روايه سلمي الحلقه العشرون الجزء الثاني

"يقال ان الحب الأول هو الحب الأخير ...لكن الحب الأخير هو الحب الأول "

فى المستشفى حيث فريدة فى تلك الغرفة فى غيبوبة تامة عن العالم كانت سلمى تقف بعيدا تنظر عليها والدموع تنهمر من عيونها وبجانبها أدم الذى كان صامتاً ...اقتربت سلمى من الزجاج ووضعت يدها عليه بدموع اقترب ادم منها ومسك كتفيها برفق لتردف : 

_أنا بحلم يا ادم مش كده 

هز رأسه بالرفض مسح بأصابعه دموعها رادفاً :

_ده قدر مكتوبلك ... اللى عرفته انها ندمت فى السنين الاخيرة وجات فرحنا تابعت من بعيد بعياط ومشيت 

كانت يده تمسح على وجهها برقه شعرت بالدفئ قليلا لتردف :

_أعمل اى مش عارفة يا ادم

أدم :

_مامتك اكيد هتفوق  

نظرت عليها سلمى لتردف :

_ملهوش لازمة متأخر يا ادم

أدم :

_سلمى تعالى عاوز اوريكى حاجة تانية 

اومت سلمى سحبها ادم برفق حتى وقفا عند زجاج غرفة ادم 

الذى يلعب ببراءة 

أدم بإبتسامة :

_ده ادم أخوكى 

سلمى بعدم فهم :

_اخويا ازاى 

أدم :

_ادم ابن فريدة واخوكى 

وجدت نفسها تبتسم تلقائيا لتنظر لأدم رادفة :

_اسمه ادم 

أدم بإبتسامة وايماء :

_اه علفكرا هو ملهوش ذنب بأى حاجة ادم طيب اوى 

سلمى :

_ممكن ادخله 

اومى ادم بموافقة واخذها للداخل ...

......على الجانب الآخر 

وجهت مريم السدس وصوبت عليه وهى تنظر بعيونه مترددة ليردف :

_اقتلينى مستنيه اى 

نظرت له بتردد شديد وهو يقف بلا مبلاه 

 حتى فعل حركة بقدمه رفعها للأعلى لتدفع المسدس من يد مريم والتقته بطريقة مدرب عليها ...شدها له ليرتطم ظهرها بصدره وضع المسدس على عنقها بغضب وحاوط كتفيها بذراعه رادفا :

_زمان لما كنت بلعب ظابط وحرامى لازم اكون ظابط عشان بكسب اللعبة دايما بكسب فى كل عملياتى والنهاردة اثبتيلى انى خسرت فى اهم حاجة وهو حبك 

كانت تتنفس بتوتر وهو يسمع توترها احنى رأسه لأذنها رادفاً :

_ بتحبى لنفسك وجع الدماغ لازم تخربى اى حاجة حلوة بنعيشها 

مريم :

_اقتلنى يا اسلام اقتلنى بأيدك هرتاح شوية لما اموت عليها 

إسلام :

_لو كترتى فى موضوع جنات هخليها مكانك 

نظرت له بخوف :

_قصدك اى 

لينظر لها نظرات تعرفها دفعته وسحبت يده التى تمسك المسدس ووجهته على رأسها رادفة بثقة :

_عاوزاك تسمعنى 

إسلام بإمتعاض :

_بردوا هتقولى كلام ملوش لازمة انتى مبتزهقيش 

تركها وكاد ان يمشى اوقفته بكلمة واحدة :

_هسيب البيت والدنيا وامشى 

تقدمت نحوه ووقفت فى مواجهته رادفة :

_إسلام انا طيبة لاقصى الحدود وبحبك انت بس انت دوست عليا كتير أولهم 

لفت حوله رادفة :

_أتجوزت من غير ما تقولى 

كان اسلام ينظر لها مستمعا لتتابع وهى تتوقف امامه :

_ظلمتنى وكسرت كرامتى بالطلاق 

لفت مرة اخرى حتى توقفت امامه مباشرة وشدته من بدلته مقرباه منها رادفة بنبره حزينه :

_عاوز تكمل معاها حياتك قدامى لما جيت الفيلا كنت موافقة بس للأسف مش هقدر اضحك على كرامتى اكتر من كده صدقنى هنسى فى يوم انك كنت حبيبى وسلمى كانت صاحبتى وهعمل فعل جنونى 

شدها إسلام له فى قبله عميقه كانت تتابعهم جنات من الأعلى بغيظ شديد رادفة :

_What 

بعدت مريم عنه تلتقط انفاسها فقد تورمت شفاتها سحب منها المسدس وكاد ان يمشى لكنه توقف رادفا :

_مريم متلعبيش بالمسدس تانى عشان متتعوريش 

خرج بغضب تاركها تنظر عليه بغضب لتردف :

