الحلقة الخامسة
هل يجب أن أجرح كرامتى وأسامحك هل يجب أن أنسى ... لا أعرف الى اين انا سأصل ولكن الذى أعرفه اننى تائهة مابين عشقك الذى بقلبى وألمى وجراحى الذى سببتها لى ......احبك عمر ولكن ان أذيتنى بشده جعلتنى أتمنى الموت ....جعلتنى احتقر ذاتى بشده لأنها احبتك ......(سلمى)
نظر عمر الى الصوت الذى أمامه ليجدها دانة
دانة : مين البنت اللى كنت بتكلمها هنا
عمر : بنت بنت مين
دانة : انا سمعت صوت بنت هنا
عمر بلجلجة : دى كانت بنت تايهة ومش عارفة ترجع الحفله فدليتها
دانة :بجد
عمر بكدب :اه
دانة : طب تعالى نرجع الحفلة
ظل أدم قلق على سلمى الى ان قرر ان يبحث عنها وكان سيمشى
تلاحظ عاليا قدوم سلمى لتقرب من أدم وتضع يدها برقه على بدلته
عاليا بوقاحة : رايح فين يا دومى
أدم وهو يبعدها :هدور على سلمى عشان اتأخرت
وادار نفسه ليجدها أمامة قلقة للغاية
أدم : أتأخرتى لى كده ....ومالك متوترة كده لى
سلمى بتوتر : م مفيش أصلى توهت بس
عاليا بضيق : أدم متيجى نرقص الرقصه دى
أدم : معلش يا عاليا اصلى هرقص مع سلمى
يمد يده لها وطلب منها ان ترقص معه فوافقت
دانة : هما راحو فين
عاليا : اوف راح يرقص معاها ورفض يرقص معايا
كور عمر يده بقوة وأسودت عينه بغضب شديد
سحب عمر دانه وهو يقول .....تعالى هنرقص..
كانت عاليا واقفه بغضب وذاد اكثر عندما سمعت جمله أولفت
اولفت : ربنا يحفظهم ...لايقين على بعض اوى
كان ادم يدير سلمى التى كانت كالفراشة وجذبها اليه
أدم :مالك يا سلمى نبضك زايد كده لى
سلمى : م مفيش أنا كويسة
لينظر أدم لعيونها الحائرة بشدة وطال النظر لها
أدم : سلمى
سلمى : نعم
أدم : عيونك حلوة أوى....اى حد يشوفهم هيحبك ......عاملين زى السحر
لتضحك سلمى من قلبها لأول مرة تضحك من قلبها بعد سنوات
سلمى : سحر ....ده انا حتى عيونى مش خضرا
أدم : بس حلوة واحلى من الخضرا وخليكى فاكرة انك انتى الوحيدة اللى بتعجبينى ومفيش فى بنت حلوة فى عينى غيرك
تنظر له سلمى بخجل من كلامه وكأنها تاهت فيه حار عقلها كيف تتركة وهو يحبها بشده ...حزنت عليه لأنه سيجرح مثلها وسيجرب نفس المها
..بس عارفه انتى محظوظة (ادم)
سلمى : لى بقا
أدم : عشان هتتخطبى ليا أنا أدم المهدى اللى كل بنات الشرق والغرب وقعوا فى غرامة
سلمى : لا والله ناقص تقول ان الناس بترتكب جرايم عشان يشوفوك
أدم : طبعاً .....لعلمك انا ظابط شاطر كمان ....انا ابص للواحد فى عينه اعرف مخبى اى
سلمى : والله
أدم بجديه : اه انتى مثلا وراكى ماضى مأثر عليكى عينيكى فيها الم والم قديم كمان
سلمى بكدب وتمثيل : اى الدراما دى ههههه
تنظر سلمى الى عمر الذى كان يتابعهم بعينه
وحانت رقصه تبادل الأشخاص لتدور وفجأة يلحقها عمر ويأخذها ترقص معه
عمر : بتهزرى معاه وتضحكى ولا كأنك عارفاه من سنة
سنه وهى تنظر له فكانت قلقه جدا وهى بيده وفى نفس الوقت تشعر بسعاده وتريد ان تعانقه بشده
