رواية زوجة مغترب الجزء الثاني البارت العاشر

البارت العاشر..
..مر يومين..
بالشرقيه..
يجلس مازن بشقه والدته ممسك باللاب الخاص به..
تحت نظرات والدته الحارقه..
نظر لها نبيل بستغراب وتحدث بتسائل..
نبيل:مالك يا ام مازن؟؟!!..

نجاه:بغيظ..هيكون مالى..نظرت له بشمئزاز..مليش يا اخويا..
صفقت بيدها..ياريت كان ليا مكنش دا بقى حالى..
لوه فمها اكثر من مره..اش ياخد الريح من البلاط بلا وكسه..
اغلق مازن اللاب ووضعه بجواره واعتدل بجلسته ونظر لوالدته وتحدث بقله حيله..
مازن:عيزانى اعمل ايه يا امى..قوليلى انتى..

نجاه:بصرامه..عيزاك تتلحلح كده يا حلو يا بتاع الخوجات..
نظرت له بتمعن..البت هطير من ايدك يا موكوس..
كامل:ما هو كل شويه يطلعلها وهى اللى قافله على نفسها ومش عايزه تفتحلو و؟؟!!..قطع حديثه من نظره نجاه الحارقه..جزت على اسنانها وتحدثت بغيظ..
نجاه:بوريه منك راجل..انت عايز تخرب بيت ابنك يا راجل انت ولا ايه..نظرت لابنها..قوم يا واد اطلع لمراتك واعمل حسابك لو هى مرضيتش تفتحلك انهارده هتنام على السلم يا روح امك..

اخذ مازن نفس عميق وهب واقفا واقترب من صغيره الجالس امام التلفاز قبله بحب..ونظر لوالدته وهمس برجاء..
مازن:ادعيلى يا امى..
اغمضت نجاه عيونها بعنف واستغفرت بسرها ومن ثم رفعت يدها ودعت من صميم قلبها..
نجاه:يارب يهدى سركم ويصلح حالكم يا حبايبى..
..بشقه مياده..
بكل ما تحمل من غضب..
جعلت الشقه راسا على عقب..
زالت جميع المفروشات..
تنفس عن غضبها بغسيلها للسجاجيد..
تغسلها بعنف..وتحدث نفسها بغصه..
مياده:انا مهزءه..انا اصلا مليش كرامه..
بكت بنحيب..هيبقى ليا كرامه ازاى وسندى اللى هو ابويا رخصنى وقل منى وداس على كرامتى قبل جوزى..
تعالت شهقاتها اكثر..وانا كملتها وادلقت على بوزى واستسلمت ليه ودوبت بين ايديه فى لحظه..
وضعت يدها على قلبها..

ااااااه قلبى محروق وحاسه انى ضعيفه اوى..
مليش ضهر يقوينى ومش عارفه اعمل اى حاجه ولا اخد اى قرار..
ارتمت بجسدها ارضا على المياه الغزيره وهمست بصعوبه من بين شهقاتها..عايزه احرق دمك يا مازن زى ما حرقت قلبى..
ظلت فتره تبكى دون توقف..وبوهن..اعتدلت جالسه وامسكت بيدها خرطوم مياه رفعته فوق راسها لتنهمر المياه عليها بقوه..اختلطت بدموعها الغزيره..
تحاول ان تفق وتستعيد توازنها وعقلها قليلا..
لابد ان تفكر بهدوء وتحسم امرها جيدا حتى لا تندم..
صوت خبط على الباب انتشلها من فكرها..
ابتسمت بخبث..وهبت واقفه وسارت بخطوات حذره نحو الباب..

يخبط هو على الباب برفق ويتحدث برجاء..
مازن:يا مياده افتحيلى..طيب طمنينى عليكى حتى وردى عليا..
اخذت نفس عميق ورسمت الجمود والبرود على ملامحها..
وفتحت الباب..تسمر هو بمكانه واتسعت عيناه بزهول من هيئتها..
ترتدى قميص قطن اصفر طويل.ذو حمالات رفيعه..
مبتل للغايه وملتصق بها يظهر جمال جسدها الممشوق..
نظرت له بحاجب مرفوع وتحدثت بندهاش مصتنع..
مياده:مين؟؟!!!..ابو ادم..اقتربت منه وامسكته من  ياقه ترنجه جذبته لداخل الشقه غالقه الباب بقدمها واكملت ببتسامه مصتنعه..ليك وحشه يا راجل..
مازن:بقلق..احححم..استر يارب..بزهول دار بعينه بانحاء الشقه واكمل بفزع..انتى لميتى العفش على بعضه ليه كده يا مياده؟؟!!..

