#جريمتي_الثانيه 5
هيام:اااااه هههههه خيرك بديت متوحش هكي!
زياد:بعد من عليها ويشبحلها ..الزفت نسيتيني ان اليوم دخولي
هيام:ترتبله في حوايجه...تأخرت الساعه 12ره
زياد:فتح الشيشه وشربها دفعه وحده ...اححح
هيام:ساوتله القرواطه وبساته ...
زياد:يبخ في العطر...كيف بنوقف على رجليا قدامها الزح😂
هيام:حضناته منوالخلف...خليك معاي
زياد:تبي امي تقلب الدنيا امالا...نحي يابنت
هيام:باعدت وتتفرج عليه كيف يرتب في نفسه...طالع تجنن زياد محلاك
زياد:خدي نفاتيحه وابتسم ع جنب....عارف اي
_____________________
بسمه:مقعمزه في القاعه كان احساس غريب!!مقعمزه بين ناس متعرفهمش!! بس اختها معاها لحضه بلحضه !..كانت بسمه تراجي في اللحضه يلي بتشوف فيها زياد بدقيقه❤️بس في نفس الوقت كانت خايفه ومتوتره الف شعور مختلف حاوطها
شويه وخشت العروس الثانيه رغم مكياجها والڤيلو واضح انها كئيبه وكانت تبكي!...كلهم يسحابو الطلعه من حوش اهلها مأثره فيها ...مخطر في بال حد انها مجدوره على الزواج هاذا !لان محمد تتمناه كل بنت بي رزانته وعقله الكبير وزياده جوه حلو❤️..لكن مفيش حد يعلم بقصتها💔
____________________
بالبان:تي وين امك قلبت عليك الدنيا كلها وتالفونك مسكر
زياد:شرب اميه وسكر الشيشه....تذكر للفرخه متع عيادة الاسنان
بالبان:يلي حطتلها رقمك في كمامه😂😂
زياد:اي 🤤...تلاقينا اليوم ونضمتلها امورها
بالبان:تي اليوم دخولك ياكلب😨😨
زياد:وكان يعني زيادة الخير خيرين ..نقص حسد
بالبان:تعرف سنوات الضياع؟
زياد:يولع في دخانه،،،اي
بالبان:انت ضايع اكتر منها😂
زياد:😂😂😂😂يامتع اللوبان انت
محمد:يسلم على صحابه ويباركوله
زياد:استاذ اخلاق يستقبل المباركات والتهاني
بالبان:تذكر تهاني يلي تعرفت عليها في الحمام البخاري😂
زياد:هههههههه ياسلام ...شوف الزفت ملل ملل ملللللل كيف هاديين ويتكلمو بي ادب مع بعض ويبيني زيه بسيف
بالبان:وين الشباب موصلوش
زياد:لوح الدخان وضحك...اهم جو بيقربعوها
كان فرق كبيررررر بين اصحاب زياد واصحاب خوه محمد ..اصحاب محمد ناس عاقله وفاهمه كل واحد جاب هديه وباركوله مع زكره خفيفه❤️
اما اصحاب زياد العااااار🤦🏻♀️🤦🏻♀️...جايين بسلاحاتهم وسيارات ال ار بي جي تقول جايين لجبها والعاب ناريه اكتر من سكان قطر والاغاني يلي تربخ والزحره يلي موقفتش دارو شوشره غير طبيعيه قدام القاعه ومحمد متكنطي بس حاول يحافض على هدوئه
طلعو العرايس الزوز مع بعض كل وحده معاها اختها او اخت زياد لين وصلو لي سيراتهم ..
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
ماريا:مقعمزه في كرسي السياره كأن تحتها جمررر🔥قلبها يتقطع وحاسه نفسها بتموت حاسه ان بيغمى عليها من كثر الوجع يلي حاسه بيه داخلها
وجمبها محمد مقعمز يسوق مش عاطي فرحته لي حد ❤️حاس انه ملك الدنيا كلهااا ويستنى امتى يوصل بيها للحوش ...مش عارف الكارثه يلي رح يكتشفها !!
