والشك والمزاج الوحش ملازمكم .. ودا بيسهل شغلنا
بيخلينا نسهر كل يوم على شرف خناقاتكم والزعل بينكم
مسك وش ريما وباسها في شفايفها بويه عنيفة خلاها تنقط دم ، أتوجعت وهي بتبصله ف قالها برعب : بصي على الشاشة التانية
طرقع بصوابعه قدام الشاشة التانية
التشويش راح ، ظهر صورة طلاب في المدرسة ، منهم طالبة قاعدة لوحدها محدش قاعد معاها ، منظرها غلبان جداً
والطلاب كل واحد في حالة
فجأة ظهر دهار في الشاشة ورا البنت
بصلها بقرف وأتحرك ناحية مجموعة بنات شكلهم كويس عنها ، وميل راسه عليهم وهمس في ودنهم
البنات قاموا يضايقوا فيها ويشدوا في شعرها ويضحكوا
ويتريقوا عليها لحد ما البنت عيطت ، قاموا رموا نظارة النظر بتاعتها على الأرض وداسوا عليها كسروها
في نفس الوقت دهار ضحك ، وجين ضحك
لفت هي بصتله وقالتله : طب ليه ؟
جين : أنتي ليه بتشتغلي ؟
ريما بغضب : عشان أجيب فلوس من غير ما أذي حد وأكل وأعرف أعيش
حط إيده ورا ظهره وقالها ببؤس : مسكينة ريما ، محدش عطف عليكي من الناس اللي بتتفرجي عليهم وزعلانة عليهم دول ، كله قاعد في بيته بياكل وبينام مرتاح وأنتي بتتلوي من الجوع ، ليه زعلانة عليهم وهما مزعلوش عليكي
سرحت وحست بضيق ناحيتهم بعدين فاقت وقالت : إيه دا !! إنت فاكر إنك كدا بتوسوسلي ؟
جين بإبتسامة : دي وسوسة خفيفة كدا ، لو حابب أوسوسلك هقنعك بكلامي دا ، المهم متنكريش شعور الضيق اللي مر عليكي للحظات منهم ، دي تسليتنا ، معاناتكم بتسعدنا
قرب منها وهو بيبص للباب راح إتقفل وقرب من ريما وهو بيفتح سوستة فستانها وبيقول : أنا كنت بوسوسلهم يأذوكي عشان لما تيجي في حضني متحنيش ليهم
حاولت تبعد إيده عنها ف شدها لحضنه جامد وهمس عند شفايفها وقال : أنا طالما حطيت واحدة في دماغي بتفضل ملكي لحد ما أقرر أسيبها ، ولو قررت مسيبهاش زي حالاتك كدا لإنك جميلة أوي ، إنتي تليقي تكوني زوجة إبليس .. لو قررت مسبكيش ودا اللي هيحصل هتفضلي هنا معاي للأبد
ملك ليا ولرغباتي
حست كإن في جاثوم عليها ولكن وهي صاحية ، مفيش حركة
بس شخص بيعتدي على جسدها من غير ما تقدر تقاوم .
أنتهى اللي حصل بينهم ، حست بالنعاس
جالها حلم غريب ، كإنها بتحاول تستنجد ب ربنا بس لسانها مشلول
وهي في اوضة لوحدها
فجأة إتفتح باب البيت اللي هما فيه ، وخرج منه نور
بصت للسقف بعياط ودموع وللباب بتاع البيت اللي خارج منه نور
فجأة صحيت من النوم
مفيش حد في الاوضة غيرها ، خرجت بخطوات بطيئة من الأوضة وهي بتمشي بالعافية من كتر الكدمات اللي في جسمها كله إثر الأعتداء عليها
وصلت لحد باب البيت وفتحته ووقفت تواجهه الهواء الثلج وهي بتبص للجبل الجليدي
جين ظهر وراها وقال بغضب : بتعملي إيه ؟؟ إقفلي الباب دا !
بصتله هي بدموع وضعف وبصت للمكان تاني ، العميق
غمضت عينيها وفتحت إيديها للهواء وهي بتعيط
ولسه هتنط من على الجبل ف ...