_جناات 

صعدت لجنات بغضب شديد رادفة بصوت عالى: 

_جنااات انتى فين 

نزلت جنات ببرود رادفة :

_فى اى يا مريم 

مريم :

_لا والنبى فوقى مفيش حد فى البيت عشان تمثلى اوعى تكونى مفكرانى من المعادى لاء يا حبيبتى انا من الشرابية 

واقدر امسح بيكى الكمباوند ده لحد ما اخرجك منه 

جنات بإحتقار :

_اى الطريقة البلدى اللى بتتكلمى بيها دى لعلمك يا مريم انا ساكته بس عشان اسلام حبيبى قالى معملش معاكى مشكلة 

خنقتها مريم بعصبية وانفعال رادفة :

_حبيبك مين ياروح امك هتخلينى اقتلك

بعدتها جنات وهى تسعل بشدة رادفة  :

_مج نونة ...اسمعى يا مريم عاوزة تكونى مع اسلام اهلا وسهلا انا مش هقولك حاجة بس اسلام جوزى انا كمان وان كنتى فاكرة ان جوازنا ده مؤقت او ورق بس عشان بدر تبقى هبلة ومش شايفة الفرق بينى وبينك بصى لنفسك فى المراية 

إسلام مش هيطلقنى ابداً الحقيقة بقا انك المؤقته اسلام مسامحكيش يا روحى ولا بيسامح ولا هيسامح إسلام بياخدك على قد عقلك 

مريم والدموع تترقرق فى عيونها :

_يعنى اى 

جنات وهى تدور حول مريم : 

_ببساطة أنا الأساسية وانتى خلاص بح اسلام واخدك وسيلة عشان ياخد مصطفى منك وانا فى الوقت ده اخليه يحبنى وبعدها يقولك مع السلامة واكون انا مراته الوحيدة ام مصطفى وبدر ومصطفى مع مرور الزمن ينساكى وأكون انا امه 

مريم ببكاء :

_كدابة 

جنات بضحك :

_أوكية لو مش مصدقانى شوفى بنفسك ثوانى 

اخرجت هاتفها واتصلت بإسلام وفتحت مكبر الصوت

جنات :

_ازيك يا اسلام عاوزة اسألك سؤال 

إسلام :

_اسألى 

جنات :

_فى واحدة صاحبتى اوى وزى اختى و خانتنى وهى دلوقتى ندمانة اسامحها 

إسلام :

_لاء طبعا دى خاينة الا الشخص الخاين طلاما خان مرة هيخون الف 

لتنظر لها جنات بإبتسامة رادفة :

_ميرسى يا إسلام 

إسلام :

_العفو ...اوعى تسامحيها 

جنات :

أغلقت جنات الهاتف مبتسمة بإنتصار لتردف :

_ياترى هتروحى لعمامك الصعايدة ولا هتروحى فين بعد الطلاق معتقدش سلمى ...الحقى نفسك انا لو منك اعمل كده 

مريم ببكاء : 

_اعمل اى أهرب 

جنات :

_اه وتاخدى أبنك مش احسن ما تتحرمى منه 

مريم :

_وإسلام 

جنات :

_دى النهاية يا مريم خلاص كل شيئ انتهى ...بصى خودى ده مفتاح شقتى محدش هيتوقع انك روحتى هناك ...اهم حاجة ابنك 

مريم ببكاء وخوف :

_متقوليش لإسلام 

جنات :

_اكيد لاء انا ام زيك ومش هعمل كده 

خرجت مريم تبكى بشده تنظر للفيلا وهى تخرج تتذكر إسلام وهو يجرى خلفها وهم يضحكوا ...خرجت من الفيلا نهائياً 

جنات :

_واو عليكى يا جنات بتفكرى بذكاء فاضل اهل إسلام يحبونى واكون وصلت لهدفى الاساسى ...لازم اجيب بدر ومصطفى بسرعة ومريم بقا تكون راحت شقتى وبكده ابلغ البوليس بقلب جامد على الحرامية دى 

ضحكة ضحكة أنوثية بإنتصار 

........ فى المستشفى 

جلست سلمى بجانب الصغير أدم الذى انتبه لها ولدموعها التى تنهمر بالسقوط 

الصغير أدم : 

_مين دى يا عمو ادم 

أدم :

_دى سلمى اللى حكتلك عنها ...أختك 

نظر لها الصغير بتعجب فهو لا يعرفها ليردف :.

