( 3)
حمزه : ايوه صح .. انا واحلام اتكلمنا
سحر : وانا ام يا جماعه ..ارمي لي بنتى في بيت زي ده مع واحد متعرفهوش
حمزه : عندك حق .. احنا اسفين عن اذنك
احلام : استنوا
حمزه : انتى لسه صغيره يا احلام .. قدامك تحبي واحد وتتجوزيه .. حرام تتبهدلي كده
احلام : ماما .. انا موافقه عليه
سحر : (قعدت علي الانتريه وحطت ايديها علي وشهـا )ليه يابنتى تعملي فيا كده
احلام : (حضنتهـا ) صدقينى هبقي مرتاحه
سحر : بكره تبقي ام وتجربي قلب الام يا احلام
احـلامـ : حمزه باين عليه كويس ... متخفيش عليـا ياماما
سحر : لحد اخر يوم ف عمـري هفضل اخاف عليكوا .. انتو حته منـى
احلامـ : طيب ياماما .. انا موافقه ع حمزه
سحر : ربنا يسعدكـ يابنتى
صفاء : يعنى وافقتى
سحر : هي حياتها وهي حره فيهـا
حمزه : شكرا .. انا هاخد احلام بشنطه هدومهـا .. شبكتها هتوصل بكره علي البيت والبيت جاهز من كله حتى هدومها هجبلها انا
احلام : مافيش داعي تتعب نفسك
حمزه : ده واجبي .. بعد اذنك يا طنط كتب الكتاب بعد بكره
سحر : ليه بقي هو انا بنتى بايره ولا معيوبه .. ايه الكروته دي
حمزه : مش كروته بس انا مش فاضي للخطوبه
سحر : اللي مش فاضي يبقي ملهاش لزوم الجوازه كلهـا ونفضهـا سيـ (قطعتها احلام)
احلام : وانا هبقي جاهزه بعد بكره
حمزه & صفاء : ( استغربوا من سرعتهـا معقول في حد يرمي نفسه ويرخص نفسه اوووي كده )
سحر : (اتعصبت من بنتها ) لا بقي كده كتير ..
احلام : انا هكلمك بعد بكره نروح نكتب الكتاب ونروح
امنيه : يعنى مش هيبقي فيه فرح لاختى الوحيده ..
حمزه : انا مراتى لسه ميته اعذرونى
سحر : واحنا محدش مات عندنا يابنى
حمزه : بس انا متجوز عشان ابنى
سحر : وانا بنتى مش خدامه
احلام : خلاص بقي كفايه .. انا هتجوز يا امي .. هيعملي ايه الفرح .. انتى فكرانى مبسوطه بالجوازه دي يعنى .. عاوزه الناس تتفرج عليا وانا بتقتطع وبرمي نفسي في بيت مش انا اللي مختاراه ومع راجل مش بحبه .. ايه هيفيد فستان الفرح وانا مش لابساه لحبيبي .. قوليلي هيفيد بأيه .. انتى هتبقي مبسوطه يعنـى بده ؟؟ هتتبسطي بس عشان في فرح وبنتكـ لابسه بفستان .. بس مالكيش دعوه بنتكـ حاسه بأيه
حمزه &صفاء : (مستغربين) انتى لو مش موافقه بلاش منها
احلام : انا هتجوز واخلص (دخلت الاوضه وقفلت الباب وقعدت تعيط )
سحر : خلاص يابنى .. اللي فيه الخير مادام هي عاوزه كده
حمزه : شكرا يا طنط عن اذنك
صفاء : (وطت باست ايد سحر كعاده عندهم ) من هنا ورايح هتبقي في مقام ماما
سحر : ربنا يخلييكي يابنتى
تسنيم بتتصل باحلام : الو
احلام : وافقت يا تسنيم وكتب الكتاب بعد بكره
تسنيم : ليه السرعه دي يا احلام
احلام : والنبي لتسيبوا احلام في حالها (وقفلت التليفون )
صفاء وحمزه في العربيه وبيتكلمو : بس انت ملاحظتش انها موافقه علي اي حاجه
حمزه : لاحظت بس مش عارف ليه
