#البارت_التاسع #ما_قبل_الاخير_البارت_التاني
-استاذ احمد.....حضرتك انسان متفهم جدا.....حاله الانسانه فريده صعبه جدا جدا ومفيش اي تقدم
=ماشي وبعدين
-لازم تتشال من ع الجهاز جميع الاعضاء كلها شبه متعطله
=بس لسه فيها روح
-ايوا بس يااستاذ احمد فريده
*مسكته من رقبته ومكنتش شايف قدامي اصلا*
=اوعي....اوعي تنطق ب اسمها .....اوعي
-ح حاا حااضر
=ولو عرفت أن حد شالها من ع الاجهزه يترحم ع روحه .....
*قال اي عاوزين يموتها......دا لولا انفاااسها انا كان زماني ميت......لي يااارب محدش فاهم قد اي انا بحبها من صغرها وانا عاشقها ووقتها افتكرت اول مره شفت فريده*
فلاااش باااك
-خلاص يااچو .....انا بس مخنوق شويه .....اول ما اهدي هرجع البيت.....سلام ياااصاحبي
*كنت سايق العربيه ومخنوق اووي عشان حاسس اني لوحدي وفجاه ظهرت طفله قدامي لابسه فستان ازرق غامق وكنت هدوسها
البنت من الخضه وقعت وانا نزلت مخضوض قعدت جمبها*
-انتي كويسه يااقمر *كانت مخبيه وشها ب أيدها وكانت قصيره حسيت انها طفله ست سنين بالكفايه *
=ايوا بس انت خضتني *كانت بتعيط اوي ف شديت ايديها من ع وشها ...بالرغم اني مش بحب التعامل مع الاطفال إلا أنها جذبتني اوي *
-طيب...حقك عليا ....بطلي عياط بقي
=ماثي ....هات منديل بقي امثح عنيا "ماشي ...هات منديل بقي امسح عنيا"
-لا انا السبب ف الدموع دي وهمسحها بايدي .....
*ضحكت وقامت وقفت ...وقربت مني اوي وقتها معرفش قلبي حصله اي *
=اقولك ع ثر "سر"
-قولي
=انا مسيت قدام العربيه قثدا "انا مشيت قدام العربيه قصدا"
*وقتها مسكت نفسي من الضحك بالعافيه ورديت عليها باستغراب مزيف *
-ازاي
=اثل انا زعلانه اوي وكنت عاوزه اموت بث لما ثوفتك اتخضيت ووقعت ع الارض "اصل انا زعلانه اوي وكنت عاوزه اموت بس لما شوفتك اتخضيت ووقعت ع الأرض"
-انتي عارفه أن لو كان حصلك حاجه انا كنت هتحبس
*لفت حواليا وكأنها بتفكر ورجعت وقفت قدامي تاني وبصتلي ب عمق بس طريقتها كانت مضحكه اوي وكنت ماسك نفسي من الضحك بالعافيه*
=ماهو انا مش حثلي حاجه اهو حتي بث "ماهو انا مش حصلي حاجه اهو حتي بص"
*ضحكت جامد من كل قلبي....ع حركاتها العفويه*
=ضحكتك حلوه ياا ياا ....هو انت اثمك اي "هو انت اسمك اي "
-انتي عاوزه اسمي يكون اي ياافراولتي انتي
=انا فراولتك!!
-طبعا ...انا بقي اسمي احمد
=حلو اثمك اوي ....انا حبيته وحبيت كلمه فراولتك دي
-عندك كام سنه يافراولتي
=اي دا اي دا اي دا اي دا
-ااااااي
=عيب تثال الثؤال دا يا احمد بيه "عيب تسال السؤال دا ياحمد بيه"
*ياااربي ع الفراوله اللي لازم تتاكل دي*
-طب قولي ووعد مش هقول لحد
*قربت مني جامد واتكلمت بصوت واطي جدا ف ودني *
=عثر ثنين بث محدث راضي يثدق اكمني ثغننه "عشر سنين بس محدش راضي يصدق اكمني صغننه"
-ياااااخلاثي ع العسل ياناس....بس قوليلي بتعملي اي هنا لوحدك؟؟
=اثل النهارده عيد ميلادي
-كل سنه وانتي طيبه ياافراولتي
=تؤ تؤ انا عاوثه هديه "تؤ تؤ انا عاوزه هديه"
-عاوزه اي ياافراولتي وانا هجيبه
=اي حاجه اي حاجه
-اي حاجه
=عاوثه ماما يامودي "عاوزه ماما يامودي"
-يا اي!!