_هو انتى بتعيطى لى 

احتضنته سلمى ببكاء رادفة :

_انت تعرفنى

الصغير : 

_اه اعرفك عمو ادم كلمنى عنك 

سلمى بإبتسامة رغم دموعها :

_وقالك اى عمو ادم 

الصغير أدم : 

_قالى انك جميلة اوى وكمان بتحبينى ... انتى اختى 

نظرت سلمى ل أدم الذى يبتسم مبتسمة لتعود مرة اخرى للصغير رادفة :

_اه اختك انت مين عمل فيك كده

ادم بخوف :

_ممدوح صاحب ماما ...كان بيضربنى انا وماما 

احتضنته سلمى برفق وهى تبكى ليحتضنهم ادم رادفا :

_سلمى  بطلى عياط خلاص 

نهضت سلمى ببكاء رادفة :

_ادم : 

مسك أدم يدها ونظر لها رادفا :

_متقلقيش هناخده يقعد معانا 

احتضنته سلمى بإطمئنان رادفة :

_ده اللى توقعته يا ادم انا مليش غيرك دلوقتى 

داعب وجنتها رادفا :

_متقوليش كده انتى ليكى عيلة بتحبك ...العيلة دى انا 

سامحى يا سلمى

سلمى :

_ده طلب صعب مش هقدر انفذهولك 

أدم :

_مش مهم انا هساعدك تعملى كده قريب ....كفاية قعاد هنا بقا يلا يا حبيبتى 

أومت سلمى بإبتسامة هادئة...اخرج ادم منديل ورقى ومسح لها دموعها رادفا :

_محدش يشوف دموع الاميرة 

أدم :

_يلا يا ادم هتيجى معانا 

الصغير ادم بخوف :

_هنروح فين 

ادم :

_متخافش يا ادم هتيجى معانا القصر وتعيش معانا انا وسلمى 

اومت سلمى وهى تضع يدها على بطنها بألم شديد لتردف :

_يلا انا تعبانة جدا 

ادم :

_مالك اروح اجيبلك الدكتورة 

سلمى :

_ل لاء مفيش داعى انا كويسة عارفة اى اللى حصلى 

احتضن ادم كتفيها واخذ الصغير ادم معهم برفق 

سلمى :

_هنقولهم اى يا ادم 

ادم :

_سيبى الموضوع ده عليا وحالياً مش عاوزك تشيلى 

اهم حاجة وانا بقولهم توافقى بس 

سلمى بإيماء :

_حاضر ...ادم شكرا على كل حاجة

أدم :

_سلمى انتى روحى يعنى معنديش غيرك اشوف مصالحه 

سلمى :

_ادم على اسمك دى صدفة غريبة 

أدم :

_قولتلك كل حاجة مترتبه هههه

ضحكت سلمى بإشراق ليردف :

_يعنى دلوقتى عشق ابوها وخالها اسمهم أدم 

ضحكت سلمى ...خرجا الثلاثة من المستشفى 

على الجانب الأخر 

فى المدرسة :.

كانت مريم مع المديرة وتسألها عن مصطفى 

المديرة :

_مدام مريم مرات جوز حضرتك جت واخدتهم 

مريم بتعجب :

_اخدتهم 

المديرة :

_ا اه وقالت انك لو جيتى وسألتى اقولك تكلميها 

اتصلت مريم بجنات واردفت بغضب :

_انتى اخدتى مصطفى لى 

جنات :

_اسلام قالى اجيبه يا جنات وشكله عرف اصلوا سألنى وقولتلوا  

مريم :

_انا عاوزة ابنى يا جنات 

جنات :.

_معرفش يا مريم اهم حاجة اهربى اسلام ممكن يقتلك 

مريم :

_اهرب فين 

جنات :

_على بيتى يا مريم اوعى تروحى ل سلمى 

اغلقت مريم الهاتف وجلست على الأستراحة تبكى وتقول :

_حبيتك وانت عملت كل ده فيا مش هسامحك يا اسلام 

.......

على الجانب الأخر ...كان اسلام يتصل ب مريم وهو قلق فهو لا يعرف اى شيئ كانت جنات تكذب على مريم 

إسلام بغضب  :

_ردى يا مريم ردى ...حاسس ان حصل حاجة 

تذكر كلمات مريم صباحا وتهديدها بأنها ستغادر ليردف :

_لاء اكيد مريم معملتش كده 

اخذت مريم تمشى بتعب شديد فى الشارع وتوقفت عند عمارة جنات لكنها وجدت الشرطى تقتحم المكان بعدت سريعا لكنها وجدت شرطى لتسأله :

_هو فى اى

الضابط :

_فى حرامى  بيسرق شقة ١٨ 

تذكرت مريم انها شقة جنات تراجعت للخلف حتى جرت سريعا 

بخوف وبكاء اوقفت تاكسى 

مريم :

_ودينى المحطة 

.......

