رواية الغربه الحلقة الثانيه

#رواية_الغربة

الحلقة الثانية 👎

أميرة .. انا مش حامل 😔

يعني ايه ؟ يعني هفضل سنة بحالها عايشه زي الكلبة لوحدي لا زوج ولا عيل ولا حتي أهل جوز كويسين ،محمد رد عليها واول حاجة سأل علي موضوع الحمل لقت نفسها بترد من غير ماتفكر

أميرة ..  مبروك ياحبيبي هتبقي اب 

محمد .. الله اكبر بجد 

أميرة .. هي الحاجات دي فيها هزار 

محمد .. الف حمد وشكر ليك يارب ،كلي كويس ي أميرة اول الشهر هبعت لك خمسة آلاف جنية تشتري لحمة وفراخ وفاكهه عشان ولي العهد اللي ف بطنك ..

أميره .. هههههههه خمسة آلاف جنية بحالهم اجيب بيهم اكل 

محمد .. ايوا مايغلاش عليكي حاجة واول كل شهر هبعتلك قدهم  كمان اصرفي ع نفسك وحوشي الباقي ..

أميره .. حاضر 

محمد .. حاسه بايه ، دايخه ؟

أميرة قرفانه من نفسها ومنه ومش عارفه تجاري الحوار خالص ،، ردت بطريقة متقطعه 

انا هقفل حاسه اني عايزا ارجع ..

محمد .. ولد أن شاء الله ولد 

قفلت المكالمة من غير ماتقول سلام 

الغريبة أنها ثابته عيونها جمدت من كتر البكا حست أنه مابقاش يفيد وهي بطلت تحس اصلا ..

والدها بيتصل ..

أميرة .. الو 

الاب .. عامله ايه ي أميرة 

الحمد لله كويسه 

مش ناويه تيجي تقعدي معانا ي بنتي احسن من قعدتك لوحدك دي 

أميرة .. قصدك اجي اخدمكوا مش كدا …!!

كانت صريحه ، لا وقحة اصدق من كلمة صريحه 

الاب .. الله يسامحك ي أميرة بقي انتي فاكره اني بكلمك عشان كدا والله اخوكي الله يكرمه بيرجع من مدرسته يشتغل شغل البيت ولا اجدع ست بيت ..

أميرة .. حلو اووي ربنا يخليهولك

الاب . ربنا يهديكي 

أميرة .. وانت كمان ،سلام 

قفل الخط وهو مش زعلان منها بيقول دا طبع امها وانا اللي غلطت اني سكت لها وكنت راجل طيب معاها الله يرحمها بقي مطرح ماهي كانت ست صعبه ومتسلطه ع طول شتيمة وصوت عالي البنت كبرت وافتكرت أن دا الصح وان العالم كله طمعان فيها وجاي عليها 

___________ #أماني_عنان 

الشباب واقفه جانب حسن مستنيه باقي الوصية 

حامد عيونه عسلي وطويل متجوز ومخلف بنت وولد  .. ها ي ابني انطق 

حسين متجوز جديد وعنده ولد عيونه سودا ودقنه خفيفه ،شعره مجعد ومليان شويه  : هات الورقة دي وانا اقرا بنفسي 

خدها من حسن وقال بصوت عالي الوصية هي أن يتزوج حسن من بنت عمه خيري معالي ويعيشوا في بيتي وتملاه عيال وتكون راضيه ومافيش ميراث لاي حد فيكم بعد تنفيذ الوصية بثلاث شهور ويجي المحامي وتكون البنت في شقتها معززه مكرمه ..

حامد خبط ع كتف حسن بابتسامه : حلو الف مبروك ي ابو علي 

حسن زق ايده  .. ليه ان شاء الله هو انا كبش الفدا  بتاعكوا 

حسين ..  مين قال كدا دا جواز ومعالي حلوة ومتعلمه زيك 

حسن .. اشمعنا انا ماتاخدها انت يا حامد التفت ناحية حسين لا اقولك ،خدها انت ي حسين 

حامد : ماينفعش الوصية قالت جواز حسن مش حامد ولا حسين وبعدين احنا متجوزين يارب تفهم وتلحق تروح تخطب بنت عمك قبل ماتتخطب لغيرك ونلبس احنا التلاته 

حسن .. لكن أنا بحب آلاء 

حسين .. ماحدش قالك حب معالي احنا بنقول اتجوزها وبعد كدا تفرج ولو ع الاء ماحدش هيجيب لها سيرة البت في اسكندرية واكيد مش هتطب عليك  فجأة انت الراجل كلمها عادي وابقي روح لها مشي حالك لحد مانورث وبعد كدا انت حر ..

فكر حسن شويه ،، قصدك ابقي اطلق معالي ؟

حامد .. ماقصدهوش كدا افهم انت حر ماتشيلناش مصيبة ي حسن البت من دمنا برضو هنلعبوا بيها ولا ايه؟

حسين غمز حامد .. وقته تدينك دلوقتي الواد هيرجع ف كلامه وجه الكلام لحسن : لو حبيت تطلقها ابقي اتحجج لها واللي بايع مابيغلبش ي حسونه ..

