(5)
احلام : ازي حضرتك الف سلامه عليك وحمدلله علي سلامتك
قاسم : الله يسلمك يابنتى .. هاتى الكربوشه ده (سام لما راح لقاسم عيط لحد ما رجع تانى لاحلام ) شوفتوا ماسك فيها ازاي ده عيب المربيين بقي
اميمه : براحه ياقاسم صحتك
قاسم : ده ابن الغالي والغاليه .. امال فين ميسا ياجماعه معقوله متجيش تسلم عليا
احلام : (بصت عليهم كلهم وبصت في الارض من الكسفه )
حمزه : تعالي يابابا وانا هفهمـكـ
احلام : ( بتدي لصفاء وسام ) عن اذنكوا هطلع اريح شويا واسبكوا مع بعض
احلام سمعت وسام بيعيط مع ذلك سبته يعيط بردو وطلعت
حمزه : ( بينادي علي احلام سابته ومشيت وطلعت تجري ) احرجتوها
اميمه : اعمل ايه يابنى .. مقدرتش اقوله وهو في الحاله دي
صفاء : بس ياحبيبي بس .. اتعود عليها ومش عاوز يسكت
قاسم : بتوشوشوا في ايه .. تعالو اقعدو قولولي في ايه
حمزه : متقلقش بالك يا بابا كل حاجه تمام
قاسم : امال فين ميسا يابنى مجتش تسلم عليا يعنـى
صفاء : بس ياحبيبي خلاص (بتبص لحمزه )مش راضي يسكت
حمزه : هاتيه انا هطلعه لاحلام .. الوحيده اللي بيسكت معاها
قاسم : مش دي المربيه يابنى
حمزه : (بصله) .. لا يابابا دي مراتى (وسابه ومشي )
قاسم : مراته ازاي يعنى امال ميسا فين
اميمه : محبتش اقولك يا حبيبي .. عشان متتنكسش .. ميسا اديتك عمرهـا .. ماتت وهي بتولد وجوزنا حمزه عشان تربي وسام
قاسم : لا اله الا الله .. وانا اخر من يعلم .. شهر وي وانا معرفش بالي بيحصل هنا.. ازاي تخبوا عليا حاجه زي دي .. هو انا هنا طيشه ولا ايه
صفاء : كنت هتتعب اكتر ... واحنا ماصدقنا
قاسم : كسرت بخاطر البنت المسكينه دي.. وسعولي اقوم اراضيها حرام
****************
حمزه بيفتح الباب عند احلام
حمزه : مش راضي يسكت غير معاكي
احلام : (بتمسح دموعهـاا ) هاتو .. انا اسفه عشان سبته وخليته يعيط ( مسكت وسام )
حمزه : (مسك ايد احلام وباسها ) ربنا ميحرمناش من وجودك في حياتنا
احلام : (في اللحظه دي حست ان روحها بتروح منها ومعرفتش تقول ايه غير انها تسكت )
قاسم بيخبط علي الباب
حمزه : تعالي يا بابا اتفضل
قاسم : انا جاي بنفسي اتأسف لمرات ابنى جرحتها من غير ما اقصد
احلام : لا ياعمو متقولش كده .. انت مكنتش تعرف ..
قاسم : (بص لحمزه ) سبنا لوحدنا يابنى
حمزه : حاضر .. عن اذنكوا
قاسم : تعالي يابنتى اقعدي
احلام : خير يا عمو
قاسم : انا معرفكيش ومعرفش مين هما اهلك .. بس الواضح انك بنت حلال اووي
احلام : ربنا يخليك ده من كرمك بس
قاسم : ولدك بيشتغل ايه
احلام : بابا تعيش انت
قاسم : لا اله الا االله .. ربنا يرحمه يابنتى
احلام : يارب ويرحم ميسا
قاسم : ميسا كانت مرات ابنى زمان .. وانتى دلوقتى مرات ابنى اه احنا مش هننساها عمرنا .. بس وجودك هيغير حاجات كتير .. (بصلها وضحك ) وعلي فكره ابنى حمزه عمره ماحب .. اتجدعنى بقي واسرقي قلبه
احلام : بس يا عمو
قاسم : مافيش عمو .. قولي بابا قاسم .. انا من اليوم ده وانا مسؤل عنك انتى وحمزه وصفاء
احلام : شكرا اوووي يابابا (وحضنته ) فعلا انا كنت محتاجه احس بوجود بابا جمبي
قاسم : ههههههههههه وانا ابوكي يابنتى واي حاجه تحتاجيها انا هجبهالك .. بس بمقابل
احلام : . !؟؟
قاسم : حبك لحمزه ووسام يفوق اي حب
احلام : ربنا يقدرنى يا بابا
***********************
ادم وحمزه قاعدين ف الجنينه