فى قصر المهدى 

اولفت :

_مين ده يا ادم 

ادم :

_معقول متعرفيش يا ماما.... ده اخو سلمى

مليكة :

_سلمى عندك اخوات تانى 

احتضنت سلمى اخوها بخوف لكن ما خدث جعلها تطمئن ...مسك ادم يدها ونظر لها لتطمئن ...ليردف :

_اه طبعا مامتها كانت عايسة برا مصر ولسة جاية هى وادم اخو سلمى 

نظرت مليكة على يد ادم وسلمى المتشابكان بترابط وقوة 

اولفت :

_معقولة انا كل ده كنت مفكرة منيرة مامتك ... لى مكنتش بتتواصل معاكلى او قلتى 

سلمى :

_اصل 

ادم مقاطعا اياها :

_عشان من ساعة الطلاق والتواصل قل بينهم وكمان هى كانت تعبانة جدا ولحد دلوقتى 

اولفت وهى تنظر على هذا الصغير رادفة :

_ادم اخوكى هيعيش معاكى هنا 

اومت سلمى بالموافقة 

ادم :

_اكيد طبعا ...ادم ده طفل جميل اوى اكيد لما تتعودوا عليه هتحبوه 

اولفت :

_طيب حضروا نفسكوا عشان الحفلة بتاعت رودى ...ادم صالح رودينا قولها اى حاجة 

 صعد ادم  للأعلى بغضب دون ان يتحدث لتنظر لها سلمى مبتسمة 

سلمى :

_متقلقيش يا ماما هقوله 

اومت اولفت بإبتسامة رادفة: 

_شكرا يا سلمى 

ابتسمت سلمى بهدوء واخذت ادم رادفة :

_هنروح على اوضتك ...مليكة ممكن تحضرى اوضة لأدم 

مليكة :

_انا 

سلمى :

_اه انتى ...مالك يا ادم 

ادم :

_عاوز العب فى البحر اللى برا 

سلمى بتعجب :

_انهى بحر ....اه البيسين اكيد هنلعب فيه كتير 

عشق :

_مامى مين ده 

ارتكزت سلمى وقبلتها على وجنتها رادفة :

_ده يبقى ادم اخويا يا حبيبتى 

عشق بهمس :

_هو بيعرف يلعب ...انت بتعرف ترسم 

أدم :

_ل لاء 

سلمى :

_ولا يهمك يا حبيبى هنلعب كتير واعلمك الرسم واعلمك كل حاجة 

عشق :

_مامى اى رأيك فى فستانى 

سلمى :

_جميل يا شوشو ...وانت يا ادم هجيبلك لبس عشان الحفلة 

عشق :

_مامى هو هيلعب من العابى 

ادم :

_مش بلعب العاب عيال صغيرة 

سلمى :

_لاء ادم هجيبله العاب كتير وانتى يا عشق بطلى لماضة 

......

فى فيلا اسلام 

إسلام بغضب :

_يعنى اى مشيت انتى اتجننتى 

جنات بخوف :

_م معرفش هى الصبح مشيت وكانت بتكلم حد وتقوله انها هتاخد مصطفى انا روحت وجيبت مصطفى وبدر ومعرفش حاجة

مصطفى ببكاء :

_عاوز ماما 

إسلام بغضب :

_خليكى هنا متتحركيش فاهمة ....مصطفى خليك هنا ماما راحت مشوار هروح اجيبها 

اومى مصطفى بموافقة ...غادر اسلام والغضب يعتليه بشده 

فى الصعيد حيث بيت كبير للغاية كانت تقف مريم بالداخل ...جرت عليها سيده ثلاثينيه واحتضنتها رادفة :

_مريم والله ليكى واحشه 

مريم بحزن وظهرت اثار الدموع على وجهها رادفة :

_ازيك يا جميلة 

جميلة :

_الحمدلله زين والمفجأة حبلة 

مريم بحزن :

_فين عمى يا جميلة 

جميلة :

_نسيت صح اى اللى جابك يا بت ده عمك لو شافك مهيسبكيش 

قاطعهم وجود العم هذا الرجل الوقور المهاب بشدة يقف بجمود رادفا :

_بت ناجى اللى عاصتنى هنا 

وضعت مريم رأسها ارضا رادفة :

_عمى ....زمان كنت بتحمى فى اسلام منك ومنك عمامى النهارده عاوزة اتحمى فيكو منه عارفة انى عصيتك بس مليش مكان أروحله غير هنا والدم بيحن يا عمى 

ظل العم صامتاً لمدة يفكر ...ومريم تقف ببكاء منتظرة حكمه حتى فتح ذراعيه ...جرت عليه مريم واحتضنته 

مريم :

_شكراً يا عمى 

عبد الصبور :

_جوزك عمل فيكى اى 

مريم :

_عاوزة اطلق يا عمى 

عبدالصبور :

_سهل يا بتى وناويه على ايه بعد كده 

مريم :

_هقعد هنا يا عمى انا وابنى 

عبد الصبور :

_ابنك معاه يا بتى 

مريم بإيماء :

_اه ... بس متأذيهوش يا عمى انا عاوزة ابنى بس

جميلة :