سلمى بعدما افاقت من كلامه لتقول : وانت مالك خطيبى واهزر معاه براحتى ملككش دعوة بيا
عمر : بصى لنفسك لسه فى عنيكى حب ليا ..انا كمان يسلمى بحبك
عاليا وهى ترقص مع أدم بغل ثم تقول بمكر
عاليا : شايف يادومى سلمى اتعرفت بسرعه على عمر ازاى
لينظر أدم لسلمى يجدها تتكلم مع عمر وكأنهم يعرفوا بعض
كان ينظر لها فى عيونها
الى أن توقفت سلمى وخرجت من قاعة الرقصتاركه عمر بعصبيه ودانه وادم فى صدمه
دانة : فى اى ياعمر
عمر وهو يمشى بعصبيه : مفيش
أدم : سلمى عمر قالك اى
سلمى : مفيش
أدم :شوفته بيكلمك كأنك متعصبه
سلمى : اص اصل هو كان بيقولى انى لايقه عليك قولتله متشكرة .....اصل هو مديرى فى الشغل وكان سعيد اننا هنقى قرايب .....ادم
أدم :نعم
سلمى: انا عايزة اروح انا اتأخرت اوى على ماما
ليومئ أدم : طيب تعالى عشان تسلمى على ماما
سلمى : ادم
لتمد له هديه اخرجتها من شنطتها وتقول
((((((كل سنه وانت طيب )))))))
ادم : هو انتى بتتعبى نفسك لى ....وانتى طيبة
فتحها ادم فكانت اكثر من هديه كانت ساعه جميله جدا يبدو ان ذوقها جميل مثلها
ادم : حلوة جداً ....ذوق جميل ياسلمى
سلمى بخجل : شكرا
يخلع أدم ساعته ويمد لها
ادم : لبسهالى بقا
بالفعل مسكت يده برقه والبستها له وهو ينظر عليها بشوق
فيبدو انه وقع بغرامها
سلمى : خلصت
أدم : تسلم ايدك
سلمى ....اتفضل المصحف ده خليه فى جيبك خده معاك فى كل العمليات
أدم : شكرا اوى دى احلى هديه ...انا عمرى ماهشيله من جيبى
عمر وهو يتابع من بعيد : هتشوفى يا سلمى انك ليا ..مش هسيبك تبقى لحد غيرى لأنك ملكى وبس وانا هعلمك يا أدم ازاى تفكر تاخد حاجه منى
أولفت : هتمشى لى بسرعه طب حتى طفى الشمع وامشوا عيب لما تمشى كده الناس تقول مش مقدرنا
أدم : ياماما انا مش صغير
سلمى : مامتك عندها حق ..خليك انت انا كده كده هاخد تاكسى يوصلنى
أدم : لاء مفيش حاجه اسمها تاكسى زى ماجبتك هرجعك
أولفت :معلش يا حبيبتى ممكن تخليكى شويه كمان
سلمى : حاضر
ذهبت اولفت وتركت سلمى وأدم
سلمى : أنا مش صغيرة يا أدم عشان توصلنى ...كده ماما اولفت هتفكر انى انا اللى بقولك توصلنى وعايزة اتعبك
أدم : مش صغيرة بس لازم أوصلك ....واتعودى على كده
ذهب أدم ليترك سلمى بعصبيه : محسسنى انى بيبى مش هعرف ارجع لوحدى ....عودى نفسق انى على قده ....ده اسلام مبيعملشى كده
(((((سنه حلوة يا أدم ...سنه حلوة ياجميل )))))
كان يقف أدم بتأفأف من هذه العادات فهو ليس صغير
أولفت غمض عينك وانت بتتمنى الأمنية
ليطفئ الشمع ويغض عينيه ويفتحها وينظر لسلمى
خرج أدم وسلمى واوصلها ظلت طوال الطريق صامته
أدم : سلمى خدى
سلمى : اى ده
أدم : دى فيزا كارد عشان الفستان وكل حاجه تحتاجيها
سلمى بعصبيه : لا والله هو انا ممعيش فلوس ..أدم انت بتعصبنى
أدم : هجيبهولك انا وساعتها هتلبسيه بالعافيه