صفاء : تفتكر محتاجين لفلوس وانت عشان غنى وافقت
حمزه : معتقدتش انتى مشوفتيش بيتهم عامل ازاي .. ده دورين من بيتنا .. ولبسهم وحياتهم مش ناس فقرا او متوسطين دول شكلهم مرتاح ع الاخر
صفاء : امال ايه يرمي بنت في سنها وزي القمر مشاء الله .. مع واحد متجوز وعنده عيل
حمزه : (ضحك بسخريه وبضيق) ليه بقيت معيوب اوووي كده اكمنى مشلول يعنى
صفاء : حمزه انا
حمزه : (قطعها في الكلام ) متكلمليش خلاص بهزر .. يلا انزلي وصلنا
صفاء : طمنى عليك ها .. متزعلش منى
حمزه : تصبحي علي خير ياحبيبتى
روح حمزه وخبر الناس في البيت اللي شغالين انه هيتجوز وانهم يظبطه الاوضه
حمزه : (بيتصل يطمن علي ابوه ) الو
اميمه : ايه يا حبيبي عامل ايه ووسام عامل ايه
حمزه : كلنا تمام يا امي .. بابا اخباره ايه
اميمه : اهو الحمدلله بدأنا نعمل علاج طبيعي ياارب تيجي بفايده
حمزه : امي انا كتب كتابي بعد بكره
اميمه : ايه انت اتجننت يا حمزه
حمزه : لا متجننتش بس وسام محدش مهتم بيه وصفاء عندها عيالها وهي بنت ناس وغلبانه اووووي
اميمه : تعمل كده في بنت اختى
حمزه : ليه محسسنى انى خاين وغدار محدش موجوع قدي وتعبان .. ميسا سبتلي حمل تقيل وانا عاجز يا امي .. بلاش بقي تحسسونى بعجزي .. بلاش حرام عليكـوا .. ميسا وصتنى قبل ما تموت اتجوز عشان ابننا .. انا كتب كتابي بعد بكره .. ياريت تحضري
****************
سحر : اخص عليكي يا ثريا .. زعلانه منكـ كده تعملي كده ف بنتـى.. ياستى اعتبريهـا تسنيم
ثريا : اخص عليا انا ياسحـر .. بنتكـ اللي زنت عليـا .. والله واسألي تسنيم .. وقعدت تقول لو متجوزتش حمزه هتجوز واحد تانى وكده كده مش بحبه ..
سحر : بس ده مشلول
ثريا : بس غلبانه وراجـل وهيحافظ عليهـا ويحميهـا ..
سحر : انا خايفه ع احلامـ يا ثريا
ثريا : حمزه ابن ناس وغلبان .. وانتى ادعيلهـا اللي في الخير ربنا يقدمه ما انتى عارفه احلام راسها ناشفه ازاي
سحر : ربنا يسترهـا عليهـا .. هتموتنى ناقصه عمر
ثريا : مش يمكن من عشرتهمـ يحبوا بعض
سحر : يارب يارب يسعدهـا يا ثريا
**********************
تسنيم قاعده بليل ف البلاكونه بتبص ف الموبيل
وافتكـرت اسعد حبيبهـا
تسنيم : نفسي بقي لو تنطق يا اسعد هتموتنـى مشلوله بسبكك
ثريا : بتكلمـى نفسك يا تسنيم
تسنيم : لا يا مـامـا ابدا
ثريا : طيب اعملي حسابكـ ان ولاد خالتكـ جاين بكره من السعوديه
تسنيم : طيب عاوزانى اسعدكـ ف حـاجه
ثريا : اصحي بدري نضف الشقه ونعمـل حاجه ع الغدا
تسنيمـ : حاضر يامامـا
******************
تانـى يومـ
تسنيم : ماما همـ دول اللي طالعين
ثريا : اه همـ
تسنيمـ : همـا جاين يعزوا حمزه ؟
ثريا : اه ياحبيبتى
تسنيمـ : عشان كده جاين معظم لبسهم اسود
الباب بيخبطـ
ثريا : اهلا وسهـلا اهلا .. ازيك ياحبيبي حمدلله ع السلامه
سليم : ازيكـ يا طنطـ وحشانى
منى : ازيك ياخالتو .. نسومه وحشتينى ..
