بسم الله الرحمن الرحيم والسلام والصلاه على نبينا محمد اللهم صلي وسلم عليه
__________________________
حل الصباح بهدوئه الرائع قام من فراشه لبس وجهز شنطته ونزل ينتظرها بفارغ الصبر
اما هيا طول اليل سهرانه مغمضتش جهزت ولبست فستان رائع ولبست الحجاب مع وضع لمسه خفيفه من الميكب بصت لنفسها في المرايه وابتسمت برضا عن نفسها وكلمت نفسها
هدى لنفسي فرصه تانيه بس الاول هحط شروط لو وافق يبقى على خيره الله
نزلت الدرج بسرعه اتاخرت عن المعاد طلعت الجنينه لقته واقف بطلته المهيبه إلى تخطف القلب
تقدمت لعنده وقلبها يدق بعنف
حس بيها في المكان حس بريحتها إلى حفظها من اول ماشافها لف ناحيته وشاف حريته فعلا حريه جميله بفستانها الوردي إلى زادها جمال يود انا ياخدها باحضانه بس اتمالك نفسه
مالك :صباح الجمال على احلى ديالا في الدنيا كلها
ديالابكسوف؛ صباح الخير
مالك والفرحه مش سيعاه طالما جيتي هنا يبقى انتي وافقتي على طلبي
ديالا محرجه جدا حاطه وشها في الأرض مالك قرب منها مسك ايدها ورفع دقنها اجبرها النظر لعيونه وهمس ليها موافقه تتجوزيني ياديالا
ديالا احمرت وجنتاها واتكلمت بصوت متوتر؛ مالك ابعد شويه انت بتوترني كدا
ضحك مالك عليها بشده خلاص هبعد بس اتكلمي
ديالا اخدت نفس واستمعت قواها
انا موافقه بس عندي شروط
مالك ؛ موافق علي اي حاجه تقوليه
ديالا؛ لا اسمعني الأول لو سمحت وابعد شويه
ههههه حاضر هبعد اتكلمي
ديالا :نعمل فتره خطوبه الأول نعرف بعض اكتر وناخد على بعض فتره الخطوبه هتبقى سنه ولو مرتحتش معاك أو انت مرتحتش يبقى نفسخ الخطوبه وكل واحد يروح لحاله
تاني شرط اني هرجع شغلي إلى بحبه ومش هسيبه ابدا لاني مش هكرر نفس غلطي عشان حتى لو حصل حاجه مابينا ماترميش انا والولاد في الشارع
مالك هيتكلم ديالا قطعته لو سمحت استنى اما اخلص كلامي لو حصل واتفقنا مع بعض ولادي هيبقو معايا مش هسبهم وكمان بابا توفيق وماما ناهد هبقي اجي ازورهم لأن دول اهلي
آخر شرط انك متمنعنيش من صديقه عمري لمار وتطلبني من بابا توفيق دي شروطي قولت ايه
قرب مالك منها ومسك ايدها انا موافق على كل شروطك ياديالا وانا ابقى مبسوط لما اشوف مراتي ناجحه وليها كرير ومستقله بحياتها وانا هساعدك في دا لاني عاوزك تنجحي معايا هتحققي كل الي بتتمنيه قبل ماتطلبيه حتى وانا استحاله امنعك عن صاحبتك وولادك هيبقو ولادي حتى لو ربنا كرمنا باطفال عمري مافرق بينهم هيبقو ولادي كلهم اما بالنسبه لفتره الخطوبه فأنا موافق ياستي ولو انها فتره كبيره بس عشان خاطر عيونك الحلوه موافق انا موافق على كل شروطك واوعدك هحققلك كل الي بتتمنيه وكمان في السنه دي هجهزلك مملكتك إلى هتنوريني فيها ممكن اطلب منك طلب
ديالا اتفضل
ممكن احضنك وابوسك
ديالا مبرقه عينها بعدت عنه لا مش ممكن ابدا امبارح انت وسكت
مالك :انا اي انا معملتش حاجه
ديالا؛ لا والله
مالك؛ ايوا لكن لو عاوزاني اعمل معنديش مشكله قرب منها وهم بتقبيلها بس ادم مسكه
على فين ياخفيف بعد ماتكتب الكتاب وتبقى مراتك ابقى بوس براحتك
مالك؛ دانت عيل فصيل يالا يخربيت كدا
آدم ضحك عليه من بعض ماعندكم مبروك ياديالا
ديالا :انا
اهدي ياديالا احنا عارفين مالك طلبك من بابا امبارح واحنا كلنا وافقنا على ارتباطك بيه مالك بيحبك بجد ويحافظ عليكي وعالولاد
ديالا؛ بابا موافق
توفيق من وراهم ايوا ياحبيبه قلبي انا موافق