سلمى :انا اللى هجيب لنفسى كل حاجه
أدم : خلاص هاجى معاكى
سلمى : لا انا هروح انا ومريم
أدم : يرضيكى تزعلينى وانا ممكن اموت بكرا فى العمليه دى
سلمى : بعد الشر ومتزعلش بس مش هاخدها
أدم : خلاص انا جى معاكى
تشاجرا كثيرا وانتهت على ان سلمى : اخذت الفيزا بسبب تهديد ادم بأنه سيذهب معاها
فى الفيلا بعدما انتهت الحفله كان الخدم ينظفوا دخلت دانه وخبطت فى احدى الخادمات فوقع منها تيليفونها
دانه : انتى غبيه ولامبتشوفيش
تعتذر منها الخادمه ونزلت لتحضر التيليفون فوجدت خاتم كان هذا خاتم سلمى
الخادمه اتفضلى خاتمك وتيليفونك ياهانم
تنظر دانه للخاتم وتلاحظ انه يفتح فتفتحه فوجدت الصدمة هذا عمر عمر خطيبها وسلمى تقف بجانبه وهى تضحك بحب
ثم تتذكر انها سمعت صوت سلمى فى الحديقة الخلفيه وعمرعمر لم يرفع نظره عن سلمى
دانه : بقا كده عايزة تبقى لأدم عشان تقرب لعمر انا هخرجك من حياتنا ياسلمى ومن حياه عمر عمر بيحبنى انا وانا مش هسيبهولك
《《《فى الصباح 》》》
مريم : ولا يهمك كأنك مش شايفاه
سلمى : انا سيبته فى نص الرقص ومشيت
مريم : سلمى أدم بيحبك بلاش تكسريه
سلمى : انا قررت انسى عمر
مريم : يارب يكون من قلبك يا شيخة
سلمى : امشى يبت من هنا عشان فاضل خمس دقايق والبريك يخلص وهنبدء تكمله
مريم: انتى هتعملى مشرفه علياا والله يا سلمى عايزة نروح نشتغل فى مكان تانى
سلمى :لى
مريم :عشان نبعد عن عمر ده انا مبطيقهوش وانتى كمان تكونى بعيده عنه كفايا مشاكل عايزاكى تبدئي صفحة جديدة
سلمى :انا بعد اللى عمر عمله امبارح فى المكتب وبخاف انا مينفعش اخون ادم كده هو بيثق فيا بس هنروح فين
مريم :نروح اى حته احنا مهندسين شطار واى حد يرضى يشغلنا
سلمى بتفكير : انا هدور وانتى دورى ....أحنا هنروح النهارده نجيب الفستان
مريم : مش أدم جاى ياخدك النهاردة
سلمى: مش جاى عنده عمليه مهمة النهاردة
مريم : ظابط بيحمى بلده
سلمى: امشى من هنا
تمشى مريم وهى تضحك
وعلى الجانب الأخر كانت سيارة عمر قريبه من المشروع وبها دانه وعمر
عمر : انا مش عارف لازم تشوفى المشروع يعنى
دانه بخبث :اه عايزة اشوفه فيها اى وانت زعلان لى
عمر : مش زعلان نزلت دانه وعمر التى تشبست بكتفه
دانه : واو شكلهم مهندسين شطار استنى كده
تلاحظ وجود سلمى وهى تتابع العمال بجديه
دانه بخبث : اى ده بص سلمى اهى دى بتشتغل فى شركتك
دانه : سلمى سلمى
تنظر لها سلمى
سلمى :ازيك يادانة عامله ايه
دانه : هاى عامله اى انا اول مره اعرف إنك بتشتغلى هنا فى شركه عمر
عمر : انا ماشى
دانه : لا استنى عشان اجى معاك مكتبك ...اصل عمر حبيبى جابنى هنا عشان بوحشه صح يامورى
سلمى بإبتسامه : ربنا يخليكوا لبعض ...يلا عايزة حاجه انا هروح اكمل شغل معلش نتقابل مرة تانيه
دانة : اوكى ياحبيبتى...عمر استنى
دانة : ولسه هوريكى لازم تبعدى عن حياتنا خالص
