نادر بدأت تنزل من عينيه دموع بيحاول يداريها
ازاي حامل يادكتور وازاي لسه عذراء انتو اكيد مجانين وبدأ نادر يبص لاخته وصوته يعلي
-انت بتخرف تقول ايه. دي لسه طفله حامل ازاااااي
رضوي بان علي وشها الصدمه ودموع ورا بعض بتنزل من عينيها
نادر بصلها وهي بتعيط وطلع يجري عليها
- ومسكها من رقبتها ويصررخ
جبتيلي العاااار يارضوي. ليييه تعملي فيا كده طول عمري معتبرك بنتي بحرم نفسي من اي حاجه عشان افرحك بس لييه تكسريني ؟؟
انتي متخيله انتي عملتي ايه؟؟ احنا كده هانتطرد من المنطقة واخوكي و ابوكي مش هيقدرو يبصو ف وش حد
عيون رضوي جحظت لبرا كانذار للحظات الاحتضار وهي بتبص وكأنها عاوزه تبرر لاخوها او تقوله معملتش حاجه
نظرتها بتقول انها مش خايفه من الموت ولا موجوعه قد نظرة نادر ليها نفسها تبررله انها معملتش حاجه بس مش قادره تتكلم
في اللحظه المناسبه اتجمع الامن وكتفو نادر اللي زي الثور الهايج جتله حاله هستيريه
واحد من الامن اللي مكتفينه همس في ودنه
-اختك لسه بنت بنوووت يعني اللي ف بطنها من تحت الارض
وقفت مقاومة نادر وصدي الكلمه بيرن في ودنه
وكأنه فاق شويه من هياجه وبيقول لنفسه فعلا فيه حاجه غلط بتحصل رضوي فيها حاجه ذاكرته بدأ يحضر فيها صورة رضوي وهي بتتلوي في المدخل بطريقه استحاله يعملها بشر وراسها اللي بتبقي قربت توصل للارض نظرتها وضحكتها كل ده خلي جسمه يرتجف ويحس فعلا ان رضوي البريئه ملهاش ذنب . ضميره فااق وبدأ يصرررخ رضوي ملهاش ذنب
طلب نادر من الأمن يسيبوه ووعدهم انه هيهدي وبعد الحاح سابوه
قرب نادر لرضوي باين عليه الكسره وبيقول لرضوي
-انا اسف يارضوي انتي اختي حبيبتي بس عرفيني فيكي ايه مين اللي عمل فيكي كده يارضوي
سكوووت تام من رضوي وهي بتبص ورا نادر في اخر الركن ومره واحده شاورت وقالت بصوت مهزوز
-وااقف هناك يانادر
نادر بص ناحية الركن اللي رضوي بتشاور عليه ملقاش حاجه
-مفيش حد يارضوي اهدي ياحبيبتي وعرفيني مالك
رضوي ردت بصوت مهزوز
-محدش هيشوفه غيري يانادر وبدأت دموعها تنزل اسرع وصوتها يرتعش وتقول انا ماكنتش عاوزه اقول يانادر هو قالي اللي هقوله هيتأذي وانا خايفه عليك
المممرضين بدأو يخرجو واحد ورا التاني باين عليهم الرعب والعدد القليل الباقي منهم واقف قريب من الباب بدافع الفضول
اما نادر حس برعشه مسكت جسمه ولكنه قاومها وحضن رضوي وقالها
-مفيش مخلوق يقدر يأذيكي اهدي بس ومتعيطيش وكل حاجه هتتحل هخرجك من كل ده غصب عن التخين
الانوار بدأت تهتز وخيالات بتظهر وتختفي
طاقم التمريض الباقي منهم جري لبرا الغرفه بسرعه وصوت ضحك اطفال حوالين نادر من كل ناحية
انفاس نادر بدأت تتصاعد وواضح جدا خوفه من المجهول اللي حواليه ومع زيادة خوفه بيحضن رضوي بكل قوه زي مايكون خايف تتاخد منه
فجأه الاضاءه رجعت لطبيعتها واختفت معاها كل الاصوات الا من اصوات همسات وتهافت بين طاقم التمريض اللي واقف برا
نادر بيبص حواليه يطمن ان كل حاجه رجعت تمام وفجأه بص لرضوي وصرخ
-اعووووذ بالله
رضوي وشها اتغير ملامحها اتبدلت وبتتكلم بصوت راجل ضحكة وتبعتها بكلام غير مفهوم بعدها الصوت قال
-وحد قالك اني تخين وهتخلصها مني غصب عني
فجأه وقفت رضوي علي السرير وبنظره كلها غضب
-محدش هيقدر يبعدني عنها لحد اما تولد وبعدها هتاخدوها جثه
جسمها بدأ يرتفع في الهوا ويقرب لنادر اللي بيقرأ قرأن مخلي رضوي بتصرخ في وشه
-وقف اللي بتقوووله
اخررررررس
نادر صوته علي وهي بتقرب شوية وترجع شوية وف لحظة طار جسم رضوي علي السرير ورجعت لحالتها الطبيعيه وملا المكان هدووووء تااااام
نادر بدأ يقرب من رضوي بحذر شديد
فجأه جسمه اتنفض لما رن تليفونه بعد ثواني استوعب ان تليفونه بيرن رد علي المتصل
-ايووه ياماما
-مال صوتك يانادر اختك فيها حاجه؟؟
-فاكره ياماما الشيخ معاذ ؟؟
-ايوه يانادر طمني يابني فيه ايه
-مفيش وقت ياماما البسي حالا وتعالي المستشفي عشان نروحله
ساب نادر التليفون وبدأ يخلع عن رضوي ملابس المستشفي ويلبسها هدومها وهي فاقدة للوعي وتماما
وبعد دقايق وصلت والدته واخدو عربيه واتجهو لمنزل الشيخ معااذ و.......
الحلقة السادسة من هنا