ادم : خالو تعالي العب معايا
حمزه : مش هعرف انزل يا ادمـ هلعب معاكـ وانا كده
ادمـ : اتسنـد عليا وانزل علي الارض
حمزه : حبيبي انا مرتاح كده
ادمـ : وحياتى يا خـالو
حمزه : ماشي يا سيدي .. حاسب كده انزل
ادمـ : انت احلي خالو ف الدنيا
حمزه : وانت اقصر ادمـ ف الدنيا
ادم : قولي ياخالو هي طنط احلامـ دي حبيبتكـ
حمزه : (تنحـ بعد الكلمه دي واحلـام كانت نازله سمعتهمـ ) بس يا ادمـ انت لسه صغير
ادمـ : بس ماما قالت لنانا ان حمزه اتغير بعد ما احـلامـ دخلت حياته
حمزه : (رفع حواجبه ) ماما قالت كده
ادمـ : يبقي بتحبهـا ياخالو
حمزه : (ابتسمـ ) مش عارف يا ادمـ بس اول مره احس بالاحسـاس ده .. مش ببقي عـاوزها تغيب عن عينـى بقيت ارجع البيت ااواام عشان بتوحشنـى .. بحب اسرح في عنيهـأ .. وادخل اشوفهـا نايمه ف حضن ابنى وسـامـ واحسه ابننا انا وهي .. بقيت اغير عليهـا اوي واللبس اللي بتلبسه مبقتش عاوز حد يشوفهـا غيري
ادمـ : طيب ما تقولهـا ياخالو
حمزه : ما اصلي ماينفعش
(انتبه انه بيكلمـ ادم الصغير اللي مكلملش 8 سنين )
احلامـ : (حست انهـا مبسوطه بالكلامـ ده وفي نفس الوقت مش عاوزه علاقتهمـ تزيد عن صداقه .. هي لسه خارجه من علاقه حب فاشله )
حمزه : انت ايه اللي بتتكلمـ فيه ده .. ها .. انت لسه صغير ومتفهمش ف الكلامـ ده
ادمـ : ياخالو انت اللي بتتكلم مش انـا
صفاء : ايه اللي موقفكـ كده يا احلامـ
احلام : (اتخضت ) ها .. لا اصلي كنت بدور ع حاجه بس خلاص
صفاء : ههههههه والله شكلها اتجننت .. صحيح يا احلامـ .. عامله ايه انتى وحمزه
احلام : لا تمام
صفاء : خديه ف يومـ واخرجـوا
احلامـ : اصل (وعاوزه تتهرب من الموضوع )
صفاء : هقولكـ كلمه تحطيهـا حلقه ف ودانكـ .. تعملي بيهـا ولا لا .. انتى حره .. حمزه محبش ف حياته ولادخلت حياته واحده قبل كده ..وعلي فكره .. متتخميش ف قسوه حمزه هو مبيعرفش يعبر عن حبه غير بالعصبيه والخناق
حمزه داخل هو وادمـ من الجنينه
احلامـ : بس انا مش عاوزاه يحبنى ولا انا احبه
صفاء : عشان هو مشلول يعنـى ؟
احلامـ : لا طبعا بس انا مش عاوزه احب حمزه
حمزه : ومين قالكـ انى بحبك ولا عاوزكـ تحبينى
احلامـ : حمزه !!
اميمه : يلا ياسعاد .. الاكل اتأخر ليه كده
سعاد : اسفه ياست هانم .. انا هحطه اهو
اميمه : ايه يا داده ده امال بقي لو مكانش البيه الكبير تعبان
داده اشرقت : امسحيها فيا انا ياست هانم (بتوطي صوتها ) سعاد مقصوفه الرقبه لو تاخد بالها من شغلها زي ما بتاخد بالها من سهوكتها وشكلها .. كان الاكل خلص من الصبح
اميمه : وانتى لزمتك ايه يا داده .. شدي عليها شويا
ااحلام : حقك عليا انا يا طنط .. اانا اللي مستعجلتهمش اليوم
اميمه : انا مش عاوزاكي تعملي حاجه غير انك تاخدي بالك من وسام بس
احلام : حاضر
علي الاكل
قاسم : يا ياولاد مافيش احلي من اللمه الحلوه
صفاء : اللمه دي كانت نقصاك انت يابابا
قاسم : ربنا يدينى طوله العمر وتتجدعن يا حمزه وتجبلي اخ تانى لوسام العب بيه ويلعب وسام معاه ... عشان يكون واحد من ميسا وواحد من احلام
حمزه : (بص لاحلام واحلام رجعت بصت للطبق بكسوف وهو فاضل ببصلها وهو بيتكلم ) ان شاء الله يابابا قريب اووي
اميمه : قريب اوووي .. (بصت لاحلام ) لتكونى حامل يا احلام .. الف نهار ابيض .