تسنيم : ازيكـ انتى يا منون .. عامله ايه
خالد : طيب انا هفضل كده علي الباب
تسنيم : ايه ده طولت امتى كده
خالد : لما انتى كبرتى انا كنت بطول
كلهم : ههههههههههه
سليم : بس بجد احلويتى يا تسنيم اوووي
تسنيم : (اتكسفت ) انتو رايحين لحمزه امتـى ممكن اروح معـاكوا
سليم : هنروح كمان شويا
ثريا : ريحوا وروحوا بكره
الباب بيخبطـ
امنيه : ازيك يا توته .. معلش جيت ف وقت مش منـاسب
تسنيم : تعالي ادخلي ..
امنيه : انتوا عندكـوا ضيوف
تسنيم : لا ادخلي دول ولاد خالي
امنيه : طيب بصي بس عشان مبقاش رخمه .. ده البدي اللي طلبتيه منى للفرح بكره
تسنيم : ميرسي يا مونى
ثريا : ادخلي يا امنيه .. حماتكـ بتحبكـ
امنيه : مش لما اعرفهـا الاول
ثريا : تعالي لسه هناكل اقعدي كلي
امنيه : ميرسي يا طنط ورانا حاجات كتير لازم اروح
ثريا : اقعدي بس .. متتكسفيش دول اخواتكـ
امنيه : يا طنط والله (ثريا قطعتهـا )
ثريا : اقعدي يا بت انتى
بعد شويا امنيه نزلت وكان الوقت متأخر خالد نزل وصلهـا
امنيه : ميرسي تعبتكـ
خالد : ده البيت
امنيه : اه
خالد : ماشي يلا اطلعي
امنيه : ميرسي تانى ع تعبكـ
خالد : تعبكـ راحه
زياد واقف من بعيد بيبص عليهـا
امنيه لما طلعت لقي اللي بيشد دراعهـا
امنيه : زياد !!
زياد : يعنى هو ده اللي بعتينى عشانه يا امنيه
امنيه : ده ده
زياد : انتى واحده خاينه .. بس كل اللي بتعمليه انك تعيطي شويتين عشان تصعبي عليا .. انا بتوجع وبموت وانتى مع غيري .. طيب انا مصعبتش عليكي لما وجعتينى
امنيه : زياد انا
زياد : انتى كسرتينى يا امنيه
ومشي وسابهـا .. وامنيه مش مصدقه اللي حصل وازاي هو يفهم كده
طلعت امنيه البيت
سحر : اتأخرتى كده ليه
امنيه : طنط ثريا عزمت عليا بالغدا وفضلت قاعده
سحر : طيب .. انا هقوم انامـ
امنيه : طيب فين احلامـ
سحر : جوه نايمه
امنيه فتحت الباب لقت النور مقفول
واحلام اول ما الباب اتفتح مسحت دموعهـا وغمضت عنيهـا
امنيه : خلاص بلاش اصحيهـا بقي
احلام فضلت ف الضلمه منهـاره من العياط مش متخيله ان فرحهـا بكره !! او كمان كام ساعه
يوم كتب الكتاب
احلام مطلعه جينز وبلوزه
سحر : الحقينى يا امنيه عشان هتشل اختك هتجيب اخرتى
احلام : بتزعقيلي يوم كتب كتابي
سحر : يابنتى حرام عليكي ليه كده .. انتى مش في وعيك علي فكره
احلام : ههههههههههههههههه بالعكس انا مبسوطه جدا هيبقي عندي نونو يا ماما
سحر : النونو ده مش هيبقي ابنك يا روح امك
احلام : بس هو مالهوش ماما .. وانا هربيه زي مامته
سحر : طلعي فستان حتى لو سهره يلا يا حبيبتى
احلام : لا هلبس جينز
سحر : ان شاء الله تولعي .. هحرق دمي علي واحده زيك
تسنيم بترن الجرس : فين احلام
سحر : احلام وقرف .. تعبت وكبرت عشان اموت ناقصه عمر
تسنيم : (بتبتص لاحلام وبتغمز ) مالها دي
احلام : مالهاش فكك منهـا عاوزانى البس فستان .. قالك فستان شيفانى هموت عليه اوووي (دموعها نزلت )
تسنيم : لو مش موافقه ارفضي احنا لسه علي البر
احلام : وبعدين يا تسنيم .. ما انا مسيري اتجوز .. وانا مش هحب بعد احمد استحاله
تسنيم : يلا طيب البسي وانا هدخل لامنيه اشوفها هتلبس ايه
تسنيم دخلت لامنيه لقتها بتعيط : مالك يا مونى
امنيه : مستنيه طول عمري فرح اختى الوحيده واكتب اخت العروسه وارقص واهيص واعزم صحابي.. في الاخر يبقي كده فرحها .. اروح بفستان زي ده يا تسنيم