بعد الشغل خرجت سلمى ومريم لكى يشتروا الفستان اتصل ادم بسلمى
أدم : معلش يا سلمى انا مش هعرف اجيلك عندى عمليه مهمه وبتدربلها انا بعتلك عربيه توصلك عشان تجيبى الفستان
سلمى : عادى مفيش حاجه .....انا كنت هروح انا عادى لى بعت عربيه على العموم شكرا
أدم : العفو ...خدى إسلام
سلمى : حاضر
إسلام : الو اى ياسلمتى
سلمى : اي ياإسلام انت مروحتش لى لدلوقتى
إسلام : والله انتى مش سامعه أدم بيقول عمليه .....بقولك اى متقوليش لأمك عشان متقلقش
سلمى : عمليه يعنى مرجعتش البيت وكمان هتروح عمليه لاء قولهم لاء
إسلام : عشان ادم يجرى ورايا اصل هو قائد العمليه
أدم : ده مش هجرى وراك بس ده انا هجازيك كمان
إسلام : لا والله واهون عليك ياابو النسب
سلمى : خلى بالكوا من نفسكوا أنتوا هتخلصوا امتى
إسلام : انا أكيد معرفش .....لما أخلص هتصل بيكى ....متقوليش لأمك ها
سلمى : حاضر حفظت مش هقولها اسكت بقا
إسلام : خد البرده دى بدل ما أضربها
أدم : عشان اموتك
لتضحك سلمى وهى تركب السيارة هى ومريم
أدم : ايوا ياسلمى
سلمى : ايوا يا أدم هو انتوا هتخلصوا امتى
أدم : مش عارف هاتصل بيكى لما نخلص سلمى خلى بالك من نفسك لو حد دايقك كلمينى ها
سلمى : طيب حاضر لا إله الا الله
أدم : محمد رسول الله
أغلقت سلمى التيليفون لتنظر لمريم الناظرة اليها
سلمى: مالك بتبصيلى كده لى
مريم : روميو وجوليت
سلمى : هههههه والله انتى هبله ..
مريم العربيه جميله اوى
سلمى : انتى احلى
تكمل بهمس..صحيح شوفتى دانه
مريم : اه دى لازقه فى عمر عايزة تجيب غرا وتحطه بينهم
سلمى بغيرة :عادى ولا يهمنى
مريم :باين عليكى الصراحه
لتشير لها على السائق لتمنع الكلام
السائق : عايزة تروحى فين ياهانم
سلمى : هنروح محل *****
هذا مول سلمى المفضل التى تذهب اليه وهو مول راقى وجميل
ذهبت سلمى ومريم الى المول
مريم : قولتى لمامتك اننا هنتأخر
سلمى : ايوا
مريم : طب يلا ندخل نجيب بقا
سلمى :حلو ده
وظل لساعتين الى ان استقروا على فستان من اللون البينك (وردى) وبه من ظهره فيونكه كبيرة وطويله وتصميمه رقيق وبه فصوص الماس
اما مريم اختارت فستان من اللون اللون السماوى محتشم ورقيق وله طرحه سماوى كان جميل للغايه
مريم : بكام ده
سلمى : بس انا اللى هحاسب
مريم : لاانا مليش دعوة انا هحاسب لفستانى
سلمى :بس عيب التصرفات دى هو احنا مش اخوات وبعدين فكره لما جبتيلى تيشرت مش خدتوا
مريم : طب ما أنتى جبتيلى حجاب وخدتوا
كانت المحاسبه تضحك عليهم الى ان حاسبت سلمى
مريم : انتى باردة علفكرة ومش جايه معاكى تانى
سلمى : هتيجى بالعافيه عشان انتى مبتحبيش ترفضيلى طلب
مريم : تنحه اوى
ركبت الفتاتان السيارة واوصلت سلمى مريم لبيتها وكذلك وصلت لبيتها
سلمى : اى رأيك فى الفستان ياماما
ام سلمى :جميل اوى ياحبيبتى مبروك يا حبيبه ماما
سلمى : الله يبارك فيكى .