احلام : (بصت بتوتر ) لا حامل ايه مافيش حاجه من دي .. ماتقول حاجه يا حمزه
قاسم : ومافيش ليه .. انتو متجوزين ومن حقكوا تجيب واحد واتنين وعشره كمان
حمزه : (بص علي احلام وكسوفها وضحك ) هههههههههههه مافيش يابابا حمل حاليا بس اوعدك قريب
اميمه : ربنا يرزقكوا يارب
**************************
احلـامـ بدأت تتعود ع وجود حمزه ف حيـاتهـا بقت تحس انه راجلهـا مبتحسش بالامـان غير وهي معـاه بتحب دايمـا تبصله وهو بيتكـلمـ وبتبتسمـ لمـا تشوف ضحكته
كان فيه في بيت قاسم الاباصيري حفله فيها رجال الاعمـال والقرايب متجمعين وكانوا في ناس كتيره اوووي
وسط الزحمه كـانت عيون حمزه بتدور علي ااحـلام
احلام لحظت كذا مره انه بيبص عليهـا كانت تتكسف وتضحكـ وتبص الناحيه التانيه .. ويقعدوا يبصوا لبعض زي العشاق .. وكانت احلامـ عينهـا ع حمزه وحست انها غيرانه عليه لما تشوف واحده ست تكلمه وهو كمان كان يلاحظ غيرتهـا ويضحكـ .. اليوم ده حس حمزه بأحساس حلو اوووي ناحيه احلامـ واستغرب من احساسه اول مايشوفه وازاي بيطمن اول مايبص ف عنيها
بعد كام اسبوع كان في عشاء عمل لرجال الاعـمـال ومراتتهم وكل العيله لازم تحضر ممكن نعتبرها حفله عمل
حمزه : حضري نفسك عشان اليوم عندنا حفله
احلام : بس انا مش هروح
حمزه : ليه
احلام : ووسـام اسيبه فين
حمزه : مجتش من ساعتين هنروح فيهم ونرجع
احلام : اللي تشوفه
حمزه : في فستان هيجيلك دلوقتى بلاش اللبس اللي عندك
احلام : وماله بقي اللبس اللي عندي
حمزه : يعنى جينز وتشيرتات وانتى المفرود حرم حمزه الاباصيري
احلام : والله اللبس ده بيريحنى
حمزه : خليها عليكي المرادي
احلام : اللي تشوفه بردو
حمزه : شكرا
**************************
امنيه ف البيت بتحـاول تتصـل بـ زيـاد مبيردش عليهـا وبتتصل بأحلـام بردو مبتردش
امنيه : كده بردو يا احلامـ اتجوزتى واتشغلتى عن اخـتكـ خلاص
اتكلمـ مع مين انا دلوقتى
مسكت موبيلهـا وكلمت اخت زياد اللي هي ف الاصل صحبتهـا
امنيه : الو .. انا مخنوقه اوووي وعاوزه اتكـلمـ معاكـي
*********************
احلامـ لابسه فستان وكعب ورفعه شعرهـا ديل حصـان
حمزه : ممكن تغيري الفستان ده
احلامـ : وحش
حمزه : حلو اووي
احلامـ : طيب اغيره ليه بقي ؟ !!
حمزه : عشان بغير عليكي !
احلامـ : (صممت علي رأيهـا ) بس انا هروح كده (وعندت معـاه ومشيت )
اجتمعوا كلهم ومشيوا واتقسموا علي عربيتين اميمه وقاسم في عربيه وحمزه واحلام ف عربيه
حمزه كان عمال يبص ع احلام من مرايه السواق ويبتسم وهي مش واخده بالها وشعرها بيطير ع وشهـا وبيطير ناحيته وكان شامم ريحة شعرها ومبسوط
جه ف مره شاف شعرها طاير علي عنيها قرب شويا وبعده عن وشهـا .. احلام اتبسطت اوووي من الحركه دي وضحكت ورجعت تانى بصت من الشباك
*احلام قاعده ع الطرابيزه مبوزه وبتنفخ *
حمزه وهو بيتكلم مع الناس لاحظها بيبصلها وبصوت واطي : مالك
احلام : مليت
حمزه : ليه ماهي الناس بتضحك وتهزر اهو .. وفي ستات زيك اتكلمى معاهم
احلام : اديك قولت ستات انا مش ست كبيره كده زيهم ياحمزه
حمزه : طيب نص ساعه وهنروح
احلام : انت مبسوط كده
حمزه : (اتعدل ف قاعدته ) مش فاهم
احلام : يعنـى بص ع الناس وهي قاعده شوكه وسكينه وبرتكول ف الكلام حتى بص ع وشوش الناس وهي بتضحك تحس انهم بيضحكـوا بطريقه معينه .. الضحكه مش خارجه من قلبهم ياحمزه
حمزه : عندك حق .. بس هي دي حياتنا
احلام : تسمحلي اغير شويا حاجات فيهـا
حمزه : ازاي
احلام : انا وانت بس ينفع
حمزه : (بصلهـا بأستغراب ) ينفع بس انا مش فاهـم حـاجه
احلامـ : استنـى
(مسكـت بطنهـا ) ااااه الحقنـى يا حمزه مش قادره
حمزه : (صدق ) في ايه يابنتى
احلام : بطنـى هتموتنى
اميمه : انتى كويسه
احلام : لازم اروح يا طنط مش قادره بطنى هتموتنى من الوجع
حمزه : طيب ابعت معاكي الشوفير يروحكـ
احلام (داست ع رجله ) اااااااااه يابطنى
حمزه : (اتوجع بس مبينش بيوشوشهـا ) اعمل ايه طيب
قاسم : خدهـا ع البيت يابنى
احلام : اه اه لازم اروح البيت يلا
قامت احلام وماسكها بطنهـا
حمزه : احنا اسفين يا جماعه ع اللي حصـل بس شكلها تعبان بجد عن اذنكوا
خرجت احلام من المطعم مبسوطه : وخرجنا
حمزه : يابنت المجنونه ... انتى ممثله هايله بقي
احلام : عيب عليكـ
حمزه : طيب هتودينى فين
احلام : هوريكـ الفرق بين الضحكه المستعاره والضحكه اللي طالعه من القلب
حمزه : طيب يلا اركبي
احلام : حمزه (وعوجت بؤها )
حمزه : ايه تانى
احلام : اخر طلب
حمزه : قولي
احلام : انسي مره واحده انك غنـى واعتبر نفسك فقير ومش معاك غير حق الاتوبيس وتاكل من عربيه فول او ناكل من عربيه كبده ف الشارع
حمزه : كبده يا احلام
احلام : اه كبده .. انا اعرف واحد ف العباسيه الكبده بتاعته تجنن اسمه النتن
حمزه : ههههههههههههههههه هتأكلينى من النتن
احلام : وافق بقي
حمزه : موافق (بيبص للشوفير) روح انت ولو حد سألك قولهم اخدت المجنونه دي عند الدكتور
احلام ماشيه وهي اللي ماسكه كرسي حمزه وبتزقه
حمزه : هنروح فين
احلام : (بتوشوا وبتضحك ) الحسين
حمزه : يابنت الايه جاتلك ازاي دي
احلام : يعنى ايه جاتلي ازاي
حمزه : انا عمري ما رحته تصدقي
احلام : يعنـى حمزه الاباصيري بجلاله قدره مرحش الحسين .. مدخلتش عليا دي
حمزه : وغلاوه وسام عندي مروحتهـاش قبل كده
احلام : طيب استنى اوقف حاجه نركبهـا
حمزه : ما كنـا نخلي الشوفير يوصلنـا
احلام : قولت ايه اتعامل اننا فقرا
حمزه : فيه بذمتك واحد فقير يلبس بدله زي دي ولا واحده فقيره ماشيه بكعب والنبي تتلهي
احلام شاورت لاتوبيس وخلت الناس ينزلوا يشيلوا حمزه يطلعوا
وحمزه مكانش مصدق انه راكب اتوبيس وانهـا اتجننت وعملت كده ..