تسنيم : معلش قدروا الحاله اللي هي فيهـا .. احلام جواها وجع حمله تقيل اووي .. كل اللي بتفكر فيه ازاي تنتقم من احمد وبس
امنيه : وهي عشان تنتقم منه تعمل في نفسها كده .. تتجوز واحد مشلول
تسنيم : (ادايقت ودورت وشها ) عندك حق
امنيه : ( افتكرت انه يقربها ) تسنيم انا اسفه والله مقصد
تسنيم : ولا يهمك .. بس حمزه مش مشلول هو رجليه عاجزه عن الحركه بس بيقدر يحركهم ساعات .. يلا عشان منتأخرش
كلهم نزلوا واحلام نزلت بلبس كأنها خارجه عادي
طبعا احنا في مصـر ومافيش بنت بتعمل كده مهما كانت مغصوبه علي الجوازه فاطبيعي او ستات الشعب المصري لازم يتكلموا علي خلق الله
اميمه : بصي القرف .. جايه كتب الكتاب بأيه
صفاء : امي والنبي عدي اليوم
اميمه : اعدي ايه وزفت ايه ياريتنى ماجيت
صفاء : ابتسمي الكاميرا بتصور
اميمه بضحكه مستعاره ابتسمت
- ياختى بصي البت لابسه ايه .. والنبي شكلها عامل عامله مع حمزه
- هيييي ياخبر وراسمه قدمنا دور المحترم يالهوووووي .. فعلا والله ولا مكانتش اتجوزت بالشكل ده
- ياختى ربنا يسترها علي وليانا ... مفكرتش في امنيه بعد العمله دي محدش هيبوصلها
- ولا ممكن تكون حامل عشان كده كروتوا الموضوع .. ايه ياسحر .. مالكوا كروتوا البت كده ليه لتكون عملت عمله
سحر : (صدمتها الكلمتين دول ) سيبوا بنتى في حالهـا .. محدش يجيب سيرتها وروحي شوفي بناتك اللي بشوفهم في عربيه شباب كل يوم
- اخس عليك وانا اللي جايه اجاملك يا سحر
سحر : هتقعدي بأحترامك هتتكلمي علي بناتى باللي في رجلي
امنيه : ماما اهدي
تسنيم : في ايه يا جماعه
سحر : اختك جبتلي الكلام يا امنيه ... بيقولوا غلطت معاه عشان كده بنجوزها بالمنظر ده
لحظه كتب الكتاب
- موافقه تتجوزي حمزه قاسم الاباصيري علي سنه الله ورسوله
احلام : (وبعد صمت طويل وغمضت عنيهـا وتخيلت احمد وهو بيقولها كتير عن اليوم ده اتنهدت وفتحت عنيها وبصت لحمزه )
حمزه في ساعتها قلبه وقف وافتكر انها مش هتوافق
- ها موافقه
احلام بتبص علي تسنيم وعلي اهلها اللي اتبهدلو من وراها ) موافقه
حمزه : (خد نفسه ومسح عرقه )
- موافق تتحوز احلام نبيل علي
حمزه : موافق
- اعلنكما زوج وزوجه علي سنه الله ورسوله
القاعه سقفت واهل احلام سقفوا من غير نفس وجم يسلموا عليهم
احلام جت تبوس ايد اميمه زي ما عادتهم بتقول لاكن اميمه كسفت ايديها
احلام اتحرجت جدا
سحر : انتى اللي عملتى في نفسك كده (ومشيت وسابتها )
طبعا احلام كانت ماشيه علي رجليها وحمزه ماشي علي كرسي متحرك
واقفين قدام العربيه لقت الشوفير فتح العربيه ليها وسلمت علي اهلها : ماما ارجوكي ادعيلي محتاجه لدعواتك
ودخلت العربيه
مستنيا حمزه يدخل لاكن اتأخر بتبص من الشباك
لقت الشوفير ومساعدين ليه بيشيلوه عشان يعرف يدخل العربيه
حمزه : اسف اتأخرت
احلام : عادي (ودورت وشها وبصت من الشباك )
وصلوا البيت
كل الناس رحبوا بيها
وهي سامعه بس صوت احمد
احمد : اول ما ندخل بيتنا هحضنك والف بيكي في الشقه كلها .. هجبلك شقه كبيره اووي يا احلام
احلام : هعيش معاك في شقه اوضه وصاله مش عاوزه اكتر
احمد : وبعدين بقي ندخل علي اوضتنا نغير ونقوم نصلي لربنا انه جمعنا بحلاله
احلام : احلي مافيك انك مبتنساش ربنا
احمد : لازم يوميها اشكره انه هحققلي حلمي
احلام : وبعدين
احمد : ههههههههههههههه لا وبعدين دي هقولك عليها يوم ما نتجوز ..
