ج3
اول خطه المنوم علشان اققفشهم لازم خطه محكمه لأن جوزى محامى عقر
بس على مين أن كيدهن عظيم
البيه كان منشكح من اتصال إلهام حبيبت القلب بنت قلبى ههههههه الخاينه
هو غار على مكتبه بعد ما اتغدا
لقيت الباب بيخبط جريت فتحت الباب لاقيت شاب من الصيدليه جايب المنوم خدت العلبه وجريت قالى يا مدام الفلوس ما انا من خوفى قفلت الباب فى وشه لا جوزى يشوفوا بس ده خوف جوايا لا يعرف مش اكتر هو لما بيكون فى المكتب بيكون مشغول بس انا فعلا كنت مرتبكه جدا قولت ثوانى دخلت جبت الفلوس وخدها ومشى جريت على غرفه النوم وحسيت انى مجنونه اخبى المنوم فين؟؟ فييييين جبت سلم وطلعت وخبيته فوق النيش مجنونه انا صح متستغربوش خالص مع الراجل اللى اسمه جوزى ده يجيب التايهه ولو شاف المنوم صدفه هيسأل ليه وعلشان أيه انا بقيت كويسه وزى الفل
وطبعا العلبه جديده هيشك ولقيت أن فوق النيش المكان المناسب ميخطرش عالبال
ابتديت اجهز لليله الموعوده دخلت المطبخ وعملت نسكافيه
وقعدت على الكرسى الهزاز وحطيت النسكافيه على الترابيزه والله نسيت نفسى خالص وقعدت افكر ازاى هبدء خطتى وفعلا ابتديت اتحرك واتصلت بإلهام واول لما اتصلت رددت على طول حبيبتى اخبارك ايه رديت وانا بتك على سنانى من الغيظ عمرى وبنت قلبى وحشانى وطبعا كنت محضره حجه اتصل بيها قولتلها اعملك اكل ايه وطبعا فى سرى بقول سم هارى ردت قالت انتى عارفه بحب اى حاجه من ايدك والحلو قرع العثثثل رديت فى سرى عثثثل اسود على دماغك يا خاينه قفلت معاها وانا نار 🔥 جوايا
انا واقفت جمب جوزى بدء من الصفر لحد ما عمل مكتب واقترحت عليه ياخد غرفه من الشقه وفالاخر بيخونى مع اعز الناس انا بعتبرها بنتى
التفكير خدنى والنوم غلبنى قومت لاقيت جوزى حاطط ايده على وشى وبيقولى حبيبتى نايمه ليه كده قومى لا دماغك تتعبك انتى نايمه غلط قال ايه
الخاين خايف عليه كانت الساعه 10 بالليل وراح قالى انا نازل
دخل غير هدومه وظبط نفسه وحط البرفان المتين وقالى انا نازل راح قرب منى وباس خدى وقالى سلام وانا ولا اى اندهاش بس كان لازم اتعامل بطبيعتى قولتلوا حبيبى رايح فين قالى مفجأه هعملك مفجأه؟؟ وهو خارج على الباب راح كلمنى بصوت عالى بقولك عاوزه فاكهه رديت وقولت هات مانجه قالى ماشى دى إلهام بتحبها بس صوته اتحاش بس سمعته بقلبى سابنى ونزل سابنى للحيره ووجع القلب
زوج خاين مع أغلى الناس
فوقت بقى ولازم اكون قويه لازم اخد حقى
ناديت على البواب طلع فى ثوانى نعم يا مدام مريم
قولتلوا عاوزه شنط كبيره للبسكت وعاوزه احبال قالى حاضر
انا لازم احضر كل حاجه علشان البيه ميخدش فى باله
واتصلت بواحده صاحبتى وطلبت منها تيجى هى ساكنه جمبى
بصراحه لاقيتها عندى فى دقايق قولتلها افتحى اكونت اختك
اصل عندها اخت لذيذه كده وكان جوزى بيبوصلها وانا مكنتش واخده بالى ههههههه هههههههه إتارى كنت مغفله كبيره
قولتلها افتحى الاكونت وابعتى رساله بإنك عاوزاه ضرورى ولو كلمها متردش عليه خالص