الكمسري طالع
حمزه مطلعله 50 جنيه
احلام : (بتداري الفلوس وبتضحك ضحكه عبيطه وبتجز ع سنانها ) 50 جنيه ايه بس يا حمزه ..هات 2 جنيه
حمزه : بس
الللي في الاتوبيس كانوا بصين لحمزه واحلامـ بصه استغراب وازاي ناس زي دي راكبه اتوبيس .. فيه حالتين يا مجانين يا نصابين
نزلت احلام وماسكه الكرسي وناس بتساعدهـا
حمزه حس بالعجز شويا وحس انه كسف احلام اوووي
حمزه : ماتيجي نروح .. انا حمل تقيل عليكي شويا .. وبعدين الحسين زحمه ولو حصل حاجه .. انا مش هعرف ادافع عنكـ
احلامـ : (نزلت قعدت قدامه عشان تطوله ) بلاش تحسس نفسك بالعجـز انت زيكـ زي باقي النـاس دي بالعكس بقي انت فيكـ ميزه عنـهم كل واحده فينا ياحمزه في ميزه بتميزه عن التانى
حمزه : تعرفي ان كلامـكـ بيرحنى اووي .. بحب اووي اتكـلم معـاكـي بحسك بتدينى امـل في بكره ..
بحب ابص اوووي ف عنيكي
احلام : (اتكسفت ووشهـا احمـر وقامت ) يلا طيب
قعدوا يلفوا ويتفرجوا علي المحلات .. ودخلوا صـلوا ف الحسين .. واتصوروا كتـير
واحلام اتصورت وهي لابسه لبس زمان القديم ده ودخلوا قعدوا ف قهوه
حمزه : بجد مكان يجنن .. انا ازاي مجتش هنـا
احلام : انا كنت كل خميس مع الجروب اجي هنـا ونقضي يومنا كله
حمزه : ياريت احنا كمـان نعمـل كده .. واهو نغير جو
قعدوا يكلوا وبعدين قاموا يلفوا تانى وهمـا مروحين قاموا كلوا من عربيه كبده
احلام : هههههههههههههههههههه اه يابطنى هتفرقع
حمزه : ايييييييي مشطشطه اوووووي
احلام : بس حلوه صح
حمزه : اووووي تعالي نجيب منها وناكل ف البيت
احلام : انت اتجننت انت عاوز طنط اميمه تبهدلنى
حمزه : ههههههههههههههههههههه صحيح نسيت .. والله فعلا نسيت انى انا غنـى
احلام : مافيش احلي من البساطه
حمزه : عندك حق والناس هنا بسيطه اوووي .. وفعلا ضحكتهم خارجه من قلبهم .. ومحدش مخبي وش ورا وشه
احلام : ولا حد عايش دور مش دوره .. عرفت ليه انا مرتحتش هناك
حمزه : انا عرفت ليه انا مرتاح معاكي
احلام : احم طيب ايه .. معاك كـام
حمزه : يانهار اسود معايا 5 جنيه
احلام : هنروح مشي يا حمزه
حمزه : انتى اللي هتتعبي .. انا ماشي علي كرسي
احلام : (قلعت الكعب ) يلا عشان اعرف امشي
حمزه : يا مجنونه
احلام : ههههههههههههههههههههههه
^^^^^^^^^^^^^^^^^^^^
وصلوا الساعه 6 الصبح
اميمه : صباح الخير .. كنتوا فين كل ده قلقتنى عليك يابنى
احلام : (بصه ف الارض )
حمزه : كنت بفسح مراتى
اميمه : هي مش كانت تعبانه وقالت هتروح
حمزه : ودتها للدكتور .. وبعدين حبيت اخرجـها
اميمه : ده انت مخرجتش انت وميسا ورجعت مبسوط كده
احلام : (اتنهدت بزعل )
حمزه : عشان مفرحتنيش كده
احلام : يلا انا هطلع انام .. تصبحوا ع خير
اميمه : تنامي ايه بقي بقينا الصبح خلاص
حمزه : وانتى من اهله يا احلام
دخـلوا نامـوا وهمـا مبسوطين وكل واحد نـام وهو بيضحكـ وبيفكـر ف التـانى
حمزه قام من النوم مدايق شكله حلمـ بكابوس
حمزه قام يلبس واحلام كمان بتلبس وسام وظبطت نفسها وجايه تخرج وهي مبسوطه
احلام طلعت لقت اللي بيخبط عليها بتفتح الباب
حمزه : صباح الخير
احلام : صباح النور
حمزه : كان يوم حلو اوووي .. وحبيت جنانك اوووي .. حسيت ان بنتى الصغيره مش مراتى ابدا
احلام : انا كمان اتبسط معاك اوي يا حمزه .. وارتحت لما خرجنا سوا
حمزه : بس ياريت تحطي ف بالك اننا خرجنا كأصحاب مش اتنين متجوزين .. عشان متتعشميش
احلام : مش فاهمه
حمزه : يعنـى بلاش تنسي انك هنا مربيه لوسام
احلام : (ملامح وشها اتغيرت وظهر عليها الضيق ) متخفش انا منستش
حمزه : يلا خلي بالك من وسام بقي
احلام : شكرا
حمزه نزل ركب العربيه ..: انا ايه خلانـى اقولها كده .. انا اتبسطت اوووي النهارده .. ليه دايقتهـا بكلامـي .. بس انت خوفت يا حمزه انها تجرحت لانكـ مشلول .. وصعب انها تحب واحد زيكـ .. لا بس بردو .. كلام احلام معايا مكنش يبين كده .. كان يبين انها في اعجاب بينى وبينهـا