احلام بتبص علي المطبخ بتاع بيت حمزه
احمد : عارفه لما تقفي تعمللنا الاكل هاجي من وراكي واخضك واقوم حضنك جامد اوووي واهمس في ودانك بحبك
احلام : (بان علي وشها ضحكه مكسوره ) وبتبص علي الريسبشن
احمد : هقطعك في البلايستين ولا لما يجي فيلم تايتنك تيجي تقعدي في حضنى ونستغطي علي الكنبه واغطيكي بقلبي وانيمك
حمزه : ده بيتك يا احلام
احلام : (بصتله وفي سرها ) مش ده اللي كنت بتمناه
حمزه : في حاجه
احلام : ابدا في اوضتى
حمزه : قصدك اوضتنا
احلام : هي فين
حمزه : داده اشرقت
داده اشرقت : نعم
حمزه : وري لاحلام هانم اوضتها
داده اشرقت : اتفضلي يا ست هانم
احلام : انت مش هتطلع
حمزه : بطلع في الاسانسير
احلام طلعت هي وداده اشرقت فوق ودخلتها اوضتها ورتبت الهدوم في الدولاب واحلام فضلت قاعده علي السرير متحركتش
داده اشرقت : تصدقي انتى احلي من الست ميسا
احلام : هي دي صورتها
داده اشرقت : اه هي
احلام : حمزه كان بيحبها
داده اشرقت : كان بيحبها لانها مراته بس
احلام : امال المفرود يحبها ازاي
داده اشرقت : ست ميسا كات بنت خالته وهما بقي زي ماتقولي عادات ولا ايه انهم يتجوزا بس بينى وبينك ابنى حمزه عمره ماحب
اميمه : (دخلت الاوضه من غير ما تخبط لدرجه ان احلام اتخضت ) منوره بيتك
احلام : بنور اللي فيه
اميمه : ياريت تتعلمي بروتكول التعامل مع الناس من هنا ورايح انتى مرات حمزه الاباصيري اكبر رجل اعمال في الشرق الاوسط
احلام : (بتلعب في ايديها من التوتر ) حاضر
اميمه : كل اللي يعوزوا ابنى تنفذيه
احلام : حاضر
اميمه : وياريت وسام تكونى حنينه عليه
احلام : حاضر
اميمه : وتنسي بقي انك في يوم كنتى عايشه في شقه .. وتنسي حياتك الاقديمه وتعتمدي ان في خدامين هنا بيشتغلوا
احلام : حاضر
اميمه : وبلاش اللبس الجينز ده انتى دلوقتى متجوزه .. متخليش جوزك يبص بره
احلام : (بصت علي لبسها ) ماله لبسي
اميمه : جينز ومقفل .. ياريت تبقي انثي شويا
احلام : حاضر .. حاجه تانى
اميمه : لاخلاص .. (جت تخرخ رجعت تانى ) اه صحيح من الادب انى لما ادخل تقومي تقفي ده من الادب لو تسمعي عنه (وسابتها وخرجت )
احلام : (عنيها دمعت )
داده اشرقت : انا عارفه انك كرهتيها بعد الكام كلمه دول بس والله يابنتى الست اميمه مافيش اطيب منها ابدا
احلام : عادي يا داده
داده اشرقت : والله ياست هانم طيبه وغلبانه وقلبها بفته بيضا
احلام : ولا يهمك هتعود
حمزه : (خبط ودخل ) وضبطي هدومك
احلام : اه الداده وضبتهم
حمزه : شكرا يا داده تعبانكي
داده اشرقت : انا في خدمتك يابنى .. يلا اتهنوا سوا بقي ربنا يسعدكـوا
حمزه : (ابتسم ) شكرا يا داده اشرقت
خرجت داده اشرقت من الاوضه وحمزه قفل وراها الباب واحلام قاعده خايفه وشويا وهتعيط
حمزه : مالك
احلام : مافيش حاجه
حمزه : خايفه منى ليه
احلام : وهخاف منك ليه يعنى
حمزه : متستنيش منى حاجه يا احلام
احلام : (ضمت حواجبها باستغراب )
حمزه : انتى هتعيشي هنا مربيه لوسـام مش اكتر من كده