فعلا فتحت وكتبت زى ما قولت هاى انا عاوزاك ضرورى
لحد دلوقتى الخطه ماشيه مظبوط اصل مهما اققول انتوا متعرفوش الراجل ده دماغه ايه عقر
بس وحيات حبى ليك لوريك العذاب الوان انت وست إلهام يا خاين يا كلب عاوزين تعرفوا الخاين عاملى مفجأه ايه والحبال و شنط البسكت ليه وكمان خليت صاحبتى بعتت من اكونت اختها ليه هتعرفوا كل حاجه
بس وحيات حبى ليك لوريك العذاب الوان انت وست إلهام يا خاين يا كلب صاحبتى واسمها منى قالتلى ليه بتخلينى يا مريم ابعت لجوزك من اكونت اختى
قولتلها هبقى افهمك كل حاجه وراحت بصت فى عينى أوى وقالت ايه ده انتى عينك مدمعه ليه كده
اترميت فى حضنها ما انا بردوا ست ضعيف مكسوره والخيانه كاسره ضلوعى
قولتلها مفيش؟ منى قالت طيب انا همشى دلوقتى بس اكيد هتابعك على التليفون واطمن عليكى مع السلامه يا حبيبتى
ومشيت
قومت غسلت وشى وحاولت افوق علشان احضر للعزومه علشان البيه والهانم ينبسطوا أوى
الساعه دقت 12 بالليل وطبعا البيه لسه مجاش لاقيت التليفون بيرن ببص لاقيت احمد جوزى رديت عليه وانا ملهوفه وفى نفس الوقت مكسوره انا مش قليله الأصل
بس خساره فيه لهفتى قولت ايوه يا احمد قالى حبيبتى انا عاملك مفجأه زى ما وعدتك وعملت نفسى مبسوطه وفرحانه
قولتلوا مستنياك على نار وروحت قولت اوعى تنسى المانجه قالى انا اققدر
بالظبط ربع ساعه ولقيته بيفتح الباب وجايب فى ايده سبت كبير متغطى وقالى حظرى ده ايه قولتلوا هفتح واشوف لاقيته جايب قطه سيامى من النوع الغالى روحت صرخت فى وشه ايه ده قالى دى المفاجأه قولتلوا انا عندى فوبيا من القطط انت بتكلم بجد
قالى ما هى مش ليكى يا قلبى دى لإلهام قعدت على الكرسى وكنت مزهوله وافتكرت انها بتحب القطط أوى
قولتلوا هى فعلا هتفرح أوى....
ومن هنا قولت لازم اجمد قلبى واكشفهم الخاين والخاينه
قومت الصبح والبيه نزل راح المحكمه ولاقيت إلهام بتتصل بيه كتير انا كنت نايمه مرددتش لاقيتها باعته رساله وكاتبه فيها انا فاضيه انا هكون عندكم النهارده انا فرحت وكنت مزقططه
أوى وقولت وفرت عليه يوم افكر فى والنار تاكل قلبى
لابست ونزلت اشتريت شويه حاجات وعصاير لازوم العزومه
وأهم حاجه العصير اللى بيحبه احمد علشان يشربه بنفس وميحسش بطعم حاجه هو بيحب عصير الكانتلوب فريش إنما الهام دى هيكون حسابى معاها وهو مخمود لازم اعرف كل حاجه ليه بيخونى
وليه هى بالذات يا ترى هى شغلته ولا هو
رجعت البيت غيرت هدومى وابتديت اعمل الأكل وعملت ازازه بتاعه برفان فاضيه عندى فيها شطه على ليمون؟؟ وفعلا كل الأكل جهز على ميعاد وصول أحمد ولاقيت الباب بيخبط طبعا أحمد معاه مفتاح جريت وقولت مين قالت انا إلهام
فتحت وقلبى بيدق خلاص الخطه ماشيه مظبوط وقربت من الوصول للحقيقه والمواجهه قدام بعض يمكن هتعذب بس هرتاح واعرف انا اتخنت ليه ليه
فتحت الباب والهام دخلت وقالت واو ريحه الاكل جنان وطشه الملوخيه تجنن يا مريم قولتلها بالهنا يا حبيبتى