احلام في اوضتهـا : كل ده وانا لسه مربيه لوسامـ بيعملنى كأنى خدامه .. مش قادر ف مره يراعي احساسي
.. كل ما احس انى بدأت اقرب منه ليه يبعدنـى تانـى .. صح هو لسه بيحب مراته بس انا مطلبتش منه انه يحبنـى بس كفايه يكون بيعاملنى حلوه .. بلاش يعاملنى انى خدامه عنده
^^^^^^^^^^^^^^^^
جه بليل وصفـاء وجوزهـا كانوا معزومين عندهمـ وصفاء قالتلهم انهـا حامل
الكل فرح بيها وباركلهـا
صفاء : الله يبارك فيكي يالولو .. عقبالكـ انتى وحمزه
حمزه : (حضن احلام ) كلكـوا مستعجلين ليه كده .. احنا لسه صغيرين وبعدين عندنا وسام
احلام : (بتحاول تبعد عنه شويا وبتضحك ضحكه مزيفه ) ان شاء الله
الكل رايح ينام
احلام : انت ازاي تجيب ليهم السيره دي
حمزه : تقدري تقولي بمثل الدور
احلام : مستفز
حمزه : هتنامي فين
احلام : عند وسام
حمزه : طيب انا هدخل اراجع شويا شغل
احلام : ااااه قولتلي شغل .. (بابتسامه بارده ) لا بتتعب ربنا يعينك (ومشيت )
حمزه : (ضم حواجبه باستغراب ) قصدها ايه البت دي
دخلت احلام الاوضه
غيرت وقعدت جمب وسام وهي عارفه كالعاده ايه اللي هيحصل في اوضه المكتب
احلام : ايه رأيك يا وسام .. من حقي ادايق صح .. باابا مش بيحترمنى خالص .. انت الوحيد اللي بتسمعنى وبتحس بيا .. قولي اعمل ايه يا ويسو .. تفتكر اروح دلوقتى ولا بلاش ادايق نفسي .. لا يا ويسو انا مش بحبه بس انا بردو عندي احاسيس مش كده .. يعنى ازاي بابا يبص لسعاد دي مش فاهمه بجد .. ويسو خليك هنا وانا هرجعلك لازم اعرف ايه اللي هيحصل بقي زي كل يوم ولا لا
خرجت احلام من الاوضه وقعدت تمشي علي طراطيف صوابعها واول ما سعاد شافتها دخلت اوضه المكتب بسرعه وبدأت تعمل زي كل مره
احلام : اه يابنت الـ كل* والله انا هوريكوا مين هيا احلام .. دي مبقتش عيشه دي
حمزه : (جي من وراها ) هتوري لمين يا احلام انتى اتجننتى وبتكلمى نفسك
احلام : (بدا علي وشها علامات الاستغراب ) امـال مين اللي مع سعاد
حمزه : نعم ياختى
احلام : تعالي اسمع بنفسك
حمزه : وسعي كده
سعاد : لا يا استاذ حمزه .. انا مش هاجيلك المكتب تانى بجد ميصحش .. احلام بدات تلاحظ هيههيههي
حمزه : (بدا يتعصب ) ايه القرف اللي بيحصل ده
احلام : مادام انت مش معاها اامال مين اللي جوه
حمزه : (حاسبي كده وفتح الباب سعاد اتخضت لانها كانت واقفه ورا الباب ) انتى بتعملي ايه هنا
سعاد : (بلجلجه ) انا كنت انا اصلي
حمزه : انا سمعتك وعرفت انتى بتعملي ايه .. انتى واحده زباله ورخيصه .. متعرفيش انى انا متجوز وبحب مراتى ولا مسمعتيش عن ده ها .. اطلعي بره البيت ده انتى توسخي البيت اللي تدخليه
احلام : (خدت بالها من كلمه بحب مراتى دي بس عملت من بنها ) براحه يا حمزه خلاص .. عرفناها غلطها
حمزه : (شد سعاد من دراعها ) انتى بتعملي كده من امتى
احلام : انا اول يوم اسمعها هي مبتعملش كده من بدري صح ..(وبصت لسعاد )
حمزه : انتى مداريش علي واحده زي دي .. لمي قرفك وبره البيت ده
احلام : حمزه الدنيا ليل حرام بنت هتروح بليل كده فين
حمزه : يبقي مشوفش وشك لحد الصبح
سعاد : (قعدت تعيط ) والله انا ماهقررها تانى .. انا اسفه يا ست الهانم
حمزه : كلمه تانيه وهمد ايدي عليكي
احلام : خلاص مش كده يا حمزه هتصحي البيت (وسام عيط )عجبك كده انت كده ارتحت
حمزه : (بيكلم سعاد) غوري من وشي انا قرفان من شكلك .. قال مش هقررها تانى قال
احلام دخلت لوسـام .. وحمزه حصلهم
احلام بتبص علي الباب ورجعت دورت وشها
حمزه : (دخل وقفل الباب ) انا عرفت دلوقتى انتى ليه كنتى قالبه وشك عليا .. وربنا يعينك ومش اول مره .. واحترمنى والكلام ده ..