اما زياد ..يضحك طول الطريق ويتسابق مع صحابه بدون اهتمام لي بسمه نهاائي يصورو فيه صحابه ومل شويه يطلع من الروشن يهيج معاهم ع الاغاني وبسمه مصدومه كيف مش معبرها حتى!!💔
_______________
وصلو مع بعض قدام حياشهم يلي في حنان واخد مع الزحمه والسيارات يلي وراهم ...نزلو العرايس كل وحده لي حوشها وكل وحده فيهم قلبها واجعها بس اكيد جرح ماريا كان اكبر بي الففف مره!!
قدام الحوش جابو تدريجية العريس (عباره على فرقه )تقول في شوية مدح بعدين يضربوها شوط نوبه وتكمل بي فاتحه وكل عريس يمشي لي حوشه ❤️
_________________
محمد:خش لي حوشه وفرحته سابقاته ❤️متلهف يشوفها كيف طالعه بي الڤيلو وكيف رح تستقبله بس اول ما خش لدار كانت صدمته!
ماريا:حاطه رايها بين يديها وتبكي بلعبره ومكايجها كله خاارب💔
محمد:بعد دقايق وهوا مصدوم يشوفلها خذي منديل وقربلها ....لالالا ليش هاذا كله امسحي دموعك
ماريا:قامت راسها وساكته دموعها بس ينزلو!
محمد:يمسحلها في دموعها....عارف ان اول يوم صعب وانتي خايفه ❤️بس انا مقدر هاذا كله وحده وحده تتعودي على كل شي ...مسك يدها..متخافيش ومتنكديش على روحك بي اذن الله ندير كل شي يريحك
ماريا:ساكته ودموعها موقفوش
محمد:حرام ملاك زيك يبكي...يده على شعرك ويشوفله بي اعجاب ...كل شي خليه براحتك م......
ماريا:سحبت يدها بقوه وزادت تبكى...افهممم انا نكرهك نكرهك موووووت ولا عمرك جيت في بالي اصلا ومنبيكش وربي ايام العرس 5مرات حاولت ننتحر فيهم عشان متسكرش عليا دار بس انت حقيررر حتى كلمت خوك يوصلك المعلومه اصريت تاخذني😭💔
محمد:قعمز ع الارض مصدوم!!😨
ماريا:منبيكش منبيكش نكررررهك لو مش خوتي غصبوني عليك مكنتش هنايا اليوم
محمد:😨حس ان في شي داخله انكسر 💔حس بشعور كأن شي حرقه ويوجع فيه بس كان داااخلي كله
ماريا:وقفت بي الڤيلو....حسبي الله فيك مخليتنيش نفرح مع الانسان يلي نحبه ونبيه
محمد:وقف على رجليه رغم ان كان حيله مهدود💔نحى الجاكيت والقرواطه ولوحهم ع الارض وخش الحمام ووجها ميتفسرش!...احلامه كلها ادمرت في لحضه وحده
ماريا:وقفت ع المرايا تمسح في مكياجها بقوه ولقت مقص قدامها ...مسكت شعرها واذكرت كيف محمد لمسه ويشوفله بي اعجاب ❤️...قصاته دفعه وحده💔ورماته ع الارض وهيا تبكى
_______________
زياد:فتح باب دار النوم...تفضلي ياعروسه
بسمه:خشت وهيا الحشم غالبها🙈مش قادره تتكلم
زياد:طاح ع السرير بدون حتى ما ينحى كندرته
بسمه:قعدت واقف مش عارفه شنو ادير او كيف تتصرف؟
ترن ترن ترن
زياد:خذي تالفونه...نضمي امورك انتي وخودي راحتك تو نجيك
بسمه:هزت راسها وهيا مصدومه في اسلوبه معاها!