احلام علي قد ما الكلام ده ريحهـا احرجهـا اوووي
حمزه : فهمتينى طبعا
احلام : وفرت عليا كلام كتير اووي بجد
حمزه : انا عارف انك انتى مبتحبنيش والله واعلم ايه خليكي توافقي عليـا وترمي نفسك مع واحد مشلول وعنده ولد.. في الاول والاخر دي حاجه تخصـك انتى مش هدخل بس انا بردو عندي احساس متنسيش ده .. مش انا اللي مراته تموت يكون مع غيرها بعد اسبوعين
احلام : وانا مبسوطه اووي من الكلام ده لانى فعلا مش بحبك ومظنش انى في يوم هحبك
حمزه : ياااااااااا للدرجادي انا وحش ومتحبش
احلام : مقصدش المعنى ده
حمزه : ستى ولا تقصدي .. بصي يا احلام .. (وراح ناحيه الحيطه وشد الستاره وداس علي زورار احلام بصت بأستغراب ) دي اوضه سريه محدش يعرفهـا خالص انا كنت عاملها لما اتخانق مع ميسا الله يرحمها كنت بنام هنا ومكنتش ابين لحد اننا متخنقين انا هنام في الاوضه دي وانتى ووسـام هتناموا هنـا طبيعي جدا ..
احلام : خلاص تمام
حمزه : قدام كل الناس احنا زوجين طبيعين .. وانتى مبسوطه وانتى معايا
احلام : (هزت راسها بالموافقه )
حمزه : انا عارف انى اناني اوووي .. انتى حلوه اوووي يا احلام .. وصغيره والف مين يتمنى نظره منكـ ومكنش حقك تعيشي الحياه دي .. كان اقل حق ليكي انك تتجوزي بجد راجل يحبك ويصونك ويخاف عليكي وانا هعمل كل ده وهحبك فعلا زي اختى صفاء
احلام : بص انا عارفه انى مش هحبك ولو بعد مليون سنه وانت مش هتحبنى .. بس علي الاقل بلاش تجرحنى واجرحك بالكلامـ .. ياريت نحافظ علي مشاعر بعض ..
حمزه : تمام انا متأسف مكنش اقصد اجرحك
احلام : تمام ولا يهمك ..بس انا كده مش هقدر اخد راحتى في الاوضه .. في اي وقت انت تقدر تفتح الاوضه وتخرج
حمزه : الاوضه اللي جوا دي ليها باب يخرج علي اوضه المكتب متقلقيش .. خدي راحتك ولو حبه تتربسي انتى حره .. ده من هنا ورايح بيتك
احلام : مش عارفه اشكرك ازاي
حمزه : مش هنسيكي .. انتى هنا معايا مربيه وسام .. قدام الناس مراتى .. واياك في يوم مشوفش كل حنيتك وطيبتك خارجه لحد تانى غير وسام .. عن اذنك اه صحيح اليوم كله هتفضلي قاعده هنا معلش .. عشان المفرود ان اليوم فرحنا خلي كل حاجه ماشيه طبيعي
احلام : (اول ما حمزه خرج استغربت في حد انانى اوووي كده ) ورمت هدوما وحطت ايديها علي وشها ونعكشت شعرها من العصبيه
**************************
سحر وامنيه دخلوا البيت
سحر : كنت حاسه انى في كتب كتاب حد من قريبنا جيرانا
امنيه : كان نفسي يا مااما اكتب اخت العروسه واعمل حنه ونرقص يلا الحمدلله
سحر : اوام البيت فضي كده
امنيه : هتوحشنى اوووي بجد
سحر : يارب انا راضيه عن بنتى يارب ارضي عنهـا يارب واسعدها مع حمزه يارب .. يارب استرها مع بنتى .. يارب لو في خير مع الراجل ده قربه من بنتى لو شر اجعل فيه الخير وقربه من بنتى يارب خلاص بقي جوزها ومافيش راجعه في الجوازه
امنيه : انتى طيبه اوووي يا ماما
سحر : بكره تبقوا امهات وتشوفوا بنفسكوا يابنتى انا ادعي عليكوا واكره اللي يقول امين .. انتو حته منى ..