ام سلمى : لما يشفوة هيتجننوا عشان هتبقى اجمل عروسه
سلمى : عمر اتصل بيا النهارده وخلانى اكلم إسلام
ام سلمى :عمر مين
سلمى :عمر مين انا قولت أدم
ام سلمى: لا انتى قولتى عمر
سلمى : ق قصدى أدم ....اسلام هيتأخر شويه فى الشغل
ام سلمى : هو مش بات امبارح
سلمى : معلش ياماما انتى عارفه ان هو ظابط ولازم يتأخر وشغلهم تعب
ام سلمى: قولتله لحد ماتعبت ادخل السن ولا أثار هو اللى دماغوا ناشفه
سلمى : انتى اى حاجه تقولى كده ههههه
ام سلمى : ناقص انتى كمان تعملى حاجه من دماغك عشان تقهرينى
سلمى : عمرى ما هزعلك ابدا ياماما انت ياما دعمتينى وكنتى جمبى وانا لازم مزعلكيش
ام سلمى : ربنا يخليكى ليا يارب انتى واخوكى
اشوفكوا مبسوطين عارفة ياسلمى ابوكى لما كان
بيموت كننا رغم زعلنا عليكى عشان سقطى ثانويه قالى انك هتعدى وتنجحى وحياتك هتبقى كويسه يااااه ده كان حلمه تبقى مهندسه
تبكى سلمى
ام سلمى : متعيطيش يا سلمى فاكرة لما كزت بقولك انك السبب فى موت ابوكى انا كنت غلطانه انا عارفه ان كانت نفسيتك تعبانه وقتها كنت بحس بيكى يابنتى انتى مش السبب يبنتى انا اسفه ياحبيبتى
حضنتها سلمى لتقول ببكاء:بحبك اوى ياماما
ام سلمى وهى تبتسم وتمسح دموع بنتها : فى حد يعيط كده وفرحه بعد ٣ايام وبعدين لما بشوف دموعك قلبى بيوجعنى
ابتسمت سلمى رغما عنها : سلامه قلبك ياحبيبتى انا مش هعيط خالص اهو
ام سلمى : طيب روحى اقلعى الفستان وتعالى عشان جارتنا ام هناء جايه تباركلك
سلمى : ام هناء بنفسها دى مبطقنيش لا هى ولا بنتها
ام سلمى : واديها جات نكرشها يعنى
سلمى : لاء انا هروح اغير واجى
*******************************
فى احدى الكافيهات الفخمه تجلس دانه وعاليا
عاليا : بتهزرى يادانه يعنى هى طلعت بتحب عمر مش أدم
انا امبارح فعلا لحظت بس كدبت نفسى
دانه : بصى على الخاتم
نظرت عاليا بصدمه
عاليا : احنا لازم نوريه لأدم
دانه : لاء طبعاً احنا هنفضحها بطريقه تانيه بس عمر لو عرف انى عرفت هيسبنى
عاليا : معاكى حق لازم نخططلها
دانه : انتى لازم تحسسى ادم انهما بيحبوا بعض زى ماقولتلك امبارح فاكرة
***********************************
ياترى دانه وعاليا هيعملوا اى
هل الجوازه هتكمل ولا لاء
واى اللى هيحصل لأدم وإسلام فى العمليه دى وهل هيتأذوا ولا
يتبع