_كيف يا بت عمى ...عمى لازم ياخدلك حجك وحجنا هو جتله

عبد الصبور بغضب :

_جميلة اجفلى خشمك ....اطلعى نضفى اوضه لبت عمك ونيميها شكلها تعبانة ...لينا حديد تانى يا بت ناجى 

صعدت جميلة ومعها مريم لأحدى الغرف فى هذا القصر الضخم 

دخلت مريم بحزن فهذه الغرفة التى كان بها إسلام ومريم من قبل ...نزلت دموعها بقهر شديد وهى تتذكر كلمات جنات 

فجنات لعنة عليها 

جميلة :

_منورة يا بت عمى ...اجعدى هنا وانى هجبلك خلجات

مسكت بها مريم بضعف رادفة :

_هو عمى ممكن يقتل اسلام 

جلست جميلة بجانبها رادفة :

_معوزهوش يموت عتحبيه يا بت عمى

كانت عيون مريم ارضا تتذكر إسلام وتتذكر كل لحظاتها الجميلة معه نعم الحب مسيطر عليها لكنها تخشى منه وتخشى على كبرياؤها الذى حطمه 

لتردف بحزن :

_اتجوز عليا 

جميلة :

_هما كده الرجالة عينيهم زايغه ولا يهمك يا بت عمى بكرا تجوزى سيد سيده بس متجوليش لحد انك خرج بيت 

اومت مريم بحزن وضعف ممسكه يدها بترجى 

مريم :

_عاوزة منك خدمة ...لو عمى هيعمل لإسلام حاجة قوليلى 

جميلة :

_بس كده من عيونى ...هروح اجبلك لجمه 

.......

فى قصر المهدى كان ادم يعدل ملابسه ويضع العطر حيث كان وسيما للغاية يلبس بنطلون وقميص اسود يبرز عضلاته جاءت سلمى من خلفه تلبس فستان اسود طويل اكمامه كامله لكنها شفافة ...كانت ممسكة جاكته مبتسمه بهدوء 

نظر عليها من المرءاه ...البسته جاكته لتبقى قريبه منه تنظر له 

بصمت وتأمل ...عبرت لغة العيون عن كل مابداخلهم من عشق 

بعد كثير من الصمت اقتربت منه وهى تمسك بيده 

نظرت له بإمتنان لتردف :

_أنا اسفة 

نظر لعيونها التى تشبه عيونه بشدة الفارق كان عيون سلمى عسلى داكن على العكس من ادم ...رفع يدها وطبع عليها قبلة

سلمى :

_انا والله فتشت تيليفونك عشان  

وضع يده على فمها رادفاً :

_شاكة فيا انا عمرى ما شوفت واحدة غيرك مكتفى بيكى 

سلمى بحزن :

_انا كنت مشوشه ولما شوفت المحادثه اتشوشت اكتر 

مسك وجنتيها بهدوء رادفاً :

_بحبك يا سلمى كل يوم حبى ليكى بيزيد وبتعلق بيكى اكتر عمرى ما اخونك ولا افكر 

سلمى :

_أوعدنى يا ادم انا عاوزة وعد انك تكون ليا انا وبس وحبك ليا يكون دايم 

سحب يدها ووضعها على قلبه ونظر لها رادفاً :

_أوعدك يا سلمى دقات قلبى دى لما متدقش ليكى هتبقى اتوقفت لأنها متقدرش تدق لغيرك ... انا مش هخزلك قدام نفسك لأن حبك ليا عمرة ما كان ولا هيكون غلطة 

أحتضنها وهو يتنفس بإرتياح لتردف :

_مش هعمل كده تانى 

أدم :

_مبعرفش ازعل منك ولا اشوفك زعلانة خلاص حبيتك  

قاطعهم دق الباب ليردف  :

_سيبينى اشوف مين بيخبط 

سلمى :

_انا هنا متدفيه خليك سشوية كمان 

تركها رادفا :

_انا مش هطير يلا عشان ننزل الحفلة 

كاد ان يمشى مسكت يده بإبتسامة ساحرة لتردف بصوت منخفض :

_بحبك يا ادم 

ادم :

_عارف ومشكتش لحظة فى ده 

فتح ادم الغرفة ليجدها مليكة بعد ادم عنها رادفا :

_فى اى يا مليكة 

مليكة :

_إسلام عاوز سلمى ....بس مش عارفة ماله غضبان لى 

ادم :

_طيب انزلى واحنا هننزل وراكى 

اومت مليكة بموافقة ونزلت للأسفل بينما سلمى كانت منشغله بوضع القرط بأذنيها 

اخذ ادم القرط والبسه لها لتنظر له بتوتر رادفة :

_ماله إسلام 

ادم :