امنيه : طيب يلا نحط الاكل وناكل انا جعانه اوووي
سحر : مش هتنزلي الجامعه تشوفي الملازم
امنيه : بعدين بقي هتصل باي حد يجبهم .. يلا ياست الكل بقولك جعانه
سحر : اتصلي هاتي اكل سوري من ابو مازن
امنيه : ايوه بقي يا سوسو يا جامد
خرجت امنيه من الاوضه
سحر : ربنا يكرمك يابنتى يارب .. ازاي قبلتى تبقي معاه بالسرعه دي يارب عندك يارب
**************************
اميمه : داده اشرقت .. داده
داده اشرقت : ايوه ياست هانم
اميمه : خلي سعاد تحضر العشا عشان احلام وحمزه ياكلوا
داده اشرقت : هحضروا انا ياهانم بنفسي
اميمه : لا تعالي انتى نقعد شويا في الجنينه وهاتي وسام
داده اشرقت : حاضر يا ست هانم
******
بليل علي العشا
اميمه بتخبط علي الباب
احلام بتفتح الباب
اميمه : (بتبتص من فوق لتحت وبتحاول تجيب الاوضه من جوه تشوف فين حمزه واحلام لحظت ردت الباب سنه ) يلا العشا جهز
احلام : حاضر هقول لحمزه وهننزل .. بس انا بجد مش بتعشي
اميمه : وقت العشا الكل بيكون علي السفره دي عادات البيت ده ياريت تحافظي عليه وياريت تلبسي حاجه قولت غير الجينز ده
احلام : حاضر
نزلت اميمه وخلتهم يحطوا الاكل
احلام بتخبط عند حمزه
حمزه : في حاجه يا احلام
احلام : طنط اميمه بتقول العشا مش هتتعشي
حمزه : انزلي وانا هنزل في الاسانسير
احلام : طيب هغير هدومي وهنزل
حمزه : (بابتسامه بارده ) براحتكـ
قامت احلام غيرت هدومها بس هي استايلها كلوا جينز وبلوزات مكانش عندها حاجه تانيه غير ده
اميمه : اهلا يا حبيبي
حمزه : (باس ايد مامته ) اهلا يا امي
اميمه : مبروك ياحبيبي مع انى مش مرتاحه للجوازه دي
حمزه : (بص لاحلام ورجع بص لمامته واحلام كانت بصاله وبصت في الطبق ) الله يبارك فيكي يا امي
سعاد دي كائنه شبه شمال .. اول ما جت كانت عنيها من حمزه ومن ساعة ما شافت احلام وهي متغاظه وعاوزه تطفشهـا
اميمه : الله يرحمك يا ميسا البيت وحش من غيرك اووي
احلام : ( هي اه ميسا كانت قبلها بس ادايقت اوووي من الكلمه دي ) انا لسه لحد دلوقتى مشوفتش وسام
داده اشرقت : خلصي واطلعي اقعدي معاه ياست هانم
اميمه : تخلص وتطلع مع جوزها اليوم كان كتب كتابهم
حمزه : اعملي اللي عاوزاه يا احلام .. سبيها علي راحتهـا يا ماما
اميمه : زي ما تحب يا ابنى .. انا بس عاوزه مراتك تكون معاك
سعاد بمياصه او بمعنى اصح بسهوكه : اصوبلك تانى شوربه يا حمزه بيه
حمزه : شكرا يا سعاد تعبك معايا
سعاد : ياريت كل التعب يبقي زي تعبك يا بيه
احلام : (باصه من تحت لتحت ورافعه حواجبها ) الحمدلله انا شبعت (جت تقوم )
اميمه : انك تقومي من علي السفره ده بستئذان
احلام : (قعدت تانى وبصت في الارض ) انا اسفه
اميمه : شكلك هتتعبينى اوووي وهعلمك حاجات كتير
حمزه : امي .. سيبي احلام تعمل اللي عاوزاه ارجوكي متخنقهاش
اميمه : ياحبيبي ده ليك عشان تشرفك قدام اي حد
حمزه : انا اتشرف بأحلام من غير حاجه يا امي والحمدلله مراتى متكسفش