احلام : اانا اسفه بس كنت فاكره انك بتكون جوه
حمزه : انا رقم واحد في حياتى يا احلام احترامي لنفسي .. عشان اللي قدامي يحترمنى .. واظن مشوفتيش منى حاجه وحشه في خلال الشهرين دول
احلام : انا عارفه .. بس بجد متأسفه علي اللي حصل النهارده
حمزه : صحيح كلمه انا متجوز وبحب مراتى دي مكنتش اقصدك بيها .. كان قصدي ميسا في لحظه نسيت ان ميسا ماتت وانى اتجوزتك
احلام : (اتنهدت ) متبقاش تنسي بعد كده يا استاذ حمزه
حمزه : استاذ ؟
احلام : انا بكون معاك مربيه وسام وتحت فانا مراتكـ ولا نسيت كلامـك
حمزه : شاطره بدأتى تعرفي تمثيلي كويس
احلام : انت ليه بتعمل معايا كده .. ليه دايما بتحـاول تحسسنى انى قليله اووي كده
حمزه : عشان انتى عمـركـ ماهتشوفينـى غير الراجل اللي مشغـلكـ
احلام : صح عندكـ حق .. مكنش ينفع اعدي حدودي واخرج معـاكـ انا هنا خدامه عند حضرتك ودلوقتى بعد اذنك عاوزه انام
حمزه : مش قولتلك يا احلامـ .. مبحبش ادي لنفسي حجم مش حجمي ولا حجم عمره ماهيبقي حجمي ع العموم عدي عليا الصبح في المكتب
احلام : اقفل الباب وراك
حمزه استغرب من طريقه كلامها .. بس في نفس الوقت كانت هي معاها حق حمزه احرجها اوووي بكلامه
احلام اول ما حمزه خرج مسكت الفازه ورمتها اتكسرت وفضلت قاعده طول الليل متعصبه
***********************
تانى اليوم قاعدين علي السفره
حمزه : سعاد .. يا سعاد
سعاد : (ماسكه شنطه هدومها ) افندم
حمزه : قدام كل اللي قاعدين اتأسفي لاحلام مراتى
قاسم : ليه يابنى ايه حصل
حمزه : الهانم (ولسه هيكمل )
احلام : (مسكت ايده غصب عنها ) خلاص يا حمزه دي مهما كان بنت حرام
حمزه بص علي ايديها اللي ماسكه ايده واحلام شالتها بسرعه
حمزه اتنهد وقالها : اتأسفي
سعاد : انا اسفه ياست هانم .. غلط في حقك
احلام : خلاص يا سعاد .. محصلش حاجه كلنا بنغلط .. يلا قومي علي شغلك
حمزه : اطلعي بره البيت ده يا سعاد
احلام : حمزه مش كده
اميمه : هي عملت ايه يابنى
حمزه : بعد اذنك يا امي .. سمعتى ومراتى كانوا هيضيعوا بسببها
احلام : خلاص انا هحل الموضوع .. تعالي معايا يا سعاد
سعاد : نعم ياست هانم
احلام : بصي احنا لازم نسمع كلام البيه لان ده بيته بس انا هعوضك عن الشغل ده
سعاد : ازاي ياست هانم
احلام : انا امي ست كبيره شويا .. هودييكي ليها تعمللها الشقه كل اسبوع وبمبلغ مش بطال ماشي
سعاد : ايدك ابوسها ياست هانم
احلام : بطلي هبل
سعاد : قلبك طيب اووي .. سمحتينى بعد ما عملت فيكي كده
احلام : من اللي شوفته في حياتى اتعلمت لازم اسامح .. لان الحياه اقصر من انى ازعل عشانها .. خدي المبلغ ده خليه معاكي وياريت تشتغلي بعد كده بشرف
سعاد : توبه والله ياست هانم
احلام : ربنا معاكي
احلام رجعتلهم علي السفره
احلام : حمزه راح فين
اميمه : مستنيكي يابنتى في اوضه المكتب
قاسم : نزليلي وسام اقعد معاه شويا
اميمه : اه والله واحشنى الواد ده
احلام : حاضر يا بابا عن اذنكوا
احلام ودت وسام ليهم وقعددوا يلعبوا
اميمه : يلا اجدعنى بقي عشان تجبلنا زيه
احلام : (بضيق ) ان شاء الله
قاسم : ربنا يرزقكوا يابنتتى (بيبص لوسام ) انتى يا صغنونه ياحلوه انتى
احلام : (بتخبط ) ممكن ادخل
حمزه : والله المفرود ان مراتى تتدخل من غير ما تخبط
احلام : انت زي ماتكون ما صدقت انى بجد مراتك .. الكلام ده تحت قدامهم
حمزه : طيب اذا كان كده اتفضلي ( رمالها ظرف )
احلام : ايه ده
حمزه : مش انتى معايا مربيه وسام خدي بقي
احلام : ايه الفلوس دي
حمزه : مرتبك اشتغلتى شهرين
احلام : (فقدت اعصابها وبدا صوتها يطلع ) انت ليه بتعمل معايا كده ليه محسسنى انى خدامه عندك .. انا عمري ما كنت اتخيل انى هعيش في القرف ده .. مع واحد مش بحبه .. انا اللي مصبرنى عليك وعلي ايامي معاك انى بجد اتعلقت بوسامـ ليه غاوي تجرحنى وتوجعنى بكلامـكـ .. كل ما احاول اقرب منـكـ تبعدنى مسافات .. خرجنـا واتفسحنـا وضحكـنا واتجننا وتوجعنـى بكلـامـك .. معتقدش ياحمزه انكـ بتعمـل كده مع مربيه بجد