زياد:طلع للبلاكونا يحكي ع الهاتف
بسمه:بعد جهد جهيددددد نحت الفيلو ...خشت الحمام غسلت جسمها بي لوشن ريحته تجنن ❤️
ولبست روبها مع شوية عطور وطلعت ...قعمزت ع المرايه تفك في تسريحتها ومستغربه في زياد عطل هلبااا بي المكالمه !
زياد:سكر الخط وخش....ااااه شغل لاحقني حتى يوم دخولي
بسمه:ابتسمت بهدوء....ربي يعاونك❤️
زياد:الله يسلمك..اسمعي اسف والله تاعب اليوم لشيت بنركها نومه مش قادر حتى ناخذ ونعطي معاك
بسمه:زادت نصدمت اكتر في داخلها ...اءء لا لاعادي اكيد
زياد:نحى الكتدره والجاكيت والسوريه ورقد في سروال بس!
وبسمه قعدت ربع ساعه مصدومه تحاول تفهم شن صار قبل شويه؟؟؟؟؟😂
___________________
محمد:طلع من الحمام وجها احمررر وعيونه متورمات
ماريا:كانت خايفه من ردة فعله وتوقعت حتى يقتلها بي الضرب!!..بس مكانش فيه حل تاني ..مستحيل تخليه يمسها هيا مش متخيله روحها غير مع فيصل وبس❤️
محمد:شاف شعرها طايح ع الارض...زاد انكسر اكتر💔💔💔....حكي كلمتين وقلبه يتقطع يحاول يبين قوي بس صوته يرعش من كثر الصدمه!
محمد:مستحيل نجي جيهتك لو عارفه ان يلي يبيك راجل وياخدك بعد تطلقي 3شهور وربي معاك
منبيش تروحى من اول يوم ويحكو علينا بي العاطل
ماريا:صدمها رد فعله...بس قبل ما تحكي طلع وسيبها !!....في اللحضه هاذي بدات وجعها محمد💔صح شنو دنبه هوا؟؟؟بس يستاهل هوا اصر يتزوجها ختى بعد عرف من زياد انها متبيشي!
متعلمش ان من كثر حبه ليها كذب خوه وصدق قلبه💔
🔥رِوايـَــــاتْ بـــــَــــنـــو تــِةْ الشــِـــيـــــــخْ🔥
🔥أَروى الطــَـــاهـــــِرْ المــــســـلاتـــــــــي🔥
بعد ليله طوووويله فاتت على بسمه يلي طول الليل فاتحه فمها تتفرج على زياد كيف راقد بطريقه همجيه ومش مدورها كأنه مفيش غزاله جنبه ❤️كأنه مش دخوله اصلا!...تالفون زياد مسكت اتصلات ومسجات طووول الليل متجرأتش ومسكت تالفونه لان بسمه بطبعها خوافه وهاديه هلبا ..ولانها نيه بزياده تسحابه الاتصالات كلها بخصوص شغله !!
اما ماريا..فاتت ليله طوووويله عليها لانها ليلة هم !تفكر في فيصل هل تكلمه وتقوله؟وخوتها كيف " يتعاملو معاها لما يسمعو بي قصة الطلاق؟
وهل يجي يوم ويفضحها محمد؟؟
____________________
ثاني يوم:-⛅️⛅️⛅️
بسمه:واقفه تشوف لي زياد ...زياد زياد
زياد:فتح عيونه...خليك خليك امى خاشه اناضار تو نعاودلك 😴
بسمه:ضحكت...زياد زياااااد
زياد:فتح عيونه اهااا
بسمه:صباح الخير
زياد:فاتح عيونه على وسعهم يتفرج على جمالها في البجامه الستان الورديه وشعرها الاسود الطويل يلي مات فيه من اول مره ...ابتسم ابتسامته السحريه...صباح الورد
بسمه:صباح النور ❤️جهزت الفطور
زياد:يفصل فيها ...تي اما فطور وانتي موجوده🤤
بسمه:خدودها حممممر...اء اه ههه🙈
زياد:قعمز ع السرير ويعدل في رقبته...خلي ندوش قبل
بسمه:نوتياك حوايج
الحلقة السادسة من هنا