يالا نروح نخطبها ،بيشده من أيده وعايز يطلع بيه علي بيت معالي مسكهم حامد من كتفهم :

أهدي ي عم انت وهو البت حزينه ع ابوكم اكتر منكم 

حسن .. وبعدين الموضوع مش هيجي كدا دا انا لسه من اسبوعين قايل لها اني بحب آلاء 

حسين قعد بجلبيته الزرقا وقال .. فالح 

حسن .. انا هتصرف 

حامد ..  ازاي ؟

حسن .. الإجازة دي ههتم بيها واشغلها والإجازة الجاية اتكلم عليها ونشبكوا 

حسين ..  بيشاور بدراعه في الإنجاز بقي ي حسن بيقولك لازم تتجوزوا تلت شهور ولحد مادا يحصل كل أملاك ابونا موقوفه في ايد المحامي واحنا زينا زي اي عامل عندنا ..

حسن .. المهم الكتمان لو معالي عرفت عمرها ماهتوافق دماغها قديمه ومعقده

حامد .. قصدك بنت اصول وعارفه الصح

حسين غمز لحسن ، كبر منه هو حامد كدا نفسه فيه وبيقول اخيه ههههه

حسن ضرب كفه بكف حسين وضحكوا أما حامد بص لهم ومشي ،،انا مروح ماليش نفس اعمل حاجة 

حسين .. ماشي 

حسن .. وانا هغير واروح لمعالي 

حسين بيصقف ع أيده .. ايوا بقي ي دنجوان عايزها تنام تقول حسن تصحي تقول حسن 😀😀

______________ #الغربة

أميرة محتاره راحه جايه في الشقة سايبه الصالة مقلوبه ومش مترتبه هدوم كتير وسخه في الحمام ع طول قاعده علي النت او بتكلم صحباتها في التليفون خطرت لها فكرة 

:

انا هفضل قاعده تحت رحمة القرشين اللي بيبعت هم لي محمد كدا ، هفضل مستنيه في مكان وهو ف مكان انا هقوله يرجع يقعد معايا ويمكن يحصل حمل لما يرجع فيسامحني علي كدبي ،حاسه أن بيتي هينهار لو مارجعش محمد في اقرب وقت ،مسكت التليفون لقت حماتها بتتصل :

أميرة .. الو 

حماتها .. ازيك ي مرات ابني 

الحمد لله ي طنط بخير 

حماتها .. طنط !! عموما محمد قالي انك حامل قولت اتصل بيكي لو محتاجه حاجة كدا ولا كدا انا عيوني لابني وحفيدي ..

أميرة .. تشكري بجد كلك واجب 

حماتها .. طبعا 

أميرة .. طب عن اذنك ي طنط هقفل الخط عشان ميعاد الدكتور حملي صعب وعندي متابعه 

حماتها ..  من اول شهر كدا متابعه الله يرحم ايام زمان كانت الست بتحمل وماتشتكيش ولا تحس بالحمل غير وهي صابحه تولد 

أميرة .. اديكي قولتي زمان ي طنط احنا في دلوقتي ..

حماتها .. سكتت 

أميرة .. مع السلامة 

قفلت الخط وقررت تدور علي شغل الجوازة المحسوبة عليها دي واضح انها مش هتكمل ولازم تحوش فلوس علي قد ماتقدر عشان ماتتبهدلش بعد طلاقها

لقت وظيفة استقبال في مستشفي استثماري كبيرة سجلت بياناتها وخدت ميعاد ..

نزلت أميرة لابسه بنطلون اسود وبلوزة قصيرة رمادي عليها عقد اسود في ابيض جمعت شعرها وسابت خصلة برا الطرحه مع انها المفروض محجبة بس اللي حجابها لشخص بتقلعه وقت مايغيب واللي حجابها لربنا عمرها ماتخيب ✋

البنت كان عندها أربعة وعشرين سنة بالظبط  خريجة كلية تجارة انجليزي كانت متفوقه وبرغم كدا دخلت كلية متوسطة  عشان المصاريف ،قابلت المدير اتكلم معاها شويه وبعد كدا جاله اتصال الباب خبط وقف المدير ومعاه التليفون ..

المدير .. اهلا ي دكتور معز 

الدكتور .. معز كنت عايز حضرتك ثواني في قسم الاش..

شاور بايده أنه مشغول وقال .. ممكن تكمل المقابلة مع الآنسة بخصوص الاستقبال 

خرج المدير ودخل معز قعد في الكرسي المقابل لها ..

معز .. ازيك

أميرة .. الحمد لله 

معز .. آنسة ايه ؟

أميرة .. مش فاهمه 

معز اسمك ايه ؟

ضحكت بصوت عالي خلي قلبه يرق وعقله يقرر انتي معانا في سره 

اسمي أميرة 

معز .. تمام ممكن تسيبي صورة من البطاقة ورقم تليفونك واحنا هنكلمك 

أميرة .. بتطلع صورة البطاقة وبشويش وعيونها في عيونه واول ما بص علي البيانات سألها انتي ..

          الحلقة الثالثه من هنا