_معرفش ...هاتى التانى 

اعطته الأخر ..اخذ يضعه بدقة لتبتسم خجلا وعى تحول نظرها عليه ...انتهى ادم من وضع الأقراط ونظر لها من بعيداً ليجدها فى كامل زينتها وبريقها ...امرأه جميلة وساحرة ليردف :

_مراتى اجمل واحدة فى الحفلة 

وضعت يدها بين ذراعه برقة وخرجت معه بسعادة ...لايهمها سوى هو تنظر لملامحه الوسيمة وتشد بيدها على ذراعه 

اما رودينا فكانت ترتدى فستان من اللون الأسود قصير يصل لركبتيها وتجعل شعرها للأعلى على شكل فورما وتضع من مساحيق التجميل التى اظهرتها واظهرت بياض بشرتها واوضحت رسمة شفتاها وعيونها المسحوبة لبست حذاء طويل جعلها طويله اكثر ما كانت خرجت من غرفتها وجدت وليد الذى ارتدى بدلة زرقاء وقميص ابيض التفت لرودينا ليجدها تتقدم نحوه بتوتر مد لها يده يحاول ان يصطنع الأبتسامة وضعت يدها على يده بخجل نزلا سويا والجميع يصفق ماعدا سلمى وادم حيث كانوا فى غرفة المكتب لأدم ومعهم اسلام 

اسلام بغضب :

_سلمى قولى الحقيقة 

سلمى :

_حقيقى يا اسلام معرفش مريم فين ومش فاهمه اى اللى حصل 

ادم :

_متقلقش هنلاقيها هى تيليفونها معاها 

إسلام :

_اتصلت بيه لقيته عند المديرة بتاعت المدرسة 

ضرب اسلام على المكتب بغضب لتربط سلمى على كتفه رادفة :

_كله من جنات هى اللى عملت كده 

إسلام :

_انا رايح ادور عليها 

ادم :

_استنى انا جاى معاك 

اسلام :

_لاء خليك مع بنت عمك 

خرج اسلام سريعا كالمجنون عليها والدموع تنزل من عينه ...ليكور يده بغضب شديد من نفسه ومنها ومن كل شيئ حدث له فحياته معقدة حتى حبه تركته ولم يعرف اين هى 

اخذ يمشى بالشوارع لا يعرف الى اين يذهب 

وليد بإبتسامة مصطنعة: 

_افردى وشك الناس بتبص علينا 

ابتسمت رودينا وهى تنظر له بإعجاب فهو وسيم بشدة وعيونه الخضراء تزيد تلك الوسامة 

اولفت بفرحة :

_مبروك يا رودينا مبروك يا وليد 

ابتسمت رودينا بهدوء بينما وليد اردف :

_الله يبارك فيكى 

سلمى بإبتسامة وهى تحتضن رودينا  : 

_مبروك يا رودينا 

رودينا :

_الله يبارك فيكى يا سلمى 

صافحت سلمى وليد وهى تنظر له بإمتنان رادفة :

_مبروك وليد 

وليد :

_الله يبارك فيكى 

ظلت رودينا تنظر ل أدم بحزن حتى اقترب منها ومسك رأسها ليضع قبله على جبينها رادفا :

_مبروك يا رودينا 

رودينا بفرحة :

_الله يبارك فيك يا ادم 

ربت ادم على كتف وليد رادفا  :

_خلى بالك منها يا وليد 

وليد وهو ينظر لرودينا رادفا :

_اكيد يا ادم 

وقف ادم وسلمى فى زاوية بعيدة يقف بجانبهم ادم وعشق 

حاوط ادم كتف سلمى بحنان رادفا :

_فاكرة يوم فرحنا 

سلمى :

_كان يوم حلو اوى نفسى يرجع بينا الزمن لليوم ده 

ادم بمزاح :

_يا راجل كان يوم حلو 

سلمى :

_اه طبعا مش ده اليوم اللى اتكتب اسمك فى حياتى فيه 

ادم :

_كنتى حلوة اوى بالفستان الأبيض وشعرك الدهبى بيطير كنتى اميرة صغيرة 

رسمت سلمى ابتسامة جميلة بفرحة من كلماته لتردف :

_ودلوقتى 

ادم :

_انتى مبتتغيريش جمالك بيتجدد ...انتى سلمى حبى الأول والأخير 

وضعت سلمى يدها على يده التى تحاوط ذراعيها مبتسمة 

جاءت مليكة لهم رادفة :

_سلمى اى رأيك 

نظرت عليها سلمى بإعجاب فكانت مليكة تلبس فستان قصير من اللون الوردى الداكن جعلها فاتنه بشدة بينما ادم كان ينظر على سلمى 

سلمى :

_جميلة جدا يا روحى 

مليكة :

_انا عارفة ....ادم شارد لى 

انتبه لها ادم لتتابع :

_اى رأيك فى الفستان ده يا ادم 

ادم :

_حلو 

سلمى :

