الفصل الثامن عشر
يوسف فتح الباب وواقف منبهر........
رهف : استاذ يوسف
يوسف : اللهم صل على النبي اي الجمال ده
ابورهف : دكتور يوسف
يوسف انتبه بأن والدتها و والدها واقفين ويقول بتسرع : اتفضلوا
دخلوا وكانت رهف منحرجه جدا من الموقف ودخلت غرفه فرح
الأم : ازيك يا رهف
رهف :الحمد لله انتي عامله ايه
الام: الحمد لله
رهف :مبرووك لفرح
الأم : الله يبارك فيكي عقبالك
رهف :ميرسي
فرح : رههههف
رهف :اي يا بت
الأم : طيب انا هخرج هعقد شويه مع امك
رهف وفرح بنفس الوقت :تمام
خرجت الأم من الغرفه
فرح : رهههف
رهف :اي يا هبله
فرح : شكلي حلو
رهف : اها اي يا بت اي الجمال ده قمر ماشاء الله
فرح : قولي واللهي
رهف : واللهي يا بت عسوله اوي
فرح: تسلميلي يا عمري بقولك
رهف :قولي
فرح : هو انتي هتقولي رايك امتي في موضوع جواز اخويا انتي موافقه
رهف :....
فرح :لولولووووووي
دخلت الام وتقول : في اي يا فرح
فرح :مفيش ده بس من فرحتي
الأم :طيب يلا هنزل دلوقتي
فرح : ماشي ماما بقولك
الأم :اي
فرح :هاتيلي العصير مانجا ده معلشي هشرب بوق
الأم :يلا يا مجنونه
رهف : بت يا فرح اعقلي شويه مش كده
فرح :ماشي بس بجد لو رجعت ولو ملقتش العصير هزعل منكو
الأم : واللهي يا فرح لو كلمه زياده هحلف ما انتي راحه ولا جايه
فرح أسرعت الي خارج والأم تضحك بشده
الجميع غادروا من المنزل وأنطلقوا بالسياره
ووصلوا للقاعه وبنفس التوقيت وصلت مني وعائلتها
فرح نزلت من العربيه
فرح :مني ازيك
مني :ازيك يا عروسه اي الجمال ده
فرح :مش أجمل منك
وخالد وباسل جاءوا إليهم وخالد يقول لا أبو فرح : ازيك يا عمي
ابو فرح: الحمد لله يا ابني
خالد سلم على الكل وباسل كذلك سلم علي الكل ودخلوا
المأذون : نبدأ بمين بخالد باشا ولا باسل باشا
خالد بتسرع : انا
المأذون : تمام
المأذون انتهي الكتب مع خالد وبدأ مع باسل وانتهي الكتب الكتاب بخير وفرح بكل الأهالي وأم فرح تزغرط لابنتها وخاله مني أيضا تزغرط لمني بفرحه وكل الموجودين مبسوطين
لكن يوسف جالس حزين ويقول في ذهنه : انا مش قادر اصبر هموت واعرف رهف موافقه ولا لا انا لازم اتصرف
يوسف يقول بصوته عالي : انسه رهف تقبلي تتجوزيني
الكل انتبه بإندهاش ليوسف
رهف بخجل :......
ابو رهف : اي يا ابني مش قولت هرد عليك بكره
يوسف بحزن : انا مش قادر اصبر يا عمي مبتغبش عن بالي كل دقيقه وثانيه بفكر فيها
ابو رهف يقول بسعاده : رهف موافقه واحنا موافقين يا ابني
يوسف بفرحه : بجد
ابو رهف : هو اي اللي بجد هو الحاجات دي في هزار
يوسف :اسف يا عمي مش قصدي هو ممكن طلب
ابو رهف : اتفضل
يوسف يقول بسعاده : انا معايه الخاتم وهلبس بنت حضرتك هلبس الخاتم دلوقتي
أبو رهف: انت مستعجل اوي ليه
ابو يوسف : اي يا ابني الاستعجال ده
يوسف : ولا استعجال ولا حاجه كده كده هي هتلبس الخاتم سواء النهارده أو بكره هي هتلبسوا
ابو رهف يقول بسعاده :وانا معنديش المانع يا ابني أهم حاجه سعاده بنتي
يوسف يقول بفرحه يقول لأمه : أمي اتفضلي لبسيها الخاتم
الأم بفرحه : حاضر يا حبيبي
الأم تِلَبِس الخاتم لرهف
ورهف كانت وجهها محمر من شده كسوفها وتقول :ميرسي يا طنط
ام فرح وام رهف يزغرطون بنفس التوقت
ويقولون : مبروك يا عرايس
رهف: الله يبارك فيكوا يارب
يوسف :الله يبارك فيكوا يارب
عند فرح وخالد
فرح : ههههههه هموت مش قادره كل ده يطلع منك يا يوسف
خالد بغضب :فرررررح انا قولتلك اي قولتلك متنطقيش اسم راجل غيري
فرح : ماشي وبعدين انت مالك انطق ولا منطقش
خالد :فرح اتلمي وبعدين انا جوزك
فرح :....