=مودي...اي مث بتحب اثم مودي!! "اي مش بتحب اسم مودي"
-لا بحبه بس اول مره اكتشف أنه حلو كدا..... المهم هي فين ماما
=قرب وهقولك اثلي مث عاوثه حد يثمعنا "قرب وهقولك اصلي مش عاوزه حد يسمعنا"
*قربت جامد منها .... وكاني بقع ف حبها اكتر ب القرب دا*
=ماما فوق عند ربنا .....بث انت قولتلي انك هتجيبلي اي حاجه ثح!!! انا بقي عاوثه ماما "بص انت قولتلي انك هتجيبلي اي حاجه صح!! انا بقي عاوزه ماما"
*حضنتها .....وكان نفسي ادخلها جوا ضلوعي ....عاوز اخبيها جوايا من الدنيا ومن اي وجع *
=مودي!! هو احنا بقينا ثحاب كدا ثح!!!
=صح يااحلي فراوله ف الدنيا
*وفجاه جت بنت ونادتها عشان يطفوا الشمع حضتني وكأنها بتقولي اوعي تنساني ومشيت*
بااااااااك
*دموعي نزلت غصب عني وفضلت باصص ع الفراوله بتاعتي.....قربت منها ومسكت ايديها *
-اصحي يااافراولتي ....اصحي انا صاحبك .....شفتك مره واحده وفضلت سنه ونص بدور عليكي .....لحد ما لقيتك وراقبتك وكبرتي قدام عنيا......انا بحبك ....بتنفسك.....انا مجنون بيكي يافريده ...قومي بقي بلاش تعملي فيا كدا .....قوووومي ياافريده .....قومي عشاني والله هحميكي من الدنيا ....مش هخلي حد ف حياتك غيري وانا هحميكي من اي وجع ....بس قومي ...
*نمت جمبها وفجاه لقيت الممرضه بتصحيني وبتطلب مني أخرج والدكاتره حوالين فريده مكنتش فاهم ف اي وفضلت ازعق ومحدش بيرد عليا وبعد حوالي نص ساعه خرجوا *
-مبروك يااستاذ احمد.....الانسه فر.... قصدي الهانم فاقت
*انا وقتها كنت سامع دقات قلبي .....كنت سامع قلبي وهو بيرقص من الفرح *
-بس للاسف هي فاقده النطق ولازم تتعرض ع دكتور نفساني
مر شهرين وانا جمبها.....مش بتتكلم بس بقت بدات تبصلي اول ما تسمع صوتي ......دا تحسن كبير اوي ...هي كانت فاقده التواصل ب كل أشكاله ....بس الحمد لله بدأت تتواصل معايا انا وبس .....بقيت بهتم ب شكلي عشانها ....عشان تشوفني حلو .....بقت تبتسملي لما احكيلها موقف مضحك حصل معايا أو حاجه عنها وانا بقابلها......
كان نفسي أخرجها من المستشفي وتكمل علاجها عندي ف البيت بس الدكاتره رفضوا ....قال اي دا احسن ليها
الحكومه والإعلام عملوا هيصه جامده ف البلد بسبب الموضوع دا ......عملوا محاكمه سريعه ....
ابوها للاسف اول ما تحكم عليه بالاعدام انتحر .....ورمزي اتعدم ....والكل اتقبض عليه
وانا بقيت ظابط من ضمن المخابرات ....
بس مش مبسوط ب اي حاجه .....كل دماغي ف فريده اللي خلتني مهووس بيها ....
اشتريت فيلا صغننه كدا وفيها جنينه حلوه زرعت فيها كل انواع الورد اللي فيفي بتحبها .....
الفيلا دي هديه مني ل فيفي ..يارب تقبلها ....بقيت بخلص شغلي وبجري عليها ببقي هموت وأحط راسي ع رجلها وافضل احكي اللي حصل معايا .....
اللي عاجبني ف دا كله أن العلاج بيجيب نتيجه معايا انا وبس .....ياارب تفضل كويسه كدا بس معاايا انا وبس
الحمد لله خرجت بعد
الحمد لله خرجت بعد ست شهور علاج مكثف من المستشفي بس بردك مش بتتكلم ومش تتواصل مع حد غيري .....
بس اول ما شافت الشارع ....بدأت تمسك فيا اوي وكأنها بتستمد قوتها مني ....
اول ما لاحظت الخوف ف عيونها قعدت ع ركبه واحده ومديت ايدي وفيها الخاتم -هااا ياافريده.....تقبلي تتجوزيني
*عملت كدا عشان ارجع ثقتها في نفسها بس بدأت لون بشرتها تشحب......
خطوه غبيه مني هديت كل اللي بنيته جريت جريت وسابتني مخذول منها قدام الناس ....كان نفسي تقبل ....
كان نفسي تستخبي ف حضني ..مش تهرب مني .....
بس انا عاذرها اللي شافته كتير عليها...خاصه انها لسه طفله .....
ايوا طفله بالنسبه ليا ...وهتفضل طفلتي المميزه وفراولتي الحلوه *