_ادم انا مكسوفة اوى 

ادم :

_ليه 

سلمى بضحك :

_انت اطول منى اوى ياريتنى لبست كعب 

ليضحك ادم رادفا :

_هيبان اكتر لما تيجى ترقصى معايا دلوقتى 

سحب يدها وقبلها تحت غيظ مليكة لتلتفت لرودينا ووليد 

حيث كانا يرقصا كانت رودينا تضع يدها برقة على قلبه ويمسك اليد الاخرى ويرقصا على انغام هادئة 

رودينا :

_هو انت بتعمل كده ليه... عشان ادم 

وليد :

_مش مهم ليه الأهم اننا هنتجوز 

رودينا :

_هو مهم الجواز بالنسبالك 

وليد :

_فى حد يكره انه يتجوز 

رودينا :

_وهطلقنى امتى 

وليد :

_احنا فى الفرح يعنى مش مهم تسألى عن الطلاق دلوقتى 

رودينا فى نفسها : كان نفسى يكون كلامك ده من قلبك وتكون بتحبنى ياوليد بس واضح ان مليش حظ

.....

فى احدى العمائر يقف إسلام بغضب رادفا للبواب :

_يعنى مدام مريم مجاتش هنا 

البواب بخوف :

_والله يا باشا مجتش 

ترك إسلام قميصة وغادر العمارة بغضب لايعرف اين يذهب 

اخذ يمشى شوارع كثيرة حتى توقف بتشوش يمسك رأسه وبصوت عالى اردف :

_مررررررررريم 

........على الجانب الأخر 

حاوط ادم خصر سلمى وهو ينظر لها ولإبتسامتها الجذابه وضعت سلمى يدها تقربها لقلبه والأخرى بيده لتردف :

_رغم تشوشى والمى نسيت كل حاجة ...امام تلك النظرات 

اقترب منها لتبقى رؤسهم متقاربه اغمضت سلمى عيناها ليردف  :

_انها عيونك سيدتى جعلتينى قيس مجنون بك 

لتبتسم سلمى وهى مغمضة العيون لتردف :

_سنظل سويا طوال العمر وتظل روحنا واحدة 

أدم :

_خلاص يا بنتى هو انا اتجوزت مدرسة لغة عربية 

سلمى بضحك :

_دايما بتفسد اى حاجة والله صوتك كان حلو بيها انا شوفت الفيلم كده 

أدم :

_سلمى احنا غيرنا كلام كتير من اللغة العربية الفسحى للغة العامية ماعدا كلمة واحدة 

سلمى بخجل :

_هى اى 

أدم :

_بحبك ...بتتكسفى منها انتى كبرتى على الكسوف ده 

تغيرت ملامحها للغضب :

_انا كبرت بجد شكلى كبر قول

أدم بضحك :

_ده شكل واحدة كبرت ده شكل عيلة صغيرة 

أقترب من اذنيها رادفا :

_ستظلى طفلتى 

ابتسمت سلمى بإرتياح وفجأة تذكرت مريم لتردف :

_انت مستنى كل حاجة فى حياتى انا مكنتش كده 

ادم :

_فى اى

سلمى :

_لازم اروح لمريم دلوقتى 

أدم :

_طيب استنى كده كده المئذون جاى يكتب الكتاب ونروح انا واثق انها كويسة 

سلمى :

_يارب تفتكر هى فين 

أدم :

_عند عمامها 

سلمى :

_نعم وانت ايش عرفك 

اقترب من اذنها رادفا :

_مش لازم تعرفى اهم حاجة عرفتى 

بعدت سلمى رأسها رادفة  :

_لاء انا عاوزة اعرف بجد هى عند عمامها

أدم :

_اه والله ...عاوزة تعرفى 

سلمى :

_اه ياريت 

أدم :

_لاء مش هقولك عشان انتى دوختيى كتير دوقى بقا 

بعدت عنه بغيظ لكنه اوقفها عندما تمسك بيدها رجعت له مرة اخرى اخذ يديرها بيده ويجذبها له وهى تضحك ...فكانت رقصتهم مبهرة ...اصبح أدم وسلمى متشابهان للغاية ...جذبها له رادفاً :

_بحبك يا سلمى 

وبعد ساعة وصل المئذون كانت رودينا خائفة وخجلة للغاية اما وليد لم يشعر بأى شيئ فهو لا يبالى او تفرق معه 

نظرت له رودينا بتوتر فبعد قليل ستكون على أسمه كانت رودينا مرتبكة بشدة ..