عند باسل ومني
باسل : مبروك يا مني
مني : الله يبارك فيك تصدق يوسف ده طلع چنتل مان
باسل : مين يا ختي
مني : جنتل مان
باسل : منيييي ولو كلمه زياده هقتل يوسف وهقتلك وهقتل نفسي
مني: متزعلش خلاص اسفه
باسل : هو انا اقدر ازعل منك
مني :ربنا يخليك ليا
باسل : ويخليكي ليا يا رب
عند يوسف
يوسف اخذ المايك ويغني لحبيبته رهف يغني اغنيه اوعديني لرامي جمال
اوعديني
لو زعلتي مرة مني تعرفيني
لو جرحتك غصب عني تحسسيني
متشليش جواكي حاجة تحكي ليا كل حاجة
لما هفهم هبقى احسن صدقيني
اوعديني
لو نسيت يا حبيبتي نفسي تفوقيني
لو خدتني الدنيا منك ترجعييني
لو في لحظة ذاد غروري
اشتكيله وثوري
بس اوعي يوم تروحي وتسبيني
انتي قلبي وانتي روحي وانتي عيني
حد عايز أعيش معاه لآخر سنيني
انتي بالنسبالي مش حب في حياتي
انتي كل حياتي فعلا افهميني
وكان صوته جميل وجذاب وينظر لرهف بحب وسعاده ورهف خجولة جدا ووجهها محمر من كثره الكسوف وخالد ينظر لرهف أن لاتنظر ليوسف ولا تبتسم إليه وبالفعل لم تنظر إليه بسبب غضب خالد
يوسف بعد ما انتهى من الاغنيه الكل يصفق إليه والكل فرحان وسعيد
ام يوسف : اي الرومانسيه دي يا واد يبقي كل ده يطلع منك وصوتك الجميل ده طلع فجأه
يوسف وينظر لرهف : اعمل اي بقا وقعت خلاص
ام يوسف : بصلي هنا مش بكلمك
يوسف وينظر لرهف ورهف تبص في جهه تانيه من شده خجلها ويقول:نعم يا حبيبتي وعنيا وروحي وعشقي
الأم : يوووسف بصلي هنا انا بكلمك
يوسف :عارف يا عنيا
الام: لا بجد انت هتجبلي حاجه الليله دي
يوسف وينظر لرهف : ده انا اجبلك الحلو كلوا بس انتي اطلبي
الام: الواد اتجنن يخربيت الحب وسنينه
يوسف : أمي
الأم :نعم
يوسف :انا هكتب كتابي بكره علي رهف تمام
الأم :تمام بس لسه موافقه العروسه واهلها
يوسف : انا هصرف
الأم : اها طبعا زي ما صرفت النهارده
يوسف : ايوا بالظبط كده
ام خالد جاءت وتقول : اخبارك اي يا أم يوسف
أم يوسف : الحمد لله وانتي عامله ايه
ام خالد : تمام الحمد لله
أم يوسف : دايما يارب
ام خالد :ماشاء الله فرح وخالد حلوين ربنا يبارك فيهم ويهنيهم يارب
أم يوسف : يارب
أم خالد : مش يوسف هيجوز الايام دي
ام يوسف : ايوا هيكتب كتابه بكره
ام خالد بفرحه : طيب كويس ممكن نعمل فرحهم مع بعض فرح وخالد ويوسف ورهف وباسل ومني وعلاء وجوليا اي رايك يا ام فرح نعمل الفرح مع بعضهم
أم يوسف : فكره جميله هيبقي الفرح جميل جدا
ام خالد :خلاص الفرح يوم الجمعة الجاي بإذن الله
أم يوسف :تمام وناخد رآيهم الأول إن الفرح يوم الجمعة
ام خالد : تمام هتاكدلك بكره ان فرح يوم الجمعة بإذن الله
ام يوسف : تمام بإذن الله
أم خالد عادت الي مكانها
ام يوسف :يوسف انت كنت فين كده
يوسف بفرحه : كنت بتفق مع أهل رهف إن بكره الكتب الكتاب
أم يوسف : بجد مبرووك يا إبني واخيرا هتجوز
عند جوليا وعلاء
علاء :جوليا
جوليا :نعم
علاء :مش انا قولتلك متلبسيش حاجه ضيق
جوليا : ايوا بس مهواش ضيق
علاء :لا ضيق وأول مر تروحي ترمي في زباله احسن تمام
جوليا : تمام بس روق نفسك
علاء :تمام واي الجمال ده ربنا يحميكي
جوليا بخجل : ميرسي يارب ويحميك
عند فرح وخالد
خالد : مبرووك يا عروستي
فرح : الله يبارك فيك
خالد : واخيرا يا فرح بقيتي مراتي واختي وامي وكل حاجه ليا انا وبس ربنا يخليكي ليا
فرح :يارب ويخليك ليا يارب
خالد يارب
وعدت الليل بالخير وسلام علي أبطالنا والكل فرحانين ومبسوطين
وفي الصباح المشرق
منزل أحمد عبد الله
فرح تستيقظ من النوم و نفس الروتيني اليومي وخرجت من غرفتها وتقول : مااماا يااا ماااما
الام: اي يا بت اهدي شويه
فرح:انا جعانه اوي
الأم :طول عمرك
فرح : ههه ماشي يا عسليتي امال بابا فين ويوسف
الأم : ابوكي بره بيجيب شويه حاجات للبيت ويوسف بره في الشغل
فرح : امم تمام يعني هنعمل الفرح انا واخويا مع بعض حاجه جميله اوي ده أم خالد تفكيرها جباره
الأم : اتلمي يا بت هو اي لجباره
فرح : هو انا قولت حاجه ده الست دي ذكيه اوي حماتي ربنا يبارك في عقلها عقلها يجنن
الأم (وتحدف لها الشبشب) وتقول : امشييي من قدامي
فرح :مأجتش عليا يا سكره
ودق الجرس
فرح :ده اكيد بابا أو يوسف
الأم :لا مش هما علشان هما معاهم المفتاح البيت
فرح : طيب انا هلبس الطرحه وهفتح
الأم :تمام
فرح ارتدت الطرحه و فتحت الباب وتعجبت من رؤيتها هذا........