احلام : (بينها وبين نفسها فرحت ان حمزه رد اعتبارها قدام مامته )
حمزه : (جه يمشي )
سعاد : استنى اساعدك يابيه
حمزه : شكرا يا سعاد
اميمه : (غمزت لاحلام انها تقوم بدل سعاد ) متسبيش واحده تستفرد بجوزك قومي فزي
احلام : حاضر حاضر انا اسفه .. حاسبي انتى يا سعاد انا هطلعه فوق
سعاد : مش هتعرفي انا متعوده اطلعه فوق .. مش هتعرفي انتى تتطلعيه في الاسانسير
حمزه : انا مش صغير هطلع لوحدي .. (سابهم ومشي )
سعاد : (بصت لاحلام ورفعت حاجبها وخبطت في كتفها ) عن اذنك
اميمه : (بصت لداده اشرقت ) شكلها هتتعبنى اوي البنت دي يا داده
داده اشرقت : والله يا ست هانم الست هانم الصغيره غلبانه وطيبه وعلي نياتها اووي صحبيها واديهـا فرصتهـا
اميمه : تفتكري يا داده
داده اشرقت : متخوفيهاش بنت لسه صغيره زيها في بيت كبير زي ده .. وكمان هتربي واحد مش ابنها حرام نقسي عليها
اميمه : انتى طيبه اوووي ياداده وانا هعمل بنصحتك
داده اشرقت : ربنا ميحرمناش من وجودك
****************
راحت احلام ودخلت اوضه وسام
احلام اول ماشافته : يا غلاصي علي الجمال .. انت ازاي حلو اووي كده .. تعرف ان عشانك انت قبلت اجي هنا .. بس مكنتش اعرف انك حلو اووي كده
حمزه وهو معدي قال يعدي علي وسام
وسمع احلام وهي بتتكلم
احلام : (شالته بين ايديها وقعدت تلعبوا ) تعرف ان انا واحمد كنا متفقين نجيب نونه زيك .. بس هو هجيبه من واحده تانيه خلاص .. انا من اليوم هعيش بس عشانك وعشان اكبرك واشوفك عريس وتتجوز اللي بتحبها .. ومهما كان مش هخليك تتخلي عنها زي ما احمد اتخلي عنى وخلانى ارمي نفسي في البيت ده ... بس بس يا حبيبي متعيطيش (غلطت في الكلمه ) ماما موجوده خلاص
حمزه : ( فرح لما قالت الكلمه دي واطمن انها هتعامله كويس )
حمزه : مشي وقابل سعاد
سعاد بدلع : عاوز حاجه يابيه
حمزه : وديلي كوبايه مايه علي اوضه المكتب
سعاد : من العين قبل العين
سعاد نزلت جابت مايه وخدت بالها ان احلام راجعه علي الاوضه قصدت تحليها تشوفها
احلام بردو خدت بالها انها رايحه علي مكتب حمزه وقفت ورا الباب تشوف ايه بيحصل
سعاد دخلت ملقتش حد في اوضه المكتب لان كان حمزه دخل الاوضه السريه وهي طبعا متعرفش رفعت حاجبها وفكرت تدايق احلام
علت صوتها شويا وهي كانت عارفه ان احلام بره : هيهيهي لا لا لا يا بيه الست هانم تسمعنا
احلام : ( حطت ايديها علي بوءها ومش مصدقه )
سعاد : خلاص بقي يابيه الله .. هو عشان انا غلبانه يعنى
احلام : (فكرت تدخل بس خافت اووي تشوف حاجه مش عاوزه تشوفها وقاالت اصلا انا مالي ومشيت بعيد عن الاوضه)
سعاد نعكشت شعرها وعملت الروج شويا وخرجت احلام بصتلها باحتكار ودخلت الاوضه ورزعت الباب
سعاد : يلا موتى بغيظك بقي ... كام يوم وتغوري من هنا
احلام : انا غبيه عشان افتكر ان واحد زي ده محترم .. انا خوفت منه اوووي
احلام قررت انها تنام في اوضه وسام مش هنا واحد زي ده ملهوش امان
الحلقة الرابعه من هنا