بعبث..بدات تبعد عنه جاكت الترنج حتى خلعته عنه وبقى بتيشرت اسود كات..
التصقت به واضعه يدها على كتفه وهمست بدلع واغراء..
مياده:تصدق بقالى كتير مشوفتش ركبك يا ميزو..
(الجمله دى👆 مقتبسه من مولتى😅)
نهت جملتها وغمزت له بشقاوه..
ابتسم هو ببلاهه وبحماس شديد تخلص من سرواله وبقى بشورت قصير وتحدث بوقاحه..
مازن:ركبى وكلى ملك ايداكى يا قلب ميزو..
ابتعدت عنه وسارت امامه بميوعه والتفت براسها تنظر له من فوق كتفها واشارت باحدى اصابعها ان يأتى..
بلهفه..اقترب هو منها بلمح البصر وهم انتشالها داخل حضنه..
الا انها مالت سريعا وامسكت فرشاه وضعتها بيده وتحدثت بدلع شديد..يله يا ميزو نشط الدوره الدمويه واغسل معايا السجاد..
مازن:بخيبه امل..اغسل السجاد!!!؟؟؟..اقترب منها التصق بها وهمس بخبث..احنا ممكن نودى السجاد المغسله وننشط الدوره الدمويه كده..نهى جملته وقبلها برقه شديده..
بعدته هى عنها برفق وهمست ببتسامه مصتنعه..
مياده:تؤ..انت اللى هتغسله كلووو يا ميزو..غمزت له بعيونها..

وبعدين هقولك حاجه هتبسطنى اوى..
مازن:بحاجب مرفوع..هتبسطك انتى!!!؟؟..
مياده:اممممم..طبعا انا..تحولت ملامحها لاخرى غاضبه..
عندك اعتراض..
مازن:بخوف مصتنع..احححم..معنديش اعتراض..
نظر لها بحب..ربنا يقدرنى وابسطك يا مياده..
مياده:بستهزاء..طيب يله يا بيضه اغسل..
تنهد هو بصوتا مسموع..والقى الفرشاه من يده وجذب يدها وسار بها لاحدى الكراسيى جلس وجذبها على قدميه وتحدث بتعقل..
مازن:مياده انا قولتلك انى مستعد اعملك كل اللى تطلبيه..
وبحاول بكل الطرق ارضيكى..نظر لعيونها بعشق..
علشان انا مش عايز ننفصل يا مياده..قبل يدها..
بحلفك بالله تدينى فرصه تانيه..امسك وجهها بين يديه..
حبنا يستحق فرصه تانيه..بلاش تخلى غضبك منى يبعدنا عن بعض..احتضانها بحنان ويده تربط على ظهرها برفق..
اغضبى وازعلى منى براحتك بس وانتى جوه حضنى..
رفع راسه ونظر لها بعيون نادمه..انا بعترف انى غلطت فى حقك..وطالب منك السماح..صمت قليلا واكمل بعيون التمعت بدمع..دا رب الكون بيسامح يبقى احنا البشر مش هنسامح..
تنظر هى له بضياع..بين قلبها وعقلها صراع شرس..
تشعر بشخصين بداخلها..

