الظل اللي خارج من غرفة رضوي بص لوالدة رضوي ووالدها وقال بصوت مرعب
-كنتو عاوزين تقتلوها؟؟ اهو نهايتكم انتو اللي قربت
صرخت والدة رضوي بصووت عالي
اما والدها فجسمه كله كان بيترعش كأنه مسك جسمه تيار كهربائي قوي
والظل في ايده سكينه وواحده واحده بدأ يتشكل بشكل رضوي لحد اما بقا نسخه منها
وقتها كان الظل قرب لوالدة رضوي اللي بتصرخ ووالدها اللي بيترعش من الخوف
وفجأه نط الكائن اللي علي شكل رضوي لفوووق وبقا ماشي علي السقف فجأه نط تاني بقا ماشي علي الحائط مع كل قفزه من الكائن المرعب كانت صرخات والدتها بتزيد واخر قفزه كان الكائن واقف قدام والدها وحاطط السكينه فوق رقبته
في المستشفي العام
دخلت رضوي العنايه المركزه مع طاقم اطباء لان النزيف كان شديد ولازم يتوقف مع محاليل ودم ومتابعه باستمرار
اما في مدخل المستشفي قاعد نادر باين علي وشه الخوف علي رضوي ممتزج بارهاق شديد نتيجة قلة نومه وصعوبة شغله ورغم كل التعب اللي هو فيه الا انه منقصش شئ من وسامته عيونه الواسعه ذات اللون العسلي بشرته الخمريه النضره جسمه الرياضي الرشيق دقنه المحدده بطريقه مخليه ملامحه رجوليه
نادر كان سارح في عالم تاني. خوف ليكون فعلا اخته اللي مربيها ومعتبرها بنته مش اخته بس حامل وخوف علي والده المسن ميتحملش الصدمه ويحصله حاجه
قطع سرحان نادر ثلاث اطباء خارجين من المستشفي بيجرو بسرعه وعلي وجههم علامات الخوف والهلع وواحد منهم بيكرر ويقووول سلام قولا من رب رحيم
نادر جري ناحية احد افراد الامن وهو حاسس بقلق مش عارف مصدره
-لو سمحت هما الدكاتره بيجرو ليه
-بيقولو فيه بنت ملبوسه جوا
-بنت؟؟ لو سمحت انا عاوز اعرف اسمها
-ياعم وانت مالك خليك ف حالك واقعد بعيد
-يا اخ بقولك اختي جوا والدكاتره نفسها هربت أقولك ؟؟ متقولش اسمها انا عاوز اطلع اطمن علي اختي
-ممنوع ياباشا واتفضل ارتاح بدل مانطلعك بالعافيه
نادر وعلي وشه ملامح قلق شديده
-ارجووك عاوز اطلع اطمن علي اختي وهراضيك
فرد الامن بعصبيه: -ياعم روح هو انت لاقي تاكل ده هدومك متغسلتش بقالها شهر
وبقبضة ايده زق نادر لورا بقوه وفي رد فعل سريع لكمه نادر بلكمة اقووي افقدته الوعي وجري نادر لداخل المستشفي من غير حتي مايبص وراه
في منزل عادل
الشبح المخيف حط السكينة علي رقبة ابو نادر ملامحه كلها بقت شبه رضوي
بص في عينين ابو نادر نظره مريبه اختفي معاها سواد عيون الكائن مع ضحكه خبيثه جدا وهو بيقول
-شايف في عيونك خوفك ودع الدنيا عشان هاخد روحك
قطع كلام الكائن المخيف صوت خبط شديد علي الباب واضح ان الجيران اتلمت علي صوت صراخ والدة رضوي ونادر
وبخطي سريعه ورد فعل سريع جدا اختفي الكائن في اللحظة اللي والدة رضوي فتحت فيها الباب للجيران وعلي وجهه ملامح الغضب وفجأه رجع النور ودخل الجيران بسررعه علي عادل وزوجته اللي بمجرد اختفاء الكائن اغمي عليهم
في قسم العنايه المركزه بمجرد دخول نادر لقاهم قافلين باب العنايه بقوه وطاقم التمريض كله ماسك الباب وواقف بعيد وبيبص من شباك زجاجي صغير
جري نادر ناحيتهم وهو بيحاول يكلم حد منهم وبيقول
-هو فيه ايه. اختي حصلها حاجه؟؟ ردو عليا في ايه
الكل بيبصله بخوف وهو بيقرب منهم لحد اما وصل للشباك الصغير اللي بيبصو منه واتصدم لما شاااف.......