طب وماما جاءت من وراها حضنتها بكل حب انا كمان موافقه ربنا يسعدك ياحبيبتي ويكتبلك إلى فيه الخير يارب
ديالا دمعت من الفرحه كانت مفكره انهم مش هيوافقو وهيمنعوها عشان ابنهم بس بجد ربنا عوضني بيهم دول اهلي انا مش أهل جاسر وقفو جمبي وساعدوني وقووني بجد ربنا يباركلي فيكم
ربنا يحفظك ليا ياماما
ناهد؛ طب لو ليا خاطر عندك خلي الواد مالك يلبسك الدبله اصله عاوزك تبقى خطيبته قبل مايسافر
ضحكت ديالا على المجنون دا موافقه ياماما
اقترب منها مالك وفتح علبه قطيفه شيك وكانت مفجاءه بالنسبه ليها دبله الماس رائع الجمال
ديالا بانبهار جميله جدا بس دي الماس غاليه اووي لا مش هلبسها
مالك بضحكه تخطف القلب لا ايه مايغلاش عليكي ياقلبي
آدم : الواد مالك مرديش يجيب دهب راح سحب كل فلوسه إلى في البنك عشان يجبلك التحفه الفنيه دي
مالك بغضب؛ تصدق انك واطي امشي يالا
آدم هههههههه الله ياصاحبي مش بعرفها ههههه
ديالا؛ لا انا مش هلبسها روح رجعه وحط فلوسك تاني انت مجنون يامالك تعمل كل دا عشاني
مالك مش هرجع حاجه وهتلبسيه مجنون بيكي انتي ومستعد اعمل اي حاجه عشان تبقى سعيده مش مهم الفلوس أهم حاجه اني اسعدك مسك ايدها ولبسها الدبله في صابعها ورفع ايدها وباسها بكل رقه أمام الموجودين مبروك ياملاكي
ديالا من الكسوف مش عارفه ترد ساكته بس سعيده من جواه كون أن في حد مهتم بيها ومهتم بسعادتها دا باسطها جدا اخيرا دلوقتي لقيت السعاده الي كنت بتمناها
ناهد؛ يالا ياحبيبتي لبسيه دبله عشان يلحق يسافر
مدت ايدها ومسكت ايده لبسته دبلته وهو في لحظه خدها في حضنه وحضنها جامد وهمس باذنها هتوحشيني ال١٥ يوم دول ديالا اتجمدت مكانها من فعلته دي قدامهم كسفها جدا
مالك :اسف ياعمي بس مش هشوفها غير بعد ١٥ يوم
توفيق؛ ماشي ياحبيبي يالا عشان تلحق ومتتاخرش
مالك ماشي ديالا خلي بالك من نفسك لو عودتي حاجه كلميني وانا اما اوصل هكلمكم يالا لااله الا الله
الجميع محمد رسول الله
لانا بفرحه مبروك يا يلا الف مبروووك ياحبيبتي
ديالا الله يبارك فيكي ياحبيبتي
لانا؛ يالا تعالى نرغي شويه حاسه بايه فرحانه ولا
ديالا بتنهيده :فرحانه مش عارفه حاسه اني طايره بس خايفه
لانا خايفه من أي اوعي تكوني لسه بتحبي ج
ديالا؛ متكمليش لا طبعا استحاله انا طلعته من قلبي نهائي انا بس خايفه أظلم مالك ومعرفش اسعده زي مابيخليني سعيده علطول
لانا حبيبتي ياديلا اكيد هتسعديه وهتحبي بس انتي سيبي نفسك وعيشي حياتك وميهمكيش حد
ديالا؛ ماشي ياحبيبتي
بعد مرور ١٥ يوم
يشتاقها حد الجنون مشتاق لصوتها لضحكتها كلامها مشتاق لحضنها واه من حضنها لوعه الفراق مر نازل بفرحه أخير هيشوفها وياخدها في حضنه
وحشتيني ياملاكي
امسك فونه ورن على آدم
عملت إلى قولتلك عليه يادم
ايوا كلو تمام ياباشا
ههههههه ماشي ياباشا اوعي تكون عرفت حد بنزولي
لا مقولتوش لحد وظبط المكان زي ماقلت بالظبط
طيب ادتها الحاجه
بعتهم مع لانا وهيا هتجبها للمكان متقلقش بس تصدق انا معرفش انك بتحبها كدا
بحبها دي كلمه بسيطه دانا بعشقها عشق مالهووش حدود
ربنا يتمم لكم بخير ياحبيبي
يارب يالا قدامي نص ساعه وهوصل متخرهاش عليا يادم
حاضر
لانا؛ يالا ياديالا خلصتي
ديالا؛ ايوا خلصت يابت انا مش عارفه انتي مو ياني فين كدا بالفستان دا
خرجت ديالا ولانا وناهد معجبين من جمالها
ناهد ماشاء الله تبارك الله جميله اووي ياحبيبتي
