(حب وانتقام ♥️🔥)البارت التالت
(نادية) يوسف يلا اصحى الساعه 8 هتتأخر على الجامعة
(يوسف بخضة )مصحتنيش من بدري ليه يا ماما يعني انهارده اول يوم وهتأخر كده ينفع يا ست الكل
(نادية) قوم بس اجهز علشان متتأخرش اكتر من كده
(يوسف )اه صح انا هقوم اهو
بعد ما يوسف خلص وراح الجامعة بيجري علشان يلحق المحاضرة قبل ما تبدأ وهو بيجري من خير قصده اتصدم ببنت
(يوسف) انا اسف جدا مكنتش اقصد
(كارمن )هيفيدني بأيه اسفك هو انت اعمى ولا حاجه هات الكتب من الأرض
(يوسف) اول حاجه انا اعتزرت منك فمسمحلكيش تغلطي فيا واتفضلي الكتب اهي وسابها ومشي
في المحاضرة
(هيثم)اتأخرت ده كله ليه كويس انك دخلت قبل المستر
(يوسف) قومت متأخر والي ذاد عليا بنت برا الكلاس اول مرة اشوفها في الجامعة
(هيثم) ممكن تكون طالبه سنة أولى
(يوسف) لا باين عليها اكبر من كده المهم ركز في المحاضرة علشان منطرتش برا الكلاس
(هيثم) اه يا عم المجتهد ركز
_______________________________
(ريتاج) كارمن حبيبتي اخيرا جيتي من كندا وحشتيني اوي
(كارمن ) والله وانتي اكتر يا جوجو انا جيت اهو يا ستي ومش هروح تاني متزعليش
(ريتاج) اشطا هنخربها بقاا سوا
(كارمن ) ايوة امال ركزي بس وأما المحاضرة تخلص نتكلم
_________________________________
في البريك
(ريتاج ) تعالي نقعد هنا على ما مهند ومانو يجوا
(كارمن ) مين دول بقاا يا مسكرة
(ريتاج)هيثم ده يا ستي حبيبي واحسن حد في حياتي
(كارمن ) اممم ماشي يا ستي طب وبالنسبة للاخ التاني حبيبك هو كمان ولا ايه
(ريتاج) لا يا بنتي هو انا هحب اتنين مثلا يوسف ده اكتر واحد جدع شفته في حياتي انا وهو صحاب اوي
(كارمن ) مش شايفة حضارتهم يعني هما نسيوكي ولا اي
(ريتاج) اهم جايين يا ستي
(هيثم) اهلا بالعسل 😉
(ريتاج) اهلا يا استاذ كنتوا فين ده كله
(هيثم) والله يا بنتي المستر كان غتت وطول
(ريتاج) ماشي يا سطاا اقعد بقا
(يوسف) انا هنا على فكره نسيتيني ولا ايه
(ريتاج) لا يا عم هو انا اقدر ده انت الأصل
(يوسف) ايوة كده
(ريتاج) اه صحيح نسيت اعرفكم دي كارمن وده هيثم ومانو يا كارمن
(هيثم) اهلا يا كارمن اول مرة نشوفك هنا
(كارمن ) ايوة انا دراستي كانت في كندا بس اما نزلت القاهره قدمت هنا في الجامعة
(هيثم) تمم يا ستي ادام جيتي هنا مش هتقدري تسيبينا تاني
(يوسف) طبعا احنا اتعرفنا برا بس مكنتش الطريقة لطيفه
(كارمن ) ايوة بس انت الي غلط يا يوسف
(يوسف)يا ستي خلي قلبك طيب ونبدأ نتعرف من تاني ومد أيده وقال ليها انا يوسف كارمن مدت ايديها وقالتلوا انا كارمن
وانتهى اليوم بعد ما اتكلمو مع بعض الأربعة وفضلوا يهزروا
________________________________
(دينا )هو انا مش قولتلك هقدملك في جامعة خاصة تروحي انتي تقدمي في جامعة حكومية ليه
وهنا انتهى البارت اتمنى تعجبكم
