نادر بص من الشباك الزجاجي الصغير لقي رضوي في منظر خلع قلبه واقفه مكانها بتبص بنظرات مرعبه مع ابتسامه مخيفه بتلوي جسمها بطريقه مستحيل تحصل للخلف لدرجة ان راسها بتلمس الارض ورجليها واقفه علي الارض
صرخات حوالين نادر من طاقم التمريض مع منظر رضوي المخيف كل ده خلي نادر قلبه اتخلع ورغم خوفه الشديد الا ان خوفه علي رضوي خلاه يفتح الباب
طاقم التمريض كله جري برا خالص
اما نادر عيونه نازل منها دموع حزن علي رضوي وبيقرب بحذر لرضوي شفاهه بتتحرك وبيقرأ ايات من القرآن الكريم ومادد ايده ناحية اخته
اما رضوي فظهر علي ملامحها الغضب مع قراءته للقرآن بترجع لورا وبتصرخ في وجع نادر صرخات مرعبه عشان يوقف قراءه قرآن
اخر منظر كان رضوي وهي بتجري لاقرب ركن في الغرفه وتنزوي وهي ساده ودانها وفجأه تقع وتفقد الوعي تماما
نادر جري علي رضوي وشالها بين ايديه دموعه مش بتتوقف مش عارف المسكين ايه بيحصل واخته مالها وفيها ايه وفي اقرب سرير حط رضوي ومسك راسها وبدأ يدعي
-ياااارب احنا ناس ف حالنا خد بايدها يارب وابعد عنها كل شر. يارب ماليش غيرها احفظها يااارب
فاقت رضوي علي منظر اخوها وهو بيدعي وبابتسامه خفيفه
-مالك يانادر بتبكي ليه اول مره أشوفك بتبكي
بصت حواليها
-انا فين ايه جابني هنا
نادر طمنها وقالها متخافيش ياحبيبتي انتي اغمي عليكي وجبتك اهدي خالص خلاص بقيتي كويسه وهانروح
-يعني انتي بتبكي عشان خايف عليا يانادر ولا بابا حصله حاجه انا كنت شيفاه زعلان مني
في منزل عادل الناس بدأت تفوق في والد ووالدة نادر
وفعلا فاق والد نادر وهو وشه اصفر مخطوف وبيقول
-انا لازم اشوف رضوي حالا انا حاسسها ف خطر
الناس بتحاول تهديه يستني حتي شويه لحد اما يبقي كويس
-اهدي بس يا ابو نادر وهنكلم اخوها نتطمن منه مش بتقول هو معاها برضه؟
بعد اما الجيران كلمو نادر والد نادر اتاكد ان رضوي واخوها كويسين هدي شويه وخصوصا بعد اما نادر قالهم كمان شويه وهانيجي علي البيت
في المستشفي
نادر بيبص لرضوي وايده علي راسها وهي بابتسامتها المعهوده بتبصله وحاسه بمنتهي الامان وهو جنبها
- رضوي انتي حصل معاكي حاجه مخبياها عليا ياحبيبتي؟
-اه بانادر بقالي فتره بيحصل معايا حاجات تخوف بس محدش هيصدقها
-لا قوليها انا بصدق اي حاجه تقوليها
قطع الكلام ببنهم طبيب بيشاور بخوف وبينده لنادر
خرج نادر للدكتور
-طمني يادكتور في ايه
-انا هقولك الحاجات الغريبه اللي شوفناها وبعد اذنك خذها وامشي. الطفله اللي جوا دي حامل وفي نفس الوقت لسه بنت بنوت ورغم النزيف الشديد بس صحتها متأثرتش والحمل كويس وعلي جهاز كشف نوع الجنين مفيش اي حاجه ظاهره غير سواد وبس
صدمه قويه علي ملامح نادر وتوازنه بدأ يختل لولا انه استند علي اقرب وحائط وبص لرضوي وقااال.....
الحلقة الخامسه من هنا