وقلبى مولع نار 🔥
وابتدينا نرغى وكنت بحضر السفرة إلهام قالتلي اساعدك
قولتلها ادخلى غيرى هدومك لان احمد زمانه جاى دخلت وغيرت ولابست إسدال صلاه واسع.... لا البت محترمه أوى؛ عيب على الصور والفيديوهات لما كنتى فى حضنه
لاقيت احمد بيفتح الباب واول ما دخل باسنى من خدى وسلم على إلهام وقعد على السفره قولتلوا ادخل غير هدومك علشان تعرف تاكل قالى ماشى ودخل غرفه النوم
وأنا دخلت المطبخ وجهزت الاكل وكنت قبلها جبت المنوم من فوق النيش وحضرت عصير المانجا لإلهام والكانتلوب ل أحمد وحطيت ل أحمد المنوم فيه إنما إلهام لا
وقعدنا على السفره وهو ابتدى بالعصير ده طبعه بيشرب اى عصير قبل الأكل وشرب شويه وابتدينا ناكل وبعد ما خلصنا الأكل راح شرب باقى العصير كله ما هو كان طعم بصراحه ههههههههه وبعد ربع ساعه وبعد هزار وضحك طلع القطه لإلهام وهى فرحت جدا وهو ابتدت دماغه تتقل قولتلوا ادخل نام قالى انا فعلا مش قادر اكمل هدخل انام وقام دخل وبعد شويه دخلت اشوفوا لاقيته قتيل قفلت الباب عليه بالمفتاح وخرجت للهانم وقولتلها تشربى مانجه انتى مشربتيش لسه دخلت عملتلها احلى كوبايه مانجه وخرجت بعصير المانجه ليه وليها وفعلا هى شربت وانا كمان شربت وبعد شويه كده لاقيتها واقفه جمب الكرسى الهزاز روحت جبت ازازه الشطه والليمون ورشيت على وشها بقت تصوت وتقول ايه ده انا مش شايفه وابتدت تفقد السيطره وقعدت على الكرسى الهزاز ومسكت عينيها وتصرخ وتقول مش شايفه انا عميت؟؟ وانا جريت على المطبخ جبت الحبال وشنط البسكت وسكينه كبيره وروحت مسكت ايديها وربطها هى ورجليها وعينها حمرا دم وابتدت تستوعب وتفتح عينها ومفعول الشطه والليمون ابتدى يروح وتقولى هو فى ايه وبصتلى بغل وبصه لوم وعتاب وانا محروق دمى وعينى كلها دموع من الخيانه إنما هى عينيها كل دموع من الوجع
وجبت الاب توب وفتحته ما هو البيه هينام للصبح محدش هيحوشها من ايدى ما هو العيب على الست اللى دخلتها بيتى وامنتها عليه اما الراجل ده طبعه خاين
شافت الفيديوهات والصور وابتدت تركز وبحلقت ايه ده قولتلها انتى بتسألينى يا خاينه وحيات أمك شايفه الشنط دى والسكينه دى لاقطعك حتت وارميكى فى الزباله لو ما قولتى على كل حاجه طبعا ده كلام انا مدخلش فيهم يوم حبس ميستاهلوش بقت تقاوم وتحاول تفك الحبال ومكانتش قادره خالص لأنها فاقده السيطره ومربوطه جامد وقالت على كل حاجه راحت قالت بصوت حزين مريم فاكره يوم ما كنت بطلق من جوزى قولتلها اى يوم؟ قالت لما بعتينى الشقه عندك وقولتيلى روحى شقتى عقبال ما الدنيا تهدى قولت آآآه فاكره اليوم ده كويس كان طليقى مبهدلنى ومكانش عاوز يطلقنى ومد ايده عليه وانتى كتر خيرك حوشتينى من ايده صح قولتلها آآآه وبعتينى شقتك روحت قولتلها بصوت عالى وده جزائى الخيانه صح يا بنت.... وضربتها بالقلم على وشها راحت قالت مصيبه كبيره وكانت هنا المفاجآه عاوزه تعرفى إلهام قالت ل مريم أيه والمفاجأه ايه هى فعلا مصيبه