ديالا تسلميلي ياماما
ديالا لابسه فستان اسمر بورد احمر مع حجاب احمر وميكب خفيف وكانت في غايه الجمال
لانا؛ يالا هنتاخر مافيش وقت سلام ياماما
ركبو العربيه ومشيو
ديالا ممكن افهم رايحين فين ومين الي جاب الفستان دا
لانا اي مش عجبك
لا عاجبني جدا شكله تحفه وزوقه راقي
لانا ههههه طيب مبوزه ليه
ديالا؛ مالك مكلمتنيش من يوم مسافر شكله زهق مني
لانا؛ انتي هبله يابت انتي عارفه لما بيكون في مهمه مابيكلمش حد لأنه بيبقى مشغول شكله واحشك هههههه
ديالا؛ اهمدي يالانا
لانا؛ خلاص همدت احنا قربنا نوصل
طلعت الفون وبعتت رساله لمالك
وصلو قدام مطعم شيك جدا
لانا؛ يالا ياديلا انزلي هتلاقي آدم مستنيكي جوه
ديلا انتي مش نازله
لا انا هجيب ماما العربيه عطلت هجبها واجي وانتي ادخلي يالا
ماشي
نزلت ديالا من العربيه ودخلت المطعم قلبها يدق بجنون ورد في كل حته وبلالين حمرا وورد جوري من الي هيا بتعشقه المكان متزين بطريقه رائعه الأرض مفروشه بالورد الأحمر وفيها إشارات للدخول
حاسه بفرحه غير عاديه قلبها ينبض بجنون حاسه ان هو هنا بتدور عليه بعيونها في كل حته لغايه ماظهر ببدلته الرائعه ضحكت ابتسامتها الجذابه إلى خطفت قلبه
اقترب منها مالك بكل شوق وحب من غير مقدمات شالها بين ايده ودخل بيها نزلها وهمس باذنها وحشتيني ياملاكي وحشتيني اوووي كل سنه وانتي طيبه ياعمري وسحبها من ايدها ناحيه الطاوله
ماسكها من خصرها الفستان طالع يجنن عليكي
ديالا؛ انت الي جبته وعملت كل دا
طبعا ياملاكي وأدم ولانا ساعدوني
حضنها بشوق شديد وحشتيني وهيا بدالته حضنه وكان سعيد جدا بعملتها دي زاد من ضمه ليه
همست بإذنه لما انا وحشتك مردتش عليا ليه ومكلمتنيش
حقك عليا ياروحي غصب عني والله كنت بتعذب في بعدك اي مش هتفرحي قلبي بقى وتقوليها
ديالا بعدم فهم هيا ايه
مالك بحبك وبموت فيكي نفسي اسمعها منك ياديالا
ديالا بارتباك يالا نقطع التورته
يالا قطعه التورته وكانت سعيده جدا كانت أول مره تحتفل بعيد ميلادها
مالك :تسمحلي ملاكي بالرقصه دي
ديالا بكسوف هزت رأسها بمواقفه سحبها من ايده ورقص معاها على اغنيه سمعني نبضك
حاله من البهجه والسرور عند ديالا مش مصدقه السعاده الي هيا حساها معاه وفي حضنه بيعمل اي حاجه عشان يسعدني وانا زي الهبله بقول زهق مني والله انا هبله فعله زي البت لانا مابتقول
سرحانه في اي
ها
مالك ها لا دانتي مش معايا خالص بصي متفكرنيش في اي حاجه خالص وانتي معايا انهارده ليكي انتي وبس هعمل كل الي تطلبيه اطلبي وانا انفذ علطول
ديالا؛ انت ازاي كدا بتحبني بالطريقه دي خصوصا اني مش بنت
مالك؛ هششش مش عاوز اسمع كلام فاضي انتي بالنسبه ليا احلى واجمل بنت انتي الي حركتي قلبي بعد مامات انتي الي خلتيه ينبض ويدق ليكي انتي وبس انتي روحي ياديالا انا بعشقك فوق ماتتخيلي
انا في بعدك مكنتش عايش كنت حاسس اني تايه وأول ماشوفتك روحي رجعتلي
انا بحبك ياديالا بحبك
وهجم على شفتيها يقبله بنهم شديد قبله عاشق من قلب عاشق بجنون قبله يبث فيها كم اشتياقه ليها وتعمق أكثر واكتر فصل القبله بعد ماحس بحاجتهم للهوا
سند جبهته على جبهتها وهمس بانفاس لاهثه
بحبك ياملاكي
تمت بحمد الله
حكايه لمار حكايتها طويله وكلها أحداث فحرام اظلمها معايا واكروتها عشان كدا هعمل جزء تاني من القصه وهيبقي أبطالها الأساسيين فهد ولمار وهيبقي معانا كمان حكايه جديده من الواقع اما بقى الناس الي عاوزه تعرف اكتر عن مالك وديالا هعرفكم بس هتبقى أدوار صغيره وهيبقي معانا كذا كابل بإذن الله في الجزء الثاني