حمزه : طيب ممكن تهدي .. انتى بس عصبتينى لما قولتى انك مربيه وسام فخلتينى اعاملك علي انك مربيه .. وبعدين اانا حلمـت انكـ
احلام : (بتعيط وبتسكته ) ششششششششش مش عاوزه اسمع منك حاجه حتى لو .. كان ممكن تدينى الفلوس بطريقه افضل .. علي الاقل تجاملنى وتقولي اشتري بيهم حاجه .. بس انت قلبك اقسي من الحجر ده الحجر ممكن يرق عنك حرام عليك بقي نفسي في مره احس بحنيه منكـ ياسيدي عاملنى انى اختـك (مشيت وسابته )
حمزه : (رمي كل الحاجه اللي علي المكتب بعصبيه ) هو انا ليه بعاملها كده ليه غاوي ادايقها .. يارب بقي
يارب صبرنى
اميمه : ايه يابنتى صوتكوا علي ليه
احلام : انا اسفه بس عصبنى شويا
اميمه : ربنا يهديكوا .. كنت عاوزه اسألك في البيبرونه
احلام : هجبها وانزلكوا
اميمه : ماشي يا بنتى
نزلت احلام واكلت وسام وفضلت قاعده هي وقاسم واميمه
قاسم : يااا ايام الطرب الجميل ده الواحد مفتقد الاغاني دي
احلام : بس كده تحب تسمع ايه
قاسم : بتعرفي تغنى يا احلام
احلام : هم بيقولوا كده .. هسمعكوا وانتوا احكموا
قاسم : ياسلام مرات ابنى موهبه
احلام : هطلع اجيب الجيتار
طلعت احلام ونزلت بالجيتار
قاسم : هتسمعينا ايه
اميمه : انا عاوزه اسمك لورده
قاسم : ااااه ياسلام ورده وجمال ورده
اميمه : ايه جمال ورده دي
قاسم : اقصد جمال صوتها .. هو في غيرك في قلبي
كلهم : هههههههههههههه
مسكت احلام وقعدت تعزف اغنيه حكايتى مع الزمان
قاسم : ياسلام جايه في وقتها
احلام : كـــان ده كـــان .. كان اسمه حبيبي .. كاااااااااان .. ده كااااان .. كان يوم من نصيبـي وكــان .. ضحيت بعمـري معاه .. مشوار مشوار مشوار اسمه حياااااه . وكان .. انا ... انا اللي بينكم هنا .. رضيت بالعذاب لحد ما قلبي داب .. ولا دوقت يوم هنا انا .. وانا ياما اتحملت انا .. قسيت ولا اشتكيت .. ولا جيت يوم بكيت منه لكم هنا
حمزه سمع صوت حد بيغنى بص من الشباك لقي احلام ماسكه الجيتار وبتغنى ليهم وقف يسمعها
احلام : لا عتاب هيشفي جراح .. ولا هيجيب اللي راح .. دي حكايتى مع الزمــــان .. حكايتى مع الزمان .. رسملي علي السما .. جنه فيها الهنا .. قولت احلوت سنينى وبنالي في الخيال قصور من الامال .. وقال مافيش محـال نمت وغمضت عينى .. ومرت الايام وصحيت من الاحلام .. ملقتش غير الالم وعذاب مستنينى وانا اللي بينكم هنا
حمزه نزل وكان متعصب .. هو كان فاكر ان الكلام ده بتغنيه لاحمد
احلام : وانا اللي بينكم هنا مش عارفه رايحه فين .. ولا فاكره جايه منين جابنى الطريق لكم هنا
حمزه : (بزعيق ) ممكن اعرف بتغنى الاغنيه دي لمين
احلام : انت بتزعق كده ليه
قاسم : اهدا يابنى في ايه .. اانا اللي طلبت منها ده
حمزه : والله وحبكت الاغنيه دي يعنى
احلام : (كانت فاكره انها بتشتكي من حمزه بطريقه غير مباشره عشان كده هو ادايق ) متخفش مش ليك
حمزه : امال لمين ياست المحترمه
احلام : لا بقي دي مبقتش عيشه دي عن اذنكوا .. ورمت الجيتار وجريت علي فوق
لقت مامتها بتتصل ردت
احلام : (بتكتم صوت عياطها ) الو يا ماما
سحر : ازيك يا حبيبتى وحشتينى
احلام : وانتى كمان وحشتينى اووووي يا ماما
سحر : مالك يا احلام .. بتعيطي !؟؟
احلام : بعيط عشان وحشتينى انتى وامنيه
سحر : طيب تعالي يابنتى ده بيتك ولا نسيتى
احلام : حاسه انى لو رجعتلكوا مش همشي من البيت ده تانى
سحر : للدرجادي مدايقه
احلام : امي هقفل دلوقتى وسام بيعيط
سحر : انا جيالك ياضنايا
احلام : تنوري يا ماما .. سلام معلش
احلام قفلت وقعدت تعيط وتمسح وشها وتمسك قلبها ااااااااااه مش مكتوبلي ارتاح ليه يارب ... يارب صبرنى بقي
****************
قاسم : مينفعش اللي عملته ده اطلع اعتزر لمراتك
حمزه : وانا معملتش حاجه اعتزر عليها
قاسم : انا بقولك اطلع
حمزه : واانا مش هطلع .. ومحدش يدخل بينى وبينها .. داده اشرقت
داده اشرقت : نعم يا ابنى
حمزه : حضريلي هدومي خارج
قاسم : رايح الشركه
حمزه : اه احسن من القرف ده
قاسم : والله مافي قرف غيرك يا حمزه .