واحده تود بشده ان ترتمى داخل حضنه وتشكى له منه ومن والدها ايضا..
وواحده تود ان تجرحه كما جرحها..
نظرت له طويلا..يبادلها هو النظره بأخرى راجيه..
التمعت عينوها بخبث..وفجأه القت جمله دون التفكير بعواقبها..
مياده:بجديه مصتنعه..افهم يا مازن..انا هكون صريحه معاك وهقولك انا عايزه اطلق ليه..نظر لها بهتمام..فاكملت هى بهدوء..علشان عايزه اتجوز تانى..اتسعت عيناه بصدمه..
فحركت هى راسها بالايجاب واكملت..امممم اتجوز..
نظرت داخل عيناه بعمق..عايزه اجرب راجل تانى غيرك..
جمله القتها دون قصد منها..جعلته فقد صوابه واوشك على فقدان عقله..اخرجت هى وحشه الكامن الان..
وظهر الرجل الشرقاوى الذى بداخله..
وبلحظه..كان قبض على رقبتها بعنف وهمس بأذنها بغضب عارم..
مازن:عايزه ايه؟؟..
مياده:بصعوبه..عايزه اطلق يا مازن..تأوهت بقوه..
فخفف هو قبضه يده حول رقبتها قليلا..ونظر لها بعيون تشتعل بالغضب وتحدث بهدوء رغم شده غضبه..
مازن:العماره مكتوبه بأسمك انتى وامى..وفى وديعه فى البنك ب200الف جنيه بأسمك..صمت قليلا..وانا هاخد ابنى وهسافر بيه تانى..بعدها عنه وهب واقفا..
ينظر لها بألم حاد..تبادله هى النظره بأخرى مرتعبه رغم جمود ملامحها..
تترجاه بعيونها ان يحتويها..ان يفهم مقصدها..
قلبها ينبض بجنون..جسدها بدا ينتفض بقوه..
اغمض هو عينه بعنف وابتلع غصه مريره وتحدث بصعوبه..
مازن:واحد غيرى كان موتك بعد اللى قولتيه دا..
هبطت دمعه حارقه على وجنتيه مسحها سريعا..
بس انا حبى ليكى منعنى..ودوست على كرامتى علشانك..
اقترب بوجهه منها..لكن مقدرش ادوس على رجولتى..
ولما تبقى على زمه راجل مينفعش تفكرى مجرد تفكير فى راجل تانى..نظر لها بأسف..مش تقولى عايزه اجرب راجل غيرك..رسم الجمود على ملامحه والقى كلمه اخترقت قلبها كطلقه مميته فقدتها الحياه..
انتى طالق..
نهى جملته وسار نحو ثيابه ارتداها على عجل وهم بالخروج من الشقه فاوقته هى بصراخ..
مياده:وجعك كلامى وهو مجرد كلام وقت غضب بقولهولك من غيظى وحرقه قلبى..اقتربت منه ووقفت امامه..
انا قولت لكن انت عملت..لا تبكى..تحجرت دموعها بعيونها..
ابتسمت بصتناع واكملت بثقه..طلاقك ليا كنت فكراه هيموتنى..حركت راسها بالنفى..بالعكس دا قوانى..
تتفست برتياح مصتنع..وهتخطاك..وهكمل حياتى من غيرك يا مازن..دارت بعيونها بالشقه..والبيت دا ميلزمنيش..
هيبقى عندى بيت احسن منه..اقتربت منه خطوه..
ولا فلوسك تلزمنى..

نهت جملتها وركضت لداخل غرفتها ارتدت عبائتها السوداء سريعا فوق ملابسها المبتله وحجابها وخرجت من الشقه تركته يقف بمكانه بصدمه وعدم تصديق همس لنفسه..
مازن:انا طلقت مياده!!؟؟؟..طلقت حبيبه قلبى..
^^^^^^^^^^^^^^^^^^^^^^^^^
..خالد&مروه..
بعد يومان داخل المشفى..
كتب لها الطبيب خروج..
وصل عابد بالسياره امام المنزل..
هبط خالد حامل زوجته النائمه بين يديه..
وخطى بها للداخل..
استقبلته ناهد بفرحه عارمه..
ناهد:الف حمد وشكر ليك يارب..الحمد لله على سلامتك يابنتى..
اشارت له على شقتها..تعالى يا ضنايا خد نفسك الاول..
دخل هو بها وجلس على اقرب مقعد وجذبها بحرص على قدميه..
استيقظت هى ونظرت حولها بضعف..
فربطت ناهد على وجناتيها بحنان وتحدثت ببكاء..
عامله ايه يا حبيبتى..
تمسكت مروه بقميص زوجها بكلتا يدها..
زاد هو من ضمها داخل حضنه وتحدث سريعا..
خالد:الحمد لله يا ام خالد..مروه بخير اطمنى..
قبل جبهتها..مش كده يا مرمر..
نظرت له مروه بعيون تلتمع بدمع..فبادلها هو النظره بأخرى مطمئنه..فهمست هى بوهن..
مروه:الحمد لله يا ماما..