هبدا بتنزليها من يوم السبت الجاي
تفاعل قوي بقى عالخاتمه ياقمرات
ودا هيبقى اسم الجزء التاني
#كسور_قابله_للجبر
الاسم حلو يابنات
دمتم بخير ياموززز مستني ارائكم وريفيوهتكم عالخاتمه
يارب تكونو اتعلمتو واستفادتو منها
__________::::::::_____________________
ودي رساله من ديالا نفسها اتمنى تعجبكم
مساء الخير عليكم يابنات اولا انا بشكركم جدا جدا على تعاطفكم معايا انا لما عرفت ان رانيا بتكتب وقريت ليها بنوته الادهم اتفاجات أن صاحبه عمري بتكتب وقتها اخت قرار اني احكيلها حكايتي مع ان هيا عارفه مأساتي كلها وكانت شاهده عليها بس حبيت اعرف بيها الناس كلها اخدت رأي مالك ووافقني ساعتها اتصلت بيها وجتلي وكلمتها انا ومالك في الأول رفضت انهيا تكتبها يومها قالتلي كلمه مستحيل انساها قالتلي محدش هيصدقني خصوصا حته الحرق قالتلي هكتب بس مش هكتب حته الحرق لأن الناس مش هتصدق ومالك كمان وافقها الرأي بس انا اصريت عليهم أن الحته دي تتكتب وفعلا كتبتها وشفت الريفيو المسي إلى واحده كتبته عالقصه يومها انا اضايقت وكلمتها وقولتلها وقفيها كان عندك حق محدش هيصدق بس يومها هيا أصرت قالتلي انهيا كانت محبطه ونسمه ساعدتها تكمل ويومها قالتلي بكل ثقه مش هوقفها وهكمل كتابتها للآخر وبجد انا بشكر من كل قلبي الكاتبه نسمه مالك إلى دعمت رانيا من الإحباط
الهدف من نشر حكايتي اني عاوزه أوضح للستات متبقاش ضعيفه لازم تبقى قويه متخليش أشباه رجال يكسرك انا اتذليت واتخانت وكان بيكسر ثقتي في نفسي كان بيحسسني اني فاشله مصلحش لحاجه ابدا كان دايما يحبطني بس فوقت وقويت وأهله قووني وساعدوني متقبلوش بالضعف ابدا ولا تقبل بالضرب والاهانه ضربك يبقى تقفيلي وحد من أهلك يقفله ويعلمه الأدب اما انا مكنش عندي أهل لأنهم متوفين فكان طايح فيها والحمد لله على اد صبري ودعائي ربنا عوضني بأحسن واحن زوج في الدنيا كلها مالك حبيب عمري الي معاه عرفت يعني اي حب يعني اي مشاعر واحتواء يعني اي راجل بجد مش أشباه رجال
واخيرا احب اقول لكل ست اوعي تبقى ضعيفه هتضعفي هيستغلك اسواء استغلال اوعي تقبلي بوضع زي دا وماتقوليش هروح فين بالولاد هستني اي لما تروحي لأهلك جثه عشان خاطر كلام الناس الي دايما الاهل بيخافو منه احنا بنعيش مره واحده يانعشها صح يانموت
معلشي طولت عليكم بس صدقوني الواقع إلى عشته مع جاسر أفظع بكتير من الي رانيا قالته
كان في كومنت شوفته واحده قالتلي استحملت كل دا ليه ليه مطلقتيش هجاوبك استحملت كل إلارف دا لأنه كان بيهددني انه هياخد الولاد ويرميني في الشارع انا مكنتش خايفه اني اترمي في الشارع كنت خايفه على ولادي لأنه علطول كان بيضربهم مبيحبهمش دا السبب إلى خلاني استحمل بس الحمد لله خد جزائه وانعدم وخلصت منه للأبد
شكرا ليكم بجد يابنات ياحلوين على كل واحده دعاتلي بظهر الغيب الحمد لله عملت العمليه ونجحت بفضل ربنا وبفضل دعائكم بجد كلامكم خلاني مبسوطه جدا
يارب ماحد يجرب إلى مريت بيه
الثقه في ربنا حاجه كبيره اوووي انا كنت طول الوقت واثقه من نعمه ربنا وان هيجي يوم ويخلصني منه اوعو حد يفقد إيمانه بربنا لأن ربنا حنين علينا اكتر من اي حد
مع السلامه يابنات اتمنى اشوف كل بنت سعيده في حياتها