حمزه : هو انا اللي ابنك ولا هي
قاسم : بس هي مغلطتش يبقي انت تاخد فوق دماغك .. مستحمالك ومستحمله قرفك انت وابنك
اميمه : خلاص وطوا صوتكوا الواد نايم
حمزه : والله لو مش عاجبها تمشي من البيت ده
اميمه : انت اتجننت دي مراتك
حمزه قعد طول اليوم بره البيت وكـان مع منه صحبته
*******************
اميمه طلعت لاحلام هدتها وقالتلها تنزل معاها يعملوا شوبنج ويشتروا هدوم
اميمه : بصي يا احلام المحل ده
احلام : (بكسوف ) نعمل في ايه
اميمه : انا ملاحظه ان انتى وحمزه بعاد عن بعض .. تعالي بس
احلام : صدقينى يا طنط مالهوش لازمه
اميمه : ازاي ملهوش لازمه ده جوزك وانتى مراته .. متخليهوش يبص بره
احلام : بس يا طنط
اميمه : مبسش .. اتفقنا علي ايه .. غيري الجينز والبيجامات الاطفالي اللي بتقعدي بيهم دول وادخلي هنا اتفرجي
احلام : طنط مش هينفع
اميمه : وليه بقي ان شاء الله مش هينفع
احلام : لاننا مش متجوزين انا وحمزه مش متجوزين
اميمه : لا معلش ازاي مش متجوزين بس ده انتو كتبتوا كتباكوا قدامنا
احلام : فعلا كتبنا الكتاب بس كتب كتاب بس
اميمه : نعم
احلام : زي ما قولتلك يا طنط
اميمه : وحمزه موافق ع ده
احلام : حمزه هو اللي عرض ده .. لان هو لسه بيحب ميسا
اميمه : يا حبيبتى يابنتى .. شايله ده كله في قلبك وساكته .. طيب وربنا لاربيه
احلام : لا ياطنط والنبي ماتقوليله .. احنا اتفقنا علي كده .. وانا مبسوطه كده لانى انا بصراحه مش بحب حمزه .. ووافقت اتجوزه بس عشان اربي وسام
اميمه : مين يستحمل كده يابنتى
احلام : احسن ما اكون مع واحد مبحبهوش ولا ايه
اميمه : بس حمزه طيب وغلبان
احلام :بس مش معايا صدقينى
اميمه : طيب يلا نروح الكوافير ده نعمل نيولوك ووعد منى هخلي الواد حمزه يقع في حبك
احلام : بس انا
اميمه : (قطعتها ) مبسش يلا مهما كان انتى مراته
احلام : (بضحك ) بردو مراته
اميمه : (بنفس الضحكه ) علي ورق اه بس اسمك مراته
احلام : (بتتنهد وهي في بالها مش عاوزه تتزين لحد غير لاحمد ) حاضر
**************************
روحت احلام البيت ومكانش لسه حمزه جه
اميمه : حمزه لسه مجاش
داده اشرقت : لا ياست هانم
احلام : انا هطلع اشوف وسام لاحسن وحشنى
داده اشرقت : البيه الصغير مع البيه الكبير في الجنينه
احلام : بجد طيب كويس ..
قاسم : اهلا ايه الجمال ده كله
احلام : بجد يابابا
قاسم : لا ده انا هحسد حمزه كده
احلام : كلك زوء يابابا
**************************
بليل
حمزه في اوضته واحلام في اوضتها
حمزه : اروح اعتزر ولا بلاش
احلام : اي الخنقه دي وانت ياسي ويسو نايم وسيبنى امووواه (وطت باسته ) مامي هتستأذن تروح في الجنينه شويا
حمزه واقف في الشباك
لقي احلام نازله الجنينه وقاعده وباصه للسما وفجأه لقت اللي بيغمي عنيها
احلام : حمزه
الحلقة السادسة من هنا