اولفت :

_الله يكون فى عونك منها رودينا مجنونة ...حافظ عليها 

ليبتسم ابتسامة وسيمة وينظر لروينا رادفاً :

_اكيد هخلى بالى منها

بعد وقت قصير من شرود رودينا سمعت جملة المئذون :"بارك الله لكما وعليكما وجمع بينكما فى خير "

ابتسمت رودينا بفرح وخجل اما مليكة فكانت تقف بغيظ رادفة :

_Annoying "مزعج"

بعد قليل من التهنئة والمعازيم غادرو الحفل...نهض وليد ومد يده لرودينا لتنظر متأمله نظراته لها ...ظلت متسمرة بإعجاب حتى وضعت يدها الرقيقة على يده مسك يدها ووضع قبلة على جبينها بينما هى مغمضة العيون 

وليد :

_مبروك 

رودينا :

_الله يبارك فيك 

ربت ادم على كتفه ممتناً ليردف :

_وليد شكراً 

ليومئ وليد وقد أخذ رودينا التى كانت متوترة بشدة 

خرج ادم ومعه سلمى وانجها لفيلا اسلام 

سلمى :

_ممكن نتمشى مش عاوزة اركب عربية 

_براحتك انا هركب عربية 

سلمى :

_ادم 

ادم بضحك :

_يلا يا سلمى بهزر 

وكزته سلمى على كتفه رادفة  :

_صدقت والله 

أدم :

_ده لأنك شخصية جدية جدا مبتهزريش غير مرة فى السنة 

سلمى بحزن :

_بجد يا ادم انا جادية 

ادم :

_اه والله انت متعرفيش ده واى حاجة بتحصلك لازم تعيطى 

مسكت سلمى يده بمرح رادفة :

_لاء ده زمان علفكرة انا اتغيرت ... ادم انت متعرفش انى دخلت مصحة 

أدم بدهشة :

_ده بجد 

سلمى :

_اه والله للأمراض النفسية كل ده عشانك 

أدم :

_لدرجادى انا مهم 

سلمى :

_انا كنت فى كابوس محدش بيعرف قيمة الحاجة غير لما تضيع منه ...انا فضلت اصرخ واقول لاءه ادم 

قبل يدها رادفاً :

_انا كنت بحس بيكى احيانا يحس بيكى واحيانا بحلم بيكى 

زى ما بيقولوا روحنا اتصلت 

سلمى بخوف :

_ادم هو مفيش حد فى الشارع لى انا خايفة 

أدم :

_خايفة وانتى معاكى ادم 

مسكت به بخوف شديد من العتمه ليردف :

_يا بنتى اتهدى انا ماشى معاكى 

تشابكت اصابعهم لتضحك سلمى بخجل تحاول فك يدها لكنه ممسك بقوة حتى وصلا للفيلا لتوقفه بحذر 

سلمى :

_ادم انت متأكد ان مريم عند اعمامها 

أدم :

_بصى ملكيش دعوة بحاجة انا هحل كل حاجة 

اومت سلمى رادفة :

_انا خايفة اوى  على مريم وإسلام كمان تلاقيه منهار 

قابلتهم جنات التى تصطنع الحزن رادفة :

_سلمى شوفتى اللى حصل مريم هربت

سلمى :

_فين اسلام 

جنات :

_معرفش هو راح يدور عليها ولسة مجاش 

سحبتها سلمى للداخل رادفة :

_عوزاكى شوية 

دخلت سلمى ومعها جنات لإحدى الغرف بينما أدم منتظر إسلام 

جنات :

_فى اى يا سلمى 

سلمى :

_انا اكتر واحدة عارفة مريم ...مريم بتحب اسلام من يوم ماكانت طفلة عمرها ما تعمل كده 

جنات :

_وانا مالى اصلا 

سلمى بإنفعال :

_كدابة انتى تعرفى كل حاجة تعالى دوغرى وقولى 

جنات بارتباك  :

_معرفش يا سلمى 

سلمى :

_طيب عموناً تيليفون مريم مع اسلام ممكن نفتحه قدام اسلام ونشوف مراسلاتك ليها 

فى الخارج جاء إسلام ليجد ادم الذى انشغل بالهاتف 

إسلام :

_أدم لقيتوا مريم 

أدم :

_لاء يا اسلام ثوانى اخلص التيليفون ...سلمى جوه 

اتجه إسلام لتلك الغرفة التى بها سلمى وجنات وكاد ان يفتح ليتوقف عندما سمع جنات 

جنات :

_ايوا يا سلمى انا اللى قولتلها ان اسلام مسمحهاش وبيضحك عليها عشان ياخد مصطفى 

انصدمت سلمى منها ...ليفتح إسلام الباب بصدمة شديدة 

......

انتهى البارت ...."رأيكوا مهم "

توقعات 

_إسلام ممكن يعمل اى ومريم هتعمل اى 

_ادم وسلمى هيواجهوا خطر تانى واللى هو مليكة ...سلمى هتسامح فريدة او لاء 

_هل فى حب بين رودينا ووليد هيتولد او رودينا ملهاش حظ  

        الحلقه الواحد والعشرون من هنا