ناهد:براحه..الحمد لله يا ضنايا..نظرت لخالد..حطها يا ابنى على الكنبه جنبك..نظرت له مروه بخوف شديد..
تفهم هو نظرتها جيدا..
فهب واقفا بها وتحدث بستعجال وهو يتجه بها للخارج..
خالد:هنطلع يا امى علشان مرمر لازم ترتاح شويه..
ناهد:طيب يا حبيبى انا هطلعلك الاكل مع اخوك ولما ترتاحو براحتكم نادى عليا علشان اطمن عليها ومتقلقوش على ريتال هى معايا..
خالد:بمتنان..منتحرمش منك يا احلى ناهد..
صعد بها الدرج حاملها بين يديه كابنته..دافنه هى وجهها بعنقه..
دخل شقتهم غالقا الباب خلفه..وبكل قوته..ضمها لحضنه يقبل كل انش تقابله شفاتيه..ويتحدث ببكاء حاد بين كل قبله واخرى..نورتى بيتك يا حبيبتى..الحمد لله ان ربنا حفظك ليا يا ست البنات..يقبلها بجنون..وهى تبكى بعنف..
وبصعوبه همست من بين شهاقتها..
مروه:نزلنى يا خالد علشان ايدك هتوجعك..
ضمها لحضنه اكثر..وهمس بأذنها..
خالد:بعشق..انتى راحتى يا مروه..وجودك جوه حضنى كده بالدنيا يا ام ريتال..
رفعت وجهها ونظرت له بعيون تفيض بالدمع وتحدثت بغصه مريره..

مروه:بس انا مبقتش مروه اللى كانت فى حضنك من يومين..
اغمضت عيونها بعنف لتسيل دموعها بغزاره اكثر على وجناتيها واكملت بألم حاد..
بقيت مريضه يا خالد ومش هعرف اديك حقوق؟؟!!..
قطع حديثها بشفاتيه..قبلها قبله عميقه..وابتعد عنها سريعا وتحدث ببتسامه من بين دموعه..
خالد:انتى مراتى..ولاخر يوم فى عمرى استحملك واقف فى ضهرك وهكون ليكى سند وحمايه..وضع جبهته على جبهتها..
بأذن الله هتخفى..قبل وجناتيها..تعالى اساعدك تاخدى حمام..
ارتعشت بين يديه برعب شديد..احتضانها هو بحنان وسار بها نحو غرفتهم وتحدث بهدوء..متخفيش انا معاكى ومش هسيبك..وضعها على السرير واسرع نحو دولابها واحضر ثياب لها وتحدث ببتسامه..ايه رايك انا وعابد نفتح معرض سيارات..
ينتفض جسدها..وتنظر بهستريا حولها..
يتابعها هو بعيناه..وبحنان بالغ مسد على جسدها وتحدث بحب شديد..حبيبتى السخان البايظ شلناه خالص وجبنا واحد جديد متخفيش.. اهدى انا معاكى..
بفم يرتعش بشده واسنانها تخبط ببعضها همست بصعوبه..
مروه:انا مش عايزه ادخل الحمام..بكت بنحيب..انا خايفه..
احتضانها بقوه وتحدث بهدوء..
خالد:مروه..انتى قويه حبيبتى..وعارفه ان اللى حصل قدر ربنا واختبار لينا..نظر لها..واحنا ان شاء الله هننجح فى الاختبار..قبل يدها..انا معاكى متخفيش من اى حاجه..
مروه:ببكاء..طيب نادى على ماما ناهد..
خالد:بستغراب..عيزاها ليه!!؟؟..

مروه:بخجل..خليها هى تساعدنى..
خالد:بحنان..انا اولى بيكى من اى حد حتى لو امى..
نظر لها بتاكيد..ومحدش يعرف اى حاجه عن تعبك..
محديش هيشيلك فى تعبك غيرى يا مروه..قبل شفاتيها..
انا سترك وغطاكى ولا يمكن اسمح انك تتكشفى على اى مخلوق غيرى..
تنظر له بعيون تفيض بالدمع وبصعوبه همست..
مروه:انت احسن راجل فى الدنيا..امسكت وجهه بين يديها..
وتستاهل واحده احسن منى..وانا مش هبقى انانيه..
صمتت قليلا تحاول بشتى الطرق السيطره على انهيارها بعدما شعرت انها اوشكت ان تأتيها الحاله..بتقطع همست..
اتجوز يا خالد..نهت جملتها وبدأ جسدها يتشنج بقوه بين يديه..
جذبها هو لداخل حضنه كعادته ممسك بيدها جيدا..
وقلبه قبل عيناه يبكى بنهيار على حالها..

          البارت الحادي عشر من هنا